رواية هدمت حياتي بيديك وجاي تقول ندمت -115
قراء رسالتها
ونزل جواله وهو مخنووووووووووووووق
كان كل يوم ينتظرها
بس هي قالت له يعيش حياته قالت له ينساها هي مايترجع له
حس انه يختنق ويختنق
ماقدر الا يقوم
ويطلع لفوق ويدخل غرفته
ويطلع شنطته
ويحط ملابسه فيها وهو ناوي يرحل خلاص
ناظر بالغرفه واستعادت الذكريات
وطفى ضوها وطلع وراح لغرفه ريماس
وشافها وهي نايمه
قرب منها وجلس وهو مخنوق
خلاص مايقدر يتحمل الفله اللي تحملها كثير على امل ترجع احساس
بس هالامل مات وانتهى
رامي وهو يرفع راسها:رموسه حبيبتي رموس
فتحت عيونها وهي تفركهم بطفوله وتناظره
رامي:قومي احنا بنسافر
ريماس:وين
رامي قومي بعدين اعلمك بنروح مكان مره حلو
ريماس:وماما
رامي تغيرت ملامحه:قومي
قامت معاه وغسل لها وحط ملابسها بشنطه
وشالها وهي بس تناظره
وطلعو من الفله
طلع من الحلم اللي انتظره يرجع
لف للفله وناظرها للمره الاخيره وهو متاكد انه مابيرجع لها مره ثانيه وابتسم بحزن
ريماس:خالو ليه زعلان
رامي باس خدها وهو يقولها وكانها تفهمه:خالك قلبه تعبان ياخالي
ومشي وركبها السياره وركب
وحرك وهو يقول لريماس وهو يسلي نفسه بانها تفهمه:الحين بنروح لرحله طويله طويله كثيييييييير
بسياره عادل واماني
اماني:من جد ماتوقعتها منك
عادل:اجل وش توقعتي عقب اللي صار هاه
اماني:بس مهما كان هذا ابوك انت شفيك ماتفهم
عادل:اماني قلت لك لاتتدخلين
اماني بعصبيه:كيف ماتدخل وانا جالسه اشوف عادل الاولاني جالس يرجع
عادل وقف السياره وهو يركز على كلمتها عادل الاولاني جالس يرجع وحط راسه على الدركسون:طيب شسوي
اماني:ارجع حبيبي وتسامح من ابوك
عادل:بس
اماني :عادل هاذا ابوك
عادل رفع راسه وشغل السياره ولف وهو راجع لطريق بيتهم
اماني مسكت يده وهو تضغط عليها:اموت فيك
عادل:وانا اموت فيك
وصل لبيتهم ونزل
اماني:انا بنتظرك هنا
عادل:طيب
وظلت بالسياره وهو دخل
وماكان احد بالصاله
راح لمكتب ابوه ودق الباب
ابو عبدالمجيد:ادخلي بشاير
عادل وهو يفتح الباب:مايصير عادل
ابو عبدالمجيد رفع راسه ناظره ورجع يكمل اوراقه:حياك
عادل دخل وسكر الباب وهو حاس بزعل ابوه ومو عارف كيف يراضيه
قرب منه وباس راسه وهو يقول:حقك على راسي يالغالي
ابو عبدالمجيد:مايحتاج تتعب حالك وتعتدر
عادل:انا اسف يبه
ابو عبدالمجيد ناظره وهو يقول:اخوك هاجر سافر وماله اثر ماعاد باقي الا انت تساندنا وبالاخير هذا اللي يجي منك
عادل وهو يجلس على ركبه عند ابوه:اسف يبه اوعدك ماتتكرر
ابو عبدالمجيد:خلاص يابوك مايحتاج تتاسف
عادل:رضيت يبه
ابو عبدالمجيد:الله يرضي عليك
عادل وقف وباس راس ابوه:انا مضطر اروح اماني بالسياره
ابو عبدالمجيد:الله معاك المره الجايه جيب ولدك معاك
عادل ابتسم:ابشر
ابتسم له ابوه
وطلع من مكتب ابوه وبشاير طالعه من المطبخ
بشاير:عادل
عادل:اي مستعجل جيت اطيب خاطر ابوي
بشاير بفرح:راضيته
عادل:اي ارتاحي يالله باي
بشاير:باي
وطلع وهي منبسطه
ببيت ابو ضاري
منسدح بالصاله ويقراء رسالته
وهي ماهزت منه شعره
المهم انها الحين ماتقدر تكون الا له رضت او مارضت
شافها وهي تدق مره ثانيه
ومارد عليها
بس اكتفي انه يكتب لها "في انتي لي رضيتي او مارضيتي"
وقفل جواله وهو يقوم يطلع لفوق وراح لغرفه مرام
ودق الباب ودخل
مرام:استني اقولك ادخل
ضاري وهو يضحك:مالي خلق انتظر
مرام:هاه شعندك بعد
ضاري وهو ينسدح على سريرها:محتاجها
مرام:في كالعاده
ضاري بتعب:مرام والله محتاجها
مرام:,الله ياضاري في ماعاد تبيك من سالفه فجر
ضاري وهو يلف ويناظرها:بس ماتت وانا مابيها اخذتها غصب وظلم ظلمتني
مرام وهو تجلس جنبه وتحط يدها على صدره:انساها ضاري خلاص مانتم لبعض
ضاري:حيرتها يامرام حيرتها لي
مرام بتفاجاء:متى
ضاري:اليوم
مرام:اوف منك ليه تسوي كذا
ضاري:بس هي لي
مرام:بتحقد عليك بزياده
ضاري:اي مرسله لي رساله وتتصل شكلها معصبه بس مطنشها
مرام:الله يعين
ضاري:امين يارررب
بعدين اسبوعين
ببــــريطــــانيا
بندر ومها وليان يتمشون سوا
ليان:مها بشتاق لك كثير
مها:وانا اكثر حبيبتي جينا ندرس جميع بس القدر خلا سعود وهدى يرجعون عشان يتزوجون وخالد وجود
وانا بروح لاهلي خلاص ماقدر اجلس ابوي مصر ارجع
بس بندر معاك شدي حيلك ولاترجعين الا شهادتك معاك
ليان حضنتها وجلست تبكي:مها كلكم خليتوني لحالي
مها:بندر معاك
بندر:انا مستحيل اخليك
ليان بكاء:بس انا ابي حده من البنات
بندر بستهبال:اصير لك بنت
ليان ابعدت عن مها وضحكت وهي تمسح دموعها:لااا
مها:خلاص انتي ام دموع مو على طول تبكين
ليان:طيب بتوحشيني
مها:بكلمك لاتخافين
ليان ابتسمت:هدى وجود قالو كذا ولهم اسبوعين راجعين ماحد كلمني وغرور كمان
مها:هذولا لاهين مع الحب بس انا مالي الا انتي
ليان وهي تبوسها:ياقلبي انتي وانا مالي غيرك
بندر:احم احم
ليان وهي تبتسم:وبندر كمان
مها:يالله وصلووني للمطار
ليان:يلا
بندر مسك يد ليان:قلبيليان:لبيه
بندر:بعد مانوصل مها نروح لمطعم
ليان:اممم طيب
مها:مطاعم من يوم طسيت عنكم
بندر:بالعكس تبين نروح قبل رحلتك
مها ببتسامه:تسلمون بس وصلوني والله يوفقكم
بندر وليان:امين
وركبو السياره وصلو مها للمطار وبعد ماودعتهم راحو
بندر وهو يوقف عند المطعم:تفضلي ياحلوتي
ليان ابتسمت له ونزلت ودخلو المطعم
وجلسو
بندر:وش تطلبين
ليان:زيك اطلب لي
بندر:يالبي اللي زيي طيب ياعمري
ليان اكتفت بالابتسامه وهي تناظر الموجودين بالمطعم
بندر بعد ماطلب:ايه قلبي مابقي شي وتخلين هالسنه
ليان:اي ياريت تعبت والله كثير
بندر:هانت خلاص
ليان:اي حمدالله
وحست باحد حط يده على كتفها
بندر رفع نظره وليان لفت
بندر:هلا ماجد
ماجد وهو يطلع الجوال من جيبه:تفضلي
ليان اخذت الجوال وهي ساكته
بندر:وين لقيته
ماجد:طاح منها يوم جتني قبل اسبوعين
بندر ناظر ليان وهو مستغرب متى راحت له ولاقالت له
ليان:.....
ماجد:لما على البحر اذا متذكره
ليان وهي تبيه يروح:اي مشكور
ماجد:مع السلامه
بندر وليان:مع السلامه
راح
وبندر لف على ليان:يعني لما جيتي تبكين كنتي عنده وكذبتي علي وقلبي ضعت وسالتك عقبها وصممتي على نفس الكذبه
ليان:بندر خلاص السالفه راحت
بندر بعصبيه:كيف يعني راحت فهميني هاه كيف راحت
ليان بقهر انه عصب عليها:اي راحت لها اسبوعين
بندر:بس كذبتي علي واذا هذا اولها ينعاف تاليها
ليان:وش قصدك
بندر وهو يقوم:سلامتك
ليان بعصبيه:وين بتروح
بندر حط فلوس على الطاوله ومشي
ليان بصراخ وهي تاخذ الفلوس وتروح ترميها عليه:انا ماشحذك عشان تحط لي الفلوس وتروح
بندر شال الفلوس وناظرها:شكرا ومشي
ليان انقهرت راحت سحبت شنطتها وحطت فلوس من عندها وطلعت من المطعم وشافته يوم ركب سيارته وراحت تركض
وهي تبي تبعد عشان ماتبكي لانها حاسه نفسها بتبكي من القهر
وركبت تاكسي رجعها شقتها
بالـــــــــريــاض
ببيت ام منار
بغرفه منار
للحين تفكر بوليد للحين مالك فكرها ومشاعرها
وللحين منقهره وكارهه هديل اللي حست انها خذت وليد منها
وانه بادي ينساها مع هديل
مسكت جوالها وهي تبي تتصل فيه
بس متردده وخايفه بس بالاخير اتصلت فيه
وهي تنتظره يرد بس خاب ضنها ومارد
وانقهرت
وقامت طلعت من غرفتها وراحت لغرفه امها
ام منار:وش فيك يمه
منار وهي منفعله:الحين الحين بعرف ليه عمي قال مايبي وليد يتزوجني ابي اعرف وش العيب اللي فيني
ام منار:رجعنا لنفس السالفه
منار :اي رجعنا يمه ماقدر انساه ارحميني تكفين حبه يسري بعروقي قوليلي وريحيني مابي اكرهه يمه مابي
ام منار:منار قفلي هالسالفه قفليها وقفلي على قلبك قفليه
منار وهي معصبه وتقرب لامها:قلت لك ماقدر حبه ف عروقي وهي تمد يدها وتاشر على عروقها:هو الدم اللي يمشي بجسمي
ام منار:بس تزوج تزوج يامنار
منار نزلت دموعها وجلست عند رجول امها وهي تبكي:يمه تكفين علميني يمه هو جالس يحبها اهى اهى يحبها وينساني
ام منار مسكت وجه بنتها وقلبها معورها عليها:منار يمه انسيه عشاني
منار بكاء وترجي:علميني السبب واوعدك بنساه
ام منار:.........
منار:تكفين يمه علميني بس ريحي بالي الله يخليك يمه الله يخليك
ام منار:يابنتي انا راجيتك تنسين هالسالفه وتنسين وليد معاها
منار وهي تهز راسها بلا:علميني بس ريحيني يمه الله يخليك
ام منار وهي عارفه انها ماراح ترتاح لين تعرف مسكت يدين بنتها:بقولك بس لاتعاتبيني بعدين لاتعاتبيني يامنار
منار وهي تهز راسها:مابعاتبك بس علميني
ام منار:............
ببيت ابو متعب
احساس ومتعب وفي ابو متعب وام متعب جالسين جميع
في وهي تجلس جنب احساس:عطيني انونه اشيلها
احساس وهي تبتسم لها:اذا صاحت مو تعطيني اياها تسكتينها زي ماصيحتيها
في:اي ماعليك ماتصيح مع عمتها
متعب:الا تصيح دايم لشلتيها
في:منك انت مو مني صح احساس
احساس ناظرته وماردت بس حطت بنتها بحضن في
في وهي تشيلها بيدينها:يارربي ياناس تجنن
ام متعب:بكرا لتزوجتي تجيبين زيها
في من قالت لها امها لاتزوجتي تغيرت ملامحها المبتسمه لعصبيه وناظرت امها:السيد ضاري حيرني له بس انا عندي اظل العمر كله بلا زواج
ولا اتزوجه
ام متعب:ماتوقع ضاري فيه عيب
في:مافيه عيب بس القلب عافه خلاص
ابو متعب:اجل ظلي كذا
في:ايوا بظل كذا
متعب:نشبه صحيح فكينا اقول اطلعي مع حياتنا
في وهي تطلع لسانها :مو طالعه من حياتكم ناشبه لكم
متعب:ههههههههههه الله يعيننا عليك
رائد وهو عند الباب:احم احم ياولد
احساس سحبت شرشفها وحطته عليها
في:ادخل
رائد وهو يدخل:السلام عليكم
الكل:وعليكم السلام
في:رائود تعال شف هالمملوحه انونه اللي طلعت على عمتها
رائد وهو يجلس جنبها:الا علي انا طلعت وخري بس
في:لو عليك كان طلعت تحوم الكبد
رائد وهو يشيلها من يدينها:لاي قلبي لو عيك كان وععع
في وهي تتخصر:متعب طلعت على مين
متعب وهو يناظر احساس:على امها
في:حركات يااحساس اخوي ميتن فيك
احساس وهي تقوم :اي مره وطلعت من الصاله
متعب انقهر من حركتها وهو اللي يحاول يتقرب منها
في تبي تلطف الجو:اقول انت هاتها
رائد عرف انها تلطف الجو وساقها معاها:خوذيها لاتنهبلين بكرا اتزوج واجيب اللي احلى منها
ام متعب:جد يمه ودك تتزوج
رائد:ايه يمه ابي اتزوج
ام متعب:والله فرحت قلبي يارائد من اليوم ادور لك شيخه البنات
رائد:بس انا عيني على وحده
ام متعب:منهي
رائد:بنت خاله وليد زوج هديل حنين
الكل؟؟؟
في:وين شايفها انت
رائد:ماشفتها بس ابيها زوجه لي
ام متعب:والله البنت مافيها شي بجيب رقم اهلها واكلمهم والله يجعلها من نصيبك
رائد:اللهما امين
ابو متعب:الله يوفقك وتستقر يابوك
رائد:امين يبه
متعب وهو يقوم:الله يكتب اللي فيه الخير
رائد:وين
متعب:شوي وراجع
رائد:مو تنام عند المدام
متعب ابتسم:لا بجي لاتخاف
وطلع من الصاله وطلع لغرفتهم وشاف احساس منسدحه
ومن دخل جلست
متعب:وش تبيني اسوي اكثر من اللي سويته
احساس:ولاشي يامتعب هذا حنا عايشين عادي
متعب:بس انتي تغيرتي منتي احساس الاوليه
احساس:مصير الايام ترجعني زي ماكنت
متعب جلس جنبها:طيب ممكن طلب
احساس:تفضل
متعب:احضنيني
احساس تفاجات و:........
متعب مسك يدينها وباسهم:احضنيني محتاج حضنك انا رجال ومحتاج دفي انثي
احساس تناظر لعيونه ونزلت دموعها بدون ماتحس وحضنته وهي تقول:متعب سامحني
متعب وهو يضمها بكل قوه يملكها:مسامحك احساس ابيك والله مو مستغني عنك
احساس اكتفت انها تكون ضامته وضمتها تعبر عن كل شي
ببيت ابو ضاري
بالصــــــــاله
لين وهي تضحك:من جد والله وناسه
ضاري:اي يابعد عيوني من جد
سعود:احم احم تراني اغار
لين تبوس خده:ياحياتي انت غير عن العالم كلها مو بس ضروي
ضاري:ضروي بعينك
لين:عينك انت وطلعت لسانها
مرام وهي حاطه الشرشف عليها:اي والله تزوجتي وطلع لك لسان
لين وهي حط ظهرها على صدر سعود:من يومي لي لسان صح سعودي
سعود:يالبيه ياسعودي منك اكيد صح
لين انحرجت
نوره:ههههههههههههه مو انتي تدلعين عليه ليه استحيتي الحين
لين:ماستحيت
نوره ومرام مع بعض:لا مبين
لين:هههههههههههههههه
ابو ضاري وهو يلعب فهود وهو بحضنه:عساكم دوم كذا مجتمعين
وبمناسبه هالجمعه عندي خبر لك يامرام
مرام:شنو يبه
لين:شنو هالخبر
ابو ضاري:متقدم لك ولد واحد من اصحابي عسكري
مرام وكان احد كب عليها ماي بارد حيل:هاه
لين بفرح:واااااااااااااااااو عسكري ياحركات يامروم
ضاري:طيب يبه كيف هو رجال كفو
ابو ضاري:والله مابيه يضيع على بنتي رجال بمعني الكلمه
ضاري:والله زين
مرام:.......
نوره:وانتي مرام شرايك
لين بحماس:موافقه اكيد
ضاري:اهجدي انتي ماسالناك عن رايك
مرام:بفكر ماقدر اوافق بهالسرعه بستخير واشوف
ابو ضاري:اي يابوك استخيري وخوذي وقتك
مرام:ان شالله
لين:الله يجعلك ترتاحين له
ضاري:وتتزوجين وتفكينا
مرام:حمار ليه انا جالسه على قلبك
ضاري:ياليت كل الجلسات على القلب ي جلستك
سعود:هههههه ماينعرف لك ياضاري
لين:هذا احنا مسمينه امواج مره هيك ومره هيك
سعود:من جد
الكل:ههههههههههههه
ببيت تركي وهند
هند والتعب باين عليها:والله مافيني اقوم
تركي:ليه حبيبتي شفيك
هند:مادري بس تعبني هالحمل
تركي:نروح لدكتور
هند وهي تتغير ملامحها:لالالا دكتور لا
تركي:اي ليه
هند:بس تركي كل حامل تتعب عادي
تركي:بس انا خايف عليك
هند:لا تطمن حبيبي تعب عادي
تركي:طيب ريحي انتي
هند:خليك جنبي
تركي:انا جنبك
هند وهي تنسدح على رجله:تركي اذا مت بترجع لبشاير
تركي:هند شهالكلام انتي ماراح تتركيني
هند:اي ماراح اتركك بس لو
تركي:هند وبعدين
هند:تكفي جاوبني
تركي:مابرجع لها هند انا بس لك انتي وبس
هند:طيب لاتعصب
تركي:مادري عنك على هالسوال
هند:انا اغار عليك مو بيدي
تركي:وانا لك مو لاحد ثاني
هند وهي تمسك يده وتبوسها:احبك
تركي:اموت فيك
ببيت طلال ومنال
منال:اي مكلمه امي تقولي انهم بخير
طلال:حمدالله زين
منال:ايه بس باقي نصرف عيالنا ونفلل لحالنا
طلال:مشتهيه نكون لحالنا
منال وهي تدلع عليه:ايوا لحالنا يوم كامل ننبسط ونستانس من غير اطفال وصياح ومسوليه
طلال وهو يخق مع دلعها:ماطلبتي شي
منال:بس وين نوديهم لاهلي صعبه
طلال:لا لامي
منال:ام زوجتك الاولى
طلال:ايوا
منال:بس يمكن يزعجونها
طلال:لا هي لها طريقه خاصه مع الاطفال وفي خدم عندها
منال:طيب حلو
طلال وهو يمسكها من خصرها:ويصير يوم كامل لطلال ومنال
منال:ومنال وطلال
طلال:وه يالبيه بس
منال:انا احبك
طلال:وانا احبك عساني مانحرم منك
منال:امين يارررب
طلال باس خشمها وابتسم:احجز لنا شاليه بهذاك اليوم شرايك
منال:حلو ونسبح ونفلها وااااااااااااو
طلال:ايوا وبنسوي كل شي يخطر على بالنا
منال :والله وناسه تحمست من الحين
طلال وهو يحضنها:انا بخلي حياتك كلها سعاده
منال:ياحياتي انت السعاده نفسها
طلال مسك وجهها وباس خدها بقوه وهو يتنهد ويقول:اموت انا فيك
منال وهي تحط يدها على خدها وخقت من البوسه:احم الله لايخليني منك
طلال ببتسامه:امين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك