رواية ساره وصراع الحب -4
وسهام وراحوا الشباب يستأجرون دبابات وهم في الطريق فارس يفكر بسهام وفراس بسديم بعد ماسبحوا البنات واستانسوا اتصلت ريم على خالد بطلب البنات.
ريم:سلام اخبارك خالد.
خالد:بخير والله أنتي ماتتصلين الا إذا فيه شي بس اطلبي لو تبين عيوني.
ريم:تسلم عيونك ياخوي بس نبغى نتمشى.
خالد:طيب راح أقول للشباب ونشوف.
ريم:طيب باي.
الكل:ها ايش قال.
ريم:بيقول للشباب ويرد علينا.
شوي اتصل خالد.
ريم بحماس:ها وافقوا
خالد:للأسف...
ريم:لاااا تكفى حاول.
خالد:وافقوا.
ريم:مشكور بس نبغى نروح المتحف الوطني.
خالد:طيب يلا تجهزوا.
ريم:سي يو وافق.
الكل يصارخ:هيييييي.
ريم:يقول يلا تجهزوا.
الكل راح يتجهز وخلصوا بسرعه وطلعوا وراحوا أربع سيارات سيارتين منقسمين البنات والثالثه الاولاد اما الرابعه رغد ومحمد طبعا ذكرى سافر زوجها عشان الشغل فجلست عند أهلها وراحت الاستراحه فقالت لضي وساره يجون معاها وفيصل هو اللي بيوديهم وراحت عشان ذكرى وطول الطريق ساكتين.
البارت العاشر
ضي تضحك:ههههههه حرام عليك والله أتخيل شكلها هههههه.
ساره تضحك:تخيلي حتى استاذة هديل لعبت عليها.
وجلسوا يسولفون وهم يمشون ويضحكون ماانتبهوا لخالد انه جاي وكان شايل أغراض جايبه من السوبرماركت شوي ساره تصدم فيه وتطيح الأغراض من يده.
ساره:اسفه والله ماكان قصدي.
خالد:أنا اللي اعتذر أنا اسف.
وقام يجمع الأغراض وساره تساعده طبعا ضي هربت.
خالد:اعطي الأغراض أمي.
وطلع وساره واقفه تناظر فيه ماحست الا بضي بوجهها وتهزها.
ضي:ساره وين راح عقلك.
ساره طاحت على ضي وحضنتها.
ساره:شفتي نظراته عذاب.
ضي تبعد ساره عنها:أقول شيلي الأغراض.
ودخلوا الأغراض وطلعت ساره نفس المكان وتتخيل الموقف.
ضي:لا حول رجعنا للسالفه.
ساره لفت على ضي وتناظرها.
ضي:لا لايكون حبيتيه.
ساره:لا بس عاجبني شكله اسلوبه نظراته.
ضي:يعني تحبينه.
ساره:أقول خلينا أحسن نمشي.
ودخلوا يتعشون.
وتعشت ساره ونامت.
العنود طلعت مع ذكرى ذكرى يتمشون ووقفوا عند الجدار اللي يفصل بين الحريم والرجال ودق جوال ذكرى شافت رقم زوجها ردت وراحت العنود جلست مكانها تسمع سعد وعبدالله.
سعد:طيب ايش اسوي بصراحه مع وضعها الحين بس عاجبتني حبيتها.
عبدالله:يعني تبغاها تعرف.
سعد:يعني والله خذت تفكيري كل مره كنت بسوي حادث بسبب اني افكر فيها
العنود وقفت بمكانها.
عبدالله:نفسي أعرف ايش عاجبك فيها شلون حبيتها.
سعد:تذكر يوم رحنا الشرقيه كانت راكبه دباب وتسرع وكان قدامها حجر وماانتبهت وأنا اصرخ بصوت عالي عشان تنتبه للحجر لفت علي وصدمت وطاحت من الدباب احس انها مو مستوعبه انها طاحت فناظرت فيني وأنا اناظر في عيونها وهي خايفه كلها برائه سألتها في شي بعدها استوعبت اللي هي فيه وقالت لا واخذت الدباب وراحت بسرعه يوم بعدت عني خفت الدباب.
العنود تكلم نفسها:لا مستحيل هذا أنا بس أنا مافكرت فيه وهو صار يحبني.
وتخيلت الموقف اللي صار.
عبدالله:اها والله ماالومك صراحه هي حلوه بس اللي مخربها كأنها ولد.
سعد:اللي هي أنا حبيتها وراح احبها.
عبدالله:الله يعينك وييسرها لك.
العنود شوي وتبكي:يعني أنا شكلي مو حلو يعني لو ظليت كذا ماراح ياخذني أحد.
شوي جاتها ذكرى.
ذكرى:اسفه حياتي طولت عليك العنود فيك شي عيونك حمرا وتدمع.
العنود تمسح دموعها:لا مافي شي.
ذكرى:شلون مافي شي ووجهك باين كنتي تبكين.
العنود تصارخ في وجه ذكرى:قلت لك مافي شي.
ودخلت الغرفه اللي ينامون فيها وجلست في فراشها وبكت الين مانامت وراحت ذكرى لضي.
ذكرى:ضي ابغاك بموضوع.
جات لذكرى وطلعوا برا
ذكرى:ادري انك مستغربه اني ناديتك بس مافيه الا أنتي ممكن تساعديني.
ضي:سلامات ايش فيه.
ذكرى:العنود.
ضي وهي خايفه:ايش فيها العنود.
ذكرى:هدي بالك ماصار فيها شي بس لاحظت عليها شي.
ضي:ايش هو طيب؟
ذكرى:كنت امشي معها اليوم ووقفنا عند الجدار اللي يفصل بيننا وبين الرجال ودق علي زوجي قلت لها برد وبرجع لك ورديت عليه ورحت امشي بعد ماخلصت جيت عندها اعتذرت اني تأخرت شفت عيونها حمرا وتدمع سألتها قالت مافيني شي قلت شلون مافي شي واللي يشوفك يقول كنتي تبكين فصرخت بوجهي مافيني شي وراحت ابغاك تساعديني عشان نساعدها.
ضي:اكيد سمعت شي بس العنود مايهمها أحد ياما ناس سبوها قدامها ياما ناس تكلموا عليها وهي تسكتهم طيب أنا بروح لها إذا في شي راح اناديك وبروح لها كاني ماادري عن شي لاني من جد اليوم افتقدتها.
ذكرى:تكفين إذا في شي علميني اخاف اني أنا السبب.
ضي:لاياعمري انشاءالله خير.
وراحت عند العنود.
ضي:عنوده أنتي صاحيه.
العنود:ايه ليه في شي.
ضي:لا بس افتقدتك وجيت اشوفك.
العنود:افتقدتيني بجد ولا عشان شي.
ضي:ليه يعني بس إذا افتقدنا الشخص يعني نبغى منه شي.
العنود:ضي تعتقدين ان في أحد يفكر فيني أو ممكن ياخذني.
ضي:اكيد مين قال ان مافي أحد يحبك أو ياخذك مين قالك هالكلام.
العنود ماقدرت ترد فجلست تبكي.
ضي:العنود بقولك شي بصراحه عبدالله اخوي كان بيتزوجك بس كتبت ربي اخذ بدور يعني مو بس هو اللي بياخذك دام ان في شخص فكر فيك في اشخاص يفكرون فيك حتى لو مافكروا فيك حنا نحبك ونموت فيك بعد لاتخلين هاذي النقطه توقف في طريقك لاتفكرين في هذا الشي إذا مالك نصيب بالزواج في أشياء كثيره تقدرين تعوضين فيها العنود حبيبتي فكري باللي قلت لك وخلي املك بربي كبير.
العنود:في شخص يحبني بس.
ضي:بس ايش.
وقالت لها العنود كل اللي سمعته.
العنود:بس تصرفاتي ماتأهل اني اصير زوجه أو أم.
ضي تحضن العنود:لا ياعمري بعد كل اللي سمعته يعني في أحد يهتم فيك وأنا وساره وذكرى راح نساعدك الين ذاك الوقت اللي راح تصيرين فيه عروسه راح تتغيرين وتصيرين احلى بنوته في الدنيا.
العنود تضحك وتحضن ضي:مشكوره ياحياتي خففتي عني الكثير.
ضي:هذا واجبي وترى ذكرى مهتمه لامرك وهي ياقلبي خايفه عليك.
العنود:طيب الحين بروح لها.
ضي:يلا وتأكدي ان احنا معاك ماراح نتخلى عنك.
وطلعوا العنود أول ماشافت ذكرى راحت حضنتها.
العنود:اسفه سامحيني.
ذكرى:سامحتك ياعمري.
وجلسوا يسولفون.
جا الفجر صحت ساره بدري شافت العنود وضي صاحين.
ساره:صباح الخير.
ضي والعنود:صباح النور.
ضي:ايش عندك صاحيه بدري؟
ساره:ولا شي بس بروح المدرسه.
العنود:من جدك.
ساره:ايوه ليه فيها شي قوموا بس قوموا ساعدوني.
العنود:ليه شغالات لك.
ساره:عمري أنتي وحياتي ممكن تساعديني.
العنود:ايش تبغى الاميره ساره.
ساره:والله ابغى استشور ومالي خلق.
ضي:بس ولا يهمك بسوي لك شي حلوه.
ساره:ورينا الشي الحلو.
وقامت استشورت قصتها وجزء من شعرها من قدام وسوت لها بف صغير وحطت فيونكه حمراء وجعدت الباقي طالع شكلها خيال وجابت لها المرايه.
ضي:ها ايش رايك؟
ساره:مين هاذي؟
ضي:تستهبلين.
ساره:هاذي أنا واو طلعت حلوه.
ضي:اكيد عشاني أنا سويته بس حطي لك كحل تطلعين ملكة جمال.
ساره تضحك:مشكوره حياتي.
وحطت لها كحل خفيف وجابت لها ضي روج وردي فاتح وهادي وحطت لساره طلعت كيوت.
ساره تحضن ضي:مشكوره يااحلى ضي في العالم.
ولبست عبايتها واخذت شنطتها وطلعت ركبت السياره تنتظر فهد فكت الشيله عشان تصلحها الا مر فيصل وشافها وهي ماانتبهت له.
فيصل:وأنا مو ذابحني الا جمالها.
ساره انتبهت له وتغطت بسرعه فيصل قرب من السياره وبسرعه سكرت الدريشه سمع فيصل صوت أحد جاي ومشى ماكأنه سوى شي شاف فهد هو اللي جاي.
فيصل:على وين.
فهد:بودي ساره لمدرستها.
فيصل:ايش رايك اخاوي.
فهد:يلا عشان تونسني وأنا راجع.
وراحوا ووصلوا مدرسه ساره نزلت بسرعه ونست شنطتها ومشوا فيصل التفت مكانها شاف الشنطه.
فيصل:فهد ارجع ساره نست شنطتها.
فهد:كل هذا حماس.
ورجع للمدرسه.
فهد:فيصل عطني الشنطه.
وعطاه اياها وبدون مايحس حط ورقه في شنطه ساره ونزل فهد واعطى الحارس الشنطه وهو عطاها الفراشه تعطي ساره وراحوا للاستراحه.
دخلت ساره وشافت صديقاتها عند الباب يوم شافوها راحوا ركض لها يتحمدون لها بالسلامه.
ساره تصارخ:ييي نسيت شنطتي بالسياره.
شوي جات الفراشه أعطتها الشنطه والبنات يضحكون على ساره.
اريج:ياعمري ماني مصدقه اني شفتك.
ابتسام:اكيد متزوجه عشان كذا غيابك كثير ياحظك.
والبنات يضحكون.
ساره:بسم الله علي انتوا اخبارك والله مشتاقه لكم مره.
الكل:واحنا اشتقنالك.
وضحكوا شوي جات الاء.
الاء:سلام.
ساره:هلا والله وغلا اخبارك.
وحضنت الاء.
الاء:الحمدلله بخير أنتي اخبارك والله خفت انك ماراح تجين.
ساره:لا ياحياتي طولتها غياب خفت يفصلوني بعدين مااشوفك مره ثانيه.
صديقات ساره يصفقون ويصارخون هوووو.
الاء حمر وجهها.
ساره:ماعليك منهم.
وراحوا يتمشون ويسولفون ودق الجرس.
ساره:لاااا بس يلا في الفسحه راح امشي معاك.
الاء:طيب حياتي تصدقين شكلك اليوم يجنن.
ساره:عيونك الحلوه ياعمري يلا اشوفك في الفسحه باي.
الاء:باي.
وجات عند البنات.
ساره:حرام عليكم احرجتوها.
فاطمه:أقول خلينا من الاء الحين خلونا نروح الفصل.
البنات:يلا.
وراحوا دخلت ساره الفصل شافته مزين ومكتوب على السبوره كل من يحب ساره علي ال..... يقول لها الحمدلله على السلامه واستاذة هديل كانت في الفصل تنتظر ساره أول ماشافتها ساره راحت لها وحضنتها.
استاذة هديل:الحمدلله على السلامه.
ساره شوي وتبكي:الله يسلمك.
اريج:ايش رايك بالفصل هذا كله لك يوم قلتيلي أمس انك راح تجين اتفقت مع البنات نسوي حفله وهدى اتصلت على استاذة هديل وقالت لها انك بتجين فساعدتنا.
ساره جات وحضنت اريج وهدى:مشكورين يابنات والله مااستاهل كل هذا.
هدى:تستاهلين أكثر ياقلبي.
وبدوا الحفله وجابوا لها كيكه كبيره مره ونادوا المعلمات والمديره ووزعوا الكيك يعني ذاك اليوم مفتوح عشان ساره واعطوها هدايا كثيره ومشت مع الاء في الفسحه طبعا أعطتها كيكه والاء أعطتها هديه
وجات الطلعه وجا السواق ونزل وشال اكياس الهدايا اللي تقريبا ١٥هديه اكياس كبيره وصغيره وحطها بالسياره وراحوا الاستراحه ونزلت وكانت ضي عند الباب تنتظر ساره أول ماشافت ساره على طول حضنتها.
البارت الحادي عشر
ضي:هلا والله ياحياتي والله اشتقت لك.
ساره:وأنا بعد تكفين ساعديني.
ضي:بإيش.
ساره:شوفي.
شافت ضي الهدايا فتحت فمها مصدومه:كل هذا لك.
ساره:ايوه والله ماتدرين ايش صار اليوم بس خلينا نشيل الاكياس وندخلها واعلمك ايش صار
ودخلوا الغرفه اللي ينامون فيها وعلمتها بكل اللي صار.
ضي:وناسه الله لايحرمك احبابك يارب ويزيدهم.
ساره:يارب.
واخذت ساره شنطتها عشان تبدل الدروس عشان بكره بتروح شافت ورقه استغربت نادت ضي وفتحتها.
أنا اللي عشقت التراب اللي تمشين عليها..بس هوى القلوب مياله..وأنا اللي ذللت لجل حبك كل الدروب..بس ابي قلبك يميل علييه..ساره ادري انك تكرهيني بس من حبي لك اسوي كذا تكفين افهمي حبي لك.
ساره مصدومه شققت الورقه ورمتها.
ساره وهي تصارخ:وقح وقح حقير مافي الا اني اروح الحين وأادبه.
قامت تبغى تروح مسكتها ضي.
ضي:ساره انهبلتي.
ساره:تزيد صراخ ماينفع معاه هذا شي هذا حقير مايستاهل الا الموت.
ضي ضربتها كف الكل تجمع وساره تناظر في ضي مصدومه وقامت ضي حضنتها وساره تبكي الكل يتساءل ايش صاير.
ضي:ماصار شي.
ضي اخذت ساره وطلعت الحوش.
ضي:ساره ليش سويتي كذا اللي يسوى واللي مايسوى تجمع علينا ماله داعي تسوين كذا.
ساره وهي تبكي:من القهر ياضي من القهر.
ضي:ساره خليه طنشي إذا سوى شي ذيك الساعه سوي اللي تسوين.
وحضنت ساره ودخلت ساره وعلى طول نامت.
جا الصباح صحت بدري شافت ضي نايمه راحت لبست مريولها وجعدت شعرها لبست عبايتها توها بتطلع الا ضي تناديها التفتت عليها ساره.
ضي:بتروحين بدون مابتوسيني.
ساره ابتسمت وباستها:ضي أنا اسفه.
ضي:عادي ياعمري أنا اللي اعتذر يلا حياتي لاتتأخرين.
وضموا بعض وركبت السياره وكان فهد موجود.
ساره:بيجي أحد معاك.
فهد:فيصل ليه.
ساره:لاتخلي أحد يجي.
فهد ماحب يسألها حس انها فيها شي ومايبغى يزيد عليها.
فهد:طيب.
ومشى ووصلوا المدرسه ونزلت أول مادخلت صادفت الاء ماقدرت تسلم عليها بحالتها ومشت على طول وراحت الفصل شوي الا جاتها هدى.
هدى:ساره فيك شي.
ساره ماقدرت تتكلم وهدى ماسألتها عشان ماتزيد عليها فجلسوا في الفصل.
اما فهد راح عند فيصل.
فهد:فيصل بروح مشوار تجي معاي.
فيصل:يلا.
وركبوا السياره وهم في الطريق.
فهد:فيصل ابغاك تقولي الصراحه في شي بينك وبين ساره؟
فيصل:لا ليه قالت لك شي.
فهد:لا بس سؤال.
فيصل:اخاف فيه شي واصير أنا الغلطان.
فهد:لا تخاف فكنا من السالفه ايش رايك نفطر برا ونغير جو.
فيصل:قدام.
في مدرسه ساره جات الفسحه.
ساره:هدى ادري مستغربه مني اليوم بقولك بس ابغى رايك.
هدى:أنا كلي لك ياقلبي بس قولي ايش فيك.
وعلمتها ساره بكل شي صار.
هدى:والله حقير طيب ليه ماتصارحين اخوك فهد دام انه أقرب لقلبك.
ساره تصارخ:لا مستحيل اقوله بيحط بباله اني أنا السبب وابغى أفك نفسي من السالفه.
هدى:صدقيني أنا مع ضي راح نساعدك وكلام ضي صح يوم انها قالت راح يجي يوم ويندم على كل اللي سواه.
شوي دخلت الاء ساره لفت وجهها بسرعه.
هدى:معليش الاء أنا اسفه ساره تعبانه وماتقدر تكلمك.
الاء:أهم شي انها بخير.
هدى:بخير ياقلبي.
الاء:طيب باي.
وراحت وهي مقهوره تبغى تكلم ساره ومرت على استاذة هديل التفتت شافتها داخله الفصل وطولت ورجعت الفصل ووقفت عند الباب سمعت ساره تبكي والاء ماقدرت تتحمل وراحت لفصلها.
وجات الطلعه وطلعت ساره ماشافت السياره ودخلت المدرسه وجلست تنتظر شوي دخلت الاء وجلست مع ساره.
الاء:السلام عليكم.
ساره:وعليكم السلام غريبه دخلتي.
الاء:سيارتنا ماجات وأنتي؟
ساره:حتى أنا ماجات سيارتنا.
وسكتوا فتره.
الاء:ساره أنا مسببة لك المشاكل.
ساره:لا ليه ومين قالك.
الاء سكتت فتره بعدين تكلمت:استاذة هديل....
شوي طلعت استاذة هديل وشافت ساره والاء وجلست تستحقر الاء.
استاذة هديل:سلام اخبارك ساره عن اليوم؟
ساره:الحمدلله بخير.
استاذة هديل تناظر في الاء وتستحقر:وهاذي ليه ماراحت بيتها.
الاء:يلا حياتي جات سيارتنا اشوفك يوم السبت باي.
ساره:باي.
استاذة هديل مقهوره من الاء توها ببتكلم قامت ساره بتطلع.
استاذة هديل:ساره.
ساره:سيارتنا جات باي.
وطلعت واستاذة هديل مقهوره.
ووصلت الاستراحه على طول نامت ماحست الا بضي تصحيها المغرب.
ضي:ساره تبغين تروحين حديقة الحيوان.
ساره تصحصح:ماودي.
ضي:براحتك بس ترى الكل بيروح وهدى اتصلت علي وبتروح وفي مفاجئه.
ساره:خلاص بروح.
وقامت وتجهز الكل وركبوا السياره وراحوا للحديقه نص ساعه ووصلوا وهم يمشون ساره وضي شافوا هدى.
ساره:هدى هدى.
التفتت عليها هدى.
هدى:هلا والله وغلا.
ساره:ياحياتي وحشتيني اوي.
هدى:وانتي كمان.
وضحك الكل.
ساره:خلونا نجلس والله ماجيت الا عشانك صح ضي وين المفاجئه.
ضي:اصبري وراح تشوفينها خلونا نجلس عند المطاعم والكفي.
ساره وهدى:يلا.
وراح الكل يشتري من الكفي كل واحد اشترى شي وطلع بقى ساره وخالد وضي اشترت ساره موكا والحساب١٥ريال فتحت الشنطه تدور البوك ماشافته توهقت التفتت تدور ضي الا هي طالعه انتبه خالد لها ودفع الحساب.
خالد:خلاص دفعت الحساب.
ساره:مو لازم بروح أخذ من اهلي.
خالد:خلاص دفعته ماخسرت شي.
ساره انحرجت اخذت الموكا وراحت عند ضي وهدى.
ساره:وجع ليه رحتوا وخليتوني.
هدى وهي تضحك:اسفه اخذت بوكك ابي اسوي لك مقلب.
وتزيد ضحك.
ساره:حرام عليك فشلتيني.
ضي:ليه.
ساره:خالد دفع الحساب والله انحرجت.
هدى:حركات من قدك.
ساره:أي قدي أي هم.
ضي:يلا بس خلونا نجلس.
وجلسوا شوي سمعت ساره أحد يناديها التفتت ساره.
طولت البارت لعيونكم ولاني تاخرت مره
اتمنى لكم قرائه ممتعه
تحياتي
مجهوله
البارت الثاني عشر
ساره:هلا والله وغلا.
جات الاء وحضنوا بعض.
الاء بفرح:اهلين اخبارك.
ساره:والله الحمدلله أنتي اخبارك.
الاء:والله تمام ماتدرين قد ايش فرحانه بشوفتك.
ساره تضحك:وأنا أكثر اعرفك على ضي اللي اتصلت عليك ذاك اليوم.
ضي تسلم على الاء:هلا والله اخبارك.
الاء:الحمدلله تمام.
ساره:يلا اشوفكم بعدين.
ضي:على وين.
ساره:بمشي مع الاء.
ضي:تراني اغار.
ساره:ياعمري وحياتي أنتي خلاص ولا يهمك وهاذي بوسه لك يلا باي.
وباست ضي وراحت مع الاء يمشون.
الاء:ساره بقولك شي بس ماتزعلين.
ساره:أنا كلي لك قولي اللي بقلبك.
الاء:ساره أنا زعلتك اليوم؟
ساره:لا مين قالك كذا.
الاء:استاذة هديل قالتلي اليوم اني سبب كل مشاكلك.
ساره:أنتي تثقين فيها ولا فيني.
الاء:اكيد فيك بس...
ساره:الاء تكفين غيري السالفه جيت هنا عشان افرح معاك مو أنكد.
الاء:خلاص طيب ساره بقولك شي.
ساره:قولي.
الاء وهي تضحك:تذكرين أول يوم تقابلنا.
ساره تضحك:ايوه لما جيتي أول يوم وسألتيني عن مكتب المديره وخليتك تروحين للاداريه وكتبت عليك مخالفه تأخير وهي ماتدري انك جديده.
وضحكوا ومشوا ووهم يسولفون واشتروا فشار وسلاش ورجعوا عند البنات وجلسوا يسولفون والساعه١الليل كل واحد راح بيته وطلعوا من الاستراحه وكان ذاك اليوم احلى يوم بالنسبة لساره ونامت ضي عند ساره وجا الظهر وصحت ساره وصحت ضي وصحوا بعد الفطور جلسوا يسولفون وساره ترتب الهدايا اللي من صديقاتها ومعلماتها وشافت هديه استاذة هديل خلتها نفس ماهي في كيستها.
جا المغرب راحت ضي لبيتها لأنها غابت كثير عن الجامعه بعد ماراحت دق جوال ساره شافت رقم استاذة هديل طنشت واتصلت٣مرات المره الرابعه ردت.
استاذة هديل:هلا والله اخبارك.
ساره:الحمدلله أنتي كيفك؟
استاذة هديل:الحمدلله بخير.
سكتوا شوي.
استاذة هديل:اخبارك مع أمس.
ساره:الحمدلله تمام.
استاذة هديل:استانستي مع الاء.
ساره انصدمت:ايش دراك؟
استاذة هديل:مصادري الخاصه على العموم ماراح أقول شي بس ايش رايك نتقابل بكره في الحكير.
ساره مصدومه:اسفه مقدر.
استاذة هديل عصبت:ايش معنى الاء.
ساره عصبت:أمس ماكنت ادري ان الاء بتجي عن اذنك أنا مشغوله الحين باي.
استاذة هديل:ساره أنا اسفه والله مقهوره أنا احبك اموت فيك ابغاك لي بس لحالي والاء الحقيره ال.....
ساره بصراخ:خلاص تراك زودتيها حتى لو أنا احبك ماارضى أحد يتكلم في أي شخص حتى لو مااعرفه خلاص مالي كلام معاك باي.
استاذة هديل:ساره بس....
وسكرت ساره بوجهها وجلست تبكي ولها يومين ماطلعت من غرفتها إلى يوم السبت وجا الصباح تجهزت وركبت السياره وراحت المدرسه يوم وصلت نزلت شافت استاذة هديل عند الباب.
استاذة هديل:ساره اسمعيني تكفين.
ساره طنشت ومشت دخلت بتروح الفصل شافت صديقاتها ولفت شافت الاء بوجهها.
الاء:صباح الخير.
ساره ابتسمت:صباح النور.
الاء:ايش فيك شكلك متضايقه ولا...
وسكتت.
ساره:لا ياحياتي ولا شي بس متضايقه من سالفه.
الاء:اها أجل اخليك واقابلك في الفسحه.
ساره ابتسمت زياده:انشاءالله ياقلبي يلا باي.
الاء:باي.
ولفت على البنات وهي مبتسمه والبنات يناظرون فيها مستغربين.
هتون:سبحان مغير الأحوال.
اروى:بسم الله الرحمن الرحيم.
ساره:ايش فيكم جني أنا قدامكم.
هدى:قبل شوي مكشره وجهك والحين مبتسمه.
ابتسام:ولا عشان شفتي الاء.
هتون:لا لا البنت فيها شي وتوها شافت استاذة هديل مفروض تجينا تضحك.
ساره:أقول خلونا من هالسوالف ايش رايكم اليوم نتقابل.
الكل:وين.
ساره تضحك:يازين اشكالكم مدري انتوا اختاروا ولا ايش رايكم نروح مجمع سيتي ماكس.
الكل:والله حلو.
هدى:اسفه مقدر.
ساره:ليش كل وحده مع حبيبتها.
هدى:أجل غيرت رأيي عشان اخرب عليكم.
اريج:حرام عليك ليه ريومتي ماتحب حركات الاستهبال والله تزعل.
هدى:ياعيني على ريومتك المهم بكره جايه يعني جايه.
الكل:الله يستر منك.
هدى تضحك ضحكه شريره:واو شلون بتصير اشكالكم بكره.
وتزيد ضحك.
اريج:أي صح نسيت احل واجب الرياضيات.
اروى:وأنا معاك.
ابتسام:نسيت اخذ دفتري من استاذة سحر.
فاطمه:اوه نسيت اغراضي بروح اخذها.
هتون:وأنا بعد نسيت اروح اساعد استاذة مرام في المعمل.
ساره:وأنا معاك.
وهرب الكل وخلوا هدى لحالها.
هدى:يلعن أبو الكذب من متى واحنا عندنا رياضيات وفاطمه أغراضها دايم فوق الكذابه وهتون وساره مايحبون المعمل بس أنا اوريهم بكره.
ودخل الكل فصله ساره وهدى واريج وهتون بفصل والباقين بفصل وبدت الحصه الاولى شوي دخلت استاذة هديل.
استاذة هديل:السلام عليكم ممكن ساره.
استاذة شروق:تفضلي.
وطلعت ساره وهي ماتبي تطلع بس ماتقدر قدام الأستاذة تقول ماابي وراحوا للساحه وجلسوا عند أحد الزوايا.
استاذة هديل:ساره أنتي تعرفين قد ايش أنا احبك ساره ليه تسوين كذا.
ساره:بس هذا مو سبب عشان تسوين كذا حتى أنا احبك بس ايش ذنب الاء.
استاذة هديل:ساره خلاص أنسي اللي صار واوعدك انه مايصير مثل اللي صار قبل ولا يصير شي ثاني سامحيني.
ساره:دام انك وعدتي أنا قبلت عذرك بس الاء لاتفكرين فيها.
استاذة هديل ابتسمت وضمت ساره:ولا افكر فيها.
وجلسوا يسولفون الين مادق الجرس وراحت فصلها وفي الفسحه مشت مع الاء مر اليوم سريع وحلو على ساره ورجعت البيت وعلى طول نامت
جا العصر صحت ساره نزلت تحت سلمت على امها وابوها وجلست.
أم فهد:هلا والله ببنتي ايش فيك ياساره يومين ماشفناك.
ساره:اه يايمه شسوي اختبارات ودراسه ثالث ثانوي.
أم فهد:الله يوفقك ويسهل عليك.
ساره:بروح اليوم مع صديقاتي ستي ماكس.
أم فهد:روحي الله يستر عليك.
باست رأس امها وابوها وطلعت غرفتها ترتبها إلين المغرب ولبست عبايتها ونزلت ركبت السياره.
ساره:روح ستي ماكس.
السواق:اوكي مدام.
وصلت الكل كان موجود والكل راح مع حبيبته الا هدى ماجات وراحوا يتمشون ودخلوا محل اكسسوارات اشترت ساره حرفsواعطتها الاء والاء اشترت حرفAواعطتها ساره وهم يتمشون ساره انتبهت لشخص شبهت عليه بس طنشت لأنها ماتوقعت انه يجي وراحت مع الاء باسكن روبنز واشترت لها ايسكريم توفي والاء توت لأنها تعرف ان الاء تموت فيه وجلسوا في أحد الكراسي وجلسوا ياكلون وهم جالسين ياكلون ايسكريم سمعت ساره صوت شخص تعرفه التفتت شافت نفس الشخص اللي شافته قبل شوي تأكدت من الصوت عرفت انها هدى استغربت من اللي معاها.
هدى وهي تبكي:طيب ليه تخليني طول هاذي السنوات بسبب وحده حقيره وكذابه صدقيني ليش اسوي كذا وأنا احبك.
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك