رواية بصدري وجع كنت احسبه نام يا صدري -22
دانية : يؤؤ ي سعود مع عيالك ..
فسخت الغطا وتقدمت ل سلطانة :السلام عليكم ..
سلطانة وهي تسلم عليها : وعليكم السلام ,, هلا وغلا ..
ضمتها دانية بحب :اخيييراً شفتتتك ..
ابتسمت سلطانة واكتفت فيها ..
دخل سعود وترك عياله في الحوش وهو يضحك : منيب شايل أي واحد .. ترى راح اعلم عليكم أختي ماترضى علي ..
ضحكت دانية : تعالوا مهوب راجع يشيلكم ..
ابتسمت سلطانة وطلعت للحوش ودموعها تتساقط , جلست على ركبها : ي حبايبي ..
كان سلطان حاط أصبعه في فمه ويناظرها , وسلطانة الصغيرة تناظرها مستغربة..
باست سلطان وضمته لصدرها لفترة وتالي ضمت سلطانة الصغيرة لفترة ..حست بكف أخوها وهو على ركبته جالس جنبها : هذي سميتك ..
ناظرت أخوها ومسحت دموعها وتالي ناظرتها : ماشاء الله تبارك الله يجننون ..
ابتسم : أكييد حلوين لان الغالية عمتهم ..
ابتسمت له وشالت سلطانة الصغيرة ..
سعود :يلا امش ..
ولده يناظره ..
سلطانة : سععود شيله ..
دانية كانت بالباب وتضحك : سلطانة مححد راح يحقد عليك ترى ..
ابتسمت : باين ..
ضحكت دانية :سعود شيله ..
شاله وهو يرفعه بالهوى .. دخلوا وطلع سعود جاب الشنط وحطها في الصالة..
سعود :أعرفك سوس هذي زوجتي دانية وهالحلوة سلطانة عمرها خمس سنوات وهالحلو سلطان عمره 3 سنوات ..
ابتسمت: حبييبي الله يخليكم لبعض ..
دانية :ويخليك ي الغالية .. يشهد الله ياسلطانة بأني حبيتك من كلام سعود عنك ..وغلاتك من غلا سعود وعيالنا ..
ابتسمت لها : ي لباك ..
وقفت ..
سعود :وين ؟
:شوي وراجعه ..
راحت للمطبخ ..
دانية :تششبة لك كثثثير ..خاصة أول ماتزوجنا وكان شعرك طويل ..
ابتسم : اختي عادي تشبه لي ..
دانية : بس ماشاء الله عليها جميله ..بس شفيها تبكي ..
سعود تنهد : ب أسبابي ..
سلطانة الصغيرة: هذي عمه ..
شال بنته بحضنه : آييه بابا .. روحي ساعدي عمه ..
سلطان :وأنا ..
ضحك سعود : روح ساعد عمه بس لاتقلقها ..
سلطانة الصغيرة :هناك راحت..
دانية : آييه ..
سعود يفرك عيونه: ميييت نوم ..
دانية : تعال هنا من امس ادق عليك وتقول مشغول مشغول وين كنت فيه ..!
:العصر وصلتك لاهلك وجلسنا شوي وبعد المغرب جيت لهنا وتالي ملكنا ل مصعب وسلطانة ومن بعدين صارت سالفة لما شفنا بعض سالفة واغمى عليها ومن البارح الين الليلة المغرب في المستشفى ..
دانية : ي قلبي عليها ..
سعود : بعيونها حكي بس ماقالت شي ..بس تبكي محرقن قلبي بكاها ..
دانية : مابي أزيد واتكلم بس اللي سويته مع عمي وعمتي حرام والله ..
مارد ومدد نفسه على الكنبة ..
المطبخ ..غسلت وجهها أكثر من مره ..بمويه باردة لاجل ماعاد تبكي..
مسحت وجهها وهي تناظر عيال أخوها دنقت وباستهم : مارينا شوفي عيال سعود ..
ابتسمت الشغالة : كتير حلو ..
ابتسمت سلطانة : فديتهم وفديت أبوهم ..
مشت ومعها صينيه وأعطت كل واحد صحن صغير لاجل مايزعلون ..
لف سعود :آآوه , ياحظك ي خوك ب المساعدات ..
دانية :هههههههههههه بجد ..
ضحكت وضيفتهم ..تالي جلست وحطت بمخده بحضنها لاجل الالم الجديد من جنبها تشد عليه ويخف ..
سعود صب لها قهوة وأخذ لها من الحلا وقام جلس جنبها :غلا أخوها تقهوي ..
ابتسمت وهي تأخذ منه: فديتك سعود ..
.
.
.
شقه مساعد *لمار ..
كانت تعبانة ومسخنة :مساعد تعبانة ماقدر آنزل تحت تعبانة ..
مساعد : لمار الليلة الخميس اللكل متجمع لازم تتحاملين على نفسك وتنزلين وبعدين شوي وينزل العشا ..
لمار جلست : مساعد تعبانة ماقدر ماقدر ..
مساعد : مالي شغل تنزلين .. كنت تحت وقلت لامي أنك جاية ..
لمار تناظره بصمت ..
مساعد :يلا لمار آنزلي ..
قامت وكلها تعب وهي تناظره بتهديد : راح أنزل ولايهمك بس بعد العشا توصلني لاهلي لاني ماعدت أقدر على تصرفاتك ..!
رجعها على باب الدولاب :لاتهدديني ب أخوانك ..
دمعت : مساعد يدينيي ..
شد أكثر : فاهمه والحين تنزلين وتساعدين خواتي والكل ..
بعد عنها وجلس على طرف السرير :بدلي بسرعة ..
أخذت ملابس وبدلت ..ربطت شعرها بطريقه هاديه وجميلة ..حطت عطر ..وقف وجا يمسك كفها ماتركته يمسكها ..
لفها له : لموور ..
لمار تحس الحرارة راح تذبحها وهو يزودها : مساعد خلاص خل انزل ..
نزلت وتركته وهو يناظرها باين تعبانة بس قال لامه أنها راح تنزل ولازم تمشي كلمته ..
.
.
المطار ..
1 الفجر ..
نزلت من الطيارة وهي ميته تعب آرهاق .. أخذت كل اغراضها وجلست في صالات انتظار مطار الملك خالد ..
أم بدر : يابنتي لازم تجين معنا ..
الجوهرة تعدل عباتها على راسها لاجل ماتطيح : لا تسلمين خاله ..راح اكلم أخوي أكيد للحين سهران بالاستراحة مع ربعه ..
أم بدري : اجل راح اجلس معاك ..
الجوهرة : مايحتاج خالتي ..
أم بدر : راح اجلس معاك وبعدين ولدي معنا ..
الجوهرة: خالتي الديرة الحمدلله آمان والعسكر شوفيهم بكل مكان الله يعطيهم العافية ..
جلست ام بدر ولاسمعت لها .. ابتسمت وجلست وهي تعدل نقابها وتدق على أخوها ..
رائد بصدمة: وشو ؟
الجوهرة : رائد أنا بمطار الملك خالد لاتبطي ولاتسرع ..
رائد : طيب طيب الحين طالع من الاستراحه ..
الجوهرة : لاتسرع ..
رائد ابتسم : طيب ..
سكرت منه ..
أم بدر : أخوك ؟
الجوهرة : آييه جعلني فدوته..
أم بدر: الله يخليه لك ..
الجوهرة : آميين ..
أم بدر: كأن له غلا ..
ابتسمت : لانه أخوي والوحيد بعد ..
أم بدر : الله يخليه لك ..
وقفت الجوهرة : خالتي بروح أخذ الشنطة وبرجع ..
أم بدر : لا والله مب رايحة , ولدي هناك رجال ويجيبها ..
الجوهرة انحرجت : لاخالتي تسلمين وبعدين أنا أعرف شنطتي ..
أم بدر : أجل امشي معي ..
مشت الجوهرة وهي ساكتة أخذت الشنطه ..وتالي رجعت ل صالات الاتنظار ..
أم بدر :كنتي تدرسين هناك وحدك ؟
استغربت من سؤالها : لا , بس زوجي يدرس هناك ..
ب آستغراب أكثر : اجل وينه ؟
الجوهرة تداري إلمها : في آمريكاً عنده كم شغله ..
أم بدر : كان آنتظرتي معاه مهوب تسافرين وحدك من آمريكا لهنا ..!
الجوهرة أخذت نفس : للظروف أحكام ..
أم بدر : الله يعين يابنتي على هالظروف..
الجوهرة : آمين ..
دق أخوها .. انهبلت : وصلت ..!
ضحك : آيييه ترى كلها 35 كيلو ..
بخوف عليه : الله يهديك يارائد ..
رائد :هع , وينك أنتي ورجلك ..
الجوهرة : تعال أنا في صالات الاتنظار ..
رائد : طيب طيب الحين جاي لك ..
صكت منه ووقفت : أخوي الحين جاي..
أم بدر وقفت معها ..
ابتسمت الجوهرة وهي تشوفه يتقدم دقت عليه وضحك وهو يقولها عرفتك ..
سلم عليها :هلا وغلا ..الحمدلله على السلامة ..
الجوهرة : الله يسلمك ..
رائد يناظر : أجل وين ريان ؟
الجوهرة : ماجا ..
رفع حاجب: جيتي وحدك ؟
الجوهرة : آييه ..
بنظره : تمزحين ..!
الجوهرة : رائد راح نجلس نتكلم هنا ..
وجهه خالي من التعابير: نسيت ..
عطته الشنطه وسلمت على أم بدر عقب ماخذت رقمها ..
الجوهرة : أشوفك على خير ..
أم بدر : بحفظ الله ..
مشت الجوهرة مع أخوها وطلعت من المطار لسيارة أخوها ..
رائد وهو يحرك السيارة :الجوهرة صاير بينكم شي ؟
الجوهرة : لا , بس لان حبيت أجي ..
رائد : الجوهرة أنا أخوك شاللي صاير..
ضحكت ولازم تخفي عن الكل لاجل آسباب تخصها: رائد مافيه شي, وريان مافيه مثله بس مليت هناك ..
رائد : ودي يكون هالحكي صحيح ..
ابتسمت: تطمن صح..
ابتسم :آشتقت لك ي المهبولة ..
ضحكت : كان من بدري تقولها ..
ضحك : حبيت اتطمن ..
الجوهرة: مابطلت عادة السهر ..
ابتسم : الدنيا فانية خليني آستانس بشبابي ..
ابتسمت وكملوا سوالف إلين وصلوا للبيت ..
دخل عقب مافتح الباب ب الريموت ..
ضحكت: معاك الريموت ..
ضحك وهو يضمها :ماضميتك قبل شوي بالمطار ..
ضمته : حبيبي ..
وهويبعد عنها :البيت بجد مايسوى بدون سوالفك ..
دمعت ..
رائد : بنت لاتبكين ..صرتي حساسه ..
ضحكت وتغير مودها من شافته ..نزل الشنطة ودخلوا لداخل بيتهم ..
الجوهرة: الكل نايم ؟
رائد يناظر ساعته : الساعه 2 وشوي ..تدرين مستغرب امي مادقت الليلة ..
ابتسمت: أكيد قايل أنك عند أحد خوالي ؟
ضحك : قلت أني بنام ولانيب طالع من بيت جدتي ..
ضحكت : وأنت بالاستراحة طبعا ..
يضحك وهو يدخل الشنطه الاصنصير : أكيد .. بس لاجل ماينشغل بالها ..
الجوهرة تتسند على باب الاصنصير : بموت تعب وارهاق 12 ساعه طيران ..
رائد : الله الله ..
ابتسمت مع فتحه الاصنصير ..
رائد :تعالي نامي في غرفتي وأنا بنام في المجلس ..
الجوهرة : لا بنام في غرفتي مشتاقة لسريري..
رائد: تلاقين الغرفة مهيب نظيفه ..
الجوهرة : عادي .. اصلاً ميته نوم .. رائد لاتقول لاحد أني جيت أنا راح أشوفهم الصبح ..
رائد وهو يدخل الشنطة الغرفة: طيب ..تصبحين على خير..
: وأنت من اهله..
صك أخوها الباب ورمت نفسها على السرير من التعب بالعباية ونامت بسرعة ..
شقه مساعد *لمار..
راح الكل وطلعوا لشقتهم ..
:لمور ..
ناظرته: نعم ..
ابتسم وهو يقرب لها : أدري زعلانه ....
قاطعته : زعلانه مني لاني للحين مستمرة معاك .. معاك شي واحد استفدت منه بأن شخصيتي تغيرت وصرت أقدر ادافع عن نفسي ..لان بعدي عن أخواني خلاني أدير نفسي بنفسي لكن موب معنى هالحكي بأني موب موصله لهم اللي تسويه فيني ..
ينزل شماغه وتقدم لها ويتناسى كلامها : لمور..
بعدت عنه وجلست في الصاله وهي تشغل التلفزيون ..
:ماراح تنامين ؟
:لا ..
مساعد: بس أنتي تعبانه ..
ناظرته بنظره وتالي صدت ..حس وتالي راح للغرفة وتركها لاجل مايبدأ هواش بينهم..
انسدحت وهي تحط خداديه تحت راسها لاجل تنام .. كرهت مساعد وتصرفاته ..
.
.
.
اليوم الثاني ..
امريكا ..
الظهر ..
كان يناظر المكان حوله بصدمة ..روان نايمة جنبه في شقة ..!
قام بسرعة وهو يفتح الباب ويدور الجوهرة ..
صك في باب الغرفه وهو يدخلها : آآآه ..
حط يده على راسه وصحى روان بس لفت اتباهه الدفتر فتحه ولقى المكتوب من الجوهرة غمض عيونه بقوة وركض للجوال وهو يدق عليها دق مره مرتين ثلاث وفي الرابعة ردت وصوتها نايم : ألو ,,
ريان بصوت متروع: الجوهرة وينك ؟
صوته الغير محبب لها خلاها تجلس وهي تغالب النوم بس لازم تتكلم معاه ..:في الرياض..اسمعني(تثاوبت ) مافيه بيينا شي فاهم ..
ريان يقاطعها بعصبيه: شلون في الرياض ؟ وليه تسافرين من غير أذني .. موب معبي عينك ..
بعدت شعرها عن وجهها : كيفي , واسمعني أنت والحقيرة اللي معاك ماتهموني فاهم ..وبعدين أنت حاسب نفسك رجال , لاتخسئ المرجلة بعيده عن شورابك (ذقنه ,لحيته)
صرخ :الجووووهرة سفرتك ماراح تمر مرور الكرام ..
وقفت : تأكل تراب وتنطم فاهم .. ولاتصرخ لا أعلمك أن الله حق وأعلم الكل بسوالفك اللي مثل وجهك ي السكير .. ورقتي توصلني لان مايشرفني أعيش مع واحد مثلك مهوب رجال ..
صدمة , ألجمه كلامها , طلعت قوية ..
الجوهرة بحده: اسمعني حسك عينك أحد يعرف باللي صار , وخلك تجي الرياض وتسوي فيها المحترم وتحاول ترجعني , وقتها راح أخليك تنسى حليب أمك ..
بغيض : الجوهرة ..
الجوهرة : اختار ي سمعتك واشتريها ..
صكت بوجهه ..
جلس لوقت يستوعب ..لف وهو يشوف روان تناظره :ويننا ؟
ريان :في شقتي , والجوهرة سافرت..
روان تفرك عيونها وبضحك :والله , أحسن اتركها وخل نتتزوج ..
وقف وهو يوقفها معه وبنظره احتقار : شوفي أنتي وحده رخصية ارخصتي نفسك لي وراح ترخصينها لغيري ,وكل وقتي معاك لعب×لعب ..
صرخت: ريااااااااااان شكلك باقي سكران ..
بعصبية: لا مو سكران بس حبيتا نبهك .. أحبك لكن اتزوجك لا .. وحبي لك حبي لرغبات تحققينها فقط لاغير.. والا الغلا والحشمية ل بنت عمي الطاهرة..
تبكي وهي تصرخ : انت تقول ماتحبها ..ودائما تجرحها وتسبها ..
سحبها وطلعها من الشقه وهو بقمه عصبيته ,جلس على الكنبة وهو يتنفس بسرعة..
سمع الباب يدق بقوة قام وفتح وهو يهمس : عندي جوهرة ثمينه عفيفه وطاهره أناظر لك ليش ..!
جميلة صح .. دلوعه صح .. أنيقه صح ..بس شي مهم جداً مهوب عندك الاخلاق والشرف بح ..يلا انقلعي لا أشوفك ..
دفها وطلعها برى الشقه وهي باقي بصدمتها ..!
قام من مكانه ولم كل اغراضه وهو كلم صاحبة المبنى لاجل يفسخ العقد .. لم كل أغراضة ..وحجز له رحلة اليوم الثاني للرياض ..
.
.
.
.
.
بيت سلطانة ..
رجعت من شغلها بدري لاجل عطتهم الاجازه الممنوحة لها طبياً ..
ابتسمت وهي تشوف الحركة في البيت ..
شالت سلطان :عطني آموه ..
باس عمته وهو يضحك ويمسك خدودها ضحكت :ي فدييتك تزززنن ..
نزل سعود وكان توه صاحي سلم على أخته وولده يناظره ..
سلطانه : سعود بوسه .
ضحك : لا خليه ..
ضحكت وهي تشوف سلطان يناظر أبوه و راص أسنانه ..
سعود : ولد ترى أنا أبوك ..
طلعت دانية من المطبخ : هلا سوس روحي بدلي سويت الغدا..وأنت انزل عن عمه ترى اسم الله عليك موب خفيف ..
استغربت سعود يضحك لفت وراها وشافت بنتهم لابسه مريله طبخ وبيدها ملعقه ..
ضحكت :يؤ لاتضحكون بنتي سنعة ..
ضحكت سلطانة وطلعت وهي شايله ولد أخوها معها ..
سعود وهو يناظره وتالي ناظر دانيه : دنو آحساس بسعادة كبيره بداخلي ماحسيتها من سنين ..
ابتسمت : الله يدومها ولايفرقكم ..
سعود : آميين ..
غرفة سلطانه ..
نزلت عبايتها وابتسمت وهي تشوف ولد أخوها يرتب العبايه باسته وهي تضحك عليه دخلت بدلت ملابسها وتالي شالته ونزلت معه لاجل يتغدون ..
.
.
.
بيت أهل الجوهرة ..
جففت شعرها وتالي ربطته ورشت عطر وطلعت ..
ابتسمت من كل قلبها وهي تشوف أبوها يمشي ..مشت بخفه وتعلقت برقبته وهي تضمه ..لف بصدمة :الجوهرة ..
ضحكت وهي ضامته : آييه ي نظرها ..
ضحك وهو يحتويها أكثر :حي الله الغالية نوارة بيت أبوها ..
وهي تبوس كفه وراسه : وحشتني ..
أبوها يده بكفها : أجل وش يقول أبوك .. وين رجلك أجل ؟
:ماجا ؟
استغرب: ورى ؟
الجوهرة : لان طلع عنده شغل وجيت هنا مع أم بدر ..
أبوها: الحمدلله اهم شي أن معك احد ..متى جيتي ؟
الجوهرة : رائد امس استقبلني بالمطار آخر الليل ..
أبوها: ماقالي ..
ابتسمت: أنا طلبت منه ..
أبوها : تعالي ننزل تحت ..
ضحكت : تراها ماتدري..
ضحك أبوها: تعالي وراي اجل خلي نسويها مفأجاه .ضحكت وهي تمشي ورى أبوها..
أم رائد : شفيك ؟
ضحك : قلت لك شي ..
استغرب وكملت تسوي الغدا : دامك جيت وعيالك كلن خامد ..
انتهت وبفرحه : جوووهرة ..
تقدمت لامها وضمتها ..
أبو الجوهرة يضحك : وش رايك ..
ضحكت : ياعمري متى جيتي وليه ماقلتي لنا ..
الجوهرة : اببدا يمه وصلت آخر الليل وجابني رائد ..
أمها: وانا اقول شفيه لما صحيته الظهر يقول يمه ماشفتي شي حلو ..
ضحكت الجوهرة ..
أبو الجوهرة : دام جوهرتي جات ودي هي تسوي لي السلطة ..
ابتسمت :من عيوني ..
طلع أبوها من المطبخ وكملت سوالف مع امها وهي تطلع الخضروات وتقطعها لاجل سلطه أبوها ..
.
.
.
العصر ..
بيت أهل رتيل ..
كانت تسمع كلام أمها وجدتها كل شوي تتكلم وأبوها .. كلهم عليهم ضاقت بها الارض بما رحبت ..
رتيل : يمه احكي عربي أنا .. زواج لا ..
امها : الا راح تتزوجين , الى متى راح تجلسين على ذكرى طارق , ترى راح يتزوج وينساك , تلاقينه نساك ..
رتيل غصه بحلقها : طيب عادي خليه ينساني ..
امها تزيد لاجل تكرهه : وبعدين لو يحبك ماكان طلقك بنفس ليلة سفر أبوك .. فيه ناس يجلسون سنين يطادرون في الرجال لاجل يطلق حرمته لكن مايطلق ..
رتيل : يكفي يكفي , طارق أنا عارفه اللي في قلبه ومكانتي عنده وعيال عمي موب متزوجتهم لو تنطبق السما على الارض ..
سمعها أبوها وهذا اللي يبيه : أجل توافقين على الثالث وهو مهوب من عيال عمك ..وغير كذا مالك فرار .. والتحاليل أخذناها من وقت طيحتك بالمستشفى ..
صدمة : يعني مخطط لزواجي من ذاك الوقت ؟!
أبوها : وليه طلقتك من طارق ..!
أمها : الليلة الملكه ..التحاليل وكل شي جاهز وبعد كم يوم العرس ..
أبوها : اختاري أحد الثلاثه ..؟
تناظرهم بصدمة ..
أبوها : رتيل ..مامعك فرار .. تظلين مطلقه لا ..
أمها : اختاري ..
أبوها يضغط عليها بكلام وأمها تضغط عليها من جهه لوقت متواصل حست
راسها راح ينفجر من كلامهم وحكيهم ..
أبوها :روحي يامره جهزي كل شي ..
امها : كل شي جاهز وبكرة الحفلة في القاعة
حست نفسها ماتملك أي قرار .. داخت ورجعت جلست مكانها وهي مسنده كفها بقوة على الكنبة لاجل ماتدوخ ..
أبوها يناظر جواله : المملك جا ..
رفعت راسها : والله ماتزوج من عيال أعمامي كلهم ..
أبوه ابتسم : خلاص لكن الثالث تأخذينه ..
رتيل: بأخذه بس وعد يبه لارجع لك مطلقه ..عاجلا أو اجلاً .. واللي تسويه فيني الله لايسامحك ..
جدتها علا صوتها : رتتتتتيل تدعين على أبوك ..
رتيل: ولدك ظالم وأمي ساعدته .. حسبي الله على كل من دمر حياتي ..
هزته كثير وهزه أكثر اللي تتحسب عليه أغلى عياله رتيل ..اللي عذبها بكل قرارته بحقها ..
تركها الكل حايره جلست قرابة الربع ساعة ..
دخل أبوها : تعالي الشيخ يبي يسمع رأيك ..
رفعت راسها : جيب بوقع بس سماع منيب قايمه..
أبوها : قومي ..
رتيل : إن قمت راح أقول لا ..
مشى من عندها وهو يدعي لها بالهداية ..
أمها : موب صاحية ابببداً ..
ماردت ..
جاب أبوها الكتاب ووقعت ..
جدتها : مبببروك مبببروك ..
أمها تزغد ومستانسسة كثيرة ..
وقفت ..
جدتها: اجلسي أكيد رجلك يبي يشوفك ..
طنشت وطلعت لغرفتها ..
صكت الباب عليها ..وطلعت للشرفه (البلكونه)
تكتفت وهي تفكر للمره الثانية انجبر , للمره الثانية يتحدد مصيري من بعلمي وغصب عني , للمره الثانية آتعذب وترجع المأساه ..
ي الله , كم أكرهه ظلمهم , سلطتهم , ولايتهم ..
آستغلوها وظلموني ..
بدت تتسلسل دموعها بصمت ..
دق جوالها وتركته يرن ولاعطته بال واهتمام ..كفاية اللي فيها ماتبي أحد يزودها عليها ..!
دخل أبوها للغرفة وتالي مشى للشرفه: يبي يشوفك ..
ماناظرته : منيب طالعه ..
أبوها : رتيل امشي وخليك عاقله ..
: الليله منيب شايفته ..
أبوها: لا اله الا الله .. امشي يابنت ..
دخلت أمها : امشي ..
رتيل لفت وبعصبية وصراخ : طلعه موب طالعة .. اططططططلع عني ولا أشوف احد عندي..اتتتتتتتركوني ..اطلعععععععوا ..
سحب أبوها امها وطلعوا ..
جلست على الأرض ودموعها تزايدت : ي الله .. ي الله .
.
.
.
المجلس
عساف وهو مبتسم وبقلبه( عارفك ماتبين تشوفيني أجل لو عرفتي أني أنا صرت زوجك وش وضعك )
أبو رتيل: لاتزعل لكن بكره إن شاء الله تشوفها وخبرك الليله مهيب جاهزه ..
عساف: مهوب مشكلة .. أجل وين مشاري وعبدالرحمن ..
أبو رتيل : مشاري طالع لم خالته ..وأخذ معاه عبدالرحمن ..
عساف وقف : عموماً بلغوهم سلامي ..
وقف ناصر وأبوه معاه ..
أبو رتيل: خلك معنا ..
ابتسم : الجايات أكثر ..
طلع مع أبوها وحدهم ..
عساف وهو مبتسم : عطني رقم الحساب وراح أحول خمسة مليون الليلة على الحساب وبكرة الباقي أعطيك بشيك .. وكل الشروط اللي انكتبت واللي مانكتبت راح تتنفذ ..
ابتسم أبو رتيل : عارف وشيئاً عندك مهوب ضايع ..
عساف ابتسم وتركه عقب ماتكلموا شوي عن الملكة ..
.
.
.
المغرب ..
شقه سطام * الجوري ..
سطام كان لابس ثوبه ويعدل الكبك ..
دق جوالها ودخلت للغرفه ناظرته بنظره كسيره ورفعت عيونه عنه : هلا مصعب ..
رفع راسه بسرعة يناظرها ..
الجوري وهي تطلع من الغرفه : لا مرني بعد صلاه العشا ..آووكي ..انتبه لنفسك ..يحفظك ربي ..
نزلت جوالها ..وهي تسمع سؤاله : وين طالعه ؟
الجوري : وين اطلع موب شغلك بس حبيتا قولك راح اطلع مع مصعب ..
: طيب براحتك اطلعي معاه عادي ..
لفت له : وقولوا لك بأخذ رأيك أو رأي غيرك .. راح اطلع مع مصعب ومتى مابغيت وراح آشتغل ..وأنت وأبوي حولوا سلطتكم علي غيري ..
: أنا مقدر أنك متضايقة وكارهتني الحين ....
قاطعته: وراك عرس ..
بقهر : ماتغارين ..!
ابتسمت وهي تناظره : تدري ليه لانك تبطي تلاقي بجمالي ببنت خالك أو غيرها ..
ناظرها بقهر أكثر ودخل للغرفة ..تكت على الكنبة وهي تناظر التلفزيون وعيونها مغشيها الدمع وساكتة لاجل ماتبكي وتخربها قدامه وهي ماتبي يشوفها ذليله أكثر ..!
.
.
.
العشا ..
الملاهي ..
جلست جنب خالتها ومحمد ..
محمد يضحك : متزوج طفله ..
خالتهم ضحكت : توك تدري ..
قامت لاجل تشوف عيالها ..
مسكت كفه : محمد إلم ب أسفل ظهري وبطني ..
يناظرها :من متى ؟
كادي : من المغرب ..
وقف : خلي اكلم خالتي وأرجعهم وتالي أدويك ..
كادي :لا ..شوي ويخف ..
محمد بخوف: لا وين شوي ويخف من المغرب يألمك ..
كادي خلته يجلس : عادي راح يخف ..
ناظرها : لا منيب متطمن ..
وقف ومشى لخالته ..
خالتها وهي تناظرها: وصابره على الالم الله يصلحك ..
كادي : عادي شوي ويخف ..
محمد شايل ولد خالته : مشينا ..
قامت مع خالتها وعايلها ..
ركبت خالتها قدام وهي ورى مع عيال خالتها ..
كان قلبه معها كل شوي يلف ويسألها ..
نزل خالتها وعيالها ..
خالتهم : طمنوني ..
نزلت كادي وركبت جنبه :خالتي لاتقولين لجداني ..
خالتها: ان شاء الله ..
دخلت خالتهم وعيالها للبيت ..
محمد : هاحبيبتي خف الالم ..
كادي بألم : لا .. أحس بحرقة وشي قوي ..
مسك كفها :هينه إن شاء الله ..
عشر دقائق وهم بالمستشفى ..
في الطوارئ حولوهم للدكتورة نساء وولادة..
كادي :محمد ليه كذا ؟
محمد :مدري ..
دخلوا للدكتورة ودخلت للفحص السريري ..وهو يرد على خالته : خالتي الحين حنا عند الدكتورة لما اطلع اكلمك ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك