رواية ساره وصراع الحب -9
استاذه هديل في نفسها:كاني شفت هالهدايا من قبل بس مدري وين.
شوي طاحت من هديه كانت شايلتها ورقه فتحتها انصدمت وحست الدنيا تدور فيها مسكت نفسها وكملت تقراء الرساله وهي جالسه على سريرها حطت وجهها على المخده وبكت الين مانامت.
ساره كانت عند ضي.
ساره:ايش تتوقعين ردة فعلها.
ضي تقلد استاذه هديل مع انها ماعمرها شافتها بس تستهبل.
ضي:ساره حرام عليك ليش تسوين فيني كذا أنا احبك أنا احبك هئ هئ هئ.
وتضحك ساره ضحكت وقربت عند ضي.
ساره:خليني ابوسك أنا احبك.
ضي طاحت على الأرض من كثر ماضحكوا ومر اليوم سريع وجا اليوم الثاني راحت ساره وهدى بدري غير عادتهم الا بدخلة ساره وهدى استاذه هديل توها داخله وهي معروفه بعبايتها اللي منقشه باللون الفوشي وشافت ساره وراحت لها.
استاذه هديل:ساره.
ساره لفت شافت استاذه هديل رجعت لفت وكملت طريقها جات استاذه هديل مسكتها وضمتها.
ساره:ابعدي قرف.
استاذه هديل انصدمت وبعدت.
استاذه هديل:ليش ياساره تسوين فيني كذا ليش.
ساره:أنا ايش سويت ماسويت شي.
استاذه هديل:طيب ليش ترجعين الهدايا لي ليش واصلن شلون عرفتي بيتنا.
ساره:واو جاتك الهدايا ايش رايك فيهم حلوين صح.
وضحكت وكملت:اعطيه اللي تبينه أنا ماعاد احتاجها وماابيها دام انها منك.
استاذه هديل:أجل حتى أنا راح ارجع هداياك ماعاد ابيهم.
ساره تضحك:بتجيبينها المدرسه ولا بيتنا ههههه ماابيهم اصلن خساره اللي يخسر نفسه عشانك ولا أقول ابيهم عشان اعطيها اللي يستاهلها اي عرفت بعطيها الاء.
استاذه هديل مقهوره:قصدك الزفت.
ساره عصبت:أقول تراك زودتيها إذا سمعت سيرة الاء على لسانك لاتلومين الا نفسك ترا عمري ماكلمت أحد بهالطريقه بس انسانه وقحه مثلك تستاهل كل شي يجيها أقول خليني اروح بس وحده مثلك ماتستاهل أحد يكلمها.
وراحت حتى ماأعطت استاذه هديل مجال تتكلم.
محمد مر على رغد وراحوا يفطرون برا.
محمد:ايش رايك.
رغد:روووعه تسلم حبيبي.
محمد:ياعمري وحياتي وروحي ودنيتي وحبي وجنوني وعشقي وغرامي وهيامي وفدوتي وعيوني أنتي.
وباسها من خدها ورغد حمر وجهها مررره.
محمد:ياعمري على اللي يستحون.
رغد بحيا ودلع:محمد تراني والله استحي.
محمد:اموت أنا على اللي يستحون الله يستر لا اتهور واخلي الزواج بكره.
رغد:لا تكفى.
محمد:ليش ماتبيني.
رغد بدلع:لو مااحبك ماقلت لك حبيبي.
محمد:يابعد عمري أنتي أجل بكره.
رغد:مو على كيفك.
محمد:مو أنتي قلتي انك تحبيني.
رغد بدلع:اموت عليك وفيك.
محمد:خلاص رغوده حبيبتي يوم الخميس زواجنا.
رغد:مو أنت قلت أكمل دراستي هالسنه ونتزوج.
محمد:طيب غيرت رأيي.
رغد:أجل طحت من عيني.
محمد:لا خلاص خلاص رجعيني لعيونك خلاص كملي دراستك بس هاذي السنه بس.
رغد تضحك:الحين رجعت لعيوني.
محمد:عيوني أنتي.
وباس عيونها.
محمد:رغوده حبيبتي في شي شفته وعجبني ابي رايك فيه.
رغد:إذا عجبك اكيد راح يعجبني.
محمد:أجل خلينا نروح ونشوفه.
رغد:يلا.
وراحوا محل دخلوه وراحوا قسم ملابس النساء ورغد طول الوقت ماتدري عن شي في بالها انه بيشتري شي لاحد ويبي ياخذ رايها الا طلع لها ملابس حمراء شفافه مره وفيها فتحات كثيره اللي يغطي من الملابس الصدر بس وكلسون شفاف الين الفخذ ووراها اياه.
محمد:ايش رايك.
رغد تمنت الأرض تنشق وتبلعها من الحيا بلعت ريقها وتكلمت تبي تتأكد لمين.
رغد خايفه ومرتبكه:حلو بس لمين.
محمد ابتسم:لك ياحياتي.
رغد كأن أحد جا وصب مويه بارده عليها تبي تضيع السالفه عشانها منحرجه.
رغد خايفه ومرتبكه:في أحسن منه.
محمد:طيب هذا.
وطلع لها ملابس سوداء ضيقه مره وشفافه فيها فتحه كبيره من الصدر وفتحات يوصل الين الفخذ وفيه فتحه من الجنب الين الخصر وفيه فتحات رغد فيها بكاء.
رغد:بس هو.....
محمد قاطع كلامها:رغد إذا مو عاجبك اختاري أنتي ماراح اجبرك.
رغد ماتعرف شلون تفهمه بس مسكت نفسها عشان مايحس فيها.
رغد:أنا شريت مو لازم اشتري مره ثانيه.
محمد ماحب يجادلها:اوكي أجل يلا نطلع بس باخذ كم لبس ونطلع.
رغد:اوكي مافي مشكله.
واشترى كم لبس وقال لرغد تروح السياره وهو راح يحاسب وراح ركب السياره مر على محل ورد اشترى ورده حمراء لرغد واعطاها الورده ووداها البيت وراح.
ومرت الأيام واستاذه هديل شوي شوي بدت تبعد عن ساره الين مابعدت واعتذرت لها وصارت أحسن من أول وبطلت حركاتها اللي كانت تسويها وصار اللي بينها وبين ساره شي عادي وصاروا صديقات وعلى أيام المراجعه نقلت استاذه هديل بس انها مع ساره يتقابلون كل بين فتره ومرت أيام المراجعه وسووا حفل التخرج وحضر كل أهل ساره البنات والكل ودع الثاني بطريقته الخاصه ومرت أيام الاخبارات الهم وكل على حاله ماتغير والكل نجح وبقى يومين على زواج رغد واشتروا نفس الفساتين لون ابيض واحمر واتفقوا انهم يصيرون نفس بعض الا غاده ورهام مايبون نفس البنات وجلسوا البنات عند رغد يسوون بروفه لزفتها.
البارت التاسع عشر
ومرت الأيام واستاذه هديل شوي شوي بدت تبعد عن ساره الين مابعدت واعتذرت لها وصارت أحسن من أول وبطلت حركاتها اللي كانت تسويها وصار اللي بينها وبين ساره شي عادي وصاروا صديقات وعلى أيام المراجعه نقلت استاذه هديل بس انها مع ساره يتقابلون كل بين فتره ومرت أيام المراجعه وسووا حفل التخرج وحضر كل أهل ساره البنات والكل ودع الثاني بطريقته الخاصه ومرت أيام الاخبارات الهم وكل على حاله ماتغير والكل نجح وبقى يومين على زواج رغد واشتروا نفس الفساتين لون ابيض واحمر واتفقوا انهم يصيرون نفس بعض الا غاده ورهام مايبون نفس البنات وجلسوا البنات عند رغد يسوون بروفه لزفتها.
جا يوم الزواج وكان الكل مستعد وفرحان ورغد فرحانه بس متوتره وجات زفتها صايره روعه مره فستانها لونه ابيض من فوق عند الرقبه شكله مثل الملابس الصينيه وفتحه من الصدر كبيره وتسريحتها روعه ومسكتها مروحه صينيه من أطرافها كرستالات وفي نهاية المروحه كرستالات طويله وفيها ورد طبيعي صغار احمر وابيض قبل ماتدخل انفتح الباب وطار حمام على داخل الصاله وراح عند الكوشه في مكان خاص للحمام وبدت موسيقي هاديه ورومنسيه دخلت عبير ومي وريم ورهام وراحوا عند المسرح ورقصوا رقصه هاديه على الموسيقى تدربوا عليها شوي طلع من الباب مثل الدخان وطلعوا باقي البنات في وسطهم رغد وماسكين صناديق لونها احمر وابيض لما وصلوا نص الجسر نص البنات قدام رغد والباقي ووراها وطول ماهم يمشون ينزل من فوق فقاعات وورد احمر وابيض لما وصلوا الكوشه وقفوا صف واحد وفتحوا الصناديق كان فيها ورد طبيعي احمر وابيض وفلوس جات رغد وكانت فرح لابسه مثل البنات جات رغد وأعطتها المسكه وراحت عند البنات راحت عند ساره واخذت من اللي في الصندوق قد ماتقدر وتنثره على الحاضرين الين ماخلصت من كل الصناديق جلست على الكوشه وكانت على حركة الصين وجاوا سلموا عليها وأتصوروا معاها وقاموا يرقصون وفالينها جا وقت العشاء
وكالعاده أهل العروسه والمعرس لهم مكان خاص في العشا وتعشوا وبعدها سلموا على رغد وراحت مع زوجها للفنذق لما وصلوا دخلت رغد الفندق ومحمد تحت جاب العشا وراح عند رغد.
محمد:الحمدلله ياحياتي الحين صرنا مع بعض وماراح يفرقنا شي ان شاءالله غير الموت والله ماتتصورين قد فرحتي اليوم.
رغد مستحيه من محمد:حتى أنا والله فرحانه بوجودك معي.
محمد:الله يجعل الفرحه دوم.
رغد بحيا:وياك.
محمد:أجل خلينا نتعشى وننام.
رغد خافت:لا ماراح انام معاك.
محمد:ليش ياحياتي ماصدقت يجي هاليوم عشان انام بجنبك تقولين مابي.
رغد بكت:لا مابي مابي ابي اروح بيتنا مابي تلمسني لا.
محمد فهمها وتفهمها جا وضمها.
محمد:خلاص ياعمري لاتبكين دموعك غاليه علي خلاص أنتي نامي بالسرير وأنا بالكنب.
رغد:لا أنا بنام بالكنب.
محمد:راح يتعبك.
رغد:لا عادي.
راحت اخذت لحاف من السرير ومخده صغيره بدلت ملابسها لبست بجامه حرير ونامت ماامداها تغمض عينها حست بالخوف شافت محمد لقته نايم راحت بجنبه بهدؤ ونامت.
اما عند البنات فله ورقص ووناسه طبعا نسيت اقولكم ان العنود بدت تتغير طال شعرها وحركاتها بس دجتها ماخلتها طلعت الحوش تنتظر اخوها عشان بيعطيها شريط اغاني البنات يبونه وهي تنتظر دخل سعد وهو كان يبي امه توه رفع الجوال بيتصل شافت ظل توقع انها امه والعنود لما شافت الظل توقعت انه اخوها ومسكته من يده وسحبته وفي يدها الثانيه جوالها وكانت مشغوله فيه.
العنود:وجع ساعه عشان تجيب شريط يلا عطني اياه.
سعد ساكت ماقدر يتكلم.
العنود:أقول لاتسوي فيها دلع بسر......
رفعت رأسها وماكملت كلامها سعد لما انتبه لنفسه وتأكد اللي قدامه العنود تكلم.
سعد:اسف كنت انتظر أمي توقعتك هي.
العنود مرتبكه ومستحيه:أنا اللي اعتذر توقعتك اخوي.
سعد ابتسم:تصدقين انك طالعه حلوه اقري على نفسك ياعمري.
الكلمه طلعت بدون قصد وارتبك ونزل راسه.
العنود ارتبكت زياده من الكلمه وماتت حيا:تسلم هذا من ذوقك.
سعد:اسف مقدر أطول اشوفك مره ثانيه ان شاءالله باي.
العنود:باي.
دخلت على طول راحت عند ساره وضي لأنهم كانوا جالسين مع بعض جات العنود وضمت ساره وضي وهم استغربوا من العنود.
ساره:عنوده حياتي ايش فيك.
العنود:شفته شفته وهو شافني.
ساره:مين.
ضي ضحكت:اكيد سعد.
العنود:اي بس ماتدرين ايش صار.
ساره وضي بنفس الوقت:وشو.
العنود علمتهم بالسالفه.
ساره:واو ياليتني التقي بخالد ويصير شي حلو.
ضي تضحك:ياااااارب.
البنات جلسوا يضحكون ويسولفون.
ساره:بنات والله جعت مين يجي معاي.
ضي والعنود مايبون يقومون وراحت ساره لحالها وهي مقهوره وتتكلم مع نفسها وهي داخله غرفة الطعام ماانتبهت لدرجتين صغار عند عتبت الباب شوي بتطيح في الأرض ماحست الا بشخص يضمها حست ان الشخص مو من البنات وحست بإحساس غريب رفعت رأسها الا شافت خالد بعدت عنه بسرعه.
ساره شوي بتبكي:اسفه والله ماكنت ادري.
خالد:أنا اللي اعتذر ماكان قصدي بس ماقدرت امسكك الا كذا لاني كنت عند الباب الا على فكره بسم الله عليك طالعه قمر اليوم.
ساره هدت واستحت:تسلم حيا....
وسكتت ولفت بسرعه تبي تطلع وطلعت من الباب الثاني بالغلط اللي يطلع على الحوش وحست انها صدمت شخص.
ساره:آي اسفه.
رفعت رأسها شافت فيصل.
فيصل:شكلك مره حلو غرت عليك.
ساره حاولت تهرب بس صار الجدار وراها وفيصل ماعطاها مجال تهرب.
ساره:بعد عني.
فيصل يقرب من ساره:أحد يشوف قمر ويخليه يروح.
وصار يقرب زياده الين ماصار وجهه بوجهها وانفاسه بوجه ساره وحط يده على خصرها وساره مغمضه عيونها.
فيصل:ماتدرين ايش قد احبك واعشقك واهواك واموت فيك ساره أنتي لازم تحسين فيني ساره أنا احبك.
ساره:أنا اكرهك اكرهك بعد عني.
ساره تتكلم وهي شوي بيغمي عليها.
فيصل:ساره أنا.....
توه بيكمل كلامه الا سمع صوت أحد جاي.
فيصل:اشوفك وقت ثاني ولي معك كلام.
وراح بسرعه ساره طاحت على الأرض بس قامت بسرعه وراحت عند ضي العنود ماكانت موجوده وساره تبكي.
ضي:ساره حبيبتي ايش فيك.
ساره صوتها كله بكاء:ابي ارجع البيت خلاص.
ضي:خلاص بكلم السواق ونروح.
اتصلت ضي على السواق وراحوا بيت ساره في غرفة ساره.
ضي:ساره حياتي ايش فيك.
ساره ماردت لأنها تبكي سكتت ضي الين ماهدت ساره.
ساره:فيصل يا ضي فيصل.
ضي:ايش فيه.
علمتها ساره بكل اللي صار مع خالد وفيصل.
ضي:الله ياخذه الحقير ليش يسوي كذا.
ساره:خلينا منه بس تكفين نامي عندي الليله.
ضي:خلاص بنام عندك.
ونامت عند ساره في القصر غاده ورهام كانوا طالعين الحوش ويسولفون.
غاده:اشتقت لفراس ابي اشوفه.
رهام وهي رايحه مع أفكارها ماردت.
غاده:رهام ايش فيك تراني اكلمك.
ماردت عليها غاده شافت وين هي تناظر شافت فارس.
غاده:أقول شفتي اللي تبين ونسيتيني بروح ادور فراس يمكن اشوفه.
غاده دخلت وراحت غرفة الطعام وحطت لها حلا وجلست تاكل ورهام لما انتبهت ان غاده راحت قامت تبي تلحقها بس فارس مسك يدها.
فارس:وين رايحه حتى مافي سلام ولا حتى كلام اخبارك.
رهام مرتبكه ومستحيه:الحمدلله.
فارس:بصراحه طالع شكلك روعه اليوم.
رهام وجهها حمر من الحيا:عيونك الحلوه وأنت بعد شكلك حلو بالثوب.
فارس:قلت لنور القمر سلم لي على حبيبي رجع لي مكسوف وقال حرام عليك نورها اعماني ولا قدرت اكلمها.
رهام ميته حيا وماهي عارفه ايش تقول.
فارس ضحك:يلا حياتي اشوفك مره ثانيه ان شاءالله اوه اسف طلعت مني غصب شفتي حتى أنا ممكن اغلط يلا ياحلوه باي.
رهام:باي.
فراس مشى يبي يطلع بس رجع استغربت رهام جا همس في اذنها.
فارس:قولي لغاده تبطل حركات غيرتها ولا ترى فراس بيسوي شي مايحب يسويه.
وطلع رهام صنمت مكانها اما عند غاده وهي جالسه تاكل دخل فراس وشاف غاده توقعها ذكرى لأن ذكرى وغاده يشبهون بعض من ورا واللي يزيد الشبه ذكرى صبغت مثل صبغة غاده جا وحط يده على كتف غاده وغاده ارتبكت.
فراس:مساء الخير لاحلى طير..مساء الحب لاحلى قلب..مساء يعطر الدنيا بجمالك ولا أحد غيرك ساكن بالقلب..
غاده تجمدت مكانها وعرفت انه فراس.
فراس:ايش فيك ماتدرين أقول ماودك تعطيني من الحلا شكله جنان مثلك.
وغاده خايفه ومرتبكه ومصدومه وماردت فراس مسك رقبة غاده بيده الثنتين لأنه يعرف ان ذكرى ماتحب هالحركه.
فراس:ذكرى ايش فيك ماتدرين ولا زعلانه مني عشان أمس.
وضحك غاده حاولت تتكلم.
غاده:ذكرى داخل.
فراس ارتبك لأن الشخص اللي ماسكه مو ذكرى واستغرب لأنه يعرف ان ذكرى ماتحب هالحركه انها ماتحركت بعد يده وعرف انها غاده.
فراس:اسف توقعتك ذكرى.
غاده قامت تبي تطلع فراس مسكها بيدها.
فراس:وين رايحه يوم شفتيني تروحين وتخليني.
غاده بحيا:تبي شي.
فراس:اي ابيك ابي اسولف معاك.
غاده فرحانه لأنها شافت فراس وقال يبي يسولف معها.
غاده:هذا أنا موجوده ايش تبي تسولف.
فراس:تصدقين اليوم طالعه قمر.
غاده:شكرا عيونك الحلوه.
فراس كان بيده ورده حمراء كان بيعطيها ذكرى بس اعطاها غاده.
فراس:هاذي مني لك.
غاده حمر وجهها.
فراس ضحك:ياعمري أنا على اللي يستحون يلا ماأطول عليك اخاف أحد يجي ويشوفني.
غاده:اوكي ومشكور على الورده.
فراس وهو طالع:الجايات أحسن ان شاءالله.
طلع وهو يضحك بعدين تذكر شي ورجع وغاده توها بتطلع من الباب مسك يدها وصارت غاده قدام فراس معطيته ظهرها همس فراس بأذنها.
فراس بهمس:غاده سديم ابعدي عنها وابعدي غيرتك الزايده عنها هذا اللي بقولك اياه الحين وراح يجيك كلام غيره بس انتظريه.
بعد يده وطلع وهي جمدت مكانها من الصدمه حاولت تمسك نفسها وطلعت.
راحت مكان ماتركت رهام شافتها وراحت عندها بنفس اللحظه تكلموا.
غاده ورهام:جا فراس-فارس وكلمني.
ناظروا بعض باستغراب وسكتوا.
رهام:جاك فراس.
غاده:ايوه.
وعلمتها بكل اللي صار ورهام قالت لها اللي صار معاها.
رهام:غاده خلاص خليهم بحالهم إذا ماتبين فراس يسوي لك شي.
غاده بقهر:مقدر يارهام مقدر اغار.
بعدها قاموا ودخلوا.
ركان دخل الحوش كان ينتظر أخته عشان يروحون البيت في نفس اللحظه طلعت عبير تركض وهي تضحك وصدمت راكان وطاح وطاحت فوقه عبير ارتبكت تبي تقوم وراها مويه طاحت مره ثانيه فوقه قام راكان ومسك يد عبير ووقفها.
راكان:فرصه سعيده اني شفتك مره ثانيه.
عبير مرتبكه وفيها بكاء وكلامها متقطع.
عبير: اسفه أنا... ما..ركضت و...اسفه.
وبكت راكان مره حنون مايحب يشوف دمعة أحد لا اداريا ضمها ومسح دمعتها.
راكان:عبير خلاص لاتبكين هذا شي وصار.
عبير جاها احساس غريب وهدت شوي.
عبير:يعني مازعلت مني لاني خربت....
قاطعها راكان:لا مازعلت ها خلاص ما عاد ابي اشوف دموعك.
عبير ابتسمت:طيب.
راكان ابتسم:شاطره أجل روحي وأنا بطلع اخاف أحد يجي ويشوفك لاني انتظر هدى تطلع يلا باي.
عبير:باي.
راكان:باي.
وتركها ودخلت القصر عند البنات وهدى طلعت وراحت البيت والبنات في القصر رقص وفله ماطلعوا الا الفجر وراح كل واحد بيته وناموا
لعيونكم راح انزل بارتين وراح اطولهم قدر ماقدر
لاني بالاجازه ماراح اقدر ادخل وانزل بارتات سامحوني
واتمنى لكم اجازه سعيده
البارت العشرون
جا الظهر صحا محمد استغرب لما شاف رغد جنبه ابتسم وباسها من خدها وصحيت ابتسمت لما شافت محمد.
محمد:صباح الخير.
رغد:صباح النور.
محمد:ها شبعتي نوم.
رغد:ايوه بس جوعانه.
محمد:أجل يلا قومي بدلي ملابسك ونفطر مع بعض.
رغد:يلا.
وقامت بدلت ملابسها وافطرت وبعد الفطور طلعت مع محمد أخذوا الفستان من المغسله عشان الحفله في الليل عندنا نسميها صباحيه وراحت المشغل وخلصت العصر واخذها محمد ورجعوا الفندق أول ماشافها محمد ذاب عليها كانت لابسه فستان ذهبي ماسك من الصدر وعلى الكتف اليمين سلاسل ذهبيه ومن الخصرورده ذهبيه نازل فيها كرستال ذهبي الفستان طالع روعه على رغد وهي محليته زياده.
محمد:شكلك روعه ياحياتي.
رغد بحيا ودلع:عيونك الحلوه.
محمد:مايصلح تروحين وانتي عندي اغار.
رغد تضحك:خلاص اليوم وراح أكون معك كل الأيام.
محمد:ياعمري أنتي وباسها من شفايفها ورغد حمر وجهها صارت طماط وشغل اغنيه هاديه مره ورقص مع رغد والبنات كالعاده تجهزوا ولبسوا نفس اللبس كلهم الا غاده ورهام غير الكل مع رغد جا المغرب للاستراحه وجاوا المعازيم العشاء وبدوا الرقص والوناسه لما جات الساعه ١٠بدت زفة رغد على موسيقى والكل لابس نفس لون ملابس رغد والكل مجتمع على رغد ومسوين دائره عليها العنود وساره وضي وهدى كل وحده ماسكه عامود فوقه مثل القماش مسويه لرغد حركة المظله لونها ذهبي ومن الأطراف نازل كرستالات ذهبيه وباقي البنات سهام وامجاد وريم ومي وعبير وسديم وفرح ماسكين صناديق ذهبيه وزوايا الصندوق لون بني ونازل من أطراف الصندوق كرستالات ذهبيه صغيره لما وصلوا للكوشه تكلمت المغنيه.
المغنيه:هذا اهداء خاص من العروس للي أقول اسمها تجي وتأخذ هديتها.
أول شي نادت أم رغد وجات سلمت على بنتها وتبكي لأنها ماكانت تدري عن شي وان رغد جهزت الهديه.
أم سعد:ليش يابنتي كلفتي على نفسك.
رغد وهي تضم امها:أنا كم عندي أم يالغاليه.
أم سعد:الله يخليك لي يابنتي.
واخذت هديتها وراحت بعدها نادت أم محمد وسلمت عليها وهي تبكي.
أم محمد:تسلمين ياعمري والله كلفنا عليك وأنتي عروسه المفروض احنا اللي نهديك.
رغد:إذا مااهديتك ياخالتي مين اهدي.
وسلمت عليها واخذت هديتها وراحت بعدها أم فهد وأم راكان وأم عبدالله وأم فيصل والاخيره عطتها منى صديقتها الروح بالروح وصديقتها من أيام الطفوله.
رقصوا البنات ورقصت رغد معاهم وجلسوا إلى الفجر ورغد معهم بعد الفجر راحت مع محمد المطار وسافروا ماليزيا شهر العسل والبنات راحوا بيتهم وناموا.
جا اليوم الثاني صحت ساره الظهر وهي طفشانه مره اتصلت على ضي ماترد اتصلت على هدى ماترد والعنود ماترد نزلت تحت شافت امها وابوها سلمت عليهم وجلست.
أم فهد:هلا والله ببنيتي ايش فيك زعلانه.
أبو فهد:وش فيه القمر زعلان.
ساره:والله طفشت من البيت.
أم فهد:طيب اتصلي على البنات واطلعوا.
ساره:اتصلت بس ماأحد يرد وبعدين طفشت من الطلعات ماابي الرياض ابي نسافر.
أبو فهد:وين تبين نسافر.
ساره:بصراحه أمس وأنا اشوف التلفزيون جا وقت الآذان وشفت الكعبه واشتقت اروح لها.
أبو فهد:والله فكره حلوه ونزور بالمره المدينه.
أم فهد:أجل عزمت.
أبو فهد:توكلنا على الله.
ساره:بس بشرط نروح جده والطايف ونجلس اسبوع في كل منطقه.
أبو فهد:كم ساره عندي تطلب.
ساره:تسلم يااحلى اب في الدنيا.
راحت باست رأس امها وابوها وراحت تتصل على البنات اتصلت على ضي في البدايه ماترد ضلت تتصل على ضي الين ماردت ضي وصوتها كلها نوم.
ضي:الو.
ساره:ضي صحصحي صحصحي في مفاجئه حلوه.
ضي صحصحت:ها ايش وشو المفاجئه.
ساره ضحكت:بنسافر بس هالسفره غير.
ضي:طيب وين بنسافر.
ساره:مكه والمدينه وجده والطايف.
ضي:طيب اتصلتي على البنات.
ساره:لا توني اتصلت عليك ابيك تساعديني أنتي اتصلي على العنود وريم وأنا الباقي.
ضي:اوكي يلا باي.
ساره:باي.
واتصلوا على البنات وأبو فهد اتصل على الرجال وأم فهد على الحريم واتفقوا انهم يسافرون بعد ثلاث أيام.
البنات على طول راحوا السوق عشان يشترون اللي يحتاجونه للسفر راحت ضي وساره والعنود مع بعض دخلوا محل بجامات ضي والعنود اشتروا لهم وطلعوا ينتظرون ساره ساره وهي تختار شافت بيجامه أعجبتها التفتت شافت اخوها كان معطيها ظهره جات ساره مسكت يده وسحبته.
ساره:فهد ايش رايك بالبيجامه.
ساره استغربت انه مارد شافت انه مو اخوها بعدت يدها طلع خالد لما شافها ابتسم.
خالد:ايوه حلو وعليك اكيد احلى.
ساره استحت:صدق تسلم.
خالد:في وحده حلوه تبين تشوفينها.
ساره:ايوه وينها.
خالد مسكها بيدها وطلع لها البيجامه لونها وردي وموف.
خالد:ايش رايك فيه.
ساره:روعه خلاص باخذ الاثنين.
وطلع خالد لها ثانيه احمر وابيض.
ساره:واو باخذهم كلهم.
خالد:أجل أنا الحين بطلع لايشكون فيك يلا باي.
ساره:باي.
قبل مايطلع أرسل لها بوسه في الهواء وطلع حاسبت ساره راحت عند البنات.
ضي:ايش فيك تأخرتي.
ساره تضحك:لو كنتي بمكاني كان ماطلعتي خير شر.
العنود:ليش ايش صار.
ساره:هههه ولا شي بس الملابس أعجبتني واحترت ايش اختار عاد أنا أحب البيجامات وإذا دخلت محل اجلس ساعه محتاره.
العنود:وجع توقعت شي أو أحد.
ساره:يعني مين يكون أقول ماودكم نكمل مشي.
البنات:الا يلا نروح.
وراحوا البنات كملوا مشترياتهم والحريم جهزوا الأغراض ومشوا يوم الخميس راحوا المدينه الكل كان فرحان ومستانس اما رغد ومحمد كل يوم طلعه وتمشيه.
محمد:تصدقين يارغد كنت كل يوم احلم بهذا اليوم وصار حقيقه وهي أجمل أيام حياتي.
رغد:حتى أنا كنت دايم بالحلم أتخيل هذا اليوم اللي نكون أنا وأنت مع بعض.
محمد:أجل بمناسبة هذا اليوم بعطيك شي بس اتمنى انك ماتزعلين.
رغد:كل شي منك حلو.
محمد ابتسم وباسها من خدها وجاب لها صندوق احمر متوسط واعطاها اياه فتحت رغد الصندوق وابتسمت.
رغد:شلون شريته وأنت ذاك اليوم رجعته.
محمد:بعد ماركبتي السياره عشان احساب رحت وأخذته وحطيته في الصندوق.
رغد ابتسمت وقامت اخذت اللبس اللي لونه احمر اللي طلعه محمد لرغد في المحل ولبسته وراحت عند محمد ومر اليوم بليله رومنسيه حلوه.
وصلوا المدينه الظهر راحوا فندق بجنب الحرم أخذوا شقتين وكل شقه فيها غرفتين الشقه الاولى غرفة للبنات وغرفة للحريم والشقه الثانيه غرفة للرجال وغرفة للاولاد وتحتهم أسواق كثيره وجهة الحرم من الشمال أسواق كثيره قبل العصر بساعه راحوا الحرم الرجال بقسم الرجال والحريم بقسم الحريم وجلسوا الين العشاء وهم جالسين اتصل عليهم خالد عشان يزورون قبر الرسول صلى الله عليه وسلم وراحوا البنات والحريم سلموا على الرسول ودعوا ورجعوا مكانهم بعد العشاء طلعوا في الأسواق اللي بجنب الحرم اللي يتفرج على الأسواق واللي اشترى واللي رجع الفندق وراحوا الأسواق اللي تحت الفندق مارجعوا الا الساعه ١للفندق.
ساره:واو وناسه احس رجعنا أنا زمان مع هالاسواق.
ضي:اي والله صادقه.
ساره:ليت هدى معنا هي امنيتها انها تشوف المدينه ومكه بعينها.
ضي:طيب ليش ماجات.
ساره: عندهم زواجين لاهلهم.
ضي:اها طيب قلتي لها.
ساره:ايوه اكيد.
ضي:طيب ماقالت بعد الزواج انها راح تجي.
ساره:ماادري عنها أمس زواجهم الأول واليوم الثاني وبعدها بيسافرون تركيا.
ضي:قهر والله.
ساره:اي والله أقول خلينا ننام لأن بكره بنتمشى.
ضي:يلا.
وناموا الكل صحا الصباح الساعه٩وطلعوا من الفندق وراحوا يتمشون مروا على جبل أحد وجبل الرماة وشافوا مقبرة البقيع ومروا على الخندق ومروا على مناطق اثريه كثيره مارجعوا الا الساعه١١وطلبوا من مطعم البيك وتعشوا وناموا من التعب صحا الكل الصباح الساعه١١ وطلعوا يكملون تمشيتهم ومروا على مهرجان دخلوا فيه وفلوها وهم يتمشون وقفوا يشترون لهم سلاش وفشار واللي تشتري ايس كريم واللي ذره البنات اشتروا وراحوا خلوا العنود وهي محتاره ايش تشتري صدفه جا سعد يبي يشتري شاف العنود قرب عندها.
سعد:العنود البنات راحوا عنك.
العنود استحت:بس محتاره ايش اشتري.
سعد:طيب أنا اقولك ايش تشترين.
سعد طلب سلاش وفشار وايس كريم وذره وكريسبي واعطاها اياه.
العنود:كل هذا أنا مابي الا شيئين.
سعد:وأنا شريت كل هذا عشانك.
العنود استحت:طيب توهقت فيه ايش اكل وايش اخلي.
سعد:أنا اقولك كلي الايس كريم أول وبعدها البطاطس وبعدها الذره وبعدها السلاش مع الفشار وأنا راح اساعدك.
العنود ارتكبت:تساعدني في ايش.
سعد ضحك:في الاكل.
العنود:بس اخاف أحد يشوفنا.
سعد:لاتخافين وإذا سألوك قولي ضيعت.
العنود:خلاص طيب.
وجلس ياكل معها ويأكلها وهي تأكله لما خلصوا اتصلت ساره على العنود.
ساره:عنيده وينك تعبنا واحنا ندور عليك.
العنود تسوي نفسها خايفه وشوي بتبكي:انتوا رحتوا وخليتوني.
ساره:طيب وينك ايش اللي بجنبك.
العنود:مسرح الطفل.
ساره:خلاص احنا قريبين راح نجيك يلا باي.
العنود:باي.
سعد:أجل بروح لا يسوون لي سالفه باي.
العنود:باي.
سعد وهو رايح أرسل لها بوسه في الهواء وراح.
خالد:وينك تأخرت.
سعد:شسوي فيكم انذال تروحين وتخلوني ضايع.
أحمد:أقول تعال بس نكمل تمشيه.
سعد:يلا.
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك