رواية اذا انتثر دمع عينك -18
مشعل يمد الكاس لسمر : سمر خذي وعطيني كاس العصير ..
سمر بسرعة أخذت الكاس منه وأعطته كاس العصير ..
ظل مشعل يشرب رامي العصير بهدوء وشوي شوي .. ظل تقريبا عشر دقايق وهو يشرب رامي بشوي شوي .. وبعدها أكله من الرز ..
جات أم مشعل وهي حاطة يدها على قلبها : ها صحى ..
رامي لف راسه ببطئ لأمه وهو تعبان ويفتح بعيونه ويسكرهم ببطئ شديد : يمـه صحيت .. لاتخافين ..
أم مشعل شافت حال ولدها كل ماله يزيد : مشعل .. يتعشى الحين وتوديه يحطون له مغذي ..
مشعل وهو يحط الملعقة اللي فيها رز في فم رامي : إنشالله يمـه .. لاتحاتين ..
أم مشعل : هذا أنا بجيب الأكل هنا أحسن ..
سمر وقفت تساعد أمها : يلا ..
&&&&&&&&&&&&&&&&&&&&&&&&&&&&&&&&&&&&&&
نروح عند فارس مع سامي ويوسف وصديقهم ..
في المجمع .. في الكوفي توهم جالسين ..
فارس : يوسف .. سامي .. هذا صديقي جهاد اللي قلت لكم عنه .. جهاد .. هذا يوسف وهذا سامي ..
جهاد : تشرفنا ..
يوسف وسامي : الشرف لنا ..
يوسف : جهاد أنت اللي متعرف عليه فارس من النت صح ..؟؟
&&&&&&&&&&&&&&&&&&&&&&&
خلوني أعرفكم على جهاد ..
جهاد شخص طيوب وحبوب ومن النوعية الهادية بس أحيانا يقلب ويصير رجة .. من ناحية شكله لون بشرته قمحي وعيونه مو وساع ولا صغار ولونهم بني غامق وملامحه مخططة وحلوة .. وشعره ناعم وطوله عادي .. وشكله مناسب على شخصيته .. يعرف كيف يقلب الطاولة في الحوار لنفسه .. وعنده أسلوب تحاور وإقناع عجيب ..
&&&&&&&&&&&&&&&&&&&&&&
جهاد ابتسم : إيوا .. شكل فارس فاضحني عندكم ..
فارس ابتسم : ههههه ..
سامي : أنت قدنا صح .. في ثالث ؟؟..
جهاد : يـس ..
فارس باعتراض : لا من قال ؟؟
الثلاثة لفوا على فارس ..
فارس : أنا 19 وأنتوا 18 أنا أكبر منكم بسنة ..
يوسف وسامي رموا عليه ملاعق البلاستك الي على الطاولة اللي كانو ياكلون فيها كيكة .. وبنفس الوقت قالوا : اذلف ..
فارس اللي نقز قبل لاتوصل الملاعق له .. ضحك هو وجهاد : هههههههه ..
سامي : ذبحتنا أكبر منكم أكبر منكم .. يالعجوز ..
الكل : هههههه..
يوسف يشرب من الكبتشينو اللي عنده : تصدقون ودي أسوي عزيمة في بيتنا بس ..
سامي وفارس وجهاد بنفس الوقت : بس شنو ؟؟؟..
يوسف ناظرهم وهو يبتسم : بس ماعندي خوات يستقبلون خواتكم .. أو يرتبون ويساعدون أمي .. أو اخت أتخانق معاها بدل تريييك ..
سامي وفارس سكتوا وحسوا في يوسف ..
جهاد اللي تكلم : عادي يايوسف وحتى لو ماعندك خوات ما راح تتوقف الدنيا .. شوفني أنا مثلا .. عندي خوات أكبر مني وكلهم متزوجات إلا وحدة .. وكل وحدة مشغولة بحالها .. وصحيح عندي أخو .. بس أصغر مني بالمرة .. 6 سنوات ما أقدر أسولف معاه عن اللي أبيه .. يعني انا عندي خوات بس كل وحدة في بيت زوجها .. واللي ماتزوجت مشغولة بالجامعة وماتفضى دايم عشان تجلس معاي .. واخوي بزر ..
يوسف ناظر جهاد وكانه رضى بكلامه : تصدق اقنعتي ..
جهاد اكتفى بالإبتسامة ..
وظلوا يسولفون ويتعرفون على بعض أكثر ..
&&&&&&&&&&&&&&&&&&&&&&&&&&&&&&&&
نروح لبيت بومشاري ..
روان ورهف واقفين في وهم في الصالة لابسين اللي شروا من السوق يورون أبوهم وأمهم ومشاري ..
مشاري يصفر : حلو والله .. أهم شي تكشخون بكرة يوم أخوكم .. إذا ماكشختو بهون
بومشاري : لالالالا .. أنا ماصدقت أنك بغيت تتزوج ..
الكل : ههههههههههه ..
رهف تدور حول نفسها : يبـه .. لاتصدقه .. تراه بيموت ويجي بكرة وحتى لو أنت رفضت .. بيملك بيملك ..
مشاري رمى عليها علبة المناديل : أم لسانين ..
الكل : ههههههههههه ..
روان تدور حول نفسها : شرايك يبـه ؟؟
بومشاري : أكيد حلو لأنك لابسته ..
روان : عيونك الحلوة يبـه .. ها يمـه شرايك حلو مثل أبوي ولا ؟؟..
أم مشاري : لا مدام أبوك قال حلو .. مايحتاج تسأليني ..
بومشاري : تسأل عنك العافية ..
مشاري : لالا أنا ما أقدر .. انا بقوم لا أخترب .. أبغى أخترب بكرة مو الحين ..
الكل : هههههههه ..
رهف : أنت مخترب ومخلص ..
مشاري وهو يصعد الدرج : ههههههههههه انطمي ..
يرن التليفون ..
روان ردت : هلا وغلا .. إيوا .. دقيقة .. رهووووف ملوك متصلة عشان نخطط على بكرة شنو نسوي بمسك .. خبرك لازم نسوي مقلب ولا مايصير ..
رهف رفعت حواجبها بشر : ههه ذكرتيني والله هاتي السماعة ولا قولي لها تكلمني جوال أنا بروح الغرفة ابدل وتعالي إذا تبغين تخططين معانا ..
روان : مايبغى لها سؤال أكيد بجي .. ( وتكلم ملاك ) .. أنا ورهف بنروح الغرفة نبدل وكلمينا على الجوال .. ههههههه .. طيب أحنا بنكلمك .. بايات ..
رهف : شفيك تضحيكين ..
روان : ههه هالخبلة تقول اتصلوا علي أنتوا لايخلص رصيدي .. بخييلة
رهف : هههههههههههه ..
ورقوا الدرج وبدلوا واتصلوا على ملاك وخططوا حق الملكة ..
&&&&&&&&&&&&&&&&&&&&&&&&&&&&&&&&
نروح لبيت بوأحمد ..
أحمد : أجل مشاري نوا يملك خلاص ..
دانيا بفرح : إيوا ..
ياسر دخل عرض كعادته : وأنتي ليه شاقة الضحكة من الأذن للأذن ..
دانة ردت بدل دانيا وهي فرحانة : أخيرا جا شي فرح يونس .. من زمان عن هالأشياء ..
أحمد : يالكذااااااابة .. أنا قبل شهر ملكت ..
دانيا : أنت قلتها قبل شهر ..
أحمد ماسك جواله وقام وهو حاطه على أذنه : هلا بقلبي ودنيتي ..
دانة ودانيا وياسر : أوووووه ..
ياسر : أحمدووه رووح عند مشاريووه عطه كورس بالحب ..
دانيا : لا مايحتاج ولا مشاريووه بالحب ماحد ينافسه ..
دانة : هي أنت اطلع كلم بغرفتك .. مو قدام البزران تخربهم ..
أحمد ناظرهم باطرف عينه .. وهو يطلع لغرفته ..
الكل : ههههههههههههههه ..
ياسر تذكر : هــي هــي انتي من البزران إذا قاصدتني .. تراني أعرف اكثر منك ..
دانة ودانيا رموا عليه الخداديات حقين الكنبه عليه بقوة ..
ياسر مات من الضحك : هههههههههه ..
دانيا : اقول دانة قومي نجرب الأغراض اللي شريناهم ..
دانة : يلا ..
ياسر : لالا .. لاتروحون ..
دانة ودانيا ماعبروه ومشوا .. وهو ياسر بدوره شغل التلفزيون وجلس يتابع فلم أكشن ..
&&&&&&&&&&&&&&&&&&&&&&&&&&&
نرجع لبيت بو مشعل ..
تعشوا وخلصوا .. بس رامي لحد الحين تعبان ..
سمر : وين سامي ..
مشعل : مع فارس ويوسف ..
أم مشعل تناظر مشعل ومشعل فهم عليها قبل لاتتكلم ..
مشعل قام : رامي يلا على المستشفى ..
رامي بتعب : مايحتاج ..
ام مشعل : رامي .. لاتعاند .. وقم روح المستشفى .. ولا ماراح أرضى عليك ..
رامي كل شي ولا زعل أمه : ولا تزعلين ..هذا أنا قمت ..
وقف رامي ببطئ وهو مو قادر يمشي عدل .. فمسكه مشعل ..
أم مشعل : وتقول مايحتاج ..
ودى مشعل رامي المستشفى وركبوا له مغذي .. وحذره الدكتور أنه إذا ما أقلع عن التدخين وهو بهالحال بتزيد حالته ..
&&&&&&&&&&&&&&&&&&&&&&&&&&&&
في بيت بوفارس على الساعة تسع ونص ..
رجع فارس البيت .. وبدل مايتوجه لغرفته توجه لغرفة مسك .. ودق الباب ثلاث دقات ..
مسك : تفضل ..
فارس فتح الباب ودخل : مافيه أحد ..
مسك : لا رنوو توها راحت .. وسارة نايمة من الحين عشان الملكة ..
فارس : وطبعا مافيه دوامات ..
مسك : أكيد .. سارة وملاك وروان ورهف قالوا أن هذي اهم قاعدة بحياتهم .. في أي مناسبة زواج .. ملكة .. ولادة .. لازم غياب ..
فارس : هههههههه ..
مسك : فارس أحسك من اليوم تبغى تقول لي شي ..
فارس حك راسه بتفكير وجلس على سرير مسك : إممممم إيوا ..
مسك : شنو ؟؟..
فارس مسك يدين مسك وقام يلعب بأصابعها : إمممم أدري أن ماعندي سالفة لو بقولك الحين وبكرة ملكتك ..
مسك زاد فضولها وفي قلبها منقهرة من كلمة ملكتك : لا عادي قول ..
فارس لازال يلعب بأصابعها : إممم طيب .. أنا .. أنا أبغى أخطب ..
مسك تناظره بعدم تصديق : طيب بس توك صغير ..
فارس : الله يهديك أنا مو صغير عمري 19 وأنا قلت بخطب .. يعني سنتين بعدين أملك ..
مسك استوعبت وشقت حلجها من الإبتسامة : صدق .. طيب من هي سعيدة الحظ اللي بتاخذ أخوي ؟؟..
فارس ناظرها وهو مبتسم وفيه الربكة .. ومسك من عرفت اسمها طاااااااارت من الفرح ..
مسك : ما أصدق أنك تبغى تخطبها .. وناااااااسة ..
فارس : ها بس الموضوع بيني وبينك .. سأليها بعدين قولي لي ..
مسك وكأنها نست الفيديو ومستانسة من الخبر اللي سمعته من أخوها : ولا يهمك ..
طلع فارس وقلبه يرقص .. ومتأمل على الموافقة ..
مسك ظلت في غرفتها تفكر في فارس وتتخيل أنه يتزوج .. وفجأة قلبت ملامحها للحزن .. وقالت لنفسها "" أنا لازم أقرر من الحين وأعرف الحق "" ..
&&&&&&&&&&&&&&&&&&&&&&&&&&&&
يوم الملكة ..
مسوين حفلة عائلية في بيت بوفارس .. والعائلات اللي حضرت ( بومشاري ـ بوأحمد ـ بوفيصل ـ بويوسف ـ بومشعل ) ..
وطبعا البنات والشباب غابوا عن المدرسة والجامعة بحجة الملكة ..
الساعة ثمان ونص الليل ..
البنات مشغلين دي جي و انواع الرقص والوناسة وكل وحدة بزينتها البسيطة تقول الزود عندي .. والحريم جالسات يسولفون .. وأحيانا يصفقون يشجعون البنات ..
مسك كانت جالسة على كرسي والتوتر واضح عليها وتناظر البنات وهي ترتجف ..
روان تسأل ملاك : ها نسوي المقلب الحين ..
ملاك : لالا لمن يملكون احسن ..
روان : أوكيك ..
&&&&&&&&&&&&&&&&&&&&&&&&&&&
عند الرجاجيل بالمجلس ..
المكان ماليه ريحة البخور والعطور وجالسين يسولفون ينتظرون الشيخ يجي عشان يملكون ..
أحمد : ألف ألف مبروك ..
مشاري : الله يبارك ..
مشعل : لالا يا مشاري .. كيف تملك قبلي ..
الشباب : ههههههههههه ..
ريان : ليه هو أنت خطبت قبل ..؟؟
سامي حط يده على كتف أخوه مشعل وقال بطريقة تضحك : ماعليكم منه بيعجز ولا تزوج ..
الشباب : هههههه ..
مشعل مسك سامي عشان يطلعه برا ..
فارس : على وين ..
مشعل : مستحيل يظل هنا ولا يموت من ريحة البخور .. عنده الربو تعرف ..
يوسف : أها .. ويييييييوووو بيطلع بروحه برااا .. ويييييوووو ..
سامي ابتسم له ومد له لسانه وطلع مع مشعل برا ..
سامي : أرجع داخل ..
مشعل : وأتركك كأنك قطو هنا بروحك .. بصراحة راحمك ..
سامي من داخله منقهر شوي بس ضحك على كلام أخوه : هههههههههه ..
مشعل : تعال خلنا نجلس بالحديقة ..
سامي يضبط غترته البيضا : يلا ..
&&&&&&&&&&&&&&&&&&&&&
عند الحريم
بعد ربع ساعة جات أم فارس لمسك : يلا مسك قومي عشان يسألك الشيخ وتوقعين ..
هنا مسك طاح قلبها من الخوف ومن زود الخوف ماتكلمت ومشت ورا أمها ..
سارة تضرب ملاك بكوعها : قومي نشوف لايفوتك ..
روان نقزت : يلا ..
وراحوا ثلاثتهم ورا مسك وأم فارس يشوفون ..
&&&&&&&&&&&
عند مشاري والشيخ وبوفارس وبومشاري واقفين ورا باب الصالة ..
الشيخ يكلم مسك من ورا الباب : أنتي مسك محمد ال ..
مسك بلعت ريقها : إيوا ..
الشيخ : هل تقبلين مشاري عبدالكريم ال .. زوج لك ؟؟..
مسك بهاللحظة سكتت وماعرفت ترد ..
الشيخ كرر عليها السؤال : مسك هل تقبلين مشاري عبدالكريم ال . زوج لك ؟؟..
ونفس الشي مسك ساكته وماردت .. هنا مشاري طاح قلبه وخاف انها ماتوافق ..
بوفارس يكلم أم فارس : شفيها ؟؟ ..
أم فارس : لا بس يمكن مستحية مسك يلا قولي ..
مسك بصعوبة تتكلم وبصوت خافت: ممموااافقة ..
أم فارس : علي صوتك ..
مسك علت صوتها : موااافقة ..
مشاري هنا طااااااااااااااار من الفرحة ومن زود الفرحة رجع المجلس وهو يركض ..
الشيخ : تفضل يابوفارس عطها توقع هنا ..
بوفارس اخذ الكتاب ودخل على أطرف باب الصالة : أم فارس عطيها توقع هنا ..
أم فارس أخذت الكتاب : طيب ..
ولفت أم فارس على مسك وهي مبتسمة : يلا ياحبيتي وقعي هنا ..
مسك أخذت القلم من وسط الكتاب وهي تناظر مكان التوقيع : ممكن يمه عطيني الكتاب بحطه بالأرض وأنا بجلس عشان أوقع ..
أم فارس عطت الكتاب مسك .. ومسك أخذته وجلست وحطته على الأرض وهي ماسكة القلم وحاطته فوق مكان التوقيع وتناظره مده .. وكأنها تفكر كيف ترسم مستقبلها ..
أم فارس تشجع بنتها : يلا مسووك وقعي لاتخافين ..
مسك جالسة على الأرض وتنفس بسرعة وعيونها غرغرت من الدموع وحطت القلم على الكتاب بهدوء ونزلت راسها ودموعها تناثروا بالأرض وتشهق وهي تبكي: أنا مو موااااااافقة
نهــــــآآية البارت الوآحـــ والعشرون ــد .. ^^
أرائكم وتوقعاتكم تهمني ..^^
&&&&&&&&&&&&&&&&&&&&&&&&&&&&&&
~| البــآرت الثــ والعشرين ــآني|~
مسك جالسة على الأرض وتتنفس بسرعة وعيونها غرغرت من الدموع وحطت القلم على الكتاب بهدوء ونزلت راسها ودموعها تناثروا بالأرض وتشهق وهي تبكي: أنا مو موااااااافقة
أم فارس من المفاجأة تبغى تتأكد أن اللي سمعته غلط .. باستغراب قالت : مسك شفيك يلا وقعي ..
مسك وهي لحد الحين منزلة راسها وحطت يدينها على وجها وهي تبكي وتشهق بالخفيف : أأ.. أأنا مااا أب..أبغـآآه .. مااأبغآآه ..
بوفارس وبومشاري والشيخ سمعوا كلام مسك .. وبومشاري وبوفارس يناظرون بعض ومستغربين ..
بوفارس يتلاحق الموقف : ماعليه يالشيخ ويابومشاري أنتوا روحوا المجلس وانا أشوف السالفة إنشالله كل خير ..
بومشاري وهو يحاول يضبط نفسه : حصل خير ..
وراح الشيخ مع بومشاري للمجلس ..
بوفارس على طول دخل على الصالة بس من الأطرف ..
عند سارة وروان وملاك اللي طلعت عيونهم يوم سمعوا كلام مسك ..
سارة لفت بعيونها على روان وملاك اللي تصنموا يوم سمعوا كلام مسك اللي ماتوقعوه أبدا .. ماحبت أبدا يشوفون شنو راح يصير بعد اللي سمعوه : بنات يلا خلونا نرجع ..
روان وملاك لفوا على سارة وهم في قمه التعجب : بــس .
سارة قاطعتهم بتوتر : خلونا نروح يمكن سوء تفاهم وأكيد أقصد مستحيل ترفضه .. أكيد تمزح ..
روان وهي مومصدقة تأشر بأطرف صبعها على جهة مسك : بس مو كذا مزح ..
سارة مدت يدها اليسار ونزلت صبع روان : روان خلاص ..
ملاك اللي فهمت وبعدها روان فهمت شنو تقصد سارة رجعوا ولا كأن شي صاير ..
&&&&&&&&&&&
عند ناس ثانين شافوا بومشاري والشيخ يرجعون للمجلس بدون بوفارس اللي دخل بالصالة ووجهه شبه معصب .. بس هم مايعرفون ليش.. عرفتوهم اللي كانوا جالسين بالحديقة .. مشعل وسامي ..
سامي لف على أخوه يستفسر من اللي توهم شافوه .. ومشعل بدوره فهم على سامي ..
مشعل : ساميوه ابغى أعرف ليه أنت صرت ملقوف كذا هاه ؟؟.. يا أخي يمكن شي خاص فيهم ..
سامي رفع يده اليسار ورفع صبعه الإبهام : أولا أنا سامي مو ( ويقلد على مشعل ) ساميووه .. ( ويرفع صبعه السبابة يكمل ) ثانيا أنا مو ملقوف ولا راح اصير ملقوف .. ( ورفع صبعه الوسطى وقرب يده من وجه مشعل ) .. ثالثا مايسوى علي .. أنا ما سألتك ولا شي ..
مشعل بعد يد سامي وهو بيقوم : هههههه .. خلاص أكلتني بقشوري .. أقوم أدخل المجلس أحسن لي ..
سامي مسك معصم مشعل وجلسه على الكرسي مرة ثاني : هــي انت .. مو توك تقول ماتبغى تتركني هنا كأني قطو .. أجلس وانثبر ..
مشعل يبغى يرفع ضغط سامي .. رفع حاجبه : أنا أنثبر ها .. أنا أخوك الكبير وتكلمني كذا ها .. شوف لك غيري مين يجلس معاك ..
سامي : ترا إن رحت داخل بدخل وراك ..
مشعل : إذا دخلت راح تتدهور صحتك وتموت ..
سامي رفع كتوفه بلا مبالاة : عادي ..
مشعل حس أن سامي جاد بكلامه فجلس : خلاص .. مالت عليك .. بدوووي وخبل ماتراعي صحتك ..
سامي حط رجل على رجل وهو يبتسم ونزل الشماغ والعقال وخلا الطاقية وميلها لقدام وقام يتكلم بلهجة بدوية مو لايقة عليه : والله على مزاجي .. متى ما صار عندي مزاج(ن) راعيتها .. قال إيش قال خبل .. ما الخبل غيرك .. ياخرووف ..
مشعل فطس ضحك : هههههههههه ترا وقسم وقسم مايليق عليك أبداً ..
سامي فصخ الطاقية وحرك شعره بحوسه وقال بلكنة بريطانية متقنة وحلوة عليه :
Is this what are you wants ? ( هل هذا ماتريديه ؟)
مشعل ابتسم ابتسامة رضا : إيوا هذا الزين ولا بلاش ..
سامي رمى الغترة اللي على كتفه على مشعل : انقلع .. أنا حلو بكل حالاتي ..
مشعل بمزح : لاحول شكل الغرور راكبك راكبك ..
سامي : أحم ويحق لي ..
&&&&&&&&&&&
نرجع عند بوفارس اللي دخل عند أم فارس و مسك ..
بوفارس دخل وهو شبه معصب على مسك .. ناظر أم فارس : ممكن تخليني معاها شوي ..
أم فارس تبغى تظل عشان لايصير شي أكبر : بس .
بوفارس قاطعها بهدوء وهو يسحب نفس : ممكن ..
أم فارس انسحبت بهدوء .. وتركتهم لحالهم ..
بوفارس لف على بنته اللي بالأرض وحاطة يدينها على وجها وتبكي بس بصمت من يوم دخل أبوها .. كسرت خاطره .. بس معصب عليها شوي لأنها رفضته يوم الملكة ..
بوفارس مسك بنته من كتوفها و وقفها على حيلها بهدوء : مسك شنو غير رايك ؟؟..
مسك واقفة قبال أبوها بس لازالت حاطة يدينها على وجها وماردت ..
بوفارس نزل يدين مسك وقال بحنيه : مسك .. ليه رفضتيه الحين .. وانتي كان قدامك فرصتين أنك ترفضينه .. يوم قال لي أكلمك بدون ما أحد يدري و وافقتي .. ويوم تقدم لك قدام الكل وافقتي .. إلا الحين بالذات ؟؟ ليييه ؟؟..
مسك بقلبها "" تسألني ليه يايبـه .. تسألني ليه .. يصاحب غيري .. تبغى أقولك أن ولد أخوك يصاحب غيري .. وتسألني ليه ؟؟ "" وماردت على ابوها بس نزلت راسها ..
بوفارس بهدوء رفع راس مسك وناظرها بعيونها مباشرة : أسف يامسك .. أنا ماعودتك أني أجبرك على شي ماتبغينه .. بس هالمرة أنا مجبور أني أجبرك .. تبغيني أفضلك على فرحة مشاري الحين اللي مو سايعته الدنيا ..
مسك رفعت راسها لأبوها باستغراب من كلامه وبهمس وفيه بحة خفيفة : تجبرني ؟؟..
بوفارس : كان قدامك فرصتين ترفضين .. وترفضين الحين .. وأكسر بخاطر مشاري .. أنتي لازم توقعين الحين .. ولي كلام ثاني معاك بكرة .. (وانحنى وسحب الدفتر من على الأرض وهو يناظر بنته نظرة أمر ) : يلا ..
مسك ودمعة سالت على خدها وصوتها يرتجف : ما أبغااه ..
بوفارس بحزم : مسك .. ماتبغينه ليه هو لعبة تلعبين بالرجال ..
مسك ناظرت مكان التوقيع ورجعت عيونها تغرغر ..
بوفارس بحنيه المعتادة اللي ماقدر يخفيها : مسك لاتخافين .. وقعي .. مشاري مايستاهل رفضك .. ولاتخافين من كلامي لك بكرة .. يلا أنتي بنتي وأنا أعرفك زين ..
مسك تحاول تتمالك دموعها : يبه هذا زواج وماينفع تجرني عليه .. يبه الله يخليك ترضا على بنتك أنها تتزوج وهي مغصوبة ..
بوفارس بنفسه "" يامسك شكل ماينفع معاك إلا الحزم "" بحزم وصرامة : إيه أرضاها إذا تقدم لها مرتين و وافقت ويوم الملكة ترجع بكلامها وتحطمين قلب الرجال فأرضاها .. مسك وقعي ولا تراني لا أبوك ولا أعرفك ..
مسك رفعت نظرها لأبوها وهي تلعن وتسب في أماني على أنها خلتها تشوف الفيديو .. وتفكر كيف راح تكون حياتها مع مشاري وهي مجبورة عليه .. مسكت القلم بخوف .. وناظرت أبوها مرة ثانية ..
بوفارس حب يشجعها يوم شافها مسكت القلم : يلا كلها توقيعة صغيرة وترجعين عند البنات ..
مسك "" ماتدري يايبه ان هالتوقيعة الصغيرة راح تربطني بمشاري "" .. وسمت بالله في قلبها وناظرت بتوقيع مشاري .. و وقعت .. ناظرت توقيعها .. هذا التوقيع ربطها اليوم بمشاري ..
بوفارس تنهد تنهيدت راحه : مسك .. أنا أدري أنك عاقلة وفاهمة .. أنا أدرى بمصلحتك .. ( وتوه بيمشي إلا رجع لها ) .. مسك ..
مسك رفعت راسها وقلها فيه حزن الدنيا : آمر يبـه ..
بوفارس : يمكن يدخل مشاري يلبسك الشبكة .. فابغيك تكوني طبيعية وتبتسمين على الأقل .. ولا تحسسينه يامسك أنك مجبورة .. إياني وإياك يامسك .. فاهمة .. إن سويتي شي يبين أنك مجبورة لأي أحد كان .. حتى لو أمك .. لا أنتي بينتي ولا أعرفك ..
مسك رفعت راسها بقوة لأبوها : هآآه ..؟
بوفارس بصمود : اللي سمعتيه .. ويلا روحي استانسي مع البنات .. لا تضيقي خلقك بأي شي مايستاهل .. ( وطلع ) ..
مسك كلام أبوها يرن رن بأذنها .. ومو مصدقة أن هذا أبوها اللي عمره ماجبرها على شي ماتبغيه صار كذا .. خذت لها نفس عميق وبنفسها "" يلا يامسك .. روحي عند البنات ولا كأن شي صار .. ماعليه كلها كم ساعة وتصيرين بحالك بالغرفة وصيحي لمن تقولي بس اكتفيت .. أبوي قال ما أضيق خلقي .. لازم أفكر بشي حلو .. شي حلو ؟؟ .. إيوا فارس فارس .. يبغالي أكلمها بكرة اليوم مافيه فرصة "" ..
جات أم فارس : ها مسك ؟؟ ..
مسك فهمت على أمها : خلينا نرجع للبنات ..
أم فارس : كذا .. تعالي أوديك دورة المياه أصلح لك مكياجك ..
وراحت مسك مع أمها وصلحت مكياجها البسيط .. وطبعا أول مارجعت مسك الكل قام يزغرط ويصفق ويبارك لمسك .. جلست مسك على الكرسي وهي تضغط على نفسها عشان تبتسم .. أو على الأقل ماتبكي .. وتفكر في فارس وموضوعه عشان تبتسم .. وشغلوا الدي جي .. وجلسوا البنات يرقصون ..
&&&&&&&&
عند بوفارس اللي طلع من الصالة وهو شبه مرتاح من اللي سواه "" أسف يامسك .. كان لازم أضغط عليك واجبرك .. هذا هي مصلحتك .. وراح تشكريني بعدين .."" والتفت على جهة الحديقة شاف مشعل وسامي : شفيكم برا تعالوا داخل ..
مشعل : بس سامي مايقدر على ريحة البخور والعطور القوية .. عنده الربو ..
بوفارس بتفهم : أهآآ .. أجل تعالوا بعد خمس دقايق لاني راح أفتح الباب والنوافذ عشان تخف الريحة ويدخل ..
سامي : لا مايحتاج ياعمي أنا .
بوفارس قاطعه : قلت لكم خمس دقايق وأشوفكم في المجلس .. أنتوا مثل حسبت فارس إذا ماحضرتوا من يحضر ..
مشعل وسامي ناظروه وهم يبتسمون .. وبوفارس رد الإبتسامة ورجع للمجلس ..
أول ما دخل بوفارس الكل سكت .. وعرف بوفارس أن الموجودين عرفوا أنه في شي من وجهه بومشاري .. وتأخر بوفارس ..
بوفارس ابتسم لهم يطمنهم : السلام عليكم ..
الكل : وعليكم السلام ..
فارس : ها يبه .. نقول مبروك .. ؟؟..
بوفارس لف على مشاري اللي واضح عليه التوتر وهو يناظر عمه : ألف مبرووووك منك المال ومنها العيال ..
مشاري بصوت شبه عالي وحماسي : يــــــــــــــس ..
الكل : هههههههههههههه ..
بومشاري ضرب ولده على كتفه : اهجد ياولد فشلتنــا ..
مشاري ولا همه شي : عادي عادي يبـه مو أنت من زمان تقول اتزوج .. خلني أفرح ..
الكل بعد ماسمع كلام بوفارس قاموا مرة ثانية وباركوا لمشاري اللي موسايعته الفرحة ..
وكملوا باقي البيانات ومشى الشيخ ..
عند مشاري..
ريان : أنت مع خشتك من أول ماخطبتها وأنت الإبتسامة من الأذن للأذن ..
تركي دخل عرض : إيوا كأنه أول واحد يخطب .. صح ياسر ..
ياسر بتأيد : صحين ..
مشاري وهو متشقق من الوناسة ولا أثر كلامهم في بسمته : انقلعوا ..
بوفارس : فارس أفتح الباب والنوافذ عشان تخف ريحة البخور ويدخل ولد عمك سامي ومشعل ..
فارس قام يفتح الباب والنوافذ : إنشالله ..
بومشاري يساسر أخوه بوفارس : إيش صار .. ليكون غصبتها ..؟؟ .. تراني ما أرضاها على ولدي وهي مغصوبه ..
بوفارس ابتسم يطمنه : لا لا .. بس تعرف دلع بنات .. تقول صغيرة ..
بومشاري تنهد بإرتياح : ريحتني الله يريحك ..
بعد خمس دقايق دخل سامي ومشعل .. وباركوا لمشاري مرة ثانية ..
يوسف : ها يامشعل .. ماتبغى تسوي مثل مشاري ولا هونت ؟؟..
رامي اللي كان جالس وأغلب الوقت ساكت .. تكلم باستنكار : مــن ؟؟.
مشعل لف على أخوه رامي وحس أنه بدت تتغير نفسيته .. او على الأقل يحاول .. لانه من دخل ولا تكلم .. إلا قليل ..
يوسف : إيه عن مشعل ..
سامي بمزح : يوسفوووه أنت ماتفهم .. هذا مشعل المعنس .. بالله عليك من بتقبل فيه .. صار عجوز ..
الكل : هههههههههههههه..
رامي مسك جزء من خصلات شعره الطويلة وبتحدي وهدوء : أقص شعغي ( شعري ) للنص إن تزوج ..
مشعل بتحدي : راميوه قد التحدي ؟؟..
رامي : وقدوود ..
فارس يصفق : أحلى أحلى .. الأخوان يتحدون بعض ..
فيصل اللي كان حاضر : هههههه شكله ناوي من زمان .. ولا قال لكم ..
الكل لف على مشعل ..
مشعل : ههههه قلبت مخهم يافصيل .. ها راميوه .. لحد الحين على كلمتك ..
رامي : ولا غاح (راح ) أثنيها ..
أحمد لف على الشباب : لا ماكذب فيصل شكله ناوي ..
فيصل يأشر جنبه : تعال تعال .. من زمان ماسولفنا ..
مشعل جلس جنب فيصل .. وهو يبتسم وفي راسه كم فكرة ..
ريان لرامي : أقول رامي شفيك احسك تعبان ومو على بعضك اليوم ..
رامي ببتسامة خفيفة : لا بس صداع خفيف .. شوي ويغوح ( يروح) ..
ريان : سلامات ماتشوف شر .. وإذا تبغى اجيب لك بندول ..
رامي حط يده في جيبه .. مالقى باكيت الدخان : لا مايحتاج .. ( وناظر مشعل وهو رافع حاجبه ) ..
مشعل انتبه لرامي اللي يناظره .. وفهم ليه يناظره ..
فيصل اللي انتبه لنظرات مشعل ورامي اللي يتبادلونها : شفيك وياه .. تناظرون بعض كذا ..
مشعل : لا سلامتك .. بس أنا أخذت باكيت الدخان حقه عشان ينقطع عنه ..
فيصل ناظر رامي : أهآآ .. زين سويت شكل صحته متدهورة وإذا دخن بتزيد ..
مشعل : أقول أنت دكتور صح ؟؟ .. بس شنو ؟؟..
فيصل ابتسم : أحــم إيوا دكتور جراحة ..
مشعل : أهآآ .. ياقوي قلبك بس على هالمجال ..
فيصل رفع كتوفه : إذا انا مادخلت هالمجال وغيري مادخل من ببيساعد الناس في عملياتهم بعدين .. وحتى أنت دكتور على ما أعتقد نفسي ؟؟..
مشعل ابتسم : إيه .. أجل بتصير أبو .. ( ودقه بكوعه بالخفيف ) ..
فيصل : هههه إيه بصير أبو وشكلي بصير جد وأنت ولا راح تتزوج ..
&&&&&&&&&&&&&&&&
عند البنات ..
سارة قربت من اختها وهمس في اذنها : شفيك كنتي تبكين ؟؟..
مسك عرفت أن سارة عرفت بس ماتدري كيف .. فتداركت نفسها بارتباك تحاول تخفيف : لا بس حسيت أني راح أفقدكم كلكم إذا تزوجت ..
سارة اللي مامشت عليها كذبة مسك بس سايرتها .. وهي ناوية تكلمها اليوم بالليل : أهآآ .. من قدك اليوم يومك ..
مسك ابتسمت مجاملة لاختها ..
سارة راحت عند روان وملاك وقالت لهم كلام مسك .. ومشت عليهم الكذبة ..
رهف جات عند ملاك و روان وسارة : ها .. لحد الحين أنتوا معاي بالمقلب ..
الثلاثي : أكييييييد ..
روان متحمسة : وناااسة كلها مسألة وقت ونسوي المقلب .. ساروة جهزتي الكاميرا ..
سارة : ولا يهمك .. جاهزة ..
&&&&&&&&&&&&&&&
نروح لناس نسيناهم شويتين .. اللي في بلد يسموها بدل الحرية والإستقلال
<< أمريكا >> .. عرفتوهم .. طلال ورائد ..
رائد في الكلاس وهو حاط راسه بين يدينه بس يناظر الدكتورة : آآآآآآآخ يالقهر .. مالقت مسيييك تتملك إلا اليوم .. قهههههههر .. ولا أنا خالها الوحيد ما احضر .. كيييييييف .. كييييييييف
طلال اللي لايقل عن رائد في الشعور .. حاط رجل على رجل ويهز رجله اليمين .. وهو ماسك قلم الرصاص ويعض عليه : قســم بالله قهــر .. أورريه مشاريوووه يوم مشينا فكر يخطب ويملك .. هــين يصبر ..
الدكتورة الأمريكية انتبهت لهم وحبت تتسبب فيهم ( طبعا كلامها بيصير بالعربية الفصحى لأنه مترجم ..)
الدكتورة : أنتما أنتبها للشرح ..
طلال ورائد رفعوا عيونهم وكلها تتطاير شرر ..
رائد يكلم طلال : شنو تبغي ذي الهبلة ..
طلال : وأنا شدراني عنها هالخبلة ..
الدكتورة مافهمت عليهم لانهم يتكلمون عربي : أنتما إن لمن تعجبكما المحاظرة تفضلا بالخروج ..
طلال ورائد قاموا .. أهم يبغونها من الله ..
رائد يتكلم عربي وببطئ ويثقل الكلمات عشان يقهرها : على تبـــن محاظرة .. قم قم نتمشى احسن من مقابلها .. متفصخة قدام ربي وخلقه وتسمي نفسها دكتورة .. قم ..
الطلاب العرب اللي بالكلاس انفجروا ضحك : ههههههههههههههههه ..
الدكتورة انقهرت لأنها مافهمت عليه بس حست أنها أنهانت لأن الطلاب ضحكوا ..
الدكتورة بعصبية : أخرجااا ..
طلال ورائد طلعوا من المحاظرة وطلعوا يتمشون يخففون من قهرهم على أنهم ماحظروا ملكة مسك
&&&&&&&&&&&&&&&&&&&&&
نرجع السعودية في بيت بوفارس في المجلس ..
الشباب جلسوا على قلب مشاري يوزون راسه يمين وشمال عن مسك ..
ريان : أقول مشاريوه يالخبل .. ليه جالس هنا .. قم روح عندها شوفها ..
يوسف : إيوا .. الحمدلله والشكر يوم الملكة ولا شفتها لحد الحين .. لو أنا منك أوقع هنا واجلس جنبها على طول مو أجي هنا ..
أحمد : صحيح ما توقعت أنك راح تجلس معانا .. أنا يوم ملكت على طول دخلت عندها .. مو مثلك طايح حظك ..
فيصل : حتى أنا .. أكيد مسك بعد شوي بتتعب وإذا دخلت متأخر بيكون فيها النوم ولا بتعطيك وجه وتقوم عنك بسرعة ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك