رواية اذا انتثر دمع عينك -5
لفوا رهف ومسك على جهة الصوت : ساروووة
سارة جات عندهم : ها عن مين قولوا ولا ترا بنشر الخبر على الكل
رهف ناظرت مسك : قولي لها انتي أوكي
مسك : سارة في البيت أقولك ويلا ضفي خشتك عنا
سارة : شنو يصبرني لمن نرجع البيت قولي هنا
مسك : لاتخليني أهون وما أقولك ابد
سارة : لالا خلاص بس بالبيت تقولين لي وعد ها
مسك : أي أي يلا روحي وفكينا
سارة راحت وراحوا وراها رهف ومسك للمجلس
عند الشباب
مشاري وهو مبتسم يكلم ياسر: عصير ليمون فرش طازج ومعه ثلج
ياسر رافع حواجبه الثنين : ها شنو قلت ؟؟
مشاري وهو لحد الحين مبتسم : عصير عصير ليمون ماتعرف الليمون فيه عصير بالثلاجة صبه وحط ثلج فهمت
ياسر : أي فهمت شقالوا لك عني لوح ( وراح )
يوسف : تعال تعال أنت تختفي وترجع وإذا رجعت نشوفك تبتسم شنو مسوي
مشاري جلس وحط رجل على رجل : ابد سلامتك ماسويت شي ليكون بعد حرام استانس
فارس : إيه والله كل مايختفي يرجع نشوفه شاق الحلج مايندرى وش مسوي
سامي : ماعليكم منه بعدين بيقولكم
جا تركي مع العصير وقال بطريقة استفزازية : تفضل ياعمي
يوسف : حطه على الطاولة
فارس : تريكان تعال دلك كتوفي
الكل : ههههههههههههههههههههههههههههههههههه
تركي : لابعد شرايك أدلك رجولك أحسن عشان يصيرون بالجمله
فارس : يبغى يحرق دمه : والله فكرة
تركي : أقول لاتصدق نفسك
رجع ياسر وعطى مشاري العصير
سامي : أقول فارس بأي مدرسة تدرسون انت ويوسف ؟
فارس : ربــي يسلمك في مدرسة . الثانوية
سامي : اهآآ حلو أجل بنقل معاكم بنفس المدرسة
يوسف : والله فلله تعال أنا وفارس بنفس الفصل
سامي : خلاص بس شنو اسم فصلكم عشان اقولهم يحطوني فيه
فارس : 3\3 علمي
يوسف : حلو حلو كملت والله لأطلع خياس هالمدرسين خخ
ياسر : كم الساعة ؟؟
يوسف يناظر ساعته ويبتسم : يابعد قلبي باقي نص ساعة ويخلص العقاب تو الناس
فارس : هــي انت وياه جيبوا قطعة كرتون وحركوا يدينكم حركوا الهوا
ياسر يهمس لتركي : والله أنهم مصدقين أنفسهم
تركي بنفس الهمس : بقوة حدهم ومسوين خفاف دم
ريان : اقول ياخواريف شنو تتساسرون فيه ها ؟
تركي : مالك شغل أسرار
فارس : أسرار ولا أبرار ههههآآي
يوسف : حلوة كفك
ياسر : ياكرهكم إذا بتخففون دمكم
تركي : تقصد يثقلونه
سامي : أقول يوسف ، فارس مو كأنه غلط عليكم ؟
تركي : ياحبك لإشعال الفتن
ريان : أقول أنت وياه مدام ماعندكم شغل روحوا خذوا سطل الماي وصابون وغسلوا سيارتي وسيارة مشاري
مشاري : والله فكرة يلا ضفوا وجيهكم غسلوهم وبعدين تعالوا نظفوا الأرض وشوفوا الرجاجيل داخل المجلس يبغون شي ولا شي ووووو
وعلى هذا الحال استمروا الشباب في كرف ياسر وتركي ماخلوهم يجلسون بحالهم
عند البنات
أم مشاري : يلا بنات وحدة منكم تنادي الشباب يجون يتغدون هنا
سارة : أنا وروان بنروح
روان : وليه أنا اللي أروح معاك
سارة : ياذكية عشان أودي جيتاري لفارس ونشوف ياسروه وتريك شنو سوو فيهم الشباب
روان : أجل يلا
وصلوا روان وسارة لمبنى الشباب
شافوا تركي وياسر شايلين الأغراض وكل واحد من الشباب يقول حطه هنا لاحطه هناك بهذلوهم تبهذل
روان تناظر ساعتها : ول خلص وقت العقاب من ربع ساعة ماشالله لهالدرجة تحبون تخدمون
ياسر وتركي رموا الأعرض على الأرض وقاموا يناظرون الشباب نظرة حقد
تدخل سامي : مشكورين على الخدمة المجانية ويلا مع السلامة
مشاري : يووه لاتناظروني كذا كانت فكرة سامي أن أحنا نأخر الوقت شوي صح شباب
الشباب : صح
تركي وياسر يطلع الشرار من عيونهم : نردها لكم بيوم ثاني (ومشوا)
الكل : هههههههههههههه
سارة تذكرت : إي فارس خذ الجيتار خله عندك لمن بعدين ويلا ترا الغدا جاهز
فارس : خلاص خذيه معاك وإذا جينا نمشي حطيه بالشنطة حقت سيارتي
طلعوا الرجاجيل من المجلس : يلا الغدا قوموا
ريان : شداركم ؟؟
بومشاري : توها خالتك هنادي(أم أحمد) متصلة علينا
سامي يكلم فارس بهمس : شبعان أكلت فطيرت زعتر ماودي أكل
فارس بنفس الهمس : أقولك قوم برضاك أحسن لك لايقومون عليك الدنيا خخ
يوسف : قوم لايغسلون شراعك
طبعا بعد صراع دام دقيقتين الرجاجيل اقنعوا سامي يقوم يتغدا معاهم
طبعا السفرة خلوها برا المبنى وهذا إقتراح من الماس (أم فيصل) لأن الجو مو حار والشمس مغيمة فصاير الجو رايق وخلو سفرة الحريم والرجاجيل متصلين ببعضهم بس الرجاجيل بجهة والحريم بجهة
جلس الكل على السفرة والكل ياكل وطبعا على السفرة ماتخلوا من السوالف
سارة أكلت شوي وقامت وهي ماسكة بيدها اليمنى شوكة فيها ورق عنب واليد الثانية ماسكة جوالها وتناظر فيه: الحمدلله
بوفارس : جلسي أكلي ماكلتي شي
ملاك : ماعليك خالي منها توك تدري بنتك أكلها دايم قليل على الغدا
أم فارس : الجوال ماراح يطير عنك تعالي اكلي
سارة : ما ابغى بخلص اللعبة وبعدين أفكر
ياسر دخل عرض ويقلد على سارة : ما ابغى بخلص اللعبة وبعدين أفكر . ماعليك منها الي بياكل بضرسه ينفع نفسه
الكل تقريبا خلص وقام يغسل
سارة : لااااا أووف خلص الشحن وماجبت شاحني .. فارس جبت شاحنك ؟؟
فارس : إيه بسيارتي خذي هذا المفتاح تلقينه في الدرج الي تحت المكيف
سارة خذت المفتاح : طيب
فارس : وشوي شوي بالباب مو تكسرينه أعرفك تصفعين بالباب
سارة : إن شالله
فارس : وأنتبهي تشيلين شي من مكانه
سارة : طيب طيب
وتوه فارس بيقول شي إلا سارة تروح بسرعة : خلاص والله صدقت مسك يوم قالت تموتون بالسيارة الجديدة
ياسر يخوف فارس : الحين تلقاها شمخت سيارتك ولا صفعت بالباب بقوة
فارس : أنقلع يلا يعني بتخليني أوسوس ها اذلف
سارة فتحت سيارة فارس وخذت الشاحن وتوها بتنزل شافت ورقة الفتت نظرها فتحتها وكان مكتوب فيها ( ليه الهجر S ) وكان حرف S مكتوب بطريقة جنااان
سارة بنفسها " ليكون تحب يافويرس .. نشوف بعدين ياخبر بفلوس بكرة ببلاش "
ورجعت الورقة مكانها ورجعت المزرعة
سارة : خذ مفتاحك ( وراحت شبكت الشاحن بالجوال يشحن)
فارس خذ المفتاح وحطه بجيبه
والرجاجيل راحوا على المبنى تبعهم إلا الشباب قالوا بيريحون وبعدين برجعون مبناهم
سيف وسالم جاوا يركضون : يلا نسبح يلا نسبح
طبعا ولا واحد من الشباب قام يسبح
عمار : نثبح نثبح ( نسبح نسبح )
ام فارس : يلا اسيل وانا براقبهم
دانيا : عبدالله قوم اسبح معاهم
قام عبدالله معاهم
دانة : ولد خالي بومشاري شحليله هادي مررة
روان انقزت : قولي ماشالله لاتجي عليه عين منك توف توف
دانة : ماشالله ماشالله يــمه منك بس
دانيا : سامي في أي صف انت ؟؟
سامي : ثالث ثنوي
ملاك : إلا بقولك أنت عندك أخت صح ؟ بأي صف ؟؟
سامي ابتسم : تقصدين سمر في ثاني ثنوي يعني كبر مسك بنت عمي بوفارس
مسك : واخيرا في أحد بعمري
رهف دقتها بكوعها : واحنا مانكفي
مسك : أنتي على الأقل كبرك ملاك وروان مع سارة إلا أنا بس أخيرا جات وحدة مثلي
سارة تناظر بسامي وهي حاطة صبعها الإبهام تحت شفتها السفلية : أنت عندك أخو فلللته بس نسيت اسمه بس رهيب كان اول دايم ينكت
سامي : هههههههه تقصدين مشعل
سارة : إييييييييييييييي مشعل والله شي هالرجال
سامي : لحد الحين دمه خفيف
دانة : إي وعندك اخوي اسمه رامي صح ؟ الي فيه لتغة الراء
يوسف : بس بس ماسكين الولد تحقيق
سامي لف عليه : ولد بعينك أولا وثانيا لاتغار ولاتحسدني لانهم يكلموني ههههه
الكل : ههههههههههههههه
يوسف : ول من الحين وصرت جرئ
وظلوا الشباب والبنات يسولفون واكثر شي كانوا يسألون سامي عن الأيام الي قضاها ببريطانيا
فجأة طلعت أم فارس مبللة ماي وهي شايلة بنتها أسيل : لحقوا علي لحقوا علي بنتي بتموووت
الكل وقف وعلى راسهم علامة استفهام
ام فارس وصلت لعند الشباب والبنات وحطت بنتها على الارض : ساعدوني بنتي غرقت وموراضية تتنفس
البنات حطوا يدهم على فمهم
مسك دمعة عيونها : يمــه على أختي
سارة فاتحة فمها ومو مستوعبةالي يصير
قام سامي بسرعة : ابعدوا شوي
ابعد الكل عن اسيل قام سامي يضغط على صدر اسيل عشان يطلع الماي ويحط راسه على قلبها يحاول يسمع نبضها : مافيه نبض
الكل في حالة انصدام وأم فارس انهارت بكي
سامي مسك اسيل وسوا لها تنفس اصطناعي مرة ومرتين وثلاث
أسيل قامت تكح ويطلع الماي من فمها : كـــح كــح
الكل حط يده على قلبه مرتاح واللي يسمي بالله ويحمدون الله إنها ماراحت من بين يدينهم وكان وجه أسيل مايل للصفورة فأخذتها أم فارس للمجلس تغير ثيابها وترتاح
جلسوا الشباب والبنات
فارس متعجب : الله عليك ياسامي تعرف تسوي تنفس اصطناعي
سامي ابتسم: إيه شفيك
فارس : أول مرة اشوف تنفس اصطناعي على الهوا مباشرة
الكل : ههههههههههههههههههه
يوسف : ماعليك منه الأخ لحد الحين منصدم
ملاك : الحمدلله أنك كنت هنا طاح قلبي يوم طلعت أم فارس كذا
الكل : الحمدلله
ياسر : غريبة تعرف تسوي تنفس اصطناعي من علمك ؟
مشاري : يالذكي اكيد من بريطانيا
سامي : إيه من بريطانيا
سارة : وأنت كل شي متعلمه من بريطانيا
يوسف : حركات هناك .. أقول على مين طبقت هناك ؟؟
الكل التفت على يوسف يناظرونه
يوسف : شفيكم ؟؟
سارة وملاك : هههههههههههههههه
سارة : ماا فيهم شي بس تفكيرهم اكيد راح بعيد
يوسف : أيا النذلين لهالدرجة ماخذين علي فكرة سيئة
فارس : ههههههه صحيح سامي على مين طبقت هناك ؟؟
سامي : ههه لاتخافون على لعبة عشان نتدبرب على مثل هالمواقف
الكل : أهآآ
ملاك تكلم يوسف : شكلهم جد راح تفكيرهم بعيد
يوسف : وبقوة بعد
فارس : سارة جيبي جيتاري
سارة : طيب ( وراحت وجابت جيتار فارس وجيتارها ) خذ
فارس أخذ جيتاره يعزف
روان : أبغى أعزف جيتار
سارة : بس .. اخذي
روان : أحم مشكورة
وجلست روان تحاول تعزف بس ماعرفت
دانيا : رواان ازعجيتينا عطي سارة احسن
مسك : ههه مسكينة روان تظنه حق الروك هذا كلاسيكي
ملاك : ريحينا يابنت الناس أبغى أذاني
روان : أووه تحطمون الواحد ( وتعطي سارة الجيتار )
سارة : ههه تعالي انا أعلمك
روان : يلا وريني
سارة : أول شي خذي حقي .. فارس عطني حقك
فارس عطاها : من جدك بتعلمينها ؟؟
سارة سفهته : يلا سوي مثلي
وظلت سارة تعلم روان كيف تحط اصابعها على الأوتار وكيف تعزف مقطوعة سهلة وقصيرة
سارة : يلا واحد اثنين ثلاثة
روان : يالله دااايم اخطأ
سارة : عادي مرة ومرتين وثلاث وأربع وتتعلمين
روان : أقول مسكي ماني بفاضية أتعلم الحين
مشاري : مو توك تقولين تبغين تتعلمين
روان : مالك دخل
اخذ فارس جيتاره وقام يعزف وسارة حطت جيتارها بشنطته المخصصة
سامي : ماراح تعزفين ؟؟
سارة : لا مو هنا عشان أمي تزقرنا مو كافي ماتدخله البيت
سامي : ليييييييه ؟؟
فارس : تقول تطردون الملائكة من البيت
الكل : ههههههههههههه
ريان : أقول ليه بكرة مانطلع كلنا المجمع نحوس شوي
مشاري : مايدخلونا بروحنا
ريان : ياذكي انا قلت كلنا يعني البنات معانا عشان ندخل
روان وملاك وسارة : لالالالاااااااااااا
يوسف : خير شفيكم معترضين
ملاك : بكرة جمعة
سارة : والناس مشغولة
روان : وبنكلم كم بنت ناخذ الواجب ونشوف كم كلمة نحفظها من هالكتب
ملاك : وبعده دوامات
سارة : وعندي أختبار
روان : واحتمال خالتي وبنتها أو صديقتي يزورونا
يوسف : بس بس عورتوا راسي
مشاري : ماشالله كل وحدة تكمل على الثانية
ريان : مايسوى علي اقتراح
ملاك : ماعليه أجلوه ليوم ثاني
روان وسارة : إيه
فارس : طيب بس باقي البنات عادي مو لازم أنتوا
ملاك : لا والله احنا قلنا لا يعني لا
فارس : يمــه منك لا تعالي دوسيني بعد
ملاك تستهبل : لو حلال عادي
سارة : ولا يهمك أنا أدوسه بدالك
ريان حط يده على كتف فارس : انتبه لنفسك ( وقام حظنه ومسوي نفسه يبكي )
الكل قام يضحك لان فارس وريان ضابطين الدور
ريان قطع وردة من الشجر الي حولينهم وقدام الكل : رهوووف تفضلي ياقلبي
رهف انصدمت يحبها ولا يتسهبل ؟؟ ولا قدام الكل
نهــــــآآية البارت الســـــــآدس .. ^^
أرائكم واقتراحاتكم تهمني .. ^^
&&&&&&&&&&&&&&&&&&&&&&&&&
~| البــآرت الســـــــآبع |~
سارة : ولا يهمك أنا أدوسه بدالك
ريان حط يده على كتف فارس : انتبه لنفسك ( وقام حظنه ومسوي نفسه يبكي )
الكل قام يضحك لان فارس وريان ضابطين الدور
ريان قطع وردة من الشجر الي حولينهم وقدام الكل : رهوووف تفضلي ياقلبي
رهف انصدمت يحبها ولا يتسهبل ؟؟ ولا قدام الكل
الكل ومن ظمنهم رهف: هههههههههههههههههههههههههههههههههههههههه
( لان ريان جلس على رجلينه ورفع يده الي فيها الوردة لجهة رهف واليد الثانية حاطها على قلبه ويسبل (يرمش) برموشه بسرعة ومبتسم ابتسامة بطريقة تضحك )
مشاري استغل الفرصة وسحب الوردة من يد ريان بسرعة : باعد بس ماتعرف تستهبل شوف كيف و تعلم مني
و وقف قبال مسك بالضبط وقرب وجهه من وجهها وخلا الوردة تلامس شفايف مسك والوردة الفاصل بين وجهه و وجهها وقام يرمش بعيونه بشوي شوي
&&&&&&&&&&&&&&&&&&&&&&&&&&&&&&&&&&&&&&&&&&&&&&&&&
خلونا نشوف شنو كان مشاري يقول بنفسه بهذي اللحظة
| ~ مشاري ~|
ما أقدر أوصف لكم شعوري بهذي اللحظة قلت بجرب اسوي نفسي استهبل عشان اقرب منها أأأأهـ سبحان من خلقها جمال وثقل ..سرحت في عيونها .. عيونها ذباحة شفايفها لون الكرز ما أقدر ياناس على هالبنت وربي بتجنني يعجز لساني عن وصفها تمنيت بهذي اللحظة اقرص خدودها .. لاتسألوني ليه بس كذا أحس ودي اقرص خدودها ..
&&&&&&&&&&&&&&&&&&&&&&&&&&&&&&&&&&&&&&&&&&&
مشاري بصوت هيمان ويعلي ويعلي ويخفض صوته عشان ماحد يشك: أحــبووكــي
مسك حست بأنفاسه على وجهها ومن حركته ماقدرت تنطق أو تتحرك
&&&&&&&&&&&&&&&&&&&&&&&&&&&&&&&&&&&&&&&&&&
وخلونا نشوف شنو كانت مسك تقول بنفسها بهذي اللحظة
|~ مسك ~|
قرب مني مشاري وانا أقول الله يستر لايسوي شي قدامهم مرت لحظات إلا اشوف وجهه قبالي وحسيت بأنفاسه تحرقني وشعرت ببتلات الوردة تداعب شفايفي ناظرت بعيونه .. أول مرة أحس أن عيونه وساع وكحيله لون عيونه جذبني لونهم مثل سواد الليل .. حواجبه مرسومه رسم ملامحه تجنن وانا أقول ليه البنات خاقين عليه .. ماينلامون والله .. أحس أني خقيت
&&&&&&&&&&&&&&&&&&&&&&&&&&&&&&&&&&&
بنفس الوقت الي قال فيها مشارري أحبك جاته كورتين على ظهره بقوة وألمته الظربة
مشاري لف : آآآآآآآآآآآآآآآآآآآآي و وجع من الي رماها
فارس وروان بنفس الوقت : أنــا
ريان : الحين بذمتك تسمي هذا استهبال والله أنا أحسن منك
روان : أنت تلعب علينا هاا
فارس : اقول مشاري ولك قوة عين تسوي هالشي قدامنا
مشاري يتصنع البراءة : ماسويت شي
فارس تكتف ورفع حاجبه : أجل أنت شنو سويت
مشاري : تبغيني اسويها مرة ثانية تشوف
فارس سحب مشاري من بلوزته من ورا : خلاااص يرحم أمك سكر السالفة
مشاري يحرك الوردة على خد فارس بسرعة : هههه أعصابك ياخوي
فارس ترك مشاري ويبعد الوردة عن خده: بس بس ازعجتني
ملاك : بنات شباب
البنات والشباب لفوا عليها
ملاك : ماتحسون أنه ملل ولا أنا الوحيدة الي حاسة بهالشي
سارة الي كانت جالسة جنب ملاك وحاطة يدها على خدها علامة الملل : إيه والله مافيه شي يونس
رهف : يلا حكركوا مخكم وعطونا اقتراحات
يوسف : شنو حكركوا ؟؟
روان : ماعليك هذا مصطلح عندنا معناته حركوا شغلوا فهمت
ياسر : ماشالله بعدين فتحوا لكم قاموس
ملاك : فاتحينه من زمان
سامي : حوسوا بالمزرعة يمكن يروح الملل
ملاك : لالا الدجاج مفتوح لهم باب القفص يعني منتشرين بالمزرعة
مسك : أبوي دخلهم وسكره عشانك
روان : بس قديمة حركة الحوسة نبغى شي أحسن
دانة : لعبوا بالرمل مو عاجبكم شي
روان وملاك وسارة حطوا يدينهم على وجيهم عشان مايقومون على دانة
رهف : الحين اقتراحك يادانة بذمتك هذا اقتراح
دانة : ليه شنو فيه
ملاك بعربجية : أقول خليك بعيد عني يالرقيقة يالرومنسية خلي اقتراحك للبزران شنو شايفتنا ها نلعب بالرمل
دانة : بس بس اكلتيني
سامي أخذ جيتار فارس قام يعزف
الكل لف عليه وجلسوا يسمعون
ريان : حلو عزفك
سامي : أدري وقبل لاتسألون هناك في بريطانيا في حصص موسيقى تختار آلة تتعلم تعزف عليها وأنا أخترت الجيتار
سارة : شرايكم نسوي فرقة موسيقى ؟؟
دانيا : كيف ؟
سارة : أنا وفارس وسامي نعرف نعزف جيتار ومسك اختي تعرف تعزف على الأورغ
دانيا : مسك صحيح تعزفني أورغ
مسك : ايه عندي واحد اقنعت امي تخليه بالبيت
فارس : شفتوا كيف الظلم أهي تحط اورغ عادي أنا جيتاري احطه بالبيت لا
سارة : خلاص تراني امس مسكتها مسكة عشان تخليك تدخل الجيتار البيت ورضت
سامي : طيب كملي نسوي فرقة ؟؟
تركي : الأخ صدق جد
سارة : اسكت أنت .. إيه والباقي ندربهم على اي آله يختارونها وخلاص
فارس : أجل يصير خير
الكل ساكت
سارة : اووف كلكم ساكتين يلا عطونا اقتراحات ملينا
ملاك : الحين يعني شلوون مليت
روان وقفت بسرعة : لقييييييييييييتها
ملاك وسارة ورهف ناظروا روان
ملاك : أنتي الأمل الوحيد قولي
روان : ولا أقولكم ماراح اقول
ملاك وسارة ورهف وقفوا سارة وقفت ورا روان ومسكتها من كتوفها وملاك وقفت قدام روان ورهف جنب ملاك
ملاك : تكلمي
روان : يمه منكم خلاص بقول
رهف : نسمع
روان : نخلي واحد من الشباب يفحط فينا
رهف وملاك وسارة يناظرون بعض باستغراب وفجآة ارتسمت على وجيهم ابتسامة عريضة
ملاك : يلا
فارس : اسمعوا انا ماني بسايق فيكم بسيارتي
سارة : أنت خلك على جنب مع سيارتك
ريان : ولا أنا ما أحب افحط
مشاري : حتى أنا
يوسف : لاتناظروني ماجبت سيارتي
سامي : انا أبد ماعندي خخخ
روان : يلا مشاري أدري أنك تحب تفحط
مشاري : قلت لا يعني لا
رهف : تكفى يامشاري ترى تكفى تهز الرجاجيل
ملاك وروان وسارة ورهف : تكفـــــــــــــــــــــى
مشاري : لاتحاولون
ملاك : نجيب معنا مسك
مسك : نعم نعم من سمح لكم
روان وسارة : إيه نجيبها تكفــى
مشاري يحك خده : إممم لالالاااا لاتحاولون
رهف : نخليها تجلس قدام جنبك
مشاري بسرعة ناظر مسك يشوف ردة فعلها
ملاك : إيييه
مسك : خيييير تراني مو لعبة بيدكم
ريان : العن يومكم تتمسكنون لمن تتمكنون
مشاري ابتسم : أوكي
رهف وملاك وسارة وروان : هـــــــــيآ أخيرا
فارس : ما أسمح لأختي تجلس قدام اخاف يصير لها شي
ملاك : تكفى لاتسوي نفسك الاخ الي يخاف على أخته
فارس : أنا أرضى بشرط
ملاك ورهف وسارة و روان بنفس الوقت : خيييير
فارس : يمـه منكم .. شرطي أني أجي معاكم
الشباب : حتى أحنا
روان : لا والله السيارة ماتكفي
يوسف : عادي ناخذ سيارة ابوك
ياسر : إيه سيارته باص كبيير
مشاري : خلاص جيبوا المفتاح
راحت روان خذت المفتاح من ابوها ورجعت : خذ
مشاري : يلا
دانة : أنا أخاف ما راح أجي
ملاك : خففتي علينا
دانيا : احس أني كبرت على هالحركات ما راح أروح معاكم
رهف : براحتكم بس بيفوتكم نص عمركم
سارة : إيه مرة بالعمر تصير
دانة تشجعت : أجل بجرب وأمري لله
راحوا الشباب والبنات للباص
مسك واقفة جنب الباب: لا ما أبغى أركب قدام
ملاك تركب ورا : لايكثر بس واركبي
سارة : بلييز لاتخربين فرحتنا
روان : أخوي مسالم ما ياكل
رهف : صحيح لاتخربين فرحتنا
وركبوا ملاك سارة و روان ورهف في أخر الكراسي
وبعدهم دانة وجنبها أخوها ياسر وتركي ويوسف
وبعدين ريان وسامي وفارس
ومسك مو راضية تركب
مشاري واقف عند الباب الي ورا : يلا نفذوا وعدكم
ملاك بعربجية : مسكوووه و وجع يلا اركبي وخلصينا ما راح يقتلك
مسك : أووه طيب طيب
وركبت قدام وركب مشاري
روان : مشااااري سو حركة القشطة
مشاري : ابشري خليني بس أشغل السيارة
سامي : شنو قشطة بعد
ياسر : الحين تعرف
دانة : بسم الله
رهف تبغى تخوف دانة أكثر : والله القشطة شوي وتحسين نفسك مرتجة
دانة : سكتي
ملاك تزيد عليها : أيه والله تحسين أن السيارة راح تنقلب
دانة : نزلوني
ياسر : مافيه .. و وجع اسكتوا خوفتوها
مشاري : مستعدين ؟
الكل : إيييه
مشاري : قوووو
وبدا يسوي حركة القشطة يحرك السيارة يمين يسار يمين يسار بسرعة جنونية لدرجة أن راسك يرتج
ملاك و روان وسارة ورهف يصفقون والشباب يصفرون ويغنون
ملاك ضربت راسها بالنافذة : اي اي ههههههههه
روان : ههههههههه
وظلوا يفحطون مدة طويلة تقريبا نص ساعة
طبعا البنات والشباب مو منتبهين للي قدام لانهم قاموا يغنون ويصفقون
مشاري : شرايك ؟
مسك لارد
مشاري : ياهوو أنا أكلمك
مسك لارد
مشاري مسك يدها : ناظريني
مسك سحبت يدها بسرعة : لاتلمسني
مشاري : ههه خلاص
دانة : تكفون خلاص احس أني برجع
ياسر : بس بس جنبك النافذة افتحيها مو هنا
مشاري : ها خلاص ولا ؟؟
ملاك : خلاص اخر مرة وننزل
سامي : أحس راسي دار
فارس : ماشفت شي خخخ هذا هو يعني يفحط بالخفيف
ريان : يلا نبغى حركة الايس كريم
البنات : إيييييييييه
سامي : الحين انتوا كل مسمياتكم بالأكل ليه
فارس : سلمك ربي هالحركة سواها مشاري وأحنا كنا ناكل ايس كريم وطبع الأيس كريم بوجهنا من التفحط
دانة : يمـــه نزلوونيي
البنات : واحد اثنين ثلاث يلاااااااا
مشاري بدا يفحط مرة ثانية الشباب والبنات ميتين ضحك
مشاري لف يسار بقوة وكل الي بالسيارة طاحوا على جهة اليسار
مسك كانت لافة جسمها كله على جهة النافذة ومن شدة اللفه طاحت على ظهرها على فخذ مشاري فغمضت عيونها
مشاري يناظرها ويناظر الطريق مبتسم ونزل يده عن السكان (المقود) واليد الثانية يسوق فيها .. مشاري لمس وجه مسك
مسك فتحت عيونها بقوة وقامت بسرعة وعدلت نفسها على الكرسي
مشاري ناظرها : فديتك
مسك استحت ولفت وجهها عنه
مشاري : لبى قلبهم الي يستحون
الشباب والبنات : وقـــــــــــــف مشاري وقف
مشاري وقف : شنو فيكم ؟؟
نزلوا الشباب بسرعة والبنات نفس الشي
مسك نزلت : شنو فيكم ؟؟
الشباب والبنات : هههههههههههههه
نزلت أخر وحدة دانة وراسها يدور: حسبي الله عليكم
مشاري : شفيكم ؟
ملاك : أبد سلامتك بغت دانة ترجع علينا
دانة حطت يدها على فمها وركضت داخل المزرعة
الكل : ههههههههههههههههه
ودخلوا داخل المزرعة
نهــــــآآية البارت الســــــآبع.. ^^
ارائكم وتوقعاتكم تهمني ..^^
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك