بداية

رواية غرام وانتقام -59

رواية غرام وانتقام - غرام

رواية غرام وانتقام -59

في الطائف

عند هند
صحت على الساعه 8 ورحلتها 9 لازم تلبس بسرعه وتطمن على ام هنديانا وتطلع لبيت اهل مطلق
دخلت الحمام اخذت شور ولبست بنطولون جنز وبلوزه مخصره احمر وشعرها رافعته بعضاضة
طلعت شنطة سفر صغيره فيها فستان الملكه الي شرته لها غاده وبعض الاكسسورات وبجامه بترجع بعد الملكه ماتحتاج شغلات كثيره
ونزلت قابلت الشغاله وطلبت منها تنزلها تحت
لبست عباتها ونقابها وطلعت لبيت اهل هنديانا تطمن عليهم وهي واقفه وحلفتهم اذا احتاجو شي يكلمونها
طلعت لبيت مطلق واستقبلتها ام مطلق عند الباب حاولت في هند تدخل تضيفها لكن هند اصرت انها مستعجله
هند شخباركم خاله
ام مطلق بحب تفضلي ولا تبين نوقف نسولف عند الباب
هند باصرار اسمحي لي ياخاله جايه مستعجله مابقى شي على طيارتي
ام مطلق تروحين وترجعين بالسلامه
هند برجاء خالتي امانتكم غاده بالبيت بالحالها وهي حامل واخاف يصير لها شي بغيابنا صدق البيت كله خدم لكن مو مثل الاهل وانتم اهل
ام مطلق بحب غاده بنتي واذا ماجتنا بنجيها
هند بنرجع باليل يله ياخالتي لازم اطلع وياليت ياخالتي تطلعون عند غاده الحين بكون على نار وهي جالسه بالحالها
ام مطلق بحب ولا يهمك افرحي بملكة اخوك وغاده امانه عندي
رجعت للبيت لقت اخوها ينتظرها بسيارتهم تاكدت ان الشغاله دخلت شنطتها
وطلعو للمطار


عند عبدالرحمن
طلع مر ابو نواف وطلعو للمحكمه شهدو ان هند عايشه وخبر وفاتها كذبه ملفقه خذ اوراق
طلعو من المحكمه وصلو ابو نواف لبيته وعبدالرحمن طلب من ولده يوصله لشركته وطلب من محمد يطلع للجريد ه يبي الخبر ينتشر بجرايد بكره
عند هند
بعد ساعه وصلت للمطار مع خالد كان باستقبالهم محمد وهو يبتسم وواضح عليه الفرحه
وصلو القصر استقبلتهم نوره بحراره وخالد دخل غرفته يرتاح من التعب ونوره دخلت المطبخ تطلب من الشغاله تجهز الغداء
هند ومحمد جالسين بالصاله
هند بابتسامه اشوف الابتسامه شاقه حلقك
محمد اكيد الليلة ليلة عمر مع انها بتكون ناقصه
هند مستغربه ناقصه شلون
محمد بنبره حزينه حاول يخفيها بضحكه
مصطنعه ههههههه العروس شارطه ماشوفها بالملكه
هند حست فيه والله وانا اختك ماخليتها بنفسك بتشوفها الليله وبرضاها بعد
محمد فز بفرح وبلهفه من جدك هنود تتكلمين
هند بابتسامه كل هذا شفاحه انك تشوفها ماكانها ماتغطت عنك الا قريب
انتبه محمد واستحى من تعليق هند .......
هند حست باحراجه بتشوفها باذن ربك لكن خلك مؤدب مع البنت لا طيرها تراها بزر
محمد هههههههههههه وش قالو لك جني
هند بجديه مدري عنك فيكم رجه وعجله تخليكم ماتعرفون تتصرفون عدل
محمد باصرار ترى وعدتيني مو تقولين بعدين ماقدرت فيها رفضت
هند بابتسامه وانا عند وعدي من متى احط شي براسي ولا اسويه اهم شي اكشخ ابي حنون تنهبل عليك
محمد بابتسامه لا توصين حريص
دخلت عليهم تناديهم على الغداء


عند عبدالرحمن
بعد ماطلع من الشركه مر ابو نواف عازمه على الغداء
بعدها طلع قرر يزور جاسم بالمستشفى يفهم منه وش صار بينه وبين هند يمكن ماصار الي خايف منه ويقدر يلحق على الموضوع


عند جاسم
على الساعه 12 وصل لرياض ودخل للمستشفى كان المستشفى هادي وقت الغداء
دخل مكتبه لبس البالطو والسماعات الطبيه
وطلع لمكتب نواف كان خالي تاكد انه بالكفتريا يتغداء
طلع للكفتير لمحه جالس بالطاوله وهو مشغول بالاكل قرب منه
جاسم بابتسامه السلام
نواف ترك الاكل وفز وحضن جاسم بحب وعليكم السلام هلا وغلا وش هالسرعه
جاسم بحب ادري انك طالبني واتاخر عليك
نواف تسلم ياخوي اجلس تغد معي
جلس جاسم وهو يبتسم وش اكل وصحنك ماكله كله
نواف بابتسامه بقوم اجيب لك اكل
قام نواف وبعد دقائق رجع لجاسم وبيده اكل حطه قدام جاسم الا من جوعه بدى ياكل بشرهه
في الطائف
عند غاده قامت وهي تعبانه طلبت من الشغاله تجيب لها اكل سريع سمعت صوت الجرس اطلبت من الشغاله تفتح الباب
تفاجئت بدخول ام مطلق وبناتها قامت تستقبلهم بالاحضان
فاطمه كانت شايه حافظه فيها اكل
غاده ياهلا وغلا
حياكم تفضلو اخذت عبايات البنات ونقاباتهم ودخلتهم الصاله وجلسو
فاطمه بحب جينا وجبنا غدانا معنا بنتغدى سوى
غاده اخذت الحافظه من يد فاطمه كانكم دارين اني الحاله وطفشانه
جت الشغاله وخذت الحافظه من يد غاده وطلبت منها تحطها بصحون
ام مطلق هند جتنا قبل لا تروح وقالت انك لحالك بالبيت وامنتنا انا مانخليك بروحك
غاده بنفسها خايفه علي ياهنوده الله لا يحرمني منك ويفرج همك
غاده يله بنتغدى ونكمل سوالفنا جوعانه ماكلت بعد عشانا البارح
ام مطلق بعتب رقيق غاده انتي حامل اهتمي بنفسك تراك محاسبه عن الي في بطنك
غاده بحب ان شاء الله
قامن ودخلن بغرفة الطعام كانت الغداء كبسه من ام مطلق وبعض السلطات


عند جاسم

بعد ماخلص غداء سال نواف عن المريض وقاله رقم غرفته
طلع له بيكشف على حالته دخل شاف قدامه رجال عمره فوق الخمسين وجهه كله وقار
كشف وطلعت نتائج الكشف انه عنده انسداد بالشرايين و يحتاج عملية
طلع لمكتبه انصدم من الجالس بمكتبه لو داري بوجوده ترك كل اشغاله وقدمه على الكل شخصيته تفرض الكل على احترامه غلاته من غلاة الي اخذت روحه وتركته بلا روح
متفاجئ وخايف ومرعوب بسبب زيارته
كان جاسم واقف عند الباب ماتحرك من قو المفاجئة انتبه له عبدالرحمن وقف
عبدالرحمن بابتسامه وش فيك جامد مكانك كانك شاف جني قدامك
جاسم استحى من نفسه قرب من عبدالرحمن وباسه على راسه وصافحه بيدين ترتعش
عبدالرحمن بابتسامه اجلس تبيني اعزمك بمكتبك
جاسم بابتسامه وارتباك هاه حياك الله عمي
قرب مستحي هيبة عبدالرحمن تمنعه يجلس على مكتبه جلس مقابل عبدالرحمن
عبدالرحمن بجديه شلونك يولدي
جاسم بخير جعلك سالم بشر عنك
عبدالرحمن بخير اكيد مستغرب جيتي لك بمكتبك
جاسم باحترام حياك بكل وقت
عبدالرحمن بجديه جاي ابي افهم وش صار بينك وبين هند انا ماكلمتها بالموضوع
جاسم بوجه ومرر يكره ينطق هالكلمه الي مرارتها بحلقه
جاسم بوجع طلقتها
عبدالرحمن بحزن ليش طلقتها يبوك
جاسم بوجع نسيت ان هذا كان اتفاقنا وان الزواج منها على ورق
عبدالرحمن يولدي حاس بوجع بسبب طلاقك منها تمنيت انك ماطلقتها واجبرتها تعيش معك
جاسم بوجع فتح درج مكتبه وطلع القران هذا نفس القران الي حلفت عليه قدامكم اني مالمسها واسلمها لكم بنت بنوت واذا طلبت طلاقها اطلقها وهي رجعت لكم مثل ماخذتها
عبد الرحمن بحزن مقهور يبوك مقهور من شغلات واجد واولها اني حلفتك على المصحف داري يابوك انك توجعت من قربها انا رجال يابوك وافهم العشق وافهم وجع انك تمنع نفسك عن الي تعشقها وهي حلالك ياليتك يابوك ماطاوعتني
جاسم في نفسه بوجع الحين تقولي هالكلام الحين بعد ماتدمرت وضاع كل شي
وعارف اني اعشقها ومع هذا مارحمتني وانت تساعدها بقتلي واجبرتني اني احلف مجبور وموجوع اني مالمسها
قطع عليه افكاره صوت عبدالرحمن الحزين ظلمتك ياجاسم ظلمتك ادري اني كسرت قلبك لكن احلف لك ياجاسم صاير لك غلى بقلبي ماله حد والله لو هند تنجبر لجبرها عليك وبيدي اجيبها لبيتك لكن هذي هند
جاسم بوجع مابيها مجبوره علي ابيها برضاها مانفعني انها انجبرت علي الا التجريح والوجع
عبدالرحمن بصدمه تبيها عقب الي سوته فيك
جاسم بوجع اكذب عليك ياعمي لو اقولك عافتها نفسي لكن والله ياعمي حبها بالقلب يزود
وضرب على صدره مايزول الا بشيل القلب من مكانه او بموتي
عبدالرحمن ماعاد يقدر يحتمل الحوار الموجع
حس بوجع وهموم بقلبه كبر الجبال ندمان انه ساعد هند بتدمير جاسم وكسره الي قدامه مو جاسم الي شافه اول مره الي يشوفه رجال مذبوح من لالعشق وعايش مرارته
عبدالرحمن بحزن الله يصبرك يولدي الله يصبرك
وقف وهو منهار وطلع
تارك جاسم وراه مذبوح موجوع كل ماقال بينساها يجي شي يوجعه واليوم وجعه اكبر
عند عبالرحمن
وصل للقصر وهو متضايق ماله خلق لمقابل احد بينام يمكن لاصحى تتحسن نفسيته
دخل القصر خالي نوره عند اخوها ترتب المكان والعيال كلن راح بطريقه
طلع لغرفته ورمى نفسه على سريره ونام


في بيت بدر
تمت الملكه بجو عائلي اهل بدر واهل عبدالرحمن
هند كانت لابسه فستان ليموني ناعم وتاركه شعرها مسدول على ظهرها
ونوره لابسه فستان احمر ولامته كله بتسريحه ناعمه تناسب عمرها
هند سمعت جواله ارفعت شافت رقمه ابتسمت
رفعت جوالها الا تسمعه
محمد بلهفه وين الوعد يم وعد
هند بابتسامه وطلعت من مكانها مبروك ههههههه مالك دقيقتين متملك وش هالتصربع والعجله
محمد بابتسامه الله يبارك فيك
هند يله اذا عطيتك اتصال اتطلع بالحديقه برى بتكون موجوده معي
سكرت من اخوها وطلعت لحنان الي بغرفتها وحوليها خواتها
كانت لابس فستان ناعم طفولي كثير ومكياجها خفيف وشعرها مستشورته ملامحه نااعمه
وصلت هند لعندها وبحب ضمتها وحنان تستحي من هند كثيررر
هند مسكت يدها بحب حنون ابي اطلب منك طلب لو تحبيني تنفذينه لي
حنان بحيا اكيد احبك وانتي تعرفين هشي مايحتاج اثبات
هند بابتسامه انا الحين اطلب هالاثبات اذا تحبيني تنفذينه لي بحياتي ماطلبت منك شي وهذا طلب مهم لي
حنان بحب وحماس بنفذه
هنده تبوس خدها تعتبرها طفله محمد يبي يشوفك
حنان وجهها احمر اخر شي توقعته ان هند تطلب منها هالطلب مستحيه تشوفه
حنان بصدق بس انا استحي
هند قرصتها على خدها وبابتسامه بكون معكم
ارتاحت حنان وابتسمت بحيا وقفتها هند ومسكت يدها ونزلت معها ارفعت جواله واتصلت على اخوها
عند محمد
كان يستقبل التبريكات سمع صوت نغمه مخصصها لهند
طلع من المجلس قرب من الحديقه صار يتلفت يمين شمال شاف هند تبتسم له بانتصار وبيدها كيس
الارض مو شايلته من الفرح وهو يشوف طفلته كبرت وحلوت وزادت انوثه قرب اكثر لين صار قريب من حنان الي كانت منزله راسها رفعه باصبعه وطبع بوسه على جبينها
هند مدت الكيس لاخوها محمد لبسها شبكتها
طلع الطقم من الكيسه الي مدها لهند فتح العلبه وطلع طقم من الالماس ولبسها وهي تنتفض كانها ورقه من الخجل سحب يدها ولبسها الخاتم والاسواره قلب يدها وحط فيهم الحلق
محمد بابتسامه صراحه ماعرف البسه لك اخاف اوجعك
هند بحب انا بتركم شوي لا تستحين حنون وانت محمد مثل ماوصيتك
تركتهم حنان وهم للحين مستمري بالوقوف
محمد كبرتي حنون وحلويتي
حنان تفرك اصابعها بقوه مسك يدها خاف تجرح نفسها من كثر الفرك
محمد ابتسامه ليش خايفه حنون
محمد يبيها تكلم حنون قولي شرطك
رفعت وجهها اكمل دراستي الجامعيه وانت وافقت
محمد بابتسامه وبتكملين الدكتوراه ان شاء الله
حنان بفرح لا اردي والله
محمد ههههههه والله زين سمعت صوتك ادخلي داخل مابي اثقل عليك بجلوسك معي
قبل لاتتركه قرب منها و وطبع بوسه على خدها الي ولع من الحياء
تركها وهو فرحان وهي تنهدت من كثر التوتر
بعد ماخلصت الملكه طلعت هند مع خالها واخونها وخالتها للمطار بيرجعون لطائف
وبدر وعدهم يلحقهم بكره
يتبع

عند جاسم

من بعد مطلع من عنده عبد الرحمن بنفس جلسته ماتحرك مهموم متضايق حاط يده على خده موجوع
كان يتمنى عبد الرحمن جاي بدري قبل لا يطلقها ومبارك له زواجه منها تمنى وتمنى
جاسم في نفسه بوجع لكن وش عقبه جاي ياعبدالرحمن جاي بعد مانوجعت وجع عمري كله بعد مانقهرت بعد مانكسرت يامرارتها قهر الرجال
وينك يوم تذلني وتخدعني وانت مبسوط بزواجي من خدامتكم وينها كانت كرامتي دستوها برجولكم دموع الرجال غاليه وانت سبب نزولها
مافكرت فيني وانت كاشف عشقي ومقربها مني باسم زواج محرم وماخذ علي حلوف ومواثيق اني ماتجاوزها
شلون طاوعك قلبك تحلفني بالقران على دفن رجولتي قدام بنتكم اجرمت بحقي ياعبدالرحمن اجرمت
دخل عليه نواف منصدم من شكل جاسم واضح انه متضايق ودموع متحجره بعيونه
نواف بخوف قرب منه
نواف جاسم
جاسم مستمر بسرحانه وتفكيره الموجع عاش بعالم الوجع والقهر والمراره
كل شريط اوجاعه بسبتها وسبب خالها يمر قدام عينه
قرب منه نواف وهزه جاسم وش فيك وش قالب حالك
جاسم صحى من متى انت هنا
نواف بجديه اكلمك منت معي وش الي مضايقك وتفكر فيه
جاسم بوجع عبدالرحمن زارني لمكتبي وياليته مازارني زيارته جايه متاخره بوقت غلط
نواف مستغرب وش جابه وملكة ولده الليلة
جاسم بابتسامه وجع جاي مقهور وندمان من الي سواه فيني
نواف مستغرب عمي عبدالرحمن
جاسم بحزن ايه قلب علي مواجعي وفتح اجروحي وطلع
نواف ترى الدوام انتهى تعال معي
جاسم بتعب والله مالي خلق لنفسي حتى كرسيي مالي خلق اقوم منه
نواف سحبه بيده مو على كيفك تبين اشوفك كذا واتركك بتجي معي وبتنام بعد عندي


في بريطانيا
عند غاده
اليوم اجازه بابريطانيا
من الصباح وهي تحاول تتصل بمحمد تبارك له ملكته لكن الاتصال يفشل مقهوره ان الخط ماشبك معها طلعت بتسال فهد اتصل بمحمد او لا
طلعت لصاله شافته جالس سرحان
عند فهد
صورة رفيق عمره قدامه وهو يشكي وجع حبه لاخته وهو مابيده حيله ماينجبر قلب على قلب
خايف تتاثر دراسة صلاح بسبب اخته
جلست واخوها بسرحان
غاده بحب فهووووود وش فيك شايل الدنيا على راسك
فهد طالع فيها بنظره احرقتها ورجع طالع قدامه وهو مقهور منها بايعه الي شاريها وشاريه الي بايعها
استغربت نظرته اكيد ورى هنظره شي
غاده بعصبيه ممكن تقولي سبب نظرتك هذي
فهد حاول يمسك اعصابه خليني ساكت اذا تكلمت مو من صالحك
غاده بنفس العصبيه تكلم ليه تسكت
فهد انفجر فيها ابي افهم ياغاده لمتى تعيشين حياتك مسببه الاوجاع لناس مالهم ذنب الا انهم حبوك وبسبب تصرفاتك اكرهوك وبعدها عضيتي يدك ندم وجلستي تتبكبكين اختصريها من البدايه وحبي الي يحبك قبل لا يضيع منك
غاده منصدومه فمها وعيونها مفتوحه على الاخر منصدمه من انفجار فهد الي ماله مبرر ردت على اخوها بدموع وجع احرقت خدودها انقلبت الدموك لبكاء يوجع
فهد انتبه على نفسه وطالع فيها ونصدم من شكلها ودموعها مغرقتها عرف انه جرحها ووجعها بجروحها لكن من قهره الي قاله
سحبها وضمها بقوه بحزن غاده والله من خوفي عليك قلت هالكلام
ياروح فهد موجوع من حالك وانتي موجوعه كل ليله اسمع شهقاتك الي توجعني على حب مافيه امل من رجوعه
صارت تشاهق بصدر اخوها الي صار يضمها بقووووه
كمل بحنان ابكي وابكي يمكن دموعك تعالج جروحك وتبترين حبه من قلبك
رفعت راسها من صدره وصارت تضربه على صدره
عند صلاح
من الصباح ماطلع من شقته ماله وجه يقابل فيه فهد بعد مافضح مشاعره قدامه
قرر يطلع من الشقه يغير جو وتفاجئ يسمع الصراخ غصب عنه وقف وهو يسمع الكلام بوضوح انصدم من صراخ غاده الي واضح انها تبكي بوجع
عند غاده وفهد
غاده بوجع بصراخ ليه توجعني بكلامك ليه اذا انت ياخوي تقول هالكلام اجل غيرك وش يقول
انا عايشه علشان اسبب اوجاع للي يحبوني وصارت تشاهق انا موجوعه فووووووق ما تتصور هو دخل حياتي بينتقم من ماماتي هو قالها لي وش ذنبي قولي وش ذنبي
مو ذني انه تزوجني بلوي ذراع كاني انسانه على الهامش مالي حق اختيار زوجي
هو تحداني واوجعني كثير انا مالي شغل بنتقام مامتي فيهم انا ماكنت ادري من البدايه عن فعايل راشد ولا كنت ادري ان عندي عيال عم بينتقمون من امي فيني
ولد عمي ظهر بحياتي علشان ينهي لي حياتي
حصل الي يبه الحين عايشه ميته بلا روح
وصارت تبكي بوجع حبيته بعد ماتركته وانحشت
ربي انتقم مني انه سكن روحي وامتلكها وهو ولا هو داري كل خليه فيني تصرح بحبه
اقولها بصوتي كله احب فيصل واموت فيه لكن وش الفايده حبه سم يمشي بدمي بيموتني


عند صلاح
سمع الكلام بوجع نزل مثل الصاعقه عليه لعن الساعه الي طلع فيها من شقته ولعن وقفته وسماعه للكلام مع كل كلمه واعتراف منها بحبها المجنون لفيصل خناجر مسمومه تنغرس بقلبه مووووووجع مقهووور خلاص انذبح
حس بثقل برجوله من قو الكلام الي سمعه سحب نفسه بالغصب ودخل شقته ورمى نفس بوجع على الكنبه وكانه منسدح على شوك
عند فهد وغاده
طول الوقت ساكت ينتظرها تفضي الي بقلبها يبيها ترتاح
وهو يستمع لها موجوع ذبحته دموع الوجع والقهر الي يشوفها
فهد بصوت مبحوح وندم خلاص انا اسف اني اوجعتك بكلام وهذاني اوعدك ماجيب لك سيره بالموضوع
غاده مسحت دموعه بيدها تحس حلقها يوجعها من الصرخ وعيونها تحرقها من كثرة دموعها
غاده وقفت بحزن بدخل غرفتي انام
فهد بحب والله ماتركك تنامين وهذي حالتك
غاده بابتسامه قهر عادي تعودت
فهد سحبها وجلسها جنبه انا الحين سبب الي فيك اذا لي خاطر البسي بنطلع نغير جو انا مخنوق واكيد انتي اكثر
استجابت لكلام اخوها ودخلت غرفتها ولبست بنطلون وبلوه طويله وفوفه بالطو ولبست حجابها وطلعت مع اخوها
عند صلاح
منسدح على الكنبه مووووجوع لاقصى درجات الوجع سمع صوت باب الشقه وسمع بعض الهمس بينهم وهو بحالته نام على الكنبه


في الرياض

بيت نواف
دخل نواف مع جاسم واستقبلتهم الجوهره بيدها بنتها قربت من جاسم وباسته على راسه وهو اخذ منها فرح
جاسم بحب شلونك وشلونها حبيبة خالها
الجوهره كلنا بخير بشر عنك وعن امي وجداتي
جاسم بحب كلنا بخير
جاسم مستمر يبوس بفرح بحب وحنان ويلاعبها
نواف جهزتي العشاء وغرفة الضيوف
الجوهره ايه
اطلعت من عندهم دخلت المطبخ
جاسم بجديه بطلع لبيتنا وش ينومني عندكم
نواف باصرار غصب عنك بتنام عندنا
جاسم باصرار ان شاء الله مانام الا بسريري
نادتهم الجوهره للعشاء
قام جاسم وهو شايل فرح رفض لا يعطيها ابوها جلس على الطاوله ياكل وهي بحضنه
الجوهره مدت يدها بتاخذ بنتها منه تبيه ياكل براحته لكنه رفض مشتاق لها ويحبها بيعوض فيها ابوته الي مستحيل تصير مايبيهم اذا هند مو امهم
اكل كم لقمه وقام منسده نفسه من بعد مقابلة عبدالرحمن
نواف مايبه يرجع لبيتهم مايبه يختلي بنفسه ويقلب عليه المواجع
لحقه نواف حلفت عليك تنام عندي
جاسم فاهم صديقه وكاشفه لكنه ماحب يبين له بس الليله لكن من الحين اقوله باذن ربك بكره نومي بسريري
نواف بابتسامه يها السرير الي غاثني فيه لو تبي جبته عندنا
جاسم دخل الصاله وجلس فيها ونواف رجع يكمل عشاه
انسدح على الكنبه ومن التعب نام بمكانه
طلعت الجوهره بتدخل المطبخ شافته نايم على الكنبه و غاط بنومته ماحبت تنكد دخلت غرفة الضيوف جابت له مخده وشرشف
قربت منه وبهدوء رفعت راسه وحطت المخده تحته وغطته بالشرشف وقفلت نور الصاله
ورجعت لنواف الي جالس ياكل
الجوهره بحب ياقلبي عليه شكله منهد نام بالصاله
نواف طفيتي عليه النور
الجوهره ايه ولحفته ولا حس فيني
نواف بابتسامه من الفجر صاحي وسفر زين مانام واقف
يتبع


في الطائف
عند غاده
خوات مطلق عندها غاده غصبت على ام مطلق ترتاح دخلتها غرفها واتركتها ترتاح
وهي رجعت وانسدحت على الكنبه وحولينها البنات سوالف وضحك
تقربت غاده من البنات كثير وتقربن منها اكثر
غاده بحب فطوم وش رايك بكره نطلع مشغل نحورف باشكالنا قبل الحفله
فاطمه باستغراب وش بنسو
غاده مدري شكلي بقصه ماقدر اصبغ اخاف يضر بحملي
منيره بحماس انا طول عمري احلم اصبغ شعري بني
فاطمه انا احب طول شعري
غاده تتامل بفاطمه شعرها طويل لتحت ظهرها طول واحد
غاده وش رايك تقصين شعرك مدرج وتقصين لك قذلة من قدام وتصبغينه بني فاتح بخصل بلاتيني
فاطمه وهي تفكر مدري اخاف مايطلع علي حلو واول مره اصبغ اخاف اطلع كاني عجوز مشهبه
غاده ههههههههههه حلوة عجوز مشهبه
عندي احساس بتطلعين صاروخ
حصة صاااروخ وشو
غاده هههههههههه ياحبي لك حصيص هذي الكلمة تنقال رمز للجمال الصاااارخ
منيره بزعل كانكم ناسيني وش اسوي بشوشتي
غاده تاملت شعرها طويل ومن تحت متقصف كثيرر
غاده بابتسامه انتي شكلك بنحلقك على هالشعر الخربان
حصة ههههههههههه متخيله شكلك منيره محلقته عزاله ماحط بمطالعك
منيره بعصبيه اقول انثبري وسكتي
غاده بحب ههههههه منور زعلت يالخبله مو حلاقه اقصد بنشيل الشعر المتكسر
علشان لصبغتيه الصبغه الي تبينها مينتفش زود فهمتي يحلو
حصه ما شاء الله مخططين يمكن امي ماترضى
غاده أي والله فاتتنا ام مطلق شلون بنقنعها
منيره بحزن ماضنتي بترضى نحوس بشعرنا
غاده بابتسامه لها حلالة المشاكل المستعصيه
البنات مستغربات واضح على وجيهم الاستفاهم
فاطمه بستغراب من الي بتقنع امي وبتسمع منها
غاده بحب هنوده فديتها اذا حطت شي ببالها يصير وهذي سهله عليها
منيره اجل هند عليك
غاده بحب ازهلوها
فاطمه بتسال الي ودي اعرفه ليش هند مطوله شعرها بهالطول
غاده شعرها سالفته سالفه حزينه مابي نضيق صدورنا
منيره بحماس طالبتك تقولين
غاده باستسلاام حبت تختصر السالفه من غير لاتفضح هند عندهم
كملت غاده ام هند كانت تحب الشعر الطويل مهتمه كثير بشعرها كان طويل بزياده لكن اقصر من شعر بنتها
مره راحت لمشغل واحرقوه لها وقصته لين اكتوفها ومن بعده وقف ماطال تقول الي قصته يدها مسمومه
حاولت انه يطول لكن مافي امل وقبل لا تموت كاتبة وصيتها بورقه امنتها على اختها غاده وامنتها اذا تحبها تطول شعرها
وهند متعلقه بامها كثيرر وتحبها بجنون علشان كذا مطوله شعرها تقصقص فيه على خفيف لكن على طوله
فاطمه بحزن كم كان عمرها يوم ماتت امها
غاده بحزن يوم كانت عمرها سبع انجلطت امها وانشلت وماتت وعمره هند 10 سنوات
منيره بجديه احس بعيونها حزن
غاده بحزن كانت متعلقه كثير بامها يوم ماتت انهارت وتعبت وصارت تتعلق بشغلات امها صارت لتضايفت حطت راسها على كرسي امها كانها بحضنها واذا نامت شمت ثوب امها الي منزلته قبل لا تموت رفضت احد يغسله اذا فيه حفلة امهات تحط ثوب امها بشنطتها كانها حاضره معها يوم تستلم شهادات التخرج الثوب بيد والشهاده بيد للحين موجود باغراضها
وكملت عليها مسئولية غاده لانها تحملت تربيه غاده وهي عمرها سبع سنوات يوم امها انجلطت رفضت احد يمسكها كانت تطلب من غاده ما تناديها الا بماما سافرت برى واخذتها معها
البنات موجوعات على هند معقوله ورى هالقوة معاناة
كانو يحسدونها على قوتها وغناها مادرو انها محرومه من اهم شي ومستحيل يتعوض فقدانها لامها
البنات مندمجات مع غاده محد حس بوجود ام مطلق الي واقفه سمعت كلام غاده وصارت دموعها تنزل اوجعها قلبها على هند وعلى معناتها هي سمعت مره من ام راشد ان ولدها ماقال لهم ان عنده بنات الا متاخر وانه طلق امهم وعايشات عند خالهم
ارجعت للغرفه الي كانت فيها ماتبي احد يشوف دموعها
وهم يسولفن دخلت عليهم هند وخالتها سمعن الخطوات التفتن
قربت منهم هند وخالتها وراها
هند السلام
البنات وعليكم السلام
قربت نوره وقفن لها البنات وباسن راسهن مستغربات من تكون هذي
هند حطت يدها ورى ظهر خالتي هذي خالتي نوره الي صدعت روسكم عنها
انصدمن من شكل نوره الي يشوفها يقول اخت لهند
نوره وش اخباركم يابنات وينها امكم
فاطمه الحمدلله
وقفت غاده وباست راس خالتها
غاده من اليوم جالسه وقلت لها ترتاح
هند مبتسمه انتي يالبطه ماشوفك الا منسدحه
غاده بابتسامه خالتي سكتيها ولا بسكتها بطريقتي
نوره بابتسامه بكفيكم لو تذابحن ماتدخلت
غاده بحب مبروك ملكة محمد
نوره بفرح الله يبارك فيك
هند بابتسامه طلعتي قديمه وانحرقت كرتك
نوره ههههههههه خفي على غاده لا تولد علينا الليله
غاده سحبت خالتها وجلستها جنبها بابتسامه خالتي هلي الشريط كله مابي اختصار
هند بابتسامه مووووتي محد بقايل لك خالتي تعبانه
غاده تستضعف لخالتها خالتي يرضيك يطلع بولد اولدك وحمه على وجهه بسبب ان امه تبيكم تقول لها الي صار
هند هههههههههه ليكون نشوف صورة الطقاقة بوجه ولدك
نوره هههههههههههههههه كله ولا ولد خالد بكره اقولك
غاده بغيره خالتي حنان حلوة وش كانت لابسه
هند ههههههه بدت الغيره حنان بزر يالعجوز
غاده بعصبيه عجوز تتوطا بطنك
نوره ماتقدر تمسك نفسها من الضحك
نوره ههههههههههه تذابحن بعيد بغرفة لحالكم طيرتو قلوب البنات
غاده التفتت للبنات كاتمات ضحكتهن
غاده بمزح انتبهن لا تشرقن بالضحكه طلعنها
البنات ضحكن بخجل
ام مطلق قامت غسلت وجهها من سمعت معاناة هند وهي مستمره بالبكي
طلعت لصاله الكل التفت لها وقفت هند وخالتها بحترام باسو راسها
نوره منوره يام مطلق
ام مطلق منور باهله مبروك زواج ولدك
نوره بابتسامه الله يبارك فيك وعقبال مطلق
ام مطلق الله يسمع منك
طالعت ام مطلق هند بحنان وقلبها منفطر عليها
ام مطلق بحنان مبروك ملكة اخوك
هند بابتسامه الله يبارك فيك ياخاله
ام مطلق طالعت ببناتها يله يابنات مشينا
هند سبقت خالتها وتكلمت وش دعوه ياخاله ندخل تطلعون بنجلس شوي
ام مطلق بصدق والله يابنتي تعبانه ووقت نومي راح
نوره ترى هذي مانعتبرها زياره توعيدني قبل لا تطلعين بكره تكونين موجده ونضيفك
ام مطلق جعلك سالمه هند ماقصرت
نوره بجديه انتي قلتيها هند ولك حق علي اضيفك واقدر جيراني قبل ضيوفي
ام مطلق بتعب بكره ان شاء الله بنجيك
هند بجديه زين على الاقل نعزم اهل وليد خاله لا تنسينهم ا كيد انهم الليله في بيتهم لان بكره دوامهم بالشركه
وقفن البنات ولحقتهن غاده عطتهن عبايتهن لبسنها وطلعن
في بيت مطلق
جالس بالصاله مستغرب من الظهر ماشاف امه وخواته
سمع صوت الباب يفتح فز من الكنبه
شاف امه وخواته داخلات
ام مطلق بتعب وينه ابوك ليش جالس لحالك
مطلق بابتسامه نسيتي ان ابوي ينام بدري
ام مطلق بحزن تعشى
مطلق ملاحظ الحزن على امه ايه مسك يد امه يمه حلفتك تقولين من مضايقك ومكدر خاطرك
ام مطلق انفرطت بالبكي البنات تفاجئن ماصار شي يضايق امهن وغاده طول يومها حاطتها على راسها وامهم مبسوطه تسولف معها وش صار يجهلنه
قربت فاطمه من امها ونزلت برقع امها ومسحت دموعها
فاطمه بحب وحنان يمه ليش تبكين وانتي كنتي مبسوطه وش الي مكدرك اذا ماتبينا نروح لهند والله مانتحرك من بيتنا كله ولا تبكين

يتبع ,,,,

👇👇👇


تعليقات



    حجم الخط
    +
    16
    -
    تباعد السطور
    +
    2
    -