رواية شقاوة بنات -9
اسماء:خلاص ربع ساعه ويجي بس لازم نطلع لانو ماراح يوقف قدام المدرسه
البنات كانو مخططين انهم يشردون من المدرسه مع فهد وهذي فكره نوف فكرتها بصراحه اجرامه بس هذا كله حب المغامره وكره في المدرسه كانو لابسين ملابس تحت المريول ومضبطين الوضع على الاخر ومن حسن حظ البنات كانت المديره غايبه
راحو البنات ماخذين شنطهم وعبياتهم اكيد الشنط مافيها ولا كتاب وطلعو بالساحه الخارجيه كانو الكل بالفصول يدرسون ياحراااام والبنات يمشون مثل الحراميه كان فيه بوابه خلفيه بالجهه الثانيه بس كانت دائما مقفله ما احد يفتحها راحو البنات لها وحاولو يفتحونها بس هي مقفله بقفل
اسماء:ورطنا كيف نطلع؟
منى:وهذا القفل ماينكسر كبير يبغيله مفتاح
ساره:من وين نجيب مفتاحه يعني مستحيل؟!
نوف:لا لا تقولين مستحيل
عبير:يعني بعقلك يعني المديره بتجي وتفتحه وتقول روحو المطعم عادي
حنان:اصلا المديره غايبه
نوف:وربي ضبطت معي عالاخر بنات انتو استنونا هنا منى تعالي وراحو منى ونوف واتجهو لغرفه المديره كانت مافيها احد بس فيها معلمين جالسين بالغرفه الي بجنبها يعني مستحيل يدخلونها كانت فيه خاله مسؤله عن الفصول ماره ناجوها البنات وجات:نعم
نوف:خاله ام عبدالله في مقفل عليهم الباب مو راضي يفتح بنجرب نفتحه بالمفتاح بس وين المفتاح
ام عبدالله:طيب قولو للمدرسات يساعدونكم
منى:ايه قلنا هذي ابله ناسيه اسمها وهي قالت تعطينا المفتاح
ام عبدالله دخلت الغرفه والبنات وراها
ام عبدالله:والله الفصول كثير صعب تلاقي المفتاح بس هذي المفاتيح للفصول جربوها
منى:يعني هذي بس للفصول
ام عبدالله:ايه
نوف تهمس بأذن منى:شوفي هالمفاتيح وش كثرها بس شوفي هنا ك فيه مفاتيح كأنهم مفاتيح اقفال
منى:روحي خذيها وانا بسألها كم سؤال علبال ماتاخذينها بس لاتحس فيك
منى:طيب ياخاله المديره ماجات اليوم؟
ام عبدالله:لا ماجات
منى:سلامات لاتكون مريضه؟
ام عبدالله:والله ماادري يابنتي
نوف اخذت المفاتيح وحطتها بجيبها
دخلت اسماء:بنات انتو هنا وانا ادور عليكم
منى:آآآ خلاص فتحتو الفصل
اسماء باستغرب:فصل وفهمت السالفه ايه ايه فتحناه من زمان<<<اووووووف يالكذب
راحو البنات
اسماء:وش سويتو؟
نوف:لحضه يارب تكون هي!!
وصارت تجرب بالمفاتيح كانت يمكن١٢
مفتاح وواحد منها فتح البوابه
البنات:وااااااااااااو
بعدين حسو على نفسهم
نوف:خلاص بتفضحونا
وطلعو وقفلو البوابه من برا حطو القفل برا وشالو المفتاح معهم
مشيوو وحصلو فهد وركبو
فهد:وش فيكم تأخرتو؟
اسماء:صارت سالفه قويه بعدين اقولها لك
^^اسماء ماتقصر تقول لفهد كل شي ماتخبي عنه شي ابد
فهد:كنت بروح واتركم
اسماء:لابعدين مين يوصلنا المطعم؟
نوف:الله مكثر التكاسي
فهد:عجيب بتركبون تاكسي اجل برجعكم المدرسه
البنات:لأأأأأأأأأأأ
حسو انهم زودوها شوي مع فهد وسكتو
فهد:والله هذا كله
قاطعته اسماء:عارفين علشان حنان
فهد يعدل المريا على حنان
وصلو للمطعم اللي يبغونه البنات كان على اختيارهم
نزلو البنات ولاكأنهم مسوين شي ونزل فهد معهم
منى:اسماء خير اخوك نازل
فهد سمع وقال بعباطه:ليه تبغون تدخلون لوحدكم
منى:ماشاء الله كيف سمع؟
دخلو المطعم وجلسو البنات على طاوله كان المطعم مافيه احد ابد لان الناس كلهم مة فاضين الا هالبنات مروقين على الاخر مع صباح الله خير
وقف فهد بجنب كرسي حنان وقال:وش تشربين؟
حنان:موكا
ومشي فهد
البنات:واحنا بعد
طنش فهد ولا كأنه سمعهم
بعد شوي جاء فهد ومعاه موكا لحنان بس واعطاها
اسماء:كل هذا بخل؟
نظر فهد بأسماء نظره استعباط
وقال لحنان:تبغين شي ثاني
حنان:ايس كريم<<<<اووووووخص قطت الميانه الاخت
ومشي فهد
البنات:واحنا بعد
طنش وبعد شوي جاء فهد ومعاه ايس كريم واحد لحنان واعطاها:بس لحنان
اسماء:لا والله يعني مره محتاجين لخدماتك
وطلبت اسماء لها وللبنات كل الي يبغون وقالت لفهد:مع السلامه روح خلاص البنات يبغون ياخذون راحتهم
فهد:ليه وانا وش سويت المهم الساعه كم اجيكم؟
اسماء:معاي جوالي اتصل عليك
فهد:وبعد شايله الجوال المدرسه
اسماء:هي كلها حصتين الي حضرناها وكل البنات معاهم جولاتهم
راح فهد وتركهم
طبعا البنات لما نزلو المريول حطوها بكيس وخلوها اكيد بالسياره
جلسو البنات مو مصدقين نفسهم انهم سوو كل هذا الشي مستانسين حيل حيييل حيييييييل
ساره:اخيرا راح اخوك البخيل
حنان:ههههه لاتقولين بخيل
منى:بنات اللحين الساعه ٩معانا خمس ساعات وناسه حرام البنات الحين ياخذون دروس وشرح وااااااااع
عبير:وناااااااااسه
بعد اربع ساعات من الضحك والوناسه والهسترياء الي جات للبنات وكان حالهم يخوف
دخلو شله شباب للمطعم والساعه حوالي ١الظهر
البنات خايفين من الشله صوت ضحكهم وصلهم
السلام عليكم..
اشكر كل من اهتم ورد علي
الجزء الحادي عشر
كل وحده من البنات حطت راسها على الطاوله وخايفه وترجف
حنان بهمس:هذولا وش جابهم هنا؟؟
منى:وشؤعرفني ياربي اكيد بيعرفونا
اسماء:خلونا نطلع قبل ما يشوفونا
تبون تعرفون من هما الشله كانو سعود ومشعل وبندر ووليد
طلبو البنات الحساب وقبل ما يحاسبون..
جاتهم الصاعقه سمعو يد خبطت على الطاوله ويقول: وش جابكم هنا؟؟؟!!
الشباب لما شافو اخواتهم ما تحملو المفروض انهم يكونون بالمدرسه فجاتهم الف فكره
وفكره من الصدمه ماعرفو وش يسوون
وليد:ليه مارحتو المدرسه؟؟
مشعل:كيف طلعتو من البيت؟؟
بندر:مالقيتو تجون الا هالمطعم؟؟
سعود:ومين جابكم؟؟
البنات بيتكلمون
دخلو شباب المطعم
سعود:بسرعه قدامي ع السياره
البنات مشيو ياحرام حتى ما قدرو يدافعو عن انفسهم وصلو السياره
كانو الشباب جايين سياره وحده وطبعا مستحيل تكفيهم
كلهم فلازم واحد يوصلهم وكل واحد يبغى يروح علشان يعرف السالفه
وبالاخير وليد وصلهم والباقين بالتاكسي وراهم
راحت كل وحده بيتها وكل وحده اخوها وراها الا ساره واسماء>>ساره مرتاحه ابوها وامها ماعرفو
منى:طيب اسمع مو تتكلم وانت ماتعرف شي
اكيد امها كانت نايمه
مشعل:آآآآه يالله تكلمي
منى: قالت كل شي
مشعل:فهود انا اوريك ساكت اليوم ما يتكلم اشوفه وهو مساعدكم يااا
قاطعته منى:يا ايه؟؟ لا يكون مجرمات؟هاه
مشعل:لو بقول لابوي وش بيقولك؟؟!!
منى:مشعل انت اخوي ماترضى على اختك حبيبتك
مشعل:ايه يالمصلحه
منى:انا بكلم اسماء بشوف وش صار معاها
مشعل:ايه ايه كلميها
منى:خير يالمصلحه
مشعل:يلا وحده بوحده
منى:ماتقول لابوي وامي
مشعل:ما راح اقول
لما دخلت اسماء كان فهد بالصاله ع tv
وهو جالس لوحده
فهد:بسم الله انتي وش جابك؟؟!!
اسماء:وليد
فهد:نعم متفقين مع وليد من وراي؟
اسماء:آه لا ما اتفقنا مع احد هما شافونا وجابونا
فهد:مين هما؟
اسماء:مشعل وسعود وبندر ووليد
فهد:بس انا مالي في الموضوع برئ
اسماء:لا واللهمو انت الي مودينا اقول لاتورط البنات
كل وحده من البنات قالت لاخوها كل شي بس بشرط انو ما يقول لاحد لا لامه ولا ابوه بس كلهم شايلين بقلبهم على فهد
المغرب"
راح فهد للشباب جلس كأنه مو مسوي شي
وليد:تكفى بس جالس ولا كأنك مسوي شي
فهد:ليه وش سويت؟
خالد:وهو صادق وش سوى؟
مشعل:لانك ماتدري اليوم مطلع البنات من المدرسه ووداهم مطعم وتركهم لوحدهم
خالد:افــــا لايكون اختي معهم؟؟
وليد:اكيد
فهد:لحضه اول شي حرام حزنوني يبغون يطلعون وانت عاد كم مره شردت من المدرسه؟؟هاه
مشعل:انا ولد غير الناس وش بيقولون لو شافوهم
فهد:الناس مايخلص كلامهم وانا لما شفتهم ناوينها قلت يطلعون معاي واعرف وين بيروحون احسن من انهم يطلعون لوحدهم
وهما وعدوني هذي اول واخر مره
بندر:وربي ماينعطون وجه بكره يبغونك تطلعهم وتشوف
"الصباح"
البنات برا يستنون السواق
منى:اوووف حمد لله مشعل ما قال لامي وابوي كنت رحت فيها
ساره:انا مرتاحه ما عندي اخ يحاسبني
عبير:انا بندر خليته يقول كلمتين وبعدين قلتله لاتخليني اقول لابوي وامي وعلى طول قال <<<تقلد صوته اخر مره لك ههههه
حنان:انا ماتوقعت سعود يسكت قلت اول ما يوصل البيت بيقول لابوي بس عدت على خير
وصل السواق وراحو المدرسه"
دخلو الطابور
اسماء:هذي وش عندها مع هذا الصبح؟
نوف:مو رايقه لها
المديره تتكلم بعد ما خلصت كلمتها قالت اسماء البنات..
ابغاهم اللحين يطلعون
حنان:لااااا هذي لاتكون عرفت
ساره:اجل وش تبغى فينا اكيد عرفت
منى:اووووف يالفشيله قدام الطابور
نوف وهي تمشي:يالله بنات عادي استمتعنا بيومنا ماراح نخصر شي كلها كلمتين عالطاير وتخلص
وقفو البنات قدام الطابور ولما راحو كل الطالبات على الفصول
المديره:قدامي على الاداره
المديره:امس كنتو حاضرين المدرسه صح؟؟
البنات:ايه
المديره بشده:طيب وين كنتو؟؟ بخمس حصص مو حاضرينها
البنات:هاااااااااااه
المديره:بتتكلمون ولا
دخلت الخاله ام عبد الله ونادتعلى المديره وطلعتلها
نوف:لاتشوفنا بتفضحنا
منى:المفاتيح حطيها بالدرج
طلعت نوف المفاتيح من جيبها وحطتها بأول درج بالمكتب
اسماء:بنات وش نقول؟؟
ساره:ااااه قلتلكم راح يصير شي ليتني ما طلعت معكم
عبير:نقول بالمدرسه ولا طلعنا منها
حنان:ايه صح
دخلت المديره:يالله تكلمو والا بتصل على اولياء اموركم وانا بأتفاهم معهم على طريقتي
نوف:كنا بالساحه الخارجيه
المديره:وش كنتو تسوون وانتو عليكم حصه؟
اسماء:كان علينا حاسب والمعلمه كانت تقول بكل حصه الي مو عاجبتها الحصه تطلع برا
نوف:واحنا ما نحب هالحصه
المديره:الحصص الثانيه!!
منى:كلها ممله
المديره عصت:ما شاء الله وليه جايين المدرسه اجلسو بالبيت احسن
حنان:جايين علشان نتعلم
عبير:بس المعلمات ما يساعدون
المديره:لاتقولون الحصه ممله قولو انتو ماتبون تحضرونها
بعد حوار طويل ممل مع المديره الممله طلعو البنات من الادراه بسلام بس كتبو تعهدات على انهم ما يطلعون من الحصص مره ثانيه
نوف:ههههههه وربي خطيره
ساره:قلبي بغى يوقف
منى:اوووووف يالخوف ضحكت لما كانت تهاوش تقول ما ابغى اشوفكم تطلعون من الحصه مره ثانيه
اسماء:ههههههه ما درت انا طالعين من المدرسه
حنان:اسكتي بتفضحينا اذا ما عرفو بتقولين لهم بصوتك العالي
عبير:ما ترتاح اسماء الا لما تقول للناس احنا طلعنا من المدرسه
منى:بنات نسيت اقولكم اليوم عماني بيزورونا بس اموت واعرف وش سبب هالزياره
نوف:ليه عادي؟؟
منى:لا بالعاده ما يجون بوقت الدراسه
اسماء:ليه بيجون حتى البنات؟؟
منى:لا وش يجيبهم بس عماني
ساره:ماجد وسلطان بيجون؟
منى:اكيد يجون
الظهر البنات واصلين البيت نزلو من السياره وقدامهم بندر ووليد ومشعل
بندر بعباطه:متأكدين انكم جيتو من المدرسه؟
عبير:اكيد اجل من وين
وليد:يمكن رحتو مكان ثاني!!
عبير:لا مارحنا تطمنو
ومشيو البنات
عبير:اخوك يانوف ينرفز
نوف:حرام عليك ليه تقولين كذا؟؟
عبير:ماشفتيه وش قال؟
نوف:حتى بندر تكلم يعني ماجات الا على اخوي؟
عبير سكتت
نوف:يمكن قال كذا يبغى ..وسكتت
منى:وش يبغى ليه سكتي؟
نوف:يبغى حديث مشترك بينكم
البنات نظرو بعبير وهي كأنها ما سمعت شي
ساره:لحضه وين رايحه ما سمعتي نوف وش تقول؟!!
عبير:سمعت
اسماء:وش فهمتي؟
عبير:ولا شي
نوف:اهو ما قال شي بس دايم يجي ويسأل ويلمح بالكلام بس انا شاطره افهمها على الطاير صدقيني اهو يحبك ياعبير
عبير:يعني بتتكلمون هنا بالشمس خلاص بكره نتقابل ونتكلم داخل البيت
نوف:لا يكون تحب احد ثاني؟؟
ساره:لا ماتحب كانت تحب بس الحين لا
منى:اكيد فاجأتيها
اسماء:يالله بكرا نتقابل
حنان:باااي
البنات:بااااي
كل وحده راحت بيتها وكانت تنتظر منى مفاجأه
دخلت منى البيت وراحت لغرفتها وبدلت ملابسها ونزلت تتغداء ولقيت امها ونهى بالصاله
جلست منى تتغداء
نهى:ههه ابد مو لايق عليك
منى:وشو؟؟!!
نهى:ههههه الزواج
منى:هااا
ام منى:عمك ابو سلطان خطبك لسلطان
منى:نعم انا ما ابغى اتزوج
نهى:تكفين بس
ام منى:الزواج اكيد مو الحين بعدما تخلصين دراسه
منى بغت تبكي:انا ما ابغاه ليه ماتفهمون؟؟
نهى:ابوي قاله موافق هو بس قاله بيسألك هو تكلم عن نفسه
منى:قولو لابوب ما ابغى اتزوج
ووقفت بتروح غرفتها
ام منى:طيب تغدي ولسى فيه كلام بقولك عليه
منى:بنام ولا احد يصحيني
راحت غرفتها وتمددت على السرير وصارت تبكي خافت ان ابوها يغصبها على الزواج من سلطان
وهي ماتبغيه
ماعرفت وش تسوي كانت دموعها سلاحها الوحيد..
لا لا لا تحرموني منه لا بالغصب و الاكراه
لا لا لا تمنعوني منه لا هذا اكبر ظلم والله
هو رجعلي ضحكتي وشال من عيني دمعتي
هو رجعلي ضحكتي وشال من صدري حسرتي
اني حر باختياري و القرار يظل قراري
اسمعوا رفضي و صرختي : لا ما تغضبوني ماتمنعوني
هو وجداني نصفي الثاني
ياوحيدي ياحبيبي صابريـن و الامر لله
لو حبستوني بغرفتي .. و لو حبستوني بغرفته
آني يمكم جسد باقي .. روحي يمه تظل شمعته
ابد ما يهمك حبيبي اني لك مهما يكون
السهر و التعذيب كله لخاطر عيونك يهون
اسمعوا رفضي و صرختي : لا ما تغضبوني ماتمنعوني
هو وجداني نصفي الثاني
يا حبيبي يا وحيدي صابريـن و الامر لله
انا اشلون اتخلى عنك و انا اتنفس من خلالك
قلقي و خوفي عليك عمري طمني على حالك
المهم انت حبيبي اشلونك بهاى الظروف
والله يومي الما اشوفك كل شي ما اقدر اشوف
اسمعوا رفضي و صرختي : لا ما تغضبوني ماتمنعوني
هو وجداني نصفي الثاني
يا حبيبي يا وحيدي صابريـن و الامر لله
كاظم الساهر
وكان ينتظر حنان خبر حلو
دخلت حنان الكل جالس بالصاله
حنان:السلام عليكم
الكل:وعليكم السلام
سعود:باركيلي
حنان:مبرووووك بس على ايه؟؟
ام حنان:اليوم ابوك بيروح يخطب له ازعجنا وهو يبغى يتزوج
حنان:واااااااي ونااااسه متى بيروحون؟؟ومين العروسه وتغمز لسعود
ام حنان:المغرب بيروحون ومنى هي العروسه زين ما اختار
حنان:ياااااي
انتظر توقعاتكم وتعليقاتكم وانتقاداتكم
((وش بيصير بمنى هل بتتزوج سلطان وبينتهي حبها لسعود....؟؟وش بتكون رده فعل سعود لما يعرف عن خطوبه منى..؟؟؟وش بيصير لعبير مع وليد هل بتحبه وتنسى فهد ولا حب فهد اقوى من النسيان...؟؟؟وش ينتظر حياة البنات من تغيير ..؟؟؟))
انتظرو البارت الاخير وما قبل الاخير بأقرب وقت..
تحيـــــــــــــاااااتـــي::
وجـــودك بلســـم جــروحـــي..
الجزء الثاني عشر
سعود: باركيلي
حنان:مبروووك على ايه.؟؟؟!!
ام حنان:اليوم ابوك بيروح يخطب له ازعجنا وهو يبغى يتزوج
حنان:واااااااي ونااااسه متى بيروحون؟؟ومين العروسه وتغمز لسعود
ام حنان:المغرب بيروحون ومنى هي العروسه زين ما اختار
حنان:ياااااي
حنان فرحتان حيل على اخوها ومنى اخيرا بيصير الي يحلمون فيه منى وسعود كانت تشوف احلامهم بعيونهم
اتصلت على منى علشان تخبرها وحصلت جوال منى مقفل
حنان:اوووف هذا وقتك تقفلين جوالك
<<<يااااه قهر
المغرب
سعود وابوه ببيت ابو منى علشان الخطبه
سعود ينتظر رد ابو منى بعد ما فتحوه بالموضوع
ابو منى:والله سعود ماراح نحصل احسن منه زينه ماربيتو لاكن البنت مخطوبه لولد عمها
صدمــــــــه
بعيون سعود رد ما كان متوقعه ولا متخيله ولا مستعد له كيــــــــف..؟؟
وليــــــــه..؟؟
منى لي انا مين هذا بيجي وياخذها مني هذي قلبي وروحي وكل نبضي منى الهوى الي اتنفسه
ابو منى:اليوم جاء عمها وخطبها
منى بغرفتها من الظهر وهي ما طلعت ومقفله جوالها وبعد ماتدري ان سعود فيه
اااااه لوتدري بنبض القلب وين موجود ووش يبي
راح سعود وابه ودخلو البيت
حنان:اكيد وافقو صح..؟؟
سعود والقهر بعينه:لا وطلع من البيت
<<<ماينلام ابد هذي حبيبه القلب
حنان بصدمه:ليه؟؟!!
ابو حنان:اليوم خطبها ولد عمها
حنان:كيف .؟؟وهي وافقت عليه..؟؟!!
ابو حنان:والله ما ادري يا بنتي
راحت حنان تتصل على منى علشان تفهم السالفه وبعد حصلت جوالها مقفل
دخلت نهى بالغرفه
منى سوت حالها نايمه
نهى:ادري انك مو نايمه
منى :.......ماكو رد
نهى:منى اذا ما تبغين سلطان ماراح احد يجبرك انك تتزوجينه
منى دموعها على خدها
نهى:بس فيه خبر ثاني اهم ماتبغين تعرفينه..؟؟!!
منى:.......بعد ماكو رد
جلست نهى بجنب منى :اقول قومي بلا تمثيل علي اعرفك
فتحت منى عيونها
نهى:كل هذا ليه..؟؟
منى:ما ابي اتزوج
نهى:ماراح تتزوجينه ماسألتي عن الخبر المهم؟؟
منى بغير اهتمام:وش هو الخبر؟؟
نهى:بس لاتزعلين لاني حتى انا ما ابغاه يصير بس هذا هو القدر
منى بدت تخاف:وش فيه خوفتيني؟؟
نهى:هو يزعل
منى:تكلمي
نهى:ابوي اليوم قال...
منى:وش قال؟؟!!
نهى:بنروح من الرياض
منى:وين نروح وليه؟؟
نهى:اليوم خبروه بالعمل انهم نقلوه الشرقيه بعد اسبوعين بنروح
منى:اقول بلا كلام فاضي انا ما اطلع من هالبيت
نهى:روحي اسألي امي اذا مو مصدقه
منى ما صدقت الخبر نزلت لامها وحصلتهاهي وابوها
منى:امي صدق انا بننتقل الشرقيه
ام منى:ايه بننتقل
منى:لا كيف والدراسه وبيتنا وجيرنا
ابو منى:الدراسه عادي تنقلين المدرسه وبنروح بيتنا الي بالدمام
منى:لا ابوي تكفى مانبغى ننقل انا تعودت هنا صحباتي هنا ما ابي اتركهم
ابو منى:انا ما اقدر يابنتي هذا عملي
منى:ارفض قول ما ابي اروح
ابو منى:يانروح الشرقيه يا اني اترك العمل وانا مستحيل اتركه
منى:امي قولي شي
ام منى:والله حتى انا ما ابغى اروح من بيتي بس وش نسوي..؟؟
رجعت منى غرفتها متضايقه حيل والكل بالبيت ما كان يبغى يروح الشرقيه بس ما بيدهم شي يسوونه
وابو منى ماسأل منى عن رايها بسلطان ماكان الوقت مناسب حتى ما قال لها ان سعود خطبها
اليوم الثاني
المغرب
جو البنات لمنى لانها ماراحت المدرسه فخافو عليها
اسماء:كيفك منى؟؟
منى والدموع بعينها:بخير "وبكت"
ساره بخوف:منى وش فيك؟؟!!
حنان:علشان سلطان طيب انتي وافقتي
منى:انا ما وافقت
حنان:طيب عمي ليه قال لابوي انك مخطوبه
منى:ليه قاله؟؟
حنان:انتي ماتدرين؟سعود جاكم امس وخطبك هو وابوي وقاله انك مخطوبه
منى والدموع بعينها:لا ليه يقوله انا ماقلت لابوي انيرافضه بس قلت لامي
عبير:خلاص طيب لاتبكين عمي ماراح يغصبك
منى تبكي بقهر
اسماء بحزن عليها:منى خلاص تكفين
منى:ماراح نتجمع مثل قبل ماراح نشرد من الحصه مثل قبل ماراح اقدر اشوفكم مثل قبل
قاطعوها البنات:ليه؟
منى:بنروح الشرقيه ابوي نقلوشغله وبنروح بعد اسبوعين
صدمـــــه
بعيون البنات وانشلت السنتهم وش يقولون
حنان:طيب مايقدر يسوي شي
منى:لا بس ما ابي اروح بقفدكم بفقد خبالنا سوى ومقالبنا وجلساتنا وضحكنا
وسوالفنا كل هذا بيروح بعيد
ساره:لاتقولين كذا راح نتقابل اكيد
منى:أأأأأه نتقابل متى؟؟!!مت نتقابل بالمناسبات ..بالاعياد عمرنا ماراح نكون مثل كذا
اموت ولا افترق عنكم لا وبعد ابوي يبغيني اتزوج بواحد ما احبه
والموقف كان كلو دمووووووع
البنات بغرفه منى
حنان وهي تمسح بدموعها:خلاص ليه تفكرون بهذا الشي ؟؟خلاص انسوه وخلواليوم يكون احلى يوم بنسهر سهره خياليه اليوم اربعاء
طلعت منى البوم صور فيه صورها هي والبنات من لما كانو صغار وجلسو يتذكرو الايام الي مضت وحاولو يتناسو موضع منى
الساعه 4الفجر
منى:بنات تكفون نامو عندي
اسماء:ليه وبيتنا على ايه؟؟
منى:يمكن هذي اخر مره تقدري تنامي عندي
حنان:امي ما ترضى
منى:تكفون
البنات:نحاااااااول
منى:يالله كل وحده تتصل على امها وتقولها ولا وش رايكم انا اقولهم
البنات :وااااااي
اتصلت منى وقالت لكل وحده منهم وبعد حوار طويل وافقو
البنات:وناااااااسه
ركضو البنات على دولاب الملابس ويختارون وش يلبسون من بجايم منى كل وحده اخذت بيجاما ولبستها وركض على
السريروتمددو عليه واكيييييد
عبير:وااااي رحت وطي
اسماء:وش ذا الزحمه..؟؟؟
حنان:يعني بنام كذا
؟؟!!
ساره:لا تكفون
منى ناظرت بسرير نهى وقالت وش رايكم
سحبو البنات سرير نهى وخلو سريرها بجنب بعض وكفاهم المكان وتمددو البنات واخذو راحتهم وهم بجنب بعض
دخلت نهى:آآآآآه سريري وينو؟؟!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك