رواية بصدري وجع كنت احسبه نام يا صدري -11
نسى وهو يعطيها الفطور : فطور لكم ..
أخذته منه : يعطيك العافية ..
دق جواله وكان الدوام : ممدى بيدأ الدوام ..!
رد وتكلم شوي استغربت كأنه غير بشغله باين من خلال طريقته بالحكي ,سكر وهو يناظرها : متى تبين آجي أخذك ؟
كادي : راح اجلس مع سلطانة إلين بكرة جداني يقولون لا أتركها إلين تهدأ وخالتي راح تجلس معهم ..
محمد : خلاص آجل راح يخلص دوامي بكرة بنفس هالوقت وراح اجيك ..
كادي ابتسمت وقالت بدلع : خلها ليوم السبت الصباح راح اطلع مع سلطانة من بيتها لبيت جداني ..
ابتسم وماقدر يجادلها موب خوف ولا غيره بس حب فيها وعشق لها ..
كادي وبداية آصبعها بفمها وبجنون : دنق ..
ماسأل ودنق باسته برقة , ضحك : بخرببببها ي بنت ..
رجع يضحك وباسها ومشى وهو يركب ل سيارته وعيونها تتبعه :عسى ربي يخليك لعيوني ..
دخلت عقب ماطلع وهي تغني وتناظر سلطانة : آآآآه أحببببه ي سوسس آعشششقه ..
ابتسمت سلطانة وهي تسولف لها , دخلوا للمطبخ حضروا الفطور وعطوا العم سعد (سواق سلطانة ) الفطور وتالي الشغالة وطلعوا للصالة وهم يفطرون ويشوفون كراتين ويضحكون وهم يتذكرون وهم صغار وشعورهم لما كانت تجي ..
.
.
.
شقة سطام * الجوري ..
تذكرت بإن هالليلة عرس الجوهرة ضاقت ماشرت لها هدية ولاجهزت..فتحت باب غرفتها اللي بتسكيرته من البارح ,مشت للمطبخ أخذت لها ماي وتالي دقت على عمتها صبحت عليها وسولفت معها وتالي قالت تبي السواق لاجل تشتري للجوهرة هدية وقالت لها راح يجهزها وتطلع ..
سكرت من عمتها وفزت وهي تسمع صوته النايم : أنا راح اطلعلك ..
الجوري بحده : وأنا مابي اطلع معاك ..
سطام جلس وهي يفرك عيونه : جورري لاتخلينها هواش من الصبح راح نطلع سوى بس بروح أخذ شاور اصحصح فيه ونطلع نفطر برى ونتغدا ..
الجوري : تفهم عربي أو بإي لغه ؟!
سطام وقف وهو يناظرها : اللي آبيها اننا راح نطلع سوى زين ..
دخل للغرفة وهو يأخذ ملابسه لاجل يأخذ شاور يصحصح .. م آخذ وقت طويل وطلع , أخذ مجفف الشعر وجفف شعره ورش عطره الخاص عقب الشاور ..
شافها جالسة تشوف التلفزيون : مشينا ..
الجوري : خلاص منيب طالعة ..
أخذ نفس وجلس على الصوفا بقربها : آسسف ..
ضحكت ب استخفاف ورجعت تناظر التلفزيون ..
سطام مسك كفها وسحبتها : لو سمحت لاتلمسني ..
سطام بضيق : تكفين اسمعيني ..
الجوري بحركة حطت كفها على شفايفه برقه : بليز لاتزيد هالجروح جروح ,بجد تعبانة خل آخذ لي فترة ووتنضم جروح آمس واللي قبله ل سابقها من جروحك وتالي كمل ..
تضايق كثثير من حكيها ونظرتها عنه وعن آسلوبه والاهم نظرتها للي جاي منه وأنها متوقعه منه جروح أكثر مما مضى ..!
قام بعد فترة من الوقت ,ولاحب يجادلها عن مشاكلهم : طيب ماتبين تجيبن ل صديقتك هدية قومي عشانها ..آنتظرك ب السيارة تحت ..
طلع من الشقة وبراسه آلف فكرة وفكرة لاجل يرضيها ..
جلست وقت وتالي قامت لاجل الجوهرة ..نزلت وفتحت الباب الخلفي حست بيده تصك الباب : آجلس جنبي ..
ناظرته من ورى النقاب وسحبت نفس وهي تفتح الباب حست بيده من ثاني تصك الباب ..
ركب وهو يكلم ثامر ويسأله ويعاتبه ليه ما آخذ السيارة معاه وقاله بإنه كلم واحد من ربعهم كان قريب ومره ..
سكر وهو ينزل البي بي لمحت خليفته آسم آمجاد بالانقلش رسمت ابتسامه غريبة من كذبه وخداعه وآسلوب حياته الغبي ..!
طلعت جوالها وهي تفتح الرسايل وتسولف مع صديقاتها فيها ..
سطام حب يقطع جوهم الصامت :ليه ماتشترين بلاك بيري أفضل وآسرع بالتراسل ؟!
الجوري : لآ شكرآ ..
سطام : طيب راح اجيبه لك هدية .. وجربية ..
الجوري : لا ..
سطام : لييه طيب ؟
الجوري : خلاص وجهه نظري ولا آبيه ..
سكت ..ووشوي وقفوا قبال المجمع نزلوا سوى , تقدم لها وهو يمسك كفها ويسولف : دائما آحب آجي هنا كل الماركات متوفرة وبكثره..
كانت ساكتة .. ماحبت تحكي ..
دخلوا ل محل هدايا ..
سطام يناظر صندوق فخم : شوفي هذا فخم ويصلح ك هدية ..
آعجبها كثير بس ماتبي تأخذ على ذوقه عناد فيه وبهمس: يقولون أنها صديقتي يعني آنا آختار لها ..
كشر : طيب بكفيك ..
آخذت صندوق ثاني عجبها يناسب شخصية الجوهرة وهي تشوفه على طبقتين الاولى آساور جداً كيوتاً ورقيقه والطبقة الثانية تختلف كلها كريمات وعطر .. عجبتها فكرة الهدية وقالت له عنها ..
شالها : غلفها ..
آنتظروا لوقت وهو يطلع بطاقته حاسبوا ..
سطام : آنتظريني هنا بحطها ب السيارة وبرجع ..
الجوري : راح آدخل ذاك المحل ..
سطام : آوك ..
دخلت للمحل وشافت لها فستان خقت معاه .. ناظرت المقاس وطلبت على مقاسها ابتسمت بمود حلو بأنها لقت اللي تبيه آخذته وحاسبت على دخله سطام ..
سطام : شريتي شي ؟
الجوري : آييه ..
سطام : طيب آحاسب ..
الجوري: لا حاسبت ..
ماعلق وكملت معاه تمشية بالمجمع وهي تأخذ للفستان آكسسوارت تناسبه ..
سطام رآقت له آختياراتها: ذوقك رآقي ..
ماردت ..
آذن للظهر وفيه مسجد للصلاة بنفس المجمع الكبير : دخل لاجل يصلي وهي كذلك ل مصلى النساء .
عقب الصلاة ..
سطام : تعالي نتغدا أنا ميت جوع ..
دخلوا مكان مخصص للعوائل جاته ضحكة : تدرين كنت آتمنى آدخل للمكان ذا ..
ناظرته عقب مابعدت نقابها وهي تعدل الشيلة وتالي سمعت جوالها يدق وكانت كادي تسألها عن موعد روحتها للعرس سولفت معها وتالي سكرت ..
دخل سطام ومعاه الغدا ..حط صحنها عندها : تغدي ..
أخذت تأكل بهدوء وهو يأكل من صحنه ويسرق النظر لها ..
سطام : تغدي ..
من غير آحساس منها وهي مندقة تناظر بصحنها تساقطت دموعها فيه , دنقت أكثر لاجل مايشوف دموعها ,مد كفه وصدته : لو سمحت ..
لفت وهي تمسح دموعها وعدلت شيلتها وهي تلبس نقابها ..
وقف سطام وشال الاكياس : نبين نطلع ؟
الجوري : خل نروح للبيت ..
حط الأكياس ب المكان الخلفي وقف شوي وكان التردد ماليه لاجل يرسل لها هالمسج .. حط آرسال وركب السيارة بس ماشاف الجوال معها آكيد بالشنطة ولاحست فيه ..
حرك السيارة وطول وقتهم جوهم بارد مثل برود مشاعرهم تجاهه بعضهم ..!
ماحست فيه الا لما حط يده على كفها : وصلنا ..
نزلت وطلعت لشقتهم ..دخل وراها ونزل الاغراض ..
مسك كفها : ممكن تسمعيني ..
الجوري وأنفها أحمر من الصياح : ماعندي أي قدرة آنجرح أكثر خلني آجمع من كبريائي شوي ..!
تركته ودخلت لغرفة نومهم ..انسدحت شوي وتالي طلعت جوالها من الشنطة ..شافت آشارة مسج فتحته وهي تقرأ ورجعت تناظر المرسل سطام ضيقت عيونها وتالي رجعت تقرأ المسج ..
لآ تلومَ اللي " يحبكِ " ..
وسآمحهِ
وآحضن عيونهِ بـ/حب .. وصآفحهِ
?تقفيُ تحسب إنهِ " جآرحكْ "
وآنت يمكَنِ » في ظنونكِ « ،
جآرحهِ ..
?تعجلْ في قرآرآتكِ معآهِ ..
أسمع أقوآله بـ عقلُ
وصآرحهِ <3 ..
كآنهِ أخطى وأعتذر ..
خلكِ كريمَ
وأبتسم لهِ من " غلآهِ "
ومآزحه
كلنآ نخطي .. ولكنَ
من يتوبْ ،
آبسسسسطِ حقوقهِ علينآ ،
نسسسآمحهِ ..
بضيق مجنون : غبية لو صدقتك ..!
دقت على المشغل اللي تتعامل معاهم دائما وقالت لهم يرسلون لها كوفيرآ لاجل تسوي لها الميك آب والتسريحة ..قامت من سريرها وطلعت للصالة أخذت الأغراض وتالي دخلت للغرفة وهو يناظرها وساكت محتار بنفسه وشاللي ممكن يسويه لاجل يرضيها ..
.
.
رومانيا ..
لمار تسولف عن آمها اللي توها مسكره منها ..
مساعد يناظرها وبملل واضح : أتحدى فيه كلمة رومنسيه , جرئية , حلوه غابت عن مسمعك , رجائي بادليني , حتى أحببك أحببك ي لمار لما أقولها منتي بحولي أبداً .. حتى شوفي الحين تسولفين عن آمك وإششياء مالها دخل بحياتنا ما كأننا ب شهر عسل ..
ماقدرت أتقول لك ( كلمَه جريئه ) ؟
كل ما قلت لك أحبك , منت ( يمّـي )
يـ ( البريء ) اللي سواليفك , بريئه
( قالت أمّي ودت أمّي جابت أمّي ) !
صدت عنه وهي تقوله : قدر ..
مساعد بعصبية : آقدر وشو ؟! أنا واحد الجراءة تمشي بدمي مابيك كذا خليك جرئية رجاء لو شوي ..
قام وتركها ..
تجمعت الدموع بعيونها وهي تسمع صك باب الجناح , بدت الدموع المتجمعة ب الهطول : ي الله ..
دقت على كادي المنقذة والام لكل الشلة ..
كادي : هلا والله ب قلب الكادي ..
بكت لمار ..
كادي تفأجات : شفييك ؟
ظلت تبكي ..
سكتت كادي إلين تهدأ ..
لمار بعد وقت بصوت متقطع : مساعد زعلان ..
كادي : طيب اهدئي شوي ..وليه هو زعلان ؟
لمار تبعد شعرها : لاني خجوله معاه ..
كادي : لييه طيب ؟ هماه رجلك يعني كلك حلاله .. شوفيني مع محمد وتونا مملكين ..
لمار : شسسوي ؟
كادي : جاريه لو قال أحبك قولي له وأنا بعد لو قال أنتي آيش استلكعي معاه وتالي قولي هالكلمة له .. خليك شوي جرئية معاه بادليه بس بحدود لاجل مايمل ..
لمار تبكي : ماعررف آحس مجرد مايحكي معاي اضيع واتخربط ..وبعدين هو مرآ جرئي بششكل آوقات يكون وقح فيه ..
ضحكت كادي : الله , حرام عليك ليه هالوصف له ..
لمار ابتسمت ابتسامه دامعة : جنننني .. مرآ تعبانة معاه ..
كادي ب استغراب : من وشو ؟
لمار: تخيلي تكوني خجولة وهو جرئي والله تعب نفسياً وكل شوي ينتقد خجلي ..
كادي : معاه حق .. ولاتزعلين مني .. لانه مامثل مايعطي ينتظر رد العطا..
لمار: شسوي ؟
كادي : آمم حاولي لما يتكلم تناظرين عيونه ماراح تقدرين بالبداية بس مع الوقت راح تتعودين ولما يتكلم بادليه الحكي مهما كان حكيه ..
لمار : راح آحاول وي رب آنجح آفف آكرهني بجد غبية ..
كادي : لا قلبي بس أنتي خجوله وهالصفه حلوه حيل بس رجلك مشفوح (قالتها وهي تضحك )
ضحكت لمار : مرآ ..
سولفت معها وهي تأخذ من الام الروحية للقروب آرتاح بالها وتالي صكت منها ..
دقت على مساعد ومارد ..
آرسلت له مسج وهي تكتب وتمسح بكلمة وحده بس ..
آنتصرت على حياها للمرة الأولى ..
نزلت جوالهاجنبها ودخلت لسريرها تخفي حراراة آكتست جسمها ب أرساله للرسالة له ..
بهالوقت دخل مساعد للجناح وتالي دخل لغرفتهم وهو يتكلم وبنرة : تكلف بعض الناس بكلمة أحببك وهو يرسلها ..
دخل للفراش وراااها : أحببك أجل نشف ريقي وانا أبي آسمعها ..
حست بنفس الاحراج وأكثر آختارت تواجهه وتسمع نصايح كادي ,لفت عليه ..
ابتسم ويده تحت خده وهو يناظرها بقرب : أنتي وشو ؟
لمار بهمس حالم : آحبك ..
مساعد بمستوى صوت همسها : شكثر ؟!
لمار بهمسها : قد هالدنيا ..
مساعد بجنون فيها: ي جعلني في حناياك ..
.
.
.
بريطانيا ..
كانت توها طالعة من الكلاس وتمشي مع مجموعة طلبة ..
طارق لمحها وتقدم لعندها , عرفتهم عليه وكانت الصدمة بانية بقوة عليهم مع صيحات آعجاب فيهم ..ضحكت رتيل وطارق تكلموا معاهم شوي وتالي استأذنو ومشوا وحدهم ..
طارق : كيف الاختبار ؟
رتيل : حلو ..
طارق: رتيل المناقشة بكرة ..
ناظرته : لاتشيل هم مستعدة ..
ابتسم : فديتك ..
طلعت منه تلقائيا واخترقت أعماقها وهي تبادله الابتسامه ..
طارق: طيب الليلة تذكرين المقهى اللي كنا تنقابل فيه من قبل راح آجي الليلة مع نادر وهاني لاجل نحط بروفة نهائية ..
رتيل : آوك ..
طارق يبي يتطمن عليها أكثر: جد حليتي زين ؟
رتيل : آييه لاتنسى هو آختبار بسيط قبل النهائي ..
حط يده على كتفها ومشوا لاجل يتغدون ..
طارق :شاللي تحبينه ؟
رتيل : آكتفي ب مشروب دافئ ..
طلب لها مشروب كاكاو وكب كيك ..
رتيل ب ابتسامه : راح يزيد وزني كذا ..
ابتسم وهو يجلس قبالها : ماراح تتغدين وتبين تشربين شي حاف لا ماارضى كذا ..
رتيل تشرب وتناظره : أهلك دروا ؟!
ناظرها بهدوء ..
.
.
.
البارت الثاني عشر ..
بريطانيا ..
طارق يناظرها بهدوء : لا ..
رتيل نزلت مشروب الكاكاو بهدوء وهي تناظره والحكي حاير معها , ماتقدر تقوله ليه ؟ لانه بنظرها آجبر بطريقة أبوها الخاصة على الزواج منها ..
طارق : بس راح أقولهم ..
رتيل : عادي عادي ..
طارق ماحب يبرر لان بنظره الكلام وكثرته ماتفيد , حب يخلصون آختبارتهم ويطيرون للسعودية لاجل يسوون للعرس ..
رتيل تناظر جوالها وردت كان مشاري يتطمن عليها وتالي سكرت ..
طارق : كلي الكب كيك ..
ابتسمت: اطلب لك معاي ..
ابتسم وقام أخذ له وجلس قبالها : ي الله أكلي وراح أكل .. طفلتي ماتحب تأكل وحدها ..
رفعت عيونها فيه بنظرة آعجاب كبيرة ب الكلمة المنطقوقة بحس وآحساس ..
كان يأكل تأملته , آعجبت ب هدوئه , آسلوبه , طريقته ب الحكي , وسامته ..ترددت بداخلها آيه ..
(( فَعَسَى أَن تَكْرَهُواْ شَيْئًا وَيَجْعَلَ اللّهُ فِيهِ خَيْرًا كَثِيرًا)) النساء 19.
.
.
.
ببيت سلطانة ..
كادي تناظرها : شوفي راح نروح نعطيها الهدية ونطلع ..
سلطانة : لا روحي , ترى متعودة على وضعي كذا ..
سحبت كفها وطلعوا للغرفة لاجل يبدلون ويطلعون لعرس الجوهرة ..
.
.
.
شقة الجوري * سطام ..
جلس على ركبته ومعاه كاس عصير : خذيه ..
أخذت الكاس لاجل الكوفيرة ماتحس ب شي غلط بعلاقتهم وزعلهم ..
سطام يتأملها : اشربيه ..
الجوري : آوك ..
ابتسم وطلع من الغرفة وهو يفتح لابه ويلهي نفسه إلين خلصت ..
شاف الكوفيرة تطلع ناظر ساعته ثمان و شوي ..سكر لابه ونزله وتالي قام لها غرفتهم ..بلع ريقه وهو يناظرها فتنه×فتنه ..تاه بلون عيونها ودقه تفاصيل جمالها المبهر ..
ماعطت ناظرته أي اهتمام ولاهزت مشاعرها مثل قبل فترة آسبوع لو لقت نظرة منه آو همسه بس ..
لبست عباتها وهي تلبس الشيلة وتالي حطت النقاب وهو مقهور من نفسه ليه مزعلها والنتيجة انحرم منها هاللحظه لو بكلمة حلوه ..
شالت الهدية عقب ماحطت عباتها على راسها ..
تقدم لها وأخذ الهدية منها وعيونه بعيونها من ورى النقاب أخذت الشنطه وطلعوا ..
.
.
.
القاعة ..
الجوهرة تناظر كادي وسلطانة : طيب اجلسوا معاي هنا ..
كادي : شوفي سلطانة ..
سلطانة ماحبت تحرم كادي من هالشي كفاية حرمتها بنظرها من العرس ..: آوك عادي ..
مافرحت كادي كثير لانها عارفة مدى ضيقة سلطانة بالجلسة , جلسوا شوي وتالي طلعت لها عذر كادي بأنهم لازم يروحون ..
دخلت الجوري وبسرعة : وين وين ؟
ضحكت كادي وهي تضمها : راح نطلع ..
سلمت عليهم وتالي طلعوا ..
الجوهرة : هلا ب قلبي ..
ضمتها الجوري : هلا ب عيون الجوري ..مبروك قلبي الله يوفقك ..
الجوهرة : الله يبارك بعمرك وغاليك ..
عطتها الهدية ..
الجوهرة : لاآ ليه تكلفين على عمرك ؟
الجوري ابتسمت : لا يكثر .. المهم كيف شعورك هاللحظه ؟
الجوهرة ب ارتباك : خليها على الله .. لبباك طالعة تهبلين ..
ابتسمت الجوري :فديتك من ذوقك ..
.
.
.
الاستراحة ..
كان سطام توه واصل لهم ..وجلس مع ثامر يحكي له ..
سطام : أبوها غريب جداً كسرها ياخي تخيل يقولها لو يكسرك ماتتكلمين..
استنكر ثامر هالحكي ..
سطام يشرب شاي : والله جد ..
ثامر : الله يعينه على نفسه هالأبو .. بس تدري من قطها على شايب وتالي زوجها إياك بغير رأيها وهو من نوعية الاباء القاسين ..
سطام ب إلم : كرهت عمري على تصرفاتي معها ..تدري بإني البارح بكيت لاجل حالها أتصور لو الوالد سوى كذا مع وحده من خواتي شلون الوضع عاد خواتي دلوعات .. البنت حياتها كلها إلم ..
آمسك عن الحكي والعبرة محاصرته ..
ثامر : عوضها ..
سطام ناظره :وهذا اللي راح يصير بأذن الله تعالى , الليلة موب نايمين الا لما تنفاهم وتنحل المشكلة ..
.
.
.
آخر الليل ..
شقة سطام * الجوري ..
سطام يمسك كفها : لالا راح نجلس ونتكلم رضيتي أو لا .. مقدر نبعد عن بعض أكثر ..مقدر آشوفك متضايقة وزعلانة مني بهالشكل ..خلاص هالشي فوق قدرتي ..
الجوري بصوتها نبرة بكا : ولا أنا لي قدرة اتناقش معاك ..
سطام يجلسها على طرف سريرهم : الا ..
استسلمت له وجلست وكفها يلعب ب مفرش سريرهم : وش تبي ؟
سطام :أبي نجلس جلسة صراحة ننهي هالجدال الدائم بيننا ..
الجوري : السبب أنت ..
سطام : لا أنتي , علاقتنا ليه متأزمة موب سبب الاخ مصعب ..
الجوري رفعت حاجب : هالحين ليه موب متقلبه ؟
سطام بعصبية خفيفه : ماتقبلته ولاموب ملزم أقول اسبابي..
الجوري : ولا أنا ملزمة أترك مصعب لاجلك ..
سطام يناظرها بحقد ..
الجوري تناظره : اللي بيننا علاقة أخوه أسمى بكثير من علاقتي معاك الحالية المسماه ب زواج جا كله بالغصب وعقب هالزواج لقيت كل الذل والاهانة والجرح من أول ليلة لنا مع بعض ..!
سطام : يعني تكرهيني ؟
الجوري بنظرة : أكرهك .. لآ هالكلمة قوية يمكن أكره تصرفاتك بحقي..تدري لو راح أكرهه أحد كان ممكن كرهت أبوي ..!
تفأجا من كلمتها : أبوك ؟!
الجوري تناظر المفرش ودموعها تتساقط : آييه أبوي اللي زوجني وعمري 20 سنة لواحد شايب ب 70 , (قامت من مكانها وهي تتسند على التسريحة وتشرح له ) تدري أول ليله دخلت معاه لبيته كأني داخله لقبري كان قصر كبير وفخم ب الحيل بس مافيه سعادة ولاراحة ..دخلني هالشايب لجناح كبير وتركني ولاشفته الا اليوم الثاني نزلني معاه وعرف زوجاته الثنتين علي وعياله تدري (مسحت دموعها وسكتت شوي وتالي كلمت) أكبر عياله من عمر أبوي يعني هالشايب من عمر جدي ..!
لمعت عيونه والصدمة باينه بمحياه ..
الجوري تكمل ب إلم :كانت نظرات الكل تقتل وتذبح بشكل مدمي , أخذ بيدي وطلعنا للجناح وقالي ب أنه يبني ك شكل بس لمجتمعه الراقي , وتدري من سمع هالحكي مصعب لانه كان يبي يتعذر من أبوه لان ماكان موجود وهو يعرفني على عائلتهم وسمعه يحكي هالحكي ..
أخذت نفس :ومن وقتها ومصعب يحاول يتكلم معاي وشوي وصرنا نتكلم كثير ونجلس ونطلع مع بعض حبيت روح الأخوه اللي مالقيتها مع أخواني حبيت حنانه اللي مالقيته ب أبوي حبيت معنى عزوه وسند وظهر وكل معنى يدل على أني آنسانه لها كرامة وعزة نفس ..لاجل كذا ي محترم قلت لك جزء بسيط جداً من حياتي مع أبو مصعب وليه ممكن انفصل عنك ولا أترك أخوي ..
بتسأول : تقولين يبيك ك شكل ؟ كيف أجل أنتي موب بنت ؟!!
آكتست حمره من تسأوله وهي تناظر الأرض ,وتالي رفعت راسها وناظرته عقب تردد :أبو مصعب طلب مني هالشي لاجل تستمر علاقتي مع مصعب واخوانه قائمة ..
وقف يناظرها وبغبنه مجنونة : لا , عادي حتى لو مالمسك تظلين على علاقة معهم لانك عشتي معاه ..
الجوري ب استغراب وهي تمش دموعها: لا هو يقول العكس ..
سطام بعصبية وغيره : لا الكلب بس خق عليك .....
قاطعته بضيق ماله مثيل : لآآآحراام.. هو ميت الحين الله يرحمه .. لاتسبه ..
عن عائشة رضي الله عنها قالت : قال رسول الله صلى الله عليه و سلم : " لا تسبوا الأموات فإنهم قد أفضوا إلى ما قدموا " رواه البخاري.
جلس على السرير وهو يناظرها ب غيض : شوفي الا مايصير محرم اللي هو زوج الام لازم يدخل على الام لاجل تثبت المحرمية للبنات بس زوجة الاب ماسمعت بهالشي ..وبعدين شايب ماقرفتي عمرك معاه..!
الجوري تجلس على الطرف الثاني للسرير ويدينها على أطراف رأسها : آسبوع كامل ماقدرت آنام كل نومي متقطع , ولاقدرت أكل ولاشي ...(للحظات سكتت ب إلم وهي تكمل) ,تدري وش المر بإني رضيت لابومصعب لاجل تستمر علاقتي مع مصعب وأنت مثله رضيت لكل اجل تستمر علاقتي معاه ..!
سطام بنفس جلسته : تراك زوجتي ولا لك أي حق تمنعيني ي الجوري..
الجوري: تأكد بإنك اللي كنت ماتبيني , فلا تحط اللوم علي ..
قام جلس جنبها وهو يمسك كفها ويبرر ويعتذر :أدري الغلط مني بس خلينا نبدأ من الليلة وننسى .. الجوري أنا عازم أعوضك عن اللي فات صدقيني عقب جلستنا الحين وكلامك عن حياتك الماضية اتضحت لي إششياء كثيرة كنت غافل عنها ..
ناظرته : قبل آسبوع كنت منكسرة ورضيت لك تطبطب على أكتافي ,بس المؤمن لايلدغ من جحر مرتين ..
ناظرها بدهشة : بس أنا عازم أتغير ..
الجوري تشبك كفوفها ببعضها : تغير لنفسك ..
سطام : لك ولنفسي وللكل ..
الجوري ناظرته: تلعب على نفسك , ع بالك التغير يجي بين عيشة وضحاها ..تغير من داخلك وتالي من خارجك ..!
(إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ)[الرعد:11
سطام :بتغير وعد ..
الجوري وقفت : قلت تغيرك لنفسك موب لغيرك ..
أخذت لها ملابس ودخلت لاجل تأخذ شاور ..انسدح على السرير ورجوله مدليها من حوافه وهو يفكر ويأخذه التفكير ويجيبه ..
طلعت بعد فترة وكان نايم بنفس طريقته , تقدمت وهي تنزل الشوز وتحطه مكان الشوزات وتالي صحته لاجل يتعدل بنومته , جلس ومسك كفها : مابي انام , الجوري الله يخليك ..
فكت كفها منه وحطته على خده : نام ي سطام ..
غطته زين وجاتها ابتسامه من مسكته ل كفها ويحطها تحت خده .. جلست إلين حسته نام وقامت للصالة مافي عيونها النوم وضايقها ليه تحكي له عن ماضي حياتها المؤلم , ليه لمحت بعيونه نظرة حزن عليها وشفقه وهي الا هالنظرات ماتحبها بحق غيرها فكيف بنفسها ..!
.
.
.
.
.
.
الطيارة ..
كانت الجوهرة مستغربة كثير من تصرف ريان وسفرهم ب ليله عرسهم وجاتها تفسيرات كثيرة بمخها بس من طبعها تفترض حسن النية وهي تطرد هالشكوك وتشوف يقرأ بجريدة من أقلعوا من الرياض ..
شكرت المضيفة ب ذوق على عصير البرتقال ..
حس ب قله ذوقه بحقها وناظرها : حبيتي ليه ما تأخذين شي مع العصير..
الجوهرة : لا , يعطيك العافية ..
ريان : معليش قدمت السفرة بس لازم عشان دراستي ..
ابتسمت : عادي عادي ..
ريان : يعني مازعلتي لاننا سافرنا بليلة العمر؟
الجوهرة : لا , لييه آزعل , المهم هو مستقبلك وأحنا قدامنا العمر كله ..
ريان ابتسم , عجبه بشخصيتها مهيب نكدية وزعولة ..!
أخذت جريدة وكانت ب الانجليزية وهي تقرأ , ناظرها ب استغراب : معليش ع السؤال بس لغتك كويسة لدرجة إنك تقرين هالجريدة ؟!
ابتسمت : آعرف آنقلش وشوي لاتيني ..
ب اهتمام أكبر : جد ..
الجوهرة ب البرتغالية:Sim
سكت ريان بشعور غريب ,ناظرها وهي تقرأ وتالي كمل يقرأ ب الجريدة الثانية ..
عكس الجوهرة اللي ابتسمت لطريقته وطنشت ..
.
.
.
بعد عده آسابيع ..
.
.
.
شقة سطام * الجوري ..
حياتهم مستمرة ولكن ببرود تام من قبل الجوري خاصة من تعب من قبل سطام وعدم رضى استمرار علاقتهم ولو فيها تحقيق لمطالبه من قبل الجوري ..
دخل من شغله وهو يرمي الشماغ ومعصب : آنفصلت من الشغل..
ناظرته ب الامبالاه ..
سطام بصراخ : الجووري , وحده يقول لها زوجها انفصلت من الشغل تناظره وتصد ..!
الجوري بنظرة : طيب والمطلوب آبكي آندب حظي , خلاص انفصلت شسوي لك يعني ؟!
سطام بنفس حدته: آحزني تأثري .. هالحين من وين اصرف ؟
الجوري بنظرة : تلعب على نفسك ب الصرفة, تراه عمي اللي يصرف عليك ..الله يخليه بس ..
ناظرها بقهر وسكت ..
الجوري : وبعدين شركاتكم ماششاء الله بكل مكان ب المملكة ليه ماتشتغل فيها بدال الشركات الثانية ..
سطام : أبوي يبني معاه في مكتبه , يعني دجه مثل الحين مافيه , اطلع معاه من 8 ولامعاي وقت الا وقت الغدا إلين 3 العصر ..
الجوري : بكيفك ..ذا شغلك وحياتك سوى اللي تبيه ..
سطام : يعني أنتي موب زوجتي ؟!
الجوري : سطام ترى موب جو هواش الحين ..
قام من مكانه وجلس قبالها على الطاولة الصغيرة :إلى متى ؟
الجوري تحط خدادية ب حضنها : كل اللي تبيه جالس يصير وش تبي أكثثر ؟!
سطام : ضحكتك تراني مفتقدها , حنانك , أسلوبك اللي معروف مهوب هالجفا ..
سكتت ..
سطام : أبييك أبي الجوري بضحكتها ب شخصيتها المعهودة ..
ماتتحمل أي شخص يكلمها ب حنان , من كثر مهيب محتاجة أحد يلمها ب أحضانه يهون عنها كل ماتعاني منه ضيم وحرمان من صغرها..!
ناظرته وعيونها مغرقها الدمع : أنا تععععبانة بجد تععبانة ..
جلس جنبها وضمها لصدره :ي نظر عيوني ..آسسف على قله ذوقي وسوء أخلاقي آسسسف ..
فجرت كل مابداخلها للمرة الثانية ب أحضانه وهي تعطيه الاذن للمره الثانية وتأخذ العهد منه ب أنه ماعاد يجرحها ولا يأذيها وياترى راح يصدق معها ويصون هالعهد من تجريحه الدائم بحقها ..؟!
.
.
.
بريطانيا ..
يوم التخرج ..
رمت القبعات مع صديقاتها وهم يضحكون بجنون الفرحة ..حست بيدين على عيونها ريحة عطره :حبببببيي ..
تعلقت برقبته وهي تضحك ويضحك معها ويدورها فيها ..
نادر يناظرها ويضحك : ششششقى نزلها وش ذنبي وأنا اتعذب ..
ضحك طارق ونزلها عقب فترة ويضمها : مببروك حبيتي تخرجنا ..
رتيل يدها على خصره وتناظره: الله يبارك بعمرك قلبي..
نادر : مببروك عقبال مانبارك لكم بعرسكم ..
هاني : عاد الحين راح نشوفها بعد مانرجع السعودية ..
ضحك طارق : آيييه بس ابعدوو هناك ..
ضحكوا ربعهم ..
جا أخوها مشاري ومعاه شخص ماميزته من بعيد لانه وقف وهو يكلم..تقدمت لاخوها بسرعة وهي تضمه :حبييييي عزوتي ..
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك