رواية ساره وصراع الحب -8
بعد ماهدت نزلوا وكملوا الحفله وجلست هدى إلى الساعه وحده وطلعت والحريم والرجال راح كل واحد بيته والبنات سهروا إلى الفجر وناموا عند ساره جا الظهر صحت ساره وضي ونزلوا تحت يسوون الفطور باقي شوي يخلصون راحت ساره تصحي البنات وضي تكمل الفطور وهي تطبخ جا فهد من وراها يحسبها ساره.
فهد:جهزتي اللي قلت لك الحين بطلع مستعجل.
وضي ساكته ماترد.
فهد:اكلمك ردي سويته ولا لا؟
وضي خايفه ماهي قادره تهرب ولا تتكلم جا فهد ومسكها من كتفها ولفها وضي كان مويه بارده انكب عليها فهد شاف ضي بعد يده وارتبك.
فهد:اسف توقعتك ساره.
ضي:أنا اسفه دخولي للمطبخ غلط.
فهد:لا أنا بطلع مستعجل مع السلامه.
وطلع وهو مو مستوعب اللي صار وضي ماقدرت تحرك يدها من اللي صار وجلست على الكرسي شوي جات ساره معاها البنات.
ساره:ضي ضي فيك شي.
ضي رفعت رأسها:ها لا بس طولتي وجاني نوم.
ساره:أجل يلا خلينا نفطر وجلسوا يفطرون ويسولفون غاده ورهام اتفقوا على شي يسوونه بحركه سريعه فتحت غاده علبه الملح على صحن سديم لأنه هو اللي قريب منها وماأحد انتبه لها سديم وهي تاكل قامت بسرعه وراحت الحمام ولحقتها سهام البنات استغربوا شوي جات سديم وسهام.
العنود:ايش فيك.
سديم:مدري مين حط لي في صحني ملح وع.
العنود:خير ان شاءالله مين هاذي اللي متسببه بسديم كل يوم سالفه ترى مو مزح ذا.
الكل مو أنا مدري.
العنود:تعالي ناكل وإذا خلصنا نعرف مين.
سديم:خلاص مابي اكل انسدت نفسي.
وراحت الغرفه مع سهام وبكت.
العنود:بنات بلا مزح ثقيل مين اللي حط الملح في صحن سديم عبير تراك كنتي بجنبها ومزحك كثير وثقيل؟
عبير:حرام عليك تتهميني ظلم بعدين أنا ماأحب الملح ليش اعطي شخص شي أنا مااحبه.
العنود:اسفين بس اللي صار لها مو معقول كل يوم صار لها شي غاده مافي الا أنتي لانك جنبها ومستحيل أحد قبالها يوصل لها.
غاده:مو أنا والله مو أنا.
رهام:صادقه لاني كنت اسولف معاها وكانت معطيه ظهرها لسديم.
العنود:اوكي تراك حلفتي واتكلم على البنات كلهم ترى دعوة المظلوم مستجابه ونشوف مين اللي تجيها الدعوه والله لاافضحها.
البنات ساكتين ماحد تكلم وكملوا فطورهم وماتكلم أحد خلصوا فطور قاموا شالوا الصحون وراحوا غرفة ساره والعنود وغاده ورهام راحوا غرفة البنات.
العنود:ها سديم هديتي.
سديم:ايوه بس ابي أعرف مين ذا حسبي الله عليه اللي سوا فيني كذا وليش.
العنود:ادعي على اللي سوا كذا دعوة المظلوم مستجابه
غاده:حسبي الله عليه الله ينتقم منه ويرد له الموقف واخس منه بعد.
العنود وسديم وسهام يناظرون بغاده مستغربين لأنهم متأكدين انها هي اللي حطت الملح.
غاده:ايش فيكم ادري مصدومين مني بسبب اللي صار في السفر بس ترى حركة الشنطه مو أنا واسفه على كل اللي صار.
سديم مصدومه أكثر وأكثر لأنها مو من عوايد غاده تعتذر لاحد.
سديم:يعني اللي صار كنتي متعمده.
غاده:والله اسفه وراح اسوي اللي تبينه عشان تصدقين اعتذاري بس لايطلع الكلام لاحد اجيب لك فطور بدال اللي انحط فيه ملح حسبي اللي على اللي حطه قولي اللي تبين واجيبه لك.
سديم ابتسمت:تسلمين حياتي ما ابي شي وأنا صدقتك وسامحتك.
غاده راحت ضمت سديم وراحت مع رهام بيطلعون حديقة البيت قبل مايطلعون.
غاده:تبين شي قبل مااطلع.
سديم:تسلمين عمري ما ابي شي.
وطلعت حديقة البيت مع رهام.
رهام:غاده انجنيتي ولا أنتي بعقلك.
غاده تضحك:بكامل عقلي بس أنا سويت هذا الشي عشان إذا سوينا شي مايشكون فينا.
رهام:والله انك ذكيه أجل بروح اجيب ايس كريم نبرد على نفسنا.
وراحت تجيب الايس كريم وهي تمشي شافت شكل الورد مره حلو ونزلت عند الورد تشمه حست شخص وراها تحسب انها رهام وقفت التفتت وانصدمت من الشخص.
غاده وقفت تحسب ان رهام جت الا شافت فراس وارتبكت وماقدرت تهرب.
فراس يسوي نفسه انه ماعرفها.
فراس:اوه اسف توقعتك اختي ذكرى.
غاده مستحيه وتتدلع:ليش اشبهها.
فراس:مدري ليش توقعتك هي وشكرا على الميداليه مره روعه حتى حطيت مفاتيحي فيها.
وطلع الميداليه.
غاده استحت مره:أهم شي انها أعجبتك.
فراس:اكيد دام انها منك اكيد بتعجبني.
غاده ابتسمت وفراس ابتسم لها ابتسامه ذوبت غاده بس مسكت نفسها.
فراس:أجل ماأطول عليك لا يجي أحد ويشوفنا بس كنت انتظر اخواتي.
غاده:ذكرى راحت مع زوجها وفرح لسا موجوده.
فراس:أجل تنتظرها برا يلا باي.
غاده:باي.
وفي نفسها(باي ياحياتي وعمري وحبي أنت)
وواقفه مكانها ماتحركت شوي جات رهام وشافت غاده استغربت وراحت عندها.
رهام:غاده غاده غاده وجع اكلمك.
غاده رايحه فيها هي في عالم ثاني جات رهام قدامها وهزتها من كتوفها غاده انتبهت لنفسها.
غاده:ها ايش.
رهام:وشو اللي ايش اللي خذا عقلك يتهنا به.
غاده:امين امين والله شفته يارهام شفته يجنن ياخذ العقل كلمته.
رهام:لا اكيد ضارب مخك شي أقول كلي الايس كريم.
غاده اخذت الايس كريم وهي ماتدري اكلت الايس كريم بسرعه.
رهام:لا أجل صدقتك دام انك خلصتي الايس كريم بسرعه أجل علميني ايش صار.
وعلمتها كل شي صار.
عند فارس وفراس فراس من أول ماركب السياره وهو يضحك.
فارس:الله يجعله دوم ايش فيك تضحك.
فراس:شفت غاده ولعبت عليها لعب مو صاحي.
ويضحك.
فارس:والله أول فله أجل أنا بنزل ممكن اشوفها واهبل فيها.
فارس نزل دخل الحديقه شافهم جالسين.
فارس:معليش بس وين فرح ممكن وحده تناديها تأخرت.
غاده ورهام التفتوا شافوا فارس غاده هربت بس رهام ماقدرت تتحرك دخلت غاده البيت وجلست تطل عليهم من شباك المجلس وراحت خبت أغراض فرح عشان يطولون ورجعت تشوفهم من الشباك.
فراس:هلا والله برهام اخبارك.
رهام مرتبكه:الحمدلله أنت اخبارك؟
فارس:الحمدلله أخبار السفر معاك؟
رهام:والله حلو.
وبنفسها(أنت اللي محليه)
فارس:مشكوره على الميداليه شكلها مره روعه وحرفك الاروع فيه.
رهام تناظر فيه مستغربة:كيف اخذت الميداليه ومن وين؟
فارس يضحك وداخل رهام ذايبه على ضحكته وفي نفسها(الله يجعل الضحكه دوم)
فارس:يوم رحتي بتجلسين طاحت منك واخذتها وحطيت فيها مفاتيحي.
وطلعها لها.
فارس:عشانك كذا راح اعطيك شي.
وقطف ورده ورديه واعطاها لرهام.
فارس:ادري انها مو قد المقام بس هذا اللي قدرت اعطيك اياه الحين وفي هذا الوقت.
رهام:أهم شي انه منك تسلم حياتي.
وانتبهت لنفسها.
رهام وخانقتها العبره وماهي عارفه ايش تقول.
رهام:اسفه والله ماكان قصدي والله طلعت غلط أنا اسفه.
وبكت طبعا غاده تشوفهم بس فارس معطيها ظهره وماتشوف شكله بس تشوف رهام.
فارس فيه ضحكه:ليش ليش تبكين كل الناس يغلطون ويمكن أنا بيوم اغلط وأقول ياعمري أو ياروحي أو يادنيتي أو اي كلمه.
رهام وهي تبكي.
فارس:خلاص لاتبكين أنا الحين بروح قبل مايجي أحد ويشوفنا بس مابروح الا إذا سكتي.
ومسح دمعتها وغاده لزقت وجهها بالشباك ورهام مصدومه.
فارس:الحين اقدر اروح دام انك سكتي بايو.
وطلع وغاده بسرعه طلعت أغراض فرح وأعطتها اياها وطلعت فرح بسرعه وغاده على طول نزلت عند رهام رهام من الصدمه واللي صار ماقدرت توقف شوي وتطيح جات غاده ومسكتها وراحت عند جلسه في الحديقه مغطا من فوق في الوسط نافوره على شكل مجسم لأوزتين مسوين على شكل قلب ورأسهم على فوق ويطلع منه المويه وجلسوا هناك وراحت غاده جابت لها مويه.
غاده:رهام شكلك مره خيال ياحظك صار لك شي أحسن مني.
ورهام في عالم ثاني ماهي مستوعبه اللي صار لها.
غاده:لا لا اكيد آخذك بالك.
رهام وهي في حلمها:اخذ عقلي وقلبي وتفكيري وكل شي فيني.
فارس ركب السياره وهو يضحك ضحك مو صاحي فراس ضحك عليه.
فراس:اكيد سويت بلى ولا ماضحكت كذا.
فارس يضحك:بلى وبس.
وعلم فراس بكل اللي صار.
فراس سكت:بس ماادري ايش اسوي صح اني أحب سهام بس رهام اختها وغير كذا تواءمها.
فراس:أقول بلا كلام فاضي تراك تحب سهام وبس وأنا سدومه فديتها يارب اتزوجها.
فارس بصوت عالي على دخلة فرح السياره.
فارس:يارب فراس يتزوج سديم.
فرح تضحك ببرائه:امين.
فراس وفارس انصدموا متى جات فرح.
فارس وفراس بصوت واحد:آآآآمين.
وجلسوا يضحكون.
وراحوا البيت.
عند محمد ورغد.
محمد:وين تبين تسافرين ياحبي.
رغد استحت:بصراحه نفسي اروح ماليزيا.
محمد:ياحياتي أنتي بس ماليزيا لو تبين ألف فيك الدنيا كلها.
رغد:تسلم حبيبي.
محمد:ايش ابي اسمعها مره ثانيه.
رغد بحيا ودلع:تسلم حبيبي.
محمد بصوت عالي:أحب رغد موووووت احبها.
رغد تضحك:محمد تدري.
وقالت بصوت عالي:أحب حمودي مووووووووووت.
محمد:يا جعلي ماافقدك الله يجعلنا دوووم حبايب.
رغد:امين ياحياتي حمودي تسلم حبيبي.
محمد:يا حلو حمودي بس على ايش.
رغد:على هديتك مره روعه تسلم.
محمد:والله وقليلة في حقك تستاهلين كل خير.
رغد:على كذا وتبي تزيد.
محمد:لو تبين روحي وعمري وعيوني وكل دنيتي عطيتك اياها.
رغد انحرجت:حمودي ترى استحي واسكر الجوال.
محمد:خلاص ياعيون حمودي مااسوي شي ولا أقول شي.
وجلسوا يسولفون.
البنات فالينها رقص وهبال وتصوير.
عبير:بنات ماتحسون طفش ماودكم تطلعون.
الكل:الا اي نبي نطلع.
عبير:رغود تكفين اتصلي على واحد من اخوانك يطلعنا.
رغد تضحك:تبين تطلعين ولا عشان تقزين أحمد.
الكل ضحك.
عبير تسوي نفسها زعلانه:حرام عليكم الحين ابي اعطيكم فكره حلوه تظنون فيني سوء.
امجاد:أنا بروح أقول لأحمد.
وراحت تركض.
شوي جات فرحانه.
امجاد بصوت عالي:يلا تجهزوا.
الكل قام بسرعه اللي تدور عبايتها واللي تبدل ملابسها وحوسه.
بس ريم وعبير خلصوا بدري لأنهم متحمسين.
وهم يمشون نسوا نفسهم ونسوا يتغطون وماتوقعوا ان أحمد برا السياره.
وهم يسولفون الا انتبهوا لأحمد وهو حاط السماعات لابس بنطلون اسود وبلوزه بيضاء اطرافها اسود ورسمة تنين كبير مغطي على البلوزه وفاتح بعض الأزرار وطالع شكله خيال وعبير وريم بسرعه تغطوا بالشيله وانتبه لهم وجاوا بيركبون السياره فتح أحمد الباب وركبت سديم أول وصارت ورى أحمد وجنبها عبير وسلموا ورد أحمد السلام وركز المرايه على ريم الا جاوا البنات يركضون بس لما شافوا أحمد وقفوا وسووا نفسهم ماسووا شي وركبوا السياره وهم يضحكون طبعا رهام وغاده كالعاده مايبون يروحون وراحوا البنات حديقة الحيوان وهم في الطريق عدلت ريم شيلتها تبي النقاب وبان وجهها وجلس أحمد كل شوي يطالع الطريق ويطالع في ريم وعبير تبي تلفت نظره باي شي بس مو قادره وعرفت انه يطالع في ريم وهي تناظر في ريم بس ريم ماتدري ولا هي معاه اصلن ووصلوا الحديقه ونزلوا والحديقه شبه فاضيه.
عبير:واو هاذي حديقه حيوان.
رغد:اي حديقه حيوان.
عبير:الله كبيره؟وفيها حيوانات.
رغد:كثيييره تبين تشوفينها بعد.
عبير تضحك:ايوه وابي اشوف الأسد أول عشان اشوف اقدر اخوفه أو لا.
والبنات يضحكون على هبالة عبير.
أحمد اتصل على رغد.
أحمد:سلام رغوده اسمعي إذا خلصتوا اتصلوا على اجيكم على طول.
ساره:اوكي يلا باي.
وسكرت وراحوا يتمشون.
وعبير طول الوقت تضحك وتستهبل وصار طلعتهم مره حلوه إذا راحوا عند الحيوانات يتصورون ومافي أحد كشفوا وأتصوروا وتغطوا مره ثانيه فجائه وهم يمشون سمعوا صوت البنات يعرفونه وقربوا وتأكدوا انها هدى جات عبير من وراها وصوت صوتها مثل الرجال وكانت هدى ماسكه جوالها تصور.
عبير:ممكن صوره ورقمك ياحلو.
عبير:ممكن صوره ورقمك ياحلو.
هدى من الخوف التفتت ورفعت يدها توها بتعطيها كف بس شافت انها بنت ونزلت يدها خافت عبير بس لما شافت انها نزلت يدها ضمت هدى وهدى عرفتها.
هدى تضم عبير بقوه:وجع يالدبا خوفتيني وين البنات.
عبير تضحك:زين مارحت فيها ولا صرت في خبر كان واخواتها.
البنات جاوا يضحكون ويركضون لعند هدى واجتمعوا البنات وهم ميتين ضحك على اشكالهم جات ساره صورتهم وهي تضحك لما بعدوا البنات عن هدى جات ساره تمشي بدلع.
ساره:بعدوا عن حبيبتي اف.
جاوا البنات اجتمعوا على ساره وطاحوا في الأرض جاوا العمال يحسبون فيهم شي جاوا يركضون.
هدى:قوموا قوموا جاوا العمال بيشيلونكم.
البنات قاموا بسرعه وكل وحده راحت بجهه عبير وهي تركض صدمت شخص وطاحت على الأرض وطاحت اللثمه عبير وهي تقوم تحسب انه أحد العمال قامت تصارخ في وجهه لما شافته انصدمت طلع اخو هدى راكان عبير من الصدمه ماعدلت اللثمه ولا قامت وكان حاط باذنه سماعات ولابس بنطلون زيتي غامق وبلوزه بيضاء فيها زيتي طالع شكله مره روعه
البارت الثامن عشر
جا راكان مد يده عشان تقوم وهو يناظر فيها صح انها بوي بس ملامحها مره حلوه وهي لا اداريا مسكت يده وسحبها وهي قامت بقوه وطاحت على صدره وهو مسكها وبعدت عنه بسرعه.
عبير انحرجت مره من اللي صار:عبير اسفه والله ماكان قصدي والله بس.......
راكان:لا عادي متفهم موقفك.
عبير خانقتها العبره:شكرا.
وراحت بسرعه كان قريب من المكان دورة مياه نساء دخلت فيه بسرعه وبكت والبنات خافوا عليها وجلسوا يدورونها دخلت العنود الحمام وشافت عبير انصدمت لما شافتها تبكي واتصلت على ضي وساره ونادوا البنات وجاوا استغربوا من عبير انها تبكي.
العنود:عبير ايش فيك.
شافت رجلها ويدها فيها دم بسيط وهي ماتدري ايش صار بس من قوة الطيحه حتى عبير عن نفسها ماحست بشي الا بعدين وهي تبكي عشان الالم واللي صار وودوها مستوصف صغير في الحديقه قسم نساء دخلت العنود مع عبير والبنات ينتظرون برا من شدة خوفهم على عبير نسوا الجوع طلعت عبير بعد نص ساعه والبنات كلهم اجتمعوا عليها.
ساره:ها اخبارك الحين أحسن.
عبير:الحمدلله حتى اقدر امشي بس لازم اغير الضماده مرتين كل يوم.
سديم تضم عبير:الحمدلله على سلامتك خفت عليك مره.
عبير:يلا عاد ابيكم الحين تدلعوني.
البنات:أقول يلا بس.
وضحكوا وكملوا مشي وتغدوا في الحديقه ولأول مره أم هدى وافقت لها تنام عند ساره وفرح الكل عشان كذا قالوا بيروحون افخم مطعم في الرياض وجلسوا إلى العشاء وراحوا مطعم فخم مره وتعشوا ورجعوا البيت.
وراكان طول الوقت يفكر في عبير وفي شكلها وبكائها ويضحك.
البنات جلسوا يسولفون.
ساره:صح غريبه ياعبير أول مره اشوفك تبكين.
عبير ضحكت:ادري انكم ماخذين عني اني قويه ودايم اضحك بس ترى لو تدرون ان دمعتي على خدي بس امسك نفسي في الأوقات الصعبه.
ضي:ياحليلك والله حتى لو انك كذا ولا كذا نحبك باي شكل كنتي والبنات اجتمعوا عليها اللي يضمها واللي يبوسها.
عبير:خلاص خلاص إذا بعدتوا عني بقولكم شي.
الكل ابتعد.
عبير:يا حليلكم بس ماراح اقولكم حتى تجيبون اللي ابيه.
الكل:امري تدللي اطلبي اللي تبينه.
عبير جلست تطلب طلبات كثيييره.
ساره:لا والله من وين بنجيب لك كل هذا.
عبير:تقدرون والله لو اقولكم اللي بعطيكم لو اقولكم تجيبون القمر كان كل وحده حاولت شي والله تتمنونه من زمان.
الكل شاف عيون عبير الصدق وجابوا وسووا لها كل شي وجابوا بوب كورن وأنواع الجلكسيات بالكرتون وكل شي تحبه وجابوه الا طلعت لهم شريط دي في دي رعب من زمان والبنات يبغونه لدرجة انهم سووا طلبات خارج المملكه عشان يحصلون عليه وكل من سافر وصوه وعبير جابته لهم.
الكل:من وين جبتيه؟
عبير:سر المهنه.
وجلسوا يناظرون في الشريط ومطفين اللمبات وكل شوي وحده تصارخ من رعب الفلم واللي من التوتر تاكل ورا بعض واللي ماخذه لحاف شوي تدخل فيه واللي متلزقه في اللي جنبها مافي أحد مو خايف من البنات مرتعب خلصوا الفلم وهم خايفين وماقدروا ينامون من الخوف ولا يسولفون شوي الا طلع لهم شي اسود من الستار ومايبان فيه ولا شي البنات قاموا يصارخون بقوه يبون يطلعون من الغرفه الباب مقفل خافوا زياده جاوا يبون يهربون من الشباك بس فيه نفس أشكال الوحش اثنين واقفين وخافوا يروحون يصير فيهم شي وكل شوي الوحش يجي عند وحده ويلمسها أو يمسكها من رقبتها والبنات ميتين خوف لدرجة ان بعضهم بكى لأن الوحوش ماتطلع الا في الأفلام والخيال بس هذا الحين حقيقه راحت ريم تصلي وتقراء بصوت واضح يمكن الوحش يهرب وساره فتحت اللمبه والوحش لسا ماراح جا عند ساره ويقرب ويقرب ساره خافت وماقدرت توقف طاحت وهي ماسكه الشي الأسود وطاح بين يدينها وأغمي عليها البنات شافوا ساره والشي الأسود اللي طاح في ايدها طلعت عبير لابسه لبس وحش اسود كأنه حقيقي البنات انهاروا لما عرفوا انها عبير بس العنود تصارخ على عبير الين ماحست الدنيا تدور فيها وجلست في مكانها من الدوخه وعبير تضحك بس راحت شالت ساره وحطتها في السرير والبنات بعد ماهدوا شوي جاوا عند عبير يصارخون عليها شوي ويضربونها بس الجرح اللي فيها مايقدرون انهم يسوون لها شي.
عبير فيها ضحكه ماسكتها:أنا اسفه وعشان كذا بوريكم شريط جابه لي عمي من فرنسا يضحك بدال البكاء اللي بكيتوه.
قامت شغلت الشريط البنات في البدايه مااهتموا بس شافوا لقطه وأعجبتهم وجلسوا يتابعونه ويضحكون مره عبير كانت بتخرب عليهم عشانهم صارخوا عليها بس قالت في نفسها(استاهل أنا اللي جبتها لنفسي وخوفتهم ساره ساره توني اتذكرها بروح اشوفها يمكن صار لها شي)
وراحت تقومها قامت بس عيونها كلها نوم وانتبهت لنفسها قامت مفجوعه.
ساره:وين الوحش وينه.
عبير ضحكت وجابت لها اللبس ساره خافت بس يوم شافت انه لبس بكت.
ساره:انقلعي عني يالدبا خوفتيني طيحتي قلبي تخيلي لو صار فيني شي.
عبير:بسم الله عليك والله اسفه صح انه مزح ثقيل بس ماقدرت امنع نفسي اسفه عشان كذا جبت شريط ثاني يضحك ارسله لي عمي من فرنسا واسمعي صوت البنات من بعد البكاء.
ساره هدت نفسها.
ساره:خلاص بسامحك بس ثاني مره تعيدينها مااعرفك ولا تعرفيني.
عبير:كل شي ولا زعل ساره حبيبتي خلاص مااسويها.
وسكتت وساره تناظر فيها وتحس انها راحت عالم ثااااني.
ساره:عبير.
عبير انتبهت لنفسها:ها ناديتيني.
ساره:اسفه بس حبيت اسألك على اللي صار لك اليوم ايش سبب جرحك.
عبير ابتسمت:ادري استغربتي والكل استغرب بس أنا كذا دمعتي على خدي بس صار لي شي أمس ماقدرت امسك نفسي وبكيت بسبب الألم وبسبب اللي صار.
وعلمتها كل اللي صار.
عبير:صح اني أحب اخوك وادري انه يحب ريم وصح اني احاول انه يحبني بس مستحيل أحقد عليها أو اكرهها وثاني شي حسيت بشعور غريب تجاه راكان بس أنا أحب أحمد بس ماراح يقبل فيني حتى راكان لأني....
ساره قامت وجلست بجنب عبير.
ساره:طيب لو قلنا ان أحمد ماراح ياخذك بس في امل ان راكان ياخذك بالذات لما قلتيلي على اللي صار حسيت انه نقدر نقول يحبك.
عبير بحزن:طيب لو ماأخذني لا أحمد ولا راكان.
ساره:احنا بحبنا لك ناخذك يكفي ان نحبك ونغليك وكل من عرفك يحبك أنتي ربي عطاك أشياء مااعطاها أحد يكفي ياعبير حبنا لك.
عبير ضمت ساره وبكت الين مانامت ونامت معاها ساره والبنات ماناموا الا الفجر.
وجا الصباح الساعه٩صحت ريم تبي تشرب مويه ونزلت تحت وكانت لابسه بيجاما ورديه دخلت المطبخ وماانتبهت لأحمد اللي كان يفطر وهو ماانتبه لها.
سحبت ريم كرسي وجلست تشرب مويه حس أحمد بأحد سحب الكرسي لف شاف ريم جالسه على الكرسي بس ماعرفها شربت ريم المويه جات تبي ترجع الكرسي انتبهت لأحمد خلت الكرسي مكانه وراحت بسرعه للغرفه انسدحت وأحمد انقهر كان يبي يكلمها بس ماحالفه الحظ وطلع فوق بيروح غرفته بالصدفه طلعت عبير وصدمت بأحمد وهو بأفكاره كان بيطيح بس عبير مسكته لا اراديا حس بنفسه وابتسم لها عبير انحرجت.
عبير:اسفه.
أحمد:عادي أنتي ساعدتيني وممكن يجي يوم اساعدك بشي.
عبير ابتسمت:شكرا.
وراح أحمد غرفته عبير نست ايش كانت تبي ورجعت للغرفه ساره استغربت منها.
ساره:وينه.
عبير جلست جنبها:راح غرفته.
ساره فهمتها ابتسمت.
ساره:ياعمري أنتي يارب يصير اللي فيه لك خير وتأخذين راكان أو أحمد.
عبير من كل قلبها:يارب(يارب أخذ أحمد يارب).
ساره:أجل يلا قومي البنات عشان نفطر برا.
عبير فرحانه:هييييي أهم شي فيها اكل برا وراحت غرفة البنات تصحيهم وتسوي ازعاج قوي انفتح باب الغرفه بقوه عبير استحت وغطت نفسها باللحاف.
أحمد يضحك:ماتخلين سوالفك كل هذا عشان تطلعين.
عبير ميتا حيا وفيها ضحكه بس ماسكتها.
أحمد:شوفي الازعاج على أصول جاب جهاز صوت قوي وشغل صوت مثل بوري السياره البنات خافوا وقاموا بسرعه وأحمد عند الباب يضحك البنات شافوه رموه بالمخده الين ماطلع.
عبير تضحك:أحسن عشان تقومون يلا بنروح نفطر برا البيت.
البنات سمعوا فيه طلعه راحوا بسرعه لبسوا عبايتهم وركبوا السياره عبير نزلت تبي تركب بس مافي مكان لأن هالمره غاده ورهام راحوا.
عبير مقهوره:وأنا اللي صحيتكم مالي مكان.
البنات يضحكون.
رهام:ليش تأخرتي تستاهلين.
عبير:أجل خلاص روحوا الله يهنيكم بروح البيت وقلبي مجروح.
ساره حست بعبير ونزلت من السياره.
ساره:خلاص روحوا أنا بجلس معها.
ضي وهدى بنفس الوقت:أجل حتى احنا بننزل.
رهام:أقول ارجعوا أحسن لكم وعبوره تجلس قدام مع ساره وانحلت المشكله.
ساره:والله فكره يلا عبوره.
وهمست بأذنها هاذي فرصه ماتتعوض.
عبير فهمت ساره بس صعبه انها تجلس قدام.
عبير:بس....
ساره قاطعتها:لابس ولا شي أنا بركب أول بعدين أنتي اركبي جنبي.
عبير ترددت بس الطلعه ماراح تتعوض فركبت وجاها سكوت مو طبيعي لأنها أول مره تركب قدام مع ولد خالتها وراحوا مطعم اسمه على الخفيف وطلبوا لهم فطور ونزلوا في حديقه فاضيه مافيها أحد والجو كان حلو وجلسوا يفطرون بعد ماخلصوا جلسوا يلعبون شوي بعدين وصلوا هدى لبيتها وراحت كل وحده بيتها بعد مااخذت أغراضها.
انسدحت ساره على السرير وهي مبتسمه تتذكر اللي صار تمنت انه تطول الأيام بس......
اختفت ابتسامتها لأنها تذكرت ان بكره مدرسه وماودها تروح.
ساره:بروح واحط حد فاصل بيني وبينها خلاص ابيها تنساني وأنا راح انساها.
نامت وهي تفكر باليوم الثاني قامت الصباح بدري استشورت شعرها وحطت قلوس وردي فاتح وكحلت عينها بكحل اسود بخفيف ونزلت تحت افطرت وراحت المدرسه بدري شافت الاء وصديقتها هنادي عند الباب راحت سلمت عليها وضمتها وجلست تسولف معها شوي بعدها راحت عند ابتسام واريج لأنهم دايم يجون بدري وسلمت عليهم والبنات مره اشتاقوا لها لأنها غابت يومين.
اريج:والله وحشتينا وخوفتينا عليك.
ساره:اسفه بس شسوي شي وصار غصب عني.
ابتسام:سلامتك وسلامة عمرك.
ساره:الله يسلمك.
اريج:غريبه جايه بدري لا ومتكشخه بعد.
ابتسام تسوي نفسها تتدلع وتقلد ساره:عشان الاء حبيبتي.
ساره:حرام عليك.
ابتسام:أقول بلا دلع اليوم الاء انسيها أنتي لنا وبس.
ساره بدلع:ولولي حبيبتي بتشتاق لي.
ابتسام:ماااافي يكفي ان الحفله ماسوينها.
شوي سمعوا صوت التفتوا شافوا هدى جات ساره راحت لها تركض وضمتها بقوه.
ساره:وحشتيني.
هدى:وأنتي أكثر.
جاوا البنات وسلموا على ساره والمعلمات قالوا انهم ماراح يعطونهم درس هذا الاسبوع كله عشان ساره وفلوها البنات واتفقوا انهم بكره يجيبون فطور بدال ذاك اليوم الحصه الثالثه جات استاذه مها نادت ساره البنات استغربوا طلعت ساره وشافت استاذه هديل ساره لفت على استاذه مها.
ساره:نعم استاذه بغيتي شي.
استاذه مها ابتسمت:لا تسلمين استاذه هديل تبغاك.
وراحت لفت ساره على استاذه هديل فتحت استاذه هديل يدها تبي تضم ساره بس انها بعدت ومدت يدها تسلم عليها استاذه هديل انحرجت وسلمت يد.
ساره:ايوه بغيتي شي.
استاذه هديل ماهي عارفه ايش تقول:ساره أنا أنا ماتوقعت انك بتزعلين بس.....
قاطعتها ساره:لا بس ولا شي خلاص بس بقولك خلاص اللي بيني وبينك انتهى مع انه مافي شي اصلن.
استاذه هديل بقهر:يعني أنتي ماتحبيني.
ساره:الا بس مو مره يعني من يوم عرفت حقيقتك وأنا غسلت يدي منك بس مهما كان ماقدرت انساك وانسى حبك لي بس الحين بنساك وبمحيك من ذاكرتي.
استاذه هديل وخانقتها العبره:طيب بس أنا احبك ومااقدر انساك انسى نفسي ولا انساك أنا احبك واموت فيك.
ساره تناظر باستحقار:أنا قلت لك وخلاص ماراح اتراجع عن كلامي باي.
استاذه هديل بتتكلم بس ساره دخلت الفصل وخلتها جات الفسحه وطلعوا البنات بس ساره تأخرت شوي بعدين طلعت لقت عند الباب استاذه هديل.
استاذه هديل:ساره ممكن شوي.
ساره وهي تمشي:مااتوقع بيني وبينك كلام.
وطلعت القاعه شافت الاء راحت سلمت عليها ومشت معاها.
الاء:الحمدلله على سلامتك خوفتيني عليك.
ساره:ياحياتي أنتي شسوي هذا قدر الله وصار.
وهم يتمشون جات استاذه هديل عند ساره.
استاذه هديل وهي تقلب نظراتها على الاء بالحقد والكره وعلى ساره بالحب والدلع:ساره ممكن شوي ابغاك.
ساره تناظر فيها باستحقار:اتوقع كلمتك بما فيه الكفايه وفهمتك خلاص مافي كلام.
استاذه هديل:بس أنا في خاطري كلام.
الاء:خلاص ساره شوفي ايش تبغى وأنا امشي معاك وقت ثاني.
استاذه هديل مسكت ساره من يدها:يلا ساره.
ساره بعدت يدها بقوه وبقرف:مااسمح لك تمسكين يدي ولا ابيك تاخذيني الاء أنا بروح معك ماابي اروح مع ناس......
وسكتت ماكملت وأعطتها نظرة استحقار وراحت مع الاء تمشي معها وهي ساكته الين ماخلصت الفسحه ودخلوا الفصول جلست ساره تسولف مع البنات وتضحك.
هدى اخذت ساره على جنب.
هدى:ساره ليش أنتي تصرفاتك مع استاذه هديل كذا.
ساره تضحك ضحكه قهر حزن ألم:والله لو تدرين ايش سوت كرهتي اليوم اللي عرفتيه فيها.
وعلمتها كل اللي سوته.
هدى:خييير بجد كريهه ولا وتبي تكلمك بعد بس زين ماسويتي.
ساره:أجل إذا جاتك اعطيها رد صريح وعلى بلاطه وطنشيها بعدها وأنا في شي بسويه عشان تعرف مين ساره اللي سوت معها كذا.
هدى خافت من اللي قالته ساره بس انها مأيدتها.
وجات الطلعه طلعت ساره مع الاء واستاذه هديل تناظر فيهم وجات عند ساره تبي تكلمها بس ساره ماأعطتها مجال لأنها ضمت الاء وودعتها وطلعت توها هدى بتطلع مسكتها استاذه هديل.
استاذه هديل:هدى تكفين سألتيها.
هدى تناظر فيها بأستهزاء:تقول لك اللي سويتيه مو سهل خلاص أ ن س ي ه ا خلاص باي.
استاذه هديل بقهر:مستحيل انساها بسهوله بعدين هذا شي عادي.
هدى اتنرفزت وبدت تعصب:إذا عندك عادي احنا لا وترى هذا اسمه شذوذ اصحي تراك معلمه.
وتركتها وراحت لأنها لو طولت راح تعصب وإذا عصبت هي تعرف نفسها انها راح تسوي شي ماتبي تسويه وراح الكل بيته دخلت ساره البيت وهي كعادتها مبتسمه دائما وسلمت على امها وابوها وراحت غرفتها بدلت ملابسها وانسدحت على السرير وتذكرت كل اللي صار وماهي ندمانه على اي شي من اللي قالته ونامت وهي تفكر ومر شهر وساره تصد استاذه هديل وهدى تساعدها.
ساره:يلا تعالي بكره بروح لازم ارتب كل شي اليوم.
هدى:طيب الحين بلبس عباتي واجيك.
بعد ربع ساعه وهدى عند ساره.
ساره تضحك:ههههه راح تتفاجئ استاذه هديل من الهدايا اكيد راح يعجبهاههههه.
هدى وهي تضحك:اكيييد أحد يصير له هدايا هالكثر ومايتفاجأ ويعجبه.
ساره تنهدت:والله مابي اسوي شي بس هي اجبرتني.
شوي صرخت بصوت عالي:لا اللي يهين احبابي ومايهتم هو اللي ينهان.
هدى ضمتها وهي مبتسمه:ايوه هاذي ساره اللي اعرفها.
ساره:ماراح اسكت على اللي سوته فيني واللي سوته في الاء.
وجهزوا الهدايا وجا اليوم الثاني وراحت ساره والبنات كعادتها المدرسه ومر اليوم عادي الين آخر الدوام راحت هدى مع ساره في السياره ولحقوا سيارة استاذه هديل الين بيتها لما تأكدوا انها دخلت حطوا اكياس الهدايا عند الباب وراحوا بعد ماضربت ساره الجرس ووصلت ساره هدى لبيتها وراحت هي البيت جات سونا شغالة استاذه هديل وفتحت الباب ودخلت الهدايا شافت اسم استاذه هديل ونادتها.
سونا بصوت عالي:مدام هديل مدام هديل.
نزلت استاذه هديل:نعم ايش فيه.
سونا:مدام أنا شوف اسم انتا على هذا كيس ممكن هذا حق انتا.
استاذه هديل:اوكي طيب وديهم غرفتي.
سونا:اوكي مدام.
وراحت استاذه هديل المطبخ جابت لها اكل وراحت غرفتها وجلست تتفرج على الهدايا.
استاذه هديل في نفسها:كاني شفت هالهدايا من قبل بس مدري وين.
شوي طاحت من هديه كانت شايلتها ورقه فتحتها انصدمت وحست الدنيا تدور فيها مسكت نفسها وكملت تقراء الرساله وهي جالسه على سريرها حطت وجهها على المخده وبكت الين مانامت.
ساره كانت عند ضي.
ساره:ايش تتوقعين ردة فعلها.
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك