رواية حياتي عذاب -7
أميرة: طيب وأنا وش دخلني..؟؟
متعب بنظرة إعجاب: دخلك ونص مو يكفى انك منافسة لها ولا منافسة قوية بعد والدليل غطيتي عليها
أميرة بثقة: اوكي أنا معك لكن الجمال دايم يكون جمال الروح مو الشكل...
متعب: كأني قاعد مع جدتي أقول شكلنا تأخرنا يا واثق انتا يله مشينا.."نزلوا من الطيارة واخذوا شنطهم وطلعوا برا الصالة وشافوا طلال ورياض جالسين ينتظرونهم سلموا على بعض"..
طلال: ما بغيتوا تطلعوا شكل الجو عجبكم لأخر درجة.."غمز لأميرة اللي استحت من طريقة أخوها"
متعب يقهرها: هذه أختك قال ايش تتزين.."انقهرت المفروض يحترمني مو يقول كل شئ لأخواني.."...
رياض: من حقها كم أميرة عندنا..
أميرة تقهرهم: يا بعد عمري يا اخوي أنت الوحيد اللي منصفني...
طلال مبسوط: يعنى مو بس أنا اللي وقف ببلعومك..."ناظر متعب بفرح"..بعدي والله ولد خالي أنشهد انك ولد أبوك..
متعب يقهرها: افااااا عليك ما شفت شئ ما عندي منا ولا مناك...
طلال: أخيرا حصلت لي محايد يقف ضدك يا اميررررة...
أميرة تناظر لرياض بفرح: ما هميتوني عندي حبيبي رياض..."أنقهر من كلمتها قدام أخوانها تقول هالكلام اقل شئ تحترم وجودي"...
بعد ما وصلوا للبيت اقصد للقصر..سلموا عليهم وجلسوا عندهم وبعد ما صعدت فوق حست بتعب بجسمها لكن الحين أمي وأخواتي بيجون وصعبة ارتاح اخذ لي دش سريع يمكن أتنشط شوي بعد ما تلبست وعدلت شكلها سمعت طق بابها وراحت فتحته وشافت أمها اللي استقبلتها بالأحضان ما قدرت تتحمل وبكت على فراقها والشوق اللي شايلته بقلبها وبعد ما سلمت على أخواتها فرجتهم على القسم وجلسوا بالصالة..
أميرة واقفة: رغد تعالي ساعديني..."ومشوا شوي"..
حصة: وين رايحه..؟؟
أميرة: بجيب لكم شئ تشربونه..؟؟
خوله: تعالي ما نبغى غير شوفتك..
أميرة بتعجب: وش دعوة بقسمي ولا أضيفكم وش يقولون علي ما اعرف السنع..
شماء تقصد تحرجها: إلا وش يقول متعب ما تعرفين توجبين.."وضيفتهم عصير وجلسوا شوي وبعد السوالف قامت حصة عشان تنزل تحت على قولتها مو زينة تخلي الجماعة تحت بعد ما نزلوا جلسوا بالمجلس وظلوا أميرة وأخواتها جالسين"...
شماء باهتمام: بشري وشلونك مع العرس..؟؟
أميرة بخجل: الحمد لله ..
خوله فهمت قصد شماء: شماء مو وقته الاستجواب.."تناظر لبنتها اللي مو عارفة عن ايش يقولون"...
شماء: عادي ما فيها شئ بكرة رغد بتجرب الزواج..
خوله: إيه بس مو بذا السن..."وقفت"..يله رغد.."مسكت يد بنتها وتركوهم لوحدهم"...
شماء: هااااه ما قلتي وش شعورك بعد ما صار..؟؟
أميرة بخجل وحبت تتغابئ: وش اللي صار..؟؟
شماء بدهشة: يوووه يعنى ما صار شئ ؟؟
أميرة بملل: شماء الله يخليك قفلي على الموضوع..
شماء جلست بجنبها: ليش أميرة ؟؟ وش فيك صاير بينكم شئ..؟؟
أميرة راحت للبوفيه: لا ما صاير شئ بس قاعدين اممممممم مادري وشلون أقولك إيه قاعدين نفهم بعض أكثر...
شماء تجلس على كرسي البوفيه وبتعجب: يعنى ما صار شئ خلال هالمدة الطويلة بينكم.."هزت رأسها بلا ونزلت عيونها بخجل"..أميرة ليكون أنتي السبب..؟؟
أميرة بدهشة: وشلون أنا السبب وبعدين أنا مرتاحة كذا...
شماء: أميرة...ترى مهما صار هذا زوجك إذ أنتي مرتاحة هو مو مرتاح..."ناظرت لها ببراءة"...عطي نفسك فرصة..."ناظرت لها يعنى مو فاهمه علي يا شماء ولا عمرك راح تفهمين...آآآآه..بس لو اقدر أفهمك يا متعب وافهم وش تفكر فيه..."...
بشاير تساسر هاجر: وينه مرت أخوك الموقرة..
هاجر بقهر: فوق المسعدة فرحانة بالقسم تقل ما شافت مثله...
بشاير: هههههههههههههههه أنتي الصادقة ما تهنت فيه.. إلا اللي بجنب بلقيس وش اسمها..؟؟..
هاجر: نجود بنت عمتي عزيزة أخته فوز ولمى ليش تسالين..؟؟.
بشاير: ما تلاحظين نظراتها كأنها تراقبنا..
هاجر بقهر: تدرين ليش لأننا وضعنا مو حلو وأنتي كل شوي تمسكيني وتسالين عن هذي وهذيك أثقلي شوي لين ما أكلمك.."ودخلوا أميرة و شماء"...
عهود: خلاص يا هند الرجال وتزوج وش لك فيه..
هند تتنهد بضيق: وشلون وش لي..أنتي ما تدرين هذا مين هذا الهواء اللي أتنفسه والنور اللي أشوف فيها طريقي والمستقبل اللي رسمته معه وتقولين وش لي فيه...
عهود: بس باعك يا هند واللي باعك بيعه...
هند: لا متعب ما باعني كل ما في الموضوع انه ضحية زواج تقليدي ماله أي أساس..
عهود: طيب..أنتي وش قررتي تسوين بظلين تلاحقين ورآه وهو مو معبرك حتى الرسايل ما يرد لك ملتهي مع زوجته حبيبته...
هند بعصبيته: لاااااااااااا أنا حبيبته وبس وبعدين راح تشوفين وش رايح أسوي أن ما خليته يطلقها ويتزوجني ما أكون هند...
عهود: هند...ترى حرام تخريب البيوت يعنى إذ طلقها مثلا وجاء يخطبك اهلك راح يقبلون واحد سبق وتزوج..."ما ردت عليها"....كبري عقلك يا هند وانسيه للأبد...
بالخيمة الكبيرة اللي بحديقة بيتهم وكأنها قصر صغير على قوله طلال جالسين مع جدتهم يسولفون ويضحكون...
أم عبد الرحمن بقهر: جعلك الصلاح اجتمعتوا علي يا عيال بناتي...
طلال: افااا يا جدة..تعرفيني أنا مسالم وعمري ما آذيت احد..." بخبث"...هذا رياض دايم يحرضني على الشر...
رياض رافع عيونه بغرابة: أقول طلالالاللللوووه وش رأيك باللي برجلي ترى يمدحونها وخاصة إذ جت على الخشش...
طلال: تصدق عاد عمري ما جربتها بس ما عليها سوق وخاصة إذ صارت مثل اللي عليك..
متعب: هههههههههههههههههه انتم من صدقكم خلوا عنكم هالسوالف انتم باي سنة الحين؟؟
طلال: بأخر سنة...
مساعد بسخرية: والتخصص..؟؟..
طلال بعفوية: بالهندسة...عندكم وظايف لنا.."ناظر مساعد أخوه وبوجهه علامة السخرية وكانه يقول ما قلت لك"...
رياض: لا أنا اسمحولي عندي مشاريع اكبر من مشاريع طلال...
مساعد باهتمام: وش نوعية المشاريع يمكن نفيدك..؟؟..
رياض: أفكر افتح لي مكتب على قدي ومنه اشتغل فيه للين ما يكبر وأكون لي شركة صغيرة..
طلال: يا شينك يا شيخ...تفكر من وراي ولا تقولي أنا أخوك..
رياض: قلتلك وأنتي اللي مو مقتنع فيها....قل ايش مو من طموحك..؟؟..
متعب: بالعكس...فكرة رياض حلوة وبكذا راح يسوي دعاية لنفسه وبكرة الشركات كلها عليه..."وابتسم"...ومن يدري يمكن نكون من هذه الشركات...
طلال: وأنا وش عرفني فيك ظنيتك تتريق علي عموما أنا معك قلبا وقالبا..
بعد ما سهروا ببيت عبد الرحمن والونس والانبساط راحت عزيزة وبناتها للبيتهم ومن بعدها حصة طلعت فوق بتعب وتحس أن جسمها مو قادر يشيلها غيرت ملابسها وعالطول راحت للسرير تنام...أما متعب من جاء ما تقابل مع أميرة بعد العشاء راح يسلم على أصحابه بالاستراحة وكان الجو فله فجلس لحد الساعة 2 ولما رجع كان البيت هادي وشبة مظلم طلع بهدوء للقسم وأول ما دخل كان كل شئ سكون توقع يحصلها تنتظره لكن شافها نايمه بسابع نومه ابتسم على منظرها اللي كان شكلها يجنن وهي نايمه حتى بنومها هادية جلس على السرير يتأمل فيها كل يوم تزيد حلى معقول هذا يسمى أعجاب وبعدين حب...حب...أي حب...الحب جربته ومات..جربته مع هند وانقتل خلاص أنا أعطيت قلبي مرة وما عندي استعداد أعطيه لأحد عشان يقتله وإنا ساكت أتفرج تنبه على صوت مسج اللي كان صداه على الغرفة مما اقلق نومها وتحركت وقف متعب وخاف أنها تصحي راح للبلكونه وفتح المسج وكان من هند...
العمر بدونك ماله أي قيمة..
والبشر في غيابك مالهم أي اعتبار..
وأي فرحة تنولد وأنت غايب يتيمة..
وبعدك الدنيا متاهة وعذاب وانكسار.."
تنهد بضيق واحتار وش يسوى أخاف إذ كلمتها تبكي ودموعها غالية وبكذا أكون خاين...ناظر لها..أكون خنتك يا أميرة وأنت مالك ذنب وشلون مالها ذنب هي سبب كل شئ لازم تشوف اللي شفته تحس اللي حسيته مو بس أنا أتعذب والوم نفسي و ما كأنها لها دور وهي لاعبه أهم دور...
بعد ما قفلت منها مشت شوي إلا تسمع جدتها تناديها وراحت لها وتحاول ترسم على وجهها ابتسامة لكن عيونها فاضحتها...
أم عبد الرحمن: وين رايحه..تعالي تقهوي معنا..؟؟..."كانت متأكدة من نظرات لها وحاولت تتجنب وجودة معهم"...
أميرة: معليش جدتي...عندي شغل فوق..؟؟
هاجر بتكبر: جدتي...خليها تقول عندها شغل...
أم عبد الرحمن تناظر لها بحدة: أنتي اسكتي ومحد كلمك...أميرة...وش فيها عيونك..؟؟"ما قدرت تحط عينها بعين جدتها لأنه خلاص انفضحت وفضلت تنزلهم"...
أميرة بتردد: كنت.... نايمه...
منيرة بعطف: سمعت تقولين ما راح تروحين وين تروحين..؟؟
أميرة ببرود: للكلية...!!
أم عبد الرحمن: وليش يمه مو رايحه...؟؟؟
هاجر: أخاف رفضوا قبولها..."ناظرت لها بغرور"..
أم عبد الرحمن: صدق كلام هاجر يمه..."هزت رأسها بلا"...
متعب بجدية كانت أخر شئ تسمع صوته: اجل ليش مو رايحه...؟؟
أميرة تتنهد: مالي خلق أروح..عن أذانكم..."طلعت فوق ما قدرت تتحمل التحقيق اللي صار معها ونزلت دموعها وهي تطلع لقسمها وعالطول راحت لغرفتها تحاول تهدي نفسها لأنها هالمرة متأكدة انه بجي ورآها.."..
منيرة: روح يمه شوف وش فيها مرتك...
هاجر: ما فيها شئ...دلع بنات...
متعب: أنتي الصادقة دلع عرايس...يا يمه ما فيها شئ...
أم عبد الرحمن: وشلون ما فيها مبين أنها تصيح..
متعب بتعجب: وليش تصيح...تلقونها مشتاقة لأهلها..اعرفها اسألوني عنها..
أم عبد الرحمن بقهر: ما أسرع تعرفها قوم الله يصلحك وشوف مريتك ليش مو رايحه تدرس بكرة؟؟..
هاجر: ولا بعد بكرة...
منيرة بنرفزه: هاجر...استحي على وجهك وأنتي تكلمي مرة أخوك..
متعب يتصنع العصبية: إيه صح...احترميها فاهمة...
أم عبد الرحمن بقهر: أنا الحين إذ قمت وكسرت العصا على رؤوسكم أنت وياها...
متعب يحب رأسها: افااااا...واهون عليك...
أم عبد الرحمن: إيه مثل مريتك ما تهون عليك...
متعب بغرابة: ومن قال أنها تهون علي...؟؟
أم عبد الرحمن بحنان: طيب روح لمرتك..وشوفها..ما يصير تتركها كذا ولا تسال عنها ترى الحرمة يا وليدي تحب الاهتمام وخاصة إذ من الزوج..
متعب واقف: إن شاء الله..اللي تبغونه بسويه..."طلع لعندها فوق وفتح باب الغرفة كانت شبة نايمه على السرير..ومعطيته ظهرها أول ما سمعت الباب انفتح عالطول مسحت دموعها بطريقة سريعة وعدلت جلستها"...
متعب: اقدر اعرف ليش مو رايحه للكلية لا بكرة ولا اللي بعده..
أميرة بصوت مبحوح: مالي خلق...
متعب يجلس على السرير مقابلها: وليش...؟؟.." ما ردت عليه"...أميرة..."ناظرت فيه ببرود"...ما قلتي ليش؟؟
أميرة تتنهد بملل: مو مستعدة...
متعب استنكار: وشلون مو مستعدة..؟؟
أميرة تقوم من السرير: يعنى...محتاجة أروح للسوق واشتري أغراض للكلية...
متعب بضيق: ليش ما قلتي لي..." نزلت عيونها وفضلت ما ترد"..انتظرك بالسيارة لا تتأخرين..
أميرة: متعب..."وقف والتفت نص لفه"...مو لازم أروح..!!..
متعب بقهر: لا تتأخرين انتظرك.."طلع من غير ما يسكر الباب ورآه مسحت دموعها اللي تجددت وقامت غيرت ملابسها ونزلت وقالت لهم أن بتروح السوق لما عرفت هاجر طلعت لاخوها اللي كان موقف سيارته عند المدخل وكانت تكلمه...
متعب بعصبية: وأنتي وش دخلك تروحين..؟؟
هاجر اللي مو هامها وقوف أميرة ورآها: دامكم تروحون بروح معكم باشتري أغراض ...
متعب: أقول اقلبي وجهك أنتي أغراضك ما تخلص.."وكانت بتتكلم"...أقول ادخلي ليجيك شئ ما شفتيه..."بصوت عالي"...يله..." تأففت وحصلتها واقفة ورآها وناظرت لها بكل تكبر وغرور وراحت بعصبية وركبت أميرة بهدوء ومشت السيارة..
أميرة: كان خليتها تروح..؟؟
متعب: كان راحت من الأساس مو ترز وجهها معنا.."ارتاحت أميرة الحمد لله ما يحاول يدخل أخواته معنا مثل ما يسوى زوج شماء"...
حصة جالسة بالمجلس تسولف مع أختها بعد ما جاء أبو طلال من المسجد سكرت وجلست عنده...
محمد: وينهم..؟؟
حصة: تعرف بكرة دوامات وقاعدين يستعدون...
محمد: وطلال ما تدرين وصل أو لا..؟؟
حصة: لا وصل وماله إلا ربع ساعة واصل مالك نية تروح تشوف أميرة ما اشتقت لها..
محمد يناظر لها بمكر: إلا أكيد بروح إن شاء الله بس ليش تسالين..؟؟
حصة تتصنع اللامبالاة: أبدا سلاماتك بس إذ بغيت تروح لا تنسى تقولي..
محمد بقهر: وليش أقولك...ليكون بتمنعيني عن شوفه بنتي..
حصة بغرابة: يوووه عليك احد ما وده يشوف ضناه بس أبغى أروح معك..
محمد: توك شايفتها ما أسرع تشتاقين لها..؟؟
حصة: هذه بنتي يعنى عشاني زوجتها ما اسأل عنها...
محمد: تدرين حصة ليش أنتي خايفة عليها وحريصة تشوفينها..؟.
حصة بغرابة: محمد...وش فيك...؟؟
محمد بنرفزه: لأنك عارفة انك غلطانة بتزويجها لمتعب ومتندمة قد شعر راسك..
حصة بعصبية: محمد...لا تجيب شئ من عندك...
محمد متمالك نفسه: ليش عشان قلت الصدق شوفي يا حصة مو عشاني ساكت وراضي باللي تسوينه تراك غلطانة الكيل ما طفح للحين...
حصة بارتباك: وش مناسبة هالكلام كله..
محمد: عشان أذكرك أني مو جدار بالبيت ولا تحسبون لي ألف حساب...
حصة تمتص عصبيته: الله يهديك يا محمد ليش كذا تفكر إذ بتروح لأميرة لوحدك بكيفك الله والنبي معك بس ترى ما يسوى علينا هالكلام المهم كلم خوله عن صالح عم رغد قبل شوي مسكر يبغى يعرف رأيها...
محمد يتنهد: كلميها أنتي..بس هااااه يا حصة إيانا وياك تضغطين عليها...
بعد ما اشترت الأغراض عرض عليها يتعشون بأحد المطاعم ويالله يالله حصلوا مكان لهم لان الإمكان كانت مزدحمة وخاصة أن يوم جمعة جلست تنتظره وهو تأخر عليها يا ربي جواله ما يرد عليه وش أسوي اطلع أدوره وين أدوره وحنا ما صدقنا نحصل مكان كانت فاكه الغطوة ومتحجبة ومن الملل تطلع اللي اشترتهم وما حست إلا الحاجز يتحرك عالطول تغطت تظنه احد دخل بالغلط لكن لما شافت اطمنت وشالت الغطاء..
أميرة تبتسم: تأخرت كل هذا طلب..؟؟
متعب: تعرفين زحمة...يالله بالموت يكلمونك.."وحط عندها طلبها وناظرت فيه بغرابة.."..
متعب: ليش العبوس مو عاجبك...؟؟
أميرة رفعت حواجبها: هااااه..لا بس ما أحب هالنوع..
متعب بغرابة: وش تحبين اجل..؟؟
أميرة بتردد: برج كنج..
متعب: والله اللي تحبينه أنا ما أحبه وأنتي عطتيني حرية الاختيار وبصراحة ماكدونالدز أفضل من أي شئ أنتي جربيه وبتقولين ما كذبت.."هزت رأسها بأيه فتحت وجبتها وبدت تأكل ولما رفعت عيونها له شافته يناظر لها لكن احتارت وش تفسر نظراته نزلت عيونها واحمر وجهها"...
أميرة بخجل: ما راح تأكل..."رفعت عيونها له شافت نفس النظر"..
متعب بابتسامة جانبيه: إلا بس انتظر رأيك فيها...
أميرة تبتسم: حلوة..."حاولت تركز على أكلها لكن شد انتباهها المسج اللي جاه طلعه وقراه وحس أن تضايق منه لكن ما فكرت تسأله لأنه سبق ومرة حذرها من خصوصياته"...
متعب: ايوه...تقولين حلوة طيب جربي هذه..."قرب لها صحن سلطة وحط فوقه صلصة الخاصة فيها ومد لها شوكه"...
أميرة: لا شكرا...ما أحب أكل سلطات اللي برا...
متعب بتعجب: ليش..؟؟؟
أميرة: ما راح تكون مثل شغل البيت من ناحية يعنى النظافة اقصد...
متعب: لا تكابرين أنتي جربيها وما راح أغصبك.."أخذت منه الشوكة وتسمع مسج ثاني"
أميرة تحاول تبتسم: وش قصة المسجات معك أشوفها شغالة؟؟
متعب بارتباك ويحاول يخفيه: الشباب يبغوني أجي للاستراحة...
أميرة ببرود وبنفس الوقت قاصده تقهر: ما قلت لك برر لي ليش ما يدقون عليك...
متعب بقهر: مشكلة السوا وش ذنبي إذ جوالاتهم مو عام أكلي أحسن من الكلام الفاضي..."ساد بينهم صمت لمدة طويلة كل ما رفع عيونه عليها يحسها بعالم ثاني تفكر ليت ادخل بخيالك واعرف وش تفكرين فيه ما ادري أحس فيك بانجذاب يوم عن يوم يزيدني لك وش معنى هالشئ معقولة بديت أعجب على أني مقصر بحقها كثير وليش الزمن فرض علينا نكون لبعض "...
منيرة: طيب اخذي رقمهم وأعطيه مرة عمك وأنتي اطلعي منها تعرفين الناس الحين بسم الله تغيرت مو مثل أول..
نورة: صادقة يا خالتي خلاص خلي هاجر ترسله لي برسالة..
منيرة: إن شاء الله ...
نورة: ودي يا خالتي اعزم أميرة ببيتي بس ما ادري وش الأنسب لكم..
منيرة بعطف: وين تعزمينها وأنتي وضعك وحالتك تعبانه راعي نفسك يا يمه نورة ..
نورة بتعب: يا خالتي أنا الحمد لله ما فيني شئ اللهم الأكل ما اشتهي شئ مرة..
منيرة بعطف: ميخالف حاولي عشان اللي ببطنك اضغطي على نفسك بالأكل بس لا تجهدينها ما تشوفين نفسك وش صاير وكل شوي تنومي بالمستشفى ريحي نفسك..
نورة: إن شاء الله يا خالتي..بس لا تنسين تردون لي عشان عزيمة أميرة..
متعب: خلاص خلصتي من السوق.."هزت رأسها بأيه"..طيب بسالك ليش كل اللي شريتيهم اسود..؟؟
أميرة: لعدة أسباب...أولا أفضل الأسود على جميع الألوان لأنه ملكها ثانيا على قولت وحدة من البنات الله يذكرها بالخير أحسه يعطى هيبة ورزة..."سكتت لما شافته يضحك بقوة وانقهرت منه "..
أميرة بنرفزه: اعتقد مو قاعدة انكت.." يالله على انه مملوح لكن ضحكته تحليه أكثر ويكفى ابتسامته الجذابة اللي تضطر ما تشيل عينك عنه"...
متعب: هههههههههههههههههه لا محشومة هههههههههههههههههه
أميرة بضيق لما شافته مستحيل يسكت: ممكن اعرف وش سبب الضحك على الأقل ضحكني معك؟؟..
متعب: لا سلامتك بس انه يعطي رزة ههههههههههههههههههههه.."انقهرت منه"...
أميرة: انتم وش عرفكم بالألوان الأبيض ويخب عليكم ويخبي عيوبكم..."حس انه زودها معها..."...
متعب: أميرة...
أميرة بزعل: نعم...
متعب يعدل جلسته: الله ينعم عليك كلميني عن نفسك..."سكت فجاءه لما شافها تضحك"...قلت شئ يضحك..؟؟.."يالله حتى ضحكتها تذوب"..
أميرة: ههههههههههههههههههههههههه لا محشوم ههههههههههههههههههههههه
متعب يحط يده على خده ويتكئ بالطاولة ويتأملها: عندك روح فكاهة..
أميرة تبتسم: ومنكم نستفيد...
متعب: طيب ما ودك تتكلمين عن نفسك شوي..
أميرة: وش تبغاني أقول...؟؟؟
متعب: يعنى حاب اعرف وش تحبين وش ما تحبين يعنى من هالكلام...
أميرة تتنهد: أنا والعياذ بالله من كلمة أنا بنت حالي حال أي بنت صريحة وما أحب اللف والدوران لكن عيبي ما أحب أخوض في الماضي..
متعب باهتمام: وشلون..؟؟
أميرة: يعنى شئ صار وانتهى ما أحب ارجع وافتح ملفاته لأنه أصبح فعل ماضي مستتر تقديره كان..
متعب: هههههههههههههههههه ما شاء الله بدل ما يكون تخصصك انجليزي المفروض عربي..طيب وبعد...
أميرة بتفكير: امممممممممممممممم بس..
متعب كتف يدينه واتكئ على الطاولة وتقرب منها: متأكدة..."هزت رأسها باستنكار"...طيب اقدر اعرف ليش تبكين..؟؟
أميرة بعبوس: ابكي...!!..من قال أني ابكي؟؟..
متعب بغرابة: واضح والدليل عيونك مو قادة تنكر اللي نشوفه.."نزلت عيونها"..ما جوبتي..
أميرة بضيق: ما في شئ مهم..
متعب: وشلون مو مهم مو أنا زوجك ولي حق اعرف كل شئ يتعلق فيك..
أميرة بحياء: كنت متضايقة شوي...
متعب بجدية: من ايش بالضبط احد مضايقك مثلا..."كانت بتقوله أنت سبب ضيقتي بس فضلات تسكت أحسن من يشفق عليها ويكسب من ورآها اجر"..
أميرة: بالضبط ما في احد معين..وعشان ترتاح أكثر الله خلق ابن ادم ضعيف ويضعف بأقل محنه تمر عليه يعنى ما في احد مبسوط بالدنيا.."ابتسمت"..واللي فيني مجرد ضيقة لا أكثر ولا اقل.."سرح بكلامها اللي قالته صح انه قليل لكن له معنى كل مالها يزيد إعجابي فيها هالادمية شئ يجذبني لها ومو عارف ايش هو بالضبط"...
"""الجزء الثامن"""
بعد العشاء جلس يتبع تحليل المباراة اللي تعودوا يشفونها بعد كل مباراة وكان أبو سلطان معهم جالس...
طلال بقهر: يا أخي صجونا هذولاء محتالين كل شئ...
رياض: عاد حدك وين راح الزعيم...
طلال: ما قلنا شئ يعنى شوف بصفقة ياسر وش سوا رئيسهم عشان يضمه لفريقه دفع الملايين وهو ولا افتكر فيهم..
رياض: بعدي والله ياسر انشده أن رجال ولد رجال شفت مقابلة أبوه ما شاء الله عليه رجال حكيم...
طلال: يا أخي يعجبني رئيس الهلال ما احد يوقف رئس الاتحاد إلا هو..
رياض يعدل جلسته: شفته بمقابلته وش قال..؟؟..
إبراهيم: بدل هالكورة حط لنا الأخبار نشوف وش يسون بالعالم..
رياض: وش يسون غير رايحين جايين على نفس الأوضاع..
طلال يعدل جلسته: ما سمعتوا أخبار أمس..؟؟
إبراهيم باهتمام: خير إن شاء الله..
طلال: ماسكين إرهابيين بطريق القصيم..
إبراهيم بقهر: حسبي الله عليهم ما خلونا بسلام الله يا جعل كيدهم بنحرهم...
رياض + طلال: آمين..."دخلت عزيزة جلست معهم"..
عزيزة تكلم طلال: طلال يمه نام عندنا اليوم....
طلال: لا الحين شماء تنتظرني...
رياض يبتسم: صدق ليش ما تنام وخاصة أن سيارتي فاضة ما فيها بنزين نروح مرة وحدة للجامعة..
طلال يقلده بتريقه: ليش ما تنام...مو لله عشان سيارتك..هااااااه يفتح الله..
عزيزة: الساعة 1 إلا ثلث والحين شماء نايمه بتطق عليها ولا هي حاسة بك..
طلال يغمز لها: لا تخافين يا خالتي معي سبير وبعدين يا خاله لا تنسين عشائي كل يوم عندكم...
إبراهيم واقف يبتسم: كل يوم كثر منها..."تصبحون على خير"...
الكل: وأنت من أهله...
طلال واقف: وأنا بعد بروح..
عزيزة: سبحان الله عنيد على أختي انتبه لنفسك يمه وسلم على شماء..
طلال يلبس نعوله: يبلغ إن شاء الله..."طلع مع رياض لشارع وراح لبيت شماء اللي كانت سهرانه تنتظره"..
طلال: يعنى الحين جالسة تنتظريني..
شماء تقهر: لا شفت ماجد تأخر قلت انتظره مرة وحدة ومنها انتظرك...
طلال رافع حواجبه: مالت عليك وأنا احسب تنتظريني ميخالف لنا الله..
شماء: والله متعود على الدلع عند أمي لا حبيبي هنا عندي ما فيه دلع فيه قسوة وصرامة
طلال يغيظها: وينك يا أم طلال والله لك وحشة أنتي الوحيدة اللي تحملين قلبا حنونا وطيبا يله أنا بروح أنام الله يخليك قومين قبل 7 بعشر دقايق...
شماء: هههههههههههههههههه 10 دقايق !!.. قل بساعة بنص ساعة يا قلب الحنون..
طلال بتعجب: اللللللله بساعة!!.. صاحية أنتي قوميني مثل ما قلتلك يله تصبحين على خير...
شماء: وين بدري تو الناس
طلال يلتف لها بكسل: من عمرك دامك تنتظرين حبيب القلب اجلسي انتظريه خلاص مالي محل من الأعراب بعد أضف وجهي أحسن..
شماء: يوووه وش دعوة أنت الخير والبركة.. "يسمعون الباب فتح وكان ماجد سلم عليه وراح ينام"...
دخل للغرفة بعد ما جاء من الاستراحة على الساعة 1وربع وحصلها نايمه غير ملابسه وتقرب منها وشافها من قرب تأمل ملامحها والخالية من أي تعبير ولما عبست ابتسم ونزل لصالة جلس على التلفزيون يقلب بالقنوات ولما مل نزل للصالة وما حصل احد تنهد وطلع جواله وشاف 4 مسج واتصال من هند تنهد بضيق ورفع رأسه بتعب..يالله لمتى راح أضل على هذا الوضع اللي ما يرضى احد تعبت من وضعي والحال حاولت أتقرب من أميرة لكن لما أتذكر هند أحس شئ يبعدني عن أميرة وهالشئ يضايقني كثير حط يدينه على شعره يا ربي تعبت من التفكير ما أبغى اظلم احد معي وما حس إلا احد جلس بجنبه وعالطول رفع رأسه يشوف مين..
متعب بغرابة: بلقيس ليش ما راحتي لبيتك وش تسوين هنا..؟؟..
بلقيس تبتسم: شوي شوي يا اخوي كل هذا ما تبغاني معكم..
متعب يتسند بكسل: لا مو القصد بس تفاجئت بوجودك عسى ما شر ليكون متهاوشه مع أبو مهند..
بلقيس بغرابة: لا متهاوشه ولا شئ كل ما في الموضوع انه مسافر وبجلس عندكم كم يوم لين يرجع ليكون عندك مانع..؟؟..
متعب يبتسم: لا وش دعوة أنتي الداخلة واحنا الطالعين..
بلقيس بخبث: متأكد انتم الطالعين..
متعب فهم قصدها: لا مو كلنا البعض مننا الحين قوليلي ليش سهرانه للحين..؟؟..
بلقيس: انتظرك..؟؟.
متعب بتعجب: تنتظريني ليش وش عندك..؟؟..
بلقيس: هههههههههههه لا تصدق عمرك توني منومه مهند إلا واسمع صوت قلت أشوف يمكن حرامي.."استغربت من ضحكته الشبه عاليه"..وش فيك تضحك؟؟..
متعب: هههههههههههه أما حرامي هذه كثري منها بالله عليك من وين يجي حرامي والبيت مليان خدم الظاهر تشوفين مسلسلات كثير...
بلقيس بقهر: الفضاوة وما تسوي ما عليك مني أنت ليش ما نمت للحين ليكون متهاوش مع أميرة وطردتك من الغرفة..."وضحك مرة ثانية لكن بصمت"..لحول كل ما أقول شئ تضحك وش قصتك أنت..؟؟..
متعب: اسألي نفسك الظاهر أنتي حالة مستعصية بقول لفهد يشيل التلفزيون منك..
بلقيس: لا تتهرب على سؤالي وجاوبني ليش جالس للحين بذا الوقت..؟؟..
متعب وكأنه بفكر: ما جاني نوم..؟؟..
بلقيس بخبث: ما جاك نوم أو أميرة طردتك..
متعب يبتسم: خليني بالأول اعرف أميرة زين بعدين قولي هالكلام..
بلقيس: متعب بسال سؤال وجاوبني بكل أمانة.. أميرة وش هي بالنسبة لك..؟؟...
متعب يتنهد بتعب: ما ادري للحين ما أحس فيها أي شعور..
بلقيس: أكيد ما راح تحس فيها ومالكم إلا أسبوعين متزوجين وبعدين أنت حاول تتقرب منها حسسها باهتمامك وخوفك عليها وحبك..
متعب يناظر لها بحزن: تظنين يا بلقيس فيه حب بعد هند خلاص الحب من قلبي مات..
بلقيس بقهر: أكيد ما راح يكون بقلبك حب دام هالهند مسيطرة عليك يا متعب يا اخوي أميرة وين بيكون مكانها إذ هند للحين بقلبك مو حرام عليك اللي تسويه بنفسك وتسوي لها...
متعب: أميرة ما راح اظلمها ولا راح اقصر معها وهي مجرد زوجة مو أكثر...
بلقيس بنرفزه وبصوت شوي عالي: قسم بالله أنت مسحور مو إنسان طبيعي.."هدت".. يا متعب أنسى هند مو من نصيبك حرام اللي قاعد تسوي فينا لو أمي تسمعك يمكن بسم الله عليها يصير لها شئ...
أميرة تناظر لهم بخوف: خالتي فيها شئ.."التفتوا لمصدر الصوت واللي كانت واقفة بأعلى الدرج وتبادلوا النظرات خوفا أنها سمعت الحوار اللي بينهم.."
بلقيس بارتباك: أميرة...من متى وأنتي هنا..؟؟..
أميرة نزلت بخوف: تو لما شفت متعب تأخر قلت أشوفه إذ هنا أو لا بلقيس خالتي فيها شئ.."وقبل ما تجاوب عالطول وقف متعب وكان يتمنى أنها سمعت كل شئ عشان يرتاح وينهي عذابه للأبد"..
متعب بعصبية: من سمحلك تتصنتين علينا ..هااااه..
أميرة تناظر بلقيس بخوف وغرابة: ما تصنتت..!!..
متعب متمالك أعصابه: ودامك ما تصنتي وش عرفك أن أمي فيها شئ..."نزلت عيونها لان شافت الشر يتطاير من عيونه"...
بلقيس توقف عندها: الله يهديك يا متعب قالت ما تصنتت..
متعب بنرفزه: ليكون أنتي مصدقتها...
بلقيس بقهر: متعب !!..
أميرة بعبرة مخنوقة: خليه يا بلقيس يقول اللي بخاطره يمكن يرتاح.. اسمع يا متعب أمي وأبوي ربوني أحسن تربية والتصنت مو من طبعي.."عالطول طلعت فوق تكبت دموعها جلس متعب وجلست بلقيس ورآه"...
بلقيس بصوت حنان: الله يهديك يا متعب هذا كلام تقوله يعنى هذا جزأتها تنتظرك وخايفة عليك... "حس انه تسرع بحكمه عليها وما راد على أخته وعالطول طلع فوق وشافها واقفة بالبلكونه دخل عليها ووقف بجنبها وساد صمت طويل بينهم"...
أميرة تحاول تضبط من نبرة صوتها: ما عندك بكرة دوام..؟؟..
متعب ناظر لها بغرابة: إلا ليش تسالين؟؟
أميرة تتجنب نظراته: الساعة 3 وشكلك مرة تعبان..
متعب متكئ مقابلها: وأنتي ما وراك كلية بكرة..؟؟..
أميرة نزلت عيونها: إلا بس أخذت كفايتي بالنوم.."تحاول تبتسم..بعد لحظة صمت"..
متعب ببرود: تصبحين على خير..."دخل للغرفة واخذ لحاف ووسادة مثل ما يسوى كل مرة وقبل ما يطلع وقف على صوتها"..
أميرة تدخل من البلكونه: نم هنا قلتلك أخذت كفاية بالنوم..."طال نظراته لها استحت ونزلت عيونها وطلعت من الغرفة ما يدري ليش يحس بالذنب باتجاهها عشاني مقصر معها ومهمل وجودها خلاص اتخذت قرار لا رجعه منه أنسى الماضي وأنسى هند وأنسى كل شئ وابدأ حياة جديدة معك يا أميرة"...
توها جايه للجامعة لان محاضرتها من 11..جلست بالبوفيه وكانت تحس بنظرات عيون تراقبها وكل ما تشوف صاحبه هالعيون تحاول تتعرف عليها يا ربي مين تكون هذه وليش تناظر لي هالنظرات..
بشاير تقرب من إذنها بقصد: سلالالالام..
هاجر تحط يدها بإذنها : وعليكم السلام..وجع فجرتي إذني..
بشاير: ههههههههههههههههههههههههه بسم الله على إذنك تعالي اسمي عليها..
هاجر: لا تكفين خلاص تعافت.."ناظرت للبنت مرة ثانية"..أقول بشاير شفتي هذيك اللي جالسه بنفس طاولة هيفاء مين هي؟؟..
بشاير تناظر لجهتهم: هذه هند صديقتها ..ليش تسالين؟؟..
هاجر بغرابة: من جلست وما شالت عيونها علي...
بشاير تغمز لها: أخاف أنها معجبة و تبغى تتعرف...
هاجر بملل: هه هه هه هه ضحكتيني تصدقين بايخة ما علينا منها...
بشاير باهتمام: وش أخبار أميرة..
هاجر بقهر: مثل ما هي لا قامت ولا قعدت...ليش السؤال؟؟
بشاير: سؤال بريء حرام نسال..
هاجر وقفت: إذ تبغين تسمين بدني من الصبح ترى ما لي خلقك يله بروح للمحاضرة باي..
بشاير: وعليكم الباي..."وسرحت بمتعب اللي دخلته هاجر برأسها خسارة ياليتني مكان أميرة كان الحين عايشه اسعد حياتي اطلب هذا وهذاك احد يحصله متعب ويقول لا.."
أم عبد الرحمن بدهشة: أميرة عشى ما شر ما رحتي للكلية فيك شئ يمه...
أميرة توها نازله وحبت رأسها: لا يا جدتي بس اليوم عندنا أوف..
أم عبد الرحمن بغرابة: وشو يطلع أوف بعد..
أميرة تبتسم: هذا يا طويلة العمر معناه ما عندنا شئ يعنى مثل الأجازة..
أم عبد الرحمن براحة: الحمد لله دامها أجازة اربحي العافية وأنا أمك ما قلتيلي وشلونك مع متعب إن شاء الله انه ما يقصر معك..."على جملة جدته الأخيرة توه حط رجله على الدرج وقف ينتظر جوابها"...
أميرة تحاول تخفى حزنها: بالعكس يا جدتي الحمد لله متعب مريحني ومو مقصر علي بشئ..
أم عبد الرحمن: عسى ربي يهدي سركم ويسعدكم.."غريبة ليش قالت كذا ظنيتها بتشتكي كمل طريقه وأول ما نزل حب رأس جدته وجلس بجنبها قاصد هالشئ"...
أم عبد الرحمن بغرابة: ورآه ما رحت لدوامك ليكون أنت مجاز..
متعب بغرابة: ليش فيه احد غيري مجاز..."ناظر لها بتعجب"...
أم عبد الرحمن: إيه مريتك...
متعب يتقرب منها: وليش مجازة أشوف ليش ما قومتيني..
أميرة تبتسم بقهر: هذه جزاتي أبغى راحتك..
متعب بغرابة: وش دخل راحتي..؟؟..
أميرة بقهر: حضرتك كل أمس سهران وأنا جالسة انتظرك وما حبيت أقومك لأنك أكيد تعبان وتبغى ترتاح.."ما رد عليها واكتفى يناظر لها "...
أم عبد الرحمن: هذه الحرمة السنعة اللي تدور على راحة زوجها وتأخذ أجازة قومي يمه أميرة حطيله فطور ليأكلك الحين بعيونه.."قامت وهي بقمة الإحراج لملاحظة جدتها عليهم"...
متعب: حرام يا جدتي ما أكل زوجتي بعيوني..؟؟..
أم عبد الرحمن: لا مو حرام بس خف على بنت عمتك شوي تقل ما شفت مثلها..."إيه والله صدقتي مثلها ما شفت والدليل تناست ليلة أمس ولا كان شئ صار"...
توها جايه للجامعة لان محاضرتها من 11..جلست بالبوفيه وكانت تحس بنظرات عيون تراقبها وكل ما تشوف صاحبه هالعيون تحاول تتعرف عليها يا ربي مين تكون هذه وليش تناظر لي هالنظرات..
بشاير تقرب من إذنها بقصد: سلالالالام..
هاجر تحط يدها بإذنها : وعليكم السلام..وجع فجرتي إذني..
بشاير: ههههههههههههههههههههههههه بسم الله على إذنك تعالي اسمي عليها..
هاجر: لا تكفين خلاص تعافت.."ناظرت للبنت مرة ثانية"..أقول بشاير شفتي هذيك اللي جالسه بنفس طاولة هيفاء مين هي؟؟..
بشاير تناظر لجهتهم: هذه هند صديقتها ..ليش تسالين؟؟..
هاجر بغرابة: من جلست وما شالت عيونها علي...
بشاير تغمز لها: أخاف أنها معجبة و تبغى تتعرف...
هاجر بملل: هه هه هه هه ضحكتيني تصدقين بايخة ما علينا منها...
بشاير باهتمام: وش أخبار أميرة..
هاجر بقهر: مثل ما هي لا قامت ولا قعدت...ليش السؤال؟؟
بشاير: سؤال بريء حرام نسال..
هاجر وقفت: إذ تبغين تسمين بدني من الصبح ترى ما لي خلقك يله بروح للمحاضرة باي..
بشاير: وعليكم الباي..."وسرحت بمتعب اللي دخلته هاجر برأسها خسارة ياليتني مكان أميرة كان الحين عايشه اسعد حياتي اطلب هذا وهذاك احد يحصله متعب ويقول لا.."
أم عبد الرحمن بدهشة: أميرة عشى ما شر ما رحتي للكلية فيك شئ يمه...
أميرة توها نازله وحبت رأسها: لا يا جدتي بس اليوم عندنا أوف..
أم عبد الرحمن بغرابة: وشو يطلع أوف بعد..
أميرة تبتسم: هذا يا طويلة العمر معناه ما عندنا شئ يعنى مثل الأجازة..
أم عبد الرحمن براحة: الحمد لله دامها أجازة اربحي العافية وأنا أمك ما قلتيلي وشلونك مع متعب إن شاء الله انه ما يقصر معك..."على جملة جدته الأخيرة توه حط رجله على الدرج وقف ينتظر جوابها"...
أميرة تحاول تخفى حزنها: بالعكس يا جدتي الحمد لله متعب مريحني ومو مقصر علي بشئ..
أم عبد الرحمن: عسى ربي يهدي سركم ويسعدكم.."غريبة ليش قالت كذا ظنيتها بتشتكي كمل طريقه وأول ما نزل حب رأس جدته وجلس بجنبها قاصد هالشئ"...
أم عبد الرحمن بغرابة: ورآه ما رحت لدوامك ليكون أنت مجاز..
متعب بغرابة: ليش فيه احد غيري مجاز..."ناظر لها بتعجب"...
أم عبد الرحمن: إيه مريتك...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك