رواية اذا انتثر دمع عينك -4
مشاري مستانس : لبيه قلبه مشاري
مسك تناظر الوردة عشان تتحاشى نظرات مشاري : لو سمحت لاتتعدى حدودك .. ولا تظني من هالبنات الي بايعين نفسهم
مشاري قرب وصار يفصل بينه وبين مسك ثلاث خطوات وحط يده على جذع النخلة الي متسنده عليها مسك واليد الثانية يحرك فيها شعره : طيب كذا ما أتعدى حدودي صح
مسك ماتكلمت بس تناظر مشاري ومستغربة بقوة على حركته
مشاري ابتسم : شفيك انربط لسانك انا كذا ما اتعدى حدو .
إلاينصب فوق راس مشاري ماي بااارد وفيه قطع ثلج مشاري من شدة برودة الماي فتح فمه وغمض عيونه
رهف : مشاريووه شنو تسوي هنا ها تكلم
مشاري ارتبك و لف عليها : خير أنتي الي شنو تسوين هنا
رهف : لا والله أنا جاية مع مسك (وناظرت بمسك المخترعة) مسك هالقليل الأدب سوا لك شي
مسك هزت راسها نفي وهي لحد الحين مخترعة
رهف : مشاريوه شنو موقفك هنا يلا أذلف ولا والله لا أعلم عليك أبوي
مشاري يقلد رهف : والله لا أعلم عليك ابوي .. خوفتيني .. أنا أصلا راح أمشي قبل ماتقولين .. مع السلامة مسووك ( ومشى بسرعة )
رهف رمت عليه علبة الماي بس ماجات له
مسك كثير وقالت في نفسها " مسووك ؟؟؟ مسووك .. شنو فيه .. استخف ؟؟ليكون يحبني ؟؟ .. لالا هذا مشاري يحب دايم يلعب على البنات "
رهف قطعت تفكير مسك : مسك مسسسسسسك مسكووه و وجع
مسك انتبهت لرهف : هااااا خير شنو تبين ؟
رهف : لي ساعة أكلمك وماتردين .. مشاري سوا لك شي ؟؟
مسك : لا
رهف : متأكدة ؟؟
مسك حبت تنهي السالفة : أي والله متأكدة
رهف : أجل ليه عطاك هالوردة ؟؟
مسك تذكرت الوردة الي بيدها فقامت تناظرها وهزت كتوفها تدعي اللا مبالاة: لا بس يقول من ولد عم لبنت عمه بس
رهف رفعت حاجبها : أهآآ
مسك سحبت يد رهف وقامت تمشي : سكري هالسالفة وخلينا نتمشى( ولفت على رهف وابتسمت تطمنها إن مشاري ماسوا شي)
رهف تطمنت : يلا
تمشوا ربع ساعة وبعدين رجعوا عند البنات
&&&&&&&&&&&&&&&&&&&&&&&&&&&&
في مبنى الشباب
دخل مشاري شاق الحلق ينقاله رابح المليون شافوه الشباب
ريان : شوي شوي لايطيح حلجك شفيك مبلل ماي ؟؟
مشاري طنشه وخذ له منشفة ينشف شعره
ياسر نقز لمشاري : شفيك مستانس سطيت على بنك خذني معاك
تركي : لالا أتوقع سطى مو على أي بنك أتوقع سطى على بنك الراجحي
ياسر يتعمد يستفز مشاري : لالاقوية على مشاري مايقدر يسطو على بوك امه عشان يسطوا على بنك
تركي : ههههههههه
مشاري لف عليهم : هه هه ماتضحكون ويلا ذلفوا عن وجهي
فارس جا لمشاري : مشاري من سبحك بالماي ؟؟
مشاري طفش منهم : أنا سبحت نفسي بنفسي
سامي : لا الولد استخف
يوسف : لاعادي تراه خبل من زمان
مشاري طالع يوسف وكان جنبه كاس ماي خذه وكب الماي على يوسف لكن يوسف حس فيه فانحاش وجا شوي ماي لفارس
فارس : مشاري أنت بديت الحرب
وأخذ فارس كاس ماي وكبه على مشاري وجا نص الماي على ريان لأنه جالس جنبه
ريان : شنو دخلني أنا ها أوريكم
وكل واحد من الشباب قام يكب ماي على الثاني لمن طلعوا برا المبنى و وصلوا للبركة
( ملاحظة : نسيت أقولكم أنه في بركة ثانية جنب مبنى الشباب مكشوفة )
فارس ناظر سامي وسامي فهمه
وقام فارس ودفع ريان على البركة وسامي دفع مشاري وطاح بالبركة
فارس : ههههههه تساهلون
سامي : ههههههه شكبركم وتلعبون بالماي
مشاري وريان عطوا إشارة لياسر وتركي بدون مايحسون فارس وسامي
و وقف تركي ورا فارس وياسر ورا سامي
ياسر : مع السلامة
فارس وسامي : لالالالالالالالالالالااااااااااااااااااااا
ويدفعونهم على البركة
مشاري : ريان أمسك فويييرس وانا ساميووه
ريان : ابشر ( ويمسك فارس) تتوب ها ..؟؟
فارس : توبة تووووبة ما أعيدها
ريان : لالا شكلك ماتبت ( ويغطس راس فارس بالماي)
مشاري : ها ياسامي البريطاني تتوب ؟؟
سامي : ههههه والله اتوب فكني
مشاري بضحكة شر : نياهاهاهااا لالا (ويغطس راس سامي بالماي ويطلعه) .. ها سامي البريطاني تبت ولا لأ
سامي يكح بسبب الماي : إي تبت وربي تبت فكني ذبحتني
ياسر وتركي ويوسف واقفين جنب بعض يضحكون عليهم إلا يجي شخص ويدفعهم على البركة
روان وسارة : اثنين صفرر هوووووووووووووو
يوسف يهز راسه من الماي: كح كح .. الحين انا شنو دخلني فيكم ها ؟؟
روان : لا أبد سلامتك أنا وسارة فكرنا وقلنا ندفعك معاهم بالجملة
يوسف : بالجمله ها بالجمله هين
وقام يوسف يطش ماي على روان وسارة وتركي وياسر سوو نفس الشي
بس روان وسارة هربوا
ياسر يصرخ : اثنين واااااحد هوووو
بعد خمس دقايق طلعوا الشباب
مشاري : بروح أبدل ملابسي
الشباب : يلا
سامي : ريان .. ماجبت ملابس معي
فارس : ماعليه خذ من ملابسي
سامي : يلا
تركي يهمس لياسر : شلون الحين يا ياسر سوو مقلبين فينا واحنا ماتحركنا
ياسر همس له بشي
تركي ابتسم : خلاص
بدلوا الشباب وخلصوا
تركي : يلا ياسر نصيد ؟
ياسر ابتسم : يلا
فارس فهم شنو يقصدون : يازفووت اعقلوا قلنا سوو مقالب بس مو من هالنوع
سامي : شنو ؟؟
ريان : أبد دايم يسون مقلب بروان وسارة يمسكون جرادة بيدهم ويلاحقونهم أو حتى صرصور يحطونه بعلبة ويلحقونهم تخيل
سامي : يييييييع اقرفتني الله يقرف عدووك
مشاري : ارجعوا لاتشوفون شي ماشفتوه
ياسر وتركي لاحياة لمن تنادي
يوسف حط يده على كتف مشاري : لاتتعب نفسك
روان وسارة جلسوا على كراسي الخيزران الي برا المبنى مع البنات
روان وهي تلهث : بنات فاتكم سوينا مقلب بياسر وتركي ويوسف
دانيا : الحين عرفنا ان ياسر وتركي سويتوا فيهم مقلب بس ليه يوسف معاهم ؟
سارة هزت كتوفها : أبد قلنا نخليهم بالجملة
دانة : ههه أقول انتبهوا من ياسر أخوي تراه الهدوء ماقبل العاصفة
روان : يصير خير
سارة : فاتكم يابنات شفنا الشباب يستهبلون على بعض ويسبحون
ملاك رفعت حاجبها : شلوون
روان : شفنا ريان ماسك فارس ويغرقه ومشاري ماسك سامي ونفس الشي يغرقه
مسك : مسكين أخوي
سارة : إي والله رحمته من مسكه ريان ذبحه ذباح .. تصدقون كانوا يسبحون بملابسهم
روان : اي شكلهم يستهبلون ورموا انفسهم بالبركة
سارة : أي ووو
وما أمداها تكمل كلامها إلا جا ياسر وتركي ركض عليها وعلى روان
ياسر كان ماسك علبة فيها صرصور وتركي كان ماسك بيده جرادة كبيرة
ياسر : تركي ألحق روانووه وأنا سارووة
تركي : ولا يهمك
روان وسارة ماعاد ينشاف منهم إلا غبارهم
سارة تركض : ياحمااار باعد أحسن لك
ياسر : هين انا حمار أوريك
روان لفت على جهة الممر ومازالت تركض: تريييك بلا مهزلة
تركي : هاهاهاهههههها مهزلة الحين أوريك المهزلة
سارة تركض بأي اتجاه و وصلت لمبنى الشباب شافت فارس راحت جهته و امسكت طرف كم تي شيرت فارس ومن شدة الركض صارت تدور ويدور معها فارس واخيرا سارة امسكت تي شيرت أخوها فارس عدل وصارت وراه : ياحمار باعد أحسن لك
ياسر قبال فارس مسك يد سارة : أنا حمار ها
صار الفاصل الوحيد بين سارة وياسر هو فارس
فارس : ياسرووه وصمخ اترك أختي
ياسر : لاتنسى ترا أهي أختي بعد
مشاري مسك ياسر من ورا من جهه رقبته : يلا اذلف اقلقتنا وازعجتنا
ياسر : هدني ( وقام يقرب العلبة الي فيها صرصور لسارة )
سارة من شافت الصرصور صرخت : يمممممه ( تشبثت بفارس أكثر ودمعت عيونها)
ريان بصرخة خوفت ياسر : ياسرووه باعد عنها
ياسر ترك يد سارة : هذا ادب الي يسوي فيني مقالب ويسبني
سارة حطت يدها على جهة عيونها وراحت جهة المغاسل بدون ماتنطق حرف واحد
ياسر : أوووه
ورما العلبة الي فيها صرصور في الهوا وجات على راس يوسف
يوسف نقز : يممممممممممممه يازفت بلا هالحركات
ياسر : جباان تخاف من صرصوور
فارس : اروح أشوف أختي لايكون صار فيها شي
راح فارس على جهه المغاسل واستغرب من الي شافه
نهــــــآآية البارت الرآبـــع .. ^^
أراءكم وتوقعاتكم
&&&&&&&&&&&&&&&&&&&&&&&&&&&&&&&
~| البــآرت الخــــآمس|~
فارس : اروح أشوف أختي لايكون صار فيها شي
راح فارس على جهه المغاسل واستغرب من الي شافه
فارس : شنو تسوين ؟؟
كانت سارة جالسة عند الفتحة الي جهة المغاسل (لانه في جهة المغاسل فتحة يعني بدون باب تطل على الزرع الي ورا المبنى ) وماسكة بيدها عود وترسم على الرمل بهدوء
فارس استغرب من هدوءها : والله ظنيتك تجهزين سكين عشان تذبحينه (يقصد ياسر)
سارة وهي لحد الحين على هدوءها ولا ردت على فارس
فارس قرب جنبها وجلس : بسم الله الرحمن الرحيم .. ليكوون صار فيك شي بسم الله ردي علي نطقي تكلمي
سارة تركت العود الي بيدها ورفعت عيونها لفارس بدون ماترفع راسها و بهدوء : نـعم
فارس : بسم الله شفيك ماتتكلمين يوم أكلمك زعلانة من حركة ياسر
سارة : لا بس افكر كيف أردها له
فارس : إممم عادي أعطيك إقتراح من عندي عشان تردينها له ؟
سارة تحك جبهتها : عطنا نشوف شنو عندك
فارس لف عليها : شوفي أهو فيه تمثيل شوي
سارة رفعت حاجبها : أووه فارس أخلص بالقطارة أهي
فارس : لا بالطيارة هههه
سارة رفعت حاجبها ولا ردت عليه
فارس حك راسه : سخيف خخ .. المهم إقتراحي ومافيه ( وقالها اقتراحه)
سارة رافعة حواجبها مندهشة وابتسمت : وااو وأنا أقول انا من طالعة عليه أثري عليك
فارس : احم ولك الشرف .. يلا سوي مثل ماقلت لك
سارة : أوكي
فارس : يلا انا قايم ابتدي بالخطة
سارة : يلا
رجع فارس للشباب
ياسر : ها اكيد جالسة تجهز سكين
يوسف ضرب ياسر على راسه بالخفيف : وأنت خبل على هالافكار
فارس جلس على واحد من كراسي الخيرزان وهز راسه : ياسرووه شفت شنو سويت بأختي الحين قاعدة تبكي ويوم وقفت بكي وأكلمها ماترد علي ياويلك ويلاه
ياسر : أنا ماسويت شي شنو ذنبي إذا هي تبكي وإذا وقفت بكي ماترد أنا ما ضربتها
فارس : ياويلك بتقول لأبوي وأمك وطبعا بيخلونك انت المذنب لانك ولد ومستقوي على بنت ( وغمز لمشاري وريان من دون مايحس ياسر وفهموا غمزته على طول )
ياسر : عادي بالطقاق أنا ماسويت شي
فارس : هذا أنا أقولك تراها ما ترضى بسهولة
مشاري : إي والله تذكر ذيك المرة ياريان يوم مارضى فارس يوديها المطعم زعلت عليه ثلاثة أيام
ريان بتأييد : أييي حتى أتذكر فارس تعب وهو يراضيها بكل شي وخالي بوفارس هزء فارس تهزيء محترم
( طبعا كل الكلام الي يقولونه من تأليفهم عشان يخاف ياسر )
ياسر قام يناظرهم بنظرات شك : يعني بتخوفوني
سامي دخل معاهم : كيفك والله يا ياسر بس على الي سمعته أنا أقولك أتق شر الي سويته
ياسر رفع حاجبه : شنو يعني ؟؟ شتقصد ؟؟
سامي رجع ظهره للكرسي : يعني راضها و اتق شر الي سويته
ياسر باندفاع : هاااااااااااااا إذا حجت البقر على قرونها
فارس : إذا حجت البقر على قرونها ها دقيقة أروح اشوفها لايصير شي لها أخاف تتعقد
راح فارس لسارة ..
فارس : يلا الحين دورك
سارة : صدق ؟؟
فارس : أهو شاك بالموضوع بس الحين أنتي سوي الي قلت لك عليه وراح يصدق
سارة : ههه يلا
فارس رجع وهو ماسك يد سارة
فارس : الحين بوديها عند أبوي يشوف شنو فيها ماتتكلم وبقوله على الي سويته
ياسر : أنا بجي عشان أدافع عني نفسي .. (ويناظر سارة ) وأنتي ليه ماتتكلمين وتفكينا
سارة كانت ماسكة يد فارس ولافة وجهها ونتظار الأرض نظرة حزن بسرحان ولا ردت على ياسر
ياسر : دقيقة بجيب تريكان وبرجع وتشوفون من الي معه الحق
مشاري : مو تروح تنحاش
ياسر يقلد مشاري : مو تروح تنحاش .. أنا ما أنحاش أنا سبع رايح وجاي لكم
وراح ياسر ينادي تركي
سارة وفارس من شافوا ياسر يروح تنهدوا بقووة
وأمداهم يكملون تنهدهم إلا ياسر يلف عليهم وبهاللحظة فارس وسارة اكتموا تنهيدتهم
ياسر : وانتوا لاتهربون
فارس : لاتخاف ماراح نهرب ننتظرك
وراح ياسر
فارس وسارة ناظروا بعض : هههههههههههههه
مشاري : شنو ناوين عليه ؟؟
يوسف : أيه شنو مخططين عليه ؟
ريان : ترا احنا ساعدناكم قولوا لنا
سامي : أي يلا قولوا لنا ؟
فارس : طيب طيب
وقالهم فارس خطته
فارس : فهمتوا ؟؟
يوسف : أهآآآ
ريان : فهــــمت
مشاري : خطييرين
سامي : والله مو سهلين
سارة : شفيكم كل واحد يكمل على جملة الثاني
فارس : انتبهي سارة لايطقونا عين على افكارنا اقري على نفسك
سارة : إي والله بسم الله الرحمن الرحيم
فارس : بروح اقول لأبوي عشان لانتوهق
ودخل فارس المجلس وقال لأبوه والرجاجيل وطبعا أبوه وافق عشان يأدبون ياسر لأنه بجد مجننهم
طلع فارس من المجلس وعلى وجهه ابتسامة انتصار
&&&&&&&&&&&&&&&&&&&&&&&
عند ياسر وتركي ..
ياسر : تركي تـــــــــركي تعاال
جا له تركي : هلا شنو تبغى ؟؟
ياسر قاله كل شي
تركي : أهآآ أجل يلا
وراحوا لمبنى الشباب
&&&&&&&&&&&&&&&&&&&&&&&&&
يوسف : اسكتوا جاو
ريان : تأخرت شوي ليه كنت بتهرب
ياسر طنشه وتركي نفس الشي
مشاري : شف عيال الذين مسوين فيها منطنشينا
ريان : إي والله على أخر زمن أحنا الكبار يطنشونا
مشاري يهز راسه : خربت الدنيا
يوسف : يلا بلا كلام شياب أنت وياه
ريان ومشاري ناظروا بعض : هههههههههههههآآآآي
راحوا فارس وسارة وياسر وتركي المجلس بس مادخلوا داخل يعني دخلوا و وقفوا جهة الباب
فارس : يبـه
بوفارس : نعم
فارس : الله ينعم عليك .. يــبه شوف ياسرووه شنو سوا ببنتك خوفها بالصرصور ومن بعدها قامت تبكي وبعدين سكتت ولاقامت تتكلم وتريكان لاحق روان بجرادة ومخوفها
طبعا ياسر وتركي يناظرون بالارض يفكرون شنو بيقولون
باللحظة الي كانوا ياسر وتركي منزلين روسهم للارض سارة ابتسمت وهي تعض على شفتها السفلية ورافعة حاجبها وفارس ناظر بأبوه وغمز له وطبعا أبوه فهمه
بوفارس بهيبته : صحيح هالكلام يا ياسر وتركـي
ياسر وتركي طبعا لارد
بوفارس وهو يتعمد يعلي شوي من صوته : صحيح ولا لأ
ياسر وتركي بشوي من الخوف : صحيح
بوفارس : اسمع يا ياسر يا انك تراضيها والحين ولا أنك ماتدخل بيتنا الجديد أبدا فاهم
ياسر : بس يا عمي أهي الي بدت
بوفارس : وخير ياطيير أهي الي بدت وأنت مصدق عمرك ومستقوي على بنت ها
ياسر لارد
بوفارس : وأنت ياتركي ماتستحي على وجهك ها لاحق بنت عمك بالجرادة حتى أنت مثل ياسر إذا ماراضيتوها والحين ولا ماتدخلون اثنينكم بيتي الجديد
بويوسف : اسمح لي يابوفارس .. تركي أنت محروم شهر كامل ماتطلع من البيت ومافيه كمبيورتر إلا لمن تسوي الي قاله عمك بوفارس
بو احمد : حتى انت يا ياسر نفس الشي
ياسر وتركي فتحوا فمهم مو مصدقين ونزلوا روسهم
وبنفس اللحظة الي نزلوا روسهم فارس وسارة رفعوا يدينهم وسوو حركة الإنتصار بالصبعين الوسطى والسبابة
ياسر رفع راسه وفارس وسارة بسرعة رجعوا لوضعيتهم وبتململ قال: خلاص خلاص بنجرب وبنراضيها احسن من ننحبس بالبيت
بوفارس : الحين راضوها وقدامي يلا
مشاري دخل المجلس وصفر : أووه شباب تعالوا شوفوا ياسروه كيف بيراضيها تعالوا لايفوتكم
جا ريان ويوسف وسامي
ريان : دقيــقة دقيقة
فارس : شنو ؟
ريان : دقيقة بتصل على الشهود
سامي : شهود ؟؟ ليه احنا بملكة ؟
ريان : دقيقة وتعرفون
اتصل ريان على اخته ملاك
ملاك : بناات بنات اسكتوا شوي ريان يتصل علي
البنات اسكتوا
ملاك : هلا ريان
ريان : هلا بك .. أقول ملاك تعالي أنتي وروان وبقية البنات إذا يبغون يجون لمبنى الشباب نبغاكم شوي
ملاك : شنو تبغى أول بعدين نشوف نجي ولا لأ
ريان : أقولك تعالوا احسن بيفوتكم شي وترى سارة هنا
ملاك : خلاص ثلاث دقايق وحنا جاين
ريان : أوكي .. سلام
ملاك بعد ماسكرت من ريان : بنااات ترى ريان يقول تعالوا مبنى الشباب فيه شي بيفوتنا وهناك سارة .. انا عن نفسي بروح روان تجين معي ؟؟
روان : اكييد مايبغالها تفكير بروح
رهف : حتى أنا معاكم معاكم
مسك : يلا حتى أنا وباخذ الكاميرا يمكن نحتاجها
دانة : أنا بجلس هنا
دانيا : أجل بجلس معاك
ملاك : يلا
وطلعوا البنات
عند الشباب ..
مشاري : ليه تخليهم يجون ؟؟
ريان : لا بس بتشوف الحين
جاوا البنات
ملاك : ريان ريااان
طلع ريان من المجلس : تعالوا لايفوتكم ياسر وتركي بيراضون سارة لانه خوفها بالصرصور ووو إلخ
وقالهم السالفة وقالهم عن خطة فارس
روان : يلا يلا ندخل لايفوتنا شي
ملاك : إيه شي ماينتفوت مرة وحدة بالعمر تجي
رهف : مسك شغلي الكاميرا صوريهم عشان نتذكر هاللحظة بعدين
مسك شغلت الكاميرا : إي إي يلا بسرعة
ودخلوا المجلس
ياسر يطالع البنات يدخلون ورافع حاجبه يعني مو عاجبه الوضع
مسك وقفت قبال فارس و سارة و ياسر وتركي عشان تصورهم عدل : يلا راضوها
ياسر ميل فكه السفلي ويطالع بالسقف و حاط يده على رقبته من ورا : أسف
الكل ماعدا سارة : هههههههههههههههههههه
ياسر : شفيك ماعجبتك كلمة أسف شنو اسوي لك عشان ترضين ؟؟
سارة لارد
ياسر : عاد يلا بلا نذاله أنفذ لك أنا وتركي طلب الحين إذا طلبتي
سارة واخيرا تكلمت بهدوء خوف ياسر شوي : اي شي ؟
ياسر سكت بعدين تكلم : اي طلب اطلبي
سارة بهدوء: إممم تخدم الشباب لمدة ساعة انت وتركي
الكل : اووووه طلب خطير
ياسر : نـــــــــــــعم شنو قلتي ؟؟ ماسمعت عيدي ؟
سارة ناظرته بهدوء بدون ماتتكلم
بوفارس : عجبك طلبها ولا مع السلامة ولا تدخل بيتي فاهم
ياسر بانفعال : لالالالالا خلاص خلاص
روان : شنو خلاص يعني موافق ولا ؟؟
ياسر ناظر روان نظرة قهر : أي موافق عجبك
بوفارس : وأنت ياتركي ؟
تركي : إي موافق
ملاك : دقيقة بقول شي
مسك وجهت الكاميرا جهة ملاك: قولي
ملاك : أحم أحم حكمت المحكمة حظوريا على المتهمين ياسر بن عبدالهادي ال .. وتركي بن عبدالرحمن ال ..
ياسر قاطعها : والله لو أني سارق بنك ماقلتي هالكلام
يوسف يضرب بقوة على الطاولة الصغيرة الي جنبه : ممنوع الكلام في المحكمة
ملاك سفهته : بجعلهم خدم للحاظرين ريان مشاري فارس يوسف سامي لمدة ساعة
مسك وجهة الكاميرا للشباب عشان تصورهم
ملاك :وذالك بسبب جريمتهم الشنيعة والفظيعة والتي دائما يكررونها ألا وهي
روان : تصدقين عجبتني ألا وهي
ملاك : صدق ضيفيها بالقاموس حقنا
ياسر باعتراض : ليه روانوه تتكلم وأنا لا
يوسف : اص اص ولا كلمة لانك مجرم فاهم .. ملاك كملي
ملاك : طيب .. ألا وهي ملاحقة سارة وروان بالجراد والصراصير
رهف : يستاهلون
سارة : كح كح الي عنده دفاع أو اعتراض يرفع يده
سامي : ههههه
سارة رفعت حاجبها : خير أخ سامي في شي يضحك ؟
سامي : ههه ليكون بتخلونهم ينفذون الحكم جد ؟؟
فارس : اكيييد والي ماراح ينفذ له العقوبات الي قالها أبوي
بوفارس : خلاص تيسروا وخلوهم ينفذون الحكم
روان وسارة وملاك صفقوا صفقتين بقوة بنفس الوقت : انتهت الجلسة
الكل : ههههههههههه
طلعوا من المجلس البنات والشباب من المجلس
رهف تناظر ساعتها : ثلاثة اثنين واحد بدت ساعة الحكم
سارة تناظر ياسر وتهز راسها يمين وشمال : تيك تاك تيك تاك الوقت يمشي
ملاك : يلا أنا برجع المبنى حقنا
البنات يلا
فارس : ياسروه جيب لي ماي
ياسر راح يجيب ماي
يوسف : تريكان جيب لي عصير برتقال من الثلاجة
تركي : لاتنسى أنا اخوك ترضى يصير فيني كذا
يوسف يبغى يقهره : إي أرضى ويلا أنقلع جيبه
راح تركي يجيب العصير ورجع ياسر بالماي لفارس : خذ
فارس يناظر ياسر : احترم نفسك ياخروف أنا شيخك تقولي خذذ ها ؟؟
ياسر : أجل شنو اقول يا يا ياعم فارس
فارس : قول تفضل سم ياعمي فاهم
ياسر بصوت واطي : سم في بدنك إنشالله
فارس سمعه : ها شنو تقول ؟
ياسر : لا أبد أقول تفضل
فارس يبغى يطفشه : تفضل ياشنو
ياسر يدور عيونه دلاله على أنه متململ : ياعمي
فارس : إي حسبت بعد
الشباب : ههههههههههههه
جا تركي بعصير برتقال بعلبته : جبت لك العصير
يوسف : سلامات عسا ماشر وين العصير ؟؟
تركي يمد العصير : يووه ماتشوف هذا هو
يوسف : احترم نفسك أنت الثاني يالخروف أحد يجيب عصير بالعلبة .. أقول جيب كاس زجاج وصبه فيه وحط ثلج ومعاه مزاز
تركي : لا والله قالوا لك خدامكم وأنا ما ادري
ريان: إيه انت خدامنا ونص ويلا شوف شغلك الحين لا بالنعال الحين أأدبك
تركي راح وهو يتحرطم
يوسف يكلم سامي : أقول ماودك شي من هالدخ ذا (يقصد ياسر)
&&&&&&&&&&&&&&&&&&&&&&&&&&&&&&&&&&&&&
عند البنات ..
مبعد يوصلون للمبنى
رهف تبغى البنات يروحون عشان تظل مع مسك : روان ملاك سارة
لفوا عليها : نعم ؟
رهف بسرعة : أخر وحدة أم عيال
رهف أهي قالتها ولا ماقالتها ماشافت لاملاك ولاروان ولاسارة
مسك : الحمدلله والشكر ينقال لهم سابينهم
رهف : هههه ماودك نتمرجح شوي
مسك : يلا
جلسوا على المراجيح وقاعدين يتمرجحون بالخفيف
رهف : أحس أني مو مطمنة عدل
مسك : على ؟؟
رهف : على مشاري وحركاته معك
مسك : عادي تطمني والله العظيم ما صار شي
رهف : تراك حلفي
مسك : خلاص رهووف الحين بيجي من تقولين مشاااا ( إلا يجيهم صوت من وراهم)
. : شفيه مشاري ؟
رهف وقفت تمرجح ولفت : مشاريووه بلا هالحركات انقلع
مسك ما لفت : بسم الله جني يطلع بكل مكان
مشاري قرب من مرجيحة مسك ومسك مو حاسة فيه لانها ما التفتت ويمسك المرجيحة حقتها ويدفها شوي بقوة
مسك اخترعت شوي : يـــمه
مشاري : هههه أنا جني ها ؟؟
رهف : يا قليل الأدب انقلع وهذا أنا موجودة أجل كيف لو أنا مو موجودة
مشاري يناظر اخته رهف وتقدم من مسك وصار قدامها ومسك مرجيحتها وصارت مسك بين ذراعيه فارتبكت شوي: انتي انقلعي اول بعدين أفكر شنو أسوي
ونزل راسه بمستوى مسك ومسك كردة فعل طبيعية رجعت راسها لورى
مشاري : ههههه شفيك ماراح أكلك .. ناظريني
نزلت رهف من مرجيحتها ومسكت مشاري وسحبته شوي عن مسك : مشاريوه باعد عن البنت احرجتها وترى بقول لأبوي أخليه يسوي لك مثل ماسوو بياسر وتركي
مشاري : أوووه ماتخلين الواحد ياخذ راحته
ورجع مشاري للشباب
مسك : بصراحة يارهف أخوك جرئ لأبعد درجة هذا واحنا بالمزرعة وبين أهلنا
رهف : أهو مايهمه وين كنا بالبيت بالسوق بالمريخ اي مكان مايتغير طبعه
نهــــــآآية البارت الخــــآمس .. ^^
أرائكم وتوقعاتكم ؟
&&&&&&&&&&&&&&&&&&&&&&&&&&&&&&&&&&&&&&&&
~| البــآرت الســـآدس |~
مشاري يناظر اخته رهف وتقدم من مسك وصار قدامها ومسك مرجيحتها وصارت مسك بين ذراعيه فارتبكت شوي: انتي انقلعي اول بعدين أفكر شنو أسوي
ونزل راسه بمستوى مسك ومسك كردة فعل طبيعية رجعت راسها لورى
مشاري : ههههه شفيك ماراح أكلك .. ناظريني
نزلت رهف من مرجيحتها ومسكت مشاري وسحبته شوي عن مسك : مشاريوه باعد عن البنت احرجتها وترى بقول لأبوي أخليه يسوي لك مثل ماسوو بياسر وتركي
مشاري : أوووه ماتخلين الواحد ياخذ راحته
ورجع مشاري للشباب
مسك : بصراحة يارهف أخوك جرئ لأبعد درجة هذا واحنا بالمزرعة وبين أهلنا
رهف : أهو مايهمه وين كنا بالبيت بالسوق بالمريخ اي مكان مايتغير طبعه
مسك حطت يدها على قلبها وتنهدت تنهيدة راحة : تصدقين بغى قلبي يوقف ودمي نشف من جسمي أخوك هذا فيه شي يظني من هالبنات الي يغازلهم
رهف : ماعليه نرجع البيت واتفاهم معه بصراحة زودها يظن أن ماحد بيوقفه
: عن من تتكلمون ها ؟؟!!
لفوا رهف ومسك على جهة الصوت : ساروووة
سارة جات عندهم : ها عن مين قولوا ولا ترا بنشر الخبر على الكل
رهف ناظرت مسك : قولي لها انتي أوكي
مسك : سارة في البيت أقولك ويلا ضفي خشتك عنا
سارة : شنو يصبرني لمن نرجع البيت قولي هنا
مسك : لاتخليني أهون وما أقولك ابد
سارة : لالا خلاص بس بالبيت تقولين لي وعد ها
مسك : أي أي يلا روحي وفكينا
سارة راحت وراحوا وراها رهف ومسك للمجلس
عند الشباب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك