رواية اذا انتثر دمع عينك -48
مشعل : أمش أمش لي معاك كلام بعدين ..
طلعوا من البيت .. مرو على الحديقة
مشعل لمح دانيا واقفة قبال سمر تكلمها .. مشى وسوا نفسه ماشافها .. أكيد جاية عشان تقول ردها اليوم .. اليوم خلصت الخمس الأيام المهلة اللي عطيتها إياها .. بس راح أسمع ردها بعد ما أرجع ..
رامي انتبه لدانيا ورفع يده مبتسم : اهلين دانيا ..
دانيا ناظرت ظهر مشعل وهو رايح وناظرت رامي .. دق قلبها .. وتوسع بؤبؤ عينها بفزع وفي داخلها "" ليكون ! .. هم .. اثنينهم .. مع بعض .. طالعين .. وووو ..استغفر الله بس "" ابتسمت مجاملة : هلا رامي .. وين رايح ؟ ..
رامي : مشوار وجاي ..
دانيا بقلق : أوك .. انتبه على نفسك (وشددت على كلامها) أوكي ؟ ..
رامي استغرب لكنها مابين : أوكيك .. مع السلامة ..
دانيا بقلق يوم قرب رامي عند الباب لاحظته سمر : رامي ..
لف رامي معقد حواجبه ..
دانيا ارتبكت وحركت يدينها بالهوا : ولا شي ..
سمر بمزح : دخلي اخل شكل الصيام مأثر فيك ..
&&&&&&&&&&&&&&&&&&&
عند رائد ..
جالس مع فارس بالصالة ..
رائد يناظر فارس في عيونه .. وبستعد أن يلقي القنبلة بوجهه ..
صلح جلسته وتنحنح كذا مرة : فارس ..
فارس لف : أخيرا .. هلا .. لك ساعة تتنحنح حاس أن عندك سالفة قول ..
رائد فرك يدينه وزفر : أنا .. خطبت سمر .. آسف ..
فارس ناظر رائد عشر ثواني بدون مايرد ..
رائد : فارس رد أنا أكلمك ..
فارس تحركت معالم وججه ببتسامه : الله يهنيك .. ليه تعتذر ؟..
رائد ارتخى جسمه شوي : خوفتني .. لأنك بصراحه أحسك تميل لسمر ويعنيــ ..
فارس قاطعه : من وين لك هالكلام ؟ ..
رائد : تصرفاتك تتكلم قبلك ..
فارس تمدد على الكنبة وحط يدينه ورا راسه وناظر السقف : وتحسب أني أبيها ؟.. صحيح سمر مرت لحظات على عقلي أني اخطبها .. لكن هي لحظات لا أكثر .. أكيد بحبها لأنها بنت عمي .. وأكيد بفرح عشانك لا وافقت عليك .. في النهاية سمر بنت تنحب وماتنعاف ياخالي ..
رائد جره بقوة من بلوزته من جهة رقبته وحضنه اقوى : تدري فارس احببببببببببببك .. عيشتني بخوف .. وآخرتها بردت أعصابي ..
فارس ارتاع ومن الروعه قام يضحك : ههههه بسم الله .. هدني ياخي كسرتني .. يالمرعب انت هدددننننننننننننننيييي .. هههه ..
&&&&&&&&&&&&&&&&&&&&&&&&&&
في بيت بومشاري ..
عند روان جالسسة ترتب غرفتها العفسه .. والباب مفتوح ..
مرت رهف و وقفت عند الباب ..
روانوه قومي معاي نصلح الحلا حق الفطور ..
روان ترتب السرير : بعدين ..
رهف ببتسامه من الأذن للأذن جرت اختها من يدها غصب ونزلت تحت : مب فاضية لك انا مروقة اليوم ..
روان ابتسمت وتحمد ربها إن رهف تعدت سالفة ريان ..
&&&&&&&&&&&&&&&&&&&&&&
عند بيت بويوسف ..
عند يوسف جالس بالصالة لابس ثوب وبحضنه الغترة البيضه والعقال .. وحاط يدينه على شعره وكأنه يفكر .. تنهد و وقفت وضبط الغترة .. ولف على تركي وأمه و وجه كلامه لأمه : يمـه أنا رايح الحلقه اللي في المسجد ..
تركي ضحك بس بسرعه مسك ضحكته ..
أم يوسف ابتسمت : الله يرضى عليك .. أنت لو سامع الكلام من أول ..
تركي : ماعليك يمه مايجي إلا بالقرص ولدك ..
يوسف بنص عين لتركي : يالله مع السلامه ..
&&&&&&&&&&&&&&&&&&&&&
عند مشعل ورامي ..
ركب رامي جنب اخوه في سيارته البيضا : دانيا فيها شي اليوم ..
مشعل يضبط الشماغ مرة ثانية من مراية السيارة : ليه ؟ ..
رامي هز كتوفه : الله أعلم .. كلامها مايطمن الواحد ..
مشعل هز راسه وحرك السيارة ..
رامي اتصل على ريان : ألوو .. هلا تمام بخير .. أنت كيفك ؟؟ .. اسمع .. أنا شوي رايح للبنك وجاي لك .. أوكي .. ههه .. يالله سلام ..
لحظة صمت ،،
،
مشعل : أبي افهم كيف تروح بنك بهاللبس ! ..
رامي ناظر نفسه ثانيتين : وش فيه .. حلو ..
مشعل ابتسم ولا رد ..
رامي فتح النافذه واتكى بيده عليها ونزل الكاب اكثر على عيونه : ليه غايح (رايح) البنك ؟ ..
مشعل : الناس وش يسون بالبنك ؟ ..
رامي ماناظره : بلا هبل .. انت عندك فلوس .. وش بتسوي هناك .. علمني ..
مشعل يطقطق بأصابعه على الدكسون : بحول فلوس أبوي على حساب أمي .. مؤقتا .. و بسحب فلوس من حسابي ..
رامي تنهد ولمعت عيونه كالعاده من ينذكر طاري ابوه .. رفع راسه لمشعل : فاقده يامشعل حيييل .. فاقدهـ .. مشششششششـــــعـعـــعــــــــــــــــــــــــــــــــــــــــــــــــــــل انـــتبببببببببببببببببـــــــــــــــــــــههـ .
.
.
ثواني .. لالا .. لحظات .. للحظة وحدة بسسس قبل ماتنقلب السيارة .. بلحظة وحده بسس .. ألتقت عيون الأخوان ببعضهم .. وكل واحد كانت بعيونه الفزع والخوف و الـــأخوه .. كل واحد ترددت بباله كلمتين .. "" أخــوي .. يمـــه "" ..
بسرعه خاطفة .. بسرعه البرق أو أسرع .. كان كل شــي منقـــــــــلب متكسســر دمــــــــــــــــــــان بكل مكــــــــان ..
سفطوا مجموعه رجاجيل على الطريق وجاو يركضون بسرعه حولينهم ..
وطبعا ماحد يقدر يحركهم أو أي شي لمن توصل الإسعاف خوفا من المضاعفات ..
واحد من الرجاجيل يتصل بالإسعاف وبخوف ويلهث : يالـــله ياللــــــــــــه يالله يالله يالله رحمتــــــك يالله يالله ياللـــه يالله ياللــهـ . ( واتصل على الإسعاف وأعطاهم مكان الحادث ) ..
واحد من الرجاجيل : يالله رحمتك ..اي واحد منهم سبب الحادث ..
رد عليه رجال : راعي السيارة السودا دخل فيهم ..
مشعـــل يكح ويزحف بأقوى ماعنده عشان يطلع من السيارة وهو يحس بألم فضــــــيع بجسمه .. يتمنى يموت ولا يحس فيــه .. طلع نص جسسمهـ ويلهث ..
ناظر نفسه يده اليسرى تضررت كثير يوم حاول يحمي وجهه وجسمه فيها ورجله اليمين يوم تقلبت السيارة .. مو قادر يحس فيها من الألم .. يحك برجله اليسار من الألم .. يحس بطنه وصدره يألمونه حييل .. ثوبه الأبيض الناصع أنقلب للون الأحمر القاني ..رمى راسه للأرض .. فتح نص عيونه والرؤية شبه ضبابية عنده ومجرد فتح عيونه يألمه .. يشوف الرجاجيل حولينه .. يشاهق ويأن من الألم .. والروعه .. مو قادر يصرخ .. مو مستوعب .. دمعت عيونه .. وبنفسه " بلحق ابوي يا يمــه .. آسـف والله آسسسف "" .. يتذكر كيف وصلهم خبر وفاة أبوه .. كل شي مر بلحظة خاطفة .. يذكر مقاطع من حياته .. كيف بعد أسبوع امه تواسيه ..
"""
أم مشعل بدمعه مثل دمعه ولدها : إذا أنتثر دمع عينك سوي سواتي ..
""
،،
شهق من الألم .. وويتذكر بقية الموقف ..
،،
""
قول بكمك كذيا ثم مشيها ..
الحزن يوم المفارق عامل(ن) ذاتي .. فطرة بالإنسان مايقدر يخليها ..
وتمسح دموعه بأكمامها "" ..
،،
بكى بهاللحظة وهو يتذكر .. "" لارحت يامشعــل .. مين يواسي أمك.. مين يمسسح دمعتها .. ميــن "".. ارتخى جسمه عيونه .. كل عضلة بجسمه ارتخت .. واختفى الألم فجأة .. مشعل فقد الإحساس بأي شي .. وفي رموشه دمعه متعلقه .. دمعه يتيمه ..
أما رامـــــــــــــي ..
انرمى خارج السيارة من بدت السيارة في التقلب لأن انكسر الباب .. ماحس بشي .. فقد الشعور .. عقله ما استوعب هاللحظات القليلة .. حس نفسه يطير بالهوا .. همس ببحه : يمــه .. يبــه ..
وضرب جسمه بقوة على الأرض يفقده الوعــــــــي ..
&&&&&&&&&&&&&&&&&&&&&
بعد ساعه ..
عند بيت بوفيصل ..
جالسين كلهم بالصالة يسولفون ويضحكون ..
ريان : هههههه حرام عليك أنــ ..
قطع كلامه جواله .. رد عليه بدون مايرد : ألووو .. وعليكم السسلام .. مين يتكلم ؟ .. ايه اعرفه ..نعـــــــــــــــــم ( وقف وهو مفزوع ومو عارف يرد ) إيه .. إيه .. إيـــه .. ثواني جايي جاااي .. جاي ججــــــااااااي .. ( سكر ريان وبفزع لأبوه ) .. يبــه قم قم بسسرررررعــــــــــــــه ..
بوفيصل بفزع قام و ملاك وأم فيصل نفس الشي : وش فيه ..
بوفيصل : يالله خير ..
ريان يدور مفتاح سيارته بجيوبه بسرعه ومو عارف يتنفس : واحد مسوي حادث مع رامي ..
أم فيصل ضربت صدرها بروعه : يالله رحمتك ..
ملاك فلبها طاح برجولها ولا تكلمت ..
ريان وبوفيصل يركضون وطلعوا برا ..
أقل من ثلاث دقايق أنتشر الخبر .. وكل الرجاجيل والشباب ركض للمستشفى ..
&&&&&&&&&&&&&&&&&&&&&&&&&&
عند بيت بو مشعل ..
أم فارس جالسة تهدي أم مشعل المرتاعه .. وسارة تبكي مع سمر وضامين بعض .. ودانيا اللي نفس الشي تبكي ومو قادرة تسوي شي ..
أم مشعل قلبها طاير على عياليها وتبكي : والله حاسني قلبي حــــــــــــــااااااسني .. يالله لاتثــكلني في عيالي يالله .. يالله رحمتك .. يالله لاتثــكلني فيهم ..
أم فارس تهديها : لاتفزعين يا أم مشعل .. يالله تقر عينك بسلامتهم .. ادعي لهم .. دعوة الأم مستجابة ..
&&&&&&&&&&&&&&&
عند الرجاجيل بالمستشفى ..
سامي مقابل الجدار ويضرب راسه بالخفيف وهو يبكي .. قرف منه مشاري وهو حده متوتر . وضم راسه وعيونه مدمعه : إنشالله يقومون بالسلامه ..
ريان واقف وضام يدينه قبال فمه ويهزهم بقلق وخوف ..
يوسف يروح ويجي بالممر ..
تركي جالس على الكرسي وشوي ويصيح بس ماسك عمره ..
ياسر واقف متسند على الجدار ويراقب الكل ..
فارس نفس الشي مغرغرة عيونه وعلى وشك البكاء لكنه بالموت ماسك عمره ..
وأحمد جالس مع بقية الرجاجيل على الكراسي ويهز رجله بتوتر ..
أما فيصل و طلال و رائد .. راحو ركض عند قسم الجراحه يشوفون الوضع .. ودخلوا على طول يشاركون بالجراحه ..
بوفارس قلبه على جمر ناظر ريان اللي قباله : ريان كم لهم وهم داخل ..
ريان عقد حواجبه بتوتر : ساعتين تقريبا ..
جا شرطين ..
الشرطي : انتوا أهل اللي مسوين حادث على طريق الـ
بوفارس : إيه ..
الشرطي : ممكن تتفضل معاي نخلص بعض الإجراءات ! ..
بوفارس قام ..
،
،
،
،
ساعتين
ثلاث ساعات
،،
خمس ساعات ،،
والأطباء داخلين طالعين على الغرفة اللي فيها الأخوين ..
،،
،
،
ومصير اللي داخل هالغرفة مجهول للآن !!
سامي ماقدر يمسك نفسه أكثر .. توجه بغضب وخوف بيدخل غرفة العمليات .. مشاري ويوسف لحقوه ومسكوه ..
سامي يصارخ : هدوووني هدووني اقولكم .. مو معقولة أكثر من خمس ساعات وهم داخل .. أكيد فيه شي .. هدووووونيـ ..
قاطعه خروج الدكتور طارق من غرفة العمليات ويهمس غاضب : اهدأ .. لاتسبب ازعاج لغيرك .. (ولانت ملامحه) إنشالله خير ..
سامي خلاص تلفانه أعصابه : أي خير وأخواني في الغرفة من زمان ..
الدكتور طارق حاول يتجاهله لأنه حاس بالحالة النفسية حقته .. ويحاول يسرع : لو سمحتوا ممكن تبرع بالدم نحتاج كثير ..
سامي ارتبك وقام يتكلم بسرعه : أأنـا فصيلتي نفس رامي B+ .. أما مشعل O+ ..
الدكتور طارق يمشي : اللي بيتبرع يجي للفحص بسسرعه ..
الشبااب والرجاجيل كلهم قاموا وبلا استثناء راحوا ..
وطلعت النتايج ..
ريان
بوفيصل
يوسف
بومشاري
أحمد
فصيلتهم O+
أما
فارس
بويوسف
بوفارس
ياسر
بس هم اللي فصيلتهم B+
أما الباقي بو أحمد و تركي ومشاري ما توافق دمهم ..
الدكتور طارق بسرعه : اللي فصيلتهم O+ دخلوا هذيك الغرفة الممرضات راح يسحبون ..
بسرعه ريان و بوفيصل و يوسف و بومشاري و أحمد راحوا ..
الدكتور طارق :ثلاثة بس اللي فصيلتهم B+ .. ماعندكم أحد ثاني ؟
ياسر باعتراض : أنا B+ .. ليه قلت ثلاث ..
الدكتور طارق : انت صغير ..
ياسر عصب حيل وفيه الصيحه : قلت لك تاخذ من دمي وتعطيه ولد عمي فاهم .. أنا مو صغير ..
بويوسف تكلم ينهي الموضوع : خلاص دكتور بسرعه ..اسحب منه الدم اللي تقدر عليه منه .. مافيه متبرعين غيرنا ..
الدكتور طارق عقد حواجبه : طيب يالله بسرعه ..
&&&&&&&&&&&&&&&&&&&
بعد خمس أيام ..
فوضــــــــــــــــــــــه .. إزعــــاااااااااااج .. راســـــــه ثقــيييييل مررة ..يحس بثقل في يده اليمنى ورجوله.. يحاول يحرك جسمه .. يألـــمه .. ماقدر يحركه يحس بخمـــول وتعب .. حتى عيــونه .. مو قادر يفتحهــم .. و .. عطـــشآآن . يحس حلقه جــــــــــآاف .. حاول يتكلم .. مافيه قوة .. ظل على هالوضع ربع ساعه ..
استجمع كله قوته وعقد حواجبه بدون مايفتح عيونه .. حاول يصرخ .. بس الصرخه اللي طلعت منه مجرد همــس : آآآآهــ ..
حس الفوضــه اختفت .. ثم سمع صوت بكـــــــــــــااا !!
يعرف هالبكــا .. مرة وحده سمع هالصوت من قبل صووت بكا أمه .. نفس صوت البكــآ اللي بكى على أبوه .. أمـــــــــــه .. هنـــا .. يسمعها .. يعني .. هو مـــــآ مات حي ..
بجهد لمده خمس دقايق فتح جزء من عيونه بالقدر اللي قدر عليه ..
أم مشعل ببكي : رامي .. الحمدلله الحمدلله .. رامي أنت تحس فيني ..
رامي يحس أنه متضايق .. راسه .. راسه بينفجر من الألم .. يحس بقطرات دموع امه تلامس خده .. وبهمس يالله ينسمع : آآآهـ.. غغ..غ.آسـ..ي .. (راسي ) ( ثم سكت شوي وبأقوى ما عنده ) مـ اي .يـ..مـ..هـ.. .. (تذكر وبنفس متقطع ) مــ ـش .ـعــل
سمر قربت وعيونها مدمعه : يمه خذي الماي ..
أم مشعل بلهفة فتحت القارورة .. رفعت راسه بحذر شديد .. ومع تأوهات رامي من ألم راسه .. شربته ماي قليل ورجعت مثل وضعه ..
رامي مايحس انه ارتوى .. غير أن من حس أمه ترفع راسه زاد الألم ..
أمه حست فيه وببكي: رامي آسفة كان ألمت راسك .. وما اقدر اعطيك يارامي ماي كثير الحين .. دفعات .. لأنك ماشربت ولا كلت شي من خمس ايام ..
رامي يحس راسه يألمه وكأنه بينفجر : آ آإهـ .. آإآآههـ ..
سامي اللي كان واقف جنب امه : سمر نادي النيرس ..
سمر نادت النيرس ..
النيرس جات .. وحقنته بالمخدر .. عشان ينام ولا يحس بالألم ..
رامي تدريجيا حس ان الألم يختفي .. ويدخل في نوم عميق ..
أم مشعل تبكي : سامي بششر عمانك أن رامي صحى .. ( وبكت أكثر ) يارب يصحى مشعل يالله ..
&&&&&&&&&&&&&&
العايلة عرفت كلها بالخبر وفرحت من قلب ..
طلال ورائد وفيصل جالسين قبال بوفارس في بيت بوفارس ..
طلال يمسح على شعره بتوتر : كنا متوقعين أن رامي يصحى في خلال أسبوع الحمدلله ..
بوفارس بربكه : الحمد لله .. لكن .. مشعل ..
فيصل بتوتر أكبر : هذا المشكلة .. مشعل .. ماندري متى يصحى من الغيبوبه .. جات ضربه قوية على مؤخرة الرأس عنده ..
بوفارس تنهد : يالله ياكريم .. أمه ماتدري للحين أنه بغيبوبه ؟؟ .. ولا تحسب أنه مع المخدر ؟؟
رائد : لا ماقلنا لها .. فيها اللي يكفيها .. اللي نعرفه أنها مجرد غيبوبة مؤقته مو دائمة .. الله يستر ..
بوفارس شبك يدينه : طيب ليه رامي كذا .. أقصد راسه ؟ .. شكله يتألم منه بقوة ..
فيصل : شي طبيعي لأن راسه ضرب بالارض بقوة .. خيطنا الجرح .. وسوينا فحوصات على الدماغ .. الحمدلله ماصار له ارتجاج قوي .. فترة ويروح الألم .. بس يبغاله يتحمل ..
مسك اللي مخليه مشاري يسمح لها تنام هالليلة في بيتهم عشان تجيب سمر عندهم تواسيها وتلهيها بالذات أنهم في رمضان ..
مسك وسارة اللي واقفين فوق ويسمعون الكلام ..
سارة انصدمت ومفتوح فمها ولا عارفة وش تقول ..
مسك ما انصدمت كثر سارة لأن مشاري قالها عن الوضع .. تنهدت : يالله .. شهالمصايب اللي حلت علينا فجأة .. اللهم لا اعتراض ..
سارة تأشر لمسك : أنتي فاهمة شيقولون .. يعني مشعل يمكن يظل على هالحال فترة طويلة ..
مسك : ياقلبي عليك ياسمور .. ويا أم مشعل .. الله يكون بالعون ..
&&&&&&&&&&&&&&&&&&&&&&&&
بعد خمس ايام ..
في المستشفى ..
رامي نفسيته زفت × زفت من يوم عرف عن مشعل.. غير الألم اللي يحسه .. برجوله وراسه .. فصايرة أخلاقه بخشمه ..
رامي يصرخ على النيرس بغضب وبكل تهور رمى صينية الأكل بوجهها : أقوووووووولـــــــــــــــــــــك اطلعــــــــــــــــي بـــــــــغغغآآآآآآآآآآآآآآآآآآآآآآآآآآآآآآآآآ ( برا ) .. انتـــــــييي غبـيـــــــــــــــة ما تفهميييييييــــــتتنن .. انقلععععــــــــــــي عن وجههــــــــــــــــــــــي ..
النيرس الفلبينية اللي كانت جايبة الأكل من جد عصبت من أخلاق رامي وطلعت وهي تتوعد : مجنوووون هزااا مجنــــــــــــوووون..
رامي يتنفس بقوة وراسه زاد عليه بعد كل هالصراخ .. والمشكلة مايقدر يقوم من السرير لأن رجوله ما تساعده متضرره كثير وعلى رجله اليمين جبس والثانيه ملتوية فملفوفة بضمادة .. بغى يبكي من مجرد تفكيره أن مو قادر حتى أنه يقوم .. التفت على يمين شاف مزهرية فيها ورد أبيض من أهله .. بأقوى ما عنده رماها على الارض .. وهو يصرخ : مشششششششــعـــــــــــــــــــــل ..
دخلوا بسرعه ثلاث ممرضين ومسكوه وهو يصارخ ويسب فيهم .. وقدروا عليه بكل بساطه وأعطوه مهدئ عشان ينام .. وطلعوا ..
رامي للحين واعي مبعد يأخذ مفعول المهدئ عدل .. ويخربط بالكلام ..
دخل طلال عليه ومعاه مستخدمه المستشفى تنظف القزاز .. قرب منه ومسح بيده على شعر رامي وبهدوء كأنه يكلم طفل : رامي .. لازم تاكل .. مشعل راح يكون زعلان منك إذا صحى ترا .. وتبي أمك تزعل عليك ؟ لاتسوي بروحك كذا ..
&&&&&&&&&&&&&&&&&&&&&&&&&&
بعد أسبوع..
روان لرهف : يالله رهيف مابتقومين ولا ؟؟..
رهف : أووففف ثواني انتي .. يالله ..
وطلعوا برا .. واركبوا سيارة ريان ..
ريان دق جواله : هلا .. بخير وأنتي ؟ .. إيه هذا أحنا رايحين .. لالا بس أنا و ملاك و بنات عمي بومشاري .. إيه .. أوكي .. تجهزي..
ملاك بلقافتها المعتاده : مين ؟..
ريان : دانيا تبي تجي معانا ..
مرو على دانيا .. وتوجهوا للمستشفى يزورون مشعل ورامي اللي بيطلع اليوم ..
ضربوا الباب ودخلوا على غرفة رامي ..
كان واقف رامي وقباله أخوه سامي .. يساعده عشان يدخل الحمام يغير ملابسه ..
ظل تقريبا عشر دقايق لمن بدل بصعوبة وطلع .. كان لابس قميص أخضر .. وشورت لمن الركبة لونه أبيض ..
الكل : السلام عليكم ..
سامي ورامي : وعليكم السسلام ..
دانيا : شخبارك رامي .. إنشالله تحسنت ..
رامي اللي خفت نفسيته شوي بما انه راح يطلع من المستشفى : الحمدلله على كل حال .. مثل ما انتي شايفه ..
روان : لا مثل الخيل ماشالله ..
رامي باستهزاء : أي خيل وذولا قدامك ( يقصد العكازات )..
ملاك دقتها وبهمس : فشلها ..
رهف بهمس هي الثانية : سكتي انتي ..
ملاك : حلفي والله ..
ريان قاطعهم : سامي جاي لوحدك ؟؟
سامي : إيه عشان اطلعه ..
دانة : وين غرفة مشعل ..
سامي : رقم 58 ..
رامي : إيه صح .. أبي اشوف مشعل قبل ..
سامي : أوكي .. بس أنت ماتقدر تمشي كثير ..
دانيا : ليه مايستخدم كرسي ؟..
رامي بكبر وعزة نفس : ما احتاجه .. سامي يالله ..
دانيا ماقالت شي ..
توجهوا كلهم لغرفة مشعل .. عدا رامي اللي بطيء في الحركة ومعاه سامي يحاول يسنده ..
انصدمت دانيا من شكل مشعل .. وبالخصوص وجهه .. صاير متغير من الكدمات .. ماعرفت وش تقول ..
دانة بحزن : الله يحفظك ياولد عمي من كل شر وتقوم سالم ..
أخيرا دخل رامي وماتوقع شكل اخوه كذا .. ولا نطق بحرف ..
روان عقدت حواجبها : أيش هذا ؟..
ملاك انتبهت : ايه صح وش ذا ؟؟..
ريان : هذا مسوينه الأطباء فتحة في بطنة فيها انبوب .. عشان الأكل المهروس ..
رهف بتبكي إلا شوي : ماتستاهل يامشعل ..
رامي اخيرا نطق : أنا بجلس هنا ..
التفت عليه سامي : أوكي ..
رامي يصحح : أقصد أني بنام هنا .. ( وشدد) بغرفة مشعل .. لمن يصحى ..
الكل انصدم ..
سامي وريان : إييش ..
رامي ببرود جلس على سرير جنب سرير أخوه : اللي سمعتوه ..
سامي : طيب أنا جاي اليوم آخذكـ .
قاطعه رامي : تقدغ تفجع (تقدر ترجع) البيت .. وقل لأمي أني هنا ..
سامي : بسسس ..
ريان قاطع سامي : سامي لاتتعب عمرك .. تركه براحته .. اخوك عنيد ..
سامي تنهد واتصل على امه وقال لها .. وشكل أمه ماعارضت كثير وخصوصا أنها تدري بحالة رامي وكيف نفسيته ..
&&&&&&&&&&&&&&&&&&&&&&&&&&&
وعلى هالكلام ..
مر شهر الخير رمضان على أبطالنا .. وجا العيد .. مر العيد بالنسبة للعايلة عادي .. وكئيب بالنسبة لبيت بومشعل .. ناقصهم مشعل اللي ماصحى للحين ! .. وطبعا عرفت ام مشعل أن ولدها في الغيبوبة من أول اسبوع لانه ماصحى ولا تحرك ..
رامي واقف عند راس اخوه بعكازتينه .. لأن رجوله تضررو بعد الحادث ويبغاله على الأقل شهرين على العكاز لمن يتعافى تماماً .. مع انه شال الجبس بس للحين مايقدر يمشي الا بالعكازين .. بكى .. ورمى العكازين بالأرض وجلس على سرير أخوه من الأطرف .. حط يده على يد أخوه وبهمس : مشعل .. الله يخليك غد(رد) علي ..
ونزلت دموع حارة على خدينه .. وبحجرشة وهدوء كمل : أنا أخوك .. تكفى غد(رد) علي ..
مشعل .. لا استجابة ..
رامي شهق من البكي وعيونه الزرق المايلين للإخضرار امتلت دموع لدرجة أنه ماعاد يشوف مضبوط .. رفع صوته شوي : ماودك تغد (ترد) علي يامششعل !! .. غد (رد) على أمي .. حغام(حرام) عليك تتجاهلها .. اليوم العيد .. ماتبي تعيد معانا ؟؟..
سامي هنا دمعت عيونه ..
وسمر لفت وجهها ويدها على فمها ..
وأم مشعل جالسة تقرا قرآن ودموعها في محاجرها ..
رامي حط راسه ملاصق لكتف مشعل .. ومغطي وجهه برقبة أخو .. ويكمل بصوت يقطع القلب وبهمس : والله أنك توك شباب والله . حتى سامي ماعاد يقول لك عجوز وعانس.. ( وسكت شوي . رفع راسه ومفرب وجهه لأخوه ويناظره ) .. خلاص والله بسوي لك عيد ميلاد .. والله ما أكذب عليك .. والله أني ما عاد أخللف وعدي معاك وأدخن من دون عللـمك ..
مشعل بوجهه اللي فيه كدمات زرقا وحمرا وخدوش وراسه الملفوف .. لا استجابة ..
رامي رمش كذا مرة .. ويناظر وجهه أخوه بتفصيل .. ويناظر بالتحديد عيون مشعل المغلقة بكل هدوء وأمان وكأنه في سبات عميق : مششــــــــــــعل أصحــــــــى الله يخليك ..
&&&&&&&&&&&&&&&&&&
بعد يومين ..
عند بيت بومشعل ..
البنات كلهم مجتمعين عند سمر .. يبغون يغيرون جوها..
سارة مبرطمة : يالله بعد اسبوعين بتبتدي المدرسة أوف ..
كل البنات ماعدا دانيا و دانة : أوووووفف ..
دانة : ههههههههه أحلى شي أن أحنا نداوم بعدكم باسبوع ..
دانيا اللي تحس بكتمة مجرد ماتتذكر أن مشعل بالمستشفى .. حاولت تتخطى هالشي : حتى انا ..
روان : أصلا كله ظلم في ظلم ..
ملاك : صدقتي ..
رهف : يعطلون قبلنا وتخلص إجازتهم بعدنا ..
سمر تنهدت : مالي نفس للمدرسة .. مسك أنتي اشتري اغراضي ..
مسك غصب تحاول تبتسم : لاتشيلين هم الأغراض ..
لحظة صمت ..
رن التليفون ..
سمر اخذته بملل : ألوو .. هلا سامي .. هــــااااااااااااه .. ( دمعت عيونها ) واللــــــــــــــــــــــــــــــــــــــه ! .. احلــــــــــــــــف ..
وسكرت السماعه بدون ماتسمع رده .. وحضت مسك .. ودخلت في نوبة بكاء ..
البنات وقف قلبهم ..
سمر تشـــــــــــــــااااهق ..
مسك دمعت عيونها وتضرب على ظهر سمر وبحجرشة : س سسمر وش فيك ؟؟ .. وشش قالك سامي !! ..
سمر بنحيب : مشــعـــــــــــــــــــــــــــل ..
قامت دانيا برعب ومسكت سمر : سمر وش فيه مشعل ؟ ..
سمر لارد وتبكي من قلب ..
مسك بخوف وتطمنها : وش فيه مشعل .. إنشالله يصحى ..ادعي له ..
سمــــر رفعت راسها لـ مسك ببكاء : مـــــــــــــــا يحتــاج .. خلااااااااااصصصصص
مششـــــعــــــــــــــــــــــل صـــــــــــحــــــــــــــــــــــــــــــــــــــــــــــــــــــــــــــــــــــــــى ..
&&&&&&&&&&&&&&&&&&&&&&&&&&
عند مشعل ..
رامي متكي على عكازتينه ورا النيرس والطبيب .. من أول كل وقته تقريبا نايم عند أخوه بالمستشفى ومو راضي يرجع البيت ..
رامي بلهفة : دكتوغ (دكتور) تقول صحــى ؟؟..
الدكتور يتابع تقارير مشعل : إيه من أمس بدا يتفاعل مع المحيط الخارجي .. بشكل غير ملحوظ ..
رامي زاد تنفسه : يعني كيف ..
الدكتور لف عليه يطمنه وابتسم : لاتخاف .. تدريجي راح يصحى بالكامل .. أمس حرك صبع يده أثناء الفحص .. واليوم حاول يفتح عيونه ..
رامي وكأن قلبه لاول مرة ينبض : يعني الحين هو يحسس ؟؟..
الدكتور : الحين ايه يحس .. بس لو تكلمه استيعابه شوي بطيء .. يبغاله وقت وصبر ..
رامي : الحمدلله الحمدلله ..
نص ساعه والعايلة كلها اجتمعت في غرفة مشعل وكلهم واقفين بدون استثناء ..
أم مشعل قربت عند راسه الملفوف بالضمادات : مششعل .. الحمدلله على السلامه .. كلنا ننتظرك ياولدي ..
تركي : الحمدلله على السلامة ..
فارس : الحمدلله على سلامتك ..
البنات كلهم بدون استثناء مع الحريم بأصوات متفاوته ومختلفه : الحمدلله على السسلامة ..
ياسر : هههههههههههه علق الشريط شكله .. حسيت أنكم تباركون حق وحده توها والد ..
الكل ابتسم ..
مشاري ببتسامه : أنا بغيرها وبقول إنشالله تقوم بالسلامه بعد كم يوم ..
يوسف يحاول يلطف الجو : مشعل تراك طولت .. نحتاجك تحل لنا مشاكلنا ..
الكل ابتسم بالخفيف ..
سمر تشاهق : والله البيت بدونك مايسوى ..
سامي قرب من اذن مشعل وبهمس ماحد سمعه : الحمدلله على السلامة ياخوي .. الكل هنا واقف .. عشان تعرف معزتك .. بينهم دانيا يامشعل .. لاتطول تكفى ..
طلال : لالاه ماشالله مشعل استجاب بسرعه بالنسبة لحالته ..
رائد : يعني لاتخافون عليه شكله قوي ويحبكم .. بيصحى .. وبيكلمكم بس مو الحين ..
ريان : كنت متحمس للعيد يامشعل اقضيه وياك .. شكلي بسوي عيد ثاني لمن تصحى .. والحساب عليك طبعا ..
الكل ابتسم ثانية ..
مشاري : ههه ريان شفت الرجال الحين صحى قلت بتفلسه من الحين ..
البنات كلهم ساكتين ..
بوفارس قرب من اذنه وبهدوء : مشعل .. حاول تقاوم .. أمك تنتظرك من زمان ..
ثواني ..
يسيل ماي من عيون مشعل المسكرة .. لالا مو ماي .. دموع ..
ابتسم بوفارس .. والكل لاحظ ..
بوفارس يمسح دموع مشعل : تشافى بسرعه وفرح قلبها ..
بعد ربع ساعه ..
الكل مشى .. عدا بيت بومشعل وفارس و دانيا اللي عيت تمشي مع اهلها وقررت تمشي مع فارس ..
رامي جالس على الكرسي : يمه .. سمغ (سمر) .. سامي .. خذهم للبيت .. أنا بجلس هنا أي شي يستجد بتصل عليك يمه لاتخافين ..
أم مشعل اللي مرهقة بالحيل .. ومن زمان ماشافت رامي ولا مشعل في البيت .. قامت عشان ترتاح وتقدر تجي بكرا .. وسمر كذلك ..
سامي طلع ورا امه وأخته وهو يلقي النظرة الأخيرة على أخوه ..
خمس دقايق ..
رامي حاس أن دانيا تبي تقول شي لمشعل من أول .. فقال لفارس يظل ..
فارس جلس جنب مشعل بصمت ..
دانيا جلست على السرير المجاور لمشعل .. واللي كان ينام عليه طول هالاسابيع رامي ..
تنهدت .. ثم قامت .. قربت عند مشعل .. وانحنت قريب من أذنه .. وكل هذا قبال عيون رامي وفارس ..
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك