رواية حياتي عذاب -6
أميرة: طلعت لك ثوب وغترة عشان نروح لخوالك.. "يوووه وشلون نسيت وناظر الساعة اللي بيده الساعة 1 وثلث..؟؟"..
متعب ناظر لها بتكبر: جاهزة..."هزت رأسها بأيه"..طيب بعد ربع ساعة وأكون جاهز.."ومشى من غير ما يشكرها اقل شئ صدق إنسان ما عنده ذوق حتى مشكورة ما فيه وبعدين ليش يكلمني كذا عليه مزاج يموت بلد..اوووف أمري لله حظي ومكتوب علي الله يصبرني عليك وعلى طبعك الزفت جلست بعصبية وأخذت الريموت تقلب فيه وشد انتباهها مقاطع مضحكة تضحك وما حست فيه واقف وكان يتأملها وبنظراته ألف معنى ومعنى هو بنفسه ما قدر وش يفسرها.."..
أميرة بتعجب: من متى وأنت واقف..؟؟
متعب: من زمان...يله بسبقك لتحت لا تتأخرين..."طلع بسرعة وتركها تلبس عبايتها وبعد ما خلصت ومرت بالمجلس اللي ما كان فيه إلا بلقيس سالت عن خالتها وقالت أنها ركبت من بدري وعالطول راحت للسيارة اللي كانت واقفة عند المدخل نزلت بسرعة من الدرج وفتحت الباب وسلمت ما سمعت غير زفرته القوة شكله معصب بس ما تأخرت وراحوا للبيت خالته فوزية وأول ما دخلوا كانت جالسة بحياء ولا احد يعبرها وكانت تشوف نظرات خالته فوزية كلها تكبر وكأنها جالسة على قلوبهم شافت متعب يسولف مع خالته كانت ضحكته جذابة وأحلى ما فيه ثقة بنفسه كبيرة وجلسته اللي كأنه سيدة المكان وبعد ما طلعوا منهم راحوا لخاله عبدالله وصالح...
حصة بعصبية: وليش ما قلتولي..؟؟
طلال: يمه الله يهديك...وإذ عرفتي وش بتسوين...
محمد يضحك: هههههههههههههههههه أخاف تسافر معهم..."وضحكوا كلهم"...
حصة: أحر ما عندي ابرد ما عندكم بنتي تسافر ولا اشوفها أو حتى اكلمها...
طلال يحب رأسها: هدى بالك يا يمه ترى ما يسوى عليك وإذ تبغين تكلميها.."طلع جواله"..دقي عليها
شماء: تقول رغد نست جوالها بغرفتها
طلال: خلاص مو مشكله هذا رقم متعب اخزنه بجوالك...
خوله: وأنت وش عرفك أنهم سافروا...
طلال: كلمت متعب وقالي أنهم بالمطار...
حصة: وين يسافرون..؟؟
طلال: لمكة ..؟؟
خوله: طيب يطولون هناك..؟؟
طلال: لا..قال أسبوع ويرجعون..؟؟
حصة: خل عنك هالسوالف وخزن رقمه بسرعة...
شماء: يمه الله يشوفك يقول كأنها البنت الوحيدة لك...
طلال: هااااه أم طلال مو كان منزلتي نزلت واميرووة ارتفعت وضربت المؤشر الأحمر...
حصة: والله كلكم عزيزين على قلبي وما أرضى بفراق احد بس أميرة غير..
خوله: وشلون غير ترى بديت اغار..
طلال: ههههههههههههههههههههااااي هذا وأنتي الكبيرة تقولين كذا اجل أنا وش أقول بس تصدقون أميرة غير..."ويدق جوال شماء "
شماء: يله أنا بروح..
محمد: بدري يا بنتي اجلسي لحد العشاء..؟؟
شماء: لا يبه ماجد عند الباب طلال الله لا يهينك روح افتح له...
طلال: وهذا أنا بوديك بنفسي وأخرتها من ورأي تتصلين عليه يأخذك...
شماء بخجل لأنها انكشفت: ما اتصلت تفاجئت حالي حالكم...
طلال بخبث: شمااااء ترى حركات النص الكم مو على طلال...سامعه...
شماء انحرجت: يوووه..عمرك ما صدقت بروح أنادي البنات.."طلعت فوق لغرفة طلال اللي كانوا يلعبون بلاستيشن "...
توها مسكرة من حصة تسال عن أحوالهم بعد ليلة أمس...
فوز: يا حليلها أميرة سافرت اليوم...؟؟
عزيزة: إيه الله يسهل عليهم وكان ودها تروح تشوفها بس طيارتهم بدري..؟؟
فوز: يمه كنت بسالك عن هاجر هي ليش كذا ما تتكلم إلا بطرف خشمها وأمس بالزواج خير شر ما قامت ترقص إلا لما دخل أخوها...
عزيزة: اخوي الله يرحمه مدلعها بالحيل...
فوز: شفتي أمس كيف طالعة بالشارع تقريبا كل وجهها طالع كان ما تغطت اصرف لها عكس بلقيس مرة...حبوبه..."ما ردت عليها وشافتها سرحانة"...
فوز انتبهت عليها: يمه..وش فيك..؟؟
عزيزة تتنهد: لا ما في شئ وين أخوك وأختك؟؟
فوز: هههههههههههههههههه يلعبون كوره ههههههههههههههههههههه
عزيزة بتعجب: أي كوره..؟؟
فوز: بالبلاستيشن...
عزيزة: طيب اتصلي على أبوك شوفي وينه واسأليه إذ بيتعشى هنا أو برا ؟؟ "قامت واتصلت على أبوها وبعد ما بلغتها انه بيتعشى برا راحت للبيت الشعر وقبل ما تدخل تسمع هواش وصراخ..
لمى بقهر وبصوت عالي شوي: غش...غش...والله غش..
رياض: هههههههههههههههههههاااااي أنتي اللي ما تعرفين تلعبين...
لمى: لا أنت أناني...أقولك وشو اللي يشوت تسفهني وتعلمني غلط عيدها من الأول...
رياض بتعجب ويبتسم: والله ما أعيدها تعالي فوز شوفي كم جبت بمرماها..
فوز تبتسم: يووووووه 10 / 0 اخيييييييييييه عليك يا لمى فشلتينا لا عاد أشوفك تلعبين مع احد..
لمى بقهر: هو غشااااااااش..إذ سألته ما يعلم عيدها من الأول...
رياض: لو تموتين ما أعيدها خلصي الشوط هذا وأعيدها...
فوز: دريتي أميرة سافرت اليوم...
لمى تلتف عليها من غير ما توقف اللعبة: لا عاد متى..؟؟
فوز: اليوم بعد صلاة العصر..هييييييييييه يا خبله سجل عليك وأنتي مو لمه.."و بقهر قفلت البلاستيشن بعصبية"...
رياض: هههههههههههههههههههههههههههههه ليه تقفلينه..؟؟
لمى: عشان ما تغش مرة ثانية..
رياض: إذ ربي باليك بالغباء وأنا وش دخلني تقفلينه..
لمى: ما الغبي إلا أنت وإلا وش حادني العب من غشاش مثلك...
رياض: ههههههههههههههههههههههههه عمري ما غشيت حسبي الله عليك يا طلال..
لمى بقهر وخجل: الحين حنا بطلال عشان تتحسب عليه وبعدين..وش ذنبه ولد خالتي..؟؟
رياض: ذنبه...انه يغش وعلمني وشلون أغش على الناس وأول تجاربي معك أنتي ...
لمى واقفة: أحسن حس اللي أحسه..."وطلعت"
رياض بصوت عالي: ههههههههههههههههههههههه وين رايحه تعالي ..أعلمك...
لمى من برا تكلمه: دامه معك عفت كل شئ...
بالصالة جالسة تسولف مع بنت خالتها جتهم بعد المغرب مع أمها اللي راحت مع منيرة وخالتهم لعزيمة أخوهم صالح وجلسوا هالثنتين لوحدهم وبلقيس تعبت وراحت ترتاح ببيتها...
بشاير: بس الحق ينقال مرة أخوك تجنن.."بقهر واضح".. ما تنلام إذ خالتي نقتها لاخوك...
هاجر: روحي زين على ايش زينة حبيبتي تدرين اليوم قاعدين على الغداء اخوي مغطي عليها ..
بشاير: معليش هاجر..الحق ينقال أخوك مملوح بس أميرة شئ بصراحة أحسها مغطية عليكم..
هاجر بقهر: اوووووف ممكن تغيرن الموضوع...
بشاير بخبث: هااااااااه هاجر ليكون تغارين منها..
هاجر باشمئزاز: أنا اغار من وحدة لا راحت ولا جت ههههههااااااي ده بعدك أنتي وهي.. تدرين تمنيت اخوي أخذك ولا أخذها...
بشاير بأسف: كل واحد يأخذ نصيبه...ما علينا اجل جدتك لعنت أبو خيرك على اللبس..؟؟
هاجر: اسكتي شوي وتقول لاخوني كانت منقهره مني...تدرين بالزواج أنا أميرة الحفلة هههههههههههههههههه.."بشاير تعرف مبالغات هاجر وتعرف أنها قد ايش مغرورة وأنانية عشان كذا تحب تقهرها بالكلام اللي يضايقها وتحب تركز على اللي يغيظها..."..
بشاير بخبث: اجل أميرة وين راحت...؟؟
هاجر بقهر: أميرة...وأميرة..تراك ذبحتيني فيها الله يأخذك ويخذها بيوم واحد...
بشاير: يوووه بسم الله علي الله يأخذك أنتي..أنا لسه ما تهنيت بعمري وقدامي مستقبل..
هاجر تتنهد بضيق: دام قدامك مستقبل نقطينا بسكاتك ولا تجبين سيرتها...
بشاير: ههههههههههههههههههههههه وش دعوة يا هاجر ما هقيت تغارين لدرجة يا بنت الحلال إذ ضليتي كذا صدقيني راح تخسرين نفسك وتخسرين اللي حولك..
هاجر وقفت بعصبية: يا ربي منك دايم إذ شفتيني لازم تقولين هالمحاضرة التافهة أحسن لي أجيب لك شئ تشربيه..
بشاير تكتم ضحكتها: أنا أقول كذا أحسن ههههههههههههههههههههههههههههههههههه
"""الجزء السادس"""
نزلت الطيارة على مطار الملك عبد العزيز بجدة كانت جالسة بجنبه عند النافذة وما قاموا للين ما خفت الطيارة فتح جواله واتصل على أمه عشان يطمنها وراحوا لفندق جدة هليتون واخذوا جناح يطل على البحر جلست أميرة بتعب وتحس أنها محتاجة لنوم شافت السرير قدامها فانسدحت عليه وعيونها على الغروب من الشباك الكبير يالله الحين بالخرج أذان وهنا لسه الحين أمي وأبوي وش يسوون وخوله ورغد وطلال لهم وحشة وهذا ما غبت إلا يوم الله يعيني باقي العمر وما حست إلا النوم سيطر عليها دخل للجناح وما شافها بالصالة الصغيرة لما دخل الغرفة شافها نايمه كالأطفال ابتسم وتقرب منها حب يدرس ملامحها عن قرب مأخذه من طلال شئ بسيط لكن طالعه أحلى منه بكثير ما حس بالوقت اللي جلسه وهو يتأملها إلا وتعبس ابتسم على حركتها حتى وأنتي نايمه ما تتركينها بس محليتها حاول يسحب الغطاء من تحتها بشويش عشان ما يزعجها تحركت بحركة تلقائية واقتلبت للجهة الثانية ابتسم وراح للصالة جلس يفكر باللي راح يواجهه..هند للحين متمسكة فيني ومثل ما قالت ما راح تتخلى عني وأميرة للحين ما عرفتها والزمن كافي أن يعرفني عليها أكثر وأكثر..تنهد وانسدح بالصالة كان يفكر بأميرة وبهند والأيام اللي راح تقابله واخذ جواله وكتب لها رسالة...
جمعت الشوق وأهديته عيونك وكل الحب في دربك نثرته
وعطرت المشاعر من جنونك وزفيت العمر لك لو خسرته
ومالها إلا ثواني ترد له برسالة...
أهلا هلا بك يا بعد كل من لي يا أغلى من الغاليين يا روح روحي
يفزلك قلبي وأرحب واهلّي ويطيب في قربك جميع الجروحي
تنهد من أعماق قلبه ومع التفكير ما حس إلا بإقامة الصلاة قام توضأ ونزل تحت يصلى جماعة بمصلى الفندق...
أم عبد الرحمن: يا وليدي ترى الدنيا فانية لا يصير قلبك اسود...
مساعد بقهر: ما ادري وش يعجبكم رجعنا المياه سكتنا وما قلنا شئ أما أن أعطي عماتي من حلالنا أسف يا جدتي..اسمحي لي..
أم عبد الرحمن بحزن: حسافه والله هذا وأنت الكبير والعاقل تقول كذا.."تنهدت بضيق".. الله يرحمك يا عبد الرحمن شوف يا مساعد ترى...
مساعد قاطعها: جدتي...هذا شئ يخصنا صدقت لما قلت ما زوجت بنتها لأخوي عشان توصل للي تبغاه لكن.. لا...ما تشوف شئ مننا..
أم عبد الرحمن بعصبية: وأنا وين راح نصيبي ليكون لهفتوه وش فيك على عماتك..هاااه...استح على وجهك وراع ربك فيهم...
مساعد بعصبية: جدتي...الله يخليك لا تدخلين بشغلي الله يخليك يا جدتي ونصيبك بالحفظ والصون ومتى ما تبغينه من الحين هو عندك.."وطلع من غرفتها بسرعة وهي تتنهد وتطلب منه الهداية"..
عهود: خلاص يا هند كم مرة أقولك انسيه الرجل تزوج وراح يعيش حياته..
هند تبكي: لا مستحيل انسااااه أنتي ما قد جربتي الحب عشان كذا منتي حاسة باللي فيني..
عهود تتنهد بضيق: ومن قال ما جربته وانكويت بناره وأكثر منك بعد..
هند تحاول تستوعب كلامها: عهود أنتي قد حبيتي..!!.. ليش ما قلتيلي ومين حبيتي..؟؟..
عهود بحزن: سالفة طويلة بس مو نفس طريقتك حبيت ولد عمي تقدرين تقولين من طرف واحد لكن أخته عارفه أني أموت فيه ومع الأسف أمه زوجته بنت أخوها........"بحزن".....الله يوفقهم
هند: أنا لو بمكانك أحارب للين أوصله وأقوله اللي بقلبي مو أتعذب ولا تضنين أن متعب انتهى من حياتي راح أحارب للين ما أوصله تظنين حبنا جاء بالسهولة وينتهي كذا الظاهر ما عرف من هي هند زين..
بعد ما رجع من المسجد دخل الغرفة كان التكيف مرة عالي راح ووطئ عليه وقف يتأملها وهي نايمه ومكومة على نفسها من البرد وكأنها ربيان...
متعب يهزها بهدوء: أميرة..أميرة.." شكل الأخت نومها ثقيل"...أميرة..."سمع هم همه ابتسم"..يله طلعت صلاة العشاء والمغرب ما صلتيها قومي.." ما شاف أي بوادر للحركة جت بباله فكرة وابتسم بخبث واخذ الغطاء وسحبه بشويش وهو يضحك من قلب.."
أميرة تجر الغطاء:رغد خليني أنام..."ناظر لها بتعجب..رغد..وش جاب رغد الحين الأخت تظن أنها للحين ببيت أهلها خخخخخخخخخخخخخخ"...
متعب بجدية وماسك ابتسامته: يله قومي.." فتحت عيونها من تحت الغطاء واستوعبت وضعها يوووه هذا متعب يا ربي حتى النوم مو مأخذه راحتي فيه ويقولون الزواج راحة...امحق...لما اختفى صوته وسمعت صوت بالجهة الثانية وكأنه تلفزيون بعدت الغطاء عن وجهها جلست على حيلها وللحين النوم بعيونها قامت عالطول وراحت للحمام وأخذت لها دش تبعد اثر الإرهاق ولبست سبورت مريح طلعت وحطت شعرها ذيل حصان وبعد ما خلصت الصلاة طلعت وراحت للصالة وشافته منسدح على الكنبة الحين قومني والحبيب نايم...طيب أنا اوريك..؟؟
أميرة: متعب... أنت نمت...؟؟
متعب: لا...وش بغيتي..؟؟
أميرة بتردد: اممممممممم بعد إذنك ممكن استعمل جوالك..."فتح عيونه بسرعة وكأنه مصدوم وجلس على حيلة ويناظر لها "..
متعب بشك: ليش..؟؟
أميرة بغرابة: بكلم أهلي.. إذ ما عندك مانع..؟؟
متعب براحة: لا ما عندي.." وطلع جواله وحمد ربه ما فيه أي رسالة وأعطاها إياه أول ما قامت تبغى تروح للغرفة الثانية وقفها"..
متعب: وين رايحه...؟؟
أميرة بغرابة: بالغرفة.... اكلم..؟؟
متعب وقف مقابلها: وليش ما تكلمين هنا..؟؟
أميرة بخجل: ما اخذ راحتي عند أي احد..
متعب: بس أنا مو أي احد أنا زوجك وإلا نسيتي.."نزلت عيونها"...يله دقي عليهم..."دقت على البيت وطول ما رد إلا وتسمع صوت بنت أختها"..
أميرة بفرح: هلا رغد..وشلونك حبيبتي...؟؟
رغد بفرح: خالتي أميرة...أنا بخير وشلونك أنتي..؟؟
أميرة تجلس: بخير..وشلون أمي وأبوي وخوله وشماء وطلال..؟؟
رغد: كلنا بخير..خالتي كنا بنجيكم اليوم العصر لكن خالي قال أنكم سافرتوا...
أميرة بأسف: والله....خسارة ياليتكم جايين طيب وين أمي..؟؟
رغد: اصبري لا تسكرين.."وراحت بسرعة تنادي أمها حصة اللي من سمعت أن أميرة تبغها عالطول قامت تكلمها بلهفة وشوق لبنتها..."
حصة: هلا يمه أميرة وشلونك طمنيني عنك إن شاء الله مرتاحة ومبسوطة وشلون متعب؟؟..
أميرة تبتسم وتناظر لمتعب اللي من أول ما كلمت وهو يراقبها: أنا بخير ومتعب بخير...
حصة: يمه أميرة أنتي الحين صرتي مسؤولية عن زوجك وعن نفسك ما أوصيك ما أبغى يقولون بكرة حصة ما عرفت تربي أو منيرة ما عرفت تختار مرة ولد سنعة أبغاك تصيرين مثل نورة اللي سيرتها على كل لسان...سامعه يمه...
أميرة حست بخوف بكلامها: إن شاء الله يمه.."شافته يأشر لها عشان تعطيه يكلمها"...يمه متعب يبغى يكلمك..؟؟
متعب بابتسامة الجذابة: السلام عليكم ياعمه وشلونك وشلون أبو طلال..
حصة: هلا بوليدي متعب..بخير يا جعلك تشوف الخير أنت بشرني عنك وعن الأهل...
متعب يناظرها: كلنا بخير ونسال عنكم..
حصة: تسال عنكم العافية وشلون رحلتكم إن شاء الله بس ما تعبتوا..
متعب: لا الحمد لله كل شئ ميسر لنا...
حصة: طيب يمه ما أطول عليك وانتبه لأميرة ولنفسك...
متعب: إن شاء لله مع السلامة..."سكر وظل يناظر لها ومستغرب من سكوتها"...وش فيك ساكتة..؟؟
أميرة تحاول تبتسم: ما في شئ..."نزلت عيونها ما توقعت صوت أمها يخليها تحن لهم وزاد مخاوفها الكلام اللي قالته صحيح انه الكلام سهل لكن معناه ثقيل وخافت من الفشل حست ودها تبكي ففضلت تسكت وتنزل عيونها عشان ما تنفضح قدامه.."..
متعب بغرابة: أميرة.."ناظرت له بدموع مجتمعة بعيونها"...وش فيك..؟؟.."هزت رأسها بلا وعالطول قامت للغرفة وانسدحت على السرير قام ورآها وشافها تبكي ..وش فيها هذه...بسم الله تو وش زينها.."
متعب يجلس بجنبها: أميرة....وش فيك..؟؟..."ما ردت عليه غير بالصياح"..أميرة...ليش تصيحين الحين..؟؟.."نفس الشئ ما ردت"..أميرة..ممكن تهدين عشان افهم سبب الصياح..."لما شاف ما في أمل ترد قام وراح للمطبخ وجب كاس مويه ورجع ما شافها بالغرفة وعرف أنها بالحمام.."...
متعب يطق باب الحمام: أميرة....افتحي الباب...أميرة..."لحول الله وين ابتلشت بذي بعد وش فيها عشان تصيح..؟؟..وبصوت عالي"..أميرة قسم بالله إذ ما فتحتي..لأكسره افتحي بسرعة.."ومسك مقبض الباب ويحركه بقوة ما يدري ليش خاف عليها"...قلت افتحي..."وسمع القفل يفتح وطلعت هادية ومنزلة عيونها اللي منتفخات من الصياح وجهها احمر"...
متعب سحبها لوسط الغرفة وبجدية: وش فيك...؟؟؟
أميرة بصوت مبحوح: ما في شئ..؟؟
متعب بنفاذ صبر: كل هذا وما في شئ وش سبب الصياح..؟؟
أميرة متمالكة نفسها عشان ما تصيح مرة ثانية: قلتلك ما في شئ مهم...
متعب بنرفزه: دامه مو مهم يكون أحسن ما اعرفه ناقص عوار رأس.."ما ردت عليه وصدت للجهة الثانية"...تجهزي عشان نطلع نتمشى...
أميرة بنفس شينه: مالي خلق اطلع...
متعب بعصبية: لا بتطلعين غصب عنك..سامعة...انتظرك بالسيارة وإذ ما جيتي خلال 5 دقايق والله وهذاني احلف أرجعك على أول طيارة للرياض.."وطلع من غير ما يسمع ردها تنهدت بتعب الحين ما يفكر إلا بنفسه إلا اطلع معه الله يعيني يا رب صبرني عليه وعلى عصبيته وتساعدني يا رب لبست عباتها ونزلت تحت اللي كان واقف عند المدخل ركبوا السيارة وساد الصمت بينهم...
دخلت عليها بغرفة أختها وشافتها منسدحة على السرير تقرى شئ...
خوله: رغد أنتي هنا وأنا أدور عليك..."ردت لها بابتسامة"...وش تسوين بغرفة أميرة...؟؟
رغد تجلس مقابلة أمها: ماما اشتقت لخالتي كثير...
خوله تبتسم: مسرع ما تشتاقين أمس شايفتها...
رغد: من سمعت صوتها اليوم كنت بصيح..."نزلت عيونها"...
خوله: وليش تصيحين...؟؟
رغد: لأني أحب خالتي مرة وما ابغها تبعد عننا...
خوله تحضنها: هذه الدنيا يا يمه تبعد الحبيب وتقرب البعيد وش رأيك نروح تحت نلعوز بخالك شوي..
رغد بنظرة كلها فرح ونفس الوقت خبث: وينه الحين..؟؟
خوله: هههههههههههههههه تحت عند أمي وأبوي...
رغد وقفت تسحب يدها: يله...هذه فرصتي اقهره قدامهم.."شافت الفرح بعيونها برغم أنها مكسورة من داخلها لكن ما تحب تظهره قدام أي احد من كثر ما تحب خوالها ما تحب فراقهم اجل لو بكرة طلال يروح للرياض راح يكون البيت ماله داعي من غيرهم.."
فوزية بقهر: ما شاء الله عليك يا منيرة جيتي ورحتي بسرعة كان قمنا بالواجب لمرة ولدك..
منيرة: هههههههههههههه تعرفين ورآهم طيارة..ما حبيت يتأخرون...
فوزية: اجل وين أم عبد الرحمن...وبلقيس..؟؟
منيرة: بلقيس جاء زوجها وأخذها وخالتي تكلم عزيزة يا شينك يا فوزية كان جبتي بشاير معك الحين البيت فاضي علي متعب سافر ومساعد مشغول بأشغاله وبلقيس ببيتها وهاجر بس فوق متعلقة...
فوزية: مرة ثانية إن شاء الله برجعة متعب نجي كلنا نتعشى وش رأيك..؟؟
بعد ما وقفوا نزلوا يتمشون بالبحر اللي كان مليان من الناس ماسك يدها بقوة وكأنه خايف تضيع انحرجت أميرة من مسكته وأرخت يدها بيده وهم واقفين يشوفون الأمواج اللي تضرب بالصخور بكل قوتها وكأنها تبغى تزيلها من مكانها...
متعب بجدية: أميرة...."التفتت عليه"...وشلونك الحين..؟؟
أميرة تحاول تكون طبيعية لكن بحة صوتها فاضحتها: الحمد لله ..
متعب شد على يدها بقوة وكأنها يطلب منها الكلام: طيب...مو قايله وش فيك..؟؟
أميرة تناظر للأمواج الواضحة من بعيد اللي تغير لونه بحلول الظلام: ما في شئ...
متعب ابتسم: كل هالصياح والوجه الوارم ما فيه شئ إلا فيه ومتأكد بعد...
أميرة بتردد: ...اشتقت...لأهلي...
متعب بغرابة: بمكالمة وحدة تخليك كذا اجل الله يعيني على كل مكالمة..."ما ردت عليه وناظرت للبحر وطال الصمت بينهم وفكر يقطعه"...أميرة...وش يعنى لك البحر..؟؟
أميرة تناظر له بغرابة: ليش تسال..؟؟
متعب بتعجب: حرام السؤال...
أميرة تبتسم من ورى غطوتها: لا مو حرام...بس غريب..؟؟
متعب يقابلها: وش الغريب فيه..؟؟..
أميرة: مو قصدي غريب...اااا..يعنى وش مناسبة هالسؤال..؟؟
متعب يتنهد: يا كثر ما تحققين لا مناسبة ولا شئ ارتحتي وأنسى أني سألتك..
أميرة تبتسم: طيب إسفين على التحقيق..البحر..أحسه شايل هموم العالم ويجرفها لمكان ماله نهاية..؟؟
متعب بعبوس: وليش هموم الناس تحديدا...؟؟
أميرة: مو كل شخص مرتاح البال وربي ما خلق احد كامل وما في احد بالدنيا ماله هموم ومتاعب الحياة.."سرح بكلامها صادقة ما في احد مرتاح..كل واحد معه همه على قده...حتى أنا هم القلب عندي قد بلد حده..لكنني صابر والصبر في الهواء اكبر سلاح...ما في احد مرتاح..قطع حبل أفكاره جواله اللي كان من أخوه"..
متعب: هلا مساعد...وشلونك وشلون الوالدة والجدة..؟؟
مساعد: هلا بيك..بخير يسالون عنك متى ترجع هههههههههههههههههه...
متعب: توني ما قلت بسم الله عشان ارجع...
مساعد: ههههههههههههههههههههه و كيف العرس معك..؟؟
متعب يناظر لها: الحمد لله ممشى حالي..؟؟
مساعد: شكلك برا..؟؟
متعب رايح للسيارة وركبوا فيها: إيه والله طالعين نتمشى خير فيه شئ..؟؟
مساعد: ما أبغى أطول عليك بس حبيت أبلغك الجماعة لعبوا لعبتهم...
متعب باهتمام: ما فهمت عليك...وضح أكثر..؟؟
مساعد: يوووه صح نسيت أن زوجتك عندك أمها وأختها اشتغلوا وكلموا جدتي عن نفس موضوع..."تغيرت ملامح متعب وحس على أميرة أنها تناظر له هذا وش فيه تغيرت ملامح وش قاله مساعد ليكون خالتي فيها شئ..الله يستر..."..
متعب بضيق: وأنت وش قلت لهم..؟؟
مساعد: وش بقول قلت لهم أكثر من مرة هذا اللي يبغون لما زوجوكم لبعض قالوا ليش ننتظر خلينا نضرب الحديد وهو حامي ولا أعطيتهم أي مجال للنقاش شفت نواياهم طلعت بسرعة..."تضايق كثير من اللي سمعه..معقولة...معقولة عمتي تبيع بنتها عشان حلال ليش الناس لدرجة مليانه بالجشع والطمع هم ما صدقوا قال ابوي اخذوا نصيبكم وهم ما صدقوا خبر..ناظر لأميرة اللي كانت تطالعه..حرام يا أميرة تكوني بنت عمتي...حرام عليكم...حرام...وليش ما تكون هي متأمرة مع أمها بالشئ ومتفقة معها وإلا ليش تقبل فيني عالطول حتى ما كلفوا يأخذون رأيها لا يا عمتي مو حنا اللي تحايلين علينا وحنا عيال عبد الرحمن..."...
أميرة بغرابة: متعب....وش فيك..؟؟
متعب يناظر لها بعصبية: لا تتدخلين بشئ مالك دخل فيه...ساااااامعة...وبعدين مين سمح لك تكشفين عيونك غطيهم وإلا عاد أشوفك كاشفتهم....سامعة..." ما يلام عيونها من غير نقاب تفتن وشلون لو بالنقاب..تعجبت من رده العصبي وش فيه..؟؟..ليش كذا يعاملني تو وش زينه معي وش ذا النفس عليه أحسن لقافتي عشان ما أساله يحمد ربه أني تنازلت وسالت وإلا أنت مو كفوا احد يسألك..."...
كانت جالسة بالصالة الفوقية تنتظر أخوها اللي تغير حاله بعد زواج أميرة...
سارة: وليد...؟؟.."التفت عليها بغرابة وعلامة الاستفسار بوجه.."..
وليد وقف عندها: وش تسوين لوحدك..؟؟ بغيتي شئ..؟؟
سارة: إيه..بغيت اخوي اللي عمره ما سهر برا اخوي اللي تغيرت أحواله بيوم وليلة ليش تسوي كذا بنفسك وفينا.. أميرة خلاص راحت ومالها أمل ترجع شافت حياتها وأنت لك حق تشوف حياتك..
وليد بضيق: ووش مناسبة هالكلام وش دخل أميرة أصلا..؟؟
سارة: لا..أميرة هي السبب بتغيّر حالتك اللي يشوفك يقول انتهى العالم...وليد...الله يخليك أنسى أميرة أنساها...سمعت أمي تقول تبغى تزوجك بنت خالتي دلال...
وليد بضيق: متى هالكلام وأنا مالي رأي عالطول تزوجوني..؟؟
سارة: ههههههههههههههههههههه مو زواج يعنى خطبة وافق وليد والله نفسي افرح وارقص بزواجك..؟؟
وليد بخبث: وليش ما تفرحين بزواجك..؟؟..."متقدمين لها ناس وينتظرون الرد"...
سارة بخجل: وش لك مني...أنا صغيرة..وري مستقبل..؟؟
وليد: هذا أميرة بعمرك..."بحسرة"..وتزوجت...
سارة: أميرة وضعها غير واعتقد مالها داعي أعيد وأكررها..والحين قلي وش رأيك بنوف..؟؟
وليد بغرابة: أي نوف..؟؟
سارة بقهر: وليد...وبعدين معك..؟؟
وليد: ههههههههههههههههههههههههه امزح معك "بنظرات جدية"...مدري يا سارة أعطوني مهلة أفكر...؟؟
سارة: طيب عشان تفكر بكيفك بقول نبذة مختصرة عنها إذ سمحت..؟؟
وليد مبتسم وحط يهده على خده يتكئ: تفضلي...بس لا تطولين؟؟
سارة تعدل جلستها: اسمع البنت حبوبه..وفرفوشة....ودلوعة.....و...
وليد قاطعها بتعجب: دلوووووعة...لا..لا..ما عندي استعداد كل شوي تطلب هذا وهذاك...يفتح الله...
سارة: هههههههههههه مو دلوعة معنى دلوعة يعنى متواضعة بس مرات يجيها عنز الدلع..
وليد واقف: لحقين على الموضوع بروح أنام وراي دوام بكرة تصبحين على خير.." راح عنها وهو يفكر بالكلام اللي قالته عن بنت خالته وأميرة..معقولة نستني معقولة أنساها جلس على السرير وفتح درجه واخذ الدب اللي اشترته له هدية بمناسبة توظيفه اخذ الدب وشم ريحته وباسه بكل قوة وضمه لصدره وتذكر المواقف اللي تجمعهم لبعض بالصدفة وأخر شئ المكالمة اللي صارت بينهم قام وراح للنافذة يدعى الله يصبره على محنته ويدعي لها التوفيق"..
كان جالس وسرحان بطريقة يوقف عماته عند حدهم مثل ما كان أبوهم يسوي تنهد بضيق وتعب من التفكير ورجع لورى بحياة أبوه لما طرد عمته عزيزة ما كان يعرف السبب لكن أكيد بخصوص الموضوع نفسه..
نورة: مساعد...مساعد.."لما شفته للحين غرقان بأفكاره هزت كتفه وناظر لها بجديه"..وش فيك عسى ما شر..؟؟..
مساعد بضيق: وين طيف..؟؟..
نورة: فوق راح تنزلها الشغالة مساعد وش فيك لك كم يوم على بعضك صاير لخالتي شئ لقدر الله...
مساعد بقهر: أنتي وش فيك فاتحه مكتب تحقيق ما في شئ يعنى إلا فيه شئ...
نورة: مساعد أنا أعرفك زين أكيد فيك شئ قلي وش فيك يمكن إذ قلت ترتاح...
مساعد يرفع رأسه لفوق: ارتاح..!!.. من وين ارتاح وأشوف الحية بدت تلدغ اللي حولها...
نورة تتقرب منه أكثر: حية..!!..عمري وش فيك.."بحنان"..تهون عليك نورة؟؟
مساعد يبتسم بحنان: لا ما تهون علي.."وبدء يقولها الحوار اللي دار مع جدته"..
نورة بحذر: ممكن أساك سؤال بس من غير عصبية وزعل..؟؟..
مساعد: يعتمد على حجم السؤال..!!...
نورة نزلت عيونها: ليش ما تبغى تعطيهم حــ....
مساعد وقف بعصبية: نورة شئ أنتي مو فاهمة فيه لا تتدخلين... ساااااامعة..
نورة وقفت بعصبية: يا مساعد حرام اللي تسويه لا يرضى الله ولا رسوله..و..
مساعد: لا تفتين بشئ أنتي مو فاهمته ولا أسمعك تفتحين الموضوع معي.."طلع وتركها بضيق ودعت ربها أن يهديه تحبه لكن ما تحب صفة الانتقام والأنانية فيه"...
الساعة 11 راحت لغرفتها ترتاح لهم يومين بجدة وكأنه شهرين وحالهم مثل ما هو ما تغير ولا تجدد أي جديد بينهم والبرود اللي جامعهم جلست بالسرير وأخذت القران تقرى دخل عليها وناظر لها بتعجب...
متعب: ليش ما تعشيتي...؟؟
أميرة ما رفعت عينها له: مالي نفس..؟؟
متعب بتعجب: الحين راح تنامين...؟؟
أميرة ببرود: إيه ليكون عندك مانع..؟؟.."ما رد عليها وأخذ أغراض من الشنطة ودخل الحمام وسمعت صوت المويه وشكله يأخذ دش وبعد نص ساعة طلع وكان مبين انه حالق"..
متعب يجلس على السرير ومعطيها ظهره: ترى الأكل بالمطبخ إذ تبغين أو شوفي لك صرفة وقبل ما أنسى بكرة بنمشي لمكة إن شاء الله..."قام ورتب شنطته وراح للجهة الثانية للسرير وانسدح وقف قلب أميرة وشافته يقفل الابجورة اللي عنده ونام أما هي نزلت عيونها وسكرت القران وسرحت بأفكارها لكن صوته قطع عليها أفكارها..."...
متعب: تدرين أمك وش قايله لجدتي..؟؟
أميرة باهتمام: أمي...!!..وش قالت..؟؟..
متعب يقتلب للجهة اللي هي فيها ويناظر لها بتحدي: تبغى تتقاسم بالورث...
أميرة بعد استيعاب: أي ورث..؟؟
متعب حط يده على شعره يتكئ: ما تعرفين عن أي ورث أتكلم .."هزت رأسها بلا"..أميرة لا تمثلين دور البريئة ...
أميرة وقفت بعصبية: أنت وش تقول وأي تمثيل ؟؟..
متعب ابتسم بسخرية: يعنى افهم ما تعرفين شئ عن الموضوع...
أميرة تناظر بتكبر وهي بقمة العصبية: اسمع...ترى أنا مليت من أسلوبك ومن طريقتك لي مو عشانك تزوجتني تعاملني بالطريقة اللي تعجبك ويكون بعلمك ما اعرف عن الورث اللي تتكلم عنه وأنت حر صدقت أو لا وترى ما يهمني أي شئ يتعلق فيك.."طلعت من الغرفة خانقتها العبرة جلست على الكنب وحطة يدينها على رأسها توقعته بيكون ورآها معصب شكله نام ولا همه كلامي يا ربي والله مو حاله مع الإنسان المزاجي والله مليت منه هذا بس يومين وصار اللي صار وشلون بقية الأيام نزلت دمعه أحرقت وجهها وصاحت بصوت مخنوق أما متعب بعد ما طلعت انسدح وصار يفكر بكلامها يعنى معقولة ما تعرف شئ تبغى تفهمني أنها مالها دخل..لا..أنتي وأمك السبب الرئيسي مو يكفى قتلتوا أحلامي مع هند لا يا متعب أنتي اللي راضي بالزواج وتخليك عنها والدليل جتك فرصة وأنا اللي ما استغليتها ..
.ماجاها نوم تقلبت على الكنب وفتحت التلفزيون وما حصلت شئ راحت للمطبخ ترتبه من ولا اشتهت تأكل شئ نفسها مسدودة ومن بعد اللي صار معها قفلت مرة وحدة...يا ربي..الساعة 4 وربع وما جاني النوم والأخ فاطس بسابع نومه اوووف والله تعبت...الوضع ممل صح وشلون نسيت..جابية معي شريط حبوب وشلون راحت على بالي وعالطول راحت للغرفة وفتح الباب بشويش كانت التكيف عالي والإضاءة خافته لكن تقدر تشوف طريقها كان مأخذ راحته بالنوم ومتكشف الغطاء يغطي ربع جسمه والباقي ما عليه شئ كانت تمشى على طرف أصابع رجلينها لما وصلت لشنطتها اليدوية دورت بشويش وأخيرا حصلتهم ..طلعت مثل ما دخلت وراحت تأخذ كاس مويه وأخذت لها حبتين وانسدحت على الكنب تناظر بالسقف وبعد ربع ساعة بالقليل نامت بسابع نومه ولا كان في شئ يشغلها مثل قبل.. قامت أميرة فجأة وهي تحس بيد قويه على كتفها تهزها بلطف وسمعت صوت يناديها فتحت عيونها بثقل وناظرت حولها وكانت مو مستوعبه أن الدنيا نهار وقف متعب بجنب الكنب...
أميرة بكسل: ليه أزعجتني...
متعب ببرود: مالك نية تقومين شوفي الساعة 12 الظهر.."انحنى لها" أميرة وش فيك..؟..."سألها بعصبيه بعد ما شاف الحبوب"..أكلتي الحبوب هذه ؟؟.."لاحظت بتعب اللي بيده وتذكرت أنها ما خبتهم بعد ما أكلتهم أمس.."...
أميرة بتعب: إيه لان راسي كان يوجعني وما قدرت انام أمس..
متعب متمالك نفسه: أنتي متعودة انك تأكلينها..؟؟
أميرة تحاول تقوم: لا بس لما أكون بقلق أو...
متعب يقاطعها بغضب: بنت في مثل سنك تأكل هالحبوب علشان تنام ليش تأكلينها..؟؟
أميرة ببرود: ليه يعني يهمك..؟؟
متعب بنفاذ صبر: أكيد يهمني..
أميرة وقفت مقابله: ما راح أقولك أي شي لأنك أنت ما تقولي أي شي عن نفسك.."وساد التوتر بينهم"..
متعب بقمة العصبية: طيب مثل ما تحبين بس ما راح تأخذين الحبوب هذي مره ثانيه.. "وبسرعة راح للحمام ورمى الحبوب بالحوض وفتح المويه ولحقته أميرة بسرعة تحاول منعه بس ما قدرت"..
أميرة بقمة القهر: مو من حقك تسوي كذا..؟؟
متعب بكل عصبيه: غلطانة من حقي أولا كزوجك ثانياً مسئول عنك لو صار فيك شي.."بعدها بقوة وطلع من الحمام راح عالطول للغرفة "..
متعب بصوت شوي عالي: بتأكد أن ما عندك منها زيادة.."ولحقته من جديد بعد ووصلت بالوقت الضايع لأنه سبقها لشنطتها اللي قلب محتوياتها على الطاولة ومنها تناثر بالأرض ما قدرت تتكلم وشافته وهي يحوس بكل أغراضها"..
أميرة بصوت عالي: ما عندي حبوب ثانية خلاص اترك أغراضي.."ولما تأكد أن ما في شي وضع الأشياء من جديد بدون ما يهتم بترتيبها وانحنت على ركبتها ترتب أغراضها"..
متعب يناظر لها بقهر: تقدرين ترتبين أغراضك بعد ما تأكلين شئ...
أميرة بقهر: ما أبغى شئ ما كنت ادري انك بالسيطرة هذي...
متعب ببرود: اوكي ..هذا أنتي تعرفين الحين وأنا بعد ما اعرف عنك أشياء كثيرة الأيام الجايه بتكون صعبة علينا لأننا راح نتعرف على بعض بشكل أكثر..."طلع وتركها تفكر باللي قاله جلست على السرير متفاجئة بتصرفه وكانت ترتجف مو عارفه سبب هالرجفة هل هي خوف من كلامه أو من الأيام اللي راح تقابلهم أو أنها تحتاج لقوة وطاقة تعوض جوعها أو من تكيف الغرفة.."...
"""الجزء السابع"""
فوز: وشلون البيت من بعد أميرة..؟؟
حصة: والله ما يسوى..
خوله بتعجب: افااااا يا يمه وحنا وين رحنا..؟؟
حصة: أنتي مكانك موجود لكن أميرة راحت وتركت مكان خالي...
عزيزة: الله يسعدها ومتى طيارتهم..؟؟
حصة: المغرب إن شاء الله هذا إذ ما عليها تأخير ومتى يجون العيال ودي استقبلها ببيت اخوي....
عزيزة: وينه أبو طلال..؟؟
حصة: وينه بعد...من الأربعاء يخيم مع شلته بالبر تعرفين الجو بدء يبرد ويصلح للكشتات..
نجود: يا سلام ياليت نخيم..."لمى تكره أكثر شئ البر لأنه يقلب لون البشرة"...
لمى بدهشة: لا وش نخيم ما صدقنا نفتح بعد هم الدراسة والامتحانات توديننا للبر عشان نسمر نو وأي..أم باسي بول...؟؟
فوز: ههههههههههههههههههههههه أصلا لو يروحون ما راح يشاورونك؟؟
خوله تبتسم: الطلعة ما يبغى لها كلام يبغالها فعل معتبر...
لمى: على كذا راح يكونوا عيال خالي معنا...
حصة: أكيد اجل نروح من غير أميرة..
خوله: يمه...رجعنا والله لو تسمعك جدتي كان سوت لك سالفة..
حصة: ليش تسوي سالفة من حقي كل شوي اسأل عن بنيتي...
نجود: بس يا خالتي أميرة ما راحت لناس أغراب راحت لبيت خالي يعنى عند أهلها...
جلس فترة ينتظرها تملل بمكانه واخذ الجريدة يتسلى ونسى يفتح جواله..
أميرة وقف على رأسه: خلصت..."وقف يناظر لها بملل"..
متعب: ساعة كل هذا تعديل..
أميرة بتكبر مصطنع: ليش مو أنا عروس ومن حقي أتعدل وأتزين...
متعب قصد يحرجها: أنتي حلوة من غير ما تتعدلين..."احمر وجهها لكن حمدت ربها انه ما يشوفها بالفترة القصيرة اللي بينهم وبعد اللي صار لهم كان كل اللي بينهم رسميات لكن اليوم غريبة يمدح وش قصته..؟؟"
متعب: تدرين لو تسمعك هاجر قامت عليك حرب..؟؟
أميرة بتعجب: يوووه ليش وش قلت عشان تحاربني؟؟
متعب: هاجر من النوع الصعب وأي شئ فيه زين لها تحبه من غير منافس..
أميرة: طيب وأنا وش دخلني..؟؟
متعب بنظرة إعجاب: دخلك ونص مو يكفى انك منافسة لها ولا منافسة قوية بعد والدليل غطيتي عليها
أميرة بثقة: اوكي أنا معك لكن الجمال دايم يكون جمال الروح مو الشكل...
متعب: كأني قاعد مع جدتي أقول شكلنا تأخرنا يا واثق انتا يله مشينا.."نزلوا من الطيارة واخذوا شنطهم وطلعوا برا الصالة وشافوا طلال ورياض جالسين ينتظرونهم سلموا على بعض"..
طلال: ما بغيتوا تطلعوا شكل الجو عجبكم لأخر درجة.."غمز لأميرة اللي استحت من طريقة أخوها"
متعب يقهرها: هذه أختك قال ايش تتزين.."انقهرت المفروض يحترمني مو يقول كل شئ لأخواني.."...
رياض: من حقها كم أميرة عندنا..
أميرة تقهرهم: يا بعد عمري يا اخوي أنت الوحيد اللي منصفني...
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك