رواية بصدري وجع كنت احسبه نام يا صدري -63

رواية بصدري وجع كنت احسبه نام يا صدري -63

ناصر ناظر آمه ويأشر لها لاتتكلم مع رتيل كذا وتجرحها دنقت آآآه بس الكل يرحمها ويشفق عليها طول الفترة الماضيه ..

:يمه م راح آنزل ..

وهو يمسح على شعرها : رتيل احراج مع الرجال ..

جاء مشاري جلس جنب اخته ..

: خلاص ي ناصر آتركها براحتها ..

ناصر : الله يصلحك ..

طلع لـ طارق وأبوهم ..

مشاري : اتفق مع الوالد على كل شي ..

آمه : آختك مهيب كفو الله يهديها كان طلعت له ..

: براحتها مابينها وبين طارق عتب إن شاء الله ..

عبدالرحمن دخل للصالة : يمه يقول آبوي كلمي خواتي خل يجون وبعد أزواجهم كلم المملك لاجل يملك لـ طارق ورتيل ..

: سلاممات ..

عبدالرحمن ضحك : كان طلعتي لـ طارق وظلت الملكه بكره بس طارق آصر تكون الملكة الليلة ..

جاء ناصر : مشاري تكفل بـ العشاء راح آطلع آجيب الشيخ ..

: إن شاء الله ..

رتيل : يممه وش ذا ..!

آمها : راح آكلم الكوفيرة الحين والفستان أي فستان آلبسي .. لو طلعتي لـه ماخليتي فيه عقل ..

قومتها آمها على آنها م تشوف تمنت آنها قالت لهم بس ببالها شي معين ..!

دخلت لـ غرفتها : الحين راح آرسل الشغاله تساعدك ..

: لا مابي ..

: يابنتي كيف تشوفين ..

بضيق : آدبر نفسي ..

: الله يصلحك يارتيل ..

: آمين يمه لاتكلمين الكوفيرآ ..

: ليييه ؟

: كذآ م أبيها ..

: براحتك ي العنيده ..

طلعت آمها وصكت الباب عليها ..

دقت على كادي بسرعة : كددو ..

كادي : شفيييييك ؟

وهي تضحك ببكى : ططارق تحت م يفصل بيينا شي .. طااارق جاء..

: كذذذذذاببه متى ؟

: وصل اليوم من أبها وهو عندنا من قبل المغرب معاه ولد أخوه ..

: ياااااه ونااسسه ..

: بعد شوي راح نملك ..

: يؤؤ م كانت بكرة ..

: الا بس رفض يأجلها لاني رفضت آشوفه ..

: سخيفه لييه ؟

فيها ضحكه مجنونه : لاني لو شفت له راح آركض له وآضمه ..

:هههههههههههههههه خبببله لاخليك أجل لاتجين المحظور ..

: أحححيييه ي كدو لامن شفته والله لـ آضمه ..

ضحكت بشكل عليها ..

: وجع لاتضحكين .. يلا بروح آلبس وآعدل شكلي ..

: بنت لاأحد يكشفك ..

ضحكت : صاكه الباب .. –بقهر-آخخ كدو آمي والكل ينظرون لي نظرات شفقه ..

: بنت لاتفكرين بإي شي مب زين الحين دامك تشوفين .. يلا روحي آجهزي ..

: آوككي ..كدوو ترى العرس عقب باكر لازم بكرة آشوفكم كلكم دبروا لنا جمعه ..

كادي تفكر : ممم بيت سوس أو جوهير ..

:هههههههههههههههه مخططه

:هههههههههههههههههههههههههههههه وش دخلك ي روحي آجهزي ..

صكت منها ودخلت دورت لها فستان هادي ويناسب ستايلها الحالي..

دخلت أخذت شاور وطلعت على دق الباب : مين ؟

: دييم ..

فتحت لها ..

آستغربت ديم : آجل راح نرجع لـ طارق ..

ضحكت وصكت الباب وديم تناظرها بـ صدمه :لآآآآآآ

حطت يدها على فمها : آشش لاتفضحينا ..

جلست ديم تبكي ..

شالت منها بنت أخوها وجلست قبال ديم : ديوووم لاتبكين كذا ..

: متتتى ؟

وهي مبتسمه : قبل كم يوم بس ..

ضمتها :ياححياتي ريتتتو الحمدلله على السلامة..

حبت فرحتها لها : ي لباك الله يسلمك ..خلاص لاتبكين ..

باست بنت أخوها : وه تهببببل مشالله .. م ألوم مشاري لو حبها هالكثر..

ديم تمسح دموعها : أخوك يحبها أكثر من نفسه .. ماعلينا من دانه وابوها لييه ماتقولين للكل ؟

: ممم حبيت آشوف شلون الكل شايف رتيل وفي كفيفه ..

: والسبب ؟

: ممم عباطه ..

ضحكت : يالله منك .. طيب وطارق ؟

: شوفي آصرار طارق بأنه يأخذني وأنا م شوف وللحين م يدري يثبت لي أنه آجمل شي منحت آياه .. وأبي آشوف شلون تعامله معي ..

: تو مشاري جابني وأحنا في الطريق يقول بإنك محظوظه فيه آنسان كامل والكامل الله سبحانه وتعالى ..

: فديت عمره توتي ..

ضحكت ديم : طيب قومي خل آعدل شعرك وآحط لك مكياج ..

: شعري يبي له آستشوار وبعدها راح آسويه سراميك..

: ي خبله راح تحرقين شعرك ..

ضحكت وهي تقوم : من زمان م قصيت ولالعبت في شكلي ..

ديم : ريتو مو مصدقه ..

ضحكت : أجل أنا وش آقول .. من قبل كم يوم إلين هاللحظه أي كل شي في حياتي مب حقيقه .. بس أذا شفت طارق وضميته راح آعرف..

ضحكت ديم : أحسك أذا شفتيه م راح تضمينه على كثر م تقولين ..

ضحكت وبثقه ودلع : لانه راح يضمني ..لبى ريحته وعطره آشششتقته ..

: ياقلبي الله لايفرقكم ..

من قلب : آميين ..

.

.

.

بيت فهد

عبدالعزيز : الرحلة على 12 الليل ..

فهد : ماكان لها داعي وأنا أخوك ..كلفت على نفسك يالغالي ..

: يفداك المال والحال كله .. آهم شي تستانس في رحلتك لاتشيل هم عزام راح يكون قبال عيني ..

فهد : آنتبه عليه الوالدة تقول م جاء الا عقب صلاة الفجر ..خذه معاك الشركة علمه على الشغل يستفيد ويفيد ..

: إن شاء الله ..رح بلغ المدام عن موعد السفر ..

ابتسم ودخلوا للمجلس سوى ..نادى فهد أسيل : شوفي لي درب وآتركي الجوري تطلع لي فوق غرفتنا ..

: آوككي ..

نتحت فجر عن الدرب وطلع فهد ..

أسيل : جور فهد يبيك ..

قامت : وين ؟

: في غرفتكم ..

طلعت لـ غرفتهم ..

: هلا فهد ..

صكت الباب ودخلت ..

: تعالي لـ هنا ..

جلست قباله ..

: آجهزي رحلتنا 12 ..

تفاجأت : الليلة ؟

: آيييه .. عبدالعزيز فاجأني قبل شوي وجهز لنا ..

م علقت ..

مسح على خدها : مرهقه ؟

ابتسمت : شوي ..

: الا كثير ..

ضحكت وهي تلعب بـ دبلة زواجهم ..

: الا شرأيك في غرفتي ؟

ابتسمت : حلوه ..

: الاحلى عيونك .. الوالدة عزلت لنا جناح وتقولي اليوم راح تبدأ بـ تأثيثه بوقت السفر..

: طيب ليه م نجلس في هالغرفه ؟

: الوالدة تقول الجناح آستقلال لنا أكثر ..

: آها ..(ناظرته وهي محرجه منه) مم خلاص آنزل تحت ؟

: م تبيني ؟

: لالا مو كذا بس احراج الكل تحت وأحنا هنا ..

ضحك وقومها معاه : ولايهمك نزلنا بس قبل ملابسي بغيت آرتبها في شطنة السفر..

: طيب وينها الشنطه ؟

: شوفيها هناك ..

أخذها وطلعت ملابسه ..

: اساعدك ؟

: لا عادي آنزل تحت ..

: لا راح آجلس معاك ..

ابتسمت وكملت ..

: فهد ..

وهو مندق ويضحك : عيونه ..

: خل آكمل ترتيب ملابسك ..

: وإن قلت لا ..

لفت له : والله احراج مع الكل .. بس نسافر خذ راحتك بليز فهد ..

ضحك ورجع آنسدح على السرير : الجوري من ملكت عليك أحساس إني مرتاح م فارقني ..

ابتسمت له ورجعت تكمل تربيت ملابسه ..

دق باب الغرفه ..

فهد : أسسيل ادخلي ..

فتحت الباب وهي تضحك : سوري بس فطوم تو جات وتسأل عن الجوري ..

: غريبه فاطمه توها تجي ؟

أسيل : مدري ..

قام فهد من مكانه : البارح وجهها كان متغير واضح أنها متضايقه ..!

أسيل : لا مافيها شي ..

-خافت يتكلم مع فاطمه وتعترض على زواجه-

: طيب ناديها خليها تجيني في مكتبي ..

: أوكي

طلعت أسيل وفهد ظلت الجوري تكمل ترتيب أغراض فهد ..

مكتب فهد

: مدري وجهك متغير .. !

: بصراحة يافهد اللي مضايقني زواجك ..

ظل يناظرها بنظرات خاليه من التعبير إلين تخلص كلامها ..

: أنت اللي الكل يتمناك تتزوج وحده مأخذه شخصين قبلك ..!

معليش فهد ماقدرت اتقبل الفكرة ..كنت أتمنى لك زوجة أفضل بكثير من كذا..

: سبب أعتراضك عليها بأنها كانت متزوجة قبل وأنا لا ..

: وبإنها بنت جاءت من طريق مشبوهه ..!

بضيق عجيب : لالا فاطمة إلين هنا ويكفي الله يعافيك ..لاتدخلين في الانساب والاعراض ..

: فهد هذا الصدق .. الجوري احتمال كبير م تكون بنت شرعيه ..

بـ حلم كبير على كلام اخته : من وين جبتي هالحكي ؟

: من الكل ..

: فاطمه أنتي تكلمين أخوك مو طالبه في الجامعة .. أسلوبك رجاء ارتقي فيه ولاترمين فيه التهم ..

: واضح تأثير جمالها عليك .. أنت شلون ترضى على نفسك تأخذ وحده مثلها تأخذك..!

وقف : إلين هنا وآوقف النقاش معاك ..كلامك وأسلوبك غير كثير من نظرتي عنك..

-بصوت مرتفع قليلاً وحاد-

الجوري آستخرت رب العباد فيها وكانت الخيره وأخذتها والوالدة راضيه وخطبتها لي بنفس لحظات ذكر آسمها ..ورأيك الحين جعلني آتمسك فيها أكثر هي زوجتي وأم عيالي مستقبلاً ..

انسحب من المكتب وكان متوتر دخل لـ غرفتهم م شافها صك الباب ورمى نفسه على السرير ..

المطبخ ..

أسيل : فاطمه ليه تقولين لـ فهد كذا ..!

سخخخيفه إلين ابعد حد ..

فاطمه : أسيل وش هالالفاظ ..!

: شوفي والله لـ آقول لـ عبدالعزيز عن تصرفك مع فهد ..شلون تقولين له كذا عن زوجته .. أسلوبك آسلوب غبي دكتورة صح بس م تملكين الا مسمى الشهادة ..

طلعت وهي مقهوره ..

راحت لـ عبدالعزيز المجلس : عزوز تكلم مع اختك الكبيرة شوفها زعلت فهد وتكلمت عن زوجته ..

نزل البلاستشين وناظرها ..

عزام : فاطمه ؟

: آيييه فاطمه ..

وقف عبدالعزيز : مهبولة ذي ..!

عزام : م نست السالفة ذي ..

: خليها تجي ..

طلعت أسيل وهي مقهوره تركت فاطمه تروح للمجلس ..

دنقت وهمست للجوري : عادي تطلعين لـ فهد شكله تعبان ..

ناظرتها بـ آهتمام ووقفت ..

عمتها : أسيل م تركتي البنت تجلس ..

ابتسمت الجوري : عادي عمتي شوي وجاية ..

طلعت لـ غرفتهم ..

دخلت بهدوء وصكت بابهم .. النور خافت حوله جلست على طرف السرير : فهد..

رفع يدينه عن عيونه : لبيه ..

: شفيك ؟

لـ أول مره في عمره يشكي لـ أحد : متضايق ..

قربت له أكثر وكفها متردد كثير وهو يمتد لـ وجهه : آنثر الضيقه علي بس لاتضيق فيك ..

كفه على كفها الممتد على خده بحنان : ي بعد فهد .. ماعليك شوي وتزول الضيقه..

: طيب شاللي مضايقك ..

: حصل نقاش بيني وبين أختي وكان حاد شوي ..

: مم فاطمه ؟

: آييه ..

: مم آقدر آعرفه ..

بحزن وبباله كيف آحكي لك النقاش وآضايقك ..!

: المشكلة م قدر لان مجرد الحكي والاسترجاع للموضوع يضايقني..

ابتسمت : طيب براحتك .. المهم لاتضايق ..

ابتسم : غريبه رجعتي لي ؟

بـ آحراج : أسيل قالت لي ..

جابها لها ولافصل بينهم سوى آنفاسهم الحاره ..

.

.

.

المجلس ..

عبدالعزيز : ذا الكلام جاك كان فهمتي واحترمتي نفسك فالبيت لك وحياك الله وأذا م فهمتي فـ الله يرعاك بيت رجلك ينتظرك ..

: خير إن شاء الله تطردني من بيت أبوي ..!

وصوته كله حده : آيييه آطردك دامك م تحترمين فهد وزوجته .. فهد من توفى الوالد الله يرحمه وهو شايل كل الحمل على أكتافه من ربانا غير فهد وتعب واجتهد إلين وصلنا للمراكز الي احنا فيها الحين ..

بعصبيه : وصلك أنت أنا لا .. جهدي وصلني لـ الدكتوراة ..

ضحك بـ سخرية عليها : مين اللي كانت راح تتطلق لانها مهملة لـ عيالها لولا الله ثم فهد وجاب لك مربية لـ عيالك وخادمه وسكت زوجك بهالشي .. مين اللي توسط لك ببداية دراستك للماستر والدكتوراة في الجامعة برغم أنه تم الاكتفاء ..؟

البيت اللي يسرح ويمرح فيه الخيل من تكفل بـ أغلبه مو فهد ..؟

فوقي ي هانم لـ نفسك ماعزك الا الله ثم فهد .. والا أنتي عارفة زوجك وظروفه المادية ..

سكت على دخول آمه ..

: عبدالعزيز شفيكم ؟ فاطمه وراه وجهك ؟

عزام برد قلبه عبدالعزيز على فاطمه وحركتها : مافيه شي يمه بس فاطمه جات تسولف معنا ..

: لكن صوتكم محتد ..!

عبدالعزيز مسك يد آمه : مافيه شي بس خبرك السوالف تحمس الواحد بـ أوقات .. زوجة فهد داخل ؟

: لا ياضناي جات أسيل وأخذتها طلعت لـ فهد ..

ابتسم ومشى مع آمه لـ زوجته وخواته عبير ولمار ..

عزام ضحك :ككككك مسسخرك عزوز ..

: عززام احترم نفسك أنا اختك الكبيرة ..!

رجع يمسك البلاستيشن : كبيرة عمر وصغيرة عقل .. المهم زوجة الكنق فهد لاتسوين معها حركاتك .. ترى لو أنتي دكتورة عادي أنا الفاشل ممكن اصير دكتور..

لمار كانت واقفه : عزام خلاص ..

: وأنا صادق .. اليوم الصالح والطالح دكاترة ..

رمى يد البلاستيشن وقام شال ريتان باسها بـقوة : ي حبي لها ..

ضحكت لمار : عزام لاتخوفها شوف شلون تناظر شعرك ..

فاطمه : شكله مبتذل .. حلق هالشعر أو على قولتكم كدش ..

طلعت ..

ناظر لمار : أختك مريضة ..

ابتسمت : لاتتضايق منها بس يمكن معصبه ..

وهو يرفع ريتان ويضحكها : طز فيها ..

ضحكت لمار وطلعت ..

: ي قلب خالك ..

حطها في حضنه نادى عبدالعزيز بصوت عالي ..

جا : ها

: تعال كمل لعب ..

صك باب المجلس ومسك خد بنت أخته ..

: آلعب ..

.

.

.

بيت أهل رتيل ..

ديم : رتيل أخوانك والكل راح والمسكين ينتظرك في المجلس له أكثر من ساعه..

: حتى مشاري ؟

: مشاري في غرفتنا القديمة مع دانه وناموا .. خلاص ادخلي وجع ..

سحبت كم نفس لداخلها وزفرتها ..

: يارب ..

ديم : آدخلي راح آطلع لـ غرفتك آنتظرك لاتسحبين وتنسين نفسك معه ..

:هههههههه آوكي ..

تركتها ديم وسحبت آنفاسها اكثر ..

دخلت وهي تبلع ريقه ..مجنونة في آتقانها للدور في تصرفاتها نظراتها التائهه وهي تدوره بـ عيونها ..

ي وقفتها ومشيتها وهيبتها كل شي في باله كل تفاصيلها ..زادت نبضات قلبه وتسارعت بـ شوفتها قباله ..

طغى اللون الرمادي بعد فرقى وردي شفاها

تغيّر نبض قلبي عندما لدّت وهب البين

كأن القلب ينبض حسب وقفتها وممشاها

لها يادل حضن خصرٍ كأنّه ليل شهر اثنين

تشكّل حسب بنية عودها ثمٍ .. تلوّاها

تلوّى نحرها والكتف طاونّه من البردين

كأن يقول هذي غايتي الأولى وانا اهواها

ولها مجرى العواطف في عروق الدم وسط الجين

تكوّن منّها دمّي .. ومن منشى خلاياها

رفعها وضمها لـ صدره : ملكتتتتتك ملكتتتتتتك ..

صوته ونبرة هي هي بنفس حبه وعشقه ولهفته عليها ..رجعها لها حسها وآحساسها ونبض قلبها للحياة معاه وله وهو اللي م غاب عن بالها وفكرها للحظه ..

جلسها في حضنها وي لذه البكى لاكانت أسبابه أفراح ..

هي بـ نظره يشوفها كامله تماماً تصرفاته معاها كانت تصرفات عاشق مجنون م اعترف بـ البعد والظروف وقسوتها عليهم جمعتهم غصب عنهم وفرقتهم غصب عنهم والحين رغم عن أنف كل رافض لـ رجعتهم رجعوا ..

جلس على ركبه قابلها وقابض يدينها : لا أنا ولاقلبي ولا آحساسي مصدقين هاللحظه..

وهي تشهق : حبيبي أنت كل كلي ..

راسه على رجلها عجز كل الحكي بينهم ..آمتدت كفوفها ودنقت وهي تبوس راسه ومندقه عليه تلعب بـ شعره : طارق آشتقت لك ..

قومته وأخذتها لها ..

طارق يأخذ أنفاسه : أبي أخذك معي والكل واقف لي يقولون لا ..

: تبي نطلع ..

بتهور : آيييه أنا هنا مو قارد أخذ راحتي ..

ابتسمت وعيونها كلها دموع : طاارق شتبي حبيبي تسوي أكثر ..

ابتسم وتتابعت دموعه بفرحة : حبيبيك للحين م سوى شي.. رتيل آعششقك من تفارقنا إلين هاللحظه والحال ردي ..

: رتيل كان حالها اسؤ بكثير ي طارق كنت مع آنسان م تعرف الرحمة لـ قلبه طريق –حطت كفها على آنفها وأخذت آنفاسها- كل حياتي بدونك كانت إليمه ..

حكيها ذكره بـ كلام أخته ام فهد إنها سعيده وبعتب كبير: رتيل لاتقولين م كنتي بخير لان وصلني أنك كنتي فرحانه ومستانسه بـ زواجك و حملك..

لآ تقوُل :

آلَوضع بَ غيآبي دَمآر .

وآضح إنَك عششت منْ دوُنيّ | بخيييييِر

ضحكت ودموع تخترق خدودها : لالا كذاب من وصل لك هالحكي .. عمري م كنت سعيدة من بعدك كل حياتي كانت إلييمه كنت آنضرب وآنحبس لاني آفكر فيك والتفكير واضح ..

قامت ونست بأنها تمثل على طارق العمى تبي تختبره وتشوف نظراته لها بحده أكبر: من بعد فراقنا وأنا من مستشفى لـ مستشفى كل الابر والمغذيات أخذت طريقها لـ جسدي كل تعذيب تعرضت له تدري ليه لاني آفكر فيها آتخيلك ذكرياتنا وسوالفنا ولعبنا وطيشنا ..

-بصرخه خفيفه-

شايف الدبله شايف السلسال-شدته السلسال بقوه- الاساور ..!

: مو أنتي بس ي رتيل ..

رفع يده وشافت الدبلة بنفس مكانها للحين ونزع الساعة : شوفي للحين أسمك محفور عليها ..

مسحت دموعها ببكى : طيبب ليه تصدق فيني ..!

هدى من عصبيتها الواضحه ونبرة صوتها المتقطعه ببكاها وقف بذهول وهو يحط كفه على فمها : لحححظه أنتي تناظريني ..!

أنتي تشوفين صح ؟

دفت يده : وخر أنت شلون صدقت فيني ..!

: رتيل ..

آنفاسها متسارعه : ششلون صدقت فيني ..!

مو واثق في حبي لك ؟!

أنا م قلت لك ووعدتك هالقلب –أشرت للجهه اليسرى- يبقى لك ويحرم نبضه على غيرك..!

أخذها غصب عن عينها وعنادها وغرورها لـ احضانه : آآآه رتيل م تغيرتي..

آسف وحقك علي كنت آمر بـ فترة نفسية سيئه جداً جاني هالخبر ودمر م بقى فيني..

مسك وجهها بيدينه ورفعه له : تشوفين وتذبحين طارق بـ حكي م تشوفين..مو عارفه بإن يبيك بإي شي كان المهم بأنك معاه .. أحبك واللي جمعنا عقب الغياب المرير م حبيت ولا فيه أغلى فيه عندي بدنياي منك ..

للحين في قلبها : أنت ليه تصدق ؟

ابتسم : دامني حبيبك لك حق العتب ..

: طااارق ..

: والله إنك قلبه ..

بوزت وهي عاقده حواجبها ..

ضحك وضمها : فديت الزعلان .. م تغيرتي ابداً ..خلينا نطلع ..

فكت من عقدها لـ حواجبها بـ شويش: وين ؟

: ندوج في السيارة ..

: خلك هنا راح آبدل واجي لك ..

طلعت وهي مبتسم ويناظر مكانها ضحك على نفسه وهو يشيل العقال ويسحب الشماغ والطاقيه ..

غرفتها ..

ديم : راح ؟

وهي تسحب تشيرت وسكيني آسود : راح آطلع معاه ..

نزلت المجلة : خبببله رتيييل وين تطلعون الحين ؟

ضحكت ودخلت دورة المياة بدلت وطلعت أخذت ربطه شعر ربطت كل شعرها : ديييمو راح آطلع مع طارق هو زوجي ..

تضحك ديم مو مصدقة : مجججنونه أخوانك رفضوا ..

شالت الباق وجوالها وهي لابسه العباية والشيله على كتفها : يؤؤؤ وين النقاب

شافته طايح شالته ..

: دييممو طروق زوجي عيب آطلع معاه في العادات والتقاليد الغبيه بس الشرع يقول حلال ..

باستها ونزلت ..

ديم تضحك : مجننننونة ..

طلعت من غرفتها لـ غرفة مشاري ..

سيارة سامي ..

رتيل : سيارتك ؟

وهو يطلع من حوش الفيلا : ولد أخوي ..الحين وين نروح ؟

نلف الرياض –ناظرها وشد على كفها – الحمدلله اللي جمعنا

وهي مبتسمه : طروق وين الشماغ ؟

ضحك : وراي ..

ضحكت : ليه طيب ؟

ناظرها للحظه : من شفتك صرت فاقد ومنيب متحكم في سيطرتي ..

ضحكت بـ احراج وعيونه تناظره ..

وقف وأخذ من قهوة الطريق لهم ..

عيونها غرقت دموع للحين م نسى شاللي تحبه ..سندت راسها وهي تسمعه يكمل يقول الكريمه كثيفه ويبي كوكيز ..

أخذ منهم الطلب وحطه بينهم ..

تستلكع عليه : م عرفت طلبي ..

غمز لها : م نسى طارق آدق شي في تفاصيلك ..

مشى بدربهم وباست كفه : جعلني لك فدوة ي غلا هالكون كله ..

.

.

بيت أهل رتيل

اليوم الثاني

الصباح

مشاري : الله يصلحها بس ليه تطلع معاه ..

ديم مبتسمه : خلاص زوجها وبعدين رجعت له مب أول مره .. ميششو للحين م نمت ..

ابتسم : أشوفك فاصله ..نامي ..

: لا خل نروح لـ بيتنا ..

:مافيني ..

: لا ميشو قوم م قدر آنام في غير بيتي ..

مسك آنفها : تعالي هنا ونامي ..

ضحكت : لا مابي آحضانك شوف بنتك لو حركتها منها قامت..

ضحك وتحرك بـ هدوء : قومي نروح لـ شقتنا ..

ابتسمت لبست وأخذت بنتهم ..

شالها منه مشاري ..

ديم : آنتبه لاتصحى مالي خلق تقوم وتجنني ..

ابتسم ونزل بـ هدوء .. شاف آمه وأبوه نزل بنته بـ هدوء وسلم عليهم..

آمه : وين ؟

: راح نطلع لـ شقتنا ..

أبوه : والبيت هنا كان جلستم ..

ابتسم : خبرك نرتاح هناك ..

آمه : أختك مهيب صاحية طلعت مع طارق ..

ديم فيها الضحكه ..

مشاري يشيل بنته بـ هدوء وهو مبتسم : الله يوفقها لاتكلمونها أذا جات ..

أبوه : الا راح أكلمها ليه تطلع معاه ..

مشاري ضاق : يبه أولاً مهوب أول زواج لهم هذي رجعتهم ثانياً رتيل نفسيتها م تتحمل –بإلم- اتركها يبه تسامحك سوياك فيها وعقبها كمل ..!

استأذن منهم وطلعوا ..

أم رتيل : لاتكلم رتيل أذا جات ..

: يامره مهما يكن مفروض ماتطلع معه إلين يتم العرس ذي سلومنا ..

: زوجها وانتهت السالفة ..

قامت وتركته وهو جالس يفكر في الخساير في الاراضي خاصة الي شارها من مهر رتيل كلها نازله خاصة بإن رتيل رفضت نص المهر والاراضي وكل شي من جهه عساف .. والاسهم مثلها وأسؤ ..

تنهد بـ تعب وضيق ملايين دفعها والحين ضاعت كلها حتى صار يدفع من ماله الخاص غير الاستثماري ..

.

.

.

أحدى المطاعم ..

رتيل : طرروق ..

: ريتتتو كل م سويت شي قلتي طروق ..

ضحكت : آفطر بس ..

أخذ آنفاسه : آآآه بس أحد أنتي معاه ويأكل .. آبعرف عندهم الاثبات وكل شي و م تجلس معاك وحده الا بكرت عائله ..!

ضحكت : عادي آستانسنا في وقتنا ..

شبك آصابعهم ببعضهم : يكفينا بإننا سوى ..

ناظر الدبلة وباس أصبعها : إلين الحين ..!

: إلين الموت راح تظل في آصبعي .. تعال أغراضي معاك ؟

ابتسم : تدرين وشاللي حد حال طارق لـ هالحال غيرك وغير أغراضك اللي معاي..

ملابسك اكسسواراتك صورك كامك لابك جوالك ألبوماتك .. كل شي ولايعذب كثر طيوفك معي كل ليلة ..

بـ إلم : فترة مؤلمة وعدت ..

ماحبت تتعمق بـ الحكي أكثر لانها كانت تمر بـ فترة نفسية سيئة جداً والحين هي تحاول تنسى كل الماضي وتتجازوه عشان تبدأ حياتها من جديد معاه ..

كف دمعتها : أفا رتيل م كانت تنزل دمعتها بـ سهوله ..

: عذبوني بما الكفاية .. كرهتني وأنا ضعيفه لهم –نتهدت بضيق- آتركنا نقوم..

آستجاب لـ رغبتها وقام ..نزل الحساب ..

: لحظه خل آعدل النقاب ..

حطت نقابها وطلعت معاه ..

السيارة ..

: خلاص وصلني لبيتنا و م راح تشوفني الا ليلة العرس ..

رفع حاجب : آحلفي ..!

ضحكت : والله جد طروق م راح تشوفني خلاص الليلة جمعة مع البنات وبكرة حوسه التجهيز مع الكوفيرة والفستان وهالاشياء ..

: لا رتيل مهوب عدل ..

ضحكت : طروق راح آكون معاك طول العمر بأذن الله الحين ورانا غربه جديدة ..

: دامها معاك مهيب غربه .. تدرين مستانس بإنك لي وحدك ..لاصديقات ولاأهل..

ضحكت : آناني ..

ضحك : آناني بحبك ولي الفخر ..

-نتهد-

اللهم لك الحمد

ابتسمت هالكلمة يرددها من شافها بين كل لحظه ولحظه ..

يتبع ,,,,

👇👇👇

تعديل المقال