رواية غرام وانتقام -53
نواف بعصبيه وصراخ وصلت معك تحلفيني على المصحف اذا ما وثقتي بكلامي لو تموتين قدامي ما حلفت على المصحف
هند بستسلام لاحول ولا قوة الا بالله امرنا لله شكلك متحامل وشايل علي لكن بثق بكلامك ولا تنسى المؤمنين عند وعودهم
نواف \ متى بيصير كل هذا
هند بجديه خير البر عاجله الحين طالعه للبنك بحول المبلغ لحسابك والباقي عليك
نواف بامتنان مشكوره وعتبريه دين علي برجعه لتوفر عندي المبلغ
هند بعصبية اسفه المبلغ هديه لولد عمي والهديه لا ترد ولا تستبدل
نواف مصدوم ان الي قدامه هند وللحين شاك فيها
نواف بقوة وقسوة تدرين اني ماني بمصدق الي قدامي هند الفهد الي مايجي من وراها الا المصايب وتستلذ بتعذيب الناس
هند اوجعها كلامه و فتح عليها جروحها وذر عليها ملح لكن حاولت تكون طبيعية مستحيل تترك ايا كان يستلذ بوجعها
هند بجديه لهدرجه راسم صورة سيئة عني اجل اقول لك ماعرفت هند الفهد يمكن عذرك اننا تلاقينا بظروف سيئة يمكن تكون سبب وراء حكمك الظالم علي المهم عطني رقم حسابك
نواف كتب رقم حسابه بورقه ومده عليها
اخذت الورقه ووقفت بطلع من هنا للبنك بحول المبلغ على حسابك
رجاء لا تتاخر تطلع وراي على طول للبنك بيكون المبلغ وصل لحسابك تسد الديون واي شي يطلبونه انا حاضره
طلعت من مكتب نواف تاركته وراها مصدوم مستحيل تكون الي قدامها هند الفهد الي
عذبت فيصل وجاسم
نواف في نفسه مستحيل تكون الي كانت قدامي هند الفهد ام المصايب بتنقذ فيصل الي كان هدفه يدمرها بيصير لعقلي شي تدفع كل هالمبالغ من غير ضمانات اكيد انها انجنت او صار في عقلها شي او يمكنها ناويه مصيبه بفيصل انا وقف ضدها بالمناقصه وانا الخيط الي بيسهل عليها انتقامها مستحيل تكون تغيرت شخصيتها من السالب للموجب بهالسرعه على قولتهم اتبع الكذاب لحد الباب
قرر ينقذ نفسه من افكاره ويطلع وراها البنك يتاكد انها حولت على حسابه المبلغ ولا كل الي صار تمثيلية
عند هند
طلعت من المستشفى للبنك حولت المبلغ لحساب نواف ورجعت لشركتها ناويه تطلع من الشركه تزور خالها وترتاح الليله عندهم لازم الكل يدري انها عايشه وبتكلمه بموضوع محمد
عند نواف
طلع للبنك وتفاجى وانصدم ان الي صار عكس توقعاته هند حولت كل المبالغ على حسابه يعني كانت صادقه معه
نواف في نفسه مو معقوله كل الي قالته صادقه فيه لكن اموت واعرف وش مخبيه ورى هالتصرف وليه ماتبيهم يدرون انها الي سددت ديون فيصل اكيد فيه شي مدري عنه
اخذ المبلغ وسدد ديون فيصل بالكامل وبعد السداد رجع كل شي مثل اول
اخذ ايصالات تثبت انه سدد اللبنك ديونه
اخذ الاوراق وطلع لبيت ام جاسم
في بيت ام جاسم
وصل نواف دخل البيت كانت ام جاسم باستقباله
ام بسام ياهلا فيك يوليد وش مذكرك فينا الصبح
باس راسها عسى عمرك طويله عمه فيصل وينه ابيه ضروري
ام جاسم بحزن فيصل من امس ماهو عاجبني مقفل عليه غرفته ولا نزل ولا اكل شي اذا تعرف وش مضايقه قولي طمن قليبي
نواف بابتسامه متهاوش معه وجاي اراضيه تسمحين لي ياعمة اطلع له غرفته اذا ماعندك مانع
ام جاسم بابتسامه اطلع ياوليدي البيت بيتك وترى غداك عندي
نواف جعلك سالمه تارك مرضاي علشان فيصل مره ثانيه
ام جاسم الله يعطيك العافيه تعال اطلع له غرفته
لحق ام جاسم وصلته لدرج وهو كمل طريقه وصل لغرفة فيصل طق على الباب ماسمع رد فتحه شاف فيصل متسند على سريره وكل هموم الدنيا مرسومه على وجهه
نواف بابتسامه السلام وش عندك معتكف بغرفتك
فيصل بحزن مالي خلق لاحد حتى نفسي مال منها
نواف اوووووف كل هذا شكل مالك خلقي
فيصل بوجع نواف والي يسلمك ويعافيك ترى نفسي على طرف خشمي مالي خلق لملاغتك
نواف يتصنع الزعل هذا جزاتي طالع من المستشفى جاي ابشرك
فيصل بحزن ماعاد فيه شي بيبسطني وانا انتظر فضيحتي متى تصير
نواف بابتسامه والي يقول والي خلقك مراح تنفضح
فيصل بقق عيونه وش تقصد
مد نواف عليه الاوراق قراها بتمعن ورجع يعيد قرايتها اكثر من مره
فيصل بصدمه شلون وكيف من الخبل الي مضروب على راسه ومسدد ديوني
نواف بجديه الخبل محلفني بالمصحف اني ما قولك وهذ كان شرطه انه يساعدك
فيصل بحب اكيد جاسم ماطاوعه قلبه يشوفني في ضيقه ويتركني
نواف بجديه لا مو جاسم وجاسم مايملك نص المبلغ الي انت مديون فيه
فيصل بستغراب اجل من
نواف بجديه لو تحب السماء ماقلت لك اقول لك محلفني تبيني اخل بحلفي معه
المهم ان ديونك تسددت من الي سدد هذا مو شغلك والاهم ياليت تتعلم من الدرس الي صار ولا تكرر تهورك
فيصل تعلمت تووووووووووبه احط راسي برس بنت الفهد
فيصل كان هم كاتم على صدره انزاح حس انه طاير من الفرح صار بقلبه يدعي للي ساعده نفسه يعرف منهو بيرد له جميله الي بيبقى برقبته طول عمره
نواف انزل عند امك افطر بدال حبستك واذا جاء جاسم لازم تعتذر منه مهما كان انت غلطت وتستاهل الي جاك منه
فيصل بحزن وينه جاسم سافر وسكر جواله كله بسبايبي
نواف انتم اخوان مصيره ياليوم يا بكره بيرجع
فيصل بفرح انزل تحت انتظرني باخذ شور والبس وانزل معك بنمر مطعم عازمك على حسابي ماتتخيل اش كثر فرحتي الله يفرج هم الي ساعدني
نواف في نفسه لو درايت انها هند بتدعي لها نفس الدعوه ولا دعيت عليها بالموت
فيصل شاف نواف سرحان صرخ عليه نوووووواف
نواف فز وجع ليش تصارخ انا جنبك
فيصل بابتسامه اكيد تفكر بالجوهره
نواف مبسوط بتغير مزاج فيصل وصار من قلبه يدعي لهند قلبه يوجعه انه ظلمها
نواف بابتسامه انا نازل تحت ان تاخرت طلعت وتركتك
نزل نواف تحت وفيصل دخل الحمام
عند نواف
استقبلته ام جاسم وهو نازل من الدرج
ام جاسم بشر يوليدي وش صار
نواف بابتسامه ابشري بينزل وراي وبنطلع نفطر برى
ام جاسم بابتسامه الله يبشرك بالخير
ام جاسم دخلت عند امها وخالتها ونواف بالمجلس ينتظر فيصل
بعدر ربع ساعه نزل فيصل والوجه منور والابتسامه على وجهه طلع مع نواف للمطعم اكل بشراهه له يوم ونص ماكل شي
عند جاسم
جالس بالفندق من الصباح ماطلع طلب فطوره وافطر بغرفته مسك جواله واتصل على رقم هند كان يتصل وواضح انه نغمه دوليه تاكد انها سافرت بريطانيا لكن ماسمع رد
اتصل مره ثانيه
عند هنديانا
كانت طالعه مع على بمطعم شافت الرقم الغريب الي يتصل عليها طنشت لما عاود الاتصال خافت تكون هند وهذا رقمها الجديد
عند جاسم
فرح لما سمع الخط فتح
جاسم بحب وشوق ولهفه بصوت ذايب الوووو
هنديانا نعم من معي
جاسم حس بخيبه وصدمه عرف من الي ردت عليه اكره مخلوق على قلبه مستحيل ينسى صوت بلوته
تاكد ان هند متصله عليه برقم هنديانا
جاسم بحسرة والم اسف غلطان برقم
سكر الجوال ورماه على السرير وهو متضايق ومهموم الخيط الوحيد انقطع تاكد انه مسحيل يسمع صوتها الا اذا حنت عليه ورحمته واتصلت عليه
في بريطانيا
عند غاده
قامت غاده توضت وصلت ورجعت اخذت شور ولبست لبس الجامعه وطلعت
كان فهد ينتظرها بالصاله
غاده فهودي نفطر ولا نطلع
فهد لا بنطلع بنفطر في الجامعه
طلعت وهي حاطه يدها بذراع اخوها وماسكتها بكل حب
تقابلو مع صلاح الي طالع من شقته وعيونه مركزه على غاده من بعد ماسمعها تهذي ماشافها
صلاح السلام
غاده وفهد وعليكم السلام
صلاح بوجع يخفيه شخبارك غاده
غاده ببرود الحمد لله كيف كانت
صلاح الحمدلله
غاده فهودي ياله تاخرنا نزلو وعيونه تلحقهم
حس بوجع وغصه كل ما تذكر انها تهذي بسم فيصل
صلاح في نفسه يابخته فيصل الي تحبينه وتهذين باسمه ياليتني كنت محله وربي ماخليتك تعانين شكل هالفيصل اعمى ما يشوف
عن فهد وغاده
وصلوا لجامعه شافو ندى جالسه بمكانها تنتظرهم
غاده جلست جنبها فهد نظرتها التهمتها وهي استحت من نظاراته نزلت عيونه بحضنها من بعد اخر زياره وهي تتهرب منها
فهد اخبارك ندويه وين مختفيه معاد تنشافين
ندى بحياء عندي محاضرات والامتحانات شاغلتني
قرب منها وجلس بالجهه الثانيه لازق فيها
وقرب فمه من اذناه بصوت واطي حطي في بالك اليوم بتتعشين معي
ندى رفعت عيونها فيه وبحياء ماقدر عندي ضغط امتحانات
فهد باصرار عزيمتي بالليل يمديك خلصتي كلها ساعه وبترجعين اعتبريها ساعه راحه
ندى غاده معنا
فهد متاكد انها تتهرب منه بسبب اخر موقف
فهد بابتسامه وش يحشرها بينا ليكون خايفه اني اكلك
ندى وجهها حمر من الحياء برتباك هاه لا موقصدي
فهد بابتسامه الليله قبل العشاء وانا عندك لا تتاخرين علي
غاده طيب
غاده اموت واعرف وش السر الي بينكم
فهد اقول موتي بحرتك مراح اقولك
وقف انا طالع لمحاضرتي
في الرياض
عند هند
بعد ماخلص وقت الشغل طلعت من مكتبها لمكتب اخوها شافته مشغول باوراق قدامه
قربت وجلست قدامه
رفع راسه وشافها قدامه
خالد وين طلعتي الصباح
هند طلعت لمستشفى نواف الاخ غروره منعه يجي مكتبي قال ايش الي يبيني يجيني
خالد يعجبني وهذا الصح وش صار بينكم
هند بجديه حولت له المبلغ والباقي عليه بنتظر لين الليل وبكلمه بجوالك واساله
او كلمه انت بالنيابه مالي خلق نفسه الخايسه
خالد خليك منه انا بكلمه
هند خلصت شغلك
خالد باقي شغلا ت بسيطه وش عندك
هند بطلع معك للمطعم نتغدى ذابحني الجوع وبعد المطعم بروح لبيت خالي بدر بنام عندهم الليله
خالد بجديه ناويه تجلطينه انتي بنظرهم ميته بينصدم اذا شافك واقفه قدامه
هند بعصبيه لمتى ببقى ميته بعيون الي احبهم ليش ماقلتو لخالي بدر عن التمثيلية السخيفه
خالد هذا الي صار الحين احنا علينا من الي بيصير
هند لازم ازورهم اذا مدرو اليوم اني عايشه بيدرون بكره وانا بقابل خالي ابيه بموضوع ضروري مهم مايتاجل
خالد وش هالموضوع الضروري الي مايتاجل
هند اذا صار كل شي مثل مابي كلكم بتدرون عنه
وقف خالد ودخل الاوراق بدرج مكتبه وقفل عليهم وطلع مع هند للمطعم تغدو بعدها طلع لبيت خالهم بدر
عند فيصل
بعد ما طلع مع نواف وافطر حس نفسيته تحسنت طلب من نواف يوصله لشركته دخل مكتبه ودقايق دخل عليه الموظفه مهموم متضايق
الموظف بضيقه السلام سلامتك استاذ فيصل ليش ماداومت امس بالشركه
فيصل بابتسامه وعليكم السلام كنت افكر بحل لمصيبتي والحمدلله ربك افرجها
الموظف بفرح مبروك وربي مانمت من المصيبة وحابس نفسي بالبيت متضايق حتى ام العيال مطنشها مالي خلقها
فيصل بابتسامه نفس حالك لكن الحمد لله ماعندي ام عيال كان من ضيقتي فجرتها
الموظف شلون تسددت الديون
فيصل المهم ان الديون تسددن وكل شي بيكون مثل ماكان
الموظف اللهم لك الحمد
في الشرقية
عند جاسم
طفش من جلسته وحيد بالفندق قرر يرجع لرياض نزل تحت عطاء الفندق حسابهم ركب سيارته راجع لرياض
بالرياض
عند هند
بعد ماطلعت من المطعم طلبت من خالد يطلع لبيت خالها وهي مشتاقه موت له و من ردت فعله لشافها فجئة وخافت يصير شي ما تتوقعه
وصلت البيت طلبت من خالد يسبقها ويحط عند خالها خبر بعده يطلع لها وتدخل معه
دخل خالد وهند تنتظره بالسياره
طق خالد على باب خاله استقبله بلاحضان ودخل مع خاله المجلس
بدر شلونك وشلون اهلك
خالد الحمدلله كلنا بخير طمنا عنك
بدر الحمد لله بخير
خالد بجديه خالي فيه موضوع صار وتكتمنا عليه لكن كان اجباري وغصب عنا
بدر بخوف قول يابوك
خالد بقوة هند عايشه ما ماتت وخبر وفاتها كذبه بسبب خوفنا على حياتها
بدر تحجرت الدموع بعيونه منصدم
بدر بعصبيه وزعل ليه خايفين اني اضرها واعرض حياتها للخطر انت ماتدري انها اغلى علي من بناتي ماهقيتها منكم
خالد والله يا خالي هند نفسها ماتدري وغدرنا فيها وصدمنها بالي سويناه فيها ويوم درت زعلت وعصبت لانها تبي توجه الخطر ورافضه الهروب
بدر ودموعه بدت تنزل الي يهمني الحين وينها
خالد بالسياره خافت تنزل وتتفاجا بشوفتها ويصير فيك شي وطلبت اني احط عندك خبر بعدها بتدخل تواجهك
وقف بدر وطلع وهو ساكت وطلع برى البيت قرب من سيارة خالد فتح الباب جهة هند سحبها ووقفه وضمها لحضنه
هند تفاجات من فتحت الباب المفاجئة ولما سحبها استجابت لها
بدر وهند بحضنه اااااااااااه ياهند بكيتك وانتي عايشه اوجعوني اني ماحضرت جنازتك ولاصليت عليك ودعيت لك واوجعوني انهم كذبو علي ودموعه بدت تنزلت مايدرون ياهند انك اغلى من بناتي والله لو ماتت وحده منهم ماحزنت كثر ماحزنت عليك اسمع خبر وفاتك ودفنك كاني واحد غريب
رفعت نفسها عن حضن خالها وكلها وجع والم بسبب تصرفات اهلها الغير محسوبه وش ذنبهم الي يحبونها يتوجعون بسبب كذبه سخيفه
هند بوجع خالي والله اني مثلك موجوعه ومقهوره زوجوني من غير شوري وزوجي عطاني ابره منومه وخطفني ليلة زواجي بمكان ماعرف فيه احد وحيده بعيده عن الناس الي احبهم وجعي اكبر من وجعك ياخالي لكن عذرتهم ان سبب كل الي سووه خوفهم على حياتي طريقتهم غلط بغلط
بدربابتسامه الي يهمني الحين انك واقفه قدامي والباقي مايهم مايهم يابوك
هند بابتسامه نسيتني اسئلك عن احولك
شلونك يالغالي
بدر بخير جعلك بخير انتي بشر يني عنك
هند بابتسامه خالي شكلك ماتبي ادخلني بيتك وانا ناويه انام عندك الليله
بدر بابتسامه من فرحتي نسيتك ونسيت خالد بالمجلس من غير لا اضيفه
دخل بدر وهو ماسك يد هند دخلها المجلس عند خالد
بدر يابوك اجلسي عند خالد وانا بدخل احط خبر عند خديجه خايف لشافتك يصير لعقلها شي
دخل بدر داخل قال لزوجته الي تفاجئت وصارت تبكي من الفرحه تحب هند مستحيل تنسى وقفتها معهم في غايب بدر ومستحيل تنسى وقفتها معه والفضل لها بسبب وجوده بينهم
طلع من عند زوجته راجع للمجلس قال لهند تدخل عند خديجه
دخلت هند لقتها بستقبالها ودموعها على خدها هند قربت وضمتها
هند بحب شخبارك خاله
خديجه كلنا بخير ماتتخيلين فرحتي انا وخالك ان كل الي صار كذب بشريني عنك
هند الحمد لله سامحيني ضيقت صدروكم
خديجه دموع الفرح
هند بابتسامه الليله نومي عندكم
خديجه بفرح العين اوسع لك من المكان
هند وينهم بناتك
خديجه طالعات عند جدتهم مع اخوانهم كنت بالحقهم بالليل مدامك جيتي بنجلس معك
هند بقوة لا والله ما تجلسين علشاني روحي وانا راعية محل وشكلك لا رحتي بنام من الفجر قايمه
خديجه اجل ماني برايحه الا بعد صلاة العشاء وانتي اجلسي مع خالك بيجلس بالبيت
هند فرحت بتجيها الفرصه تتكلم مع خالها بالموضوع بروحهم
قامت خديجه اسمحي لي يابنتي من فرحتي نسيت اضيفك
هند وقفت مسموحه يالغاليه وانا بدخل اساعدك
خديجه والله ماتقومين من مكانك كل شي جاهز معلي الا اجيبه
دخلت المطبخ دخل عليها بدر اخذ قهوة لخالد ورجع للمجلس وخديجه اخذت القهوه ولحقتها الشغاله بالضيافه ورجعت لهند
صبت فنجال ومدته لهند اخذته هند منها الفنجال وصارت تتكلم معها عن الي صار لها وهند تجاوبها بكلمات مختصره من غير لاتدخل بتفاصيل حياتها مع جاسم
في الرياض
عند فيصل
طلع من الشركه راجع لليبت لقى امه وجداته بالصال دخل عليهن باس راسهن وجلس على كنبة منفرده
فيصل بابتسامه وش فيكم جالسات ساكتات ليكون اشتقتن لديره
ام راشد أي والله يوليدي جو الرياض يتعبني
فيصل بحب الي يقول ابشرن بالي يودكم لديره
ام موضي بنقول مايقصر يدور على راحة جداته
فيصل بابتسامه شرطي تروحن معي تجن معي البيت مظلم من غيركم
ام راشد ياوليدي يومين ماتكفينا
فيصل بحب لو تبن شهر حاضرين اهم انكم ترجعون معي
ام موضي بنرجع معك
فيصل تغديتو تراني جوعان وتعبان باكل وبطلع لغرفتي انام
ام جاسم ايه جاهز الحين بحطه
قامت ام جاسم وساعدت الشغلات وبسطت السفره على الارض وحطت الغداء
بعد الغداء طلع لغرفته دخل سريره بملابسه له يومين من صارت مشكلته مانام حط راسه على المخده غط بنوم عميق
في الرياض
عند خالد
خالد بعد ماصلى المغرب طلع لبيته تعبان بينام هناك وبكره الصباح بيجي لهند بيرجعون لطائف
عند هند
استمرت بالسوالف مع خديجه لين اذن المغرب صلت ورجعت لصاله يكملن سولفن بعد اذن العشاء
خديجه يابنتي من اليوم جالسه بمكانك ترى جهزت لك غرفة الضيوف
هند اذا تعبت بدخل انا
خديجه اجل طالعه ابدل وبطلع لبيت اهلي لاوصك ياهند البيت بيتك والي تبينه قولي لشغاله تسويه والله يعز علي اروح واتركك وراي لكن انتي الله يهديك حلفتي علي
يتبع
عند فيصل
قام على على صوت اذان المغرب فاته صلاة العصر قام توضاء وصلى صلاة العصر بالبيت وطلع للمسجد صلى المغرب رجع لجداته لقاهن جالسات يتقهون المغرب
قرب منهن وجلس يمه ليه ماقومتيني اصلي العصر صليته بالبيت
ام جاسم كان عندنا حريم يزورن جداتك وانشغلت معهن ماطلعن الا مع اذان المغرب
فيصل صبي لي فنجال قهوة يعدل راسي
ام جاسم مدت له الفنجال وهو اخذه منها
عند جاسم
وصل البيت لقى امه وجداته ومعهن فيصل يتقهون قرب منهن باس راسهن وقف له فيصل سلم عليه من غير نفس وطالعه بنص عين مستحيل ينسى الي سواه شي كبيرررر دمر نفسه ممكن ياسامحه بكل شي الا الي بنيته بتدمير هند ويكون سبب بكسرها واذلالها طالعه باخوه نظرات احرقت فيصل كلها عتب ولوم
جاسم عيونه تنطق ليه يافيصل اوجعت اخوك لهدرجه مشاعري مالها قيمه عندك المشكله انك عايش حبي يوم بيومه وشاركتك بعذابي
بدمرها وانت تعرف اني مجنونها نسيت وش بيصير في اخوك لو تدمرت وانذلت مستحيل ارضى عليها واله لطلب منهم يحبسوني وهي تعيش برى مستحيل ارضى براحه وهي تعيش بالعذاب معقوله ما فكرت فيني ونساك كرهك لها وانتقامك منها اخوك الموجوع
مستحيل اسامحك كله ولا هند يافيصل كله ولا هند
فيصل فهم نظرات اخوه ونزل عيونه نظراته احرقته اول مره اخوه يشيل عليه هالكثر تاكد انه يبي له وقت علشان يسامحه
ام جاسم شلونك جاسم وش هالسفره المفاجئة
جاسم بتعب بخير شلونك كنت بشغل يالغاليه خلصته على طول جيت
ام راشد اطلع لغرفتك ارتاح وجهك تعبان
جاسم بتعب بصلي العشاء وانام لو بنام الحين ماني بقادر انام بالليل
ام جاسم صبت القهوة لجاسم اخذت الفنجال منها شربه
وعيونه تسرق النظرات لاخوه وفيصل يتهرب من نتظرات اخوه القاتله
في بريطانيا
عند فهد
قبل العشاء بغرفته يكشخ طلع لقى غاده محتاسه قدامها اوراق وكتب
فهد غاده تعالي معنا نتعشى وترجعين
غاده وعيونها بالاورق وتاشر عليهم بالقلم
ماتشوفني محتاسه الي مستغربته شلون ندى وافقت تطلع معك وعندنا امتحان طويل
فهد غاصبها على العشاء
غاده بعتاب حرام عليك بعدين يضعف مستواه ويقولون بسبب فهد الي اشغلها عن دراستها ترها كل سنه تنجح بتفوق
فهد كلها ساعه نتعشى وبرجعها خليتيني مجرم
غاده بجديه انا اختك وفاهمتك لكن غيري مايفهمك
فهد بطلع لا اتاخر عليها ونتاخر برجعه
طلع من الشقه ركب سيارته وصل لبيت ارسل لها رساله يطلب منها تطلع له دقايق شافها طالعة تمشي بحركات بطيئة وصلت لسياره فتحت الباب جلست جنب فهد
ندى السلام
فهد بابتسامه وعليكم السلام ابي افهم ليش تتهربين مني كله علشان بوسه على خدك شلون لو تعمقت
ندى بحياء فهد ارجوك ارحمني من حركاتك الجريئة اذا كانت عندك عادي فعندي غير عادي راعي اني استحي
فهد بابتسامه خبيثه اوعدك ما ضايقك بحركاتي الحين لكن بعد الزواج مالك كلام علي بسوي الي براسي
ندى وجهها ولع حرارة حمرت خدودها
ندى .........
فهد بابتسامه اختاري أي مطعم تبين نتعشى فيه
ندى بابتسامه خجوله على ذوقك
فهد بابتسامه وش رايك بالمطعم الي تعشينا فيه ليلة ملكتنا
ندى خلاص نتعشى فيه وبنرجع بعد ساعه
فهد بابتسامه من الحين تحددين الوقت متى ما تعشينا يصير خير يمكن تعجبك الجلسه وتطلبين انك تجلسين اكثر
ندى بابتسامه تراك للحين ماحركت سيارتك
فهد بابتسامه شوفتك نستني
حرك سيارته وصلو للمطعم طلبو اكلات بحريه تعشو وجلسو شوي يسولفون وبعدها طلعو من المطعم وصل ندى لبيتها ورجع لشقته دخل الشقه شاف الصاله خاليه والاوراق ولكتب منثوره على الطاوله
دخل غرفتة غاده شافها غاطه بنومها طلع وقفل الباب بهدوء دخل غرفته غير لبسه ببجامه دخل سريره ونام
في الطائف
عند محمد
دخل لقى امه جالسه وحيده بالصاله قرب منها باس راسها وجلس
محمد ليش صاحيه ما نمتي
نوره انتظرك
محمد خير يالغاليه
نوره بعتب يوم انك تبي بنت خالك من زمان
ليش كاتم هالشي بنفسك طول هالفتره ماقلت لي
محمد يالغاليه خايف انك ترفضين وهند قريبه منك تعرف شلون تقنعك طلبتها وسيط لي عندك
نوره بحب متى بين الولد وامه وسيط
محمد السموحه اذا كان الي سويته زعلك كان عن حسن نيه مني
نوره بحب ما زعلت عليك انك توسطت بهند انت تعرف انها بنتي مثل مانت ولدي
الي مزعلني ومعور قلبي انك تعاني من غير لا تشتكي وتقولي
محمد الا على طاري هند وينها ما شفتها من اليوم
نوره بابتسامه اختك عند خالك ما قدرت تصبر من غير ماتتصرف بموضوعك ماتبيك تتوجع اكثر
محمد بابتسامه خوف الله يستر من رد خالي ويو وعدتني ماترجع الا برده معها وخايف رده يكون الرفض
نور بابتسامه تطمن مدام هند استلمت الموضوع تاكد بتجي ومعها الموافقه
محمد يارب انا طالع لغرفتي يالغاليه بنام تعبان من الفجر صاحي
الرياض
عند هند
جالسه بالصاله اطالع بالتلفزون بعد ماطلعت خديجه لبيت اهلها وطلع خالد لبيته
دخل عليها خالها وجلس جنبها
بدر بحب الساعه المباركه انك جينينا وفرحتيني بنومك عندنا الليله
هند بحب وانا اسعادتي اكثر
بدر شلونه عبالرحمن ونوره وخوانك
هند كلهم طيبين وابشرك فهد تملك
بدر بزعل تملك ولا حد قالي ولا احد عزمني تعتبروني غريب
هند بحب خالي ملكته برى ما حضرها الا خالي وخالتي وبالزواج نحتاج وقفتك معنا
بدر الله يوفقه ويسعده
هند بتردد خالي فيه موضوع بفاتحك فيه وخايفه من ردت فعلك
بدر قولي اسمعك
هند برتباك وش رايك بمحمد اخوي
بدر بحب رجال والنعم فيه
هند بجديه خالي الكلام الي بقوله لك ابيك تحكم عقلك قبل عاطفتك
بدر بخوف قولي جعله خير
هند خالي الموضوع مايخوف محمد من يومين كلمني يبي يخطب بنتك حنان انا كنت رافضه لان حنان بزر
بدر مستغرب متفاجئ مصدوم حنان مثل ما قلتي بزر كبيره عليها مسئولية الزواج
هند بجديه خالي انا ناقشت محمد بالموضوع وانا معك برايك لكن محمد يقول بيملك عليها والزواج لتخرجت من الثانويه
بدر اخاف يندم لتزوجها
هند بجديه خالي محمد يعرفها من يوم صغيره وهو شاريها لا تبيعه وهو شاري بنتك والله لوشاكه 1% ان محمد مو كفو ما سعيت وتعنيت وفاتحتك بالموضوع كان سكرته اول مانفتح
البنت مصيرها تتزوج لا تفرط بمحمد وهو تربية يدك وتدري وش وراه
بدر باقتناع على بركة الله بشاور البنت وامها والله يقدم الي فيه خير
هند خالي قول رايك انت رافض محمد زوج لبنتك
بدر بجديه فيه رجال عاقل يرفض زوج لبنته مثل محمد والله لولا عمرها كان غصبتها عليه لكن مدامك قلتي ملكه وبعدين الزواج ماعندي مانع
هند بابتسامه محمد ينتظر ردي على نار طالبتك ياخالي حاول بخالتي وحنان والله انه يحبها وحبه انزرع في قلبه من يوم كانت صغيره
بدر بحاول يا بوك الابو يدور الستر لبنته مع زوج يخاف الله فيها
هند بجديه خالي متى تعطيني ردك النهائي مستحيل ارجع لطائف من غير ما ترد علي اتمنى يا خالي تكون الموافقه ولا تكسر قلب ولد اختك تراه مهموم ومتضايق خايف انه يرفض
بدر بحب بكره ان شاء الله بتسمعين رد حنان وامها انا عني موافق يابوك محمد ولدي مستحيل اكسر قلبه
هند خالي تعشيت ولا اقول لشغاله تحط عشاء لنا
بدر لا ماتعشيت قولي لها تحط العشاء
قامت هند ودخلت وطلبت الشغاله تجهز العشاء وتحطه على الطاوله رجعت لخالها وقام معها تعشو ورجعو لصاله
بدر بحب يا بوك انتي راعية البيت وانا من الفجر صاحي بطلع لغرفتي انام
اطلعي لغرفة الضيوف نامي وارتاحي من جيتي سوالف مع خالتك مانمتي
هند بابتسامه جلست خلتي ما تنمل خذتنا السوالف ولا حسينا بالوقت
وقف بدر اجل انا طالع بنام
طلع بدر لغرفته
وهند دخلت غرفة الضيوف دخلت الحمام اخذت شور ولبست بجامه ودخلت وتمددت على سريرها تذكرت مصيبة فيصل تبي تتاكد وش سوى نواف مع البنك
رفعت جوالها طلع لها خالد شريحه بنفس رقمها الاولي اتصلت
عند خالد
كان منسدح على سريره سمع صوت جواله رفعه شاف رقم هند رفع الجوال
خالد بابتسامه وش هالازعاج
هند بجديه اتصلت بذكرك انك تتصل على نواف وتشوفه وش سوى مع البنك
خالد اخاف نايم الوقت متاخر
هند جرب مراح تخسر شي
خال طيب
عند نواف
كان منسدح على سريره والجوهره بالصاله تحاول تنوم بنتها سمع صوت جواله شاف رقم خالد رفع الجوال
خالد الو
نواف هلا خالد
خالد بجديه بشر نواف سددت ديون فيصل للبنك
نواف بجديه ايه بعد ما طلعت هند من عندي طلعت للبنك وكل شي تمام
خالد هند مانامت بسبب هالموضوع توها متصله تبي تطمن وش الي صار
نواف اشكرها بالنيابه عن فيصل
خالد يوصل يله فمان الله مابي اطول عليها وهي تنتظر ردي واسفين انا تعبناك معنا
نواف الله يفرج كربتها مثل ما فرجتها عليه
عند خالد
سكر من نواف واتصل على هند طمنها ان كل شي مثل ما تبي وان نواف سدد ديون فيصل ارتاحت
عند هند
بعد ما قفلت الجوال من اخوها حطت راسها على المخده وسمحت لدموعها بالنزول وجع بقلبها وروحها كلها بسبب جاسم والي سوته بجاسم وشكل ربي انتقم لجاسم انزرع حبه بقلبها غصب عنها حاولت تنظف قلبها من حبه تلقاه كل يوم يكبر وخايفه من نتيجة هالحب الي بسببه تتصرف بضعف
دموع حسره على خداااها تحاول تكابر على اوجاعها
هند في نفسها مستحيل اخضع واضعف الحب ضعف ودمار مافيه شي بالدنيا اسمه حب حتى اذا حبيت
بخفيه عن العالم لو بداخلي اتوجع مافيه فايده من ورى حب وصااااااااااارت تبكي وتنتحب
افرح فيني يا جاسم هند تبكي حبك لو تدري كان دمرتني لاني ضعفت وصرت مثل امي ااااااااه يمه كنت اهرب اني احب مثل حبك لراشد والومك ان رجال قدر يملك قلبك وحطمك حتى بعد الي سواه متي وانتي تحبينه صرت احبه ولد اخوه اكثر من حبك لراشد لكن مستحيل اكون ساره واستسلم لحبي والله ارمي قلبي وادوسه اذا بيدمرني وصير نسخه من امي
ااااااااااااااااااااااااه والحل مع وجع كل ليله بالنهار مرتاحه من التفكير ماصرت انام بسبتك ياجاسم اكيد داعي علي وربي استجاب دعوتك
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك