رواية ساره وصراع الحب -1
(روايه ساره وصراع الحب)
الكاتبة مجهولة في زمن
تجميع ورد الجوري
البارت الاول
(فهد الأخ الأكبر للعائله عمره٢٨سنه مدير لشركة ابوه الكبيره.
أحمد بعد فهد عمره٢٥سنه وهو بعد متوظف في شركة ابوه.
ساره١٩سنه تدرس ثالث ثانوي بيضا جسمها يهبل شعرها الين ظهرها حبوبه.
رهام وسهام توأم صف ثالث متوسط متشابهين شكلا مختلفين في الذوق في الأفكار في كل شي .
سعد يدرس سادس شقي لاكنه حبوب وحنون.
امجاد تدرس ثاني ابتدائي حبوبه وهاديه وحلوه مثل ساره.
أبو فهد عنده شركتين كبار وحده بيده هو والثانيه عند ولده فهد متواضع.
أم فهد حبوبه وراعية بيت تنحب من أول ماتشوفها)
(هدى البنت الوحيده للعائله حبوبه حلوه مره شعرها بني الين كتفها تدرس مع ساره هي أصغر وحده في البيت.
راكان الأخ الأكبر لهدى يشتغل مدير في شركة ابوه.
عبدالله يدرس ثاني ثانوي بسبب رسوبه الدائم وعربجيته يحب البنات.
أم راكان خدومه حبوبه ماتحب تجرح أحد هي المسؤله على اولادها بعد وفاة أبو راكان.
سليمان يدرس ثالث متوسط حبوب اجتماعي مايحب يجرح أحد)
خوال ساره
خالة ساره(أم سعد طيوبه حبوبه مره تخدمك بعيونها.
أبو سعد اجتماعي مره يحب العلاقات الكثيره تاجر كبير يحب السفريات.
سعد أكبر أبنائهم يشتغل مع ابوه
.
خالد في ثالث جامعه حلو مررره البنات إذا شافوه يذوبون عليه هادي مره شاطر في دراسته.
رغد تدرس ثالث ثانوي بس جاها نصيبها وانخطبت حلوه مره شعرها نص ظهرها جسمها حلو.
ريم وغاده توأم بس مختلفي بالشكل والذوق والأفكار وكل شي.
بعدين سعود يدرس اولى متوسط آخر العنقود هادي اجتماعي)
اما خالتها الثانيه(أم عبدالله هاديه حبوبه مزوحه.
أبو عبدالله يشتغل ظابط دايم يسافر مايجلس في البيت الا نادرا.
عبدالله هادي يحب يساعد الغير متزوج بدور بنت عمه وعنده بنتين اماني وإيمان زوجته بدور حبوبه مره دايم تعطي الغير وتساعدهم.
ضي تدرس اولى جامعه حبوبه مثل امها تفتح لك قلبها تسمع لك وتواسيك وتساعدك بعيونها وحلوه مره شعرها الين ظهرها ناعم مره مدرج طالعه خيال عليها.
مي ثاني ثانوي هاديه مره مش اجتماعيه إذا أحد سألها تجاوب وتسكت حلوه مثل اختها شعرها نص ظهرها)
خال ساره(أبو محمد يشتغل طيار دايم مسافر عشان الشغل ماينشاف الا في المناسبات والاجتماعات المهمه وبعض الطلعات.
محمد يدرس بأمريكا اجتماعي مره يحب العلاقات الداخليه والخارجيه.
العنود تدرس بأولى جامعه طيبه مره ومرجوجه مزوحه حلوه مره كأنها ولد قاصه بوي ملابسها ولد كل شي ولد بولد بس انها فله.
عبير تدرس ثاني ثانوي مثل اختها بس انها مو بوي بس انها مرجوجه وملقوفه شعرها لكتوفها ناعم مره صابغته بني.
سديم ثالث متوسط مثل سهام هاديه وحبوبه)
خال ساره الثاني(أبو فارس حبوب مره يعتمد عليه في كل شي جدي بوقت الجد ومزوح بوقت المزح
.دنيا حبوبه مره زي ابوها يعتمد عليها في كل شي متزوجه ولد عمها عندها سالم وسماح ونجاح.
ذكرى تدرس ثاني جامعه مخطوبه من سنه من ولد عمها اخو زوج اختها حبوبه مره حساسه حلوه مره.
فارس وفراس توأم نفس الشكل نفس الطباع يدرسون ثاني ثانوي كل واحد بفصل بسبب شقاوتهم.
آخر العنقود فرح حبوبه مره بريئه طفوليه خدومه الكل يحبها تدرس خامس ابتدائي.
بعد دنيا فيه شخص ماراح نعرفه الا مع الأحداث)
هذا هم خوال ساره.
البارت الثاني
ساره:ها انشغلتي؟
هدى:يعني شوي.
ساره:طيب متى تفضين؟
هدى:لا عادي الشغله مو مهمه اسويها بعدين.
ساره:طيب أخبار المدرسه اليوم؟جات استاذة هديل؟والاء؟
هدى:كالعاده بس صراحه افتقدناك واستاذة هديل غايبه والاء جايه ماشفتها في الفسحه مريت على فصلها شفتها محزنه.
ساره:ياحياتي ليتني ماغبت اليوم اموت ولا تزعل.
هدى:والله لو تموتين راح تنتحر.
ساره:هههههههه والله صادقه الله لايجعلني افقدها الله يجعلني فدوه لها الله........
هدى:خلاص خلاص ايش بقى لي خلاص زعلت باي.
ساره:لا يابعد عمري أنتي كل شي ولا زعل هدهوده ايش يبغى الزعلان ويرضى؟
هدى:ابغى... ابغى... ابغى...
ساره:يلا عاد خلصيني ولا ترى بهون.
هدى:أجل يلا باي زعلت.
ساره:لا لا خلاص لو تبين عيوني عطيتك اياها.
هدى:خلاص طيب ابغى عيونك.
ساره:ياعيوني أنتي بس لو عطيتك عيوني وشلون بشوفك واكحل عيوني فيك؟
هدى:خلاص خلاص ترى استحي بعدين اسكر السماعه.
ساره:ههههههه ياقلبي أنا على اللي يستحون طيب ايش يرضيك؟
هدى:طيب ابغاك تعزميني على ملاهي ستار سيتي وكل شي على حسابك.
ساره:من عيوني بس تعالي جلسنا نسولف ونسيت اقولك ايش صار أمس في الاستراحه.
هدى:حمستيني ايش صار؟
ساره:صبرك راح اقولك كل شي.
هدى:يلا ترى تحمست.
ساره:خلاص ماراح اقولك.
هدى:خلاص خلاص بسكت يلا تكلمي.
ساره:تخيلي أمس لما رحنا ملكة بنت خالتي واحنا جالسين وطفشانين جات فكره للعنود وقالت ليه مانطلع نلعب في الملعب ووافقنا كلنا بس قلنا خليهم لين يخفون الناس لأن حنا ناوين نجلس في الاستراحه الين العصر اليوم الثاني وطبعا كل وحده جايبه ملابسها وأغراضها واحنا جالسين الا قالت عبير تعالوا شوفوا رغد مع محمد ورحنا ركض معاها كلنا جلسنا عند الشباك نطالع الا الأحضان والبوسات من أول يوم هههههه المهم واحنا جالسين نناظر الا خالتي طالعه وشافتنا وجلست علينا تهزئ ودخلنا رحنا للمسبح صراحهم كان شكله روعه والاروع لما سبحنا فيه بدلنا ملابسنا بسرعه وكنت لابسه فستان فوشي هادي مره قصير للركبه فيه كسرات خفيفه من الجنب في الخصر حزام اسود طويل شوي ورحنا للمسبح ننط في المويه تسابقنا ولعبنا حتى جا العشا لما جهز مارحنا بدلنا ملابسنا جابوا العشاء في غرفه عند المسبح دخلناها واحنا مليانين مويه وتعشينا ورجعنا كملنا سباحه لما طلعنا وبدلنا ملابسنا وتعدلنا رحنا في غرفه فاضيه وطولنا على صوت المسجل ورقصنا صراحه ذاك اليوم فله ولما خفوا الناس بعد العشا طلعنا للملعب ولعبنا كوره وشوي نتخبا ونلاحق بعض ومن سؤ حظي رحت تخبيت ورا شجره عند باب الرجال والبنات بعيدين عني الا انفتح الباب و التفت الا خالد ولد خالتي يناظر فيني وأنا ركض على الغرفه اللي ننام فيها يوم التفت عليه الا واقف ماتحرك يناظر فيني مااستوعب الا لما ركضت ورجع داخل عند الرجال والبنات مساكين يدورون علي وأنا تحت الفراش ارتجف شوي وابكي من الموقف ومن حسن حظي ان ضي هي اللي دخلت الغرفه وجات عندي تسألني ايش فيني وارتميت على حضنها وبكيت ولما هديت دخلوا البنات خايفين يوم شافوني سألوا ضي قالت لهم اني دخت وماقدرت اكمل وطلعوا وسألتني ضي ايش فيني وعلمتها بس صراحه شكله حلو.
هدى:يمه والله لو أنا كان اغمى علي وأنا في مكاني وبعدين لا يكون حبيتيه.
ساره:لا الله لايقوله مستحيل احبه وفي قلبي استاذة هديل والاء.
هدى:اها طيب متى تنفذين الوعد؟
ساره:خلاص بكره أنتي فاضيه؟
هدى:اكيد راح أفضى.
ساره:هههههههه تدرين الساعه كم؟
هدى:كم؟
ساره:الساعه١٢ياحلوه.
هدى:وااااو أجل يلا باي لا يجي بكره تغيرين رايك يلا باي.
ساره:هههه باي ترى من العصر خلك جاهزه اوكي يلا باي
وجا اليوم الثاني صحت ساره الساعه١١الظهر ونزلت تحت شافت امها وابوها في الصاله سلمت عليهم وجلست.
ساره:يمه بروح اليوم ستار سيتي مواعده هدى اليوم العصر.
أم فهد:روحي الله يستر عليك بس خذي اخواتك معاك.
ساره:صدق يمه اروح الله يخليك لي.
وراحت باست رأس امها.
أبو فهد:وأنا مالي شي؟
ساره:وأنت بعد الله يخليك لي ولا يحرمني منك.
وباست رأس ابوها.
أبو فهد:الله يوفقك ويسعدك بحياتك.
وباست رأس امها وابوها وطلعت فوق راحت لغرفة البنات.
ساره: يلا يلا يابنات قوموا ولا ترى مافي روحه لستار سيتي.
رهام وسهام وامجاد نطوا من السرير على طول وساره تضحك عليهم.
ساره:يلا البسوا بعد العصر راح نروح.
وراحت ساره غرفتها فتحت دولاب الملابس اخذت لها بدي موف عليه كتابات رصاصي وبلوزه نص كم رصاصي واسترتش موف عليه ورود رصاصي ولبست اكسسوارات ناعمه نفس لون ملابسها وقبعه رصاصي نفس لون الملابس وجزم رصاصي وشنطه مخططه موف ورصاصي اما رهام لبست بلوزه نص كم اسود فيه كتابات حمرا واستريتش اسود عليها تنوره حمرا مخطط بأسود اما سهام لبست بنطلون جينز عادي مع بلوزه ورديه نص كم وامجاد لبست بنطلون وردي مع بلوزه بيضا نص كم فيها قلوب وردي قبل العصر وكلهم خالصين ودقت ساره على هدى.
ساره:هدهوده ها خلصتي نجي نمر عليك؟
هدى:أي خالصه من زمان بس انتظركم تجون.
ساره:يلا هذا حنا بالطريق جايينك.
هدى:أجل يلا باي.
ووصلوا عند بيت هدى واتصلت على هدى تقولها انهم عند الباب وطلعت هدى وركبت السياره وراحوا للملاهي ولعبوا واستهبلوا واستانسوا ومارجعوا الا الساعه ١١الليل.
وجا يوم الجمعه راحت ام فهد تصحي ساره.
أم فهد:ساره يلا حياتي الحين الساعه١الظهر ولسى ماصحيتي هذا بسبب الملاهي أمس يلا يابنتي قومي بيجون خوالك اليوم يلا قومي.
ساره:طيب يمه بقوم.
أم فهد يلا بروح اصحي خواتك.
دخلت أم فهد على غرفة البنات.
أم فهد:يلا يابنات قوموا بيجون خوالكم اليوم يلا قوموا.
سهام:طيب طيب بقوم الحين.
رهام:إذا قربوا يجون صحوني فيني نوم.
امجاد:طيب طيب بقوم الحين.
وطلعت أم فهد وراحت المطبخ تجهز.
قامت ساره غسلت وجهها وطلعت لها ملابس تنوره قصيره تحت الركب لونه برتقالي وبلوزه بيضا عليها خطوط مموجه برتقالي وطلعت من غرفتها.قامت سهام وامجاد غسلوا وجههم وطلعوا مرت ساره من غرفة البنات شافت ريهام نايمه.
ساره:رهام وجع حد الحين نايمه قومي ساعدينا حسي.
رهام:اوووه طيب طيب بقوم.
ساره:ماراح اروح حتى تقومون من السرير يلا قدامي.
رهام:اف طيب.
وقامت ونزلت مع ساره تحت وتوزعوا كل وحده تسوي شغله الين المغرب
خلصوا قبل المغرب بساعه وكل وحده لبست ملابسها وتجهزت راحت ساره رتبت غرفة فوق للبنات عشان يرقصون ويستهبلون جهزت الاستريو والاشرطه
وامجاد شحنت القيمبوي عشان تلعب مع البنات الصغار وسيهام شحنت اللابتوب عشان إذا جات بنت خالها سديم روح بالروح يجلسون عليه اما رهام طلعت ملابسها واكسسواراتها الجديده وكل شي جديد عشان بنت خالتها غاده اللي هي وياها ماشين على الموضه وحركات الموضه.
وخلصوا جهزوا كل شي الا وصلوا واستقبلوهم وجلسوا الحريم في الصاله وراحوا البنات في الغرفة اللي جهزتها ساره:هلا والله بالعروسه توقعت ملزقة عند خطيبك ماراح تجين.
رغد:هلا بك لا عاد شدعوه مااجي.
ريم:صراحه ماكانت بتجي بس حنا سحبناها حتى جات.
ساره:افا ليه أجل اطلعي روحي عند خطيبك.
رغد:والله كذابه اصلن ماكانوا بيجون أنا اللي جلست على قلبهم لو ماجوا كان جيت لحالي.
ساره:يافديتك أنا بس صراحه كان شكلك في الاستراحه يهبل مع العريس.
رغد:افا ياقليلات الأدب شفتوني.
ساره:ههههههه أي شفناك وشفنا الاحضان والبوسات.
رغد:افا ياقليلات الأدب.
البنات قاموا يضحكون.
وجلسوا سوالف وضحك واستهبال.
ونادت أم فهد ساره عشان يجهزون العشاء للرجال نزلت ساره تحت عند امها وجهزوا العشاء وطلعت ساره الحوش عشان تنادي اخوها فهد عشان يجون الرجال للعشاء الا خالد توه جاي ووقف يطالع فيها خافت ساره بس مسكت نفسها.
ساره:شفيك واقف ولا في شي؟
خالد ارتبك:لا لا مافي شي.
ساره:طيب ناد لي فهد.
وراحت ركض للمطبخ حاطه يدها على قلبها مستغربه وشلون جاتها الجرءه
البارت الثالث
ودخل خالد المجلس ويقول في نفسه ذي البنت اخذت عقلي بحاول ماافكر فيها وجلس من دون مايسلم على الرجال استغربوا منه وهم يناظرون فيه جاه فهد سلم عليه.
فهد:هاي يابو الشباب فيه شي؟
خالد:لا لا مافي شي.
فهد:طيب شفيك ماسلمت على الرجال؟
خالد:ها اسف وأنا جاي شفت حادث ولحد الحين ببالي.
فهد:اها طيب سلم على الرجال.
خالد:طيب بس اختك تبغاك.
فهد:وش دراك انها نادتني.
خالد:وأنا جاي سمعتها.
فهد:اها طيب يلا عن اذنك.وطلع دخل المطبخ شاف ساره.
فهد:ها ايش بغيتي؟
ساره:وجع صار لي ساعه اناديك العشاء جاهز للرجال يلا.
فهد:طيب طيب لاتاكليني بروح اقولهم الحين.وطلع وطلعت ساره فوق ونادت ضي وراحت لغرفتها وقالت لها السالفه وضحكت ضي.
ضي:تصدقين احس انه حبك.
ساره:لا ان شاءالله مستحيل أنا أحب استاذة هديل والاء بس.
ضي:هههههه اللي يستر من اللي بيجي.
ساره:أي والله الله يستر أجل يله خلينا نروح نجهز العشاء.
ضي:يلا.
وراحوا جهزوا العشاء وتعشوا وبعد العشاء راحوا البنات يرقصون ويستهبلون ودق جوال ريم شافت الرقم رقم صديقتها ونزلت الحوش وردت.
ريم:هلا والله وغلا.
منى:هلا فيك اخبارك.
ريم:والله الحمدلله تمام أنتي اخبارك؟
منى:صراحه طفش مره.
ريم:ليه؟
منى:والله اربعاء وخميس وجمعه جالسين في البيت وانتي.
ريم:والله أنا الحين بيت خالتي ومره فالينها.
ريم وهي تكلم طلع احمد من المجلس بيروح المطبخ وشاف ريم ووقف يطالع فيها كانت لابسه تنوره بيضا قصيره تحت الركب هاديه مره وبلوزه بيضا عليها كتابات وردي ومستشوره شعرها ورافعه نصه وكان شكلها خيال وقف احمد فاتح فمه الا انتبهت ريم لاحمد.
ريم:منى يلا باي اكلمك بعدين.
وراحت ركض عند البنات وهي تركض تحاول تهدي نفسها.
واحمد انتبه لنفسه ورجع عند الرجال ونسى ايش كان يبغى.
وجلسوا الين الساعه١٠بالليل وكل واحد راح بيته واتصلت ساره على هدى.
هدى:هلا والله عاش من سمع هالصوت.
ساره:عاشت ايامك ها اخبارك؟
هدى:الحمدلله هابتجين بكره؟
ساره:اكيد عندي لك سوالف كثيره.
هدى:يلا أجل ماأطول عليك أمي تناديني.
ساره:أجل يلا باي وتعالي بكره بدري
جا يوم السبت صحت ساره بدري وتجهزت لبست مريولها وجعدت شعرها واستشورت قصتها ونزلت تحت الكل على طاولة الفطور ماعدا رهام.
ساره:صباح الخير.
الكل صباح النور.
باست رأس امها وابوها وجلست مكانها.
ساره:وين رهام ماهي رايحه المدرسه اليوم تراني ابغى اروح بدري المدرسه.
أم فهد:تلقينها نايمه فوق نادي الشغاله تصحيها.
ساره:نانا نانا.
طبعا عندهم شغالتين عشان بيتهم كبير نانا ورحمه.
نانا:نعم مدام.
ساره:روحي صحي رهام.
نانا:طيب مدام.
وجلسوا يفطرون وخلصوا فطور الا رهام توها نازله.
الكل:صباح الخير.
رهام وهي فيها نوم:صباح النور.
ساره:كان نمتي أحسن وجع يوم ابغى اروح المدرسه بدري نمتي.
الكل يضحك.
رهام:اقول احمدي ربك اني صحيت ولا كان ماجا الساعه٧وتوني اصحى نانا وين فطوري
ساره:أقول مافي فطور كلي في السياره يلا يلا بروح بدري.
وقامت باست رأس امها وابوها.
ساره:يلا مع السلامه وأدعو لي.
أم فهد:الله يحفظك ان شاءالله.
أبو فهد:الله يوفقكم يارب.
وركبت ساره ورهام وسهام وامجاد السياره.
ساره:روح مدرسه ثانوي أول.
السواق:طيب مدام.
وصلت ساره المدرسه بدري مره ودخلت وراحت عند صديقاتها أول ماشافوها صرخوا وراحوا ركض لها اللي تسلم عليها واللي تحضنها وجلست سوالف مع البنات الا شافت الاء جالسه مع صديقتها سهى محزنه وراحت لها والاء جالسه رفعت راسها الا شافت ساره جايه لها قامت الاء وصديقتها وجات ساره مع هدى وحضنت ساره الاء والاء فرحانه عشان شافت ساره
ساره:اخبارك وأخبار يوم الاربعاء معاك بدوني؟
الاء:الحمدلله بخير بس ليه تغيبين وتخليني لحالي توقعتك تجين انصدمت لماعرفت انك غايبه صراحه كان يومي كئيب.
ساره:اسفه حياتي بس دقيت عليك جوال مقفل.
الاء:ايوه طاح علي يوم الثلثاء وخرب بس تكفين لاعاد تغيبين مره ثانيه وماتقولين لي.
ساره:اسفه والله كان عندنا ملكة يوم الثلثاء وما قدرت اجي بس وعد مني مره ثانيه اقولك قبل لااغيب.
وحضنت الاء وقالت لها بمشي معاك في الفسحه وراحت.
الاء بصف اولى ثانوي من يوم هي اولى متوسط وهي تحب ساره.
طبعا الاء لما راحت ساره على طول جلست وصار وجهها احمر وأخذت ورقه تهوي نفسها وصديقتها تضحك عليها وساره فرحانه مره عشانها شافت الاء ودق الجرس وكل بنت راحت على فصلها بدون طوابير ودخلوا ساره مع هدى فصلهم وماجاهم أحد.
ساره:والله ياهدى لو تدرين ايش صار يوم الجمعه.
هدى:ايش صار؟
وعملتها ساره اللي صار مع خالد.
هدى:اعوذ بالله شكله كل مره بيصير فيه جمعه مع خوالك راح يصير شي.
ساره:لا الله لايقولها ان شاءالله هذا آخر موقف يصير طيب ايش رايك نطلع ابغى اشوف استاذة هديل.
هدى:طيب يلا.
وراحوا عند الباب ماشافوا أحد وراحوا عند غرفة المعلمات ماشافوا استاذة هديل وراحوا للقاعه الا استاذة هديل جايه من القسم الثاني وهي تمشي شافت ساره وساره راحت لها وضموا بعض وسلمت على هدى.
البارت الرابع
استاذة هديل:هلا والله تو مانورت المدرسه.
ساره حمر وجهها:بوجودك اخبارك؟
استاذة هديل:والله الحمدلله بخير وانتي اخبارك؟
ساره:والله تمام بس سمعت انك غبتي يوم الاربعاء؟
استاذة هديل:والله كان عندي ظروف وغبت بس حتى أنتي غبتي.
ساره:ايوه بس شلون عرفتي؟
استاذة هديل:هههههه اكيد بعرف حبيبتي ولا ادري عنها شي.
ساره حمر وجهها أكثر.
استاذة هديل:مشكوره حياتي على جيتك وأهم شي اني شفتك بصراحه كنت بجي عندك للفصل بس جيتي يلا قلبي ماأطول معاك اخاف يكون عندكم معلمه وتعصب عليكم يلا بوصلكم كاني أنا اللي ناديتكم.
ساره:لا خلاص عادي نصرفها مافي مشكله.
استاذة هديل:إذا كنتي تحبيني خليني اوصلكم.
ومسكت يد ساره وراحوا للفصل وفتحت الباب الا صدق عندهم معلمه انجليزي.
استاذة هديل:السلام عليكم اسفه استاذة سحر بس كنت ابغاهم بشغله واخذتهم.
استاذة سحر:مافي مشكله ادخلوا.
ودخلوا وجلسوا مكانهم وساره مساكه يدها اللي مسكتها استاذة هديل بقوه طبعا ساره واستاذة هديل يموتون في بعض من ٣سنوات طبعا استاذة هديل لسه بنت ماتزوجت وخلصت حصة الأنجليزي وجات بعدها دين وبعدها نحو ودق جرس الفسحه وطلعت ساره مع هدى بدري ووقفوا عند الباب ينتظرون الاء عشان ساره بتمشي معها الا جات الاء وراحت هدى عند بنات فصلها وساره والاء يمشون.
الاء:ساره بسألك سؤال من زمان ابغى اسالك اياه اتمنى تجاوبيني عليه.
ساره:اسألي.
الاء:ساره قوليلي بصراحه لو أحد طلب منك تتركيني بتتركيني؟
ساره:ليش هذا السؤال مستحيل اتخلى عنك ومستحيل اتركك.
الاء:طيب لو استاذة هديل خيرتك بيني وبينها مين تختارين؟
ساره:الاء طيب ليه هاذي الاسئله شاكه فيني يعني ولا ايش؟
الاء:لا بس.
ساره:أنا احبك من ثاني متوسط مستحيل أتخيل اليوم اللي اخليك فيه.
الاء وهي تبكي:بس احس انك تحبين استاذة هديل أكثر مني وجاني كلام يوم الاربعاء.
ساره:يعني تشكين فيني وبحبي لك الاء المفروض انك أكثر شخص يعرف ساره وان ساره مستحيل تتركك.
الاء:يعني اللي سمعته خطأ.
وضمت ساره الاء.
ساره:وكذب بعد لو خسرتك مين بيبقى لي؟
وارتاحت الاء وسكتت من البكاء ودق الجرس وباست ساره الاء.
ساره:ها ارتحتي الحين.
الاء:ايوه.
ساره:يلا حياتي إذا جا الطلعه راح اطلع معاك اوكي.
الاء:اوكي يلا باي.
ساره:يلا باي حياتي
ومر اليوم سريع على البنات وجات الطلعه وطلعوا البنات وطلعت ساره مع الاء وجات سياره الاء وضموا بعض وركبت الاء السياره وراحت ساره عند هدى.
ساره:هدى ايش فيك جالسه هنا وين سيارتكم؟
هدى:مدري والله غريبه تأخروا.
ساره:طيب هاذي سيارتنا جات تعالي اوصلك البيت.
هدى:طيب بس خلينا ندخل المدرسه ونتأكد إذا في سياره تأخذني ولا لا.
ودخلوا المدرسه وقابلوا المرشده الطلابيه وقالت لها هدى ان مافي سياره وأعطتها جوالها واتصلت على امها.
هدى:الو السلام عليكم أمي مافي سياره بتاخذني؟
أم راكان:لا ياحياتي شوفي لك أحد تجين معاه.
هدى:طيب راح اجي مع ساره.
أم راكان:طيب الله يحفظك وسلميلي عليها.
هدى:طيب مع السلامه مشكوره استاذه.
المرشده: العفو بس الحين ايش بتسوين؟
هدى:بروح مع ساره مع السلامه.
وراحت مع ساره وركبوا السياره ووصلت هدى لبيتها وراحت لبيتهم دخلت البيت مع اخواتها شافت امها بالصاله وسلمت عليها وباست رأسها.
ساره:يمه ماراح اتغدى فيني نوم إذا صحيت بتغدى بس لاتخلصونه.
أم فهد:الله يحفظك يابنتي.
وراحت ساره لغرفتها وبدلت ملابسها وعلى طول نامت وصارت تحلم أحلام حلوه وصحت من النوم المغرب وقامت توضت وصلت ونزلت تحت شافت امها جات باست رأسها وجلست جنب امها.
ساره:يمه بروح السوق مع هدى بعد العشاء.
أم فهد:روحي الله يستر عليك بس ايش عندك رايحه؟
ساره:ابغى اشتري هديه لوحده.
أم فهد:طيب روحي بس كلي شي قبل ماتروحين.
ساره:بآكله وقت ثاني الحين بطلع بمر على هدى وضي واشتري اللي ناقصني.
أم فهد:طيب وسلميلي على ضي.
ساره:انشاءالله يمه.
وراحت غرفتها اخذت جوالها واتصلت على هدى.
هدى:هلا والله غريبه متصله.
ساره:ههههه ياحبي لك بمر عليك الحين ونروح السوق ونتعشى برا.
هدى:واو وناسه بس أمي ماراح توافق.
ساره:ماعليك أنتي قولي لها إذا رفضت اتصلي علي وأنا بقولها.
هدى:طيب يلا بروح اقولها باي.
ساره:باي.
واتصلت على ضي.
ساره:مساء الخير.
ضي:مساء النور عاش من سمع هالصوت غريبه متصله.
ساره:عاشت ايامك ههههه والله قلت بطلع السوق وبمر عليك وعلى هدى نتعشى برا وتتعرفين عليها.
ضي:ياحياتي طيب اتجهز الحين يلا باي.
ساره:باي.
شوي اتصلت هدى على ساره:
ساره:هلا ها وافقت امك؟
هدى:لا.
ساره:طيب هي قريبه منك خليني اكلمها.
هدى:هههههه امزح عليك وافقت.
ساره:وجع والله انقهرت بس زين انها وافقت وترى ضي راح تجي.
هدى:والله.
ساره:والله بس يلا تجهزي دقايق وأنا عندك يلا باي.
هدى:باي.
ولبست ساره عبايتها وأخذت الشنطه وجوالها وطلعت الحوش اتصلت على السواق عشان يجي ثواني وجا وركبت السياره.
ساره:روح بيت أبو راكان.
السواق:اوكي مدام.
ووصلت بيت هدى واتصلت عليها.
ساره:يلا هدهوده أنا عند الباب.
هدى:طيب ثواني وأنا جايه.
شوي طلعت هدى وركبت السياره.
هدى:السلام عليكم.
ساره:وعليكم السلام.
هدى:ايش عندك بتروحين السوق؟
ساره:إذا جات ضي راح تعرفين روح بيت خالي أبو عبدالله.
السواق:طيب مدام.
هدى:هههههه ياحليله هالسواق طيب مدام اوكي مدام هههههه.
ساره:أقول اسكتي خليني اتصل على ضي الو ضي يلا دقايق وحنا عند الباب يلا باي.
هدى:مااصدق اني راح اشوف ضي.
ساره:والله راح تستانسين معاها.
شوي وهم واصلين عند ضي الا هي طالعه وركبت السياره.
ضي:السلام عليكم.
ساره وهدى:وعليكم السلام.
ساره:هلا والله وغلا اخبارك؟ترى أمي تسلم عليك.
ضي:هلا فيك الله يسلمك ويسلمها اخبارك هدى.
هدى:والله الحمدلله تمام.
ضي:ايش عندك ساره تبغين تطلعين السوق ونتعشى برا.
ساره:أول شي بكره يوم ميلاد استاذه هديل وابغى اشتري لها هديه والعشاء كذا جات ببالي وعشان تتعرفون على بعض ونصير احلى ثلاث بنات.
الكل ضحك.....
البارت الخامس
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك