رواية بصدري وجع كنت احسبه نام يا صدري -29
وقفت وهي توقفه معاها : بنام خلاص ياسعود لاتنسيك الثمان سنين عناد أختك ..!
لحظات وهو يناظرها ..
ابتسمت بإلم : ثمان سنين مكيف نفسك على عدم وجودي كيفها باقي العمر ياخوي ياولد آمي وأبوي ..أنا تعلمت من فراقك ورجعتك بأن ماعاد فيه خير حتى بالاخوان..!
صح مامت بفراقك بس تعلمت إشياء كثيره جداً بغييتك يمكن لو كنت موجود ماكانت هالاشياء عرفت طريقها لحياتي ..
: حلو بأن هالغيبه غيرتك أجل ليه هالصده ..
ضحكت بدموع: من مفأجاه موتك على الصعيد العملي تميزت جداً .. لكن على الصعيد النفسي والجسدي شوف أختك وناظر الشيب محتل المكان والعمر 23 سنه وبس ..!
ماجور ياللـي مـن فراقـك تعلمّـت
ان الزمـن يومـيـن طيّب..وخـيّـب
فاجئتنـي بمفارقـك مــا تولـمّـت
كـذا بـدون اسبـاب عنـي تغيّـب
مامـت مـن فرقـاك لكـن تألـمـت
وشيبت بي ياصاحبي قبل اشيب
دنق ودموعه تخونه من بعدهم عن بعضهم ..
ماهزتها دموعه وكملت :وأنت أبيك تعرف بأن أختك ماتت وماعاد لها قلب يتسع لـ حب أي شخص كان..!
كان راح يتكلم وقالت : الليله عرس كادي لاتضيق جوي ..
باس كفها وفك يدينه وهو يناظرها وتالي طلع ويجر خبيته مثل كل مره ..!
.
.
.
سيارته ..
حست بضيقه وهي معاه بنفس السياره ..تجمعت عليها هموم هالدنيا .. استوعبت شي من زواجهم كأنها توها تسلم بالامر الواقع بأنها صارت زوجته برغم إن زواجهم للحين ورق×روق ..
زفرت آنفاسها بصدرها أجل لا آنصك عليهم باب ..
تمتمت بضيق : مخنوقه ..
ماقدرت تكتم الضيق تحس فيه هاللحظات ..
ماصدق سمعه وناظرها للحظات ولف للطريق .. هي تشكي من الضيقه ومافيه غيرهم أكيد له ..
بحب آمتزج بضيقتها : يابعد عيني شاللي مضايقك ؟
بـ كرهه فضيع له وهي تناظره : وش غير وجودك بحياتي مضايقني .. والله أني أكرهك ..
اعتصر قلبه كلامها ونبرتها وكرهها له , وصلت بأنها حلفت بالله لاجل تبين له مدى كرهها له ..
سكت وهو يعطي آعصابه الحق بالاسترخاء من تصرفات رتيل بحقه ..
: أنت وش تبي فيني ..!
مارد عليها وجاوبها بصوت متغيروتهديد : أمي مسويه لك غدا تأكلين ولاتعارضينها ..
:خل أهلك بعيدين عني ..
بنظره شر : تبطين آبعد عن آهلي لاجلك .. والمكان اللي اكون فيه تكونين ..فاهمه والا ..
بطنازه : أحد قالك ابعد عن آهلك ..!
بصوت مسموع :غبي جداً ..
صرخ : رتتتتتيل اسسكتي ..
بعناد تزيد : آيييه غبي قلت شي غلط ..!
ضرب الدكسون بقوه وسحب يدها يقوه أكبر إلين سمع تألمها وفكها واكتفى ولاقال لو كلمه وحده ..
: الله يحرق قلب آمك فيك ..
ياقوة وقع الدعوه على قلبه .. ياقوها وهي جايه من نظر عينه وحبيبة قلبي اللي ماهنى له بال ولاغمض له جفن الا بقربها .. ماعلق ولاله قدره بالتعليق عليها ابداً ..
وقف داخل حوش الفيلا ..نزل وتقدم فتح لها الباب : ماتعرفين تفتحين الباب مثلاً ..
نزلت وصرخت فيه بخفه : لاتلمسني ..
بنظره تروع : بننت
مشى قدامها بخطوات وفتح باب الفيلا وابتسم بقلبه من الجروح منها مايكفي الا آنه ابتسم يشوف آمه تستقبلهم ..سلمت على عمتها وخواته ..
نزلت عبايتها وكان شكلها مرتب جداً , أخذت شاهه العبايه والشنطه وعطتها الشغاله : حطيها بجناح عساف ورتيل ..
شاف جدته تجي وقف وهو مبتسم : الغاليه هنا ..هلا والله .. يالله أنك تحييها
ابتسمت جدته : الله يحيك يانظرها ..
ضم جدته ووقفت رتيل ..
وهو مبتسم وفرحان بجية جدته لبيته : رتيل جدتي ..
جدته ابتسمت : ماشاء الله تبارك الله وش هالزين ..الله يهينك فيها ..
ابتسم ومن قلب : آمين ..تعالي جدتي ارتاحي ..
جدته: بروح لم آمك ..
مشت جدته عنهم
ونزل عساف شماغه وجلس جنبها : بنات وين راحت جدتكم(آمه) ؟
ساره : أكيد تشوف الغدا ..
ضيقه تملكتها وهي بينهم .. والضيقه بصدرها آمتدت لانفاسها منه من قربهم من تفكيرها القاتل في طارق ..زفرت أنفاسها بصوت مسموع ..
قرب منها أكثر وشاف مفصل كفها صاير أحمر من مسكته القوية وهو قريب منها ولاينسمع صوته الا لها : لبى هاللون وهو جايك من إلم .. تدرين لو كنا بالجناح فوق كل طبع مثله على خدك ..بس حظك بأننا كنا في السياره..
: كل تراب ..
رجعت ظهرها وهي تناظر أظافيرها وكل العيون عليهم ..ضغط على شفايفه السفلى ب آسنانه بغيض على كلمتها وهو محذرها من قبل وماسمعت ..!
سارة تهمس لـ مناير : هففف خالي يحبها .. شوفي شوفي شلون كان مقرب منها ..
مناير : انثبري بس مصدقه ماراح يحبها .. تدرين كان دايم يقول اخيراً بأخذها حبيبتي وحتى يقول عنها الفاتنه .. بس مايحب يقول قدامك لاجل ماتزعلين ..
جلسوا يتهامسون وكل وحده عينها عليهم ..
شاف وجهها المرهق وسألها ماهنى له قلبه
: تعبانه ..
ماردت عليه وأحرجته قبال بنات خواته وأخته ..همس لها : كل شي مردود..
قطع حكيه آمه تناديهم .. قامت سحب لها كرسي لاجل تجلس جنبه ..جلست وعمتها مهتمه فيها كثير ..ماكثرت بالاكل ووقفت ..
عمتها: رتيل ماأكلتي ..
:بس الحمدلله ..
عساف : ماتنلامين على فقر الدم ..!
ماردت عليه وجلست على الكنب ..
عمتها قامت : تبين ترتاحين ..
ابتسمت ب امتتان : ي ليت ..
طلعت الشغاله معها ..ووصلتها للجناح ..
دخلت وزفرت: ي ررب ..
سحبت شطنتها وطلعت الجوال ..
: هلا كادي .. شخبارك ؟
كادي : تمام ..طلعتي من المستشفى ؟
رتيل : آييه من شوي .. آآآوه ياكدو مخنوقه كارهته بدرجة لاتعقل ..
كادي : ي عمري أنتي .. صار شي ؟
رتيل جلست على السرير : تهاوشنا في السياره .. يالله اشوف طارق بكل مكان .. آحرقنتي الاشواق والذكرى له ..
سكتت للحظات وكادي تكلمها وتهديها ..
ارتاحت شوي من توترها وضيقها عقب حكي كادي وسألتها عن زفافها ..
كادي : طيب راح تجين ؟
رتيل : أكككيد كلمت دحومي وراح يمرني قبل المغرب ..
كادي : زين .. تدرين آمس حطيت الحنا ومحمد مقلقني لاجل يشوفني ورافضه ..
رتيل ضحكت :هههههههههههه حرام .. أغبطك على حبه الله لايفرقكم ..
كادي ابتسمت : آمين .. حتى أنا أحبه ترى ..
ضحكت وفاقت شوي من مودها الكئيب :ههههههههههههههه شوي تحبينه وشوي لا ..
ضحكت : وش آسوي بقلبي ..
كانت راح تتكلم وسمعت صك باب الجناح :يععع جا ..
كادي :طنشيه كأنه موب موجود معاك .. ولاتتهاوشين معاه لاجل مايمنعك من الجيه للعرس ..
رتيل شافته يدخل وكلمت كلام مع كادي بسوالف عاديه وتالي صكت ..
مسك كفها بهدوء لما جات تقوم من السرير :دلكي راسي مصدع ..
فكت يدها منه : منيب شغالة آهلك ..
مشت عنه بكل برود هالدنيا .. من صدمته جلس وهو يناظرها تدخل لغرفة الملابس ..وقف وقام وراها بذهول : مستوعبه حكيك قبل شوي ..!
وهي تفتح الدولاب لاجل تشوف وين ملابسها فيه( لان آمها وأختها جابو ملابسها ورتبوها هم) ..: ماقلت كلمه من قبل وأنا موب مستوعبتها ..
لفها له وهو ماسك فكها : أكسره لك ..؟
دفت يده وبنظرات : خلك من هالاسلوب عندك لسان تكلم ورد بالمثل بس تستخدم يدك وتضرب ذا أسلوب الضعفاء مهوب آسلوب الرجال ..
طلعت من غرفة الملابس وجلست بالصاله ..حست فيه جنبها : آآآوه يقال أني منيب آمك لاجل تكون وراي بكل لحظه ..!
بهدوء:رتيل اعقلي تونا متزوجين حركاتك قلة حياً ..!
بنظره :خير قله حيا ..!
أنا شسويت لاجل تقول هالكلمه ..؟!
عساف تعدل على الكنبه وبملل :أنتي زوجتي وتونا ببداية حياتنا وكل أسلوبك معاي أقشر ..خير وين عايشين ؟
ترى زوجك وأنتي محاسبه بكل شي ..!
قال صلى الله عليه وسلم ( لا تؤذي امرأة زوجها في الدنيا إلا قالت زوجته من الحور العين لا تؤذيه قاتلك الله فإنما هو عندك دخيل يوشك أن يفارقك إلينا . ) صححه الألباني
تخريج السيوطي : (حم ت) عن معاذ.
تحقيق الألباني : (صحيح) انظر حديث رقم: 7192 في صحيح الجامع.
مسكت الريموت : ويعني متزوجين .. مابيك فلا تقعد تمسك لي حقوق ومحاسبه ومن هالحكي ..
تحطم يعني حتى هالشي مايهمها ..
ساد جو الصمت بينهم ..
وقف عقب فترة : قومي خلي ننزل تحت ..
: موب مود أحد ..
عساف: قومي ترى مهيب حلوه بحقنا تاركين الكل وبالجناح ..
بسخريه : آنزل لهم أنت وانتهينا ..
بتعصيب : قومي معاي ..
: موب قايمة هي من آخرها خذها كذا ..
صرخ فيها وهو يشد على راسه : ررررتيل انزلي آحسسن لنا آثنينا ..
رفعت حاجب : أعصابك لايطق بك عرق بس ..
شد على كفه : قومي ..
: موب قايمه ..
قطع عصبية عساف دق للباب ..بنبرة عصبية : ادخل ..
دخلت أخته الكبيره وهي مبتسمه مب عارفة الاوضاع : جدتي وأمي يبونكم تحت ..
رتيل : آوكي ..
آقرب وصف لحاله كان وده يخنقها على تصرفها وعنادها له والحين وقفت وهو يناظرها تنزل مع أخته ..
دلال لفت : عساف تعال ..
: شوي وجاي ..
زفر آنفاسه بضيق راح تجننه على هالعناد ..تعوذ من ابليس ونزل لهم تحت..
جلس جنب امه : يمه دلكي لي راسي ..
بـ آهتمام : يابعد عيني شفيك ..
سحدته على رجلها وهي تدلك له وتهمز راسه ..
عساف مغمض عيونه : مدري صداع من امس ذبحني ومن شوي زاد ..
جدته سحبت عكازها وقامت جلست على الطاوله الصغيره قباله وهي تحط يدها وتقرأ عليه .. طيف آبتسامه ل جدته ورد غمض عيونه ..
ساره تناظر رتيل وهو تهمس لمناير : موب مهتمه لخالي شوفي تسولف مع امي وعادي ..
مناير : بججد غريبه ..
.
.
.
.
.
بيت أهل الجوهرة ..
المجلس
تغدا ريان عندهم وتركهم أبو الجوهره وطلع لاجل يريح كعادته بعد الغدا ..
اما الجوهره كانت تسولف مع أخوها وضحك مجنون وريان يناظرهم ويضحك ورجع يكمل لعب بلاستشين مع أخت الجوهره الصغيره ..
رائد يضحك ومتكي :جوههير اسمعي ذا فيه محشش لقى الكنز قال كويس الحين ما باقي الا الخريطه ههههههههههههههههههههههه
لف و ضحك وش هالجنون اللي هم فيه كل شوي واحد يجيب نكته ..
الجوهره تدور بالبروكاستات ولقطت وحده : ههههههههههههههه شوف يقولك الوالي : أكلتك امك ! دعه عند الباب حتى أأذن له بالخشوش ..
محششين يمثلون بالللغه الفصحى ..
صار يضحك ويضرب بيده في الارض متحمس ..
ريان :ههههههههههههه الحمدلله أنت وياها ..
رائد يكف دموعه من الضحك وهو يضحك : جوهير رجلك كأنه بزر يلعب مع هالبزر العاب مقاتلات ..
الجوهره تضحك وهي تقرب لاخوها وتوريه صور : شوف شلون طاح..
رائد :هههههههههههههههههههههه جاتني البارح ..طيب شوفي ضحكة رادوي لما عطاه الحكم كرت آصفر لما طاح لاعب الاتفاق وكان يمثل مع وجهه..
:هههههههههههههههههههههههههه ي لبيييه يهببل ..
لف ريان بسرعه :خيير وشو اللي لبيه ..
رائد :هههههههههههههههههههه آشتغلت الغيره ..
الجوهره ماعطته اهتمام وهي تشوف الصور :ي لببى لييه يبكي ؟
رائد :تذكرين في رمضان لما جا وتوه يلعب وجاته أصابه بالظهر وطلع من مباراة الوحده يبكي ..
الجوهره : يؤ ي حياتي يحزن ..
ريان بنظره: بنننت ..
الجوهره :ريان العب وفكنا ..
رائد : ياخي مافيه شي روقنا ..
ريان لف كله لهم : خير تتغزل بـ رجال وياقلبي وياحياتي ..!
رائد : خلاص خلاص ..وهي تعابير عفويه ..
ريان : حتى ولو ..
رائد يبي يلطف الجو : يغار هق هق ..
ابتسم غصب ريان ولف يكمل لعب ورائد يوريها : شوفي هههههههههههههههههه
عجوز تناظر مباراة يوم جاء الامير بيوقع على الكوره قالت ايه افقعها صجونا..
الجوهره :هههههههههههههههههههههه مين ذكرتك فيه ؟
رائد ميت ضحك : جدتي ههههههههههههههههههههههه كفككك ..
عطته كفها وميتين ضحك :ولايهوون خالاتنا وامي ..
رائد :ههههههههههههههه بججد ..
وقف : شوي وجاي واحد من العيال جاي يبي العده من سيارتي ورانا طلعه الليله للبر ..
طلع رائد من المجلس و هي
خذت البي بي حق أخوها وقعدت تقرأ وتضحك بشكل هستري
السعوديين خلآل اسبوع
السبت .. دوآم من غير نفس
الاحد .. دورآن وترقيم في التحليه
الاثنين .. يتفرجون على اي مبآرآة في التلفزيون
الثلآثآء .. في المقهي يعسل
الاربعآء .. يرمي المدآم في بيت اهلهآ وسهره في الاسترآحه
الخميس .. يرمي المدآم في بيت اهلها وسهره مع الشبآب
الجمعه .. يروح للحلآق ويجيب الثوب من المغسله ويستعد للدوآم
ضحك على ضحكتها وقالها
: عقب عرس صديقتك راح تطلعين معاي لشقتنا ..
رفعت راسها وهي تشوفه يلعب : لا موب الليلة خلها وقت وثاني ..
لف :ليه ؟
الجوهره تناظره : أغراضي يبي لها ترتيب هنا ..
ريان وافق لانها ماجات معه بالعناد ..
رجع يلعب :هههههههه فزتي هالمره ..
ابتسمت وهي تشوفه يلعب مع أختها ب انداماج ..
.
شقة الجوري ..
كان مصعب يتغدا معها ..
الجوري وهي تجيب الفواكه وتقطع له وتعطيه : تدري مين راح يمرني بعد شوي ؟
ابتسم : سوس ..
ابتسمت : آيييه راح نطلع نأخذ هديه لـ كادي ..
بضحكه: يصير اعزم نفسي..
ضحكت : تعال ..
وهو يضحك : كان ودي بس الليلة عندي اجتماع ..
الجوري : صح بسألك ماحددتم العرس ؟
مصعب بضيق بدأ على ملامحه : سوس ماتبي عرس وماقدرت اقول للوالدة وعمتي ..
الجوري شدت على كفه : فديتك ولايضيق لك صدر بس احجز القاعه وخل سوس علي أنا والبنات ..
:بججد ؟
الجوري : وجد الجد .. احجز بس القاعه واتفق مع أخوها على الامور الاساسيه ..
ابتسم وهو يقول : الحمدلله .. الله يفرج همك لو أدري قلت لك من مبطي..
ابتسمت لانها قدرت ترسم له الابتسامه ..
وهو يتذكر : ترى الوظيفه منيب ناسيها بس حطيت المدرسه اللي تبينها أنتي وصديقتك ..ويوم السبت راح يكلمني الرجال والقرار معه ..
( لاجل كادي راح تتوظف معاها وطلبوا مدرسه وحده وفيها أخت لمار وتمدح المدرسات والمديره وحبت تكون هناك وشي آهم بأنها مدرستهم الثانوية اللي كانوا يدرسون فيها)
: ياااه مصعب الله لايحرمني منك أنت الاخو والابو والصديق ..
ابتسم : أذا الغاليه الجوري ماعطيتها اللي يريحيها مافيني خير .. الا وين آهل رجلك ؟
الجوري: اليوم الخميس أكيد طالعين لان مافيه بالبيت غير عمتي وسهى آما عمي مسافر
مصعب يأكل برتقال : الا كيف علاقتك معهم ؟
الجوري وهي تشرب العصير : مم حلوه آمه طيبه حيل ودائما تكلمني وتسأل عني وحتى أبوه ..
مصعب : حلو الحمدلله ..
الجوري : تدري عنده عمه آسمها البندري دوم تكلمني وتسأل عني وتعزمني لبيتها بس ماسبق ورحت لها ..
مصعب ب استغراب : وش تبي ؟
الجوري : مدري يامصعب .. بس هي حنونه حيل تمنيت آمي مثلها ..(ماحبت تنكد جوها) الا وين حاط براسك شهر العسل ؟
ابتسم : للحين ماقررت بس أنا حاب جنيف ..
.
.
.
العصر ..
بيت عساف ..
كان نايم بعمق بالجناح الخاص فيهم .. أخذت ورقة من المفكره الصغيره وكتبت له وحطتها على الطاوله الصغيره فوق جواله لاجل أول مايصحى يشوفها ..
شالت الاكياس والشنطه والعبايه ونزلت من الجناح..
شافت عمتها وجدته وشاهه وقالت لهم وتالي طلعت مع أخوها ..
جدته مبتسمه : كيف عرفها ولدك ؟
ام عساف ضحكت : مدري يمه لكن يقول أنها أخت صديقه ولاندري غير هالشي ..
جدته : وكيف آهلها ؟
امه : باين عليهم ناس طيبين .. وعلى كلام عساف توسمت فيهم الخير..
شاهه : هي أخت مشاري أكيد تسمعين عساف يتكلم عنه ..
جدتها : الا الا عرفته .. أجل نعم النسب دامها أخت مشاري..
دخلت دلال للصاله : خلصت القهوه اخلى احد الخدم ينادي عساف ورتيل..
امها : مرت أخوك طلعت لاجل عرس صديقتها وعساف أكيد نايم خلوه شوي إلين يأذن للمغرب ماعاد به وقت وعقب الصلاه يتقهوى ..
دلال : طالعه .. وليه تطلع وعساف مصدع ؟ وحتى توها طالعه من المستشفى ..!
امها : بينها وبين أخوك , حنا مالنا بالسالفه ..
دلال : على قولتك .. وين البنات ؟
شاهه : يقولون راح يطلعون بس مدري طلعوا..
وقفت دلال : ورى يطلعون , تدرين أني خايفه عليهم من الطلعات الزايده ..
شاهه : لو ماطلعوا بناتك لاتخلين بناتي يطلعون ..
دلال : آييه ادري ..
شاهه : بدق اجل على الاودي و أولادك واشوف وينهم فيه ..
دلال : خليهم يرجعون دجه من الظهر ..
شاهه :ان شاء الله ..
.
.
.
سيارة عبدالرحمن ..
رتيل : خل نروح لاي مطعم جيعانه ..
عبدالرحمن :آوككي .. ماتغديتي ؟
رتيل : لا ..
عبدالرحمن : طيب كيف الجو ببيتهم ؟
رتيل بضيق : كئيب ..
عبدالرحمن : طيب راح ترجعين معي للبيت عقب العرس ؟
رتيل : لا بروح لبيتهم ..
عبدالرحمن : رتول متضايقه صح ؟
رتيل ابتسمت : لا ..بس فيني النوم ..
عبدالرحمن وقف قبال المطعم وسكت ماعلق مع أنه متأكد أنها متضايقه ..
نزلوا للمطعم لاجل يتغدون وتالي تروح لـ كادي ..
.
.
بيت عساف
على صلاة المغرب ..
صحى عساف على صوت امه تصحيه جلس وطلعت امه من الجناح أخذ جواله وقبله شال الورقه ..رجع رمى نفسه على السرير :آآآه يارتيل كسبتي التحدي ورحتي للعرس ..
جلس فتره ورجعت له امه : عساف قوم الله يهديك شوي وتقوم الصلاه بالمساجد ..
جلس : طيب ..
دخل لاجل يوضي وتالي لبس ثوبه وشماغه وطلع للصلاه ..
شاهه جلست وهي تبعد جلال الصلاه : بنات قوموا صلوا اشوف ..
قاموا البنات ..
دلال وهي تجلس وشالت ولدها : باين على عساف متضايق ..
شاهه : الا ضايق .. الله يسعده مع رتيل ويريح باله ..
وقفت دلال وعطت ولدها أختها : خليه معاك بروح اجهز القهوه إلين يجي عساف ..
تجمع الكل عقب الصلاه وشوي بدخول عساف وجلس جنب امه ..وهو يأخذ فنجان قهوه من أخته وحلا ..
:يمه متى طلعت رتيل ؟
آمه : العصر ..
دلال : ماتدري أنها طلعت ..!
عساف بهدوء : سألت الوالدة متى طلعت , مهوب وين طلعت ..!
كانت أجابته توضيح للكل بأنها ماطلعت الا بأذنه مهوب غير كذا ..
مع إن العكس صحيح ..
.
.
.
القاعه ..
غرفة العروس
رتيل : آرد أو مارد ؟
كادي تضحك : ردي ..
الجوهره : استلعني عليه لاأوصيك ..
رتيل : آوككي هع ..
ردت وحطت سبيكر : خير ..
توه يركب سيارته وصك الباب : هالمره كسبتي التحدي بس الزمن بيننا..
رتيل : دام كسبتها بالجوله الاولى راح آكسبها كل مره ..
عساف : نششوف يارتيل ..
رتيل : هههههههه نشوف ماجابته آمه اللي يمشي كلمته علي ..وأنت عندي وقلتها لك من قبل ماتسوى أرخص شوز ..
صرخ وضحكت : ماما شرأيك تصك بكرامتك قبل ماصك بوجهك ..
عساف : طيب طيب موعدنا الليله صدقيني راح أطلع هالحكي من عيوني ..
ضحكت : طيب آوت ..
صكت السماعه بوجهه وحطت سايلنت ..
الجوهره : مححد مجنون وشكله راح يأكلها الليله ..
ضحكت : قصدك يضرب ..
الجوهره ضحكت : باين من صوته أنه يحبك ..
رتيل: حب من طرف واحد أو خلينا نقول تملك لانه راعي فلوس وهم كذا أي شي يبونه يأخذونه وعلى بالهم حتى القلوب تنشرى ..
كادي : مافيه آمل تحبينه ؟
رتيل ابتسمت بكل ثقه : لامن كرهت أحد مستحيل أحبه ..
الجوهره : ياخوفي عليك ..
رتيل تأكل شوكلا : هو صعب وعصبي وراعي انتقام بس وحده×وحده
كادي ضحكت: مجانين ..
دخلت خالة كادي : عمات محمد جاو والكبيرة تبي تسلم عليك ..وحتى عماتك خوات أبوك الله يرحمه جايات ..
كادي ب امتعاض : تو الناس غريبة جاو الحين .. وحتى شكلي عفسه ..
والكوفيرات للحين ماجاو ..
خالتها سحر : اجل راح أقولهم مهيب جاهزه ..
طلعت خالتها ..
على دخول الكوفيرات ..وبدو بشغلهم لـ صديقاتها ولها ..
.
.
.
بيت آهل سطام ..
صك باب الفيلا وسحب الشنط وهو ينادي الشغاله : طلعوها لغرفتي ..
امجاد تفك العبايه : أي غرفه ؟
سطام :غرفتي قبل الزواج ..
سحبت الشغاله الشنط وطلعتها وجلسوا بالصاله ..
آمجاد وهي تعدل شعرها : الحين لو مددنا شهر العسل ماكان أفضل ..
سطام : امجاد مامليتي خلاص الوالد قال ارجع لانه مسافر وأخواني كل واحد ماسك شغل وأنا لازم آرجع امسك شغلي ..
امجاد : طيب لاتعصب ..!
سطام : أنا أدري عنك أقولك من حجزت وموب راضيه تفهمين ..
قامت من مكانها وهي تراضيه إلين ضحك لها ..
ضحكت : راح تنام معي الليلة ..
وهو مبتسم : آشم ريحة غيره جاية تمشي 200
: آيييه آغار , ها راح تنام معي ؟
ابتسم وبحب كبير لها: أكييد بنام معاك ماشبعت منك ولا راح آشبع منك ولا آمل ..
لمها أكثر : لباك من كلك لاقصاك ..تعالي نطلع لغرفتنا بنننام إلين بكره ..
.
.
.
القاعه
الساعة وحده الفجر ..
وهي جالسة والكل حولها من صديقاتها والرقص والهيصه روادها شعور حزن مابعده إلم اشتاقت آمها تكون معها بهاللحظات تزفها تضمها تدرايها تسمي عليها من عيون الكل تبخرها تعدل طرحتها ..
مشاعر كثيره بداخل كادي ترجمتها تساقطت دموعها ودنقت وهي تكفها وتتمم : الله يرحمكم يايمه ويايبه وياخوي ..
حست ب بكف جدتها ورفعت راسها وهي تقومها لاجل الزفه ولادخل محمد لاجل عادات أهلهم وتقاليدهم ..
غرفة العروس
أخذت المصوره صور كثيره لهم ..كان جرئي معها والمصوره تضحك وهي تلتقطت لهم صور عفويه كثير ..
طلعت ودخلت خالتهم : راح تطلعون الحين ؟
محمد وهو يشد على كفها بوناسه : أكييد خالتي ..
دخلت جدتهم وام محمد وساعدو كادي وهي تلبس عبايتها وركبت السياره مع خالها الوليد ومحمد ..
.
.
.
الشرقيه
شقة طارق وربعه ..
هاني : طارق نام ؟
نادر وهو ينزل الريموت : ينام وين ينام ..!
وكل ليله له معها ذكريات ..
هاني : مانساها ..!
ضحك وهو يقول : مانساها يكود ينسى آمه الله يرحمها ..
غرفة طارق ..
وهو يناظر صورهم ومبتسم ولكل صوره موقف ..
للحظات غطى بكفه صورها وهو يفكر مفروض هالصور تنشق خلاص هي الحين متزوجه بذمة رجل آخر .. فكر ممكن هي مغصوبه ..!
ماتبي زوجها ..!
إشياء كثيره فكر فيها واهتدى بالاخير بالرجوع للصور والنظر فيها وهو يرجع لذكرياتهم مع بعض لضحكتها لعنادها لاسلوبها لـ شكلها لكل شي بالصور..
مششتاقها جداً , افتقدها كثير بـ روتين إيامه الممل جداً بغيابها ..!
اقسسم بالله اشتياقي لها . .
وفقدها عن تلك الدائره الممله لحياتي المدعوه
بالروتين اليومي
فما هي حياتي من دونها
ومن انا بغيابها
تلك الابتسامه التي تنسيني كل ما يجول بخاطري
فكم من حزنٍ احتجب عني بسببها
وكم من فرحٍ كان بفضلها
اشتقت لتلك النظرات المحدقه بي
ولذلك العبير المنبعث من انفاسها
اشتقت
لضحكتها
لقلبها
لانفعالا
لغرورها
لكبريائها
اشتقت حتى لتغطرسها !
اشتقت لما عشقته من تفاصيل مفصله متعلقه بها !
مآ اكذب عليك ..
انآ / كثير اشتقت لكك
.
.
.
الفندق ..
محمد وهو يناظرها : ليه طيب ؟
كادي : كذا نفسيتي مو متحمله تشوفك ..!
محمد بضيق : طيب تونا قبل شوي بالقاعه وش زيننا وشاللي تغير ..!
كادي أخذ نفس : أني مابي أشوفك ..
وهو يناظرها وميت عليها وعلى قربها وهي تصده : كارهتني ؟!
كادي ناظرته : لا , بس هاللحظه آييه ..!
يتمنى أنه فهم غلط وعاد السؤال بصيغه ثانيه : تحبيني ؟
كادي بضيق ونطقتها : آييه , بس هاللحظه ماحبك ..
وقف وهو لو هلت الدمعه ماعليه اللوم بـ اسلوبها ومزاجها المتقلب معه وصدها له ورفضها لجلوسهم سوى : براحتك قلبك واحكميه وتحكمي فيه والله الله بصد محمد لا أوصيك يالكادي ..
قال كلامه وطلع من الجناح وهو مخنوق ماتوقعها تقول هالكلمه بـ ليلة الزفه وتحطم كل حسه وآحساسيه ..
رجعت ظهرها وهي تبكي بصمت ولالها أي ردة فعل على حكي محمد وزعله وطلعته ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك