رواية ياخوي لاتظلمني -1
روايه ياخوي لاتظلمني
الشخصيات
عائله (ابو نوره)
ابو نوره عمره 55 و شخص يلبي جميع طلبات ابنته نوره ولايرفض لها طلبا
نوره بنت مدلعه وتحب المال جدا وعمرها 23
عائله (ابو ياسر)
ابو ياسر عمره 58 مريض بالقلب ويتجنب المشاكل دائما وهو ملياردير
ياسر عمره 25 سنه وهو الابن الاكبر له وشخصيته متقلبه ولاكنه طموح جدا ويحب التجاره وهو متزوج ليس لزوجته دور في القصه
غسان عمره 24 سنه الابن الثاني لابو ياسروهو شاب ايضاء طموح لاكن الفرق انه يعشق السفر والتجاره الخفيفه ويكره الارتباط بالعمل
عائله ( ابو حسام )
ابو حسام عمره 54 عام وهو موظف عند ابو ياسر في شركاته
مها ابنته الوحيده عمرها 22 عام بسيطه جدا تحكمها القناعه
البدايه
كانو جالسين يفطرون الساعه 7 الصباح
ابو ياسر يالله ياياسر خلنا نلحق على الشركه
ياسر انشاء الله بس افطر ونروح
ابو ياسر وانت ياغسان
غسان مو مشكله الحقكم على الساعه 9
ياسر يباه مشكله غسان انه كسول
ابو ياسر خلاص لاتوجعون راسي خله براحته
غسان زعل وراح لغرفته
ابو ياسر اااااااف مع السلامه
وفي الجانب الاخر
نوره بابي ممكن اروح السوق اليوم
ابو نوره الي يريحك يابنتي
نوره بس ابي فلوس عل الاقل 4000 ريال
ابو نوره خلاص بس لاتتاخرين
نوره ابطلع مع خوياتي للسوق وودي اخذ راحتي معهم
ابو نوره الي يريحك يابنتي من لي في الدنياء غيرك
نوره ثانكس بابا
وعطته بوسه مع راسه وطلعت
الجانب الاخر وفي شركه ابو ياسر
ابو ياسر ابو حسام اوراق الشركه جاهزه للتوقيع؟
ابو حسام جاهزه بس باقي نسافر
ابو ياسر انا مشغول مافيه الا انت يابو حسام
ابو حسام بس بنتي ماقدر اخليها لحالها
ابو ياسر خذها معك تغير جو
ابو حسام لالا من مات اخوها حسام الله يرحمه وانا حرمت عليها تطلع بلدان اجنبيه اخاف تاثر فيهم
ابو ياسر من يسافر طيب
ابو حسام اممممممم ولدك ياسر
ياسر توه دخل الغرفه وسمع كلمه ولدك ياسر
ياسر وش فيه ياسر بعد؟
ابو ياسر ياولدي ابيك تسافر اورباء حتى تخلص اوراق الشركه
ياسر اوك بكرا انا طالع
وقت الظهر وعلى طاوله الطعام
غسان يباه اليوم بروح للسوق العصر تبي اجيب شي
ابو ياسر لاتتاخر
غسان انشاء الله
وفي السوق بينما يتقضاء غسان الاغراض شاف نوره بنت ابو نوره واعجب فيها وهي اعجبت فيها ورقمها
وفي الساعه 1 من الليل اتصل عليه
غسان هلا بالزين كله
نوره هلا فيك
غسان انتي اجمل وحده من خوياتك
نوره اكيد انا اجمل ماحد طلبك رايك
غسان اسميه غرور مثلا
نوره سمه الي تبي
غسان الا تعالي وش اسمك
نوره اسمي ندى <<<<<<<< نصابه
غسان عاشت الاسامي انا اسمي سعد<<< انصب منها
نوره كم عمرك
غسان 24 وانتي
نوره انا 23
استمرت العلاقه 4 شهور
في احد الايام اتصل غسان(سعد) على نوره(ندى)
غسان هاي ندى كيفك
نوره تمام وش سر الاتصال المفاجيء الحين
غسان لازم نتقابل ابيك في موضوع مهم
نوره اوك وين تبي
غسان في المطعم الفلاني
نوره اوك تم
وسكرو السامعه
ماذا سيحدث بين غسان ونوره وماذا يريد منها؟
ولماذا لم تدخل مها في القصه حتى الان؟
البارت الثاني
داخل المطعم
نوره وش تبي خوفتني وش عندك
غسان انا بصراحه مدري من وين ابدا
نوره قل لاتخوفني اكثر
غسان انا ناوي اتقدم لك
تبسمت نوره
غسان بس فيه مشكله
نوره وش فيه
غسان ابوي مايبغاني اتزوج حتى ارتبط في العمل معهم
نوره وين المشكله
غسان انا ماحب الارتباط
نوره بس فلوس الشركه كثيره ومايهم اذا مارتبطت
غسان بس من يقنع ابوي
نوره بابتسمامه ماكره وخبيثه انا اقنعه
في اليوم التالي راحت نوره للشركه ودخلت على ابوه
نوره السلام عليكم
ابو ياسر وعليكم السلام أي خدمه
نوره بصراحه ياعم مدري وش اقولك
ابو ياسر منو انتي
نوره بصراحه انا احب ولدك غسان من فتره ووده يتقدم لي
ابو ياسر ابرك الساعات بس لازم ينفذ شرطي
نوره وش شرطك
ابو ياسر يرتبط في الشغل
نوره اوك بس مو على مانتزوج اصبر عليه سنه واوعدك يداوم كل يوم
ابو ياسر على كذا انا ماعندي مانع
في الجانب الاخر في مكتب ابو حسام
ابو حسام ياسر عطني الاوراق خلني ارتبها
ياسر خذ هذي الاوراق
دخلت عليهم مها
مها هلا يباه
ابو حسام هلا ببنتي ياسر اعرفك على بنتي مها
ياسر تشرفنا
راحو لغرفه لحالهم
ابو حسام هلا مها وش تبين
مها يباه محتاجه 200 ريال
ابو حسام يابنتي مقدر الا اعطيك 150 ريال هذا الي معي الحين
مها اوك
وعطاها الفلوس وراحت
في بيت ابو ياسر
ابو ياسر غسان جتني بنت وقالت لي القصه كلها اليوم في الشركه
غسان وش قلت لها
ابو ياسر رح اسئلها وهو يبتسم
غسان اتصل على نوره
طبعا كل واحد قال اسمه الحقيقي
بانت علومهم خخخخخخخخخخ
المهم
غسان هلا حياتي وش قالك ابوي
نوره خلاص اقنعته اننا نتزوج وترتبط في العمل بعد سنه
غسان ليش بعد سنه بالتحديد
نوره ضحك بخبث هههههههه بعدين تفهم كل شي
نوره عندها هدف خبيث بس وشو بعدين نعرفه مستقبلا
تمت الخطبه وصار كل شي
بعد الزواج باسبوع
نوره غسان متى تشتغل في شركه ابوك
غسان مراح اشتغل معه
نوره ليش
غسان افكر اشتغل بالاسهم حاليا
نوره لالا الاسهم بعدين الحين اشتغل مع ابوك
مع الايام تغيرت معامله نوره لابو ياسر
في احد الايام
نوره هل توقع انه يصلح اخوك يسكن معنا في البيت وفيه حرمه
غسان يانوره ياحبي وش فيها
نوره بعصبيه وشلون وش فيها اطرده خله ينقلع هو وزوجته بالي مايحفظهم
غسان لاياحياتي وش دعووه
نوره ياانا ياياسر في البيت
ماذا سيحدث مستقبلا؟ هذا ماسنعرفه في البارت الثالث
البارت الثالث
ياسر جالس يفكر لحاله دخل عليه غسان
غسان ياسر وش فيك
ياسر والله مدري وش اقولك
غسان عسى ماشر
ياسر مشاكل زوجيه
ويدخل ابوهم فجاءه
ابو ياسر وش صاير ياولدي
ياسر ولاشي
ويطلع ويخليهم
ابو ياسر غسان اخوك وش فيه
غسان والله مدري يباه علمي علمك
في اليوم التالي
ابو ياسر جالس في الشركه والتفكير ذابحه دخل عليه ابو حسام
ابوحسام سلامات يابو ياسر اشوفك شارد فضفض لي ترانا اخوان
ابو ياسر والله ياسر متغير ولا ادري وش فيه
ابو حسام طيب هو ما لمح وش فيه
ابو ياسر لا والله بس يقول مشاكل زوجيه
ابو حسام يارجل هونها وتهون خلنا نروح نتغدى برا نغير جو
ابو ياسر خلاص بس اكلم السكرتير ينتبه للمكتب
ابو حسام ممكن اتصل على مها يمكن طفشانه الحين
ابو ياسر اوك اتصل عليها
ابو حسام يتصل علة مها
ابو حسام يالله يابنتي تجهزي نبي نمرك نطلع نتعشى
مها خلاص على ماتاصلون اكون جاهزه
في بيت غسان ونوره
نوره اسمع وش سويت من ناحيه البيت
غسان ماسويت شي
نوره اترك الموضوع علي
غسان ايش ناويه عليه
نوره طنشته وراحت
في الليل الساعه 1 كان نايم غسان وسمع صراخ في غرفه ابو ياسر دخل عليه لقاء نوره منسدحه عنده وتصارخ لان هي جريئه شوي ومتمرده كما تعرفون
غسان وش فيك
نوره ابوك تهجم علي يبي يغتصبني
ابو ياسر غسان ياولدي هي جت وطاحت عندي وقامت تصارخ لاتصدقها
وصارت مشاكل ومد وجزر
وكانت النهايه بوفاه ابو ياسر بسكته قلبيه
في يوم العزاء
ياسر الله يرحمك يايبه
غسان وهو يبكي الله يغفر له
وفي الجانب الاخر نوره لحالها بالغرفه تفكر
الحين هالشايب مات وافتكينا منه توقعين يانوره كم فلوسه بالشركه 20 مليون ولا 30 مليون واااااااو اكيد راح تكونين ملكه
وهي تفكر دخل عليها غسان
ماذا سيحدث هذا مانعرفه في البارت الرابع
البارات الرابع
في بيت ابو ياسر
غسان دخل على زوجته فوجدها تفكر
غسان انتي فعلا حقيره وراح اطلقك على الي صار
نوره اوووووه ياغسان قسما عظما ابوك حاول يغتصبني
غسان ابوي مايسويها ياحيوانه
قامت نوره وصارت تدلع عنده وتتغج وتقول
نوره وش دعوه ياحبيبي الي صار صار
غسان لاحول ولاقوه الا بالله
نوره وعشان اثبت لك حسن نيتي مستعده نطلع انا وانت ونخلي البيت لاخوك ياسر
غسان من جد
نوره بس بشرط
غسان ايش
نوره لازم تتاجر وتفتح مؤسسه
غسان اوك والحين بروح اتفاهم مع ياسر مع الميراث
طبعا ابو ياسر الحين له 5 ايام متوفي
في الشركه
غسان هلا ياسر
ياسر هلا
غسان ابيك في موضوع مهم
ياسر ادري وش تبي تبي تتكلم عن الورث والفلوس
غسان هذا حقي ياخوي
ياسر اكيد ومراح اكله
سكت شوي
ياسر وش سويت مع زوجتك
غسان من ناحيه ايش
ياسر طلقتها
غسان وليش اطلقها
ياسر صاحي انت هي سبب وفاه ابوي الله يرحمه
غسان يووووووه ياياسر صك على الموضوع ابوي مات والله يرحمه
دخل عليهم ابو حسام
ابو حسام هلا غسان كيف الحال
غسان انت يالشايب اسكت مو ناقصك
ياسر غسان وش هالكلام اعقل مقام ابوك هذا
غسان مايعقب الا هو
ابو حسام الله يسامحك ياولدي
ياسر غسان انت وش صاير فيك
غسان اوووووووف ولاشي ارسلي 15 مليون نص الثلاثين النص بالنص
طلع غسان وهو يتافف
في بيت ابو حسام
ابو حسام ااااه يابنتي ابو ياسر مدير شركتنا الي مات وربي رجال
مها وولده ياسر فعلا رجل يباه وغسان
ابو حسام لا والله يابنتي غسان رخمه
مها ليش
ابو حسام تخيلي يامها اليوم يسبني في مكتب ابوه الله يرحمه
مها من جد حقير شلون وصلت الجراءه معه كذا صدق الي استحو ماتو
ابو حسام ولا وقدام ياسر بعد
مها وياسر ايش سوى
ابو حسام تخانق مع اخوه
وفجاه في بيت ياسر وغسان وهم جالسين بالصاله يتفاهمون بالورث جت نوره تصارخ
نوره غسان الحق على ابوي بالعنايه المركزه
ماذا حصل لابوها فجاه هكذا هذا ماسنعرفه في البارت الخامس قريبا
البارت الخامس والاخير
نوره غسان الحق على ابوي مدري وش فيه
غسان ليش وش فيه وش الموضوع
نوره وهي تبكي مدري كلموني المستشفى وقالو حالته خطيره
غسان وياسر راحو المستشفى ودخلو على الطبيب
ياسر يادكتور وش فيه طمنا
الدكتور انت وش تقرب للمريض
غسان انا زوج بنته
الدكتور ممكن كلمتين
ياسر يسحب روحه برا الغرفه
غسان خير يادكتور وش فيه
الدكتور بصراحه عنده جلطه بسبب خساره جميع امواله في الشركه
غسان لاحول ولاقوه الا بالله كيف اقول لبنته الحين
الدكتور انتبه تقولها قولها انه جلطه عاديه ماتخوف حيل وقريب راح يشفيه الله
في المنزل
غسان نوره تطمني الدكتور يقول الجلطه ماتخوف حيل
نوره الله يسمع منك يارب
ياسر غسان تعال ابيك
غسان راح له
غسان وش تبي
ياسر خذ هذا الشيك الي لك ب15 مليون
غسان يسلموووو
ياسر انا طالع اسافر انا وزوجتي ودعتك الله
غسان تاصلون بالسلامه بس وش عندكم
ياسر نغير جو ومنه تاخذون راحتكم انت وزوجتك
بعد مرور شهر
يتحسن ابو نوره وتعود اليه صحته ولاكنه خسر ماله وشراله غسان بيت يسكن فيه ويمشي له راتب من الشركه يعيش فيه حياته باتفاق مع ياسر
وبعد عوده ياسرمن السفر
يبيبعون الشركه هو وغسان وكل يتاجر لوحده
في احد الايام
في منزل غسان وزوجته
غسان نوره وش رايك وش نستثمر فيه
نوره انا من راي ندخل الاسهم
غسان بس اخاف نخسر
نوره لا الظمان اكيد اسمع كلامي بس
غسان قولي انشاء الله
نوره ياخي بدون انشاء الله انا اعرف الاسهم اكثر مني
غسان استغفري ربك يابنت
نوره اوووووووف استغفر الله قالتها بملل
غسان بس وش رايك وش الشركه الي نساهم فيها
نوره اكيد شركات الاتصالات
غسان خلاص انا بروح بكرا واساهم
من بكرا وضع غسان جميع ال15 مليون في الاسهم
غسان خلاص ساهمت
نوره اصبر فتره وراح تشوف الارباح
غسان وش رايك اتصل على ابو حسام نستفيد من خبرته
نوره في لحظه صمت اوك
غسان يتصل على ابو حسام ويتفق معه يجيه في البيت
غسان الله يحي ابو حسام
ابو حسام الله يحيك مع انك اهنتني في الشركه
غسان وش دعوه يابو حسام بس كنت معصب ومو في وعيي
ابو حسام خلاص سامحتك
غسان وش رايك وش نساهم فيه
ابو حسام انا اقول نساهم في الاتصلات
غسان نفس كلام زوجتي
وبعد ان تبادلو اطراف الحديث رجع لبيته حصل مها مذبوحه والدم مالي غرفه
وش الي صار
جلس يصارخ اتصل على الاسعاف جو وودوها المستشفى وكانت النتيجه طبعا هي انها ماتت
اصيب بصدمه وانهيار كااامل واصبح مجنون وادخل في مستشفى المجانين
الحقيقه هي لما سكتت نوره في لحظه صمت قررت قتل مها والخطه كانت
حالما ياتي ابو حسام للبيت تذهب هي وتقتل نوره وتعود مباشره لاصديقتها التي قالت لزوجها انها راح تزورها في البيت وتعود للبيت وكان شي لم يحدث وكيفيه دخولها البيت اتفقت مع حارس البوابه ان تعطيه مبلغ عشرين الف لفتح المنزل
في قسم الشرطه
الضابط اخ غسان لما انقتلت مها كان ابوها عندك؟
غسان هالكلام صحيح نعم
الضابط وزوجتك وين كانت
غسان كانت عند صديقتها
الضابط يستدعي نوره والصديقه
الضابط لصديقه نوره هل كانت عندك لما صارت الجريمه
الصديقه نعم ولم تغادر الا الساعه 12 والجريمه صارت الساعه 11 على حسب كلامكم
استدعاء حارس البوابه
الضابط ياصديق مايجي نفر ادخل بيت
الحارس والله مافي معلوم هذا مافي شوف انا نفر انا نوم بعدين اسمع نفرات صرخ داخل بيت
وبعد محاولات لفك القضيه لم يتم التعرف على القاتل واغلقت القضيه
وبعد مرور شهرين يخسر غسان جميع امواله ونوره تطلب الطلاق ويطلقها
في مكتب ياسر
غسان ياسر وانا اخوك تدري اني خسرت جميع فلوسي
ياسر طيب انا وش دخلي فيك ليش تلعب فيها ولاتخطط ولا شي
غسان انا اخوك لازم تساعدني
ياسر انسى اني اساعدك
غسان انا طالع وانسى ان لك اخو اسمه غسان
ياسر ابركها من ساعه
غسان يطلع زعلان
ويتجه الى بيت ياسر ويقتل زوجته لان الدنياء ضاقت فيه ويقطع راسها ويحطه بصندوق ويرسله لبواب الشركه وينهاااار ياسر لما يشوف راس زوجته بصندوق ويكووون مجنون وسريره جانب سرير ابو حسام
والشرطه فكت لغز مها ولغز زوجه ياسر وتم تحديد موعد اعدام غسان ونوره في يوم واحد
انتهى
تجميع ورد الجوري
اللهم لك الحمد حتى ترضى وإذا رضيت وبعد الرضى ,,, اضف تعليقك