رواية غرام وانتقام -58
طلعت قطعه وصارت تشاورهن تبي تختبر ذوقهن وتفاجئت ان ذوقهن خيال كل شي اعجبهن اعجبها كانت ماخذه فكرة سيئة عن ذوق بنات الديره
الي ماتدري عنه غاده ان مطلق يشتري لهن كتالوجات ازياء كل موسم بموسمه وعندهن ثقافه بالازياء بسبب متابعتهن لازياء الفنانات بالتلفزون
يعرفن كثير شغلات لكن لانهن بالديره مو متحمسات بالتطبيق
وعندهن ذكاء فوق الطبيعي كل شي يشوفنه او يسمعنه على طول يحفضنه وبسرعه ينفذنه بجداره
مو كل من سكن القرى او الديره يكون غبي او متخلف لكن الظروف تجبرهم على التاقلم والعيشه حسب الظروف الي محطوطين فيها
بعد ماخلصن اخر محل ادخلنه محل يبع المكياج اشترن منه الي يحتاجنه تحت نظر غاده الي تشوف انهن مايحتاج لذوقها فذوقهن تغلب على ذوقها بكثير
طلعن لاخوهن الي جالس ينتظرهم طلعو من السوق وغاده ركبت مع السواق والشغالها معها تشيل الاغراض
عند هند
بعد ماتركتها غاده طلعت فوق لغرفتها ترتاح لوقت العشاء وهي مستلقيها على سريرها طيف جاسم مر من قدامها تنهدت بوجع
هند في نفسها بوجع يويل حالك ياهند وبعدين مع هالمشاعر المجنونه الي غزت قلبي باخر عمري ليش مو راضي يطلع من قلبي
وبعدين معك ياهند ليش طيف جاسم يمر قدامك بكل وقت معقوله عقاب من ربي بسبب الي سويته فيه والله ندمانه وش اسوي اكثر من الندم
اعتذري له ياهند يمكن الي فيك وجع الضمير بحياتك ماضريتي احد وجاسم ذوقتيه انواع العذاب
ااااااااااااااااااااه وبعدين مع حالتي المجنونه افهمي ياغبيه جاسم مو لك وانتي مو له لو انك اخر بنت مستحيل بيتزوجها وان فكر يتزوجك بينتقم منك ويرد كرامته الي ضيعتيها
طيب نسيتي يوم قالك بينتظرك طول العمر وانهياره بسبتك
ياقسوة قلبي وانتي تاركته وراك يتوجع تستاهلين جاء دورك تشربين من نفس الكاس
يالخبله كل الي سوه قدامك تمثيل انتبهي لنفسك ولشغلك وخلي الحب والخرابيط لغيرك انتي مستحيل تسلمين قلبك لرجال يلعب فيه مثل الكوره
جاسم غير قلبي يقولي انه غير انتي عشتي معه فتره شفتي حبك بعيونه معقوله العيون تعرف تمثل
اكيد الي تشوفينه بجاسم امك شافته براشد ولا ليش سلمته مالها وقلبها
صرخت صرخه قويه ودموعها بدت تنزل
اااااااااااااااااااااااه وش الصح قلبي ولا عقلي بنجن بنجننننننننننن
كانت غاده طالعه بتقول لهند الي صار لها بالسوق مع خوات مطلق وانصدمت وهي تسمع صراخ هند
فتحت الباب بقوتها خافت على هند صاير لها شي
ركضت لها وهند تفاجئت بفتحت الباب هذا الي كانت ماتبيه ان احد يشوف ضعفها وهي تتصارع مع افكارها المجنونه
قربت غاده وجلست على طرف السرير تفاجئت من دموع هند
غاده بحب هنوده ليش اصراخ والدموع
هند تمسح ادموعها الي صارت تنزل لا ارادي
من قال اني ابكي يتهيئ لك
مدت غاده يدها ومسحت دموعها وحطت اصبعها الي فيه دموع قدام عيون هند
غاده بحنان وهذا وش ياهند لا تقولين مويه من متى تخشين عني وجعك
هند بتغير الموضوع وش عندك طالعه لغرفتي
غاده باصرار لا تتهربين من سؤالي ماني بطالعه لين تقولين الي موجعك هذي دموع وجع وقهر
مستحيل اني اصدق ان لها سبب ثاني
هند بابتسامه رغم الدموع الي تنزل خلي تحليلك النفسي لغيري
فاجئتها غاده بكلامها موجوعه بسبت جاسم
مستحيل تبين ضعفها وتعترف بالخبال الي تحس فيه
مستحيل تسمع لاحد يلومها او يعاتبها مهما كان هي قويه وجروحها واوجعها ملكيه خاصه لها
هند تضحك بوجع هههههههه وش هالخرابيط هند الفهد تبكي بسبب رجال
انتي عارفه رايي في جاسم ومستحيل بغيره
غاده بحنان هند مو عيب انك تحبين ولاهو عيب تعترفين بالحب العيب انك تكذبين على نفسك هند مستحيل تطيب جروحك وانتي كاتمتها طلعي جروحك وعالجيها
هند انا متاكده ان داخلك براكين من الالام والوجع الي تكابرين عنها
انتي تحتاجين دكتور نفسي مر بحياتك شغلات قويه لها رواسب للحين باقيه لازم تزول علشان تعيشين حياتك طبيعيه
هند بعصبيه هند الفهد تروح لدكتور نفسي اكيد انجنيتي واثر فيك الحمل
غاده بقوة اتركي غرورك المصطنع واقول واعيد تحتاجين دكتور نفسي قبل لا تتطور حالتك وتنجنين رسمي
هند بعصبيه قومي اطلعي من غرفتي قبل لا تشوفين مني شي يزعلك
وقفت غاده مستحيل تزعل من هند
غاده بابتسامه طالعه لا تتاخرين متشوقه اشوف وجه خوات مطلق
وهند مستحيل تشيل من غاده لانها اختها وصديقة عمرها يتهاوشن وبسرعه يرجعن مكان شي صار بينهن
هند بابتسامه هذا اكبر همك
غاده باستغراب تصدقين هنوده تفاجئت منهن في السوق ذوقهن مره راقي وكل شي يفهمن فيه
هند بحماس قولي
غاده انا صرت اشوفهن من بعيد قلت لا حتاجن تدخلاتي بالاختيار بتدخل وساعدهن الي تفاجئت فيه ان ذوقهن غطى على ذوقي
تصدقين هههههههه شريت لنفسي على ذوقهن استفدت منهن بدل مايستفيدن مني
هند انبسطت هههههههههههه حلو الا وش سويتي بموضوع المدرسات
غاده كل شي جاهز بيجن من الرياض ممتازات
هند حلووووووو
غاده هنود والكتب الدراسيه ماوفرتيها لهن
هند بكره وانا طالعه لرياض بشوف الموضوع وقولي لمدرساتك بيجن معي
غاده خذي جوالهن وتفاهمي معهن
هند طلعت جوالها وسجلت الارقام
هند الا صحيح امك وابوك ماكلموك
غاده الا مبسوطين بجده ينتظرون عمي ابو خالد يرجع علشان يرجعون
هند يله انزلي مافي وقت بدخل البس وانزل تلقينهم على وصول
طلعت غاده وهند موجوعه من الحوار الي صار بينها وبين غاده لكن طبعها تضغط على نفسها وتكابر
هند بنفسها معقوله باحتاج الدكتور النفسي يعالج ضعفي
قومي ياهند قومي لو بتسلمين لا فكارك كل الي بالبيت تجمعو عندك
دخلت الحمام اخذت شور بارد يطفي النار الي بداخلها لبست فستان كحلي وشعرها تركته على طبيعته
في بيت مطلق
البنات بعد ماوصلن ادخلن غرفتهن مبسوطات بالاغراض الي شارياتها
جلست حصه على السرير وفاطمه تفسخ عباتها ومنيره اطالع بالاغراض الي شاريتهم
منيره بحب فاطمه البسي الفستان البنفسجي او الاحمر وانا بالبس تنوره وبلوزه
فاطمه بجدية والله يامنيره مستحيه اطلع لهم كاشفه وجهي
منيره وانا مثلك لكن خلينا نحاول علشان خاطر مطلق
فاطمه بحب علشان مطلق ارمي نفسي بالنار وانا مبسوطه
منيره ياربي يخليه لنا
حصه بتحطين مكياج ولا بتطلعن كذا
منيره بنصير بطبيعتنا هذي اول مره نكشف فيها يكفي الكحل
فاطمه يله بسبح وبعده بلبس لا نتاخر على الناس
وطالعت بحصه
فاطمه بحب حصه شوفي امي خذي لها كيستها وتطمني انها لابسه احسن ماعندها مو احنا نتزين ومي مطنشاتها
وقفت حصه هذي ام مطلق لا توصين حريص
طلعت ونزلت عند امها الي كانت تحوس باغراضها
قربت من امها باست راسها
حصه بحب يمه نبيك تطلعين الليله عروس وتغطين علينا
ام مطلق بابتسامه زينكم زيني وانا راحت علي
فتحت دولاب امها وختارت جلابيه ناعمه هديه من مطلق وشيله شريتها فاطمه اليوم
حصه يمه البسي وانا بنتظرك بشوف زينك قبل لا اطلع اتزين
ام مطلق دخلت الحمام الي بغرفتها والبست وطلعت لبنتها الي جالسه على السرير
حصه بابتسامه ما شاء الله على ام مطلق حصني نفسك نخاف عليك
ام مطلق قربت من بنتها اخر العنقود وضمتها
ام مطلق يله اطلعي تزيني مانبي نتاخر على الناس
حصه باقي اخر شي
طلعت العطر من الكيسه الي قدامها وصارت تبخ على امها
ام مطلق الله يهديك ياحصه خنقتيني بالعطر
حصه بحب يمه مطلق وينه نبيه يشوفنا قبل لا نطلع لهند
ام مطلق بابتسامه هو قالي يبي يشوفكم وبيوصلكم بسيارته للعشاء
حصه انا طالعه
طلعت لخواتها لقتهن لابسات وجاهزات
حصه اكشششششخ ياخوات مطلق وربي طالعات احلى من الممثلات الي نشوفهن
فاطمه بشك صدق حصه فستاني كانه ضيق علي
حصه بعصبيه يالخبله هذا المطلوب تبين تلبسين مثل العجائز
منيره صارت ادور قدام حصه وانا يحصوص وش رايك فيني
حصه بحب قمرر
وغمزت بعيونها لاختها وينه الي خابرته لشافك بينجلط
منيره بعصبيه انقلعي لغرفتك البسي
حصه ههههههههه طيب
وطلعت ومنيره تغلي منها افتحت قلبها لحصة عن حبها الدفين لمشعل ماتبي تفتح قلبها لفاطمه ماتبي تحسسها بالذنب انها واقفه بوجه زواجها
فاطمه بزعل منيره ماني بغيبه كنت انتظرك تقولين الي بقلبك فضلتي حصه البزر وامنتيها على سرك
منيره بحزن فاطمه لا تعاتبيني انتي غاليه علي اموت ولا تزعلين علي الي احس فيه سوالف بزران
فاطمه مابي اسولف بالموضوع الحين يبي له جلسه طويله وورنا عشاء لجينا تفاهمنا
منيره سلمت على راس اختها دخيلك لا تزعلين علي ماقدر اتهنى بالطلعه وانتي شايله مني
فاطمه بحب انا ماني بزعلانه انتي روحي يا منيرره ووجعني ان بقلبك شي خاشته عني وادري عن السبب الي بسببه ماقلتي له
منيره نزلت عيونها بالارض
كملت فاطمه اذا فاتني الزواج مستحيل ارضى انه يفوتكم كلن يا منيره ياخذ نصيبه
دخل عليهن مطلع طالع خواته باعجاب
مطلق بحب ما شاء الله وش هالزين
فاطمه كل الي مسوياته علشان خاطرك
مطلق بحب الله لا يحرمني منكم يخواتي
منيره بابتسامه ولا منك وش رايك بشكلنا الحضري
مطلق بحب واحلى من بنات الحضر
فاطمه باعجاب كله ولا هند مانوصل لربعها بعمري ماشفتها بكحل ولا مكياج ومع هذا تسحر
مطلق يبتسم بنفسه شافها مرتين وصورتها راسخه بمخه مستحيل الي يشوفها ينسى شكلها هذي كل شي حلو فيها وكاملة سبحان الي خلقها وصورها
مطلق بنفسه والله شوفتها تذبح مو تسحر على كثر ماكنت مبسوط بشوفتها على كثر ندمي اني شفتها لاني عيني عافت الزين من بعدها زينها مدمر للي يشوفها
هذي الي ينخاف عليها من عيون الكل حتى من عيون البزران لو انها زوجتي والله ماخليها تكشف الا لي الله يهنيها ويردها لجاسم
عند هند
نزلت لقت غاده لابسه وجاهزة ودخلت المطبخ تطمن ان كل شي مثل الي تبيه
طلعت لغاده
هند غدويه وين بنجلسهم
غاده مدري الجو برى خيال لكن بداية الجلسه بتكون بالمجلس لان اغراض الضيافه فيها والسهره بتكون برى
هند بجديه غدويه لا تحرجين البنات بتعليقاتك لشفتيهن بدون برقع اول مره يتركنه
غاده بزعل وش قالو لك عديمة الذوق تطمني
هند بجديه ام الذوق لكن تعرفيني احب اتاكد من كل شي قبل لا يصير
سمعن صوت الجرس
وقفت هند وغاده عند مدخل القصر والشغاله فتحت الباب دخلت ام مطلق وبعده البنات الي بنقاباتهم
غاده قربت من ام مطلق وباستها على راسها وطالعت بالبنات الي واضح انهن مستحيات
غاده قربت منهن وباستهن
غاده بابتسامه عطوني عباياتكم عندنا لازم تنشال العبايه والنقاب واذا طلعتن تستلمنها
فسخت فاطمه عباتها تحت نظر هند وشالت نقابها وكانت المفاجئة كبيره لهند اكثر من غاده تشوف قدامها جمال مو طبيعي جمال خرافي الجمال البدوي العيون الكحيله الي نظم الشعراء قصائد فيها والفم الكبير المنفوخ والسمار الي واضح انه بسبب شمس الديره جسمها منحوت وكله انوثه وقفت منبهره معقوله الي تملك هالجمال تغطيه تحت برقع معقوله الي بجمالها تنعت بانها عانس وينهم الرياجيل الي منعميه عيونهم
ارتاحت كثير تاكدت ان مهمتها بتنجح بسهوله مع وليد الي متاكده ان بيتفاجئ مثلها واكثر
انتبهت عل نفسها انها ماسلمت على البنات قربت منهن وسلمت ورحبت فيهن وجلسن بالمجلس
غاده منبهره كثير بفاطمه ماتوقعتها بالجمال الي تشوفه قدامها صدق البرقع ظلمها
منيره فيها شبه كبير من فاطمه لكنها دبدوبه شوي
وحصه جمالها غير تختلف عنهن فيها شبه من اخوها مطلق
البنات جلسن وهن مستحيات يحسن انه جالسات مفسخات كل تعابير وجيهن بتبان للكل
غاده بحب وش هالجمال وربي تاخذن العقل
البنات يبتسمن بحياء
هند بابتسامه اذكري ربك لا تنحتين البنات
غاده ماشاء الله تبارك الله
ام مطلق وينها خالتك وام غاده
هند بحب خالتي بالرياض ملكة محمد بكره وخالتي ام بسام بجده
وقفت غاده وبدت تمد العصير لام مطلق بعده للبنات
هند تسرق النظرات لفاطمه وجها الواحد مايمل انه يطالعه فوق الجمال الطيبه والحنان مرسومين بوجهها
هند مستعدات يبنات لدراسه ترى متفقه مع مدرسات بيجون للبيت يدرسونكم
فاطمه بابتسامه بينت صفت اللولو اكيد
هند قال لكم مطلق ان اذا تجاوزتو الاختبار بتتعدون كثير من المراحل الدراسيه
منيره بحيا ايه قال لنا وان شاء لله ننجح
فاطمه بفرح ما تتخيلين ياهند شلون كنا نحلم ونتمنى انا ندرس ونتعلم لكن ربي ماكتب
ام مطلق بيجيكم احد
هند اهل هنديانا اهل وليد ومشعل باقي ماجو
ام مطلق مستغربه احنا جاين مع مشعل واهله
غاده لاحظت وجه هند الي تغير واضح انها معصبه
غاده بحياء خالتي عطيني رقم ام مشعل بتصل عليها تجي مع بناتها والله توني ادري منك انها جايه
ام مطلق اختي ماعندها الا مشعل الله يخليه لهم
هند بزعل السموحه ياخالتي اني ماعزمتهم بنفسي توني ادري انهم جاين الله يهداه خالد ماقالي
ام مطلق مشعل طالع مع ابو مطلق لنياقه وام مشعل بالبيت الحالها
فزت هند كانها مقروصه مقهوره من نفسها شلون تنسى ام مشعل وتنسى ضيوفها
هند بقهر انا طالعه بنفسي لام مشعل بجيبها معي وشغل خالد معي بعدين
طلعت وام مطلق وزادت اعجاب فيها
وصلت لغرفتها واخذت عبايتها ونقابها وطلعت لبيت مشعل
طقت الباب وانقهرت اكثر وهي تشوف ام مشعل الي تفتح الباب
دخلت هند رفعت نقابها وباست راس ام مشعل باحترام
ام مشعل اعرفتها كانت تشوفها بعزايم الديره
ام مشعل الله يحيك بنتي تفضلي
هند بحياء انا جايه اخذك عندي فيه عشاء مسويته لاهل مطلق وسامحيني ياخالتي والله مادريت انك جايه الا الحين من خالتي ام مطلق وجيتك متعنيه ياليت ماترديني
ام مشعل ماعاش من يردك يابنتي يابيني البس
هند بابتسامه بنتظرك ماني بطالعه الا معك
ام مشعل اجل يمك ادخلي بالصاله انتظريني البيت بيتك
هند بحب الله يسلم للبيت اهله بنتظرك ياخالتي
دخلت وراء ام مطلق وجلست بالصاله البيت موحش وهو خالي شلون وحرمه كبيره بالحالها فيه لو صار لها شي من بيدري فيها
رفعت جواله وكلمت غاده ترسل لها شغاله وطباخه لبيت ام مشعل
دقائق وطق الجرس قامت وفتحته دخلتهن
على طلعت ام مشعل من غرفتها لا بسه عبايتها
ام مشعل مستغربه من الفلبينيات الي داخلات بيتها
ام مشعل من ذولا وش يبون
هند بحب لك ياخاله يساعدونك بالبيت الكبير وانتي ارتاحي
ام مشعل بحياء ليش كلفتي على عمرك ماني بحاجتهن يابنتي
هند لا تردين الهديه ياخاله والرسول قبلها
ام مشعل بحب الله يكثر خيرك ماقصرتي
هند بحرص خاله قفلي غرفتك مع انهن امينات لكن المال السايب يعلم السرقه
ام مشعل قامت وسكرت غرفتها وطلعت مع هند الي فتحت لها الباب وساعدتها بركوب السياره
بدقائق وصلت للقصرها وفتحت الباب ودخلت ام مشعل قدامها رحبت فيها بحراره عطت غاده رنه علشان تستقبلها عند المدخل استقبلتهم غاده بحراره ودخلتها عند الحريم جلست بجنب اختها
ودخلت هند وراهم لقتهم متجمعين شافت ام هنديانا
قربت منها هند ونزلت نقابها و وضمتها بحب
هند بحب الساعه المباركه انك جيتي ونورتي بيتي
ام هنديانا بحب منور فيك يابنتي
هند وقفت اسموحولي بطلع لغرفتي وبرجع
طلعت وكل الي بالمجلس منبهر فيها وفي اخلاقها وتوضعها انسانه بمعى الكلمه تجمع بين الطيبه والحنان والحب والاخلاق والشخصيه والتواضع والرزه والهيبه وفوقهم الجمال
دقائق ورجعت لهم وكملو سوالف لين جاء وقت العشاء نادتهم هند
بعد العشاء رجعو لمجلس الحريم
هند وش رايكم نكمل الجلسه برى الجو خيال
ام مشعل خلينا نطلع برى نفتك من برد هالمكيفات
ام مطلق أي والله
هند بابتسامه اجل يله حياكم برى
طلعن برى كانت غاده واقفه تجهز الطاولات للجلسه
والحريم جلسن على طاوله والبنات جلسن على طاوله وهند تقسم نفسها بين طاولة البنات والحريم
الساعه 12 الحريم الكبار بدن ينعسن ما تعودن يسهرن
ام مطلق هند الله يعافيك كلمي اخوك يقول لمطلق بنطلع تعبانين
هند بحب تو الناس خاله اسهرو عندنا
ام مطلق مره ثانيه وراك بكره سفر لازم ترتاحين والبنات من جينا من السفر مارتاحن
كلمت خالد وقالت له وقال ان مطلق ينتظرهم بالسياره
وقفت ام مطلق ووقفن البنات جابت غاده عباياتهن
وام مشعل وقف بروح معكم
هند بحب والله ما يوصلك غيري لبيتك مثل ماجبتك ارجعك
ام مشعل حبت هند
ام مشعل جعلك سالمه ارتاحي
هند حلفت ياخاله
طلعت ام مطلق وبناتها وركبن بسيارة مطلق وام مطلق معجبه وطول الطريق مدح بهند وقالت الي سوته يوم درت ان محد عزم خالته وانها راحت تجيبها
ومطلق نفسه يسكت امه لان مع كلامها يتعلق قلبه فيها اكثر اول مانع نفسه انه يفكر فيها لانها متزوجه والحين مافيه شي يمنعه
عند ام مشعل
طلبت هند من الشغاله تجيب عبايتها دقائق وهي عندها
لبس العباتها وساعدت ام مشعل بركوب السياره
وصلتها للبيت وانزلت معها
هند بحب امنتك خالتي ماتتعبين نفسك بشغل البيت عندك شغاله تنظف لك البيت وعندك الطباخه شاطره اطلبي منه الاكل الي تشتهينه
اذا ماعجبك شغلهم قولي لي واغيرهم لك
ام مشعل مستحيه من طيبة وكرم هند ماعندها كلام تقولها
ام مشعل جعلك سالمه ويرحم بطن جابتك
هند امين
دخلت مع ام مشعل تبي تطمن عليها
مايطاوعها قلبها تتركها بالحاله بالبيت دخلت وراها استحت وهي تشوف مشعل وابوه جالسين بالصاله
هند بحياء السلام
ابو مشعل ومشعل وعليكم السلام
وقف مشعل لا ارادي لما تاكد انها هند
هند ماسكه ضحكتها من شكل مشعل الي يحسب نفسه بالشركه
هند بهيبتها وينك عمي ما نورت بيتنا انت وولدك وتعشيتو عندنا
مشعل بارتباك خالد كلمني وانا اعتذرت منه كنت مع ابوي وخالي ابو مطلق عند النياق
هند باصرار حقك كبير عمي والسموحه اذا جاء منا قصور وبعد يومين خالي بيكون هنا وهو الي بيجيك بنفسه يعزمك
ابو مشعل مايجي منكم قصور
هند بجديه ياعمي احنا نكرم ضيوفنا وانتم ضيوفنا واهلنا وحقكم على راسنا وان شاءالله بهاليومين مسوين حفل كبير بمناسبة قدومكم وتنوريركم لطائف وانت اول المدعوين
ابو مشعل منصدم من قوتها كان الي تكلم رجال
هند استاذن
طلعت هند مشعل جلس جنب ابوه وجودها يربكه ويخوفه لها هيبه وشخصية مرعبه
ابو مشعل باعجاب بنت رجال
ام مشعل قربت ونزلت عباتيتها وجلست وانا اشهد انا الي مثلها قليل
مشعل بابتسامه يالغاليه المزيونات الي بالمطبخ منهن
ام مشعل بعصبيه يالي ماتستحي وش مدخلك للمطبح وتبحلق فيهن
مشعل وش يدريني عنهن دخلت ابي اشرب ماء لقتهن قدامي الا ماقلتي منهن
ام مشعل بحب جابتهن هند جعل عمرها طويل حالفه اني ماشتغل وجايبتهن يشتغلن ويطبخن ويرحني
مشعل منصدم هند ماغيرها هي الي جايبتهم وتبي تريحك وحالفه عليك ماتشتغلين
ام مشعل اجل من غيرها
مشعل الله يجزاها كل خير ويرحها مثل ماريحتك
ابو مشعل انا تعبان وين الغرفه الي برقد فيها
مشعل الغرفه الكبيره الي تحت لكم وانا غرفتي فوق
ابو مشعل بعصبيه طاير فوق ليش انزل تحت ولا بتنحاش فوق علشان ماقدر اطلع اصحيك لصلاه
مشعل بابتسامه مايحتاج تطلع اصرخ بصوتك وانا اجيك ركض
ابو مشعل اطلع نام الليل سرى وانت مارقدت بكره وش بيصحيك
مشعل ان شاء الله
طلع فوق لغرفته ونام
وابو مشعل دخل الغرفه ونام وام مشعل دخلت عند الشغالات ودلتهن على غرفه صاده بعيد عنهم وطلبت منهن ينامن فيها وبعدها ادخلت غرفتها ونامت
عند هند
دخلت لقت الصاله فاضيه جلست بنتظر خالد بتبرد حرتها فيه حطها بموقف محرج مع اهل مشعل
نزلت شيلتها ونقابها وعباتها عليها دخل خالد
وشافها واضح انها معصبه
خالد قرب منها السلام
هند بعصبيه وعليكم السلام
خالد خير وش فيك معصبه
هند بعصبيه والي سويته يبي لك عليه تصفيق واوقف لك احترام
خالد مستغرب خير وش سويت
هند تدري اني بسبتك صرت صغيررررره وانا طول عمري كبيره اضيوفي وجنبي ساكنين ولا ادري انهم وصلو الا من ام مطلق ولا وفوق كله هذ العجوز جالسه ببيت كبير بالحالها الكل متجمع عندي وهي وحيده ببيتها
وربي يا خالد استحقرت نفسي والبركه فيك
خالد باستغراب منهي العجوز
هند بعصبيه ليش ماقلت لي ان مشعل جاي مع مطلق
خالد انا كلمته وعزمته واعتذر وش مطلوب مني اكثر
هند بعصبيه المطلوب تقولي ولا الموضوع مايهمك والله ياخالد لو عاد وتكرر هذا الشي ماتلوم الا نفسك مو ضيوف هند الفهد الي ينسون ضيوفي ينحطون على الراس
خالد بيمتص غضبها السموحه ماكان قصدي وهذا راسك ابوسه
قرب منها وباس رسها
هند روح نام ورنا سفر بكره
خالد بابتسامه ان شاء الله اهم شي طلعت من بين ايدينك سليم متعافي
هند بابتسامه انا طالعه بنام
طلعت لغرفتها وخالد دخل غرفته وارتاح وهو يشوف غاده غاطه بنومتها
عند هند
دخلت غرفتها دخلت الحمام اخذت شور وانسدحت على سريرها
حاولت تبعد افكارها عن الي لازم كل ليله يزورها طيفه قبل لا تنام ويوجعها بذكرياتها الموجعه
حاولت تفكر بغيره لكن غصب يخونها تفكيرها وتفكر فيه تحاول تجبر تفكيرها يبعده عنه
وهي بافكارها نامت
يتبع
في الديره
بعد العشاء دخل جاسم للمجلس وانسدح على فراشه
دقائق وداخل عليه اخوه
فيصل من جدك بتسافر لديره وتسوي عمليه وهذي حالتك
جاسم بوجع تعودت على الوجع والعمليات تخفف من وجعي لاني انساها وانا اشوف حياة انسان بين ايديني
جربت مره اكون سبب بوفاة نفس بريئة و للحين موجع قلبي على الطفل الي مات بسبتي
فيصل بجديه مالك ذنب الي سمعته انه مات بسبب زيادة بجرعة بالبنج ماتحمل مات
جاسم مستغرب من الي قال هالكلام
فيصل بجديه سوو تحقيق بالمستشفى ايام اضرابك وحالتك النفسيه وطلع بالتحقيق ان العمليه مالها علاقة بوفاة الطفل والسبب جرعة بنج زايده
جاسم بعصبيه يويلكم من الله تاركيني طول هالسنوات اعاني اشوف صورته قدامي وانا اضن اني سبب بموته وتاليتها الذنب ذنب دكتور التخدير
فيصل مستغرب انت ماسمحت لنا نتكلم معك بالموضوع كل ماجينا نوضح لك الموضوع صرخت علينا وسكتنا
وتوني اتفاجئ انك ماتدري توقعت بعد رجوعك واستقرار حالتك النفسية نواف قالك الي صار
جاسم حس براحه من تانيب الضمير الي شايله طول هالسنوات
جاسم براحه الحمد لله اني طلعت بري من موت الطفل ماتتخيل فرحتي حاس صخره كانت على صدري انزاحت ماله داعي العتب واللوم
فيصل الله يريحك لو داري كان قلت لك السالفه من زمان
جاسم جت بوقتها
فيصل انسدح بفراشه وتفكيره طار لبريطانيا مثل كل ليله موجوع من الشوق والبعد وفوقهم نار الغيره
جاسم منسدح جافاه النوم خاف لرجع لرياض تخونه نفسه ويمر شركتها ويسمح لها تهينه وتوجعه اكثر هو صاير مسير مو مخير
في بريطانيا
بشقة صلاح
من جاء من الجامعه وهو متضايق ماله خلق لاحد ندمان انه انه طلع الي بداخله لفهد وكلام فهد زاد جروحه وهو واثق ان غاده مستحيل تحبه وبقلبها غيره
صلاح في نفسه هي لو تعطيني فرصه لو وحده بنسيها فيصل وايامه لكن ماشوف منها الا الصدود
اصدر تنهيده من داخله وفتح الكمودينه وطلع الورقه الي بخطها تترجاه يقوم اخوها ما طاوعه قلبه يرميها قربها من فمه وباسها بعشق بلل الورقه بدموعه
صلاح بنفسه بحزن موجع ياعذابك ياصلاح مالك ومال الحب ياليتها ماجت وياليتك ماشفتها
حاول ينام لكن ما قدر بسبب التفكير من جهه والجوع من جهه قام دخل المطبخ لقى كرسون بالزبده سخنه بالمكرويف وفتح الثلاجه صب له كاس عصير وطلع لصاله
اكل الكرسون وشرب العصير رجع الكاس المطبخ ودخل غرفته غسل فمه ونام
اليوم الثاني
عند هند
صحت على صوت اذان الفجر قامت توضت ونزلت تحت
البيت كان هادي طلعت برى للمرجيحه جلست تسمع صوت الاذان يشرح الصدر
دخلت داخل اخذت سجاده بتصلي برى بسطت سجادتها صلت ورجعت للمرجيحه انسدحت
وطلع لها جاسم تذكرت ذاك اليوم كان جاسم يلعب بشعرها اجبرها تنام على فخده ونامت بين ايدينه وشالها لغرفتها من غير لا يلمسها كان امين عليها وهي ردت له جميله بقسوتها عليه
امنيتها تنعاد ذيك الحظه بهالوقت تحس اش كثر كانت غبيه
الجو شاعري فجر احاسيسها المكبوته مشتاقه له كثيررررررر تذكرت ذاك اليوم يوم ضمها وهمس باذنها يعترف بحبه لها انتفض قلبها من هذي الذكرى نفسها ترتمي بحضنه وتبكي ندم على الي سوته فيه نفسها تعتذر منه تترجاه يسامحها لكن كرامتها اللعينه تمنعها تسوي كل هذا
هند في نفسها لازم اخلص الامور المتعلقه هنا واسافر لبريطانيا بسرعه بنجن اذا جلست اكثر
ماتبي احد يكشفها اليوم غاده وبكره مايندر من لازم تاخذ جروحها ومعناتها معها وتبعد
سمعت خطوات قريبه منها شافت اخوها خالد
ابتسمت له صباح الخير شكلك توك جاي من الصلاه
خالد ايه تجهزتي لسفر
هند غاده بتجي معنا
خالد حاولت فيها رافضه تقول مستثقلة السفرة والرجعه بنفس اليوم
هند بجديه شلون بنرتاح نتركها ورانا من غير لا يكون عندها احد
خالد بكلم مطلق اوصيه يجيب خواته عندها مابي اجبرها على شي ماتبيه
هند حلو طيب متى ناوي نسافر
خالد الوقت الي تبينه
هند اجل بعد الساعه 9 بتطمن على اهل هنديان وبمر بيت مطلق بطلب من البنات وخالتي ام مطلق يجون عند غاده
خالد اجل مايحتاح اكلم مطلق
هند كيفك
خالد وش رايك مدامك صاحية وشكلك نشيطه نطلع نفطر
هند بتعب من قال اني نشيطه احس بكسل بدخل لغرفتي بنام لين الساعه 8 والفطور ماني مشتهيته الحين
في الديره
عند جاسم
صحى على اذان الفجر توضى وطلع يصحي فيصل
طلع للمسجد بعد ماتاكد ان فيصل دخل للحمام صلى الفجر ودخل غرفة جداته لقهن جالسات يتسنن قرب منهن وباس راسهن
وامه كانت منسدحه على فراشها المبسوط على الارض قرب منها وهي لما شافته قرب منها جلست باس راسه امه
جاسم بحب يمه راجع للارياض توصين على شي
ام جاسم بحزن انتبه لنفسك يمه ولا تشيل وتكدر خاطرك اذا ادور رضاي
جاسم لمس نبره الحزن بصوت امه اوجعه لكن هو ضعيف ماقدر يمسك اوجاعه قبل لا يتوجع فيها غيره
جاسم بابتسامه ذابله ادعي لي يالغاليه بحاجه لدعوتك
ام جاسم بصدق والله بكل سجده ادعي لك انت واخوك حالكم مهب عاجبني ودمعت عيونها
جاسم انتفض قلبه وهو يشوف دموع امه والمصيبه انه سببها قرب يده من وجه امه ومسح دموعها
جاسم بوجع يمه دموعك خنجر ينغرس بقلبي موتي ولا دموعك دخيلك لا شوفها وانا ادري اني سببها ومتاكد اني ماقدر امنعها سحب يد امه وباسها ادعي لي يمه ادعي لي بدال ادموع
وقف وهو موجوع انا طالع
تقابل مع اخوه عند باب الشارع
فيصل بتسافر الحين
جاسم بوجع ايه لاوصيك على امي تراها موجوعه بسببنا
فيصل هز راسه بوجع مايدري وش يسوي ولا يقول علشان يخفف على امه وهو يبي له من يخفف عنه
في الرياض
في قصر عبدالرحمن
بعد مارجع عبدالرحمن من الصلاه جلس بالصاله ينتظر محمد
دخل عليه محمد
عبدالرحمن لا ترجع تنام فيه مشوار ضروري بنسويه بالصبح
محمد مستغرب خير ان شاءالله
عبدالرحمن بنروح للمحكمه ومعنا ابو نواف نشهد ان هند عايشه وبعده تطلع للجريده وتنشر تكذيب لخبر وفاتها
دخلت عليهم نوره وسمعت اخر الحوار
نوره اليوم ولدك مشغول خله يوم ثاني
عبدالرحمن لا مشغول ولا شي عنده وقت باقي كثير على وقت الملكه
نوره خالد ماكلمك متى بيجون
محمد بعد ساعه بطير طيارتهم من الطائف
في الطائف
عند هند
صحت على الساعه 8 ورحلتها 9 لازم تلبس بسرعه وتطمن على ام هنديانا وتطلع لبيت اهل مطلق
دخلت الحمام اخذت شور ولبست بنطولون جنز وبلوزه مخصره احمر وشعرها رافعته بعضاضة
طلعت شنطة سفر صغيره فيها فستان الملكه الي شرته لها غاده وبعض الاكسسورات وبجامه بترجع بعد الملكه ماتحتاج شغلات كثيره
ونزلت قابلت الشغاله وطلبت منها تنزلها تحت
لبست عباتها ونقابها وطلعت لبيت اهل هنديانا تطمن عليهم وهي واقفه وحلفتهم اذا احتاجو شي يكلمونها
طلعت لبيت مطلق واستقبلتها ام مطلق عند الباب حاولت في هند تدخل تضيفها لكن هند اصرت انها مستعجله
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك