رواية اذا انتثر دمع عينك -49
دانيا جلست على السرير المجاور لمشعل .. واللي كان ينام عليه طول هالاسابيع رامي ..
تنهدت .. ثم قامت .. قربت عند مشعل .. وانحنت قريب من أذنه .. وكل هذا قبال عيون رامي وفارس ..
وبهمس مايسمعونه إلا مشعل : مشعل .. أنا جيت بيتكم قبل شهر .. جيت عشان اقولك ردي .. ( واسكتت شوي وكأنها تنتظر رده ) .. لكن .. لكن يامشعل أنت طلعت .. وتركتني .. انتظرتك في بيتكم .. بس انت مارجعت للحين .. ماتبي تعرف ردي !!!!.. ( وبخجل وخوف نزلت قطرات من دموعها على وسادة مشعل ) أنا أنا موافقة يامشعل .. موافقة .. تعبت وأنا أنتظرك طول هالشهر عشان أرد عليك .. ( تحجرش صوتها ) أححم .. يكمن الحين أنت ماتسمعني ويمكن تسمعني .. ( واسكتت ثم ختمت كلامها ) تقوم بالسلامة ..
لفت على فارس وهي تلبس نقابها : فارس ممكن توصلني ؟ ..
فارس وقف : أوكيك ..
وطلعوا ..
رامي قام وانسدح على السرير و وجهه مقابل لسرير أخوه ويناظره بكل أمل الدنيا ..
&&&&&&&&&&&&&&&&&&&&&
بعد ثلاث أسابيع ..
الكل رجع للمدارس .. واللي رجع للجامعه ..
وتحسسن مشعل بشكل كبيــر .. وصار يقدر يجلس .. بس للآن مايقدر يمشي .. ولا يتحرك كثير بسبب الكسور اللي بجسمه .. مع انه الكسور تقريبا تشافت بس يحتاج يتمرن على تحريك عضامه . بس يغاله فترة .. لأنه تألمه كثير ..وبسبب تأثير الغيبوبه عليه .. خفت الكدمات اللي بوجهه تقريبا راحت إلا شوي ..
ابتسم وهو يناظر عايلته حولينه .. كلهم يسولفون على راسه .. طاح نظره على دانيا اللي طول الوقت وهو حاس انها تراقبة بس من تحس أنه بيناظرها تلتفت لشي ثاني .. ناظرها .. لدقيقتين بنظرات مالها معنى .. ثم لف نظره عنها بكل هدوء ..
دانيا قلبها يدق دق .. وفي قلبها "" معقولة سمع ايش قلت له ؟ .. أجل ليه يناظرني كذا ! ""
ريان : أما مشعل أخذ لها سبات شتوي .. شهر كامل نايم ..
مشعل باستغراب : تصصدقـ..ون عـاد .. أول ما صحـ..يت .. من الغيبوبهـ.. ما أحسس .. أني ظليـ.ت شهر .. أحـ..سب أنهـ.. أمسس .. وباقـ..ي أحنا بـرمضـ..ان ..
أم مشعل : الحمدلله أن الله شافاك وعافاك ..
مشعل ناظر اصابعه بنص ابتسامه ..
دخل رامي اللي تشافت رجلينه وماقام يستخدم العكازين وفي يدينه أكياس : وصـــــــــــل الأكل ..
وحطه على الطاولة .. وشال كيسه ..
رامي ببتسامه : وهذا الأكل اللين لمشعل ..
مشعل صار وجهه كذا -_- " وبهدوء : لاعت.. كبـ..دي .. أإبـ.ـي أكل .. عـ..دد..ل .. (وسحب نفس لان الكلام يتعبه ويزيد الالم اللي بصدره وبطنه)
رامي : هو بكيفك .. انتظغ (انتظر) اسبوع زياده .. وابشغ ( وابشر) بذيك البيزا ..
مشعل بدون تعبير وجهه : حـ..طهـ.. .. أأمري .. لله..
رامي : هذا المؤدب اللي يسمع الكلام هع ..
أم مشعل جلست جنب مشعل بتوكله .. لكن مشعل رفع يده ببطيء واعتراض ..
مشعل ابتسم بوجه امه : أعـ..رف .. آكـل .. لازم أتمـ..رن ..
فتحت له الأكل .. ومسك مشعل الملعقه بيده السليمة .. وبكل هدوء .. وتركيز .. بدا بآكل ..
أسيل انقزت من عند امها .. وراحت عند مشعل .. ونادته : مششعلل ..
مشعل نزل نظره لها .. ابتسم : قمتـي تنطقـ..ين .. اسسمي صحح ..
سارة بفخر : أنا علمتها ..
مشعل : ززيـ..ن ..
أسيل رددت : مششعلل ..
مشعل ضحك : ههههه .. عيونهـ..
أسيل بلقافه : إيش تاكل ؟ ..
مشعل بعبوس مصطنع : ما أدري والله .. تبـ..ينه ؟ ..
فارس أخذ أسيل وقطها عند أمه وجلس يهزأها ..
مشعل : ههههه ( ثم سكت يوم حس أن بطنه وصدره ألموه زياده )..
أم مشعل يخوف : مشعل لاتتكلم كثير ..
مشعل ابتسم يطمن امه : لا تخـ..افين .. ( ثم لف على فارس ) .. ماعليك .. منها .. هي حـ..اسه فيني .. خل .. تآخـذ هالأكل استغـ..فر الله.. (ثم لف على طلال ) .. يـاخي .. أحـ..س أني وصـ.خ .. أبي أسسبح .. قال إيش .. قال نمـ..سسح جسمك .. الله يقرفـ..هم ..
طلال بطريقة كلام الدكاترة : والله آسف أخ مشعل ماتقدر تسبح الا بعد اسبووع ..
مشعل تأفف .. ومن جد يحس أنه من زمــــــــــان ماسبح < من جد له شهر وشوي ييع .. مسكين=b ..
مشعل لف على أمه : يمـ..ه .. اخــ..طبيي لــ..ي ..
الكل سكت ..فجأة انفجروا ضحك عدا دانيا اللي حست ان الهوا في الغرفة صار حار..
مشاري : ههههههههه شكل اخوك يارامي جاه ارتجاج بالمخ .. محشش ولا صاحي ذا ..
بوفارس : هههه شفيكم على الولد .. أخيرا تكلم وقال انه بيتزوج ..
سامي : شفت مشيعل .. حتى مي بوفارس ينتظرك خخخ ..
تركي : مكسسر وفي المستشفى ويقول اخطبي لي ههههههههههههههههايي..
مشعل سحب نفس ويناظر الكل : عـ ادي .. قريـ..ب بتشافى .. و عششان يمـ..دي أمي تدور بــ..نت الحلال .. لي ..
دانيا هنا انصفق وجهها ..
رامي : أووه أووه .. تطوغات (تطورات) .. من الحين تخطط ..
أم مشعل : هههه طيب مافي بالك بنت معينه ..
مشعل ببرود هز راسه : لا ..
رامي بشطانة : كذاااب .. هو قال لي يبي أخت صاحبي ولد الـ تعرفه ريان ؟؟..
ريان بتعجب صفر : أيه عرفته .. والله أنه ولد أجاويد .. أتوقع أخته حلوة مثله ..
مشعل بغضب : هـ ي حدك علـ..ى زوجتـ..ي ..
الكل فقعوا ضحك ..
ياسر : لا الأخ جن ولا جن ..
سارة : أول مرة تصدق يا ياسر .. أجل زوجته من الحين ..
رامي هز حواجبه : بلاكم ماتدرون .. الولد خالص من زمان وخلاني أطلب يدها له من أخوها والبنت موافقه .. أجل تحسبون الحادث جا عبث ههههههههههااااي .. كان رايح يسحب فلوس حق المهر .. وكان بيكتب الكتاب في اليوم الثاني .. بس شوفة عيونكم ..
رائد صفر : وااااااااااااااو مضبط الوضع .. كنت بتفاجئ أمك كذا ..
مشعل بخجل ضحك : هههه ..
طلال بعربجية : تراك عطلتنا ياخي .. تراني مملك بس باقي الحفلة قدام الناس .. شكل عرسي وعرسك بيصير فيه ليلة وحده ..
الكل : هههههههههههههههههههه ..
دانيا دقات قلبها تحسها مو منتظمة .. وفي قلبها "" الكل يبارك له .. طيب .. وأنا ؟؟""
دانة اللي جنبها دقتها وبهمس : هي شفيك ؟..
دانيا : ولا شي ..
سارة بحماس : مشعل ابي اشوفها !! ..
رهف : و وش أسمها ..
رامي : اسمها مريم ..
ملاك و روان وسارة ورهف : وواااااااو ..
مشعل ابتسم : أصصلا هي.. موجــ..ودة هنا .. الحـ ين ..
دانيا براسها "" ههه ..إيه يمكن أنا .. ليه لأ .. يمكن يسوي مقلب .. يالله .. حرق أعصابي ""..
مشعل مد يده لرامي : ويـ..ن جوالي ؟..
رامي أعطاه الجوال ومشعل دق كم زر وحط الجوال على اذنه : ألوو .. هـ..لا محمد .. ههه الششر .. مايجيك .. إيه قـ..لت للأهـ..ل .. لا تخاف .. أدخـ..ل ..
وسكر الجوال .. وناظر جهة الباب وهو مبتسم .. والكل تلقائيا ناظروا وين يناظر ..
دانيا شوي شوي بدا عقلها يستوعب .. أن مشعل .. خلاص .. مايبيها .. وفي نفسها "" مو وقته الحين الصياح يادانيا .. لمن ارجع البيت ..""
دخل شاب في وسط العشرينيات .. وشكله أنيق جدا .. و وراه وحده لابسه عباية على الراس ونقاب إسلامي ..
محمد واخته سلموا : السسلام عليكم ..
الكل بدون استثناء ردو : وعليكم السلام ..
مريم بتوتر مشبكة يدينها : أسسفه كآن أزعجتكمـ .
الكل بأصوات متفاوته : لا لالا.. عادي .. حياك .. أنتي بنتنا ووإلخ ..
أم مشعل تناظرها : دامك أنتي اللي اختارها مشعل أكيد أنا موافقه .. هو مايختار إلا بنت أخلاق وذوق ..
مريم بخجل : من ذوقك ..
محمد : كيفك مشعل ؟ ..
مشعل : الحـ..مد لله .. عايـ..ش ..
مريم قربت عند مشعل وبصوت فيه البكي : آسفة مشعل .. والله من صار لك الحادث .. وأنا ابي أزورك .. بس محمد منعني ..
دانيا تناظرها بتكبر وبداخلها "" إيش قله الأدب هذي .. تكلمه بكل اريحيه ولا هو محرم لها ولا شي "" ..
مشعل ابتسم في وجهها .. وناظر دانيا للحظة بدون ماتنتبه بعدها ناظر مريم : ولو يـ..ا مريم .. أنا أعرفـ..ك وأعرف .. أصصلـ..ك .. و .. آسسف أني .. خوفتـ..ك ..
مريم بخجل طلعت علبه شوكلاتة صغيرة ومعاها وردة حمراء من شنطتها الكبيرة .. ومدتها لمشعل : أححم ..الحمدلله على السلامة ..
الكل ساكت ..
مشعل ضحك بخفه : هههه .. مششكـ..ورة .. كنك حاسسه .. مششتهـ..ي ككاو ..
محمد : أحم نحن هنا .. يالله مريوم مشينا ..
مشعل : تو الناسس ..
محمد : لاتوو الناس ولا شي بس لازم نمشي .. وأهم شي أنك صاحي ..
ومشوا ..
مشعل : شفتيها .. يمه ..
أم مشعل : إيه والله .. عجبتني .. أدب وأخلاق .. حتى أنها لابسه نقاب إسلامي ..
مشعل : أجل الملكـ..ة .. الشـ..هر الجاييي ..
الكل سكت وماتكلم ..
طلال : إيه صح .. نسيت أقول لكم ..
الكل لف عليه ..
طلال نفخ صدره : حتى أنا الشهر الجاي عرسي ..
الكل : شنووووو ..
طلال ببساطة ممزوجه بفرح : أنا ونوف حددنا الموعد ..
مشعل بذكاء : أجل بخـ..ليي .. ملـ..كتي قبل .. عرسس طلال .. بيوم ..و .. عـ..رسي .. معـ..اك .. بنفـ..س الليلهـ..
مسك : ياليل مطولك ..
سارة لروان : شرايك روان ننام بكشختنا حقت ملكة مشعل حق عرس طلال نوفر ..
الكل : ههههههههههههههههه ..
أحمد : قومو شباب شكل الولد استجن .. خلونا نمشي لايعادينا ..
الكل : ههههههههههههههه ..
&&&&&&&&&&&&&&&&&&&&&&&&&&&&&&&
بعد ثلاث أسابيع ..
في بيت بومشعل ..
سامي توه جاي من الجامعه على الساعه أربع العصر !! ..
رمى نفسه أقوى شي على الكنبه : أوووووووووففف .. أبي افهم كيف أنا كنت غبي يوم قلت بدخل طب .. شهالغغباء اللي كان فيني ..
مشعل ضحك : هههههههههااااااااي ..
مشعل تقريبا تشافى تماما بس ماخذ إجازة لمده اسبوع .. عشان يتأكد أن رجوله ماعاد تعوره مرة ثانية ..
سامي بنص عين : إيه اضحك انت جالس بالبيت لاشغل ولا مشغلة .. وناس من صبح الله قايمة من عز نومها .. حق الجامعه ..
مشعل كتم ضحكته : حاسدني على اللي أنا فيه بعد ؟؟..
سامي ما رد عليه .. وحاول يغير الموضوع : إيه من قدك اسبوع ونص وبتتزوج .. وين احنا فيه ! .. ما اصدق .. أخيرا بتتحقق أمنيتي ..
مشعل قام : ههههههههههههههااااااي بتتحقق أمنيتك أجل ..
صعد مشعل فوق .. ودخل غرفة سمر اللي متعودة انها ماتنام العصر .. وتجلس تحل واجبتها عشان تفتك ..
مشعل : أحم ..
سمر لفت عليه وهي جالسة على مكتبها : هلا ..
مشعل بدون لف ودوران : فكرتي بموضوع رائد ؟..
سمر انصفق وجهها : يووووووووووووه..
مشعل استغرب : وش ؟..
سمر حطت يدها على فمها : نسيت السالفة أصلا ..
مشعل بقق عيونه : من جدك عاد ..
سمر : والله ..
مشعل : والرجال مسكين اليوم جاي يسألني .. بجد طولتي مرررررررة ..
سمر : ما ادري والله اصلا ما جا على بالي طول هالفترة من صار الحادث وهيك ..
مشعل : طيب .. والحين ؟..
سمر : شنو ؟ ..
مشعل ابتسم : ايش ردك ؟..
سمر استحت وبمزح : أقولك اطلع برا بذاكر ..
مشعل قام : أفا بس افا هههههه .. ماعليه .. باخذ ردك على الرجال بعد زواجي ..
سمر رجعت تكتبت بدفترها التلخيص : يصير خير ..
&&&&&&&&&&&&&&&&&&&&&&&&
في بيت بو أحمد ..
على الساعه 9 الليل ..
دانة : أوووفف دانيا .. أخرتينا وأخرتي البنات .. لازم نجهز اغراضنا حق العرس مابقى ششي ..
دانيا : هففف .. مالي خلق .. قلت لك أنتي اشتري لي ..
دانة : دانيا .. لاتحسبين أني مو حاسة أنك زعلانة على خطبة مشعل ؟.. أصلا هو خطبك مرة وانتي رفضتيه .. الرجال مل يا اختي .. خليه بطريقه
دانيا تنكر : وش حقه ازعل ؟.. بكيفه .. الله يوفقه ..
دانه طنشتها ورمت عليها العباية : بتقومين غصبن عن خشمك ..
&&&&&&&&&&&&&&&&&&&&&&&&&&&&&&&&&
كل البنات راحو السوق .. ومعاهم كل الشباب ..
والكل توزع على شكل قروبات .. عشان يشترون حق ملكة مشعل وعرس طلال ..
قروب روان + سارة + رهف + ملاك ..
ومعاهم سامي + فارس + يوسف ..
روان : مليك شرايك بذي التنورة ؟ ..
ملاك : حلوة بس ذا الدانتيل مخربها ..
رهف : حرام عليك حلوة ..
سارة بصوت شبه عالي : أنتوو هييه ..
فارس و يوسف وسامي بققوا عيونهم عليها .. وتصرقعت من الخوف وصغرت صوتها هع < ماينفع معاها الا العين الحمرا ..
سارة : يالأغبياء الثلاثا أحنا جايين نشتري فساتين مو تنانير وين احنا فيه .. أجلي ثيابك وخرابيطك ليوم ثاني ..
الثلاثي : إيه والله ..
سارة : أووف مشكلة لمن أصير ذكية بين مجموعه اغبياء ..
الثلاثي عطوها بكس على ظهرها خلاها تبلع العافية خخخ
روان سحبت لها فستان نعوم لونه شوكليت وموديله حلو : بنات شرايكم..
سارة القت عليه نظرة : فيه أحلى منه ..
ملاك : حلو بس اتوقع فيه اكشخ ..
رهف تكمل : وخصوصا أن أحنا مبعد نخلص تلفلف بالمحلات ..
روان برطمت ولفت على فارس : أقول فارس ..
فارس : هاه ..
روان : وجعاه ..
فارس : كلي هوا وش تبين ..
روان : شرايك بذا الفستان ..
فارس مد أصبعينه السبابة والوسطى وقلب بالفستان يمين وشمال .. وهز راسه : مقبول ..
روان : حراااام عليك يالظالم ..
سارة : قلت لك .. شفتي حتى الأولاد حسوو أنه مو لذاك الزود ..
ملاك أخذت فستان لونه أحمر قاني : خلونا ناخذ براي الخبراء .. وذا .. (تقصد فارس هع) ..
فارس نفس الحركة سواها قلب بالفستان : ايه ذا أحلى من هذاك ..
ملاك : متأكد < قاطه الميانة الأخت ..
سامي اشر : بس مو حلوة شكله من تحت ..
يوسف : صاير دفشششش < الله يالنعوم أنت هاهاهاع =d
فارس عقد حواجبه : تقريبا ..
ملاك رجعته بتحطم هع < هذا اللي ياخذ راي شباب ..
يوسف ببساطه سحب فستان لونه فوشي متداخل معاه الأبيض بطريقة حلوة وموديله حلو : ذا حلو ..
رهف مسكت الفستان : ملاك صحيح ذا حلو .. بس أنتي ماتحبين هاللون صح ؟ ..
ملاك : لالا ما ابيه ..
فارس بفلسفه : يوسف مو شي شكله تحسه حق اكبر من سنهم هم توهم مراهقات .. < ياشيخ تكفى ..
وهكذا البنات بكل بساطة جالسين ياخذون برايهم وهم يحوسون يعني أنهم يبغون يعرفون مختلف الأذواق < حد الرواقية ياشيوخ ..
عند القروب الثاني ..
جنى زوجه أحمد و دانة و دانيا و مريم < غصبها مشعل أنها تجي مع البنات وتشتري معاهم .. أما ربى زوجة فيصل عندها فستان و بنتها الهنوف الصغير فما قدرت تجي ..
ومعاهم من الشباب أحمد و طلال و مشعل ومحمد أخو مريم ..
خلصوا شراء فساتينهم < ماشالله سريعين هع
وداخلين محل حق فساتين عرايس حق مريم .< تو الناس يالحبايب خخ ..
دانة : مريم خذي الكتالوج واختاري واحد ..
مريم اخذته وقامت تتصفح : جنى شرايك بهذا ..
جنى : روعه ..
مريم ابتسمت : يسلموو .. دانيا شرايك أنتي ؟
دانيا تتأفف بداخلها وبنص عين وتحاول قد ماتقدر أنها ماتبين : حلو بس الشك اللي على الصدر مبالغ فيه ..
مريم برطمت من تحت النقاب : طيب ( ومدت الكاتلوج لدانيا ) .. اختاري لي واحد ..
دانيا بعدت : أسفة .. أنتي العروس ..
مريم تناظر دانيا بنظرات فارغه ومازالت مادة الكاتلوج ناحيتها وتركته يطيح عند رجلين دانيا .. ولفت بتطلع من المحل ..
طبعا ما فات هالشي على مشعل .. لحقها و وقفها ..
دانة تأففت : ماتحسين على دمك أنتي .. ( و وخرت وراحت عند جنى تناظر الفساتين الثانية ) ..
دانيا استغربت من حركة مريم بس قالت بداخلها " بالطقاق" وانحنت أخذت الكاتلوج من الأرض وفتحته وعيونها على مريم و تناظر مشعل كيف اهتمامه بمريم ويكلمها ويهز راسه وهي ترد عليه .. فجأة شافت مشعل يتجه [ لها ] .. و وراه مريم ..
اقترب مشعل عند دانيا وسحب الكاتلوج من يدين دانيا بسلاسة وعيونه في عيونها بقوة ويكلم مريم : الا لك أحلى الفساتين .. مو لأنك يتيمة .. وأمك مو موجودة تساعدك في اختيار الفستان .. ماتبين فستان ..
ثم لف على مريم : انا بختاره لك ..
دانيا استغربت .. وبداخلها ""مريم أمها متوفيه .. من عذر مشعل خلاها تجي معانا .. عشان نساعدها .."" حست على دمها واستحت بجد ..
انتظرت لمن بعد مشعل عن مريم .. وقربت جنبها وبصوت خافت : اللي بالصفحة الثالثة حلو ..
مريم رفعت راسها باستغراب .. ثم ابتسمت من تحت النقاب : بس مشعل اختار لي هذا .. ( و ورتها )..
دانيا تحاول تثقل نفسها : بس هذاك أحلى وأكشخ ..
مريم بعناد : شكرا دانيا .. انا أبي اللي اختاره مشعل ..(وبعدت عن دانيا) ..
دانيا ولعت عيونها من القهر وكلمت نفسها بهمس : أنا الغلط علي أساعدها ..
عند القروب الثالث ..
مسك و سمر
ومعاهم مشاري و رائد ..
في محل للإكسسوارات ..
مسك تختار اكسسوار وتاخذ راي مشاري ورائد .. أما سمر صايرة على السايلنت لانها تذكرت سالفة رائد .. والمصيبة أنه معاهم .. < ياعومري يا سمورة ^^ ..
أما رائد موب طاق لها خبر خخخ يحاول مايناظرها أو يكلمها ولا حب يحرجها < يالثقيل XD
أما مشاري جالس كل دقيقة يجرب الاساور على يد مسك ويختار لها < يارايق يامشاري ..
أما رامي و ريان يحوسون بروحهم < ماعندهم شغله ..
وكذلك ياسر وتركي ..
&&&&&&&&&&&&&&&&&&&&
يــــــــــــــــــــــــــــــوم ملـــــــــــــــكه [[ مششعل & مــــــــــــريم ]] ..
الملكة في استراحه صغيره .. لأن الملكة بس حق أهل المعرس والعروسة ..
كشخوا البنات كشخه معقولة حق ملكة ..
ومريم نفس الشي كشخت بطريقة معقولة ..
سلموا كل البنات على مريم وباركو لها ..
دانيا دارت عيونها في المكان وبهمس لسارة : غريبة مافيه أحد هنا غريب !!..
سارة بنفس الهمس : بلاك ما دريتي ..
دانيا : وش ..
سارة : مريم بنت تقريبا شبة مقطوعه من الشجرة .. بس عندها أخوها عند الرجاجيل و خاله ..وهذيك هي جالسة عند امهاتنا .. ولا عندها بنات ..
دانيا اقشعر بدنها وهمست : جد ..
سارة مشت عنها ..
دانيا قربت عند مريم ومسكت يدها وحاولت تسولف معاها .. لانها حست بشعور غريب بعد كلام سارة ..
مريم بخجل : مشكورة دانيا ..
دانيا ابتسمت : ماسويت شي ..
مريم : لا .. لأنك جلستي خففتي توتري .. لو عندي ام بهاللحظة كان ماخلتني الحين بهالوقت ..
دانيا حزن قلبها عليها كثير ودمعت عيونها وضمت مريم : أنا موجودة بكل وقت ..
شويات وتقوم الزغاريط ..
دانيا تركتها : أكيد جابو الكتاب ..
جات سمر تفحط وبيدها الكتاب < مخفه هوع ..
سمر : يالله وقعي ..
البنات والحريم كلهم تجمعوا حولين مريم ..
سمر : يالله بسرعه ..
دانيا : مريم لاتخافين عادي كلها توقيع ..
نص دقيقة
البنات طفشووو : يالله ..
مريم تناظر دانيا : يالله ..
دانيا : يالله وقعي ..
مريم : أنتي وقعي ..
دانيا تضحك : ههههه مريم شفيك خفتي ..
روان : دوين يالله وقعي..
سمر : ترا انكسرت يدي ..
سارة : شكل عقلها سبيكه الأخت ..
مسك : عيب ساروة ..
دانيا وجهها يدل على دلاخة حقيقية : وشو أوقع .. استجنيتوا انتوا !! ..
دانة : يالله رحمتك .. دوين وقعي بلا مشاكل ..
أم مشعل : ههه شوي شوي على البنت .. دانيا مو أنتي مشعل من قبل خاطبك وانتي موافقة عليه ؟ ..
دانيا اصفر وجهها : كنت .. بس دقيقة كيف عرفتوا .. أنا قلت لها يوم هو في بداية صحوته من الغيبوبة وووو
ثم اسكتت ..
الكل ضحك : هههههههههههههههههاااااي ..
دانيا ناظرت مريم وعيونها طالعه ..
مريم : هههه دانيا اليوم ملكتك .. أنا أحد مرضى مشعل اللي ساعدهم بشكل ماتتصورينه .. وطلب مني اني امثل عليك أني خطيبته .. وكل عايلتك تدري بهالشي .. فكلهم مثلوا عليك ..
دانيا قلب وجهها وناظرت الكل .. ومبين على وجيهم تصديق لكلام مريم ..
دانيا قامت تتأتأ : بببس بس بس .. (ناظرت الكتاب وناظرت أمها ) ..
أم أحمد ابتسمت وبكت : كلامها صدق يا دانيا .. وقعي يادانيا ..
دانيا بتصيح : بس بكرا العرس .. وما شريت ششي ولا .
قاطعتها مريم : إلا شريتي الفستان اللي اخترتيه وانا قلت ما ابيه .. كذبنا عليك أنا ومشعل عشان نعرف أي واحد تبين .. والباقي دانة و جنى جمعوا لك وأمك والبنات .. كل شي شروه ..
دانيا فصلت : هههه لالا تمزحون ..
رهف : الحمدلله والشكر .. انا قلت لكم من قبل لانسوي هالحركة البنت بتجن ..
دانة : دانيا وبعدييين ..
دانيا اخذت القلم .. ثم ناظرت توقيع مشعل ..وناظرت البنات ..
البنات بصوت واحد يكررون كلامها : تراه كله توقييييع ..
دانيا : انطموا انتوا ..
دانيا سمت بالله وقلبها طبوووووول .. وقعت توقيع أي كلام < من الربكة ^^" ..
ارتفعت الزغاريط والتصفق ..
استلم الكتاب سامي من سمر .. و وداه عند الرجايل ..
دخل عند العايلة وبصرااخ : طلقنــــــــــــــــــــــــــــــــاا العنووووووووووووووووووووووووسة ..
الكل : ههههههههههههههههههههههههههه ..
الكل قام يسلم على مشعل اللي مو مصدق للحين هع ..
ربع ساعه ..
وطلب مشعل أنه يشوفها .. لكن دانيا رفضت رفض قاطع قطيع مقطع < احلى وصف هوع ..
دانيا عند البنات كلهم لابسين عباياتهم عشان يجرونها ويطلعونها المجلس الثاني عشان يشوفها مشعل < ررررعب هالبنات خخ ..
دانيا فيها الصيحه : والله والله لو يصعد سابع سما وينزل سابع ارض .. ما اطلع .. مو كافي ان بكرا العرس .. مايصير يشوفني .. بنات بلا سخافة ..
: للأسف ما اقدر اصعد سابع سما لأني ما اقدر أطير و .
دانيا ارتاعت وصرت ذيك الصرخه وفيكم خير دوروها .. ماتشوفون الا غبارها هع ..
البنات : هههههههههههههههههههه ..
سمر اللي جابت مشعل عند الباب عشان يدخل لأن دانيا مارضت تطلع ومشعل دخل فجأة ..
مشعل : هههه لهالدرجة اخوف ..
رهف : ترا دانيا واقفه ورا هالجدار ..
سمر وما ادري من وين جاها الشر <عادوها البنات ..
سمر تجر مشعل : بنات خل نروح لها ..
ملاك : كفوو ياسمر .. تربيتي ..
مشعل سحب يده ويضحك : هههه لا خلاص شفتها ..
البنات : لالالالا تعال ..
دانيا ورا الجدار تسمع البنات وشوي وتصيح .. إلا صاحت خخ ..
مشعل فقع ضحك : لالا انا ما اقدر أصعد سابع سمع ولا أنزل سابع أرض .. بكرا أشوفها مرة ثانية .. عادي ..
البنات تأففووا..
اما مشعل تركهم ورجع عند الرجاجيل ..
دانيا أول ماحست أن مشعل مشا طلعت للبنات وتلحقهم وحده وحده تبي تضربهم هاهاهاهاهاهاهااااع < خوش بنت مملكة ض1 ..
&&&&&&&&&&&&&&&&&&&&&&&&&
يــــــــــــــــــــــــوم عــــــرسسس [[ طــلال و نـــوف ×× مششعل و دانـيا ]] ..
مايحتاج أوصف لكم البنات .. البنات هالمرة مسوين لهم كل شي أوفر لأنه مو عرس .. لالا عرسين في عرس واحد .. وبعد مين عرسه .. عرس أعز الناس على قلوبهم ..
في غرفة العرايس ..
نوف تهدي دانيا وهي تضحك : ما مرة فكرة أن أنا أنتي عرسنا في نفس الوقت ومع بعض ..
دانيا اللي ماقدرت تنام من أمس إلا بحبوب هستوب خخ : نوف والله مو قادرة .. أحس أني أي كلمة ثانية وبصيح جد .. أنتي مستوعبة أني أنا توني امس ملكت كذا بدون سابق انذار ولا تهيأت نفسيا واليوم الثاني الفرح .. بصيييح ..
نوف اللي عندها تقريبا الوضع ايزي وتضحك لأنها مستعده نفسيا هع .. خذت منديل وعطته دانيا : ترا ان صحتي بيخرب المكياج وبيسح وإن خرب .. بيشوفك مشعل كذا .. لأنك رايحه معاه رايحه .. فأحسن لك لاتخربينه ..
دانة دخلت : درر يانوف درر تطلع من فمك .. أقنعيها ..
نوف : هههههه ..
دانيا من جد صاحت بس حاولت تمسح الدموع بخفة عشان مايخرب المكياج < تحفه هع ..
دانة : يالله نوف زفتك الحين ..
نوف وقفت وبيدها باقتها الموف : بسم الله ..
انزفت نوف زفة كلاسيكية .. وكانت بقمة الروعة مثلها مثل أي عروس .. لازم تتلألأ بين الحضور ..
ومابقى رقص مابقى شي ماطلعوه البنات ..
بعد ساعه إلا عشر دقايق انزفت نوف على غرفة ثانية عشان تطلع مع طلال يصورون .. ويمشون .. مع ان رائد وسارة حنووا على راس طلال انه يدخل وياخذها بس هو رفض ..
دخلت أم أحمد عند بنتها دانيا : يالله دانيا زفتك ..
دانيا وقفت بهلع : يمه والله خايفه ..
أم أحمد حضنت بنتها وتبكي : الله يبلغني في عيالك يادانيا وازفهم مثل ما ازفك الحين ..
وسحبتها من يدها عند الباب ..
أم أحمد : من تسمعين الدقة تشتغل طلعي بخطوات هادئة ولا تسرعين .. مثل ماقالوا لك البنات هم متكفلين بالزفة ..
دانيا برجفه : أوك ..
بدت دقة خليجية ..
حطت دانيا رجلها وسمت بالله .. وطلعت ..
شافت كل البنات بدلوا فساتينهم إلى جلابيات خليجية شعبية فخمة جدا وكل وحده لون مختلف وطبعا غيروا كل اكسسواراتهم ولبسوا ذهب ..
صفوا البنات بطريقة معينة وبدو يرقصون قدامها برقصة معينة متدربين عليها وهي تمشي وراهم .. وكل شوي يتبادلون الأماكن البنات ..
أما روان و سارة واقفين وراها يرمون على الحضور مشموم وهم ماسكين سلة خوص
و وراهم أم أحمد وأم مشعل يزغرطون ..
الزفة كانت خيـــــــــــــــــال
جلست دانيا على الكرسي .. والكل قام يبارك لها ..
ومثل ماتعرفون .. المرسح شوي ويتكسر من الرقص < ياعيني على التعبير ..
بعدها بساعتين بدا الحضور يقل تدريجيا .. إلى أن بقو أهل العرس فقط ..
والبنات كلهم لبسوا عباياتهم عشان مشعل بيدخل بياخذ دانيا لانها مو راضية تطلع ..
دانة : دانيا وقفي الحين بيجي مشعل بياخذك ..
دانيا وكأنها لصقت بالكرسي : هاه ..
مسك مسكت بيدها وححاولت تهديها : دانيا لاتخافين .. حتى أنا مريت بهالشي .. والله بعدين بتتحسفين اذا عادنتي ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك