رواية افهم ترانا لايقين لبعضنا كنك نهائي الكأس وانا هلالي -24
ام راشد بضعف : الله مايخفى عليه شي وان كان كذبت باللي قلته جعلها فيني وبعيالي
ام ياسر تطالع ام راشد اللي باين على وجهها الجديه
ام راشد :روحي اسألي الناس عن ابو راشد اللي اختفى من درى عنكم الله لايوفقه بحياته صدقيني ياام ياسر انا مانطقت بشي الا لما دريت عن اللي سواه ظالم ولايخاف من ربه ظلمني وظلم عيال اخوي معي صدقيني ياام ياسر صدقيني
ام ياسر بهدوء وهي تبلع ريقها :مصدقتك ياام راشد مصدقتك
ندى تبتسم بفرحه وهي تلتفت على عهد
ام ياسر :سامحيني ياام راشد على كل اللي سويته فيك ..
ام راشد :بس ياام ياسر لاتعتذرين ماانسى جميلك يوم تنازلتي عني علشان تلمين شملي مع عيالي مانسيته وماني ناسيته طول عمري وكل اللي سويتيه لي من حقك تسوينه واستاهل كل اللي يجيني منك
ام ياسر تقرب وهي تحب راس ام راشد ودموعها على خدها
ندى قامت بفرحه وتضم عهد لها هديل تقدمت بسرعه تضم ندى
الســآعه 10 الليل ...
رجعت ريم من السوق وهي حاسه بأرهاق كبير خلاص انهت كل شي وبقى هالاسبوع ترتاح فيه انسدحت على السرير وهي تتألم من ظهرها
حتى ارتااحت شوي اخذت الجوال اللي يدق ابتسمت بحب :اهلين
سعود ينتظر لمياء تطلع له من المول :هلاحبيبتي
ريم:هلافيك
سعود: ابي هاالايام تسررع مشتتتاق لك عذبني اخوك هذا
ريم :ههه وانا اكثر
سعود:اكثر ايش..؟
ريم بخجل:مشتاقه لشوفتك
سعود طالع اخته لمياء جايه: حبيبيتي لمياء اختي جايه اتصل فيك اول ماارجع من البيت
ريم بحنان:طيب انتظرك ..
دقايق ودخلت ندى :ريم جيتي..؟
ريم : وينك اتصل ماتردين
ندى: كنت طالعه مع امي في شي بقوله لك
ريم :ايش
جلست ندى مع ريم وقالت لها كل اللي صار
فتح ياسر باب الشارع ودخل قابله جاسم اللي بيطلع :هلاياسر ابشرك انقبلت بالوظيفه
ياسر فرح له لاكن يشوف بوجه جاسم الشي اللي يضيقه نطقها ببرود:مبروك يالغالي بعده خلاه وراه ومشى لامه
جاسم يكلم نفسه :ايش فيه علي هذا ..؟!
ياسرمقرر يكلم امه بموضوع عهد مره ثانيه وهو يتمنى انها متمسكه برايها ومازالت رافضه حتى يمسك بخيط امل ان ياخذ ساره لو بسيط وراح يقول لريم وهي تتصرف مع جاسم بس باالاول ادخل اقول لامي الحين حتى يرتاح ضميري واخبر سامي بأن امي رافضه
ضرب الباب عليها وهي تستعد تنام :هلا بوليدي
ياسر يبتسم بحنان :ازعجتك..؟
ام ياسر :لا توني مانمت بغيت شي حبيبي
ياسر يدخل :بس بتكلم معك شوي
ام ياسر تعدل جلستها على السرير وتجلس :في ايش
ياسر يجلس على طرف السرير وهو يطالع الارض :بخصوص عهد
ام ياسرحزنت على عهد:ليش سامي يطلقها وش ذنبها
ياسر يطالع امها:يمه غصب عنه يبي يضمن حياتها
ام ياسر سكتت وهي تفكر
ياسر :يمه ماابي ارد سامي وهو بهاالوضع
ام ياسر :خلاص ياوليدي سو اللي انت مرتاح له وعهد تستاهل اللي يقدرها وبيعوضها ربي
ياسر وقف مصدوم :يعني موافقه
ام ياسر تبتسم:اي الله يوفقك ويفرج على سامي قريب
ياسر ساكت وهو مو مستوعب
ام ياسر :اجلس ياسر ابتكلم معك بشي
ياسر يتقدم ببطئ وهو مصدوم كثير
ام ياسر: عمتك..؟
ياسر :وش فيها
ام ياسر : تدري ان اللي قتل ابوك زوجها
ياسر يناظر امه وعيونه تستفسر بأنها توضح اكثر
ام ياسر :ياوليدي بانت الحقيقه ومصير كل مظلوم ينصره ربي بعدها قالت له كل شي صار ...
السبت ...الساعه 7 الصباح ..المنبه يرن عند راسه صحى بسرعه وهو يطالع الساعه ماحس بنفسه وهو نايم طول هاالوقت من بعد ماكلمته امه عن عمته وانها موافقه ياخذ عهد وغير كذا اكتملت عليه بانهم راح يتقدمون لساره اليوم دخل لغرفته منهار وماحس بنفسه الا الحين مسك راسه يخفف هاالصداع عنه وهو يهمس بينه وبين نفسه جاسم بيتقدم لساره؟؟ خلاااص..!! رفع اللحاف بتعب وقام يستعد للدوام فتح الباب وطلع من غرفته قابلته ريم اللي جايه من تحت ناظرت ياسر باين عليه التعب وازارير ثوبه مفتوحه والشماغ على يده سرحان لدرجه ماحس بوجودها بعدها نزل
حاسه بياسر انه في شي نزلت راسها ودخلت لغرفتها حتى هي النوم مجافيها من بعد ماقالت لها ندى عن عمتها.؟ اخذت جوالها تتصل بسعود تصحيه للدوام :صباح الخير
سعود وراسه على المخده وصوت كله نوم على شويه فرح :صباح الحب والشوق
ريم بحنان :صاحي
سعود:اي قلبي صاحي
ريم تبتسم:مو ترجع تنام
سعود يبتسم:واللي يتصبح بها الصوت له نفس ينام
ريم :طيب يله اغسل وجهك علشان ادري انك ماراح ترجع تنام وانا ارجع اتصل فيك
سعود:ماطلبتي شي ياعيوني
حرك ياسر السياره وهو ماله خلق للدوام ابد لاكن لازم يخزن هاالحسابات المهمه رفع عيونه على الطريق بسرحاان: تذكر عهد كيف بتقتنع فيه بعد طلاقها مو بهااالسهوله راح توافق شلون راح من باله هاالتفكير بس سامي كأنه ضامن انها راح توافق لازم اروح لسامي قريب حاس انه فقد الامل فيني اسبوعين وهو ينتظر قراري الاخير حس باالقهر لما جاء في باله جاسم رغم انه راح يرتبط بعهد قريب زاد من سرعته حتى يلحق على الدوام ويحاول يطنش هاالافكار.
فتحت منار عيونها بثقل على الحلم اللي يتكرر عليها ماحست بطعم النوم من اسبوع احلام تزعجها كلاب تلحقها وبدل ماتصرخ بصوتها تصرخ بصوت خالد اللي باين عليه يتعذب غمضت عينها وهي تحاول تبعد عنها هاالحلم ماتدري ليش من ثلاثه ايام وهي تحس بندم على اللي سوته لاكن كانت تتذكر مواقف خالد معها حتى قلبها يقسى ولاتحن عليه بيوم..! تقلبت يمين ويسار وقدرت تناام من جديد..
بعد ماتعمقت باالنوم قامت مفجووعه وهي تصرخ من هالكابوس الجديد كان غير عن الاحلام اللي تتكرر حطت يدها على قلبها تحاول تهدي انفاسها حست ان جسمها ارتخى من الخوف رفعت عينها للسقف وهي سرحاانه قاامت بسرعه ترتجف ضميرها الميت بدا اليوم يفوق ماتحملت تنتظر اكثر من كذا لبست عبايتها وطلعت من الشقه كان الوقت مبكر والحارس بغرفته لسى صاحي مانتبه لها
اضطرت تمشي على رجلها مسافه بعيده حتى وصلت للبيت وقفت عندالباب بتردد وضغطت على الجرس لاكن مافي رد ولااحد فتح لها جلست على الدرج عند الباب حتى ترجع العجوز انتظرتها وقت طويل تحت الشمس الحاره قربت الساعه عشر لمحت العجوز جايه للبيت وقفت وهي دايخه باين الشمس اثرت عليها
شيخه تشوف منار بشك وتتأكد
منار وهي مرتبكه:خاله انا منار
العجوز تفتح الباب بالمفتاح:ماقلت لك ماعاد اشوف وجهك هنا
منار بأستعجال قبل لاتدخل البيت :خاله ابي اقول لك شي
العجوز فتحت الباب بتدخل تقدمت منار لها بسرعه لاكن انصك بوجهها
طالعت الباب وهو ينصك بوجهها بقهرر قربت تضرب الباب بقووه لاكن ماحصلت غير التجااهل نزلت يدها بيأس وهي تتلفت بخوف من هالشارع
سعود حس انه انشغل عن منار كثير طول هالاسبوعين شاف الساعه بعدها قام يطلع لها شوي ويرجع للشغل
بعد ربع ساعه دخل الشقه وراح لغرفتها حصلها مفتوحه ومنار ماهي موجوده دور عليها بكل مكان ولاحصلها بعدها سمع مفاتيح الباب باالشقه اسرع وهو يتمنى انها منار اخذ نفس براحه وهو يطالعها
منار خافت من وجود سعود نزلت راسها تاركته ومتجه لغرفتها
سعود مستغرب وين هي طالعه كان خايف عليها هي بنت وبأي لحظه راح تتعرض نفسها للخطر التفت عليها يسألها بجديه حتى تحس انه يخاف عليها:وين كنتي ..؟
منار وقفت وهي معطته ظهرها بعدها تجاهلته واسرعت لغرفتها وقفلت الباب
سعود احتار ايش يسوي معها حتى وين كانت هاالفتره ماسألها لاجل مااتحس انه ينزعج من تواجدها جلس باالصاله وهو يفكر ايش يسوي راح يتزوج ويسافر ومستحيل يخلي منار لحالها باالشقه عجز يلاقي حل بعدها طلع للمدير يستفسر عن اذا قدرو يوصلون لتركي ..
منار وقفت وراء الباب تنتظره يجي وراها لاكن سمعت باب الشقه ينفتح :شكله طلع قربت عند السرير وهي تفكر بااللي صاارطالعت السرير بتعب للحين تسمع صراخ خالد يتكرر بأذنها وضميرها يعذبها اكثر واكثر سحبت دفترها ودموعها على خدها هذا متنفسها الوحيد تكتب اللي بداخلها علها ترتاح
العصــر.. ريم باالمطبخ واصوات اخوانها واصله لها تسمع تعليقات ندى وبدر على جاسم ماتدري ليش عجزت تنبسط لجاسم حاولت تتصنع الفرحه له حتى ماتكسر بخاطره غلاته من غلاه ياسر مدت يدها واخذت كاس العصير وطلعت لاخوانها المجتمعين ماعدا ياسر
دقايق ونزلت ام ياسر وهي مستعده تطلع لام نواف حتى تكلمها عن جاسم
ندى بأبتسامه: تطلعين يمه الحين
ام ياسر :اي تروحين وياي
ندى تطالع ريم:المفروض ريم تروح وياك
ريم وهي تصرف:وين انا عروس مااطلع هاالفترره لاحد
ندى توقف :طيب يمه اروح معك
ام ياسر:لااجلسي ربع ساعه علشان تخلصين
لبست عبايتها وطلعت ..
ندى :ياهووو ياجسووم من قدك
جاسم حس الم بجنبه تألم بصوت خفيف
ندى:شفيك جاسم
جاسم :مافيني شي عادي الم يجي ويروح
محمد وهو حاط رجل على رجل بالصاله لمح سمر بتطلع :وين طالعه
سمر ياللي ملت من معامله محمد القاسيه سبته بداخلها قبل لاترد عليه:مع صاحبتي
محمد:مافي طلعه
سمر:يعني كيف انسجن هنا الى متى وانت تمنعني اطلع
محمد:كلمه وحده ولاتخليني اعصب
سمر: الواحد يعيش عندك بمذله انا لو معي قرش ماانتظرت هاالمده عندك
محمد يبتسم على عصبيه اخته وهو متعمد انه يقسى عليها حتى ماتكرر غلطتها ولاتنجرف وراء مشاعرها من جديد:يعني تعاندين ..؟
سمر :اوووه خلاص بلاها طلعه اموت بغرفتي احسن دخلت غرفتها وقفلت الباب عليها
محمد يتنهد:الله يرحمك يايمه اه لو بس عايشه تشوفي عيالك ايش صاير لهم
سمر تجلس على الارض وهي تحط راسها على السرير وتبكي بقهر
الاربعاء...
الساعه 2الليل ..
عبدالعزيز : حبيبتي متى اشوفك
نوف وهي مالها خلق له قررت تنفذ اللي تفكر فيه ومافي احد راح ينفذه لها الا عبدالعزيز فكرت تكسبه لها هاالاسبوع حتى ينفذ اللي تطلبه وبعدها تنهييه من حياتها وتغير رقمها غافله عن ان عبدالعزيز يعرف عنها كل شي لاكن كان مخبي عليها ..:بهاالسرعه تبي تشوفني وانا تو علاقتي معك بسيطه
عبدالعزيز:انا احبك يانوف واموت فيك ليش تقولين علاقتي بسيطه
نوف بدلع :يعني تبي تشوفني قريب
عبدالعزيز:اليوم قبل بكره
نوف :اوكي حبيبي بس بشرط
عبدالعزيز:امري مابينا شروط ياقلبي انتي
نوف :اممم بأطلب منك حاجه وابيك تنفذها
عبدالعزيز: لاكن بعدها اشوفك
نوف :اكيد
عبدالعزيز: اليوم انفذه لك
نوف :ابيك تنفذه لي بكره
في بيت ام ياسر
جاسم : تتوقعين متى بترد ساره علي
ندى:خليها تاخذ قرارها على راحتها
جاسم : المشكله حتى ريم ماوضحت لها انها موافقه علي اولا
ندى:ريم مشغوله بكره زواجها والوحده تنسى نفسها
ندى : الله يوفقها يااخوي ..اه فديتك خيتي ماتدري قد ايش انا اللي بفقدها اكثر
جاسم :الكل بيفقد لسانها هاالبنت ياالله بسك سهر واطلعي نامي علشان تطلعين بكره احلى وحده باالحفل
ندى بثقه :اكيد
جاسم:ياواثق
ندى بضيق:جاسم ياسر ماهو طبيعي هاالايام قلبي موجعني عليه
جاسم يتذكر معامله ياسر معه:اكيد مضغوط من الشغل
ندى وهي توقف:يارب يكون من الشغل ولاشي ثاني يالله تصبح على خير
في اليوم الثاني يوم الخميس
بفلــه محمد...
الممرضه تضرب الباب على سمر
فتحت سمر وهي تطالع الممرضه تطلبها تجي عند خالد تركت سمر الباب وتوجهت لخالد خبرتها الممرضه ان انفاسه سريعه
سمر تمد يدها تتحسس انفاس خالد كانت سريعه وكأنه يركض قربت اذنها عند قلبه وهي تسمع ضربات قلبه السريعه ارفعت راسها بخوف تردت حاله خالد اكثر واكثر نزل من وزنه عشرين كيلو صار جلد على عظم
اتصلت سمر باالدكتور لعل يكون فيه امل ويعرف حالته بعدها طلعت تدور على محمد اللي من فتره ماكلمته لاكن كان طالع ..
الساعه عشر الصباح..باالرياض
عدل لثمته باالشماغ ضرب الشباك و تهشم القزاز نزل رجله بحذر وبعدها نزل الرجل الثانيه كانت الشقه هاديه راقب الوضع زين فتح الغرف ان كان احد فيها قرب بهدوء عند الحمام وهو يسمع صوت الماء
تخبى وراء الكنب حتى يتأكد من اللي موجود باالداخل دقايق وطلعت منار وهي لافه الروب بعد مااخذت شاوروتمشي بخطوات سريعه لغرفتها قبل لايدخل سعود ويصادفها
تأكد من المواصفات وقف بعد ماضمن ان الشقه مافيها احد قدام وجهها
منار شهقت بخوف وهي لامه الروب عليها بقوه طالعته بنظرات بريئه تسأله من يكون؟؟ وهي ترجع بخوووف
اسرع لها وسد فمها بيده الخشنه سحبها لغرفتها وهي تصرخ وتشد يده اللي ماسكها بقوه حتى اعتدى عليها بوحشيه..؟بعدها فتح الباب بهدوء بدون مايقفله حتى مايسمع الصوت احد وينتبه له نزل بسرعه
ماريا تطلع من المطبخ :اهلين حبيبي تأخرت كثير
فارس ينزل تركي من على اكتافه :دوخني توتو
ماريا تضم تركي :اخ منك تدوخ بابا
فارس يدف العربه:ماريا طالعي
ماريا :ايش هاالاغراض تعبت روحك
فارس :لعيون تركي يهون كل شي
ماريا تبوس فارس :الله لايحرمنا منك
فارس يحس انه ماهما سواء مع ماريا مايكفي تحملت مرضه وعقمه لاجل تسعده وتوقف جنبه حاول يعوض عجزه بتركي لعله يملي عليه حياتها
اخذت ماريا الاغراض ومعها تركي وضحكهم مالي البيت
ريم ماعرفت تناام قامت بطفش وهي تحاول تنام لو ساعه رجعت راسها على المخده وهي تفكر براحه تحس فرحتها غير جاء اليوم اللي تتمناه مر على بالها منار تذكرت كلام اخوها ايش قصده بأنها ماتت هذا متخلف ولاايش اتصلت بساره اللي مجافيها النوم رفعت السماعه بسرعه
ساره :ريم في شي
ريم :بسم الله مافي شي
ساره :ليش متصله هاالوقت
ريم :طفشانه ماجاني النوم
ساره اخذت نفس :حتى انا
ريم :ليش
ساره :افكر ..
ريم :بجاسم
ساره بأرتباك :ايوه
ريم حاسه باالقهر :لاتستعجلين باالرد حبيبتي
ساره :اوكي
ريم : ساره قلقانه حيل
ساره:ياقلبي عادي اي عروس تتوتر وتقلق
ريم :مو قادره انام ابي ارتاح
ساره :خلينا نسولف مع بعض حتى ننام
ريم :اوكي قلبي منار جايه على بالي اليوم
ساره:وحشتني كثثثثير
ريم :ليت اسمع عنها اي شي يطمني ..
مرت نص ساعه حتى قدرت ريم تنام .....
الساعه 11الصباح
رمت منار الروب بقرف حست بدوخه براسها بعد ماانضربت لبست ملابسها وهي ترتجف طلعت تمشي بلاهدف باالشقه وهي تتمايل من الخوف والرعب والمذله وقفت باالصاله تطالع المكان بصمت ودموعها تنزل على خدها تقدمت بخطوات بطيئه للمطبخ بعدها طاحت على الارض منهاره تأن بألم نزلت عينها على السكين الحاد تطالعه تخيل لها صوره خالد وقفت بأستسلام وتقدمت وهي تمد السكين له حتى اختفت الصوره اللي تتخيلها رفعت يدها لفوق وبكل قووه دخلت السكين لقبلها نزف الدم وهي واقفه وانفاسها تهدى اكثر واكثر رفعت عينها للسقف بهدوء كأنه تودع المها وشقاها وحياه التعاسه بعدها طاحت غرقانه بدمها ...
خلونا ندخل على
البــآرت ..22
خلاص ابرحل والسبب كثر الاحزان وقلوب ناس ظالمه ماارحمتني
عمري بقايا جرح واهات واحزان عمري سنين بائسه مارحمتني
عمري الم غربه مع جور الازمان عمري سراب والصحاري خذتني
عمري قضيه بين خاين وخوان اخلصت حبي والقلوب اخدعتني
كلي جروح وداخلي قلب ضميان اشرب همومي والالم فوق متني
عمري ظلام وحزني وجرح خلان خلي ظلمني ودمعتي احرقتني
عمري سجين وضحكتي خلف قضبان مظلوم في دنيا رديه اظلمتني
عمري زهر بس للاسف صار ذبلان وكل البحور بكبرها ماسقتني ..
ياللي بتسألني ترى الجرح ماصان الاجروح وسط قلبي غزتني
وعيوني ياللي دمعها فوق الاوجان دموع من ظلم الحبايب كوتني
~~
اخذ نفس بعد مابعد مسافه بعيده مد يده بسرعه يفك اللثمه رفع الجوال فتش على الصور وجمعها برساله وارسالها لنوف..
نوف تمشي باالغرفه بتوتر تنتظر اتصاله سمعت صوت مسج فتحتها بسرعه طالعت الصور ومن غير شعور غمضت عيونها رجعت تفتحها وهي تدقق بملامح (منار) اذا هي او لا ابتسمت ابتسامه تحدي.. قطع عليها فرحتها اتصال عبدالعزيز( كشرت وجهها طنشته وجلست على السريروهي تحط رجل على رجل وتتنهد :اخيرا تنفذ اللي في بالها ههههه وااو الحين انفتحت نفسي احضر زواجه قامت ونزلت تحت لامها والفرحه باينه على وجهها
عبدالعزيز كرر الاتصال لاكن مايلقى رد :افف ليش ماترد .. ؟!
حرك سيارته وهو يتصل فيها مره ثانيه ..حط يده على شعره وهو ينتظره ترد ولافي رد طالع الجوال بأستغراب كانت نوف تنتظره والحين ماترد رجع يتصل كذا مره ..:لايكون نامت هاالغبيه ..؟
الجازي تفطر مع سالم ..ابتسمت بحنان وهي تشوف نوف نازله من الدرج:هلاببنيتي هلا
نوف تبتسم و تبوس راس امها
الجازي حست براحه وهي تشوف نوف مرتاحه من جت من ابها ونفسيتها زفت :تعالي حبيبتي افطري ..
نوف بدلع :ماما ابي اطلع اتسوق باقي ماشريت فستان لزواج سعود
الجازي مستغربه من نوف :لا مو انتي تقولين ماراح احضر
نوف :امم لا خلاص ابروح
الجازي :خلاص اطلعي اخذي لك احسن فستان
سالم يشرب الشاهي :لاتطلعين مع السواق ابوصلك انا...
طلعت تتسوق حتى مرت ساعه حصلت غرضها بسرعه وطلعت من المول وهي متضايقه من اتصالات عبدالعزيز ...
نوف :ياربي من هالغثه طنشته وركبت مع سالم
عبدالعزيز مل من كثر مايتصل جلس يفكر بينه وبين نفسه لايكون تلعب على حبلين هذي ؟؟! (تنرفز منها )وارسل لها (حبيبتي وينك ..؟
طالعت رسالته وهي تضحك على غباءه وبهمس بينها وبين نفسها:غبي غبي صدق ههه
الســآعه 10 الليل .. زواآآآج سعود وريم ...
نحتفل نضوي الشموع و نبتسم للحب
نجدد أيام السعاده و الهوى فينا...
ريم :تعبتك معي حبيبتي
ساره :اذا ماوقفت معك من اوقف معه
ريم وهي تتأكد من الميك اب :ربي لايحرمني منك ..
طلعت ندى من ريم واتجهت للقاعه تستقبل الضيوف والبسمه مافارقتها كانت لابسه فستان ابيض وبخصرها حزام فضي عريض صايره مميزه بين الحضور
قربت عهد بجنبها مدت ندى يدها بحب حتى قربت جنبها عهد باين عليها الارهاق والهم رغم انها حاولت تخفيه باالمكياج مسويه شعرها كيرلي ولابسه فستان ذهبي ناعم
ندى:وين عمتي ..؟
عهد تلتفت على امها اللي مع ام ياسر :هناك
ندى تطالعهم وهي تبتسم براحه
ام يوسف تسلم على ندى ولمياء وراها لفت راسها واستغربت من نوف اللي داخله
نوف كانت لابسه فستان توب لنص الفخذ وردي مع فضي مبين جمال جسمها ونعومتها قربت للمياء وهي باين على وجهها الشماته :اهلين
لمياء تسلم عليها ببرود وتحاول تغيظها:غريبه جايه؟؟!
نوف بأستهزاء:اكيد مو ولد خالتي لازم احضر وابارك للعرووسه بنفسي
لمياء ماارتاحت لنبره صوتها استئذنت منها وراحت لصديقاتها ...
مرت ساعتين وامتلت القاعه باالضيوف ..بدت زفه ريم ...
ساره تهدي ريم وتحاول تونسها باالسوالف قبل ماتنزف قربت ندى تحصن ريم باالاذكار كان شكلها ملفت للانتباه خصوصا جمال عيونها والفستان الابيض اللي مخليها سندريلا
دخلت وهي تمشي بخطوات هاديه وواثقه على الاغنيه الهاديه والاضاءه المركزه عليها وزغاريد اهلها واحبابها وصديقاتها ماليه المكان
نوف وقفت من بين الحضور حتى تجلس قريب وتمتع وهي تشوف الهم مرسوم على وجه العروس ابتسمت بشماته وهي تمشي بدلع .. سمعت صوت المسج من جوالها فتحت الرساله وانصدمت من اللي مكتوب (مو علي ياماما تمشي هاالحركه وربي لو ماتردين علي ان اخبر سعود ولد خالتك اللي هو صديقي عن علاقتي بك.وغير كذا ازود كلام من عندي .. لك دقيقه بس ان مارديتي راح اروح له واخبره على فكره كل مكالماتك مسجله)
انتظر عبدالعزيز اتصالها وهو يكذب مافي اي تسجيل لاكن مجرد تهديد لها
نوف بصدمه :صديق سعود جاء على بالها لما كانوا بالشاليه ..حست بيدها انشلت من الخوف موقادره تتصرف ماتدري انه له علاقه مع سعود راح يفضحها ويكشفها ...
جلست ريم بكل هدوء وابتسامه خفيفه على وجهها
نوف رفعت راسها تطالع ريم و تتأمل ملامحها حست بأستغراب :هذي منار ؟؟ ركزت اكثر وهي تتذكر ملامح منار توترت اكثر ولامره سألت لمياء او اهلها عن اسمها كانت بظنها مناروبس ركضت وشدت كتف لمياء اللي تمشي بأتجاه ريم
لمياء وقفت وهي تلتفت على نوف :اه وجعتيني
نوف وجهها اصفر من الصدمه :لمياء ايش اسم العروسه..؟؟؟
لمياء تطالع وجه نوف بأستغراب :اسمها؟؟
نوف بأنفعال :اي اسمهاا..؟
لمياء:اسمها ريم ليش ماتعرفين..؟؟
نوف حست بدوخه والدنيا تدور حولها : لفت راسها تتأكد اكثر ريم ريم ؟؟؟!! بعدها ركضت من بين المعازيم ولمياء تنادي عليها اخذت عبايتها وطلعت مع السواق ..
مها بأستعجال : لمياءسعود راح ينزف الحين ..
لمياء :ها..؟
مها :ايش فيك
لمياء :ولاشي ولاشي
ساره واقفه بجنب ريم تقدمت عهد تسلم على ساره وبعيونها عتب عليها من كم اسبوع ماترد عليها
ساره ماقدرت تحط عينها بعين عهد سلمت عليها عهد وهي شايله عليها وبعده اتجهت لريم تسلم عليها وتبارك لها
دقايق ودخل سعود باالغتره البيضاء والبشت البيج المطرز باالذهبي بجنبه على اليمين ياسر واليسار ابوه
امير الذوق والرقه ولو يتباهى من حقه
اذا جاني الحلا والزين حبيبي ماخذ حقه
كذا من ربي حبيته بسرعه يوم لاقيته
ياناس اللي تمنيته اخيرا صار محبوبي
سعود يسمع الاغنيه وعينه على ريم تمنى انه يسرع بخطواته اكثر لها حس بشووق يتضاعف اكثر واكثر ابتسم لما قرب عندها
ساره تطالع ياسر اللي يمشي بجنب سعود وهي حاطه الطرحه على وجهها بعدها نزلت عينها بحزن تمنت ان هو اللي يكون بيوم زوجها مو جاسم
وصل سعود وجلس بجنب ريم مسك يدها بكل حب وحنان وشوق وباسها مع خدها :الف مبروك علينا ياعمري
ريم تطالعه بخجل وبفرحه بداخلها كانت متوتره لاكن بقربه حست باالامان والراحه ..
ياسر واقف مع ام ياسر وهي تبارك للعروسين سمع احد من وراه ينادي ساره من غير شعور طالع المكان يدور عليها لمحها جايه للي تناديها طالعها وهو ناسي اللي حوله ساره انحرجت من من نظراته اسرعت بخطواتها بتجاه امها حس على نفسه وابعد عينه بحزن ..
نوف باالسياره تحاول تفهم اللي يصير معقوله مو منار معقوووله!! ويني انا ليش ماسألت ؟؟هو يحبها وربي يحبها يحب منار .. تذكرت رساله عبدالعزيز حست باالخوف ماهي قادره تفكر ايش تسوي ..؟وصلت للعماره فتحت باب السياره بسرعه وهي تركض على الدرج حتى وصلت للشقه اللي كان الباب مفتوح شوي دفته بخفيف وهي ماتدري ليش جايه حست انها انجنت وجايه تتأكد من جنونها مشت بخطوات هاديه ومتوتره تتلفت حتى وصلت للصاله حست ان الشقه فاضيه رفعت صوتها وهي خايفه: م م منار
مافي رد تقدمت قدام وبدون قصد طاحت عينها على المطبخ فتحت عينها بقوووه كانت انوار الشارع معطيه نور خفيف على المطبخ اسرعت تشغل النور بعدها صرخت وهي تسد فمها تمنع صدمتها كانت منار على الارض وغرقانه بدمها طالعتها بصدمه رجعت لوراء بخوف ودموعها تنزل ماتحملت هاالصدمه:منار م م ركضت مثل المجنونه وهي تصيح بصوت تحاول تكتمه حتى طلعت من العماره وهي تتكلم مع نفسها مثل المجنونه
:قتلها ..؟انا السبب ليش تقتلها مو منار زوجه سعود ريم لا لااااااااا طاحت على ركبتها بالشارع وهي تبكي
نزل السواق بخوف :نوف ايش فيه انتا نوف
نوف راسها منزل باالارض وبهمس كانها مو مصدقه :ماتت ماتت
السواق:مييين مووت
نوف ترفع وجهها وهو كل دموع وبصرااخ :مااااااااااالك شغللل وقفت وهي تحاول تتماسك بعدها فتحت السياره..وهي ترتجف
السواق بخوف ركب السياره واتجهه للبيت
عبدالعزيز يكرر اتصاله ونوف يزيد بكاها كل ماطالعت رقمه ...حست باالضعف اكثر واكثر وردت بصوت مخنوق :الو
عبدالعزيز ابتسم :اهلين حبيبتي يعني ماتجين الابالتهديد
نوف بذله وهي تبكي :عبدالعزيز الله يخليك لاتقول شي لسعود وربي يموتني
عبدالعزيز :اها اوكي انتظرك الحين تجين ابيك في اي مكان
نوف بخوف :مااقدر وربي ماقدر اطلع معك
عبدالعزيز بجديه:تقدرين ولا يكون لي تصرف ثاني معك ..
نوف :سكتت وهي تمسح دموعها بعدها نطقت :خلاص وين انت ..
عبدالعزيز :اعطاها العنوان وقطع الخط بوجهها ..
نوف حطت يدها على وجهها وهي تبكي بعدها طلبت من السواق يوصلها للعنوان وبدون مايخبر اهلها ..
الساعه 2 فــي الفندق ...
سعود بجنب ريم :ماني مصدق لحد الحين انك ملكي حياتي
ريم نطقتها بصعوبه:ربي لايحرمني منك
سعود: طيب حبيبتي دقايق اطلب عشاء
ريم توقف
سعود:وين ..؟
ريم بأبتسامه :ابدل ملابسي
سعود يبادلها البسمه:لاتطولين اشتاق لك ترى
ريم ابتسمت بخجل و مشت للغرفه حتى تبدل ملابسها
طلب سعود العشاء واخذ جواله المقفل من المغرب وفتحه وهو ينتظر ريم حتى تطلع
دقايق وصلت له مسجات فتح المسجات على السريع حتى وصل للمسج اللي زلزل كيآآنه من رقم غريب (الف مبروك ياسعود الله يهنيكم مع بعض..هههههه > كانت من نوف لاكن من رقم ثاني ...
سعود وقف وهو يطالع الصور الف مره كانت صور لمنار وهي عريانه :منار؟؟ رجع يتأكد.: هــي مستحييل | اتصل باالرقم لاكن مغلق ماقدر يتحمل فتح الباب وطلع بدون مايعطي ريم خبر ...
نوف حاسه بقرف وعبدالعزيز بجنبها كان ودها تصرخ لاكن ماتقدر نزلت عيونها ودموعها على خدها
عبدالعزيز :له له ياكتكوته ماابي دموع مو انتي مشتاقه تشوفيني خلاص هذا انا بجنب
نوف تدعي عليه بقلبها
عبدالعزيز قرب اكثر حتى لصق بجنبها ويبوسها
نوف استسلمت له بخوف بعدها بدى يلمس شعرها
نوف ارتجفت من الخوف وبعدت عنه
عبدالعزيز اعطاها نظره وبعدها طلع للمطبخ ..
استغلت نوف الفرصه ماهي قارده تتحمل راح تموت لو سوى لها شي دخلت الحمام وهي مقفله الباب تتهرب عنه قربت عند الغساله تغسل وجهها بقرف من بوسته بعدها جلست على طرف البانيو وهي ضامه يدها تهدي نفسها
طلع عبدالعزيز واستغرب ماهي موجوده قرب من الحمام يضرب الباب
نوف :نعم
عبدالعزيز : انتظرك باالصاله
نوف بهمس :الله ياخذك يارب تموت يارب وهي تشهق باالبكاء بصوت خفيف
دقــآيق وطلعت ريم لابسه قميص سكري طويل وعليه روب يجمع الفخامه والنعومه وعطرها مالي المكان دخلت الصاله استغربت ان سعود مو موجود :آكيد طلع يجيب العشــآء جلست تنتظره ..
سعود اسرع بسيارته بأعلى سرعه وهو يطالع الصور ويتســأل بداخله ايش المقصد من الكلام والصور وليش مناااار؟؟ نزل مثل الاعصار وهو يركض على الدرج فتح الباب وهو يصرخ :منااااااااار منااااااار تقدم لغرفتها المفتوحه يدور عليها منااااااار قرب للمطبخ بعدهــآ وقف وعينه عليهـآ قرب بخطوات ثقيله وهو ماهو مصدق اللي يشووفه حتى وصل للمطبخ فتح فمه بهمس:منار
منار شعرها مغطي نص وجهها السكين بيدها والدم سايل على يدها والارض كان شكلها فضيع ماتتحمله القلوب صارت ضحيه لعبدالعزيز من بعد اسيل اللي قابلتها باالشقه .. سعود نطق اسمها وشفايفه تهتز منار منار خلاص اتلفت اعصابه قرب عندها يهزها بقوه وهو يصرخ باسمها ويتأكد اذا حيه او ميته ماتحمل الموقف كان صعب عليه منار اللي كان يخاف عليها هذي قدامه مقتوله جلس لمستواها نزل راسه على صدرها يحاول يسمع اي نبض لاكن جسمها كان بارد وخالي من اي شي يدل انها باقيه حيه رفع راسه قريب عنها وهو يبكي ويهزها مثل المجنون ..
ريم اتصلت عليه بقلق بعد ماحست انه تأخر ..
سعود كـآن على حاله الصدمه شلته سمع جواله يرن تجاهله قام بتعب يمشي مهدود حيله ودموعه على خده نزل عند الحارس اللي نايم دخل عليه ومسكه مع ملابسه بقوه قـآم من النوم مفزوع :ايييه في ايييه
سعود شاد على صدره والحروف تطلع منه بثقل ونظراته مركزه على وجه الحارس:من اللي دآخل على منار اليوم ..
الحارس مل من كثر منار ماتطنشه صار مايصعد لها لابغدا ولاعشاء :مااعرفش ماشوفت حد
سعود شااد على اسنانه :ماكنت عند الباب تشوف الداخل والطالع
الحارس بخوف:والهي مافيش احد زارها
سعود بصرااخ:منااااااار ياحقيير انقتلت تعرف ايش؟؟ ماااتتت كيف تقول ماحد صعد فوق لهاااااا قلي كيف
الحارس :هااا ماتتت ياسعود والهي ماشفت احد والهي
سعود يسحب يده ويطالع الارض بحزن:اتصل باالشرطه
الحارس يوقف مرتبك:حاضر حاضر
عشر دقايق تجمعت الشرطه حول الشقــه انقلوا منار للمستشفى وسعود لتحقيق ...
نوف مقفله عليها الباب
عبدالعزيز بعصبيه :لا تموتيني ضحك يعني بتظلين هنا كم ساعه وانتي تتهربين مني
نوف : مليون ساعه روح عن وجهي
عبدالعزيز مل منها وجلس ف الصاله وهو يضحك عليها ..
نوف حست انها راح تختنق بس مافي احسن من هاالحل رفعت راسها للشباك اذا في امل تهرب لاكن كان صغير
جلست على الارض وهي تطالع الساعه ..
حست ريم بخوف كبير عليه لايكون صــآر له حاجه وقفت تمشي بعدها تجلس دقايق وتوقف
احتـآرت تتصل بآخوانها قــطع حيرتهآصوت الاذآن ..تجمدت رجلهــآ من القلق :طيب رد علي طمني مسحت دمعتها واتصـلت بياسر ..
يــآسر نآيم حس بجواله يهز تحت مخدته استغرب من دآق الحين اكيد اهله يبون يرجعون من القااعه عوره قلبه وهو يشوف رقم ريــم:غريبه ريوم داقه عدل جلسته ورد عليها:هلا ريم
ريم بصوت مخنوق :يـآسر
ياسر :ريم فيك شي ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك