رواية بصدري وجع كنت احسبه نام يا صدري -42

رواية بصدري وجع كنت احسبه نام يا صدري -42

المستشفى ..

شدت على كف عساف وهي تبكي من قلبها آمها مادخلت معها لاجل الاشاعات والعلاج خطير عليها ..الا هو رفض ودخل معها..

ببكا قطع قلبه : تأأأأأأأألم ..عسسساف خلهم يخففون من هالابر ..

عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .

البارت الواحد والاربعون ..

المستشفى ..

:طلع الابره ..

الدكتور : لازم تكمل المده والا نزعها ضرر عليها ..

دنق لها : أصبري بس ربع ساعه..

غطت وجهها بيدينها وهي تبكي إلمها ..

الدكتور :ياابني ضروري بأول الجلسات تكون كذا لانها ببدايه العلاج ولكن الاسبوع القادم والذي يليه راح تتعود ..

جلس جنبهاوهو يحط يده تحت راسها ويهديها:بس حبيبتي شوي وبيخف الالم بس توك بالعلاج ..

ماسمعت له وهي تشرق بدموعها ..طلع الدكتور والممرضه لان الابره حطها لها وراح يجي وقت آنتهاءها ..

مسح دموعها : رتيل عمري أنتي شوي شوي وراح تتعودين ..

ببكا مجنون : تألم ..تألممممني ..

احتواها بكل حسه وآحساسيه : ي ليت هالالم فيني بكل جسدي ي ليته فيني عنك ..

.

.

.

شقه ريان*الجوهره ..

أخذت شاور ودخلت لاجل تنام عقب ماصلت الظهر ..سمعت الباب يتسكر دخل ريان لغرفتهم : جوهرتي نايمه ..

نزل شماغه وراح يسحب لابه شغله وراح جلس جنبها : جوهره تعالي نجلس بالصاله ..

: بنام ..

: وين تنامين .. طيب أنا جيعان مااكلت شي ..

بتأفف : طيب طيب ..

وخرته عنها وقامت ناظرها بغرابه ليكون زعلت طيب توه صاحي من النوم ونام متأخر ..

قام وراها ..

: الجوهره أكيد زعلتي .. ترى كان فيني النوم ..

ماعلقت على حيكه وهي تفتح الثلاجة .. سحب يدها وصك الثلاجه : الجوهره..

بنظره وفكت يدها : يدي لاتمسكها كذا كانك تبي غدا .. شي ثاني أنت اخترت السجاير خلاص تتم هالاختيار وخلك عليه ..

رجعها على الثلاجه وحط يدينه على الثلاجة وهي بالنص وعيونه تناظرها بدقه :كنت تو قايم وأنتي عارفتني وعارفه طبعي ..

: والمطلوب ؟

: وش المطلوب أكيد ماتزعلين وتتفهمين طبعي ..

: مازعلت ولاراح ازعل عليك ياريان بأي لحظه .. تأكد من هالشي بس ..

برفعه حاجب : معناها ماآهمك ..!

: كيفك فسرها بالمعنى اللي يريحك ..

: الجوهره تونا راجعين لبعضنا ياخلفهم .. ماتهنينا فينا تبينها زعل ماله داعي..

وهي تحاول تبعده: قلت لك مازعلت منك ولاراح ازعل بيوم ..والحين بعد لاني بسوي الغدا وعقبها اطلع لاهلي أخوي راح يمرني ..

بنظره: وأنا وين رحت ؟

: أبي امر كم مكان مع أخوي يعرفهم ولافيني أدليك الطريق..

: وتقولين مب زعلانه ..!

أكيد مافيك تحكين لانك كارهتني ..

نزلت يده ومشت لاجل تكمل الغدا استوقفها صوته الضايق : مابي غدا..

نزلت اللي بيدها وطلعت من المطبخ من غير أي ردة فعل ..عض على شفايفه وهو يناظرها تطلع من المطبخ طلع وشافها تنزل لابه والشاحن على الصوفا ودخلت صكت الغرفه عليها ..

ظل يناظر الباب لفترة وبقهر : طيب يالجوهره ..

سحب لابه وشبك الشاحن .. ناظر حوله ماشافت الدخان ناظر الباب ولادق إلين تهدأ ..كمل تصفح النت : صور أكل وانا جيعان رحت فيها ياريان ..!

.

.

.

العصر ..

المستشفى ..

: أبي صديقاتي ..

: كلهم ؟

: آيييه ..

: طيب وين جوالك ؟

أشرت على الدرج ..قام أخذه : مين تبين تدقين عليه بالاول ؟

: أبي كادي ..

وهو بشبه ابتسامه : كلهم رموز ..

أعطاها وهي تدق صكت من كادي وحطت الجوال جنبها ..ناظرت معصم يدها ماشافت الاساور ببكا : وين الاساور وين الدبله (تلمست نحرها ) وين السلسال؟

وهو يقوم :هذي كلها هنا .. نزلناها عنك ..

قضبت عليها بكفها هي الباقية من ريحته وغضمت عيونها ..

يناظر تعبها ووضعها المؤلم : رتيل تدرين من البارح ماأكلتي ولازم تأكلين..

فتحت عيونها ببطء : راحت أمي ؟

عساف : آييه عندها ضيوف ..

: أهم مني ..!

يلا عادي عادي ..المهم صديقاتي راح يجون ..

وهو يمسح على شعرها : لا أكيد موب أهم بس يمكن معطيتهم موعد وصعبه تعتذر .. ترى الوالدة تو مكلمتني وشوي وراح تجي مع شاهه ..

ماعلقت ..

عساف: ها أجيب لك أكل ؟

: لا ..

: بس مااكلتي ولاشي ..!!

: لان مابي ..

مسح على شعرها :طيب براحتك ..

دق جواله رفعه وابتسم : امي ياجعلني فداها ..

رد وقام طلع من الجناح ..حست أنها جات للمستشفى ..جلست وعضت على شفايفها من إلم رجلها ..

شوي وهي تشوف عمتها وشاهه داخلين وكان عساف ماسك كف امه ويضحك معها رفع عيونه لـ رتيل وكله رجا تحترم بس آمه واخته ..

: هلا عمتي ..

ابتسمت عمتها وهي تتقدم لها سلمت عليها : سلامتك يابنتي ماتشوفين شر ..

:الله يسلمك ..

شاهه وهي تسلم عليها : ياحبيتي ماتشوفين شر ..

:مايجيك الشر ..

عساف : تعالي يمه اجلسي هنا ..

جلست وجنبها شاهه ..

عمتها: كيفك يابنتي الحين ؟

رتيل : الحمدلله تمام ..أخباركم كيف الكل ؟

عمتها: كلنا بخير .. والله يابنتي مادريت الا الظهر لما جا عساف وقالي ..

رتيل: عادي .. مامنك قصور ..

قامت شاهه أخذت القهوة والشوكلا .. عطت رتيل منها ..

عساف: تسلمين ..

نزل فنجاله وتقدم لرتيل وهو يفك لها الشوكلا يبيها تأكل أي شي .. ناظرته بقهر هي مالها نفس وهو فتحها لها ..

: يمه انصحيها تراها ماقد أكلت ..

: وراه يابنتي .. الله يصلحك ويهديك .. وانت كان قلت لي كان جبت لها أكل من البيت مهوب أكل المستشفيات يالله لك الحمد ..

ابتسم : صدقيني يمه لعيونها ماتركت شي والا وجبته لها هنا بس مهيب طايعه..

ناظرته للحظات وتخيلت طارق وهو يضحك ويتكلم ويحن عليها لاجل تأكل..ابتسم لنظراتها فيه لانه حملت له ود ماسبق شافه بعيونها له ..

ماعرف مين المقصود ..!

سحبها من خيالها رنين جوالها ..عطاها الجوال وهو مبتسم ..تعلثمت شوي بضيق شلون سرحت فيه بخيالها .. أخذت آنفاسها وردت ناظرت عساف : أي جناح ؟

:الاول ..

قالت لـ كادي وصكت منها ..

عمتها : راح يجيك أحد ؟

:صديقاتي ..

وقفت عمتها : أجل نخليكم الحين وإن شاء الله أجيك الصبح وبجيب لك معاي أكل حالتك يابنتي ماتسر..

شاهه : فعلاً رتيل لازم تتغذين توك بأول العمر ..

: إن شاء الله ..

وقف : بوصل الوالده وشاهه تبين أجيب لك شي معاي ؟

: لا ..

طلعوا وهو عند الباب رجع لها : تبين اجيب لك شي ؟

: لا ..

وهو مبتسم : طيب كلي الشوكلا ..

تذكرت أنها بيدها ونزلتها : قلت لك مالي نفس ..

: طيب براحتك بس ترى منيب مطول بالي على طريقتك بالاكل..

: لاتفكر تفرض رأيك علي ..

:ولاتفكرين تعاندين معي ..

:ولايجي ببالك إن المرض راح يهدني .....

قطع صوتهم دق الباب ..طلع وهو متوتر منها دخلت كادي :سلام ..

رتيل بشوق :وعليكم السلام .. آهلننننن

دنقت وضمتها وانهارات بأحضانها بكا ..

: ياعمري رتيل ليه كذا ذابله تعبانه ..!

ماردت وهي منهاراه بكا وتعب وإلم ..

كادي: ياعمري ياعمري أنتي .. هدي يافديتك ..

:أبيييه .. كل اللي فيني من فراقه ..

دمعت كادي : ياعمري خلاص ريتو ..

رفعت راسها وهي تمسح دموعها وتتابع شهقاتها : لو يعرفون بإن اللي فيني من فرقاه مافرقونا ..

مسحت كادي دموعها : الله حسيبهم .. بس لو تحبينه بجد لاتسوين بنفسك كذا ..

: ماقدر كل شي فيني منهار .. بس أبيه ..(غطت وجهها بيدينها ببكا) أبييه..

دخلت سلطانه ولمار .. ركضت لها : ريتو .. كادي شفيها ..

أخذتها من أحضان كادي ولمتها : شفيها ؟

كادي تمسح دموعها: تبيه ..

لمار كله ولاهالمواقف ماتتحمل لمعت عيونها وتساقطت بالدموع: طارق..

كادي بحسره : ومن غيره ..!

سلطانه ترفع وجهها : حنا وش اتفقنا .. ماقلنا ننسى ..!

نتاسى ..!!

ماتفقنا ؟

مسحت دموعها : ريتو لعيون طارق لاتبكين ..لاجله هو .. الله مايرضى مايرضى والله يمهل ولايهمل ..صح ريتو مهو ذا كلامنا بلندن ..

كادي : قوميها خليها تغسل وجهها لعل المود يروق شوي ..

سلطانه : خل آدق على جور لاجل تجيب لها بجاما لاجل تأخذ شاور ..

دقت على الجوري وقالت لها ..

حطت راسها على صدر سلطانه وهي تقرأ عليها لاجل تهدى ..

.

.

.

شقة ريان * الجوهره ..

:هههههههههههههه طيب ..

صكت من أخوها وطلعت من الغرفه شافته على لابه .. ناظرها : صح النوم..

ماردت عليه ودخلت للمطبخ أخذت عصير وجلست لاجل تشربه ..دخل وجلس مقابلها على الطاولة : جوهره ..

: هلا ..

: زعلانه ..

ناظرته : ريان احكي لك بإي لغه لاجل تستوعب ..!

قلت مب زعلانه يعني مب زعلانه ..

المهم بطلع مع أخوي بزور صديقتي عقبها كم مكان ..

وقف : كيفك ..روحي لبيت آهلك عقبها لان وراي سفر هالاسبوع شغل للشركه..

: لـ وين ؟

يناظرها : زعلانه وتسألين ..!

بنظره : يقال إني زوجتك .. وين ناوي ؟

: دبي ..

قامت من مكانها : بالتوفيق ..

: طيب تبين شي من هناك ؟

:سلامتك ..

:الله يسلمك ..

دق جوالها :هلا .. أوكي الحين نازله ..

دخلت لغرفتهم اخذت عبايتها وشنطه اليد ..وهي تلبس عبايتها وتلف الشيله شافها تبي تحط النقاب مسك كفها : مالك نيه توادعيني يعني ؟

مالت لاحضانه بسرعة وهو يهمس : أدري ماستاهل جوهره مثلك بس تأكدي أني أحبك ..مهما كانت تصرفاتي دفشه وغبيه وجارحه بأوقات..

بعدت عنه : طيب انتبه لك ..

ابتسم : راح انتبه لي لكن نبي رضاك ..

ابتسمت له : قلت لك مازعلت ..يلا راح انزل أخوي ينتظرني تحت ..

حط وجهها بين يدينه وباسها : أحبك فاهمه ..

قلب لونها ولبست بسرعه نقابها وهو يضحك ونزل معها لاجل يسلم على رائد ..

.

.

.

بيت أهل سطام ..

يناظرها : ماعليه أنا طالع للعيال بوصلك ..

تناظره و بقلبها وين كلامهم آمس ..!

: السواق راح يوصلني ..

: لاعادي أنا بوصلك .. انتظرك ..

آمجاد تناظرهم بغيره : لاتنسى اللي قلت لك عنه ..

لف وناظرها: آوكي ..ها جوري مشينا ..

الجوري : طيب .. عن آذنك عمتي ..

طلعت معه ركبت وصك الباب ..وهو يصك بابه : هي اللي نمتي عندها ؟

:لا ..

: طيب دليني المستشفى ..

: آوكي ..

: دوامك بأي مدرسه ؟

: مدرستي اللي كنت ادرس فيها ثانوي ..

: طيب قريبه من بيتنا ..

: موب حيل ..

: آيييه طيب مين اللي راح يوصلك يومياً ..

: استأجرت أنا وصديقتي سيارة خاصة توصلنا يومياً ..

: آووها .. طيب ثقه السواق ؟

: إن شاء الله ..

: طيب عطيني رقمه ..

: شركة متعهده بالنقل المدرسي وهالاشياء .. والرقم للشركه مهوب عندي ولا السواق لان خال كادي هو اللي أجر لنا ..

: طيب أذا خذيتي الرقم عطيني خبر ..

:يصير خير ..

: ومصعب ؟

:شفيه ؟

: كيف علاقتك معه ؟

: ماعليها ..

: تكلمينه ؟

: من زمان عنه ..

: أحسن ..

ماعلقت وهي تلمح ريحه غيره وكره لمصعب من طرف سطام .. دلته الطريق لاجل يسكت عن الاسئله لها ..

.

.

.

المستشفى ..

الجوهره تأكل رتيل غصب : انثبري ي العصلا ..

ضحكت كادي : عرفتي لها ..

الجوهره : تقهر والله .. خير أجل الزفت عساف يحطمك ..يهبئ ..

الجوري تتقهوى : أقولها ..

كادي : هههههههههههه جوير ترى الكلام لك بعد ..

ضحكت الجوري :ههههههههههه ..

سلطانه : جور فرحانه للشغل بكره ..

الجوري بفرحه : بشكل ماتتخيلينه .. أحس راح يغير شخصيتي ويجعلني اكثر اعتماد على نفسي .. صح تذكرت شخبار مصعب ؟

: تمام .. ماكلمك قريب ؟

الجوري: لا .. الا كيف تجهيزك للعرس ..

ابتسمت : عادي .. ريتو جهزت أشياء غريبه لي .. اتخيل شكلي بس لابستها..

ضحكوا البنات ..

لمار : صح عليك ريتو .. مايبي لها الا تجهيز بالقوة ..

سلطانه :من قال لكم راح آلبس كذا ..

رتيل : جوهره بس شبعت ..

الجوهره : انثبري اشوف وكلي ..

رتيل: بنااات ..

ضحكت لمار : كلي بس ..

رتيل : جوري شوفيهم ..

ضحكت الجوري وقامت : خلاص خلوها يافديتها ..

طلبت الجوري عصير لرتيل .. شوي وجا الطلب ..

رتيل : بنات اطلبوا اللي تبون .. تدرون حاط طال عمره بوفيه تحت وش كبره يقول لاجلك ..

ضحكوا صديقاتها وهي تقول طال عمره وتقلد ..

: ياكثر العطا اللي يعطيه بس مالان له قلبي ولاراح يلين ..

الجوري وقفت وهي تربط شعر رتيل : لكن جالسه تدمرين نفسك له..لازم تهتمين بنفسك بصحتك لاجل ماتنهار أكثر ..

سلطانه كأنها تذكرت وفزت : ريتو قلتي للدكتور عن الدم اللي تستغرفينه ؟!

: آيييه قال لهم عساف .. عمل الدكتور تحاليل وطلعت المشكله في غدد أو انفلونز بس عادي يقول الدكتور مالها أي آثر ..

سلطانه : متأكده ؟

رتيل: والله جد ..

:الحمدلله تطمن بالي .. خفت يكون شي كايد ..

الجوري : الاهم الحين لازم تغذيه لاجل فقر الدم .. والابر لازم كل سبت تأخذينها وتبعدين عن الاشياء الضاره ..

لمار : ريتو صحتك هي أهم شي .. حافظي عليها مهما كان كرهك للحياه ..وأنا أعرفك ماتحبين تكونين موضع شفقه لاي أحد ..

فكرت رتيل بجملة صديقتها كثير ..صح لو تعبت أكثر راح الكل يشفق عليها ويرحمها وهي الا هالشي ..

الجوري تسندها لاجل تقوم وتأخذ شاور ..

دخلتها ورجعت جلست مع البنات ..

كادي : آشتقت لمحمد حيل ..

لمار : ماكلمتيه قريب ..

كادي : موب دائما أغلب أوقاته مشغوله ..

سلطانه: بأذن الله يرجع وكل الجيش سالمين معافين ..

كادي: آمين ..كل ماحط يدي على بطني آتذكره يكفيني شي منه الله لايحرمني منه ..

الجوري ابتسمت : الحين متقبله البيبي ؟

وهي مبتسمه : عقب ماعرف الكل آييه عادي ولاصرت احافظ على نفسي لاجله ..

لمار : الله يتمم عليك يارب ..

سلطانه : وأنتي لمو ؟

ابتسمت : شعور حلو بس خايفه ..

الجوهره تأكل : من وشو ؟

:من الولادة ..

الجوهره : ياظالمه توك ببدايه حملك وتفكرين .. اتركي الهوجسه وارجعي لرجلك ..

لمار: الحين يبني البيت لما يخلص ويتعدل راح آرجع .. بس حتى هو خايفه منه..

الجوهره : طبعه راح يغيره بأذن الله تعالى جاته قرصه ماراح ينساها وحتى أنتي كلمتي فهد وراح يشوف هالوضع بنفسه .. لاتفكرين كثير بس والله كريم ..

لمار: الله يعين ..

كادي : بعض الناس عرسهم الخميس ولاهم جايبات خبر ..

ضحكت سلطانه وناظرتها بطرف عين : ماهمهم هالشي..

كادي: صديقاتك يهمهم ..

قامت كادي وفكت شعر سلطانه : ححلو حلو طال شعرك..

سلطانه بزهق: مابيه يطول ..

الجوري : سبحان الله دامك ماتبين يطول راح يطول .. حلو إنه للمكان ذا ..

الجوهره : ماشاء الله طال حيل ..

سلطانه : بنات عادي مالبس فستان صح ..

هبوا فيها صديقاتها : تمزحين ؟

ضحكت : لا والله جد ..

كادي : سوس انثبري ..

ضحكت: طيب ..الا صح الكوشه وهالاشياء شصار عليها ؟

سلطانه: خوات مصعب هم تكفلوا بكل هالاشياء ..

كملوا سوالفهم عن عرس سلطانه وشلون لبسهم وكل شي بيكون بأذنه تعالى..

اليوم الثاني ..

بيت آهل سطام ..

عدلت شكلها وهي مستانسه بدوامها ..شالت عبايتها والشنطه وهي تحط الجوال فيها ..نزلت شافت عمتها وعمها يفطرون ابتسمت وسلمت عليها وجلست لاجل تفطر ..

عمها مبتسم : الله يوفقك يابنتي ..

وهي مبتسمه: اللهم آمين .. داعوتك عمي ..

عمها : الله يوفقك ويكتب لك النجاح .. لاترتبكين ولايستفزونك البنات

عمتها : صادق عمتك البنات هاليومين بالله ساتر من طواله لسانهم ..

ابتسمت بتوتر : بأذن الله يكون كل شي تمام ..

عمتها : إن شاء الله ..

دق جوالها ناظرته : كادي تدق ..يلا عن آذنكم .. دعواتكم ..

عمتها*عمها : الله يوفقك ..

على لبسها للعبايه نزل سطام بسرعه ماصبح ولاانتبه وكله نوم : جور زين مارحتي ..

: شوف عماني ..

لف وهو منحرج :معليش ..

مشى سلم على امه وابوه وطلع وراها للحوش : الجوري ..

لفت :كادي تنتظرني برى ..

: عارف .. بس الله يوفقك ..

ابتسمت : شكراً على هالدعوه .. سطام اتفقنا على البعد ..

ابتسم بقهر : عارف والله عارف .. يلا انتبهي لنفسك ..

: أوك ..

تركته وطلعت لـ كادي ..

جمع نفسه وآنفاسه ودخل لداخل ..

ركبت السياره ..سلمت على كادي : صباح الخير ..

:صباحك مطرسه ..

ضحكت الجوري : آحس مرتبكه ..

كادي: راح نهجدهم هع ..

ضحكت الجوري : الله يستر علينا بس ..

كادي : لا تشيلين هم وبعدين مديرتنا اكيد راح تضبطنا ..

الجوري: إن شاء الله ..الجوهره راح تدوام اليوم بالبنك مع سوس ..

كادي: آيييه الله يوفقهم ..باقي لمو وريتو ..

الجوري : لمو تقول خايفه على البيبي .. وريتو ماسبق وتكلمت بموضوع الشغل لانها من قبل كانت حاطه براسها تكمل دراسات عليا ..

كادي : حسبي الله عليهم دمروها ..

الجوري : بأذن الله ترجع أفضل من أول ..

دق جوال كادي : محمد ..

ابتسمت وهي ترد عليه وقالت له راح تكلمه بالمدرسه ..صكت منه وهي مشتاقته بالحيل .. بحدود الربع ساعه وصلوا المدرسه ..

دخلوا ..

كادي تهمس لجوري : الله يعطينا خيرها وخير مافيها ..

الجوري: ويكفينا شرها وشر مافيها ..

وقفوا ونزلوا العبايات رتبوها وشالوها مع الشنط ..

كادي : تذكرين مكتب المديره هههههههههه

الجوري : اكيد ههههههههههه تذكرين كم دخلنا والحين صرنا مدرسات سبحان الله..

كادي : آييه والله سبحان الله بس ..

دخلوا لـ غرفة الوكيلة وعرفوها بأنفسهم وعقبها كتبوا آساميهم في دفتر الحضور وجلسوا ..

دخلت المديرة وهي تتكلم وتسأل عن المدرسات الجدد .. ناظرتهم الوكيله وعرفت عليهم المديره ..شوي وهي تناظرهم وهي تتذكر ملامحهم ..

ابتسمت بتذكر : لالا طالبتي اليوم زميلات مهنه ..

ابتسموا لها : شخبارك آستاذه ..

وهي مبتسمه وسلمت عليهم : زينه بشوفتكم ..كيفكم ؟

الجوري: الحمدلله ..

:تعالوا معي للمكتب ..

مشوا معها وهم مبتسمات ..جلسوا معاها شوي وتالوا قاموا لاجل الطابور ..

وهم واقفات جنب بعض : حنيت للطابور والمريول ..

الجوري : مع هالكرشه اللي بدأت بالبروز مايمدحون المريول ..

ضحكت كادي : وجع

ضحكت الجوري وكملوا يشوفون الطابور باليوم الاول كمدرسات ..

.

.

.

المستشفى ..

من سبعه وهي تحاليل وآشاعات رجعت سندها إلين جلست ..

: مافيني شي لاجل تسندني ..!

و راح آطلع ..

بنظره : بأمر مين ؟

: آمر نفسي ..

: لا ..

رتيل : راح اطلع خلاص فحوصات وسويتها ..

وهو يجلس قبالها : بس الدكاترة أبخص ..

بتعصيب: أذا ماطلعت برضاهم راح آطلع غصب عنهم وعنك ..

لف عنها وأخذ آنفاس ورجع ناظرها : هاللهجه ماتجيب نفع معي ..

: ولا أحد يحاول يفرض رأيه علي ..

: الا أنا ..

: طلعني برضاك أحسن ..

:رتيل حبيتي صعب تطلعين ..

وهي ترجع راسها : طيب طيب ..

ظل يناظرها وعرف بأنها راح تطلع رضى هو والاطباء أو لا ..وقف وطلع كلم الدكاترة ووافقوا على خروجها ..

رجع لها وهي تكلم أخوها مشاري سكرت منه وبلغها بالخروج ..بدلت ملابسهاو

أخذت عبايتها وجوالها وطلعوا ..كانت تمشي على مهلها وباين عليها التعب برجلها من الابر ..

ركبوا السيارة وشوي الا وهم واصلين لبيته ..نزلت معه ..

: لاتجلس جنبي ولاتحتك فيني لاجل مايصيرشي آثنينا مانبيه ..

: لبسك شي أنتي ..!

قال جملته بعصبيه ..

: آيييه من شفتك لبسني اللي لبسني ..

دخلوا للبيت وماشاف الا آمه سلموا عليها وجلست دلكت رجلها بإلم ..

عمتها : شفيك يابنتي ؟

رتيل : رجلي تعور شوي لاني تحركت عليها وتألم ..

عمتها : الله يشفيك يابنتي ويجعل ماصابك تكفيره ذنوب..

ابتسمت لها : آمين ..

وهو يناظرها : تبين تريحين ؟

عرفت أنه راح يكون معاها وكرهت هالراحه : لا ..

:براحتك ..

ماردت عليه وهي تناظر عمتها : وين جدتي ؟

ابتسمت عمتها : تلاقينها تصلي الضحى وراح تنزل ..

ابتسمت : بجناحها ؟

عمتها : لا تبين تشوفينها ؟

رتيل: ياليت ..

: تعالي معي ..

قامت معها ..عساف وهو يناظرهم قام عن مكانه وطلع لجناحه لاجل يبدل ويطلع لشغله ..

ابتسمت وهي تشوفها تصلي بجزء من الحديقه .. وخاصة بأنه هوى بارد مع شتاء الرياض ..

جلست ورجلها تألمها انتظرتها إلين خلصت ..ابتسمت جدتها وقامت على حيلها وهي تسلم عليها وتهلي فيها ..

جلست مقابلتها تسولف معها : تمام الحمدلله ..

جدتها : وجهك مايبشر بخير ..

شافت عساف جا .. صدت بعيونها عنه .. إلين سلمت جدته عليه وهو يجلس قبالهم ..

: بسم الله عليكم لا أنت ولازوجتك حالكم منقلب ..

ضحك : مافيني الا العافيه .. لكن رتيل تعبانه وتعبت معها ..

جدته : نزل هالنظارات ..

ضحك ونزلها ..

: ياويل حالي شوف عيونك ..

ضحك وهو يرجع نظارته : راح اطلع للشركه آخلص كم شغله وعلى الظهر برجع آصكها نومه ولاتزعلين ..

جدتها: ارقد ياولدي وريح والشغل لاحق عليه ..

وهو يوقف: كم شغله لازم أخلصها وبرجع ارتاح .. بس جدتي أكليها من أكل الاولين علها ترجع صحتها ..

قالها وهو يضحك وبداخله متذمر كثير من حياتهم .. ضحكت جدته: من عيوني الحين بقوم آسوي لها ..

مشى عساف ..

رتيل : جدتي لاتسوين شي مالي نفس بس حبيت آسلم عليك وبروح آنام إلين الظهر ..

جدتها : روحي ريحي وإن شاء الله لامن صحيتي آغديك ..

ابتسمت لها ومشت .. شافت عمتها بالطريق ومعها الفطور اعتذرت منها بلطف وطلعت للجناح أخذت العبايه والجوال حطتهم على الصوفا .. رمت نفسها على السرير وهي تناظر دبلة طارق بكفها باستها وضمت كفها لنحرها ودموعها تسربت بخفي حنين له ..

يتبع ,,,,

👇👇👇

تعديل المقال