رواية اذا انتثر دمع عينك -47
ملاك اللي كانت سابحه ومخليه شعرها على طبيعته كيرلي يجنن ولابسه جينز سكيني ابيض وبلوزة تركوازيه غامقه ضيقه عند الخصر
و واسعه من عند الكتوف .. جلست جنب دانه : أحسن مالي خلق مشاغل وعفسه وفستان ومكياج .. كذا احسسسن .. أصلا ما أدري ليه نكشخ وأحنا ماراح نفسخ العبايات ! ..
دانه تلف وجه ملاك ناحيتها وتحط لها مسكرا بالغصب : حتى لو عائليه لازم نكشخ .. فتحي عيونك ولا ترمشين ..
ملاك : طيب طيب شوي شوي رموشي ..
دانيا تسوي شعرها بالسسحب [ هذيك اللي تكوي الشعر لوول ] .. : ههه وناسه عمي وصديقتي ملكتهم اليوم فلله ..
سارة بعدت المرايا الصغيره عن وجهها وفي يدها الثانيه الكحل وتتعلك : بنات شرااايكم ( ورمشت كذا مرة بدلع ) ..
روان فحطت وجلست جنبها بقووه : فنتاااااااااستيييك .. رووعه رووعه سوي لي مثلك بليييز ..
سمر : ماشالله روووعه الكحل الأسود بعيونك بارز لونهم الفاتح يكفي عن المكياج كله ..
ساره مسويه انها استحت : كح يسلموو ..
روان تهز ساره بحركات بزراه : سوييروووه سوي لي سويي ..
ساره : هههههههه زين زين لاتتحركين ..
مسك تنادي على سمر : سمور ايش رايك البس هذي التنورة ولا ذي ؟ ..
سمر تأشر على التنوره الفوشيه المتداخل معاها ابيض كلوش : ذي روعه عليك ..
مسك تبوس سمر بخدها : يسلموو .. اجل بلبس معاها ذي البلوزه البيضا ..
سمر : ههههه حلوو بس لبسي معاه اكسسوار فخم شوي .. ( وراحت عند التسريحه عند شنطة المكياج ) .. دنوو وين القلوس ؟؟ ..
دانة تسوي الكحله حق ملاك ومعقدة حواجبها : ما ادري دوريه ..
رهف تأشر : هنا عندي ..
&&&&&&&&&&&&&&&&
عند الرجاجيل في مجلس بوفارس ..
وصل مشاري + سامي + يوسف + مشعل عند المقلط اللي فيه بو فارس + بو مشاري + بوفيصل + بوأحمد + بويوسف =] .. مقررين أنه
بعد نص ساعه يمشون لبيت بوجهاد .. لمن يجهزون الحريم في بيت بوفارس والبنات بعدين يمرونهم في بيت بو أحمد ..
بوفارس ناظرهم : هاه صحيتوه ؟ ..
يوسف : ايه .. الحين قاعد يفطر ..
بوفارس : أخيرا .. مابغى ..
الكل : هههههههه ..
وجلسو يسولفون ويمزحون مع بعض .. والكل لهى بالسوالف مع اللي جنبه ..
بوفارس يناظر لمشعل اللي جالس جنبه .. وابتسم : مشعل ..
مشعل التفت له .. ورد له الإبتسامه : آمر ..
بوفارس ناظر السبحة التركوازية اللي بيده وابتسم بدون مقدمات : أحنا شارين أختك سمر لرائد أخوي ( يعتبره أخوه مثل طلال ^^ ) ..
مشعل ارتبك شوي وبعفوية دارت عيونه حولين الرجاجيل اللي بالمجلس شافهم لاهين بالسوالف وارتكزت نظراته على عمه بوفارس ..
اول مرة يحس انه مسؤل على أهله .. لدرجة أن اخته سمر الحين انخطبت منه .. منه هو .. عدل شوي بجلسته
وهو يصلح غترته بأطارف أصابع يدينه الثنتين وشبح ابتسامه على شفايفه : أححم .. والله ياعمي .. ما ادري شقول لك .. بس ابشر باللي يسرك ..
استشير الوالدة والأهم البنت وأرد لك ..
بوفارس اتسعت ابتسامته رفع نظره لمشعل : خذو وقتكم مشعل ..
مشعل للآن شوي متنح من فكرة ان سمر طلب يدها ومن مين من رائد : سم ..
بوفارس ببتسامه وبحذر : سم الله عدوينك .. بس يابوك ماودك نخطب لك ؟؟ ..
مشعل قلبه دق وفي نفسه "" ماتدري ياعمي ان قلبي تعلق في دانيا .. وانا خاطبها للمرة الثانية وانتظر منها الرد بدون ماتدرون .. حتى
أمها أو ابوها مايدرون ! "" .. سكت ومارد على عمه ..
بوفارس حط يده على يد مشعل يحسبه مستحي : مشعل مو معناته ان دانيا بنت اختي رفضتك انك ماتتقدم لغيرها .. < لبى قلبك ماتدري
وش يبي مشعل هع ..
مشعل وببتسامه على جنب تخفي الكثير وبقلبه "" بعد ثلاث ايام .. الوعد بعد ثلاث ايام "" .. : أحم عمي لابغيت اخطب ابشر راح اخبرك ..
بوفارس سحب يده بهدوء وملامح وجهه مطمئنة للي يناظره : حلوو ..
&&&&&&&&&&&&&&&&&&&&&
بعد ساعه .. في بيت بوجهاد ..
طلال واقف وقباله نوف .. ابتسم ومسوي فيها الرزين العاقل .. مع انه يحس شوي بالإحراج لأنه أول مرة يشوف وحده
بدون غطا راح تكون زوجته مستقبلا ! ..
أم فارس وأم جهاد واقفين معاهم .. وكل البنات ! < لزوم اللقافه ..
أم فارس ببتسامه : هاه خلاص شفتها ..
نوف تحس أنها تغلي بجد ! ..
طلال تنحنح ونزل نظره ولف : إيه خلاص .. فمـآن اللهـ .. ( وتوه بيفتح باب الصاله .. إلا لف بضحكة ) إلا صح نسيت أقول لكم .. اليوم الملكة ..
نوف توسعت عيونها والبنات صارخوو من الوناسه ! ..
طلال يكمل وهو يأشر على نوف ببراءه : ترا الحلق اللي بأذنك اليسرى غير اللي باليمنى ..
نوف على طول بعفويه حطت يدها على اذنها اليسرى ..
البنات أي شي لقوه بيدهم لاحوه على طلال وبصوت واحد : يالكذاااااااااااب ..
طلال : هههههههههههههههه يمه [ وطلع ] ..
دانيا مسكت يد نوف : هههههههه ماعليك منه شكك بنفسك ..
نوف يدينها ترجف وبهمس : دنوو قال الملكة اليوم ..
دانه نقزت : ايوا مو هو قال لكم يمكن اليوم ؟ ..
نوف : إيه .. ( وبهبل في اذن دانيا ) شكلي احلى منه بكثير ..
دانيا دفعتها بالخفيف : ههههههههههه تعقبين ..
بعدها بنص ساعه .. صارت نوف حلال لـ طلال .. لأنهم كتبوا الكتاب بنفس الليله < يآ مسرعك ياطليل هع ..
البنات محوطين نوف يقنعونها تاخذ رقم طلال عشان تكلمه .. بس هي معييه ..
نوف منحرجه ومعصبه : أقولكم مافيه يعني مافيه .. ما ابي كيفي أوف .. حسو فيني ..
ساره : اقول من جدك ماتبين تكلمين طلال ؟ .. تراه الحين حلال ..
سمر : هههههه سويره يافاصخة الحيا تراها مستحيه شوي شوي .. وبعدين انتي شلون أنتي عروس وطريقة كلامك كذا ..
دانه : هههههههههه مابغيتوا الا نوف تستحي ..
نوف ضربت دانه بالخفيف على راسها : أجل أنا ..
ملاك بعربجيه خفيفه : اسمعي يابنت كلامن يوصلك ويتعداك .. تكلمين عمي الليله ولا والله لو يصير بعمي شي بقول لهم أنتي السبب ..
تخربين عليه فرحته ..
رهف : وأنا أشهد ..
مسك : وهذا مسج واصل من ميشو يقول أنه طلال ينتظر متى يطلع عشان يكلمك جوال .. عيونه فاضحته عند اللي بالمجلس .. ارحميه يانوف هههه..
روان بنغزه : أووه وأنتي تراسلين ميشو الحين .. مايندرى مين اللي عذبت أخوي المسكين ..
مسك : شت آب أنتي ..
البنات : هههههههههه ..
دانيا طلعت من غرفة نوف بعد مادخلتها بدون ماحد يحس : هذا هو الجوال هع .. دقايق أرن رنة على طلال عشان يحفظ الرقم ..
نوف قامت تبي تاخذ الجوال إلا البنات حاصروها عشان ماتقوم .. ومسك قامت تعطي دانيا رقم طلال عشان تدق عليه < متفقين مع طلال هع =d
نوف : دوين ياقليلة الأدب شلون تدخلين غرفتي بدون أذن .. جيبي الجوال ..
دانيا بدون مبالاة وببتسامة ماكره : عادي غرفتك هي غرفتي .. هذاني الحين اتصل .. اجلسي بس ..
نوف برطمت وبلا مبالاه تردها لدانيا : مايهمني مابرد عليه ..
دانيا حقرتها وهي مبتسمة بإغاظه لها ..
بعد ساعه .. الكل رجع لبيته .. ومعروف إن عائله بومشعل كلهم راحوا على طول بيت بوفارس يجلسون شوي قبل لا يرجعون بيتهم ^^ ..
عند فارس في سيارته يتمشى فيها خمس دقايق وبيرجع البيت ..
جالس يسوق ويحوس بالدروج يدور عطره .. طلعه وبخ من بختين .. ورجعه بالدرج المحيوس =d .. سكر الدرج .. لكن علقت ورقه ..
عقد حواجبه .. سحب الورقه بخفه .. توسعت حدقة عيونه الرماديه .. وهو يشوف الورقه اللي كان من زمااان كاتبها .. ( ليه الهجر S )
ابتسم وهو يناظرها .. كان كاتب هالورقه لـ البنت اللي كان ضايفها عنده بالمسن .. وبعدها حذفها .. واكتشف انها بنت عمه سمر ..
انمحت ابتسامته وعيونه مركزة الشارع قدامه وماسك الدركسون بيدينه الثنتين وبييده اليسرى الورقه .. وبهمس : الدنيا .. صغيره .. حيل ..
أكيد رائد راح يخطبها قريب .. بسس ( سكت شوي يفكر فجأة فتح النافذه .. والهوا يحرك شعره لأنه مسرع شوي .. فكمل بهمس ) ..
إن كان هذا المكتوب الله يوفقهم ..
ثم طلع يده اليسرى من النافذه .. والورقه تتراقص مع الهوا بين صبعينه السبابه والوسطى .. وبكل بساطه .. حررها من يدينه .. استوعب اللي سواه
فسحب بريك لمن وقفت السيارة .. لف وجهه لناحيه الورقه .. شافها تتمايل في السما .. تنهد .. وابتسم .. وحرك سيارته لبيتهم ..
بعد ربع ساعه .. في بيت بوفارس ..
كلهم جالسين بالصاله [ عائلة بوفارس باستثناء مسك اللي في بيتها مع مشاري =d وعائلة بومشعل ] ..
سمر جالسه جنب طلال اللي لاهي بالجوال .. دقتها سارة اللي جنبها وسوت حركة بوجهها بمعنى شوفي وش يكتب هع ..
والكل كان ساكت يراقب طلال والصاله صايره هدوء وبالذات أن سالم و أسيل نايمين ..
سمر ناظرت ساره بأطرف عينها وحركت شفايفها بمعني " أنزين شوي شوي علي " .. ثم قربت راسها شوي من راس طلال اللي يكتب
بجواله .. عشان تناظر وش يكتب .. قربت أكثر وهي عاضة على شفتها السفليه ورافعه حاجبها الأيمن ..
توها بتقرا أول كلمه كاتبها إلا عيون طلال انتبهت لها وناظرها بدون مايلف وجهه ..
طلال صار وجهه كذا -_-" : سلامات ؟
سمر ابتسمت أقوى شي عندها تسلك السالفه هع .. ولفت بسرعه بكل جسمها لجهة ساره وهي ماده لسانها بخوف مصطنع وماسكه بكتف ساره ..
طلال أنتبه أن الكل ساكت لأنهم كانوا يراقبونه .. تفشل شوي .. : كح سميييرووه عيب عليك ..
سمر تلقائي : ساره اللي قالتــ
ساره تقاطعها وهي تأشر قدامها : رامي اللي أشر لي ..
طلال ناظر قدامه ورفع حاجبه وشاف رامي ورائد يتساسرون ويناظرونه ويضحكون : إيه وبعدين ؟ ..
رامي بدفاع رفع يدينه بالهوا : غائد [ رائد ] هو اللي قال لي ..
رائد يبرأ نفسه ويناظر سامي : الحبيب هو اللي قال لي أقول لرامي يقول لساره يوصلها لسمر ..
طلال انتقلت نظراته لـ سامي ..
سامي حط رجل على رجل وسحب نفس : لاتناظرني .. ناظر ولد أخوك مشعل ..
مشعل ابتسم ورافع حاجبه : عيب عليك أنا أخوك .. شنو ولد أخوك ..
طلال : ماشالله كل واحد يقطها على الثاني ..
مشعل تنحنح : بكل صراحة مابقى أحد أقطها عليه إلا فارس ..
فارس : هههههههه أيا ابن الذين وأنا موصي فيك ماتعلم .. بس هالشي مو مني .. كح كح .. الراس الكبير بوفارس [ ويأشر على ابوه بيدينه الثنتين ] ..
هو اللي قال لي ..
الكل لف على بوفارس ..
بوفارس ماقدر يمسك ضحكته : هههههههههههههه ..
طلال تكتف وفي يده الجوال : إيواااا ياحموود وطاحت براسك ..
بوفارس : ههههه والله انكم فضيحة .. لاتكبرون السالفه ..
ساره : أحلى يابوساره وتعرف تسلك ..
طلال مد ذراعه عشان يوصل لساره وشد خدها بقوة : بوساره هاه بوساره ..
ساره : آي آي آي .. لالا بوفارس بوفارس آي هد خدي آي ..
طلال : هههههههه ايه بس انا اللي اغير في لقب اخوي ..
بوفارس بدهاء يسلك : عندي لكم لغز واللي يحله .. [ وطلع بوكه من جيب ثوبه ] .. له اللي بالبوك ..
كل اللي بالصاله .. حتى أم فارس و أم مشعل .. ولعت عيونهم .. حتى أن سنيتا و ستي الشغالات جاو يركضون < شكلهم يتسمعون عليهم هع ..
فارس تحمس : واااو عاد اكيد في بوك ابوي بالخمس ميات أو أكثر ..
بوفارس ابتسم : والله ما ادري هالمرة .. المهم الفلوس الورقية اللي فيه للي يجاوب ..
طلال : والله حظه رويمي آخر مرة هو اللي فاز .. ولا بعد .. حظه قوي طلع خمس آلاف في البوك ..
رائد : تمنيت أني فزت كان شريت شماغ جديد ..
مشعل : حتى أنا كان تعشيت فيهم ..
رامي : هههههههههههاااااي . حاسديني وأنتو دكاتره ..
سنيتا : إيوا بابا يالله قول لغز مال أنت يمكن أنا أعرف ..
ساره : سنيتا من جدك بتعرفين .. إذا احنا ماعرفتنا تجين انتي تعرفين جلسي بس ..
سنيتا باعتراض : بابا بو فارس .. مافي ممنوع العب انا و ستي معلوم ؟ ..
بوفارس فقع ضحك : صح عادي ..
سامي : إيه عمي .. وش اللغز ..
فارس : أكيد أكيد انا اللي بجاوبه هالمرة ..
سمر وساره : تعقبون أحنا اللي بنحله ..
بوفارس : هههههههه شفيكم انتوا مشافيح كل واحد عنده بطاقه وفلوس وتبون ؟ ..
أم فارس ببتسامه : بلاك ماتدري هالفلوس لها طعم ثاني .. صح أم مشعل ..
أم مشعل : إيه والله .. اللي بيفوز دامه مو تعبان فيهم بيستانس ..
رامي انحنى لقدام : إيه اللغز عمي ..
بوفارس بجديه حط البوك على الطاوله الصغيره اللي قدامه : طبعا كلكم تعرفون القوانين .. ممنوع تغشون من شي خارج الصاله ..
ومافيه تلميحات .. إلا لمن الكل يعجز وطبعا مثل ماتعرفون .. إذا قلت تلميح واحد راح تصير الجائزة نص اللي بالبوك مو كلهم ..
وإذا تلميحين تصير الجائزة الربع من البوك .. وكذا .. وطبعا فيه وقت محدد اللي هو ربع ساعه للإجابة فقط أوك ..
الكل : أوكي ..
بوفارس : اللغز يقول .. في الصحرا .. كان فيه ثلاث أخوان .. الأول أعمى والثاني مايسمع والثالث مايتكلم .. توفى أبوهم بدون مايدرون ..
الوحيد اللي يعرف بوفاة أبوهم هو اللي مايتكلم .. يبغى يعلم أخوانه الـأعمى واللي مايسمع .. بخبر وفاه ابوهم .. كيف ؟ .. يالله فكروا ..
الكل سكت يفكر ..
مشعل بسرعه : يستخدم طريقة برايل في الحروف اللي بالورق ..
بوفارس ابتسم : لآ .. فكروا ..
ستي : يقول له أنو بابا مات ..
سنيتا : ياغبي أنتا هو مايتكلم ..
الكل : ههههههههههه ..
ساره : يمسكه ويهزه بقوة ..
بوفارس : لا ..
رائد : يجيب له شخص يقول له أن أبوهم توفى ..
بوفارس : لا ..
سمر : يمسك يدينه ويصيح وكذا لمن يفهم ..
بوفارس : خطأ ..
فارس : يمه أكيد تعرفين .. علميني ..
ساره انقزت : إيوا أكيد تعرفين تكفين علميني ..
أم فارس : ههههه والله ما اعرف ..
سامي لمعت عيونه : يمه تعرفين هاللغز صح ..
أم مشعل ابتسمت وتكتم ضحكتها ..
طلال نقز وقرب من عند أم مشعل : إيه يابعدي ياخاله .. علميني .. ولك نص الجائزة ..
رامي فز من مكانه ودف طلال بقوة : وخغغ (وخرر) أنت .. ( وقرب اذنه لراس امه ) .. يالله قولي لي ..
بوفارس : ههههههههههههه ..
ظلوا عشر دقايق يفكرون ويحاولون ..
طلال : أنا عجزت شرايكم نطلب تلميح ..
الكل بقوة : لاااااااااااااا ..
طلال : يمه منكم .. كله خايفين أنكم تاخذون نص الجائزه ..
سامي فز أقوى شي عنده وكأنه ربح المليون : عررررررررررررفتتتتت ..
بوفارس ابتسم : قل ..
سامي تنحنح وناظر الكل بإغاظه : أحم .. بما أنك قلت أنهم بصحرا .. فهم بدوو .. وبما أنه مايعرف يتكلم .. يروح عند عمود الخيمة ويضربه لمن يطيح ..
وبكذا يحس الأعمى واللي مايسمع أن الخيمة طاحت .. وعند البدو أن عمود الخيمة مثل الأب .. إذا طاح معناته أن سندهم وعزوتهم توفى ..
الكل فتح عيونه ..
بوفارس ابتسم و وقف وصفق أقوى شي عنده : ماشالله عليك ماشالله أشطررررررر واحد .. ( ولم سامي بحظنه ) .. أنت الفايز ..
الكل بتذمر : لامايصير .. شلون عرف .. حسافه .. كيف مافكرت .. وووو إلخ ..
بوفارس ترك سامي وسحب البوك من الطاولة وفتحه وجلس يطلع الفلوس وابتسم : شلون عرفت ..
سامي يرد الإبتسامه : أبوي من قبل من زمااان سألني هالسؤال ولمح لي لمن عرفته .. ( وناظر الفراغ قدامه بدلاخه) أتذكره اايام صعبه وأنا أفكر فيه ..
الكل : هههههههههههههه ..
بوفارس ابتسم اكثر .. لأنه يحفظ نفس الألغاز اللي يقولهم بومشعل الله يرحمه : اهاا .. أووه طلعت جائزتك 3255 ريال ..
الكل صفق : أوووه ..
سامي : أحم أحم ثانكس ثانكس لاداعي لاداعي ..
الكل : هههههههههههه ..
سامي لف على ساره : سويرة تعالي بقول لك شي في الحديقه .. ( وبهبل ) عمي بوفارس تسمح ؟ ..
سارة رفعت حاجبها : نعم ..
بوفارس يمزح : ههههه قومي يمكن يعطيك شي من الجائزة ..
ساره : هه هه يبه دمك خفيف ..
أم فارس : عيب ساره تكلمين ابوك كذا ..
بوفارس : ههههه ماعليك منها ..
سامي يكمل بهبل : هاه عمي عادي ؟ ..
بوفارس : في الحديقة ولا تطولون ..
فارس : بقوم معاكم ..
ساره انقزت : انثبر .. سامي قدام ..
طلع سامي و وراه ساره للحديقه ..
سمر : آخر زمن سويمي عنده اسرار ويقولها لساره ..
طلال : شنو دخلك فيهم يالملقوفه خخخ .. ( والتفت .. إلا لقى رائد واقف عند النافذة يراقب سامي وسارة اللي برا ) .. وأنت يالملقوف الثاني تعال ..
رائد يناظر : شعليك مني ..
مشعل قام سحب رائد من ورا عند رقبته وجلسه : ههههااااااي عيب عليك تتجسس وبعدين لاتخاف مابيسون شي غلط ..
برا في الحديقه ..
سامي ساكت يناظر الفلوس بيده ويفكر كيف يبدا الكلام ..
سارة نفس الشي تفكر إيش يبي يقول لها .. تثاوبت وتذكرت كيف كلمها أمس في بيتهم وصار وجهها كذا -_- .. وبلعانه : إيه وبعدين ..
ترا أبوي ينتظرني ..
سامي رفع عيونه وارتبكت شوي : أححم .. شسمه .. أحم أسف أني قليت أدبي معاك أمس ..
ساره رمشت كذا مرة بتفكير ومو مبين على وجهها أي تعبير وبصوت مسموع تخاطب نفسها : أنت .. تعتذر . مني ..
سامي انحرج من طريقتها وحك راسه : هاااه ..
ساره انتبهت وبنفسها " هع غريبة مايكابر مثل فويرس " : هههههههههههههههههههههههههه .. ( ومدت يدها ) أقلك عطني ميتين ..
سامي ابتسم بعد مانشفت دمه : أول شي .. أصدقاء ؟ ..
ساره نزلت يدها وببتسامه بينت أسنانها : أصدقاء .. ( ولفت تدخل البيت ) ..
سامي : سويرة يابقرة ..
ساره لفت عليه : بدينا ..
سامي لحقها عند الباب : ههههه لا بس خذي ميه ..
ساره : ألعن أبو الشح اللي فيك ..
سامي مد لها خمس ميه : أعوذ بالله .. الباقي بشتري لي فيهم جوال ..
ساره اخذتهم : بالهنا .. ( ودخلت ) ..
سامي ابتسم ودخل ..
&&&&&&&&&&&&&&&&&&&&&&&&&&&&&
بعدها بنص ساعه .. الكل رجع بيته ..
ببيت بومشعل ..
مشعل يحك راسه بربكه : هاه يمه قولي لها .. أوكي .. سلمت لك كل شي ..
ام مشعل تساقطت كم دمعه من عيونها وجلست تكمكمهم بكمها .. قام مشعل بسرعه وحضن راسها بالخفيف وهو واقف وارتبكت زود : يمه شفيك ..
بسم الله عليك ..
أم مشعل ضحكت : ههه لا بس مو مصدقه أن سمور هالبزر أنخطبت ..
مشعل : هههههههههههههه..
رامي جا من وراهم وحضنهم .. وعلى فمه ابتسامة جانبية فيها نذاله وعيونه يناظر السقف بتخيل : يابعدي ياسموغة (سمورة) ابي اشوف غدة(ردة) فعلها ..
مشعل وأمه في نفس الوقت : هههههه بسم الله ..
سامي نط لهم : على وش تضحكون ..
رامي نزل ذراعينه من على أمه وأخوه وحهم بجيبه وببتسامته اللي على جنب رد : ياملقوف لاتتليقف وياخبغ(خبر) بفلوس بكغه (بكرة) ببلاشششششش (وشدد على الشين وهو طالع لغرفته ينام < ماتحسونه نذل شوي هع ) ..
سامي تكتف ولوى شفايفه ونظره يتنقل بين امه ومشعل وبين رامي : أوك تصبحون على خير ..
أم مشعل ومشعل ابتسمو ..
&&&&&&&&&&&&&&&&&&&&
في اليوم الجديد ..
على الساعه 9 الصباح ..
في بيت بو أحمد ..
دانيا لها ربع ساعه تتقلب في الفراش .. ناظرت الساعه .. تأففت .. ثم جلست تناظر خيوط الشمس داخله من أطرف الستارة وتداعب عيونها بإزعاج .. قامت سكرت الستارة بإحكام وطلعت من الغرفة بعد ما تأكدت أن دانة نايمة ..
جلست في الصالة على الكنب متربعه وفي نفسها "" يا الله .. أحد يجيه أرق ويصحى بهالوقت .. أجل فيه أحد مخبول مثلي يصحى الساعه تسعه الصباح في نهار رمضان .. أوووففف أستغفر الله بس .. ""
رفعت نظرها للساعه .. تراقب مرور الوقت بكل بطيء .. ومن الهدوء اللي بالصالة ولأن الكل نايم .. صارت تقدر تسمع صوت حركة عقرب الثواني حق الساعه .. عيونها ترمش كل خمس ثواني بهدوء محركة معاها طرف قذلتها الطويلة ..
فجأة لمعة عيونها .. كتمت نفسها .. جمدت .. تذكرت .. بدت دقات قلبها تنبض مع صوت عقرب الساعه .. وكل مالها تزيد .. كيف ؟؟ كيف نست ..!! ..
زفرت دانيا بهمس صغيييير ورجع الهوا لرئتينها : مشعل ..
حطت وجهها بين كفوفها وهي تقلب بالموضوع و راي يوديها وراي يجيبها .. وفي بالها .. الله يعدي هالموضوع على خير .. نزلت كفها اليمين وكفها اليسار مازال على وجهها ..وبهمس رقيق كلاسيكي : أنا لازم أنهي تفكيري اليوم .. وبهالساعه !! ..
بعد ساعه ونص تقريبا قامت من الكنبة وهي متخذه قرارها .. وفي داخلها لو إيش يصير ماراح تغيره ! ..
&&&&&&&&&&&&&&&&&&&&&&&
بنفس الوقت ..
في بيت بومشاري
وبالخصوص في غرفة رهف ..
رهف للآن مانامت سهرانة على اللابتوب وفيها النوم بس تقاوم ..
رهف تكلم نفسها وتتثاوب : آآآآآآآآآآآهــ .. أقوم أنام أحسن لي بموت من العطش استغفر الله ..
توها بتطفي جهازها إلا وقفت .. وبغضب غيرت كلمه السر اللي على جهازها واللي كانت رقم جوال ريان .. وتكلم نفسها بصوت مسموع : أنا أوريه .. أجل يلعب علي .. وبكل بساطه وسهولة كذا يرسل لي .. الغبي .. ربي يقهره مثل ماقهرني ..
ثم طفت جهازها ورمت نفسها على السرير .. سحبت جوالها من على الكومدينا ..عقدت حواجبها ونص عيونها مفتحة من النوم .. فتحت الرسايل وحذفتهم كلهم وفتحت رسالة جديدة .. كتبت كلمة وحدة فقط .. حست ان حبات الجوال كان ممكن يتكسرون من شدة ضغطها عليهم .. ورسلتها حق رقمه اللي حافظته عن ظهر قلب مع انها حذفته ..
ورمت الجوال بإهمال على السرير ونامت وفي بالها فكرة فوضوية وحده تدور وهي "" الغبــي .. ماراح يأثر فيني من بكرا خلااااااصصصص "" ..
&&&&&&&&&&&&&&&&&&&&
على الساعه 11 ونص ..
صحت أم مشعل مفزوعه وتتعوذ من الشيطان .. حلمت بكابوس مزعح .. على طول راحت دفعت صدقه وهي تتعوذ من الشيطان وتسبح الله .. ناظرت الساعه وقررت تجلس تنتظر الصلاة وعشان تبدا تجهز حق طبخ الفطور ..
&&&&&&&&&&&&&&&&&&
في بيت بوفارس ..
قبل الفطور بنص ساعه ..
سارة نزلت من غرفتها بطفش وبصوت عالي : يممممـــه مسك ماراح تجي ؟..
أم فارس ابتسمت : لا ..
سارة رمت نفسها على الكنب أقوى شي وعقدت حواجبها : كيف ؟ وهي أصلا ماتعرف تطبخ عدل ..
أم فارس : هي بس هالسنة راح تفطر يوميا عند بيت بومشاري عشانها ماتعرف وتتعلم من أم مشاري ..
سارة لوت شفايفها : أهآآ .. طيب رائد وطلال موجودين ؟ ..
أم فارس : إيه مناوباتهم في رمضان حولوها ليليه .. ( تذكرت ) .. استغفر الله أخوك فارس ماصحى للحين عشان يصلي الظهر والعصر .. ما ادري كيف يعتبر صايم ..
سارة قامت : كلميه اليوم لاجلس .. أنا بروح عند محلق طلال ورائد ..
&&&&&&&&&&&&&&&
في ملحق طلال ورائد ..
جالسين ..
رائد جالس على النت وطلال جالس يتصفح كتاب على سريره ..
وسالم وأسيل جالسين بالأرض ومغطين على شي جالسين يناظرونه ..
سارة دخلت : سلاام ..
رائد وطلال : وعليكم السلام ..
سارة طبت على سالم و أسيل وسحبت الشي اللي جالسين يتساسرون عليه : يااااااااااااااااقدمكم .. لحد الحين فيه دفاتر تجميع الستيكرات حق عصيرات سنتوب !!..
سالم فز على طول وسحب الدفتر منها بغضب : قليلة أدب .. لاتلمسين اغراضي ..
سارة تسويها بوجهها حركات سخريه : الله والأغراض عاد .. ثانيا مين يشرب سنتوب هالأيام .. ماحد يحبه ..
أسيل جالسة تناظر سارة : أنا أثربه وثالم يجمع الثور (الصور) ..
سارة ناظرة سالم ورافعه حاحبها : ماشالله الأخ متفق معاها ..
طلال انسدح على السرير وحط الكتاب على وجهه : سارة متى الفطور ..
سارة تناظر ساعتها : إمم باقي تقريبا خمس وعشرين دقيقة ..
رائد وعينه على الشاشة : وش الفطور ..
سارة تعدد على أصابعها : والله ما ادري بس فيه بيزا و سمبوس خضار والباقي ما ادري ..
رائد هز راسه بدون كلام ..
سارة وقفت ورا رائد واتكت عليه تشوف وش يسوي .. ورائد ماقال شي ..
&&&&&&&&&&&&&&&&&&&&&&&&&&&
عند بيت بوفيصل ..
ملاك جالسة تدور بالبيت عاطلة باطله هع .. عمار الصغير مع سيف جالسين يتابعون تلفزيون وياكلون من الأكل ..
ملاك ناظرتهم بغيض وهي جوعانه : استغفر الله بس اللهم اني صائم ..
دخل ريان البيت وهو يصفر ..
ملاك : وهذا أنت تطلع من الظهر تحوس وماترجع الا قبل الفور بدقايق .. ثانيا .. ليه جوالك مقفل هاااه ..
ريان رفع يدينه : له له له أعصابك شوي شوي علي .. أولا انا حر بتصرفاتي .. ثانيا ذكرتيني من امس مقفل الجوال .. (ويطلعه من جيبه ثم فتحه .. ويصفر) هع هع لهالدرجة أنا مهم 23 اتصال و5 رسائل .. هذا بس يوم خخ ..
ملاك >.> : لايكثر .. أبيك توديني على الساعه 9 السوق ..
ريان بلقافه رفع عينه عن جواله : وليه إنشالله ..
ملاك : ياخي ابي اطلع ..
ريان يمشي ويعديها : أفكر ..
ملاك بيأس لأنها تدري من رده أنه ماراح يوديها : ريااااااااااااااانوووه ..
ريان لمح رساله من رقم مو مسجل عنده .. فتحها .. طلعت مليون علامة تعجب فوق راسه !!!! .. الرساله كانت كلمه وحده "" غبــــي "" .. رجع يناظر الرقم .. تذكر .. هذا رقم رهف اللي حذفه .. طنش الرساله وكمل قراءة الرسائل الثانية بكل بـــرود ..
&&&&&&&&&&&&&&&&&&&&&&
على الساعه 10 في الليل ..
في بيت بو مشعل
سمر تحس نفسها بدوامه .. وفي داخلها "" أنا ! معقولة انا !! .. معقولة يارائد تبيني .. بلا غباء ياسمر أصلا من أول وأنتي ملاحظة نظراته .. لالالا .. بسسس .. بس أنا ماكنت اظن ان هالشي يوصل لكذا ! .. يالله .. يبغالي من الحين أفكر بجدية .. الجواب سهل وبسيط ياسمر يا إيه يا لا ولــــ ."" قطع تفكيرها فتحة الباب القوية ..
سمر : بسم الله .. وجع .. شوي شوي على الباب ..
سامي : هههههههههههههههههههههههههههااااي أثر السالفة أنك انخطبني خخ ..
سمر استحت بس مابينت : وطيب خير ياطير .. جاي تتشمت مثلا !! ..
سامي سحب نفس : ههه .. يابعد عومري ..
سمر بوزت : أخلص ..
سامي : فاهمتني .. بقولك شي .. وابيك تساعديني فيه ..
سمر قربت : وشو .. ليكون مصيبة ؟.. قل حق مشعل يحلها لك احسسن..
سامي ابتسم : لا يالذكية .. إلا مشعل لايدري ..
سمر باهتمام : طيب ..
سامي سكر الباب وبهمس : عيد ميلاد مشعل بعد خمس أياااام ..
سمر فتحت عيونها : واااااو قل قسم ..
سامي ضربها على راسها بالخفيف : بكذب يعني .. المهم بس حبيت اعطيك خبر ..
سمر : طيب قلت حق رامي ؟ ..
سامي :ايه قلت له .. وش رايك وش نسوي له ؟ ..
سمر : إممم والله ما ادري .. شرايك نسوي له حفلة عائلية .. يعني بس أحنا بيتنا ..
سمر : حلوو راح يصير جو عائلي بحت ..
سامي مد لسانه : وهذا المطلوب حق مشعولوه هع ..
سمر :طيب .. خلصت ؟..
سامي رفع حاجبه : إيه ..
سمر بأطرف صبعها : أوت ..
سامي شد شعرها بقوة وهرب ..
سمر : آآآآآآآآآآآآآآآآآآآآآي ياقليل الادب أردها لك بعدين هففف يعور ..
&&&&&&&&&&&&&&&&&&&&
مر يومين على الكل .. وأكيد إنشالله حلوة بما أنهم في شهر الخير ^^ ..
في بيت بومشعل ..
على الساعه 1 الظهر ..
مشعل نازل ولابس ثوبه وناس شماغه الأحمر بطريقته الخاصه .. ويصلح الكبك اللي على كمه .. شاف رامي يتهاوش مع سامي : خير سلامات هدو هدووو ..
سامي حاط رجل على رجل وجالس يفرفر بالقنوات : كلم أخوك ذا النشبة ..
مشعل : شفيك رامي ..
رامي تكتف : سياغتي(سيارتي) عند المصلح .. أبي أخذ سياغته(سيارته) عشان ابي اذلف البنك .. بس الحلو يقول مايدغي(مايدري) وين المفتاح مضيعه .. معولة توها جديدة ومضيع المفتاح ..
سامي تأفف : ياخي صدقني لو عندي عطيتك اياها موب عندي المفتاح لا لقيته بعطيك اياه ..
مشعل : خلاص هدو .. رامي تعال معاي بالسيارة حتى أنا رايح البنك ومرة وحده ناخذ سيارتك ..
رامي : أوكي .. دقايق أبدل وأجيك ..
مشعل جلس على الكنب : انتظرك .. سامي وين سمر ؟
سامي رمى الريموت : في الحديقة ..
مشعل : أهآآ
ثلاث دقايق ونزل رامي لابس قميص كاروهات برتقالي وأبيض مع أسود وفاتح أول ورارين ولابس سلسلة فضية .. وجينز أسود .. وكاب برتقالي : يالله ..
مشعل بتفحص : لا بعد وش رايك تلبس أساور ..
رامي : مشعل مو وقتك أبد بتوديني ولا ؟ ..
مشعل : أمش أمش لي معاك كلام بعدين ..
طلعوا من البيت .. مرو على الحديقة
مشعل لمح دانيا واقفة قبال سمر تكلمها .. مشى وسوا نفسه ماشافها .. أكيد جاية عشان تقول ردها اليوم .. اليوم خلصت الخمس الأيام المهلة اللي عطيتها إياها .. بس راح أسمع ردها بعد ما أرجع ..
رامي انتبه لدانيا ورفع يده مبتسم : اهلين دانيا ..
دانيا ناظرت ظهر مشعل وهو رايح وناظرت رامي .. دق قلبها .. وتوسع بؤبؤ عينها بفزع وفي داخلها "" ليكون ! .. هم .. اثنينهم .. مع بعض .. طالعين .. وووو ..استغفر الله بس "" ابتسمت مجاملة : هلا رامي .. وين رايح ؟ ..
رامي : مشوار وجاي ..
دانيا بقلق : أوك .. انتبه على نفسك (وشددت على كلامها) أوكي ؟ ..
رامي استغرب لكنها مابين : أوكيك .. مع السلامة ..
دانيا بقلق يوم قرب رامي عند الباب لاحظته سمر : رامي ..
لف رامي معقد حواجبه ..
دانيا ارتبكت وحركت يدينها بالهوا : ولا شي ..
سمر بمزح : دخلي اخل شكل الصيام مأثر فيك ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك