رواية غرام وانتقام -52
هند بكت معه خافت صاير شي كبير خايفه تساله ويصدمها
هند رفعته عن صدرها شافت وجهه احمر من كثر البكي
هند بخوف يرحم والديك قول الي عندك ارعبتني
خالد بصوت باكي كسبنا الصفقه ياهند كسبناها
هند بكت من قلب الفتره الاخيره حست بخوف كبير لكن ما حبت تقول لخالد ويلومها من غير شعور سجدت لله سجود شكر وصارت تبكي بصوت عالي بسجودها
هند التفتت على خالد اللهم لك الحمد اللهم لك الحمد الحين بنطلع لمكه نعتمر
خالد بصدمه الحين
هند ايه وحط خبر عن الموظفين انهم باجازه اسبوع وعطيتهم دبل الراتب
خالد انا طالع لهم ابشره اجي القاك جاهز
طلع من مكتب هند وصل لمكتب مطلق
دخل عليهم والابتسامه مرسومه على وجهه
خالد وش البشاره
مطلق بحماس الي تبيه
خالد كسبنا الصفقه
الكل فرح هم وانزاح من على قلوبهم
الكل اللهم لك الحمد
خالد وهند عطتكم اجازه اسبوع وعطتكم دبل الراتب
وقف وليد انا طالع للمدير فيه موضوع لازم اخلصه قبل لا سافر
خالد واقف مستغرب وش بين وليد وبين هند
طلع وليد من مكتب مطلق وصل لمكتب هند طلب من السكرتيره تقول لهند انه يبيها ضروري
دخلت السكرتيره وقالت لهند الي تسترت وسمحت له بالدخول
دخل وليد وترك الباب مفتوح وراه قرب وجلس بالكرسي قدام هند
هند بجديه خير استاذ وليد فيه شي ضرور لاني بطلع الحين
وليد ايه حبيت ا قولك اني موافق على البنت الي اخترتيها لي
هند بجديه وافقت عن اقتناع
وليد ايه وشاورت اهلي ووافقو وصليت استخاره وارتحت
هند عندك اخوها اخطبها منه ومثل ماقلت الي بينا سر
وليد بابتسامه انتي على وعدك
هند مستغربه أي وعد
وليد وعدتيني اني اشوفها الشوفه الشرعية
هند بابتسامه وانا على وعدي واجل خطبتك بعد ما تشوفها
وليد ان شاء الله مبروك عليك الصفقه
هند الله يبارك فيك
وقف طلع ووصل مكتبه
عند هند
طلعت من الشركه مع خالد
خالد بجديه هند وليد وش بينك وبينه
هند شغل
خالد بزعل من متى تخبين علي
هند بهالموضوع مستحيل اقولك لانه ما يخصني ولا تحن كثير لاني مراح اقولك
سكت وصلت القصر لقت اهلها مجتمعين حطت خبر عندهم انها بتعتمر عاتبتها نوره وعبدالرحمن انها ما قالت لهم كان اعتمرو سوا قالت انها مانوت الا متاخر
مطلق ومشعل طلعو من الشركه لديره ماصدقو ان هند تعطيهم ايجازه
وليد قرر يسافر بالليل بيشتري هدايا لخواته وامه وابوه
في شركة فيصل
كان جالس بمكتبه ينتظر خبر على احر من الجمر دخل عليه الموظف ووجه اسود
فيصل فز من مكانه وقرب منه وصار يهز فيه
فيصل بخوف وش صار
الموظف بحزن والم خسرنا الصفقه وكسبتها شركات بنت الفهد
فيصل انهار ورمى نفسه على الكرسي شلون شلون يعني فلست والبنك بيحجز على شركاتي وبنسجن بدال ما كسر بنت الفهد اكسرتني والحل والحل
الموظف الحل انك تلاقي احد يشيل عنك الديون واهم شي ينتكتم على خبر افلاسك لو انتشر الخبر طاحت سمعت شركاتك وصار ماتسوى اريال بسوق
فيصل بوجع من الخبل الي بيشيل عني ديون بالمليارات
الموظف مدري لازم تتسدد الديون بسرعه
فيصل بقهر وحزت والم اطلع وخلني لحالي
طلع الموظف وفيصل بمكتبه مقهور مجروح حتى بشغله هند حطمته وكسرته
طلع من لشركه وهو ما يشوف قدامه ما يدري وين بيروح ولا وش بيسوي بالمصيبه الي طاح فيها كلها ايام وينتشر خبر افلاسه وبعدها بينسجن
وصل لمستشفى نواف نزل وهو منهار على الاخر بيتعلق باضعف الحلول لحل مشكلته
في مستشفى نواف
كان جاسم جالس بمكتبه فترة استراحه دخل عليه نواف
نواف بستغراب جالس بمكتبك منت بطالع للكفتريا تاكل شي
جاسم بابتسامه افطرت مع ام جاسم
قطع عليهم دخول فيصل وهو منهار وشكله يخوف كلهم خافو من شكله
نواف امسكه بيده وجلسه على الكرسي
نواف بخوف وش صار فيك ليش حالتك حاله
فيصل حالتي هند بنت الفهد اكسرتني
جاسم فز قلبه وصرخ بوجه اخوه وش سويت بعد لها يالمجنون
فيصل بوجع وقهر وصارت دموعه تنزل دخلت بمناقصه كبيره وكانت هند الفهد داخله نفس المناقصه دخلت ابي احطمها واكسرها واخليها تفلس واحتمال تنسجن وتدمر علشان لما نخطبهن مره ثانيه ما يقولون طمعانين فيهن
وهي الي كسبتها وكسرتني وانا الي بفلس وبنسجن علي ديون للبنك بالمليارت مثل ماكسرتني بحرماني من اختها كسرتني ودمرتني بشغلي
جاسم من كثر ماهو معصب عطى فيصل كف قوي
جاسم بعصبيه وبصراخ تستاهل ماجاك وخيس بالحبوس والله والي خلق ما ساعدك بريال خل تهورك ينفعك نسيت ان الي بدمرها وبتسجنها بنت عمك قبل كل شي معورتك شلون مافكرت في اخوك وانت اكثر واحد تعرف اني مستحيل ارضى لها المهانه والمذله يا صدمتي فيك يفيصل
تتوقع اذا درن بنات عمك عن الي ناوي تسويه فيهن بيحبنك لا اصحى بدال مايكرهنك مره بيكرهنك مليون مره لو تموت مرضخن لك
انصدم من الكف وعيونه متعلقه بجاسم وانصدم من الكلام الي قاله اخوه هو كان يبي يوصل لغاده بكل الطرق الي انقلبت عليه
نواف قرب منهم وهو مصدوم من كل الي صار قدامه ومن انفعال جاسم ورفع يده على اخوه وقف عاجز ما يدري وش يسوي وش يقول الموقف كبير والي صار لفيصل اكبر
نواف جلس مقابل فيصل والحل مستحيل نترك فيصل ينسجن والمبلغ كبير من وين بنجيبه
جاسم بعصبيه وبقهر انا رافع يدي مالي شغل فيه خل تهوره ينفعه الله عطاها على قد نيته البطاله شلون طاوعه قلبه يوقف بوجه بنت عمه وبيسجنها ياحيف في الرياجيل الي مثلك يا فيصل
فيصل وقف وبصراخ خلاص كله علشان تحبها وتعشقها عساها الموت الي يريحنا منها من طلعت بحياتنا وحنا مدمرين الي صار لي شعره من مصيبها فينا
جاسم صرخ من قلبه خاف ان ربي يستجيب دعوته وتموت هند استغفر ربك لا تدعي عليها ادعي علي ولا تدعي عليها
هي ما تعرضت لك انت الي بديت معها الحرب وهي كسبتها تبيها ترضى وتوقف ساكته لك وتصفق لك انك بتنهيها ودمرها وبتسجنها
نواف يحاول يهدي الوضع بينهم تعوذو من ابليس الي صار صار مو كل واحد يعاتب الثاني ونسينا المشكله لا تنسى ان امكم مريضة ضغط لو انسجن فيصل هي الي بتروح فيها
جاسم بعصبيه وصراخ قول للخبل الي قدامك مافكر بشي الا انتقامه كنا نعيب على هند انتقامها وحقدها صار مثلها
فيصل ...........
نواف لازم نلحق نسكر الموضوع قبل لا ينتشر
جاسم بعصبيه على حلفي مستحيل اساعده ولا اوقف معه شيلوني من الموضوع طبخن طبختيه يارفله اكليه
نواف بياس طيب لكن فكنا من عصبيتك
نواف وقف والتفت على فيصل امش اطلع معي بنلقى حل ان شاء الله
طلعو تركو جاسم وراهم مقهور من اخوه وعلى اخوه
عند نواف
طلع مع فيصل برى المستشفى مرو كوفي شوب وهم ساكتين
نواف فيصل لا تبين شي لجداتك ولامك شي
فيصل بحزن كلها كم يوم والكل بيدري
نواف خنا نفكر بحل للبلوه الي طيحت نفسك فيها تعرف شركات ممكن تساعد
فيصل بابتسامه سخريه من الي بيدمر شركاته على حساب شركتي المنهاره
ولا من الي بيساعدني ويدفع المليارت علشان يحميني اذا اخوي ماساعدني تبي غيره يساعدني
نواف بحزن انت تعرف جاسم ووضعه مستحيل لو بيساعدك بيقدر يشيل كل ديونك
فيصل بحزن انا محتاج وقفته المعنويه اكثر من الماديه لكنه صدني
نواف بجديه تبي الصدق الي سويته شي كبير انا انصدمت منك انك بتسجن بنت عمك
فيصل بوجع مقهور منها كسرت جاسم وكسرتني انت تشوف جاسم ترى يتعذب بسبتها كل لليله يتقلب على سريره موجوع بسبتها وانا حالتي اردى من حالته صرت اتصرف من غير عقلي يمكن تصرفي تشوفه غلط لكن هذا الشي الي زرعته فيني هند كرهتها وحقدت عليها دمرتنا
وهي عايشه حياتها براحه وحنا نتعذب ابيها تذوق شوي من الي ذقناه لكن هذي بنت الفهد مستحيل تسمح نفرح فيها وتكتمل فرحتنا كل شي انقلب علي
نواف خلنا نطلع لبيتكم لازم ترتاح
فيصل من وين تجيني الراحه والمصيبه فوق راسي
نواف هونها وتهون
قام مع نواف وصله لبيتهم وكمل طريقه للمستشفى
في بيت ام جاسم
وصل فيصل وهو منهار تعبان خايف ان امه تكشفه حمد ربه ان امه عند جداته بغرفتهن طلع فوق بغرفته سكر الباب عليه ورمى نفسه على السرير وهو يفكر شلون بيطلع من هالمصيبه الي حط نفسه فيها
صحيح شركته كبيره لكن دخل في حرب خسرانه من قبل لا يدخلها اعمي عيونه قهره من هند وحبه لغاده
في المستشفى
حول كل المراجعين لنواف ماله خلق يقابل احد او يتكلم موجوع من اخوه مايبي يشوفه بعد الي صار
جاسم في نفسه بوجع معقوله كان بيقضي على هند ويذلها وفوق كل هذا بيحبسها مافكر فيني وش بتصير حالتي انا اتوجع قبل لا يصيبها الوجع شلون لو هي الي مدمرها وش بيصير بحالتي ياقسوتك يافيصل كنت ناوي تقضي على اخوك قبل لا تقضي عليها
مايبي يشوف اخوه قرر يطلع يومين لشرقيه ما يبي يضعف قدام فيصل ويساعده وهو حالف عارف مراح يقاوم اذا شاف اخوه كسير لكن لازم يتعلم من اغلاطه
طلع من المستشفى وسافر لشرقيه رفع جواله واتصل على امه وقال انه مسافر يومين وبيرجع عنده شغل بعدها سكر جواله
عند هند
وصلت لمكه اعتمرت وبعد اربع ساعات وصلت للبيت كان هادي طلعت فوق قررت تمر غرفة محمد
طقت الباب سمح لها بالدخول وقف وباسها
محمد تقبل الله عمرتك
هند منا ومنك
محمد لا تعبتي
هند لا ندمت محمد فيه شي مضايقك انا هند اختك
محمد بابتسامه موضوع باخذ رايك فيه لكن اذا فضيتي قلته لك
هند بحب تحرق بنفسك تنتظرني افضى قول ياعيون هند انا اسمعك لا تكتم بنفسك
محمد بارتباك قررت اتزوج
هند بفرح هههههههه وهذا الي عافس حالك جعله مبارك هذا يوم المنى عندنا
محمد بخوف ماسالتيني منهي العروس
هند منهي
محمد بارتباك حنان بنت خالي بدر
هند بصدمه شنووووووووو انت صاحي تتزوج بزر
محمد بحزن ايه حبها كبر بقلبي من يومها طفله طول هالسنين وانا كاتم بنفسي وهي ماهي صغيره بعمر زواج
هند بعصبيه تدري هي كم عمرها
محمد ايه 17 سنه وش تقولين عن اخوك الي انعمى قلبه وحب بزر
هند تعاطفت معه ورحمته وقررت توقف معه
هند بحب اذا تبيها والله ماخليها بقلبك لسعى بالموضوع على اني ضده اهم شي ماكسر قلبك ياخوي
محمد قام وباس راسها والله ابيها حاولت اشيلها من راسي لكن ماقدرت
هند بابتسامه طيب وش رايك تملك اول وبعدين لكبرت البنت تتزوجها
محمد بفرح ماعندي مانع اهم شي تصير لي مايتزوجها احد غيري
هند ان شاء بتصير من نصيبك وانا بتكلم مع امك بالموضوع واقنعها بعدين بكلم خالي بدر وحاول اقنعه
محمد متى
هند بحب اليوم ان شاء الله بكلم خالتي وبعد كم يوم بسافر لرياض عند خالي اقوله الموضوع تطمن تعرف اختك لحطت شي براسها بيصير باذن الله
محمد ماتقصرين
هند وقفت انا طالعه لغرفتي ارتاح وانت حط يدينك بمويه بارده الموضوع صار عندي وباذن ربي الي تبيه بيصير
طلعت من عند محمد محمد حس براحه انه فاتح هند بالموضوع ولا فاتح امه
عند هند
دخلت غرفتها دخلت الحمام اخذ ت شور ونامت
في بيت ام جاسم
عند فيصل
بغرفته ماله خلق يقابل امه وجداته لان بينكشف الدنيا سوداء بعيونه
سمع صوت الباب كانت الجوهره عند الباب دخلت شافت فيصل متسند عل السرير
الجوهره قربت وجلس على كرسي جنب السرير
الجوهره فيصل وش فيك امي ماشافتك من اليوم توقعتك ماجيت ارسلتني اتاكد انك فيه
فيصل بضيقه موجود وين بروح مالي خلق لاحد
الجوهره وش صار وش مغيرك
فيصل بضيقه الجوهره مالي خلقك ياليت تنزلين عند امي تقولين فيصل نايم برا ولا احسن تقولين لها مات
الجوهره وقفت بسم الله عليك انا نازله بقولها انك نايم
التفتت عليه قبل لا تطلع فيصل ماتدري جاسم وين مسافر
فيصل منصدم مسافر
الجوهره ايه كلم امي وقال مسافر بيغيب يومين عنده شغل واتصلنا على جواله مقفله
فيصل متاكد ان جاسم ندمان انه مد يده عليه علشان كذا سافر
فيصل مدري ماقالي اسالي نواف يمكن عنده شغل
طلعت من عند فيصل ونزلت عند امها تقول لها ان فيصل نايم
ام جاسم لقيتي اخوك في غرفته
الجوهره لقيته نايم
ام جاسم نايم المغرب متى جاء ماشفته
الجوهره ماسالته كان نايم
عند فيصل
سمع اذان العشاء توضاء ونزل وحمد ربه انه ما شاف امه طلع للمسجد وبعدها ركب سيارتها وهو مخنوق وقف في مكان خالي طلع من سيارته وجلس على كبوت السياره الجو الهادي وظلمت الليل خلته يبكي بوجع مافيه احد يستحي انه يشوف دموعه
تحول البكاء لنحيب موجع حس من كثر ما بكى ان روحه بتطلع دعى من كل قلبه ( اللهم رحمتك أرجو فلا تكلنى الى نفسى طرفة عين وأصلح لى شأنى كله لا اله الا انت ) حس براحه فتح سيارته اخذ قارورة ماء صحه غسل فيها وجهه وركب سيارته وحرك راجع للبيت وصل للبيت
في بيت ام جاسم
الجدات وام جاسم والجوهره جالسات يسولفن
دخل فيصل وهو يحاول بكل جهده مايبين ضيقته قدامهم دخل وهو يتظاهر بالابتسامه المصطنعه السلام
الكل وعليكم السلام
ام راشد وينك ماشفناك عساى ما يوجعك شي
فيصل لا مرهق من شغل متراكم بالشركه
ام جاسم احط عشاك
فيصل لا تعشيت برى بطلع لغرفتي ارتاح وراي دوام لازم اقو الفجر واداوم بالشركه
ام جاسم روح ارتاح
الجوهره متاكده ان فيصل في مصيبه من وجهه لانه حتى ماسال عن بنتها خافت ان بالسالفه غاده لان مايضايقه الا غاده
طلع لغرفته وهو يحاول يرمي همومه ورى ظهره بيهرب منها بالنوم انسدح على سريه وتغصب على النوم لين نام
عند جاسم
وصل لشرقيه وهو متضايق حجز له فندق بيرتاح فيه يومين طلع لجناحه ونزل ثوبه الوحيد الي عنده الي صار نساه ياخذ غيره
انسدح على سريره كله هموم منقهر من اخوه الي ضيع نفسه بسبب تهوره
منقهر من نفسه انه ترك اخوه يعاني بالحاله من غير لا يوقف معه
جلس يفكر بحل لمصيبة اخوه لكن كل حلوله عقيمه وهو بتفكيره نام
في الطائف
بعد المغرب
نزلت تحت لقت خالتها وام بسام وغاده جالسات يتقهون
قربت وجلست ما شاء الله متجمعين بدوني
نوره بحنان خليتك ترتاحين تعبانه من الشركه للعمره
هند بفرح باركو لي اليوم طايره من الفرح ربحت اكبر واقوى صفقه
الكل مبروك
هند الله يبارك فيكم وبهالمناسبه بسوي حفله كبيره لسببين اوله نتعارف مع اهالي الموظفين والسبب الثاني بمناسبة فرحتي بالصفقه
ام بسام متى بتصير بنستعد لها
هند نهاية الاسبوع الجاي معطيه الموظفين اجازه وانا اولهم مدتها اسبوع يعني بتطفشون مني
نوره بحب لو تقابليني العمر كله ماطفشت منك
هند وقفت خالتي ابيك بموضوع ضروري
نوره موضوعك مايتاجل
هند لا
قامت نوره مع هند ودخلن غرفة الجلوس
نوره بحب وش عندك هند منتي بخاليه
هند خالتي محمد كلمني يبيني اتوسط له توافقين انه يتزوج
نوره مستغربه هذا يوم المنى مايحتاج واسطه
هند بجديه العروس الي يبيها حنان بنت خالي بدر ويحبها ولا يبي غيرها
نوره من الصدمه وقفت شنووووووو هذي بزر توها متغطيه
هند يا خالتي يا حبيبتي محمد يحبها ويبيها وش يمنع انه يخطبها ويملك عليها ولخلصت الثانويه يتزوجها
نوره بجديه البنت صغيره على الزواج وانها تصير مسئوله عن زوج وبيت
هند بجديه هذي بنت اخوك بتكون قريبه منك وانتي علميها السنع احسن ما يتزوج وحده ماتخاف ربها تبعده عنك وحنان بتصير تربية ايدك ويكفي ان امها من خيرة الحريم تخاف الله
نوره بدت تقتنع طيب بدر اخوي ماضنتي بيوافق
هند يا خالتي تركي خالي علي وباذن الله باخذ موافقته اهم شي انك توافقين
نوره بستسلام يوم السعد ان بنت اخوي تتزوج ولدي والي مخليني ارفض عمرها
هند بجديه اتوكل على الله وفاتح خالي بالموضوع
نوره بابتسامه توكلي على الله
هند اجل اليومين الجايه بسافر له وفاتحه بالموضوع وان شاء الله ماجي الا بالموافقه معي
وقفت نوره ان شاء الله تاخرنا على ام بسام
رجعن لصاله دقائق ونادت الشغاله على العشاء تعشن ورجعن لصاله يسولفن وبعده كلن دخل لغرفته
هند دخلت غرفة محمد شافته سرحان وعدنان يطقطق على الكمبيوتر
هند محمد تعال لغرفتي
محمد قام ولحق هند لغرفتها
هند اجلس وش فيك خايف
محمد ليش اخاف
جلس على الكنبه الجانبيه وجلست جنبه
هند ابشرك اخذت موافقة امك على زواجك من حنان والباقي اني افاتح خالي
محمد مستغرب بسرعه هذي
هند بجديه تعرفني ماحب الامور معلقه واخليك مهموم اكثر من كذا اليومين هذي بسافر سفره سريعه لرياض لخالي بدر وان شاء الله اجي ومعي موافقته
محمد بفرح ا ن شاء الله
وقف محمد وطلع من غرفة هند
وهي دخلت الحمام اخذ ت شور ولبست بجامتها وانسدحت طلعت لها صورة جاسم فزت طلعت من الغرفه بتهرب من تفكيرها انزلت تحت لقت خالد جالس لحاله
قربت وجلست على الكنبه الي مقابلته
هند ليش مانمت
خالد طار النوم من عيني من سالفه دريت عنها بالصدفه
هند خير وش سالفتك الي مطيره النوم من عينك
خالد بجديه تدرين من كان منافسنا وفلس وتدمرت شركته وبينسجن
هند اهم شي كسبنا الصفقه والسوق ربح وخساره
خالد تدرين منهي شركته
هند من غير اهتمام خير منهو
خالد شركة فيصل ولد عمك اخو جاسم
هند وقفت من الصدمه وانتفضت من العصبيه
شنوووووووو
خالد الي سمعتيه فيصل بيفلس وبيتدمر وبينسجن
هند بعصبيه لازم انقذه من المصيبة الي حط نفسه فيها لكن شلون وكيف
خالد بجديه فيه حل وحيد هو تسديد ديونه بسرعه والتكتم عن الي صار لو انتشر خبر افلاسه وسجنه شركته بطيح طيحه قويه بالسوق و لو باعها ماتسوى فلس
هند مقهوره والخبل كم ديونه
خالد بالمليارات
هند بجديه انا بسددها له مستحيل ارضى انه ينسجن ويتدمر مستقبله علشان خاطر امه وجداته بسددها مابي احد يدري ان ديونه تسددت عن طريقي
خالد بعصبيه مجنونه بتسددين من غير ضمانات
هند بعصبيه لو انا الي طحت وصار لي الي صار لفيصل بترفض احد ينقذني من مصيبتي اكيد بتتشبث باخر امل علشان تنقذني
خالد شلون بتسددين من غير لايدرون
هند بكره الفجر بسافر لرياض حاول تدور اي طريقه رقم نواف وتطلب منه يقابلني بشركتي الي بالرياض وتطلب منه التكتم عن زيارته لي
خالد سهله رقم نواف باخذه من محمد كان على اتصال مع نواف يوم تعبتي بالمستشفى
هند الحين اطلع له واخذ الرقم واتصل عليه ضروري بكره يقابلني الساعه 9 الصباح
هند طلعت لغرفتها ونامت وبمكن الي بتسويه يكفر لو شي بسيط من الي سوته بجاسم وفيصل وترتاح
انسدحت على سريرها ونامت
طلع خالد عند محمد اخذ الرقم منه ونزل
رفع جواله واتصل على نواف
عند نواف
كان بالمستشفى بمكتبه عنده مناوبه وعنده حالة عمليات متاخره سمع صوت جواله شاف رقم غريب رفعه
خالد الو نواف معك خالد الفهد
نواف مستغرب من المكالمه هلا فيك خالد اخبارك بشرنا عنك وعن الاهل
خالد الحمد لله كلنا بخير انت بشر عنك وعن الاهل
نواف الحمد لله
خالد السموحه اني كلمت بالوقت المتاخر لكن اتصلت لك لامر ضروري
نواف عسى خير وش فيه
خالد هند الفهد تبي تقابلك بشركتها الساعه 9 الصباح لامر ضروري وتطلب منك التكتم عن الزيارة
نواف ليش وش عندها طالبتني
خالد بجديه بتعرف لقابلتها بكره بالشركه يله فمان الله
سكر نواف من خالد وباله مشغول بموعده مع هند خايف ان وراء هالقاء مصيبه
نواف في نفسه الله يستر منها ومن مصايبها
اليوم الثاني
بالطائف
عند هند
قامت دخلت الحمام توضت وصلت ورجعت تاخذ شور ولبست لبس الشغل واخذت شنطه صغيره حطت لها ملابس لبست عبايتها نزلت تحت لقت خالد ينتظرها
طلعو على طول للمطار ركبو طيارتها الخاص بعد ساعة وصلو لمطار الرياض
ركبت السياره جنب اخوها وطلعو لشركه الي اشتاقت لها كثير
خالد دخل مكتبه وهند كملت طريقها لمكتبها السكرتيره سوازان انصدمت وتفاجئت من وجود هند وقفت مصنمه وعيونه مبققعه على الاخر شلون الميت يرجع الي تشوفه مستحيل اكيد انها تحلم هند ماتت بكتها وبكتها حتى الوجع هند الي مستحيل تنسى فضلها عليها
سوزان بحالة ذهول وصدمه قربت منها هند وضمتها
مازالت سوزان بحضن هند تنتفض
هند انا هند بشحمها ولحمها قدامك والي انتشر كانت اشاعه وكلها كم يوم وبينتشر تكذيب خبر وفاتي
رفعت نفسها عن حضن هند وسمحت لدموعها بنزول
سوزان ودموعها على وجهها وبابتسامه الحمدلله على سلامتك خوفتيني
هند بابتسامه الله يسلمك واضح عليك الخوف اطلبي لي كبتشينو وانتي عصير ليمون يهدي اعصابك
سوزان بابتسامه ياااااااااااااه ياهند وربي فاقدتك ومشتاقه لك
هند حتى انا فاقدتكم كثيرررررر
هند دخلت مكتبها نزلت عبايتها وجلست على مكتبها بعد دقائق دخلت عليها سوزان بالكبتشينو حطته على الطاوله وطلعت
طالعت بساعة الجدار كانت 8 الصباح باقي ساعه عن موعدها مع نواف
بالشرقية
عند جاسم
قام على اذان الفجر توضاء وطلع للمسجد يصلي
بعد ماطلع من المسجد ركب سيارته وطلع للبحر نزل من السياره وصار يمشي على جنب البحر برجوله وصارت تلامس الماء
عنده رغبه ملحه انه يسمع صوتها نفسه يبارك لها على ان الخسران اخوه
جاسم في نفسه اااااااااه ياهند يا كثر شوقي ولهفتي لك نفسي اسمع صوتك واكون اول من يبارك لك لو الخسران اخوي شلون بتصل عليها وماعندي رقم لها
تذكر انها اخر مره متصله عليه بجوال مو جوال خالد اكيد جوالها
مسك جواله وصار يقلب بالمكالمات المستلمه يبحث عن اخر رقم اخيرا لقاه وكانه لقي كنز اتصل وهو ما يدري وش بيقول لكن ماقدر يمنع رغبته
اتصل وكان الجوال مغلق كرر الاتصال ونفس الشي فقد الامل انه يسمع صوتها
ركب سيارته راجع للفندق
بالرياض
عند فيصل
قام على اذان الفجر توضاء وطلع يصلي بالمسجد رجع للبيت طلع لغرفته وهو متضايق مهموم محطم منسده نفسه عن الاكل والكلام ماله خالق يطلع لشركته كل تفكيره منحصر على مصيبه اوجعه راسه من التفكير ولا لقى حل ينقذه من الي هو فيه متاكد كلها يومين وفضيحة افلاسه بكل الجرائد وبيسحبونه لسجن ويبقى طول عمره ذليل مايقدر يحط عينه بعيون بنات عمه
فيصل في نفسه والحل يا فيصل طول ليلي افكر وراسي اوجعني مالقيت حل ماعقول استسلم لفكرة افلاسي وسجني وابقى طول عمري ذليل كسير بعيون الكل واولهم بنات الفهد الي بيتشمتن فيني اااااااااه من تهوري الي ضيعني حتى جاسم انحاش وتركني
صار يبكي بوجع يمكن تبرد النيران الي بجوفه كله من تهوره الي دمره
عند نواف
قام توضا وطلع للمسجد ومن المسجد طلع للمستشفى وهو طول ليله سهران مع افكاره الي تجيبه وتوديه اول مره بحياته يخاف ويرعب من لقاء لكن هذي هند ينخاف منها
دخل مكتبه وجلس بالمكتب وهو بتفكيره
نواف في نفسه الله يستر منك ياهند وش ناويه عليه اكيد فيه مصيبه تنتظرني منك بحياتي ماخفت اني اقابل احد مثل خوفي اني اقابلها هذي هند ما يجي من وراها الا المصايب الله يصبرني لين وقت مقابلتها والله بنجن من التفكير ياترى وش عندك وش تبين فيني
بعد تفكير طويل قرر انه ما يقابلها والي يبيه يجيه لمتى هي تطلب والكل ينفذ شايفه الناس عبيد عندها على انه داخله محترق يبي يعرف وش تبي فيه
يتبع
في الطايف
صحت نوره صلت الفجر ورجعت تنام قامت على الساعه 9 نزلت لقت ام بسام وغاده بالصاله
ام بسام بابتسامه صايره شباب تنامين الظهر
نوره ههههههه طول عمري شباب تحسبيني مثلك يالعجوز
ام بسام الي يسمعك تقولين هالكلام يقول بينا سنين مو انا الي اصغر منك بكم يوم
غاده هههههههه شكلكن بتتضاربن علشان كل و حدة تكون اصغر من الثانيه
نوره غاده خالد وينه
غاده سافر الفجر لرياض مع هند عندهم شغل ضروري
نوره توقعت ان هند مسافر بخصوص موضوع محمد ودعت من قلبها انه مايرفض ويكسر قلب ولدها
بالرياض
عند هند
جالسه بمكتبها تنتظر نواف الي تاخر عن الموعد
هند في نفسها هذا وش عنده تاخر ليكون ماراح يجي
انتظرته نص ساعه وقررت تطلع له المستشفى معاد فيها صبر تنتظره واحتمال كبير ان مايجي طلعت من الشركه ركبت السياره مع السواق وبعد نصف ساعه وصلت للمستشفى
عن نواف
جالس بمكتبه وكل افكاره عند هند سمع صوت الباب تفاجئ بدخول الحرمه المتغطيه شاك انها هند
فتحت الباب ودخلت بكل ثقتها وهيبتها الي ملت المكان وتركت الباب وراها مفتوح
نواف عرفها اشر على الكرسي الي قدامه تفضلي استاذه هند
هند جلست على الكرسي بكل ثقتها
هند بجديه وثقة دكتور نواف كان بينا موعد مكن اعرف ليش ماحضرت ماحضرت
نواف بسخريه أي موعد ماذكر
هند كاشفه نبرة السخريه بكلام نواف لكن حبت تمسك اعصابها وتجاريه بالكلام
هند بجديه اتوقع اتصل عليك خالد وقالك اني ابيك بموضوع ضروري وكان موعدنا الساعه 9 الصباح بمكتبي
نواف بنفس السخريه والله يا ستاذه هند الي يبي الناس يجي لعندهم مو يامرهم يجون عنده وبكل وقاحه يحددون الموعد على كيفهم مافكرو بالطرف الثاني وفكرو بظروفه
هند ضاغطت على اعصابها هذاني جيت انبسطت يا دكتور لولا الضروره ماسكت على كلامك لكن بكبر عقلي لان الي جابني شي كبير طالبه منك تساعدني فيه
نواف بجديه ادخلي بموضوعك مابي اضيع وقتي معك
هند بسخريه احب اشكرك على استقبالك الراقي الي يدل على شخصيتك المبجله
الي جابني اني انقذ نسيبك وولد عمي من المصيبه الي حط نفسه فيها
نواف بسخريه وثمن هالمساعده انتي مثل الي يقتل القتيل ويمشي بجنازته
هند بجديه اولا يا دكتور فيه مشكله او بالاصح مصيبه وجايه احلها وثانيا والاهم ما كنت ادري ان فيصل دخل بالصفقه الي صار بسبب هبال وتهور نسيبك ومشكلته انه دخل بصفقة مرعبه من البدايه فيه توقع كبير بالخساره
ولا هو ذنبي اني كسبت الصفقه يعني بتنبسط لو اني الي بمكانه وفلست وانسجنت ادري انه يوم المنى عندكم تشوفوني منكسره ومحطمه لكن ربك يعطي الواحد على قد نيته انا عكسك يا دكتور اول مادريت تركت كل اشغالي وجيتك من المطار لشركه انتظرتك وغرورك منعك لا تجي عندي تعنيت وجيتك وستقبلتني احلى استقبال
نواف اخجلته بكلامها الي صغره قدام نفسه
نوف بجديه قولي كيف بتخلصينه من مصيبته
هند بكل ثقة بسدد ديونه كلها لكن عندي شرط صغير مراح يكلفك شي
نواف بسخريه قولي انك جايه تامرين وتتشرطين
هند بجديه شرطي اني ما ظهر بالصوره بحول المبلغ على حسابك وانت سدد للبنك واذا سالك فيصل من سدد ديونه دور أي كذبه تقنعه فيها اهم شي فيصل واخوه مايدرون اني ساعدته مثل مافهمت مساعدتي غلط اكيد فيصل بيفهمها غلط
نواف بستغراب تدفعين ديون بالمليارات من غير ضمانات وش بتستفيدين
هند بثقة بستفيد اني فرجت عن مؤمن كربه قبل يكون ولد عمي ياليت يانواف ماترفض شرطي
نواف بجديه اتركيني افكر بالموضوع وادرسه وارد لك خبر
هند بجديه مافي وقت لتفكير لازم نتصرف بسرعه جيتك من سفر ما قدرت اصبر وانت تقول افكر بسبب شرط بسيط
نواف بستسلام موافق على شرطك
هند بقوة تحلف قدامي على المصحف
نواف بعصبيه وصراخ وصلت معك تحلفيني على المصحف اذا ما وثقتي بكلامي لو تموتين قدامي ما حلفت على المصحف
هند بستسلام لاحول ولا قوة الا بالله امرنا لله شكلك متحامل وشايل علي لكن بثق بكلامك ولا تنسى المؤمنين عند وعودهم
نواف \ متى بيصير كل هذا
هند بجديه خير البر عاجله الحين طالعه للبنك بحول المبلغ لحسابك والباقي عليك
نواف بامتنان مشكوره وعتبريه دين علي برجعه لتوفر عندي المبلغ
هند بعصبية اسفه المبلغ هديه لولد عمي والهديه لا ترد ولا تستبدل
نواف مصدوم ان الي قدامه هند وللحين شاك فيها
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك