رواية حياتي عذاب -8

رواية حياتي عذاب -8

أم عبد الرحمن بغرابة: وشو يطلع أوف بعد..

أميرة تبتسم: هذا يا طويلة العمر معناه ما عندنا شئ يعنى مثل الأجازة..

أم عبد الرحمن براحة: الحمد لله دامها أجازة اربحي العافية وأنا أمك ما قلتيلي وشلونك مع متعب إن شاء الله انه ما يقصر معك..."على جملة جدته الأخيرة توه حط رجله على الدرج وقف ينتظر جوابها"...

أميرة تحاول تخفى حزنها: بالعكس يا جدتي الحمد لله متعب مريحني ومو مقصر علي بشئ..

أم عبد الرحمن: عسى ربي يهدي سركم ويسعدكم.."غريبة ليش قالت كذا ظنيتها بتشتكي كمل طريقه وأول ما نزل حب رأس جدته وجلس بجنبها قاصد هالشئ"...

أم عبد الرحمن بغرابة: ورآه ما رحت لدوامك ليكون أنت مجاز..

متعب بغرابة: ليش فيه احد غيري مجاز..."ناظر لها بتعجب"...

أم عبد الرحمن: إيه مريتك...

متعب يتقرب منها: وليش مجازة أشوف ليش ما قومتيني..

أميرة تبتسم بقهر: هذه جزاتي أبغى راحتك..

متعب بغرابة: وش دخل راحتي..؟؟..

أميرة بقهر: حضرتك كل أمس سهران وأنا جالسة انتظرك وما حبيت أقومك لأنك أكيد تعبان وتبغى ترتاح.."ما رد عليها واكتفى يناظر لها "...

أم عبد الرحمن: هذه الحرمة السنعة اللي تدور على راحة زوجها وتأخذ أجازة قومي يمه أميرة حطيله فطور ليأكلك الحين بعيونه.."قامت وهي بقمة الإحراج لملاحظة جدتها عليهم"...

متعب: حرام يا جدتي ما أكل زوجتي بعيوني..؟؟..

أم عبد الرحمن: لا مو حرام بس خف على بنت عمتك شوي تقل ما شفت مثلها..."إيه والله صدقتي مثلها ما شفت والدليل تناست ليلة أمس ولا كان شئ صار"...

سلمان بخبث: هااااه يا متعب أشوف وجهك منور عقب العرس وش السر..

متعب: ههههههههههههههههههههه الله يلعن إبليسك يا شيخ لا سر ولا شئ..

سلمان يتقرب منه وبهمس: يعنى تنصحني أجربه...

متعب يتنهد بضيق: ما أنصحك إلا إذ أنت مقتنع فيها...

سلمان بغرابة: وشلون يا أخوك ترى ما فهمت..؟؟..

متعب يبتسم له: أفهمك الشكوى لله يعنى إذ أنت عندك استعداد نفسي قبل أي شئ توكل على الله وتزوج.."شافت علامات التعجب وكانه ما فهم ابتسم".. أفهمك أكثر أهم شئ بالزواج أن تكون أنت راضي عليها ومقتنع أنها راح تكون الإنسانة اللي راح بتكمل معها مشوار حياتك مو خذوه فغلوه..

سلمان بجدية: متعب خلني أسالك سؤال وجاوبني بصراحة..؟؟..

متعب يتنهد: تفضل..

سلمان: أنت للحين باقي حب للهند..؟؟..

متعب: اكذب عليك إذ قلتلك لا هند أول وأخر حب دخل قلبي ومستحيل أحب غيرها...

سلمان: وزوجتك ما فكرت أنها مالها ذنب يا أخي أنسى هند واعتبرها فترة طيش مرت عليك وابدأ حياتك الحقيقية وصدقني إذ أنت بديت بقلب صادق ونية صافية راح تحصل اللي أنت ما حصلته مع هند..

متعب: وهذا اللي ناوي أسويه أنسى الماضي ولا كأني عرفته أو على قولتك فترة طيش ولو أنها مرحلة صعبة بالنسبة لي بس راح أحاول بإذن الرحمن..."ابتسم لسلمان اللي كان يرد له بنفس الابتسامة وجلسوا كملوا سهرتهم مع باقي الشلة بالاستراحة.."

اليوم الخميس جايه زيارة لأهلها مع جدتها بعد ما وصلهم متعب رجع للرياض..

خوله: والحين بديتي تتأقلمين أو لسه..

أميرة: يعنى أحاول انسجم معهم ...

خوله: عشانك ما أخذتي عليهم وبعدين حاولي تثبتين وجودك بكلامك وحضورك مو كله فوق كثري جلساتك معهم..

أميرة بضيق: عجزت وهاجر ما كله الجو وأخاف أتصادم معها وتصير مشكله..

شماء: ما عليك منها أهم شئ خالتك ومتعب..

أميرة: إذ على خالتي فأنا ضامنتها طيبة ومعاملتها كويسه لكن متعب اللي مو قادرة أتقبل وجوده وتصرفاته اللي مرات تقهرني...

خوله وقفت: إذ على أنا بقولك المفتاح بيدك أنتي عشان تصفينه معك وما يقدر يستغنى عنك وهذه شماء عندك تدرسك بدروسها الخيالية.."وطلعت منهم"...

أميرة بغرابة: فهمتي كلامها..؟؟..

شماء تضحك: هههههههههههههههه اسمعي أميرة خذيها نصيحة مني المرأة مو كل يوم لها زوج وبدل المرأة امرأة..

أميرة بحزن: يا شماء أقولك مو متقبلته وأحس مو مصدقة أني متزوجة وهذا زوجي...

شماء تقرب منها: الله يهديك لو أمي تسمعك كان سوتها سالفة اسمعي حاولي أنتي تسالين عنه وش يحب غداء أو عشاء وعلى وقت فضوته اجلسي بجنبه وشربيه عصير أو وكليه فواكه.."استغربت من ضحكتها العالية"...أميرة أنا قاعدة أعطيك نصايح وأنتي تضحكين..!!..

أميرة: هههههههههههههههههه ما كذبت خوله صدق نصايحك خيالية..

شماء: تدرين عاد لو ما سويت اللي قلته لك ما تشوفين ماجد الحين يقدر يستغنى عني طيعي شوري يا أميرة وما راح تخسرين..

أميرة: هههههههههههه لا بخسر كثير وأهمها كرامتي عندك نصايح غيرها تفضلي أو خليني أروح معهم للحوش..

شماء بقهر: يا الغبية ترى ما بين الزوجين كرامه سامعة وبعدين إذ أنتي تشوف أن صعب عليك أبدئي بأول خطوة اللي هي الكلام المعسول يعنى عمري.. يا حياتي.. يا حبي.. ومن هالكلام وإذ ما قدرتي تقولينه اكتبيه وصدقيني راح يتغير معك صدقيني الرجال ما يعتدل إلا إذ شاف من زوجته شئ حلو وخاصة الكلام.."سرحت بكلام أختها جايز كل شئ جايز ومتعب شكله مو من النوع السهل لازم أبدء بشئ عشان نذيب البرود اللي محاط بيننا وسمعت بنات شماء يدخلون عليهم يطلبون يجون للحوش مع أمهم حصة والجدة صيته"...

عزيزة: أقول أبو سلطان وش رأيك نعزم أميرة ومتعب ترى فشله ما عزمنهم...

إبراهيم: والله سوى اللي تبغين مع ولد أخوك وبنت أختك تراك يا عزيزة قصرتي معهم..

عزيزة بندم: إيه والله ما ادري وشلون نسيت جت مرة ولدك وسببت لنا مشكله مالها أول حسبي الله عليها غربلت بوليدي الله يغربلها...

إبراهيم: لا تدعين ترى مهما صار هذه مرت ولدك وأم أحفادك وإذ على الشغالة وش فيها إذ جاب لها سلطان تراه ماله حق تلاقيها من بناتها أو ولدها وإلا زوجها أو البيت ولا تنسين أن الحمل له دور وأكيد نفسيتها كل مالها تتعب واعتقد مو أنا اللي أقول هالكلام وأنتي أبخص مني بالأمور...

عزيزة: بس يا إبراهيم حرمة ولدك ما شفت منها خير منكدة على سلطان تدري حتى الغداء ما تطبخه مرات يجي مع بناته يتغداء معنا...

إبراهيم: الحين حنا نخطط للعزيمة وأنتي قلبتيها على حرمة ولدك..

عزيزة بنرفزة: لا تلومني من قهر ما بي...

اليوم الجمعة كانت جالسة مع أخوانها بالخيمة وعندهم الجدة وتوها جايبه العصير وبدت تقدمه لهم..

أم عبد الرحمن بعصبية: أقولك طلال وش رأيك ما تقوم عني دام النفس عليك طيبة..

طلال يحب رأسها: افااا يا جدتي أثريك تزعلين بسرعة...

أم عبد الرحمن بقهر: دام هذي سوالفك أكيد بزعل وأنتي.."تكلم أميرة اللي كاتمه ضحكتها"...بدل ما تضحكين فكيني من أخوك..

أميرة: الله يهديك يا جدتي ترى مو بس أنتي ملعوزك حتى أمي وأبوي ما سلموا منه وأكثر واحد متأذي منه رغد بنت خوله..

رياض: ولا تنسوني أنا اللي 24 ساعة معه لكن الحمد لله صارت معي مناعة قوية..

أميرة: ما تنلام الله يلوم اللي يلومك..

طلال بقهر: أميرة خليك محظر خير لو سمحتي..." توه جايه من برا لما شاف الخيمة مفتوحة وأصوات ضحكهم مسموعة راح يشوف من فيه"..

متعب: السلام عليكم...

الكل: وعليكم السلام..."حب رأس جدته وسلم على عيال عمته"..

طلال بفرح: الحمد لله أخيرا وصل اللي بياخذ حقي منكم..

متعب مبتسم: وش السالفة..؟؟..

أم عبد الرحمن: السالفة انك يا طليطل لا تخرب وليدي متعب علينا.." الكل ضحك على طلال لما سمع تصغير اسمه"...

رياض: هههههههههههههههه طليطل خسارة راح مستقبلك عقب هالاسم هههههههههههه

طلال بعصبية متصنعة: ميخالف دام هالاسم طالع من جدتي حبيبتي الله يطول بعمرها..

" وأنتي يكلم أميرة اللي جالسة بجنبه تضحك"..بدل ما تضحكين علي دافعي عن أخوك الوحيد..

أميرة: لا حبيبي منت وحيد وإلا نسيت رياض..

طلال حب يحرجها: حبيبي!!!..واللاطخم اللي جالس مقابلك وش محله من الأعراب.."استحت أميرة من تعليقه وعالطول نزلت عيونها بعد ما لاحظوا عليها الحياء الكل ضحك إلا متعب اللي من جلس وهو يتأملها ليش كنت أعمى وأنتي دايم بوجهي.."...

متعب يقهره: حقوق اللقب محفوظة لصاحبها الأصلي.."ابتسم لما نزلت عيونها وتذكرت كلام شماء أخذت جوالها وبدت تختار رسالة لها معنى كبير"...

يا ما ترددت مدري كيف اشرح لك..؟؟

اجيك وارجع أبيك تقول وش جابك يا بنت الاوادم..

ترى مليت المح لك..

~ أنا أعزك ~

~ واحبك ~

~ واعشق ترابك ~

لا ضقت أضيق ومتى ما تفرح افرح لك

أن غبت عني أضيع...

وإذا ما شفتك اشتاق لك ....

كان يسولف مع رياض لما سمع المسج تلقائيا أخذه وفتحه وقرئ الرسالة وشافها وكأنها ما سوت شئ وتسولف مع جدتها سرح فيها ويتأملها معقولة أكون ظالمك يا أميرة وأنتي عندك هالروح الحلوة حس بالإحراج من ضربه رياض وكانه فهم ابتسم متعب بخجل وكملوا سوالفهم وبخاطره لازم أبدء حياتي معك اليوم يا أميرة وان شاء الله أكون عند حسن ظنك وأكون الزوج المحب لك وأسعدك.."..

دخلت على أختها بالغرفة وكانت متضايقة نوعا ما شافتها مو على بعضها وتركت الكتاب اللي بيدها..

لمى: وش فيك مو على بعضك يا حلوة..؟؟..

فوز بحياء ونفس الوقت بضيق: دريتي أخر الأخبار...

لمى رجعت للكتاب: لا تقولين مها..؟؟ ترى ما عندي أي استعداد اسمع شئ عنها..

فوز بقهر: الحين وش جاب طاري مها هااااه..

لمى: اجل وش عندك..؟؟..

فوز بحزن: أمي اليوم كلمتني عن..

لمى قاطعتها: قديمها ناس خطبوك..."غمزت لها"...

فوز طيرت عيونها بتعجب: وش عرفك يا الجنية..؟؟..

لمى تتمدد على السرير: ما في شئ يخفى علي بالبيت وش قلتي لامي..؟؟

فوز: ما ادري قلت خليني استخير..

لمى: وللمعلومية ترى عليه مميزات أنما إيه من الحين إذ ما تبغينه حولي علي..

فوز: صدق ما تستحين على وجهك والله لو تسمعك أمي تقطع لسانك..

لمى بخبث: هااااه فوز ليكون تغارين ترى أنتي للحين على البر ما صار شئ...

فوز تضربها بالوسايد: اغااااار بعينك يا حماااااره أنا اوريك.."وضلت تضرب فيها ولمى تصارخ تستنجد باخوها رياض"...

طلعت فوق بعد ما سمعته يناديها وتركت جدتها وخالتها تحت دخلت بسرعة تخاف انه معصب عليها مثل كل مرة ولما دخلت شافته جالس وكانه مرتاح وعلى وجهه ابتسامة لكن ما فهمت معناه"...

أميرة بحيرة: خير متعب أسمعك تناديني...

متعب يأشر على الكنب: ما ودك تجلسين عشان نسولف...

أميرة تجلس بعيد عنه: نسولف بايش بالضبط...؟؟..

متعب: ليش جلستي بعيد احد قايلك أني أكل لحوم البشر.."ما ردت عليه قام وجلس بجنبها وكان قريب منها مما أحرجها وصار وجهها احمر.."...

أميرة بإحراج بسبب قربه لها: وش السالفة..؟؟..

متعب يبتسم: لا سالفة ولا شئ أنتي تشوفين فيه شئ.."هزت رأسها بأيه"..وأنا أشوف ما فيه شئ إذ الزوج جلس مع زوجته ويسولفون مع بعضهم.."ما ردت عليه ما حست إلا بيديه ماسكه يدينها " أميرة...أنتي تدرين أن الظروف اللي تزوجنا فيها كانت مرحلة صعبة بالنسبة لنا واعتقد مالها داعي اذكر كيف تزوجنا..!!..

أميرة بسخرية: اعتقد تزوجنا بالطريقة التقليدية أو وش رأيك؟؟..

متعب: مو عشان تزوجنا بالطريقة هذه ما عرفنا بعض أكثر خلينا نبدأ من جديد وننسى كل شئ ونعتبر اللي مريناه بالفترة هذه مجرد اختبار..

أميرة: اختبار..!!...

متعب: إيه اختبار...بس أنتي ساعديني عشان نجتاز هالاختبار بسلام..

كان يسولف مع رياض لما سمع المسج تلقائيا أخذه وفتحه وقرئ الرسالة وشافها وكأنها ما سوت شئ وتسولف مع جدتها سرح فيها ويتأملها معقولة أكون ظالمك يا أميرة وأنتي عندك هالروح الحلوة حس بالإحراج من ضربه رياض وكانه فهم ابتسم متعب بخجل وكملوا سوالفهم وبخاطره لازم أبدء حياتي معك اليوم يا أميرة وان شاء الله أكون عند حسن ظنك وأكون الزوج المحب لك وأسعدك.."..

دخلت على أختها بالغرفة وكانت متضايقة نوعا ما شافتها مو على بعضها وتركت الكتاب اللي بيدها..

لمى: وش فيك مو على بعضك يا حلوة..؟؟..

فوز بحياء ونفس الوقت بضيق: دريتي أخر الأخبار...

لمى رجعت للكتاب: لا تقولين مها..؟؟ ترى ما عندي أي استعداد اسمع شئ عنها..

فوز بقهر: الحين وش جاب طاري مها هااااه..

لمى: اجل وش عندك..؟؟..

فوز بحزن: أمي اليوم كلمتني عن..

لمى قاطعتها: قديمها ناس خطبوك..."غمزت لها"...

فوز طيرت عيونها بتعجب: وش عرفك يا الجنية..؟؟..

لمى تتمدد على السرير: ما في شئ يخفى علي بالبيت وش قلتي لامي..؟؟

فوز: ما ادري قلت خليني استخير..

لمى: وللمعلومية ترى عليه مميزات أنما إيه من الحين إذ ما تبغينه حولي علي..

فوز: صدق ما تستحين على وجهك والله لو تسمعك أمي تقطع لسانك..

لمى بخبث: هااااه فوز ليكون تغارين ترى أنتي للحين على البر ما صار شئ...

فوز تضربها بالوسايد: اغااااار بعينك يا حماااااره أنا اوريك.."وضلت تضرب فيها ولمى تصارخ تستنجد باخوها رياض"...

طلعت فوق بعد ما سمعته يناديها وتركت جدتها وخالتها تحت دخلت بسرعة تخاف انه معصب عليها مثل كل مرة ولما دخلت شافته جالس وكانه مرتاح وعلى وجهه ابتسامة لكن ما فهمت معناه"...

أميرة بحيرة: خير متعب أسمعك تناديني...

متعب يأشر على الكنب: ما ودك تجلسين عشان نسولف...

أميرة تجلس بعيد عنه: نسولف بايش بالضبط...؟؟..

متعب: ليش جلستي بعيد احد قايلك أني أكل لحوم البشر.."ما ردت عليه قام وجلس بجنبها وكان قريب منها مما أحرجها وصار وجهها احمر.."...

أميرة بإحراج بسبب قربه لها: وش السالفة..؟؟..

متعب يبتسم: لا سالفة ولا شئ أنتي تشوفين فيه شئ.."هزت رأسها بأيه"..وأنا أشوف ما فيه شئ إذ الزوج جلس مع زوجته ويسولفون مع بعضهم.."ما ردت عليه ما حست إلا بيديه ماسكه يدينها " أميرة...أنتي تدرين أن الظروف اللي تزوجنا فيها كانت مرحلة صعبة بالنسبة لنا واعتقد مالها داعي اذكر كيف تزوجنا..!!..

أميرة بسخرية: اعتقد تزوجنا بالطريقة التقليدية أو وش رأيك؟؟..

متعب: مو عشان تزوجنا بالطريقة هذه ما عرفنا بعض أكثر خلينا نبدأ من جديد وننسى كل شئ ونعتبر اللي مريناه بالفترة هذه مجرد اختبار..

أميرة: اختبار..!!...

متعب: إيه اختبار...بس أنتي ساعديني عشان نجتاز هالاختبار بسلام..

حصة: عزيزة تسلم عليكم وتقول الأسبوع الجاي عزيمة لمتعب وأميرة..

خوله: الأسبوع الجاي..!!!..

حصة: إيه ليش مستغربة..؟؟..

خوله: بس حنا أو بتعزم عمامهم..؟؟..

حصة: ما قالت شئ بس أكيد بتعزم عمامهم دام تحطها بالمزرعة..

خوله تبتسم: على كذا يبغى لها سوق يا أم طلال..

حصة: وليش السوق..؟؟..

خوله: يمه دام العزيمة بالمزرعة أكيد راح تعزم ناسهم ويبغى لها لبس معتبر لي ولبنتي..

حصة تهز رأسها بيائس: ما تخلصون من اللبس اللي يسمعكم ما عندكم شئ والدواليب بتتفجر من الملابس اللي فيه...

طلعت من الغرفة وكانت ترتجف خوف وتمنت أمها أو خوله معها عشان تهديها مو قادرة تضبط رجفتها جاها متعب وشافها جالسة بالصالة منحنية وشعرها مغطي ملامح الخوف اللي تكسوى وجهها..

متعب: ليش قمتي.." ما ردت عليه"..أميرة.." كان يراقب حركات يدينها اللي تلفهم بتوتر حط يده عليهم و استوعب أن يده فوق يدينها "...

أميرة بضيق: ما فيني نوم...

متعب باهتمام: أميرة...

أميرة بنرفزة ووقفت بعصبية: متعب قلتلك ما فيني نوم...روح نام...

متعب بتحدي وقف بجنبها: لا..ما راح انام إلا وأنتي معي..."ناظرت له بخوف مختلط بخجل"..لا تخافين أنا معك.."كانت ترتجف ومو عارفة كيف تقرر بالوقت الضيق مسك يدها الباردة وسحبها معه للغرفة"..

"""الجزء التاسع"""

كانت تنتظر مع صديقتها موعد المحاضرة الثانية وشافت لمى ووحدة من البنات جايت لهم وعالطول جلسوا بنفس طاولتهم...

لمى بتعب: أووووف أخيرا جاء نهاية الدوام...

نجلاء: هذا وحنا لسه ببداية السنة ومسوين هالتكثيف علينا...

أميرة: هههههههههههههه اللي يسمعكم يقول أول مرة تأخذون محاضرات..

منال: أهم شئ الخروج عشان أقول أبو العيال يجي بنفس الموعد...؟؟

أميرة: كالعادة يعنى ما تدرين متى يفتحونه...

نجلاء بمكر: ما شاء الله عليك يا أميرة...اللي يسمعك يقول منذو مبطي تدرسين هنا...

أميرة تبتسم: ليش ما تعرفين أني اتاقلم في أي مكان...

لمى تشرب عصيرها: إيه مو أنتي مثل السحلية تتأقلمين باي مكان وأي زمان...

أميرة ضربتها بالملف لكن بخفه: عمى...أنا سحلية يا البانده...

لمى تتكابر وكأنه ماهمها: إيه بانده يالله من فضلك.."و ضحكوا عليهم"..

منال: أميرة..متى يجي شيخ الشباب..؟؟

أميرة تبتسم: ما دري...

نجلاء بمكر ملحوظ: أميرة مالك نية تجيبين صورة شيخ الشباب على قوله منال...؟؟

أميرة ببرود: وليش أجيب صورته..؟؟..

نجلاء بتعجب: يوووه..عشان نصور معه أكيد نشوفه ؟؟؟

أميرة بقهر: وليش تشوفينه...؟؟؟

نجلاء انحرجت من طريقتها: أميرة..حلوة هذه يعنى برأيك ليش نشوف يا حلو أو لا..؟؟

أميرة تتصنع الابتسامة: وإذ كان أحلى مني أو أشين وش يغير بالموضوع..؟؟..

لمى بغرابة: يوووه يا أميرة...وش فيك قلبتي الموضوع جد..؟؟

أميرة بقهر: أكيد بقلبه جد دام تطلب شئ مالها خص فيه ولا لها أي حق بعد..

نجلاء واقفة: بروح أشوف محاضراتي..."وراحت عنهم"..

لمى: أميرة...وش فيك شوي وتذبحينها ترى البنت ما غلطت..؟؟

أميرة بتعجب: لا والله...يعنى طلبها اللي مثل خشتها تسمينه مو غلط...

منال اللي كانت ساكتة من أول المجادلة: أنا مع أميرة ليش تسال عن زوجها وبعدين يا لمى ترى مو كل بنت تثقين فيها وتقولين لها عن أسرار حياتك وخاصة الصورة ما أنصحك تعطينها فرصة تشوفه واللي مثل نجلاء ابعدي عنهم...

لمى باستهبال: هذا أنا شفت زوجك يا أميرة ليش ما سويتي مثلها..؟؟

أميرة بنرفزة: بلا هبل يا لمى أنتي شئ وهي شئ وبعدين أنتي بنت خالته يعنى بينكم قرابة أما هي وش تبغى تسال عنه وعن حياتي من عرفتها وهي تسال كيف حياتي معه ما تحسينها قلة أدب...

منال: صح كلام أميرة دام البنت ما تزوجت وشوله تسال عن شئ ما يخصها تدرين يا لمى لو تسالين عن حياتي وتطلبين صورة زوجي يمكن اسويلك اشد من أميرة...

لمى بخوف: الله...والله أنكم وحوش مو أودم...

أميرة: بكرة تتزوجين وتحسين باللي نحسه.."وقفت تكلم منال" ما بقى على موعد المحاضرة شئ مالكم نية تقوموا..

منال: يووه نسيت أروح اسأل الأمن متى الخروج..؟؟ كم باقي للمحاضرة ..؟؟

أميرة تناظر ساعتها: معك 10 دقايق بالضبط..؟؟.." راحت عنهم"

لمى بتردد: أميرة بسالك سؤال...

أميرة تتنهد: تفضلي وبسرعة لو سمحتي...

لمى بحذر: بس مو تسوين فيني مثل ما سويتي بنجلاء ترى أنا بنت خالتك وزوجك يصير ولد خالي يعنى بيننا قرابة...

أميرة تبتسم: خلصيني وش عندك وبعدين يا الدبه لا تقارنين نفسك بأشكال نجلاء..

لمى: ما علينا منها كلامك قبل شوي عن متعب شكلك طحتي بغرامه..

أميرة بخجل: مو طحت بس تعودت عليه يعنى ما أرضى أي احد يقول شئ عنه قدامي..

لمى بخبث: يعنى تحبينه..؟؟

أميرة بتفكير مختلط بخجل: مادري بس أحسه يعجبني بتصرفاته وكلامه وفيه أشياء ما أحبها فيه يعنى ابن ادم مو كامل والكمال لله...

لمى بحالميه: وهو.."شافت الاستنكار على ملامحها يعنى الدلخة ما فهمت"..يعنى هو يبادلك نفس الشعور..؟؟

أميرة تتنهد بضيق: اكذب عليك يا لمى إذ قلتلك إيه.. ما ادري أحسه حنون معي ومرات يجيك أعوذ بالله ما ودك تكلمينه...

لمى: معقولة ما لمح لك...أو تغزل فيك..

أميرة كأنها تتذكر: إلا تحصل بس مو كثيرة وأتوقعها من غير قصد...

لمى بمكر: ويمكن بقصد...

أميرة بسرحان: جايز..."ابتسمت".. يالله ما اقدر اتاخر وإذ جت منال قولي لها سبقتها لهناك

لمى: لا تخافين روحي وحطي رجليك ويدينك بمويه حارة...اقصد باردة...

مر الأسبوعين بسرعة والكل ملتهي بنفسه وخاصة بكرة السبت ودوامات في الجامعة دخلوا من السوق محملين شئ وشويات...

فوز: يالله اليوم السوق مو طبيعي كل هذا بنات الرياض بكرة يداومون أقص يدي إذ شفت احد بكرة..

لمى: هههههههههههههههه ااااي تروحين بكرة...؟؟..

فوز: أكيد بروح تظنين حنا مثلكم مسوي ثقل لا حبيبتي بالجامعة كله جدxجد...وأنتي ليش مو رايحه...؟؟

لمى: ومن قال مو رايحه بروح عشان أميرة تعرفين الكلية جديدة عليها ولازم اعلمها..

فوز ترمي عليها كيس الفشار: ودامك تروحين يا حماره ليش تضحكين..

لمى بلا مبالاة: امممم تقدين تسمينه نوع من رفعة الضغط...

فوز واقفة: مالت عليك وعلى رفعة ضغطك بروح اخذ لي دش.."وراحت عنها وجت أمها جلست"...

لمى: يمه...

عزيزة: نعم..وش عندك..؟؟

لمى تجلس عندها: يمه..ودي اتصل على أميرة..

عزيزة: وليش تتصلين..؟؟

لمى: بشوف متى تجي بالضبط عشان أواعدها بمكان..

عزيزة: طيب اتصلي على جوالها

لمى: جوالها مقفل وودي اتصل على الثابت بس مستحية..

عزيزة: أنتي تستحين..!!..لو بغيتي شئ سويتيه من غير ما احد يمنعك..

لمى بدهشة مصطنعة: افااااا أنا كذا مو مهم الحين...تتصلين..؟؟

عزيزة: أمري لله هاتي التلفون اتصل أشوف أخبار أمي عقب العزيمة.." وأعطتها التلفون"..

جالسة بأحد زوايا البلكونه تمسح دمعة نزلت على خدها تسترجع أحداث الأيام اللي عاشتها معهم وكأنها وجودها مثل عدموه لا احد يعبرني حتى هو كأني مو موجودة بحياته متجاهلني طيب إذ ما يبغاني ليش وافق يتزوجني..؟؟..ما عنده أي أحساس ولا مشاعر ليش يعذبني معه..؟؟ والله تعبت مو قادرة أتحمل أكثر كنت ببيت أهلي الكل يحبني ويراعي مشاعري قطع حبل أفكارها جرس غرفتها مسحت دموعها وراحت فتحت الباب..

هاجر بتكبر: التلفون..."وراحت عنها قبل ما تستجوبها عن المتصل تنهدت أميرة وراحت للمرايا اللي قريبة من المدخل ناظرت نفسها و اثر الدموع مبين عليها أخذت جلالها خافت يكون مساعد تحت نزلت وحصلتهم بالصالة كانت صدمة كبيرة لما شافته جالس عندهم و يناظر لها ببرود نزلت عيونها وراحت لجهة التلفون وفرحت كثير لما سمعت صاحبة الصوت"..

لمى: كلنا بخير...أهم شئ أنتي طمنيني عنك وعن أحوالك..؟؟

أميرة تحاول تبتسم: الحمد لله بخير...غريبة متصلة وش عندك..؟؟؟

لمى: ما غريب إلا الشيطان بس اشتقت لك قلت بسولف معك وبعدين ليش مقفلة جوالك..؟؟

أميرة بصوت واطي: أنا مو ببيتنا عشان تقولين كذا..وجوالي أكيد البطارية فضت..

لمى: طيب قولي لمتعب يركب لك تلفون خاص بغرفتك.."ساد الصمت لما جابت سيرته"...أميرة وش فيك..؟؟

أميرة تحاول تكون طبيعيه: ما فيني شئ وش سبب الاتصال..؟؟

لمى ما تطمنت لجوابها: ولو أني حاسة انه فيك شئ بس بعديها المهم وين أحصلك بكرة..."كانت ناسية أن بكرة دوامات بالكلية"..

أميرة باستنكار: وين..؟؟

لمى بتعجب: يوووه ليكون نسيتي بكرة السبت يعنى فيه دوامات ايوه يا عم أثريه أبو الشباب ما خذ عقلك..." ما ردت عليها"...المهم وين أحصلك؟؟

أميرة بضيق: ليش أنتي تروحين بكرة..؟؟

لمى: والله ما لي خلق بس دامك تروحين عشان تشوفين الأوضاع هناك وتتعرفين على الكلية...مو مشكلة بكون معك وراح انبسط بوجودك...

أميرة: اهااا...بس أنا ما راح أروح وما أظن اللي بعده..

لمى باهتمام: ليش..؟؟

أميرة: ما عندي شئ البسه يناسب بكرة يعنى يبغالي أروح للسوق..

لمى: طيب صلي العشاء وروحي الوقت ترى بدء يطول وراح يمديك إن شاء الله..

أميرة بضيق واضح: لمى إذ ودك تروحين روحي لا تربطين نفسك بي...

لمى: أميرة....وش فيك..؟؟

أميرة تتنهد: ما في شئ...يله ما اقدر أطول مع السلامة..

لمى بغرابة: الله يسلمك.."سكرت وهي سرحانة ببنت خالتها وش فيها واضح أنها متضايقة ليكون متهاوشه مع زوجها وقبل ما تقوم رن التلفون..ردت"..

: السلام عليكم..

لمى تحاول تميز صاحب الصوت: هلا وعليكم السلام.."سمع احد يناديها وعرف أنها اللي بباله"

لمى تغطي السماعة عشان ما يسمع: لحظة..."رجعت لصاحب الصوت"....الووووو...

: ساعة أدق وأنتي شاغلته مين تكلمين.."من الصدمة اللي تسمعه ما ردت عليه وش هذا بعد من وين طلع لي صدق ما يستحي على وجهه قطع أفكارها صوته الرجولي.."...

لمى بملل: نعم..

: الله ينعم عليك...وين رحتي..؟؟

لمى: اوووووف اللهم طولك يا روح نعم اخوي أي خدمة..

:إيه يا طويلة العمر...أبغاك تطولين بالك تصدقين شكلك يدل انك حبوبه وهداية مو عصبية خخخخخخخخخ" حاولت تستوعب اللي يقوله..وش يقول هذا..؟؟..وش يخربط.."...

: وين رياض..؟؟

لمى بغرابة: هااااه....طلع...مين يبغاه..؟؟

: الشيخ طلال ولد خالتك يبغاه..."انصدمت وما قدرت ترد عليه..يالله وش ذا الفشلة وشلون اطلع نفسي الحين..أما طلال فكان مبسوط لاخر درجة لان طاح وجهها وما عندها شئ تقوله غير الاعتذار بس اصبري ما أكون طلال أخليك تسولفين مع نفسك"...

طلال: يا بنت الخالة..وين رحتي ترى ما قفلت...

لمى بخجل: رياض مو هنا..."وجع توجع العدو حتى أنا آسفة ما فيه طيب يا لمى أنا ما كنت طلال أخليك تركضين وراي.. "..

طلال: طيب أنا برى قومي افتحي الباب لي..." شايفني شغالة يتآمر علي والله انه سخيف أمر لله لو منت ببيتنا كان شفت شئ عمرك ما شفته.."...

لمى بصوت واطي والخجل واضح فيه: إن شاء الله...

طلال: لمى....لحظة...

لمى: نعم..؟؟

طلال: لا بس حبيت أنبهك انتبهي تطلعين تفتحين الباب وأنتي متكشفة وتسوين مثل سواتك بعرس أميرة ترى أنا مو ناقص ذنوب.."انقهرت من كلامه الحين الغلط صار علي وش قصده هذا ناوي يجلطني وش أسوي فيه اقفل بوجهه لكن سمعته يقول كلام خلاها تلين..يعنى جبر خاطرها"..

طلال: تصدقين لمى...طالعة حلوة بالزواج..."ابتسمت بخجل"...لكن أخاف هالحلاوة تكون كلها اصطناعية..."ما حس إلا تقفل التلفون بوجهه ضحك شكلي زودتها معها...والله بنت خالتي فله.. وحبوبه...وشاف الباب ينفتح وظل احد يركض...شكلها هي...خبله..."

بعد ما قفلت منها مشت شوي إلا تسمع جدتها تناديها وراحت لها وتحاول ترسم على وجهها ابتسامة لكن عيونها فاضحتها...

أم عبد الرحمن: وين رايحه..تعالي تقهوي معنا..؟؟..."كانت متأكدة من نظرات لها وحاولت تتجنب وجودة معهم"...

أميرة: معليش جدتي...عندي شغل فوق..؟؟

هاجر بتكبر: جدتي...خليها تقول عندها شغل...

أم عبد الرحمن تناظر لها بحدة: أنتي اسكتي ومحد كلمك...أميرة...وش فيها عيونك..؟؟"ما قدرت تحط عينها بعين جدتها لأنه خلاص انفضحت وفضلت تنزلهم"...

أميرة بتردد: كنت.... نايمه...

منيرة بعطف: سمعت تقولين ما راح تروحين وين تروحين..؟؟

أميرة ببرود: للكلية...!!

أم عبد الرحمن: وليش يمه مو رايحه...؟؟؟

هاجر: أخاف رفضوا قبولها..."ناظرت لها بغرور"..

أم عبد الرحمن: صدق كلام هاجر يمه..."هزت رأسها بلا"...

متعب بجدية كانت أخر شئ تسمع صوته: اجل ليش مو رايحه...؟؟

أميرة تتنهد: مالي خلق أروح..عن أذانكم..."طلعت فوق ما قدرت تتحمل التحقيق اللي صار معها ونزلت دموعها وهي تطلع لقسمها وعالطول راحت لغرفتها تحاول تهدي نفسها لأنها هالمرة متأكدة انه بجي ورآها.."..

منيرة: روح يمه شوف وش فيها مرتك...

هاجر: ما فيها شئ...دلع بنات...

متعب: أنتي الصادقة دلع عرايس...يا يمه ما فيها شئ...

أم عبد الرحمن: وشلون ما فيها مبين أنها تصيح..

متعب بتعجب: وليش تصيح...تلقونها مشتاقة لأهلها..اعرفها اسألوني عنها..

أم عبد الرحمن بقهر: ما أسرع تعرفها قوم الله يصلحك وشوف مريتك ليش مو رايحه تدرس بكرة؟؟..

هاجر: ولا بعد بكرة...

منيرة بنرفزة: هاجر...استحي على وجهك وأنتي تكلمي مرة أخوك..

متعب يتصنع العصبية: إيه صح...احترميها فاهمة...

أم عبد الرحمن بقهر: أنا الحين إذ قمت وكسرت العصا على رؤوسكم أنت وياها...

متعب يحب رأسها: افااااا...واهون عليك...

أم عبد الرحمن: إيه مثل مريتك ما تهون عليك...

متعب بغرابة: ومن قال أنها تهون علي...؟؟

أم عبد الرحمن بحنان: طيب روح لمرتك..وشوفها..ما يصير تتركها كذا ولا تسال عنها ترى الحرمة يا وليدي تحب الاهتمام وخاصة إذ من الزوج..

متعب واقف: إن شاء الله..اللي تبغونه بسويه..."طلع لعندها فوق وفتح باب الغرفة كانت شبة نايمه على السرير..ومعطيته ظهرها أول ما سمعت الباب انفتح عالطول مسحت دموعها بطريقة سريعة وعدلت جلستها"...

متعب: اقدر اعرف ليش مو رايحه للكلية لا بكرة ولا اللي بعده..

أميرة بصوت مبحوح: مالي خلق...

متعب يجلس على السرير مقابلها: وليش...؟؟.." ما ردت عليه"...أميرة..."ناظرت فيه ببرود"...ما قلتي ليش؟؟

أميرة تتنهد بملل: مو مستعدة...

متعب استنكار: وشلون مو مستعدة..؟؟

أميرة تقوم من السرير: يعنى...محتاجة أروح للسوق واشتري أغراض للكلية...

متعب بضيق: ليش ما قلتي لي..." نزلت عيونها وفضلت ما ترد"..انتظرك بالسيارة لا تتأخرين..

أميرة: متعب..."وقف والتفت نص لفه"...مو لازم أروح..!!..

متعب بقهر: لا تتأخرين انتظرك.."طلع من غير ما يسكر الباب ورآه مسحت دموعها اللي تجددت وقامت غيرت ملابسها ونزلت وقالت لهم أن بتروح السوق لما عرفت هاجر طلعت لاخوها اللي كان موقف سيارته عند المدخل وكانت تكلمه...

متعب بعصبية: وأنتي وش دخلك تروحين..؟؟

هاجر اللي مو هامها وقوف أميرة ورآها: دامكم تروحون بروح معكم باشتري أغراض ...

متعب: أقول اقلبي وجهك أنتي أغراضك ما تخلص.."وكانت بتتكلم"...أقول ادخلي ليجيك شئ ما شفتيه..."بصوت عالي"...يله..." تأففت وحصلتها واقفة ورآها وناظرت لها بكل تكبر وغرور وراحت بعصبية وركبت أميرة بهدوء ومشت السيارة.."...

أميرة: كان خليتها تروح..؟؟

متعب: كان راحت من الأساس مو ترز وجهها معنا.."ارتاحت أميرة الحمد لله ما يحاول يدخل أخواته معنا مثل ما يسوى زوج شماء"...

دخل عليه وهو كان مشغول بالأوراق اللي بيده جلس ومد له الملف اللي أعطاه عشان يدرسه مع مهندس الشركة بعد ما ترك اللي بيده..

مساعد يتنهد: ما جابت لك أمي منيرة سيرة بخصوص الورث...؟؟..

متعب: لا ما جابت لي سيرة وش قالت لك..؟؟..

مساعد: يقول أن جدتي متضايقة مننا ومأخذين المسالة بعناد ومن هذا الكلام متعب قلي بصراحة أنت تشوفه عناد وإلا ايش برأيك..؟؟..

متعب: لا ما أشوفه أي نوع من العناد مثل ما قلت بس هي مسالة تعب وجهد وحق..

مساعد يبتسم بخبث: أخاف بكرة تجي أميرة وتغير كلامك كله...

متعب بضيق: وش دخل أميرة..حنا نتكلم عن جدتي والورث..

مساعد: مو أميرة داخله فيه يا متعب اسمع إذ أمي أو جدتي فتحت معك الموضوع قلهم ما بيدي شئ كلامكم مع مساعد..

متعب واقف بقهر: ليش يا مساعد انعدمت الثقة كذا مرة وحدة..

مساعد ووقف: مو انعدام لكن حرص واحتياط ما احد يدري يمكن بكرة تصف معهم وتقول الكلام اللي يقولونه وخاصة انك مأخذ بنت العمة.."ما رد عليه ناظر له بقهر وطلع وترك أخوه يفكر اللي راح يواجه مع جدته وخاصة أن ما احد يكسر لها كلام.."..

دخل عليه وهو كان مشغول بالأوراق اللي بيده جلس ومد له الملف اللي أعطاه عشان يدرسه مع مهندس الشركة بعد ما ترك اللي بيده..

مساعد يتنهد: ما جابت لك أمي منيرة سيرة بخصوص الورث...؟؟..

متعب: لا ما جابت لي سيرة وش قالت لك..؟؟..

مساعد: يقول أن جدتي متضايقة مننا ومأخذين المسالة بعناد ومن هذا الكلام متعب قلي بصراحة أنت تشوفه عناد وإلا ايش برأيك..؟؟..

متعب: لا ما أشوفه أي نوع من العناد مثل ما قلت بس هي مسالة تعب وجهد وحق..

مساعد يبتسم بخبث: أخاف بكرة تجي أميرة وتغير كلامك كله...

متعب بضيق: وش دخل أميرة..حنا نتكلم عن جدتي والورث..

مساعد: مو أميرة داخله فيه يا متعب اسمع إذ أمي أو جدتي فتحت معك الموضوع قلهم ما بيدي شئ كلامكم مع مساعد..

يتبع ,,,,

👇👇👇

تعديل المقال