رواية شقاوة بنات -10
اسماء:وش ذا الزحمه..؟؟؟
حنان:يعني بنام كذا
؟؟!!
ساره:لا تكفون
منى ناظرت بسرير نهى وقالت وش رايكم
سحبو البنات سرير نهى وخلو سريرها بجنب بعض وكفاهم المكان وتمددو البنات واخذو راحتهم وهم بجنب بعض
دخلت نهى:آآآآآه سريري وينو؟؟!!
البنات:هههههه راح
نهى:وانا وين انام؟
منى:وش رايك تقولين لنا قصه؟ههههه
نهى:هذا الي كان ناقص والله
ساره:تعالي بجنبنا في مكان يوسعك
نهى:لا اخذو راحتكم انا بروح انام بغرفه مها
اسماء:لا تعاالي
نهى:لا اصلا انا احب انام فيها اغلب الاوقات انام بهذيك الغرفه
نامو البنات مع بعض وما صحيو الا العصر
اول وحده صحيت اسماء
اكيد ماخذه راحتها وبقوه وحسبت نفسها ببيتها واول ما فتحت البابحصلت مشعل بوجهها
دخلت الغرفه وسكرت الباب بوجهه ههههوهي بالبيجاما وحالتها حاله
البنات:هههههههههههه
اسماء:وش صحاكم؟؟كنتو نايمين
منى:هههه هذا مشعل ؟؟صح
اسماء:ايه سكرت بوجهه اخاف يزعل
حنان:وليه يزعل شافك وانتي كذا هههه
اسماء:وليه وش فيني؟!
ساره:شوفي شعرك كيف
ناظرت بالمريا :لاااااااا انا ليه طلعت من الغرفه غبيه
منى:انا بشوف مشعل بحبسه بغرفته علشان تاخذون راحتكم بالبيت
عبير:لا اصلا بنروح البيت
منى:مافي ماتروحون قبل ماتفطرون
راحوالبنات المطبخ وسوولهم فطور وطلعو بالحوش يفطرون
بعدماخلصو بيروحون
منى:البيجايم لاتنزلونها خلوها ذكرى مني علشان تتذكروني وانا بالشرقيه
اسماء:ومن قالك انا بنزلها؟؟
عبير:راح تكونين دايم ببالنا
ساره:مستحيل ننساك بيوم
حنان:لاتقولي كذا
راحو البنات كان اجمل يوم لهم
بعد مرور اسبوعين كانت احلى الايام للبنات عاشوها بكل مافيها
وتناسوبهذي الايام ان منى بتفترق منهم ونسيو ان هذي الايام هي ايام الوداع بنقص من حياتهم انسانه وهي بينقصها اشياء كثير بتفقد اعز الناس
صديقاتها وحبها وبيتها وحياتها وذكرياتها الي تعودت عليها
بتروح من هذا كلـــــــــــه
لا يالوداع لا يالوداع لا لاتجينا باندفاع
اصعب مواقف هالزمان يوم ان تجي نفس المكان
يوم ان توادع من تحب عينك تناديني بالحنان
تبدأ تفكر في الحياة وأحلى ليالي الذكريات
كيف ابتداء لحظة غلا كيف انتهت بايد الممات
لا يالوداع لا يالوداع لا لاتجينا باندفاع
عاشر وخلك باشتياق وابدأ غلاتك باحتراق
لكن يجي يوم تكون مدفوع بايدين الفراق
حكم القدر حق يصير وهو البداية والأخير
عاشر وخو دنيا وشوف كيف النهاية والمصير
لا يالوداع لا يالوداع لا لا تجينا باندفاع
اليــــــوم بترووووح منى من الرياض بعد ماودعت صحباتها بدموع الوداع بدموع الالم
بدموع الفراق وهي طالعه من البيت جات عيونها بعيون سعود وكلها حزن كانت تبغى تروح تقوله اي شي
تبغى تقول كلمه اخيره بس ماقدرت ركبت السياره ودموعها على خدها وبقلبها كل ذكرياتها الحلوه والمره
ابومنى:نسيتو شي ولاخلاص نمشي..؟؟
ام منى:لا مانسيناشي
منى تصرخ بقلبها :ايه انا نسيت اخذ قلبي وروحي خليتها امانه عند اغلى الناس
الكل متضايق بالسياره مايبغون يروحون بس مو كل شي تبغينه بيتحقق
"تجري الرياح بمالا تشتهي السفن"
بعدمرور ساعتين من الطريق
في السياره"
نهى وامها نايمين ومنى جالسه بعالمها مو حاسه بالي حولها تفكر بالي ودعتهم وتركت معهم اجمل الذكريات والاحلام
ومشعل وابوه يسولفون
بعد ثوااااااني
طراااااااااااااااااااااااااااااااخ
لااااااااااااااااااااا
حاااااااااااااادث قوي
صدموو بسياره ثانيه
كان المنظر لايوصف الدم بكل مكان واجسامهم انشلت عن الحركه مو قادرين يتحركون
منى بحضن امها
وامها فاقده الوعي
منى مو قادره تتكلم بهمس:امي امي امي لاتروحين وتتركيني امي ردي علي
نهى بهمس:آآآآه آآآآه وينكم مو شايفه احد آآآه
منى:امي خذيني معاك وفقدت الوعي
بعد ساعه ونص وصل الاسعاف <<<بدري والله يابرودهم
وحملهم بالاسعاف ونقلوهم المستشفى
بعد ساعتين وصل الخبر لفهد وبندر وسعود اول ماسمعو خبرو الاهل
حنان:لااااا كيف متى صار؟؟!!وكيف حالتهم؟؟!!
سعود بحزن:ماادري انا والشباب بنروح نشوفهم
حنان:بروح معاك
فهد:وين تروحين معاي
اسماء:ابغى اروح معك اتطمن عليهم
فهد:احنا بنطمنكم
راحو فهد وبندر وسعود وقابلو الدكتور
سعود:طمنا يادكتور كيف حالتهم؟؟!
الدكتور خالد:والله مو عارف وش اقول
فهد:حالتهم خطيره؟؟!!!
الدكتور خالد:البقيه بعمركم فيه حالتين وفاه
صدمـــــــــــــــــــــــــه
بندر:لاتقولها
سعود بصدمه:مين؟؟!!
الدكتور خالد:بنت تقريبا عمرها 17او18سنه وابوها كانت حالتهم خطيره والاسعاف
تأخر عليهم وسوينا الي نقدر عليه بس
الشباب متنحين مصدوووووووووووومين ماعرفو وش يسوون
فهد:طيب يادكتور والبقيه؟؟
الدكتور خالد:الا الان حالتهم مستقره
وصل الخبر للبنات الي كانو متجمعين عند ساره
البنات يبكون مو مصدقين الي سمعوه
اسماء بدموع حااارقه:بعدتها المسافه عنا والحين بعدها الموووووت آآآآه
عبير بدموع الالم:يعني خلاص ماراح نشوف منى مره ثانيه ؟؟!!
ساره بدموع ومرتجفه:مستحيل اصدق انها راحت خلااااص
حنان بدموع وشهقاتها تعلى:خذاها الموت منا ليه؟؟؟؟
ياموت تكفى رجع اللي اخذته .. الصاحب اللي ضحكته تبري الروح
شف حالتي ياموت جسمي نحلته .. خله معي ياموت لو يوم ويروح
وين الصبر ياناس قلبي فقدته .. وش لي بدنيا مابها ضحك ومزوح
وين الصبر ياناس قلبي فقدته .. راح الخوي راح الاخو راحت الروح
يبوني انسى شخص مبطي سكنته ..وهو سكني وصرنا اثنين في روح
مرحوم ياشخص عزيز فقدته .. راح وتركني حاير بالحيل مجروح
وصيتي لين مت وقبري دخلته .. حطوني بجنبه وانا فاقد الروووح
يهل دمعي لين مني ذكرته .. طيفه معي من وين ماجيت واروح
لاتذرفون الدمع دامي وصلته .. خلوني بجنبه أبكي جرح مفتوح
سعود بموقف لايحسد عليه
مو مصدق الي سمعه يردد بباله هي للحين ما راحت هي للحين ما راحت هي للحين ما راحت هي للحين ما راحت
فتح درج السياره واخذ صورتها الي بالظرف:كيف صار كذا
وعدتيني مانفترق ابد!! راح كل شي
شغل السياره ومشى باعلى سرعته وتسبقها دموعه الحاره
هذاك حلمي,,!
هذاك اللي رحل عني ,,
بكى جنبي يبي قربي,,
لكن القدر أقرب
سلب مني أغلى ماعندي,!
أببقى واللي خلق هالكون
أرسمك حلم وأحلم بك جنون,!؟
قالو رحل,,!
كيف يرحل وله بقلبي مواني
كيف يرضى بعد عينه أعاني
كل من حولي يذكرني وجوده
حروفي
القصايد
حتى الأغاني,,!؟
كيف بعد روحه أكون لشخص ثاني,,!؟؟
يجبروني على النسيان ,, وأنا أكابر وأقول
إني بقايا إنسان,,باقي يصون الحزن والحرمان,!
لاتحرموني من ردودكم وانتقادتكم وتوقعاتكم::
((وش بيصير بحيااااااات البنات بدون منى ؟؟؟وش بيصير بحيات سعود من دون منى؟؟؟ هل بيتعودون على فراقها؟؟؟ كيف بيكون الخبر على مشعل ونهى وامهم ؟؟؟هل بتحملون فقد غالين ثنين بوقت واحد؟؟؟))
تحيـــاتي::
وجــودك بلســـمِِِِ
البارت الاخيــــــــــــر
الجزء الثالث عشر
حنان ببكى:تذكرون يابنات لما كانت هنا جالسه تبغى عبير تغني لها عساني افقد الدنيا وعبير مو راضيه هي فرحانه
قابلت سعود قبل ماندخل لساره
عبير جلست مكانها وغنت ببكى:عساني افقد الدنيا ولا تقطعني اخبارك عساني اندفن واموت ولا اشوفك تخليني حسافه يندفن حلمي واصير بعبرتي مفجوع حرااام ايأس من الدنيا ولي في دنيتي مثلك
وزاد بكى البنات
ساره تبكي:تذكرون لما بنسوي بيتزاء وتهاوشنا انا ومنى تبغى تحط عليها زيتون واناما ابي وبالنهايه انا وهي ما أكلنا منها ليتها ترجع واحط عليها الي تبغى آآآآه ليت الي راح يرجع
اسماء:كانت على طول ماسكه الجوال وتنظر بصوره سعود وانا اروح اطفشها واخذ الجوال منها وامسح الصور علشان تترك الجوال
بالمستشفى"""
اول ماصحيت ام منى سمعت بالخبر وكانت تعبانه حيل
ام منى تبكي بحرقه:ابغى اشوف بنتي
الدكتور:حالتك صعبه ماتسمح انك تقومي
ام منى:بنتي راحت مني وما تبغاني اشوفها؟؟؟!!
وتصرخ:ودوني لبنتي وزوجي آآآآه آآآآآه
الدكتور ماعنده حل الا انه يلبي طلبها وراحت تشوف منى مشيت بخطوات متثاقله لها
مغطين وجهها
جلست ام منى على الكرسي مو قادره تتحمل
حطت يدها على وجهه منى تبغى تفتحه بس شي مانعها بس اجتمعت قوتها وفتحت عن وجهها
ام منى مو مستوعبه انصدمت الي شافته آآآآآه
ماتدري وش تقول طلعت للدكتور مصدومه
الدكتور:شفتي بنتك؟؟
ام منى:بنتي وينها؟؟هذي مو بنتي!!
الدكتور:كيف مو بنتك هذي البنت الي توفت بالحادث وابو كمان
ام منى تصرررررخ:هذي مو بنتي
الدكتور:مو معقوله
البنت وابوها هما من السياره الثانيه الي صدمو بهم
ام منى:يعني بنتي ما ماتت؟؟يعني بنتي عايشه وينها ابي اشوفها
الدكور:اسفين لانا غلطنا بس كانت السيارتين داخله فبعض وفكرناهم بنتك وابوها
راحت ام منى الجناح الثاني وشافت منى كانت فاقده الوعي
مو حاسه بالي حوالها بس حالتها مستقره مافي خطر على حياتها
فهد:بندر سعود وين راح؟؟
بندر:ما ادري راح بالسياه وتركنا هنا
فهد:معقوله يغلطون بشي مثل كذا كيف يقولولنا ماتو وهما ناس ثانين ليه مشاعر الناس لعبه عندهم
بندر:كانت السيارتين داخلين فبعض لازم اقول لهم
فهد:وانا بتصل على سعود
بندر خبر امه
فهد اتصل على سعود وحصله مقفل
اسماء:تكفون خلااااااص لاتكذبون علينا منى راااااحت
حنان:تبغون تخففون علينا؟!!
ام عبير:ليه يابنتي نكذب عليكم هما غلطو فكروها منى وهي لا
ساره بأمل:نبغى نروح لها
عبير:ايه اذا كلامكم صح نبغى نروح نشوفها
ام عبير:اذا وصل اخوك يودينا لهم
عبير:نبغى اللحين نروح
بندر:اللحين كيف نروح لهم وسعود ماخذ السياره واحنا جينا بسياره وحده
فهد:اصلا ماله داعي الحين يجون
بندر:خايفين عليهم وماراح تخلص منهم بيجون معك ولا مع غيرك
طلع الدكتور
فهد:كيف حالة مشعل؟؟؟
الدكتور:الحمدلله بخير وتقدرون تشوفونه
دخلو بندر وفهد لمشعل فيه خدوش وكسور
فهد:سلامتك ماتشوف شر
مشعل:الله يسلمك
بندر:خوفتنا عليك "وضربه على كتفه بخفيف
مشعل:آآآه
بندر:آآآآ نسيت انك رايح فيها
مشعل:امي وابوي واخواتي كيفهم عساهم بخير؟؟
بندر:لاتخاف كلهم بخير وقبل مانشوفك رحنا لعمي وشفناه
بعد ساعه وصلو البنات"
دخل خالد ووليد والشباب لمشعل
مشعل:سعود وينه؟؟!
بندر:اختفى اول ماسمع "وسكت"
مشعل:وش فيه؟؟؟
فهد:وصلنا المستشفى وراح
وليد:ايه وانا اتصل عليه مايرد جواله ..ما ادري وش فيه؟
منى فتحت عيونها حصلت البنات حوالينها
البنات:حمدلله على سلامتك
منى:الله يسلمكم اهلي كيف؟؟
نوف:كلهم بخير
عبير ودمعتها على خدها:فكرنا انا خسرنا وماراح نقدر نشوفك مره ثانيه
نزلت دمعه منى
اسماء:آآآآه الحمدلله كأن الي سمعته اليوم كابوس وصحيت منه
ساره:الله لايفرق بينا يارب
البنات:امين
دخلت ام حنان:يالله بنروح الوقت تأخر
ابنات:مانبغى نروح
ام حنان:لا مايصير كلكم تجلسون خلوها ترتاح
حنان:امي تكفين لاتتعبين نفسك ماراح نتحرك من عندها
راحو وبقيو البنات عند منى
منى:حنان
حنان:هلا
منى:وين سعود؟؟
حنان:ما ادري راح اتصل عليه
اووووف مايرد
ساره :ارسليله رساله
رسلت له حنان"اتصل ضروري"
ساره:اول ماتطلعين يامنى راح اسويلك وبنفسي بيتزاء وعليها زيتون
منى: اكيد عليها زيتون؟؟
ساره:وكل الي تبغين
عبير:منو وش تبغين اغني لك؟
منى:الي تبغين
وغنت لها عبير
رن جوال حنان
حنان:هذا سعود خذي
سعود:وش تبغين :سكت"منى خلاااااااص راحت راحت
منى:ليه تقول كذا؟؟!!
سعود:انا مو قادر اتكلم وش تبغين؟
منى:ابغى اتطمن عليك
"سعود مالاحظ الصوت لانه ابد ماتوقع
سعود انت وين؟
سعود انصدم فكر انه يتخيل:حنان
منى:سعود انا منى
سعود انصــــــــــــــدم
كيف؟ وسكر السماعه من الصدمه
منى بكيت
حنان:وش فيك؟
منى :خايفه
عبير:من ايه خايفه؟
منى:ما ادري
سعود وصل المستشفى بس ما قدر يدخل لان وقت الزياره انتهى
فدخل بالقوه
عبير:اسماء وينها؟
حنان:ما ادري
ساره:اكيد عند حبيب القلب
اتصل سعود على حنان كلمها وراحت له
سعود:الي كلمتها قبل شوي منى صح؟؟
حنان:ايه هذي منى بس كيف دخلت هنا؟؟
سعود:مو مهم كيف دخلت الحين انا مو مصدق ابغى اشوفها
حنان :البنات عندها
سعود:ابغى اشوفها وارتاح
حنان:اوكي
دخل سعود على منى
سعود:حمدللهعلى سلامتك
منى:الله يسلمك
مسك يدها :مو قادر اصدق رجعتي بعدما كل شي انتهى قدامي الدنيا كانت مظلمه بعيني حسيت نفسي مالي مكان بالدنيا
منى دموعها تنزل مع كل كلمه قالها
كل شي صار قدامي ماله معنى ضاقت الدنيا فيني ماعرفت وين اروح وش اسوي ولمين اشكي؟
منى:سعود
سعود:عيونه
منى:لاتتركني
سعود وهو يمسح دموعها:مستحيل شي يفرقنا مستحيل اسمح لاي احد ياخذك مني مهما يكون
":وحط يدها على قلبه":انتي هنا ومستحيل احد يغير مكانك طول ماهذا ينبض مستحيل احد ياخذك مني
البنات بغرفه نهى
عبير:اسماء وين كنتي؟؟
اسماء:رحت اشوف مشعل قلت يمكن يبغى شي
بعد اسبوع طلعو من المستشفى ورجعو الرياض وسوو عزيمه"
الكل كان فيه عمان منى واهلهم بعد فيه
ساره وعبير راحو بيت ساره يجيبون اغراض ولما رجعو
حصلو قدامهم ماجد ووليد البنات وقفو وهذولا قدامهم
وليد:عبير ممكن نتكلم شوي
راحت":هلا وش فيه؟؟
وليد:عبير انا احبك <<كذا على طول مافي مقدمات
عبير انصدمت لانه قالها كذا
وليد:عبير انا من اول مره شفتك فيها حبيتك
قاطعته عبير:بس انا "سكتت"
وليد:بس ايه؟
عبير:وانا بعد
عبير لما شافت الحب بعيونه من فتره وهي ملاحضه هذا الشي كانت ابد ماتبغى احد يدخل قلبها
بس قلبها حبه من دون ماتدري حبته وهي ماحست على نفسها
وليد:وانتي بعد ايه؟؟<<<نذاله
عبير استحت:احبك
ساره:هذي امانه كانت عندي "ومدت له ميداليه الي اخذتها وهو مو عارف"
ماجد ابتسم:هذي ههههه كيف اخذتيها؟
ساره:صدفه حصلتها
ماجد:وانا بعد بعطيك امانه
ساره استغربت:وش هي؟؟!!
ماجد:بعطيك قلبي امانه بين يديك
راح تحتفضين هالامانه ولا بترمينها؟
ساره:قلبك بالحفظ والصون
بحتفظ فيه طول عمري
جات نوف:بنات وينكم؟؟
راحت لها ساره:وش فيك؟
نوف:والله كل وحده بموعد غرامي وانا بقيت لوحدي
عبير:وانتي ياحلوه؟؟!!
اسماء:وش فيه لايكون تحب؟
حنان:نوف تحب مستحيل
منى:ونااااسه بالعاده انتي تترقي علينا واللحين احنا بنتريق عليك
بس منو هالحو الي قدر عليك؟
نوف:وش فيكم؟
عبير:اقول ؟اقول؟
نوف:خلااااص عبوره
البنات:ميـــــــــــــن..؟؟
عبير:ههههههه بندر اخوي
ساره:والله ماتدري عن سواليفه
نوف:لاتقولين كذا هو كان بس اللحين تغير
منى:وش عرفك؟؟
نوف:هو قالي
البنات:هاااااااااااااه قالك
اسماء:متى قابلتيه ؟؟واحنا ماندري؟
نوف:حراااام عليكم الحين جيت من عنده
حنان:والله جيتي من عنده وتهاوشين علينا يابنت اللذين
بعد 4 سنوات
سعود ومنى تزوجو وعندهم بنوته اسمها غرام
منى:ماما غرام وينك؟
غرام:هنا انا ماما تعالي ثوفي بابا ثيثوي
منى:وين؟؟ آآآآآه
سعود:كل عام وانتي عمري وحياتي اليوم مر على زواجن 4سنين
منى:كل عام وانت حبيبي
غرام:ههههههه حلااااث
سعود مسوي مفاجأه لمنى محضر غرفه كلها شموع وفي كيك مكتوب عليها سعود ومنى وبينهم غرام
عبير ووليد تزوجووعندهم ولد عمره سنتين اسمه اسامه
وليد:عبوره وينك يلا تأخرنا
عبير:خلاص جايه بس بلبس اسومي
وليد:والله لو اليوم نعطيه اجازه ويجلس بالبيت مو احسن
عبير:لاوالله
وليد:ازعجنا كل بعد شوي اسومه اسومه
عبير:تغار من ولدك ؟؟ههههههه
وليد:ما باقي غير هذا اغار منه
عبير:اكيد تمزح
وليد:وش اسوي احبك احبك واغار عليك من كل الي حولك
حنا وفهد تزوجو وعندهم ولد اسمه عبدالعزيز عمره سنتين
حنان:فهد خلاص قوم
فهد:شوي ابي انام
حنان:ماتشبع نوم؟؟!!
فهد:وهو في شي احلى من النوم؟
حنان:يعني مافي شي احلى من النوم؟
فهد:اكيد فيه انتي احلى شي
حنان:طيب يلا قوم
فهد:من عيوني وقام
اسماء ومشعل تزوجو وعندهم بنت اسمها جود عمرها3سنين
اسماء:مشعل
مشعل:عيونه
اسماء:حياتي بقولك على شي
مشعل:وش فيه
اسماء:فيه"متردده"
مشعل:وش فيه خوفتيني؟!
اسماء:فيه بيبي جديد
مشعل يضحك:حااامل جود بيجيك قربيا اخ
ساره وماجد تزوجو وعندهم بنت اسمها غلا عمرها 3سنين
ساره:ماجد حبي ماتمل من الكوره كل يوم كل يوم
ماجد:ياعيوني انا احب الكوره لانها سبب سعادتي
ساره:وكيف سبب سعادتك؟!
ماجد:هي الي عرفتني عليك اول يوم اشوفك فيه كنتي ماسكه كورتي علشان كذا حبيتها اكثر
نوف وبندر تزوجو وجابو ولد اسمه وسام
عمره سنتين
تهاوشو على الاسم كل واح يبغى يسميه بالنهايه سموه وسام
ومايتوبون كل مره مسوين مقلب في بعض
سكنو كلهم بنفس الحاره والبنات كل يوم خميس يتجمعون ماتغير فيهم شي وناستهم وشطانتهم وحتى عيالهم صايرين مثلهم قروووب واحد وهما صغا سوولهم بلاوي الله يستر منهم اذا كبرو
"يبقى الحب ويبقى الوفا ويبقى الامل وتبقى الصداقه على طول الايام مهما كبرنا ماتتغير هالاشياء لو قسى علينا الزمن لو كان الامل صغير لو قسى قلب الحبيب لو انطعن عاشق غريق لو حاولو لو فرقو لو خربو
تبقى جذور الحب صامده على طول الايام وتبقى جزيره العشاق مفتوحه الابواب لتضم المحبين "
تمـــــــــــــــــــــــــــــت
اشكر كل من شجعني وانتقدني واشكر كل شخص كانت له بصمه بروايتي الاولى المتواضعه
كل الشكر لكم انتظروني بروايتي الثانيه"
تحياااااتي:
وجودك بلسم جروحي
تجميعي
اســـ(dania)ـــطورة !
اللهم لك الحمد حتى ترضى وإذا رضيت وبعد الرضى ,,, اضف تعليقك