رواية روح معاه وخلني استمتع بنغمة بكاي -23

رواية روح معاه وخلني استمتع بنغمة بكاي -23

لينا:دكتور مهند..البندري البارح بالليل..تعبت..

مهند لف على البندري:عشان كذا..خلااااص انا الحين طمنتك ولا ماتثقين فيني..

البندري:مشكور دكتور ماقصرت..

مهند ابتسم:ولو واجبنا..

ام خالد:طب الحين شبتسوي ..عشان تخف..

مهند:بس بنغير لها دواها ..لانه دواها مااعاد ينفع..وانشاء الله..هي احسن..لينا..

لينا:نعم دكتور..

مهند:عطني البندري الدواءاللي كتبته..

لينا:انشاء الله...

مهند:يلااا انا استاذن..تامروني على شئ..

ام خالد:تسلم..ماقصرت ياوليدي..

البندري:دكتور..

مهند:هلااا..

البندري:متى بطلع..

مهند:انشاء الله بكرهـ..

$$$$$$$$$$$

وليد:هههههههههههه..وربي انه خرافي هالولد..

عبدالله :من جد..

وليد:تدري عاد..هو كل يوم يوصل..البنات للمدرسه..عاد اليوم..اخذ اجازه .وحظزنوا عليه البنات..

عبدالله:خخخخخ..الله يهديه...محد قال له..يتفلسف..

وليد:صدقت والله..

عبدالله:الا تعاال انت..ماقلت لي تبيني اليوم بامر ضروري..

وليد:اي حبيت اوريك..اخر تطورات البيت..

عبدالله:لييه صارت تطورات..

وليد:اي..سويت قبو..

عبدالله:شنو..

وليد:بتصير غرفه النوم..في القبو..

عبدالله:ياخطير..

وليد:خلنا نخلص شغل واوريك..شسويت..وربي يعجبك..

عبدالله:الله يهنيك..

وليد:تدري دايما احمد ربي واشكره..على ابوي..يعني كل شئسواه لنا..كان بمصلحه لنا..واولها شرى لكل واحد من عياله ..ارض..

عبدالله:عمي كنز ياوليد..عمي كنز مايقدر بثمن..تدري..كل عمامي غييير..غييير..الا ابوك..هو الوحيد..المتفهم لحال عياله..

وليد:هو متفهم متفهم وبقووه بعد..

عبدالله:شفت ابوي..زوجني من ساره ..عشان فلوس ابوها..وزوج ..سلمان من ولايف عشان ورث عمي..يعني بخاطري اعرف وش بيستفيد..

وليد:ماتدري يمكن مخطط انه يخليكم..تصيرون من تحت زوجاتكم..الشئ اللي هو ماصاره..

عبدالله:ههه..والله احس تفكيره عجيب..تدري حتى عمي بوخالد..تحكم في حياه عياله..خالد يوم طلقه من الانسانه اللي اختارها ..يعني كلهم حكايه ثانيه..

وليد:طب عمي سامي ماتكلمت عنه..

عبدالله:عمي سامي حنا ماعشنا معااه..فما اقدر احكم عليه..

وليد:تدري عايلتنا..فيها الكثير من الاسرار..المدفونه..يعني كل واحد مخبي شئ..وراه مصيبه..

عبدالله:وانت وش اللي مخبيه..

وليد طالعه:انا الشئ الوحيد اللي خبيته حبي للبندري..

عبدالله:ههههههههه..عاد تدري وليد..على قد ماتكلمنا في هالعايله ماااراح نخلص من الاشياء اللي فيها..

وليد:صدقت ..كل واحد قصته يبي لها كتب..عشان تفصفصها..

*خلصتواا حواركم..الاسري..الشيق..

لفوا على هيثم اللي كانت رقبته مايله..شاده عليه..وانفجرواا..

ضحك عليه ..ضحك مو صاحي..

وليد:ههههههههههههههههههههههه..هههههههههههه..وانت عادك..

هيثم وهو يدخل:لاتضحك لاالحين ارفع..يدي وادعي عليك..ترى دعوه التعبان مستجابه..

وليد:هههههه..وشبتدعي علي..هااااه..

هيثم:عبود..سكت صديقك..

عبدالله:ارتااح هيثوم..خخخ..كفايه مشوار الطريق..

هيثم:ومن قالك اني حبيت بنفسي خليت فهد ولد عمي يوصلني..

وليد يساسر عبدالله:تبيني ابصملك..انه خذااه طنازه..

عبدالله:ايه..

وليد:ماقالك شئ على راسك المعووج..

عبدالله:هههههههههه..

هيثم:حتى انتواا..حرااام عليكم..والله..ماترحمون..

$$$$$$$$$$

البندري:يمه والله مالي نفس اكل شئ..بعدين انا ابي اصوم اليوم..

ام خالد:وتزعليني..منك..يمه ..ربي اجاز لك الفطر انتي تعبانه..لاتبين تزعليني..

البندري:ماعاش اللي يزعلك يمه..

ام خالد:طب كلي..

البندري:انشاء الله..

خذت البندري صحن الاكل وجلست تاكل...

هنا دخل عبدالاله..

عبدالاله:هااه ..شالاخبار..شغلكم..

عبدالاله:انا ماعندي شغل واجد..اما مهند اففف اشغال الدنيا فوق راسه..

البندري:عنده مرضى..

عبدالاله:مرضى..ويقرى بعض الحالات اللي بيمسكها..

البندري:ولينا وين..

عبدالاله:تعاونه..

ام خالد طرت على بالها سالفه مهند ولينا..وانهم كان ممكن..يتزوجون..

عبدالاله:دوووم هالابتسامه ياام خالد..

ام خالد:ويااك الغاليه..

عبدالاله:تسلمين لي..

ام خالد:اقول عبدالاله..متى راح تتزوج..ترى طالت خطوبتكم..

عبدالاله:شطالت فيه يمه..

ام خالد:تزوج خلنا نفرح..من زمان مافرحنا..

عبدالاله طالع البندري:عن قريب بتفرحين بغيري..

البندري استحت ونزلت راسها..

عبدالاله:شعندي راعيه الحيا..

ام خالد ابتسمت لهم..

عبدالاله:ماجاكم احد اليوم..

ام خالد:ابوك اتصل بيجي بعد شوي..اما اخوانك مدري عنهم..

$$$$$$$$$

فهد:تومانورت الجامعه..

احمد:لوفيني ازغرط لك زغرطت..

يوسف:هههههههه..تكفى لاء..بيعتزلون الحريم الزغرطه..

احمد كش عليه:هااك..هذاا وانا ابي افرح فيك..

فهد:هيييييييه..احمدووووه الا يوسفاني عاااد..

يوسف:هه..خذلك جااك الثاني.."ويقلده"..يوسفاني...

احمد:ههههههههههه..محد قالك تدافع عنه خلك انقلبت عليك..

فهد:هاليوم بس بطوفها له..

يوسف:يقالك تهدد..

احمد:لاء يحاول..

يوسف:هههههههههه...

*اوووه مس يوسف هنا..

لفوا على وائل وشلته اللي جايين لعندهم..

خميس:حمدلله على السلامه..سمعنا انك كنت منوم..

يوسف طالع فهد..وفهد اشر بانه مايعرف..

وائل:هيييييييييه انت اكلمك..

خميس:يمكنه صار اطرم..

وائل:هههههههههههههو من قبل اطرم..

خميس:ههههههههه..بهذي صدقت..

وائل توه بينكلم الا قاطعه فهد..

فهد:مطــــــــولييييين..

عبدالمحسن:ليييه المكان مكانك..

فهد:مابقول غير الحمدلله والشكر..

هنا دق جوال يوسف رفعه..

يوسف:الو...هلا يمه..اي انا بالجامعه..خلاااص..انشاء الله..لالاتحاتين مافيني شئ..مع السلامه..

وائل:اووووه..طلع يتكلم..

خميس:ويتكلم للماما بعد..

وائل:هههههه..دلوعه..ماماتواااا..

يوسف وقف..

$$$$$$$$$$$$

هنا ينتهي البارت 13 الجزء الثالث..

مشاهد من البارت القادم..

*خبيت سنين..بس..خلااص..موقادر..نواف..ابي اشوف بعيال منصور..العيال اللي بنحرم منهم..لاكنهم..حارميني من قربهم..آآآخ لو عيالي جمبي..

*طبعا بابا يوسف بتسالني لييييه..بقولك مااعرف..الا اني من وانا صغيره عايش على هذا الوضع..

*شلوون يعني ..ماحبيتيه..

*فيك شده تعطي محاضره..

*انا قصدي لاتقولين لها ان معنا مهند..

*ابوي كان ناوي يزوجني وحده من بنات عمومتي..

*اناااا متقبلته كعم اما كزوج ام لااااااااااا..

مع ودي

صرخه وفا

ولهانه لشوفته

البارت 14

"الجزء الاول"

يوسف وقف ومشى..ولحقه فهد واحمد..

احمد:يوسف ماعليك منهم..

يوسف:...

فهد:تبيني ارجع لهم اسطرهم لك..

يوسف طالعه:اعرف اخذ حقي بنفسي..

احمد:يوسف يهمك هالهمجي يعني..

يوسف:ولافكرت فيه اصلا..

فهد:اجل شفيك..

يوسف:ماشي..بس جدي يبي يشوفني ..وهو عندنا بالبيت..

فهد:تبيني اوديك..

يوسف:لاء عندك الحين محاضره..

فهد:اقوول امش قداميي..يلاااا..

احمد:طيب عن اذنكم انا بوح المحاضره..

يوسف:فهد والله مالك داعي..

فهد:يوسف ان زودت بكلمه ..رااح تندم..

يوسف:امري لله..

$$$$$$$$$$

امير:فواز اللي تسويه موزيين لالك ولالاهلك..

فواز:هم اللي بدوهم اللي يستحملون ..خلاااص انا قرررت وقراري اتخذته عن قتاعه ..

امير:فواز..امك تحبك ..ومازعلت الا لانها تحبك..فواز مايزعل منك الا اللي يحبك..ولا لو شخص مايحبك مااهتم فيك ولافكر حتى يزعل..

فواز:بس من قال لك انها زعلانه هي مو زعلانه هي تبي تعاملني بطريقه تظن انه انا اعامل ناصر فيها..

امير تنهد وهو يطالع بفواز يجيه منا يجي مناك..

$$$$$$$$$$$

نواف:صاير شئ جابر..

جابر طالعه:...

نواف:جابر تكلم..

جابر وقف ومشى:تدري نواف ..سلاف زي بوخالد وبوعبدالله ..رافضين مهند..

نواف :طب لييييه..

جابر:تذكر سالفته يوم على لينا..

نواف:اما عااد..ماتبيه ورافضته عشان هالسالفه..

جابر:مهند محتاج لنا..صحيح كانت طريقته مو شئ يوم رفضها..قدام الجماعه..بس ماينلاااام ..وكان صغير ..وبو عبدالله وحسام الله يهديهم..

نواف:حتى لينا كانت صغيره..

جابر:امس كانت بتبط القربه قداام البنات..قهرتني..

نواف:جابر...ماتلاحظ انك قمت تحمق واجد..عليهم..

جابر:...

نواف:قبل جاتك ضغوط اكبر من كذااا..ولا سويت اللي تسويه الحين..

جابر جلس جمب نواف:تبي الصرااحه..

نواف:اكيد...

جابر قام وقف يمشي وهو يتنهد بالم..

جابر:كتمت بقلبي..وماقلت لكم عن اشياء..واجد..بس خلاااص..انا ماعاد فيني مااقدر احمل هموم اكثر..

نواف حط يده على يد اخوه..يحثه على الاستمرار..

جابر:نواف ..يوم حسام ضرب لينا..حسيت منصور يضربني انا..مارضيت عليها..مااقول هالكلام عشان امن عليها بخوفي..بس..بس..انا بشر..لي مشاعر وكيان...

نواف:جابر مافهمت..

جابر:طول عمري عادهم مثل عيالي..عادهم العيال اللي انحرمت منهم ومن شوفتهم..

نواف:وكلنا نشهد انهم مثل عيالك..

جابر:نواف ..انا ماقوله كلااام..نواف خلاااص مابجيب عيال..

نواف طالعه منصدم..

جابر:خبيت سنين..بس..خلااص..موقادر..نواف..ابي اشوف بعيال منصور..العيال اللي بنحرم منهم..لاكنهم..حارميني من قربهم..آآآخ لو عيالي جمبي..

نواف جزن لحال اخوه:جابر..

جابر:اتمنى..اتمنى..اشوف هاليوم..يوم يعاملوني بنات منصور زيين..

نواف:مايصير خاطرك الا طييب تبيني اكلملك لينا..

جابر:لاء لاتكلمها بتقول اني راسلك لها..

نواف:دخل تقول..عشان تعرف شقد انت تعزها..وهم باخذ سلمان انت تعرف شكثر تعزه..لينا..وكلمته على راسها..

$$$$$$$$$$$$

بوخالد:واله البيت من دونكم ..موشئ..

البندري:من دوني انا ولا من دون ام خالد..

فهد:وهذا سؤال تسالينه اكيد من دون ام خالد..ولاانتي احد بفقدك..

البندري فتحت عيونها وطالعته..

ورده:والله على الكذب مايندرى من اللي يقول راحت بنو وانطفى نور البيت..

فهد يسوي نفسه منحرج:لاتفضحينا..

البندري:اصلا عارفه قدري ماله داعي تفضحك..

بوخالد:والله قدرك عالي يابنتي..

ام خالد:الله يعلي مقدارك يابو خالد..

فهد:احين ابوي يدعي لبنو..ليييه تردين يايمه..ولاتبين تحسبينه انك موجوده..

ام خالد خزته وو خالد ضحك..

هنا دخلت لينا عليهم..

لينا:السلام عليكم..

ردوا عليها السلااام..

لينا:شلونك خالي..

بوخالد:بخير يابنيتي بخير..

لينا:دوم ياخالي..

لفت على البندري وطالعتها..

لينا:لاااا الوجه احسن من الصبح منور..

البندري:الحمدلله..

لينا بدت تكثف وتكمل شغلها...

بوخالد:الا وانا خالك وينه دكتور البندري مااشوفه...

ام خالد:بوخالد اللي مسك البندري مهند ولدعمها..

بوخالد:شـــــــــنووووووووو..

الكل طالع في بوخالد مستغربين..

ورده:يبه شفيك..

بوخالد طالع لينا:وهو من متى يشتغل هنا..

ام خالد:بوخالد شفيك..مهند.من امس استلم حاله البندري..

لينا:خالي في شئ..

بوخالد:لاء مافي شئ يابنتي..

وهنا دخل مهند..كان مبتسم لاكن ابتسامته تلاشت من شاف عمه..

مهند:السلام عليكم..

ردوا عليه السلام..

بوخالد طالعه بنظره..ثم طلع براا الغرفه..

ام خالد:تفضل يمه كمل شغلك..

مهند دخل وراح للينا..

فهد هنا قام له..

فهد:هلا والله..شخبار دكتورنا..

مهند:طيب شخبارك انت..

فهد:بخير..الا شخبار بنو اختي..

مهند:بنو..زينه.."وطالع فيها"..شوفها قدامك..غزال..

فهد حب يحرج البندري:اقوول يوهناد..لاتتغزل ..ترى اختي ترووح فيها..

لينا هنا:دكتور مهند..

مهند لف عليها:هلا..

لينا:هذي تقارير التخطيط..خلصت..زي ماطلبت جبتها..

مهند خذاها:اممم..البندري شخبارك البندري الحين.."جلس يتصفح"..

البندري:زينه الحمدلله..

مهند:بعد ماخذتي الحبه ماحسيتي بالآلآلآم ..نغزات شئ زي كذاا..

البندري:لاااء كل شئ طبيعي..

مهند وهو يرفع راسه مبتسم:والتخطيط يقول كل شئ طبيعي بس ..لاتجهدين نفسك اكثر من اللازم ..وحاولي تكونين متفائله..

فهد وهو يضرب صدره:خل التفائل علي..

مهند:خلاااص..نعتمد عليك..

$$$$$$$$$$$$

ام خالد:بوخالد عيب اللي انت جالس تسويه..

بوخالد:وانتي عاجبك ان هذا يعالج بنتي..

ام خالد:وللييه هو بشنو غلط..بوخالد..قول الحمدلله انها كاطاحت بيد غريب..وانت عارف خبايا مرض بنتك..

بوخالد:قلت مايعالجها..

ام خالد:بوخالد..ابعرف شئ واحد انت لييه تتعامل معااه كذا مو حراام عليك هااه..بوخالد مهند عالج بنتك مهند عالجها..

بوخالد:هو الوحيد اللي يعالج في مليون دكتور غيره...

ام خالد:بس مااظن في دكتور يقربلها ويخاف عليها ..تفهم وغير كذاا..انت مالك خل باللي صار بين مهند وابوه..

$$$$$$$$$$

خالد:ولدي يخاف مني شفتي شلووون؟؟

تغريد:خالد..محمد بس خاف انك تخانقه..

خالد:وانا لو بعرف السالفه بخانقه..

تغريد:خالد..اهداء..وفكر بعقل ..انت لو دخلت عليه وانت معصب ..بعمره ماااراح يقولك شئ..

خالد جلس هنا..

تغريد:قبل لما كانت تصير مشاكل..ماكنت اروح لابوي ..لانه ببساطه ..يعصب بسرعه ..كنت اروح لعبدالله اخوي لانه متفهم ويسمعني لاخر السالفه..

خالد ابتسم ووصلت له المعلومه..

خالد:تدرين انا بروح ابدل وانتي..جهزي حالك انتي ومحمد..بنطلع..

تغريد ابتسمت:انشاء الله..

راحت تغريد لغرفه محمد..

تغريد:حموووودي..يلا قووم بابا بيطلعنا..

تغريد جلست جمبه:اي يلا حبيبي ..عشان مانتاخر..

محمد:تغريد..خالد درى..

تغريد:حنا شقلنا حمود..

محمد:ابوي درى..

تغريد:انا ماقلت له..

محمد:طب وين بيودينا..

تغريد:مدري يلاا قوم..

$$$$$$$$$

يوسف:انا طييب ياجدي والله..

الجد:الحمدلله انك بخير..

ام فواز:حياك الله يبه..

الجد:الله يحيك..

يوسف:جدي وين خالتي بسمه مو هنا..

الجد:خالتك كل يوم مسنتره مع ولايف لهاكم يوم..

"يوسف هنا ابتسم على كلمه مسنتره "

ام فواز:ولييه شعندها..

الجد:تعرفين هي توها تدري عن امها..

ام فواز:الله يعينها وراحت لرحاب..

الجد:بسمه كل يوم ترووح تقنعها ..اما هي ..مو راضيه..

ام فواز:الله يهديها..

يوسف:بابا يوف..

الجد:ياعونه..

يوسف:ابي اكلمك بموضوع ..خاص..

ام فواز:يعني اطلع منها..

يوسف طالع امه..هو يبي جده لحاله بس مايتجراء ويقولها..

ام فواز:خلاااص انا بروح للمطبخ عن اذنكم بشوف امون لاتحوس..فطوركم..

طلعت ام فواز وراح يوسف جلس جمب جده..

يوسف :بابا يوسف..انا بكلمك عن امي وفواز..

الجد:وشفيهم..

يوسف:جدي امي مو نفس قبل تعامله..

الجد:اي.. درت عن خمايله كييف تبيها تعامله..

يوسف:كيييف؟!

الجد:امك..درتعن عمايل فواز معاكم ..

يوسف:عمايله!!

الجد:درت انه يعاملكم من تحت لتحت..

يوسف:من تحت لتحت؟!!

الجد:يوسف شفيك ترادد كلامي..

يوسف:بابا يوسف..شقصدك..

الجد:يوسف ماله داعي تخبي..خلاااص ..احنا درينا,,

يوسف:انتواا ميـــــن؟؟

الجد:انا وخالك سعد وامك..درينا عن همجيه فواز معكم..وضربه لكم..وتجبره عليكم..

بوسف:بابا يوسف..شهالكلااام..فواز عمره مامد يده علينا..انت فاهم الموضوع غلط..

الجد:وامك يعني تكذب علي..

يوسف بحزن:بابا يوسف فواز.."كتم عبرته"..فواز مستحيل يسوي اللي انت جالس تقوله..

*صحيح كلاام يوسف يتجدي..

لفوا على اماني اللي دخلت عليهم..

الجد:يوسف اماني..

يوسف:بابا يوسف فيك تتصل على خالي معاذ وتساله ..من سبب اللي يصير ..بابا يوسف ..انت اتهمت فواز طب وش دليلكم..

الجد:يوم اللي طحت فيه..امك شافته يضرب ناصر..

اماني:طب سالتوووه لييه ضربه ..سالتوووه..

الجد:...

يوسف:بابا يوسف..فواز تخانق مع ناصر...عشان ..عشان..اماني..لييه انه مااقاله انه تزوجت..ناصر جااه شايط ...ورما عليه كلاااام..ماستحمل فواز..وضربه..وبعدها طاحت امي عليهم..بعد ماشافت هالمنظر..لاكن ناصر ماكفااه اللي صار وضرب فواز..وفقع راسه..

الجد:شلووووون؟؟

يوسف:هذا كل الي صار بذااك اليوم..وهي اول مررره واخر مرره..

الجد:وانت ..ماتقول لي لييييه ضربك..

يوسف هنا طالع جده مظطر انه يفصح عن اللي بداخله عشان يبرئ ساحه اخوه وابوه وصديقه..

يوسف:انا..انا..مو فواز اللي ضاربني..

هنا الجد طالعه:اجل من..

اماني طالعتهم وانسحبت..

يوسف نزل راسه:ابوي

الجد:!!!!!!!!!!!!!!

يوسف:طبعا بابا يوسف بتسالني لييييه..بقولك مااعرف..الا اني من وانا صغيره عايش على هذا الوضع..

الجد:؟؟؟؟؟؟؟؟؟؟؟؟؟؟؟؟؟؟؟؟؟؟

يوسف:واللي يداري هالموضوع ويخبيه هو فواز..فواز يابابا يوسف..

الجد:لاحول ولا قوه الا بالله..

يوسف:ماكنت احسب انه هذا ظن امي في الغالي..

الجد:لاتلومها ..اخوك ناصر..هو اللي قايل لها كذاا..

يوسف:حسبي الله عليه..

الجد:لاتتحسب عليه..

يوسف:بابا يوسف..كلم امي..فواز ماله ذنب..

الجد:انشاء الله..لاتحاتي..

$$$$$$$$

مهند:هلا خالي..حيااااااك..

جابر:لايلا تعال انا جااي اخذك..

مهند:وين..؟

جابر:بنروح لامك..انا كلمتها امس..قالت ماااراااح تقدر تطلع..انت عارف هي بالعده..

مهند:بس..

جابر:لابس ولاحاجه..

مهند:خالي حسام..

جابر:خالك حسام.امس سافر..ومو راجع الا الجمعه..

مهند بفرحه:والله..

جابر:اييه..

مهند:يعني اقدر ازورها..

جابر:وباي وقت بعد..

مهند:خلااااص انا بطلع سيده بروح لها..

جابر:انا جاي باخذ لينا..ومره وحده نروح مع بعض لها..

مهند:ينا توها طلعت قالت تنتظرك ..

جابر:خلنا نروح لها..

مشى مهند مع جابر وخذتهم السوالف لين ماوصلوا لعند لينا..

جابر:السلام عليكم..

لينا:هلا وعليكم السلام..

جابر:هاااه..بنمشي..

لينا:ايييه عمي..

مهند:انابروح بسيارتي مايصير بعد اخليها..

جابر مسك يد لينا:خلااص نلتقي بالمواقف..

مهند:صار عن اذنكم..

لينا طالعت مهند وهو يروح ثم لفت على عمها ..وعم يمشون

لينا:عمي..

جابر:ياعونه..

لينا:مهند بيروح معنا..

جابر:اييه بنروح نسلم على عمتك رحاب..ومره وحده يشوفها..

لينا:وعمي حسام..

جابر:عمك حسام مسافر..

$$$$$$$$$$$$

بوعبدالله:شفت شلوووون كاتب كل حلاله باسم ولد هاللي مايتسمى..

بووليد:وكيف هو وحلاله..

بوعبدالله:انا لازم اروح لمهند عن سوايا ابوه..

بووليد:وعلى بالك انه مايدري..

بوعبدالله:لو يدري بظنك يرضى..

بووليد:دامه ابوه كيفه..بعدين انت شعليك ماضنتي بتخاف على حلاله لهذي الدرجه..

بوعبدالله:ترااه مو حلاله لحاله..

بووليد:اها قلت لي كذاا..اجل من الحين اقولك ترى تحلم مابيجيك شئ..واظن هذي مو اول مرره اقولك..

$$$$$$$$$$

ولايف:آه مدري ياعمه مدري..

بسمه:وانا اليين متى بقعد اقنع فيك..ولايف حبيبتي ..انتيعاقل وفاهمه ..لاتخلين الشيطان ..يلعب عليك..

ولايف:شتبيني اسوي..اروح اطب باحضانها واقولها ماصار شئ..

بسمه:صدقني هي مالها ذنب..

ولايف:عمه..انا تعبت من هالسيره وربي..

بسمه:انا اللي تعبت كل يوم ارددمثل الكلاام ولافي فايده..

ولايف:لو اقدر اعبر واعرفكم شنو اللي بداخلي..

بسمه:ماعلينا احييين..ماقلتي لي اخبارك مع العيشه هنا..

ولايف:زينه..جدتي طيبه مرره ..وحنونه..

بسمه:وسلمان..

ولايف:هه..سلمان..من يطلع الصبح يجي يتغدى ويرجع يخمد..ويصحى يطلع وبس..

بسمه:شلوون يعني ..ماحبيتيه..

ولايف:وهو عطاني فرصه عشان احبه.."قالتها وهي تضغط على نفسها ودمعتها تغورق في عينها هي تحبه بس هو يحب ورده"

بسمه:ياقلبي عليك..طب كلميه..

ولايف:شنو اكلمه فيه..خليني ساكته عمه انتي عارفه البير وغطاه..

بسمه:عارفه ..بس مايمنع تخطفين قلبه..

ولايف:عمه..انا مايهون علي اعيش مو واحد مسلم قلبه لغيري..وانا معه يفكر فيها بكل اوقاته..

بسمه:طب شيعرفك انه يفكر فيها..

ولايف:لما تتزوجين ياعمه رااح تعرفين هالاحساس..

*السلام عليكم..

ردوا على سلمان السلام..

سلمان:بسوم عندنا..

بسمه:اي جالسه مع بنت اخوي دامك انت ماتجلس معها..

سلمان طالع ولايف:ولييه هي مشتكيه لك..

بسمه:لاء..بس انا اشوف لي كم يوم اجي ماعمري شفتك الا مرتين..

سلمان سكت..شيقول..

بسمه:اقول سلمان بتطلع

سلمان:لاء..

بسمه:زيين..

تو سلمان بيرد عليها الا دق جواله شافه نواف..

سلمان:هلا والله نواف..

نواف:هلافيك..شخبارك..

سلمان:نحمد الله ونشكره..

نواف:وين اليوم وين عزمك..

سلمان:هذاني بالبيت..

نواف:فيك شده تعطيني محاضره..

سلمان:ههه..على من..

نواف:على لينا..اختك..

سلمان:اما انك قديم..لييه شفيها..

نواف:جابر صايره عسره معاااه..وانت عارف انت لك راي ثمين عندها..

سلمان:بس..

يتبع ,,,,

👇👇👇

تعديل المقال