رواية اذا انتثر دمع عينك -46
مشعل : وليش تحبينها ؟؟ ..
سمر تعدل شعرها بيدها : لانها مثلي ثمان سنوات ..
مشعل : إيــــ .
إلا الكاميرا طاحت بالأرض تصور الرمل وصوت أحد طاح في الأرض ..
مشعل طلع صوته : يالحيواااان ..
الولد : أخوك اللي قال لي ..
[ السالفه ومافيها أن الولد يسوي نفسه يفحط وتعمد يصدم بمشعل من ورا بقوه خخخ وبس ] ..
مشعل أخذ الكاميرا و وجهها لولد يجي عمره 11 سنه : ياتبـــــن تعال اصورك ..
الولد قرب بغرور شوي : التبن اللي تتكلم عنه .. يصير ريان بن سلطان الـ .
مشعل باستهزاء : لا والله ..
ريان : إيه والله ..
مشعل : طيب كم عمرك يا (وكمل باستهزاء) ريان ..
ريان بفخر : عمري 11 سنه ..
نقز ولد فجأة قدام ريان لابس ثوب ويحرك الياقه حقته : أحححم أنا المزيون مشاري وهذا ريانووه ..
ريان يدفه : اسكت و وخرررر خلني اصور ..
مشعل : هههههههههههآآآي بالدور بالدوور .. أول أنت ياللي لابس ثوب بالبحر شكلك غلط وربي ..
مشاري : أصلا انت ماتفهم شي ..
مشعل : لا انا ما افهم أنت فهمني ..
مشاري بفطنه أكبر من عمره : أولا أنا لابس ثوب حق البنات اللي يشوفوني في البحر ..
مشعل : يعني شلون ..
مشاري طلع نظارته الشمسيه ولبسها : عشان أشبك معاها ..
مشعل وفيصل : هههههههههههههههههه ..
رائد بمزح : لالا الولد خربان .. متأكدين ان عمره 11 سنه ..
مشعل : ههه ههه أجل قال يشبك قال ههههههه .. يعني تبي تتزوج ؟؟ ..
طلال واقف على جنب باين في الكاميرا و حاط يدينه في جيب شورته : ومين تعيسه الحظ اللي بتاخذك يالبزر ..
مشاري بثقه مب طبيعيه : إلا داعيه عليها بليله القدر يوم الجمعه والساعه 12 في الليل ..
مشعل : الله الله الله حشى السندريلا على غفله .. خخ وبعدين من وين جايب هالكلام كله من التلفزيون ولا الراديو هههههههههآآآي ..
مشاري مارد عليه يقاله حقره خخ ..
مشعل : خخ ما اقدر على اللي يحقر بسس .. وين آخر واحد راميووه ؟؟ .. وينه السوري وين الألتغ .. آآآي ( ولف بالكاميرا لوراه) يالغبي لاتضرب ..
رامي اللي كان أجملهم وعيونه تجذب بشكل وشعره عادي .. بعصبيه : أنا مو سوغي(سوري) .. (وبرطم) .. وأنا مو ألتغ ..
مشعل : لا بالله أجل ليش ماتقول رااااااااااء هااه خخ .. قل اسمك وعمرك خلصنا ..
رامي ماسك نظارته الشمسيه بيده : اسمي غاميـ .
قاطعه مشعل يجننه : تصحيح رامي ..
رامي تأفف : غامي ..
مشعل بلعانه : أقولك رامي مب غامي ..
رامي عصب : بتسكت ولا شلون ..
مشعل : كمل كمل الله يستر عليك ..
رامي يناظر مشعل كذا -_- بعد ماعصبه : اسمي غامي غامي أدغي ( رامي رامي ادري) أني مانطقته صح هفف .. وعمري 11 سنه ..
مشعل : هههههه مشكور على روحك الرياضيه خخ .. يالله صف معاهم .. رائد و طلال رتبوهم وصفوا معاهم بصوركم جميع ..
دقايق إلا فيصل قال : يالله شعول صورهم ..
مشعل لفيصل : وانت صف معاهم أصورك وياهم ..
راح فيصل وقف جنبهم .. ومشعل صورهم لمد ثواني : ياحلاتكم بسسس .. خلاص كل واحد يروح .. خلصنا تصوير .. فصول روح الكبينه واجي وراك بعد شوي ..
مشعل مشى مده بروحه والكاميرا تصور الرمل .. بعدها رفع الكاميرا لوجهه وهو مبعدها عن وجهه على مد ذراعه .. وببتسامه حلوة : أحم بالأخير هذا هم هلي وناسي .. إممممم .. أتمنى لا كبرت أتذكر هاللحظات الحلوة .. و أقول لكم كلكم ..
أحبـــــــــكم لو تدرون .. ( وباس الكاميرا ) ..
فجأه انقطع الفيديووو .. وصارت الشاشه سوداا ..
والمكان صاير هدووء إلا من أنفاس الكل المترقبه ..
بدا صوت موسيقى رووعه .. هي نفسها موسقى تايتنيك الخطييره .. و مع المكبيرات الصوتيه تبع البلازما .. صايره خياال ..
[ هذا رابط تحميل موسيقى تايتنيك للـإستمآع : http://www.4shared.com/file/dZEm-aCl/__online.html ]
أول صوره لـ الجد عبدالله (بومحمد ) ..
جالس على كرسي وبيده عصاته وشكله صاير هيبه ^^ ..
ثآني صوره لـ محمد (بوفارس) مبتسم لدرجه أنه باينه ضروسه وحاط رجل على رجل ومسوي حركه البيس بأصابعه خخخ ..
البنات : ووووووووووووووووووو ..
فارس : ههههههه احلى يابوفارس ..
بوفارس : ههههههههه ..
بعدهآ صوره لـ خالد (بومشعل) لابس غتره بيضا ومبتسم وحاط كفه اليمين على خده ..
سمر دمعت عيونها توها بتمسحهم .. إلا يده سبقت يدها ومسحت دموعها ..
سمر ابتسمت لاخوها رامي ..
بعدهآ صوره لـ عبدالكريم (بومشاري) واقف وماسك مفتاح سيارته وملتفت لجهة الكاميرا مبتسم بالخفيف ..
خآمس صوره لـ عبدالهادي (بوأحمد) متكي على حافه الكنب وبيده السبحه الزرقا .. ومبتسم على جنب ..
سآدس صوره لـ عبدالرحمن (بويوسف) .. واقف يصلح شماغه وبعد مبتسم =] ..
سآبع صوره لـ طلال لابس تي شيرت برتقالي وجينز غامق وماد لسانه مبتسم وعلى شعره نظارته الشمسيه ..
بعدهآ صوره لـ رائد واقف وحاط يده بجيب جينزه واليد الثانيه على شعره ومبتسم ابتسامته اللي تخقق ..
رائد : وهـ فديتني خوقاقي ..
طلال دقه بكوعه : ههههه اسكت ..
الكل : ههههههههههههههه ..
تآسع صوره لـ مشعل لآبس بالطو حق المستشفى بالممر وفي يده أوراق ومبتسم للمصور ..
عآشر صوره لـ فيصل .. لابس ثوب والشماغ على كتفه وباين انه قاعد يضحك ..
بعدهآ صوره لـ أحمد منسدح على الكنب وشعره شوي حوسه ومبتسم كأنه سهران ..
بعدهآ صوره لـ رامي وهو مخلل أصابعه في شعره ويناظر الكاميرا وهو عاض على شفته السفله بضحكه ..
الصوره الثلاثه عشر لـ مشاري لابس جاكيت أسود وفي يده سبحه ! خخ .. ومبتسم بهبال ..
بعدهآ صوره لـ ريان لآبس قميص أبيض وجينز أسود وفي يده آيس كريم باسكن روبز ومبتسم ذيك الإبتسامه ^^ ..
بعدهآ صوره لـ فارس منسدح في سيت السياره ومبتسم ابتسامه طفوليه وعيونه الرماديه نصهم مفتوحين ..
الصوره السادسه عشر لـ يوسف ملتقطه في البحر تيشيرت صيفي أبيض وشورت أسود .. رافع نظارته على شعره ومبتسم بمرح ..
بعدها صوره لـ سامي لابس كاب اسود ولابس ثوب و مسوي نفاخه بفمه بالعلك ويناظر الكاميرا وعيونه العسليات تلمع ..
الصوره الثامنه عشر لـ تركي + ياسر جالسين على الكنب وكل واحد ماسك له طاوله صغيره ويطبل وباين على وجيهم الضحك ..
بعدهآ صوره لـ سالم + سيف + عبدالله + عمار لابسين كلهم ثوب وشماغ وأشكالهم هبل وطفوليه بقوه ^_~ ..
الصوره العشرين لـ دانيا بعبايتها الكتف أكيد .. متربعه ومشبكه يدينها تحت ذقنها وتضحك للي يصور ..
بعدهآ صوره لـ دانه واقفه وشنطتها على كتفها ومسويه بوجها انها تضحك بسخريه =d ..
بعدها صوره لـ مسك ماده يدينها لقدام مسويه بأصابيعها شكل قلب .. ومبتسمه بقوه ..
مشاري ناظر مسك اللي واقفه جنب البلازما وحرك شفايفها بطريقه دراميه " لبى القلوب ياناس "" .. ومسك حست فيه وضحكت بدون صوت ..
الصوره الثالثه والعشرين لـ سمر في بريطانيا .. لابسه جاكيت طويل للركبه لونه ابيض وحجاب لونه فوشي وتضحك وهي ماسكه بيدها كره ثلجيه ..
بعدها صوره لـ رهف جالسه على الكنب ورافعه رجلها تربط خيوط جزمتها الله يكرمكم وهي ماده لسانها متحمسه ^^ ..
بعدها صوره لـ ملاك + ساره + روان في المجمع .. ملاك شايله جزمتها تسوي نفسها بترميها على اللي يصور .. وساره مسويه حركه البيس باصابعها .. اما روان اللي كانت جالسه بالارض وباين انها ميته ضحك لووول ..
الصوره السادسه والعشرين لـ اسيل بين العابها ورافعه ر اسها تناظر بدلاخه الاطفال الي يصورها ^.^ ..
بعدها صوره لـ الهنوف بنت فيصل وهي في مهدها وصايره زغنونه وكيووت ..
وأخيرا صوره جماعيه لـ كل العايلة (ماعدا الحريم واللي ماكانوا مولودين طبعا ^^ ) يوم كانو بالبحر قبل 10 سنوات .. واشكالهم رهييبه وهم صافين جنب بعض ..
ومع تلاشي آخر صوره يتلاشى معاها صوت موسيقى تايتنك ..
إلى ان صارت الشاشه سودا والكل قام يصفق ويصفر بقوه وحماس وشغلوا الأنوار ..
الكل قام يسلم على الثاني ويحضنه ! هع ..
بوفارس : طلال ..
طلال : سم ياخوي ..
بوفارس دور بجيبه لمن طلع مفتاح في ميداليه صغيره ومده لطلال .. وطلال اخذه باستغراب ..
طلال باستغراب : سياره عندي ..
بوفارس : لا مو سياره ..
طلال يفكر : شقه ؟ ..
بوفارس : لا ..
رائد بهبل : مفتاح الكنز ؟ ..
بوفارس ضحك : لأ ..
الكل جلس يفكر ويقول اللي في باله وبوفارس يضحك ويقول لا ..
بوفارس فقع ضحك على امثلتهم : هههههه خلاص بقرب لكم .. بحرف العين ..
طلال فكر وفكر ..فتح عيونه على وسعهم وبتردد : حرف العين يعني يعني عياااااااااده ؟ ..
بوفارس ببتسامه : إيه عياده ( وطلع كرت ) وهذا موقعها .. هذي هديتي لك انت و رائد بمناسبه انك بتملك بكره ..
طلال ورائد قاموا ينقزون ويصارخون .. والكل فرح لهم من قلب ..
رائد غمز لبو فارس : أجل انا بتزوج مثله وابي هديتي مستشفى ..
الكل : ههههههههههههههه ..
بعدها جلس الكل مده ساعه بس وبعدها مشوا بيتوهم ^^ ..
وساره في غرفتها على النت من الفضاوة .. وطلال ورائد راحوا بالمستشفى وهم مستانسين وناوين يمرون يشوفون العياده شنو تحتاج .. وفارس طالع يدور بالشوارع بسيارته ! هع ..
في الصاله تحت ..
أم فارس : محمد ..
بوفارس : سمي
ام فارس : رائد نوى يخطب ..
بوفارس تهلل وجهه : هذي الساعه المباركه .. رائد اخوي الثاني بعد طلال ..
ام فارس ابتسمت : عاد هو كان مستحي وقال لي انت اخطب له ..
بوفارس ضحك : رؤد يستحي مني ههههههه .. طيب مين السعيده اللي بيخطبها لا نختار له من كيفنا ..
ام فارس تاخذ لها قطعه بقلاوه وتاكلها ببتسامه : سمر بنت أخوك خالد ..
بوفارس سكت وابتسم ..
ام فارس تصب قهوه لزوجها : تراه شكله متحمس ..
بوفارس اخذ القهوة وياكل بقلاوه : ههههه والله وكبرووا وقامو يخطبون ههههه .. انشالله بكره اكلم مشعل اخطب اخته منه ..
ام فارس بفرحه غامره لأن رائد هو اخوها الوحيد : على خير ..
&&&&&&&&&&&&&&&&&&&
في بيت بومشعل ..
مشعل بعد مادخل غرفته ولقى الشريط مكانه .. نزل تحت وهو يضحك : شلون اخذتووه ؟ ..
سمر : ههههههه مسك وساره قالوا يبغون شريط واحنا صغار فأخذت اللي عندك ونسخناه ورجعته ..
مشعل رمى نفسه على الكنب وببتسامه : فيه شي اسمه استأذان ..
سمر : وكيف تصير مفاجأة لو أنت عرفت ..
مشعل ابتسم وناظر ساعته : أووه بقوم المستشفى اسوي كم شغله وراجع ..
سامي يفرفر بالتلفزيون : وأنت كله بذا المستشفى ..
رامي بنغزه وهو يوقف : هو السابقون وانت اللاحقون لاتستعجل ..
سامي : هههههههه الله يستر ..
رامي جا بيطلع .. سامي قاطعه : وين ؟..
رامي يتثاوب ويحك راسه وهو ماشي : بتمشى وبغوح (بروح) التحليه إذا فاتحه .. تجي ؟ ..
سامي تمدد على الكنب : روح روح ..
رامي : مصدق اني باخذك عشان تموت من الدخان عندهم مثلا .. ( وطلع ) ..
سامي طنشه وجلس يتابع مسلسل من مسلسلات رمضان وسمر معاه ..
أما مشعل خمس دقايق وطلع ..
&&&&&&&&&&&&&&&&&&&&
في بيت بويوسف ..
يوسف ماسك امه يحن على راسها من ربع ساعه : يمممممه كلميييه خليه يقتنع .. الله يخليك ..
ام يوسف اللي طفشت من حنته : هففف خلاص بحاول اكلمه ..
يوسف بسرعه : مو تحاولين خليه يقتنع ..
ام يوسف تنهدت : خلاص بس انت روح عني ..
يوسف ابتسم لمن بانت ضروسه وباس راس امه : يسلم لي هالراس والله ..
ام يوسف بنص عين : للمصالح جاهز ..
يوسف : ههههههههههههه ..
تركي ابتسم وهو يناظر التلفزيون : فك عن امي لعوزتها ..
&&&&&&&&&&&&&&&&&&&
في بيت بو أحمد ..
عند دانيا ..
جالسه بالصاله وسرحانه وحاطه يدينها على راسها تفكر .. تفكر فيه .. في مشعل ومتردده بقوه ..
عفست شعرها بقوه وصرخت : هفففففف راسي عورني ..
أمها اللي كانت جنيها انتبهت لها : شفيك يمه روحي بلعي بندول اذا راسك يعورك ..
دانيا تفشلت شلون ما انتبهت لأمها : إنشالله يمه ..
(وقامت تبلع بندول لأن بجد راسها صدع من سالفه مشعل ) ..
عند ياسر و دانه في الصاله الفوقيه ..
يتابعون مسلسل من مسلسلات رمضان ..
ياسر نقز : يلعن يومهم لازم كل اربع دقايق فاصل ولا يموتون ..
دانه : ههههه صدقت نص الحلقه دعايات ..
ياسر يركض ينزل تحت : بجيب بطاطس وبجي ..
دانه : طيب اعصابك لاتطيح في الدرج ههههههه ..
رن جوال دانه .. ناظرته رقم غريب .. كشرت وتركته يرن لمن طفا .. ورجع يرن .. هي على طول سوت رفض .. بعدها على طول جاتها رساله ..
فتحت الرساله وهي تتثاوب .. وفتحت عيونها على وسعهم باستغراب .. الرساله "" دانه ردي علي انا رامي "" ..
دانه ابتسمت على جنب وهي تكتب الرساله وارسلتها .. وأغلقت جوالها ..
جا ياسر يلهث : هاه بدا ؟ ..
دانه فطست ضحك : ههههههههههه لا اعصابك ياشيخ لاينقطع قلبك ..
&&&&&&&&&&&&&&&&&&&&&&&&&
عند طلال ورائد ..
طالعين يشوفون الأثاث حق العياده بعد ماشافوها ..
رائد : اسمع الكلام وخلك عاقل .. اللون البيج مايل للبرتقالي حلو وهادئ .. وكم شي من الأثاث اسود وبس .. شنو كل شي اسود تخلي المرضى يتعبون نفسيا ..
طلال مبرطم : تراك اطفشتني عيادتي ولا عيادتك..
رائد : طلييييل ..
طلال : لا حووول يعــ .
إلا دخل واحد سوري يتكلم بصوت عالي : صاحب المرسدس السودا بدياه شووي دئيأه (دقيقه) ..
واحد من الشباب : مرسدس اي نوعيه ؟؟ ..
السوري يضحك : مرسدس الفين وتسعه الفين وعشره هيك شي لونا اسود .. الله يرضى عليه بدياه شوي مسكر على سيارتي ..
الشباب اللي بالمحل كلهم صرخوا وهم مبتسمين : مرسدس سودااااااااا .. صاحب المرسدسسس تعااال ..
طلال انتبه : رئييييد ينادونك ..
رائد كأنه مفهي : شفيهم ؟ ..
السوري انتبه لـ رائد : انت صاحب المرسدس السودا ..
رائد ابتسم : ايه ..
السوري : بدياك دئيأه شوي .. انت مسكر على سيارتي ..
رائد يأشر لطلال ويكلم السوري : ثانيه وحده ..
السوري بخفه دم : خلصت السانيه (الثانيه) يالله ..
رائد ضحك : ابششر يالله .. طلال خلص و تلقاني براا ..
طلال : أوكي ..
&&&&&&&&&&&&&&&&&&&&&&
بيت بومشاري ..
روان عرفت بسالفه ريان مع اختها رهف .. وعصبت بقوه ولامت رهف ليه كانت تكلمه ..
رهف جالسه بالصاله مطنقره (زعلانه) من بعد كلام روان لها .. جلست تناظر التلفزيون .. وفي نفسها "" ماراح اخلي شخص مثله يخرب علي حياتي .. واللي مايبيني ما ابيه "" وابتسمت بسخريه ..
&&&&&&&&&&&&&&&&&&&&&&
عند رامي
في التحليه ..
فتح المسج اللي جاه من دانه .. وابتسم .. الحين هي كبرت في عينه اكثر واكثر .. رما جواله على الطاوله وهو يتذكر المكتوب بالرساله .. "" واذا انت رامي .. بصفتك مين اكلمك .. اسفه ماراح ارد عليك مرة ثانيه ولو سمحت لاتتصل او ترسل اوكي .. باي "" ..
ريان : هههههه شفيك ؟؟ ..
رامي : ولا شي .. بس انا مستانس ولا تنغص علي ..
ريان : خخخ مالت عليك ..
رامي حرك حواجبه : الا قول لي حليت مشكلتك مع اللي تحبها ؟ ..
ريان رفع حاجبه : وش دخلك انت ؟ ..
رامي : اقص يدي ان ما قلت حق مشعل عن المشكله وعطاك حل ..
ريان : هههههههه يمه منك ..
رامي : اخلص وش قال لك ؟ ..
ريان : خخ قال لي كم حل بس انا حيت المشكله بطريقتي ..
رامي : اها .. ياخبغ (ياخبر) بفلوس بكره ببلاش ..
&&&&&&&&&&&&&&&&&&&&
في بيت بوفيصل ..
ملاك جالسه على المسن وتكلم يوسف ؟! وهي مسويه نفسها الثقيله وبالأساس شوي وتطير من الفرح وتدعي ان ام يوسف تقنع بويوسف عشان يتقدمون لها !! .. << مهابيل حدهم الحمدلله والشكر خخ ..
&&&&&&&&&&&&&&&&&&&&&
على الساعه 2 ونص الليل ..
شخص بثوب ومتلثم بشماغ ومايبان الا عيونه اللي تلمع .. يمشي بحذر على درج بيت بو مشعل .. وقصده على غرفه سمر ..
تلفت يمين شمال يتأكد ان البيت هادئ ونايمين .. بدى يمشي بحذر .. مر من جنب غرفه مشعل بعدها عند غرفه سامي .. وكل هذا بصمت وهدوووء ..
جا صوت من وراه شبه تعبان : على وين انشالله ؟؟؟؟؟ ..
اقشعر جسمه واستقام بوقفته من الروعه .. ماتوقع انه فيه احد صاحي الحين .. من وين طلع .. حط يده على قلبه يهدي نفسه وضربات قلبه المجنونه .. وفي نفسه " ايش جاب ساميووه هالوقت هفف "" ..
سامي من وراه بعصبيه خفيفه : يالحقير مين انت .. ( وحط يده على كتف المتلثم ولفه لجهته ) .. كيف تتجرأ وتدخل بيوت الناس كذا ..
المتلثم التفكير عنده جمد .. بس عيونه اللي تلمع وتتحرك ..
سامي عقد حواجبه .. مد يده بقوه وفتح اللثمه .. وبعدم استيعاب : سويييره ؟ ..
ساره بربكه خفيفه شبكت يدينها وتبرر : أأأأنا .. كنت بخوف سمر .. بس بس .. وومابي شي .. وانت انت انت خربت علي ..
وو لا انتبهت لك .. أأأ كنت بس ووو الله بخرع سمر ووو.. (سكتت .. وبدفاشه ) هي انت شفيك ..
سامي اللي كان طول المده يناظر ملامح ساره وهو معقد حواجبه ولا انتبه للي قالته .. ويحاول يضبط تنفسه .. وبنفس خايسه : خييير ؟..
ساره تكتفت وباستننكار : خيرين ..
سامي صوت تنفسه بدا يعلى : اقول يالخكريه .. فارقي ..
ساره هالمره بلعتها .. وباستفسار : فيك شي ؟ ..
سامي صد عنها : مافيني شي .. وحركات الهبل هذي تلبسين ثوب وشماغ تركيها .. ( ودخل غرفته ) ..
ساره بهمس : غبي مالت عليك ..
وبهدوء فتحت باب غرفه سمر .. وشغلت الأنوار : لاحوول نايمه ذي ..
برطمت بقهر.. رحمت سمر وسكرت الأنوار وطلعت برا ..
حطت يدها على الشماغ تتأكد أنه مايبان شعرها .. مشت بخيبه أمل أنها مالقت سمر صاحيه .. مرت من جنب غرفه سامي وناظرت بابها ..
عقدت حواجبها .. قربت شوي من الباب .. تسمع صوت تنفسه العالي .. وكأنه مختنق ..
بعدت شوي عن الباب .. وبهمس : أدخل ولا لأ ياربيي .. لالا هذا بيموت شكله ..
وفتحت الباب بهدوء وكأنها تستأذن .. دخلت أطرف راسها تناظر أنحآء الغرفه بعيون باحثه .. وبصوت متردد وقلق : سامي فيك شي ..
رفع راسه نآحيتها .. يد على حنجرته وعيونه مدمعه يشاهق مو عارف يتنفس بلحظة نسى فيها كل شي
ويده الثانيه مدهآ لهآ وكأنه الغريق اللي يتعلق بخيوط الأمل لنجآته ..
ساره ارتبكت وفتحت الباب على وسعه ودخلت وهي ترتجف مو عارفه شتسوي .. وبتأتأه : ششش ششفييكك ؟؟؟
ساره عيونها امتلت دموع متعلقه بمحاجرها ..
قربت من عنده وحطت يدينها على كتوفه بخوف لمن شافت وجهه صار اصفر : سامي هئئ سامي رد علي هئ ..
وبدت دموعها تطيح على جينز سامي وتهزه .. سامي وكأنه انهد حيله حط يده على ذراع ساره وتشبث فيه بقوه والثانيه على فمه يكح ويشاهق ..
سارة وكأنها تذكرت وبحجرشه بصوتها تحاول ماتبكي : أ إإ ووو يينن البخخآآخ ؟؟؟؟؟..
تلفتت يمين وشمال مالقت شي .. حطت يدها على يد سامي بسرعه وهي ترجف : بصحي سمرررر .. سامي اصصببررر ..
وفكت يده من ذراعها وركضت .. أقل من نص دقيقه .. إلا دخلت سمر مفجوعه لغرفه سامي وبصراخ : وين جهاز البخار ؟؟ ..
سامي شبه مغمى عليه منسدح على السرير بعد ماكان جالس ويتنفس بصعوبه كبيره وكأنه ينازع الموت ..
سمر بيدين مرتجفه تركب جهاز البخار على الكهرب وتصب فيه الدواء ..
وتقربه لعند سامي وحطته على فمه وهي تبكي وبهمس : ياربي ياربي ياربي .. اصحى اصحى اصحى ..
سارة نشف الدم من عروقها تناظر سمر وتناظر سامي اللي وقف عن الحركه وبصوت مهزوز : للل لييه مايتحررك ..
دخل فجأة رامي توه جاي من برا البيت ومسك الكمام حق البخار من يد سمر وبحزن : غبع (ربع) سساعه وإنشالله يصحى ..
سمر تمسح دموعها بكفوفها : بنادي أمي ..
رامي : لا لاتنادينها وتفزعينها ..
دخلت ام مشعل وكأنها حاسه بولدها وبخوف : قلبي حاس والله حاس أنه فيه شي ..
وجلست جنب سامي ومسكت الكمام له بدل رامي وتمسح على خصلات شعر وتقرا عليه آيات قرآنيه حافظتهم ..
مرت اكثر من عشر دقايق وسامي بدا يخف تدريجيا بس ماتحرك ..
سارة جالسه على كرسي التسريحه وعيونها تراقب بدقه تنفس سامي : هو دايم يصير معاه كذا ولا كيف ؟ ..
سمر جالسه على الطرف الثاني على السرير مع امها جنب سامي .. ورامي اللي واقف عند راسه ينتظره يصحى عشان يتطمن عليه ..
رامي متكتف ويده اليسار يحك فيها شعره بحيره : مو دايم .. بس اذا جاه اجهاد أو شم بعض الروائح مثل الدخان أو العطور المركزة ..
أمداه خلص كلامه إلا يتحرك سامي شايل عن فمه الكمام ويحط يده على عيونه ومعقد حواجبه بالخفيف وهو منسدح ..
جاء مشعل يصفر و وقف عند باب الغرفه وسكت وهو يناظر الموقف وهو متكي ولا تكلم ..
أم مشعل تنهدت وابتسمت : الحمدلله .. سمر جيبي لأخوك ماي ..
سمر توها بتقوم إلا سامي رفع يده بمعنى انه مايبغى .. وجلس على حيله .. لف عيونه على الأشخاص اللي بغرفته و وقفت عند سارة ..
وقال ببرود وصوته هادئ جدا يحرجها ويناظرها بحده : أعتقد خلص المهرجان .. تقدرون تطلعون ..
جات بتطلع سمر و سارة وأم مشعل واقفة .. إلا يقاطعهم صوت سامي : سمر جلسي ..
سارة من جد تفششلت و ودها تكفخه ماتعرف ليه كلمها بهالطريقه وقامت بتطلع بدون أي كلام ..
سمر بسرعه تداركت الموضوع : أوه نسيت سارة تعالي بوريك شي بغرفتيـ .. ( واختفى صوت سمر لانها خرجت من الغرفه مع سارة ) ..
ام مشعل ناظرت ولدها شوي وكأنها تحلل تصرفه اللي سواه وقامت : الله يهديكم بس .. ( وطلعت ) ..
رامي ضرب راس سامي بأطرف اصبعه السبابه باستهزاء : غبي .. لاتعيدها فاهم ..
وطلع وهو رافع حاجبه ويحرك راسه بخفه لمشعل اللي مازال واقف بمعنى كلمه .. ومشعل بدوره هز راسه بمعنى أوكي ..
دخل وسكر الباب بعده وجلس على اطرف السرير .. رفع سسامي راسه بضجر : بتعطيني محاظرة بعد ؟ ..
مشعل : ههههه لا بس هو سؤال واحد يطلب اجابه صريحه ..
سامي سكر عيونه شوي وفتحهم وهو يصلح جلسته على السرير وعن يمينه مشعل : قل وفكني ..
مشعل يبغى يشوف ردة فعله : سارة ..
سامي توه بيفتح عيونه على وسعهم بس فهم حركه اخوه وناظره بأطرف عيونه : شفيها ؟ ..
مشعل بحده : ليه الحركة من دقايق ؟ مافكرت انك ممكن تحرجها قدام امي وسمر ورامي ؟ .. رد ..تكلم ..
سامي ميل فمه وعقد حواجبه وبصراحه طفولية لأخوه مشعل لأنه مايخبي عليه شي : تستاهل ..
مشعل رفع حاجبه : عشان ؟؟ ..
سامي لف لأخوه مشعل ودموعه بعينه بحرج وقهر : تكرهني واللي يكرهني اكرهه ..
مشعل استغرب من شكل سامي : تكرهك ؟؟ .. مين قال ؟؟ ..
سامي نزل نظره للأرض وكتف يدينه وبهمس : مايحتاج تقول لي سمعتها يوم دخلت عندك بالمكتب ..
مشعل عقد حواجبه كأنه يفكر : سمعتها ؟ وعندي بمكتبي ؟؟ ..
سامي بضجر وصار وجهه كذا -_-" : مو أنا قلت لك اسألها كان تحبني ولا لأ ..
مشعل فك عقدة حواجبه وكأنه تذكر : ايييييييييييييييه .. بس انا ما سألتها للأن .. توني اتذكر ..
سامي استغرب من اخوه وبخوف : أجل شلون قالت لك انها تكرهني وماتطيق تشوفني ؟؟ ..
مشعل تذكر كل شي قالته ساره : ومين اساسا دخل بمخك انها قالت هذاك الكلام أنها تقصدك ؟؟ ..
سامي انصدم : أجل ؟؟
مشعل ابتسم ابتسامه وسيعه : يالغبي لاتفسر كل شي بكيفك هي كانت تشكي لي عن ياسر وأنها مو متحملة حركاته فقامت تكرهه ..
سامي رمش اكثر من مرة بسرعه : يعني ماتكرهني ؟ ..
مشعل ضحك : هههههههه الحمدلله فهمت يالعاشق ..
سامي استحى على وجهه وتفشششل بقوة وقال عشان يرقع : اهاااا ..
مشعل هز حواجبه : اها بس اها لايكثر .. وتتسمع بعد علينا بعد هع .. وش بتسوي ؟؟ ..
سامي حك راسه باحراج : مشيعل شتقصد ؟ ..
مشعل بجديه : احرجت البنت على سالفه من عقلك والحين تبغاني اسألها كان تحبك أو لأ ؟؟ ..
سامي هز رجله بتوتر : إممم خلاص اترك هالسالفه علي .. بحلها ..
مشعل : هههههههههههههههههههاااااااي وقمنا نستحي ياسامي ..
سامي رفع راسه : بتطلع ولا شلون ؟؟ ..
مشعل عرف انه احرج سامي : خخخ طرده يعني ؟؟ ..
سامي انسدح على سريره وتلحف وسكر عيونه : اللي تبيه طف النور ..
مشعل ابتسم بحنيه وهو يشوف اخوه الصغير كبر ولا بعد بدا قلبه الصغير يدق ..
طلع بخاخ الربو من جيبه دوم يحطه احتياط لأنه يدري ان سامي يضيعه او ينساه وحطه على الكومدينا جنب السرير
وطفى النور وطلع ينام .. وهو يدري ان سامي ماراح ينام راح يظل يفكر ..
&&&&&&&&&&&&&&&&&&&&&&&
في اليوم الثاني ..
إزعاج .. ضوضاء .. تنفس بقوة وبصوت مسموع .. فجآة فز من نومه .. تنهد براحه وهو يحك شعره و معقد حواجبه وكأنه يركز
بالشفايف اللي تتكلم ومن حوله عيون تناظر فيه وكلهم يتكلمون بوقت واحد .. وكأن الوقت يمر ببطئ شديد ويحاول يفهم وش يقولون ..
انحطت يد على كتفه خلته ينفض راسه بسرعه وصحته من غفلته ..
الشباب : هههههههههههههههه ..
طلال يتثاوب ويناظر الشباب ببلاهه : خير ليه الكل في غرفتي ؟؟ .. سلامات برااا ..
رائد يرش على طلال شوي من قارورة الماي اللي بيده ويضحك : هههههه طلوول تدري كم الساعه الحين ؟؟ ..
طلال ببراءه يمسح وجهه من الماي ومعقد حواجبه : كم ؟؟ .. وبعدين لاترش اووف ..
ريان حط يده على شعر طلال : الساعه ثمان ونص يالحبيب ..
طلال للآن مااستوعب .. بعد يد ريان عن شعره : طيب وإذا ؟ ..
الشباب كلهم بصوت واحد : ثمان ونص الليل ..
يوسف : يالذكي اليوم ملكتك بعد ساعه ..
طلال فتح عيونه على كبرهم : حللللللللللللفووو ..
الشباب : ههههههههه ..
طلال فز من سريره وهو يركض للحمام : وليه ماصحيتوني قبل هاااااااااااه ؟ ..
خمس دقايق وطلع طلال مصحيح بعد ماغسل وجهه : طيب على الأقل كان صحيتوني أفطر هففف ..
فارس متكتف : خخ حاولت فيك لمن تفلت العافيه وجبت الشباب يساعدوني عليك .. وإذا على الأكل ترا امي رفعت لك فطور بالمطبخ ..
طلال يناظر ملابسه اللي كانت عباره عن برمودا اخضر عشبي وتي شيرت ابيض : الحين لازم اسبح وابدل .. إيه صح واحد منكم يروح يودي
ثوبي للمغسله يكونه مع الشماغ ..
مشاري : اعتقد فيه شغالات عند بيت عمي يغسلون ويكون الحين ..
طلال حك شعره : إيه صح .. ( و وقف عند باب الغرفه وصرخ ) سنييييييييييييييييييييييتاااااااااااااااااا .. ياااا سنييييييييييييتااااااااااا ..
سنيتااااااا و وجع تعالي ..
الشباب اللي جالس واللي واقف بالغرفه كاتمين ضحكتهم لايصفقهم طلال ..
سنيتا جات ركض وهي تهاوش : نأم نأم إيش فيه كلوو كلوو صراخ أووف ..
طلال صار وجهه كذا -_-" : اسكتي اسكتي حتى انتي تتأففين هففف .. ( وراح اخذ ثوبه وشماغ ) .. خذي هذولا انتي وما ادري مين الي معاك ..
سنيتا متكتفه : ستي .. < اسم الشغاله الثانيه ..
طلال : اييه اييه المهم .. خذوهم غسلوهم وأكووهم مضبوط .. نص ساعه وباخذهم اوكي ..
سنيتا جرتهم من يده بضجر : حادر حادر (حاضر حاضر ) .. ( وراحت ) ..
طلال توه بيدخل إلا يلف ويصرخ ناحيتها : ولا تكثريييين النششاااا حطيه عدل مو ألقا الشماغ صخررررره ..
ما اعطته رد سنيتا واحقرته .. وهو عصب : مالت عليك وتعرف تحقر .. ( وتكتف يوم شاف الشباب كل واحد لابس ثوب بدون شماغ إلا مشاري مرسم
بالشماغ ومشعل لابس غتره بيضا .. وطبعا أحمد وفيصل ما جو معاهم كل واحد عند حرمته هع ) ..
وانتوا ماشالله جايين كذا متسطرين يالله انقلعو مامنكم فايده .. أروح عند البنات ابرك لي ..
ياسر : البنات كلهم في بيتنا ..
طلال رمى نفسه على الكنب الموجود بالغرفه وسكر عيونه يريح : اهااا ..
فارس : طلال قم افطر عشان يمديك الوقت .. لأن ابوي مرسلنا لك يقول شكله بيكنسل الملكة إذا ماجيت ..
طلال ناظره بنص عين : انثبر .. بقوم بفطر اجل بجلس اناظركم ..
وطلع المطبخ يفطر ..
رائد : خخ الله يستر النفسيه زفت ..
رامي : شي طبيعي مسوين له ازعاج وهو نايم خخخخخ ..
مشعل يتثاوب : انا بروح عند عمي بوفارس احسن .. لمن نمشي لبيت البنت ..
يوسف وسامي ومشاري : بجي معاك ..
ناظرو بعض وابتسموا ..
مشعل ابتسم : أجل رامي و ريان و تركي وياسر وفارس ورائد يجهزون المعرس وعدلوا نفسيته مسكين كسر خاطري والله ..
الشباب : هههههههه ..
&&&&&&&&&&&&&&&&&
عند البنات ..
في بيت بو احمد ..
رهف فاتحه فمها تضبط الروج على شفايفها .. بعدها سكرته وهي مبوزه : اووف ابي افهم ليه مايسون حفله وهيك مثل مسك ليه عائليه ..
ملاك اللي كانت سابحه ومخليه شعرها على طبيعته كيرلي يجنن ولابسه جينز سكيني ابيض وبلوزة تركوازيه غامقه ضيقه عند الخصر
و واسعه من عند الكتوف .. جلست جنب دانه : أحسن مالي خلق مشاغل وعفسه وفستان ومكياج .. كذا احسسسن .. أصلا ما أدري ليه نكشخ وأحنا ماراح نفسخ العبايات ! ..
دانه تلف وجه ملاك ناحيتها وتحط لها مسكرا بالغصب : حتى لو عائليه لازم نكشخ .. فتحي عيونك ولا ترمشين ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك