رواية عندما تضئ الشموع بيد الحزن -29
الجزء السادس و الخمسون
طلعت لعمها الصاله و هي ترسم ملامح أبتسامه مقتوله على وجهها تغطي فيها كم التعب و السهر الي قاعده تعيشه
أريج حيالله عمي
أبو مشعل الله يبقيك يبه طمنيني وش أخبارك و كيف نمتي لليلتك ؟
أريج حمد لله بخير عمي عندي الشغالات لا تقلقون عليه
أبو مشعل يبه حنا نبي نتطمئن عليك أنتِ حامل و ما هو زين تجلسين لوحدك
أريج ما تقصرون عمي هالحين تبداء أجازة الحج و البنات ما عندهم شئ ما بيخلوني
أبو مشعل بتردد ما أتصل مشعل ؟
أريج بهدوء لاه عمي
أبو مشعل لا حول و لا قوة إلا بالله ما خليت مكان إلا سألت عنه
أريج ما عليه عمي أكيد بيرجع يوم الأنسان وين ما راح مرده لأهله
أبو مشعل طالع فيها بغرابه من كم يوم منفعله و كل كلامها مشعل ما هو راجع و الحين تتكلم بهدوء مثل الي ضامن رجوعه ما كان كلامك من قبل أنه بيرجع
أريج بربكه كنت منفعله عمي و متفاجئه من فعلته بس هديت فكرت زين يمكن هو محتاج يريح أعصابه و يرجع
أبو مشعل أريج يبه
أريج هلا عمي
أبو مشعل صدق مشعل قالك ما يبي عيال ؟
أريج تنفست بعمق و تكلمت هو من أتزوجنا ما فاتحني بموضوع العيال فكرت أنه ما يبي يضايقني لأني تأخرت شوي بس لما حملت مدري شو صار له تضايق و عصب مني...و بتردد قالي جبتي فوق رأسي مصيبه حسيت أنه ما يبيني أحمل....
*****************
طلعوا من الأختبار مع بعض و بدون أي تفكير مشوا على طول للسياره
ريم افف حتى أخر يوم أختبار
فجر رحمة الله على المدرسه بس
ريم أي والله إلا حليتي زين ؟
فجر ما أظن
ريم بضحكه أحسنتي
مرام و الي كانت في السياره تنتظرهم تأخرتوا
ريم تو نخلص أختبار
مرام وشو سويتوا يا فالحات ؟
فجر صفر مع مرتبة الشرف
ريم أجل أنا وش أقول
مرام من أولها
ريم نعطيها بروفه عن عقلياتنا
فجر هههههه صح
مرام تبون البيت و إلا نروح لأريج ؟
فجر ياليت والله من أمس بالي مشغول عليها
مرام و هي تكلم السواق روح بيت مستر مشعل........
*******************
في طريقه لشركه كان يسوق و كل تفكيره في كلام أريج الي بداء يتظارب و أرتباكها و كأنها عارفه شئ و تحاول تخبيه عنهم اليوم في كلامها معه دافعت عن مشعل كثير [ رغم الي سواه فيها تدافع عنه وش سالفتك يا أريج و وين أرضك يا مشعل تريحني ] قطع تفكيره صوت جواله و ألتفت له شاف رقمه و أستبشر خير
أبو مشعل هلا بولدي
سلطان تسلم عمي الله يحييك
أبو مشعل بشر ياولدي عسى معك علم زين
سلطان و الله يا عمي داق أستبشر من عندك
أبو مشعل بأحباط على حطة يدك
سلطان الله يهديه بس أنا طالع للبحرين اليوم في مكان كنا نمره كثير
أبو مشعل تظنه هناك ؟
سلطان نحاول
أبو مشعل الله يكتب الي فيه الخير.....
*******************
سرحانه و كل تفكيرها بمشعل و من تكون هـ الي بحياته و بين ضحكهم و سوالفهم الي يحاولون بها يطلعونها من الجو الي كانت تعيشه ألتفتت لمرام الي على ما يبدو كانت تكلمها من فترة بدون ما تدري هي شو تقول بالضبط
أريج شو قلتي ؟
فجر أصلا أنتِ منتي معنى من الأساس
أريج لا والله بس تذكرت شئ شغل بالي
مرام أقولك كلمت عبير أمس تقول كانت تتكلم مع خالها عن مشعل و زل لسانه بكلمه
أريج بأندفاع شو هي ؟
مرام قال هو عمل كذا لأنه ما قدر يواجهها و لما سألته من هي تلخبط و قال بطلي لقافه
أريج [ من هي يعني غير الي بحياته كيف بيقوى يقولها أريج حملت و خربت علينا كل شئ ] بنفس عميق تكلمت مدري مشعل ما كان يقول لي شئ
ريم يعني ممكن سلطان يعرف مشعل وين
مرام ما أظن لأن أبوي كلمه كم مره يقول ما يدري عنه
فجر يمكن يدري بس ما يبي يقول
أريج بهدوء لا سلطان من قبل مشعل يروح بيومين ما شافه لأنه كان مشغول مع أخته
ريم بس يقدر يتصل فيه
مرام لو أتصل بيخبرنا يعرف أنا قلقانين عليه.......
أخذة القهوة و طلعت الصاله وين ما كان زوجها و أمه جالسين
أبو أريج إلا وين فجر اليوم ما شفتها ؟
أم أريج راحت لأختها مع بنات عمها
أبو أريج وشو سوت في أختبارها
أم أريج تقول أن شاء الله زين
أم عبد الله فجر شاطرة ما ينخاف عليها
أبو أريج بس الي صار معنى هـ الأيام أكيد ما خلاها تذاكر عدل
أم أريج أي والله يا عبد الرحمن الي صار ضايقها البنت ما عاد تنام من التفكير في أختها و ملكتها
أبو أريج ما كلمتي أخوك أنتِ ؟
أم أريج بتردد ما نقول لفجر طيب أول ؟
أم عبد الله وش بتقولون لها
أبو أريج بنأجل ملكتها لين تهداء أختها
أم عبد الله يا حسرتي على بناتي عين و صابتهم
أبو أريج ولا تقولون لأريج شئ.....
**************
نزلت من السيارة و قادتها خطواتها لداخل مهما صار تضل هذي أختها الوحيده و مالها حد غيرها بالدنيا بعد زوجها و عيالها
مها بذهول لمنظر خالتها خالتي هلا تفضلي
أم مشعل أمك موجوده ؟
مها أي داخل
دخلت أم مشعل و جلسة بالصاله و هي شارده تفكر بحالها
أم مها قربت منها و هي مستغربة تغير ملامح أختها هلا بأم مشعل حياك
أم مشعل بحسرة وينه مشعل راح يا ليلى راح
أم مها تعوذي من أبليس يا أختي وش هالكلام هو ما هي أول مره يسافر
أم مشعل هـ المره قلبي ما هو مرتاح ولدي فيه شئ
أم مها قولي لا إله إلا الله مرده بيرجع لك و لزوجته و لولده
أم مشعل غصب عنها دمعة عينها ما يبيه يا ليلى ما يبيه مشعل حتى ما يبني أفرح بشوفة عياله
أم مها من يقول هـ الكلام ؟
أم مشعل هو قايل لزوجته
أم مها أستغفر الله العيال هديه من ربه وش جأيه مشعل
أم مشعل مدري ولدي معاد هو صاحي
أم مها أذكري الله و أدعيله....
****************
غصب عنها ضحكة على منظرهم ثلاثتهم يتثأبون يغالبون النوم قدامها
أريج هههههه الغرف فاضيه فوق
فجر بكسل فديت الضحكة لو أنها طنازه
ريم أي بس حيلي متكسر أتحرك
مرام و هي تتثأب و الله أنا مواصله
فجر و أنا نائمه ساعتين بس
أريج ناموا عندي طيب
ريم و هي واقفه من غير ما تقولين لا أحد يصحيني
مرام ما بتروحين معي البيت ؟
ريم و هي طالعه الدرج لا
أريج و ليش بتروحين البيت خلك هنا ؟
مرام يعني بنام الحين ما بنصحى إلا أخر الليل بنزعجك
أريج شو هـ الكلام لا أزعاج و لا غيره البيت بيتك
مرام تسلمين
فجر و هي قايمه بدق على أمي أقولها بنام عندك
أريج سلمي عليها......
*******************
وقف قدام الباب ينتظرها بعد ما اتصلت فيه يمرها بيت أختها لأنها تعبانه و ما فيها ترجع مع السواق
أبو مشعل تأخرتي وشفيك ؟
أم مشعل هذاني جيت
أبو مشعل وش عندك رايحه لأختك اليوم ؟
أم مشعل طاقه روحي يا عبد الله خلاص ما عاد فيني صبر رجع لي ولدي
أبو مشعل بضيق لا إله إلا الله هو أنا الي مخبيه عنكم وشفيك أنتِ
أم مشعل أنا أم و ولدي ما هو بخير ودني لأريج
أبو مشعل البنت ما تدري عنه شئ اليوم رحة لها
أم مشعل بأندفاع وش قالت لك أتصل فيها مشعل ؟
أبو مشعل بتنهيده ما أتصل
أم مشعل يا حسرتي عليك يا مشعل هو أنت بخير و إلا صاير لك شئ
أبو مشعل أذكري الله يا حصه بأذن الله ما فيه إلا الخير
أم مشعل و ليش ما يتصل يطمنئ كأنه بخير ؟
أبو مشعل و هو أنا أدري عنه ولدك ما خربه غير الدلع من يوم يومه ما يهتم لشئ...
*********************
نزلت جوالها بملل و ألتفتت له بضيق يبدو مالها نصيب تطلع اليوم
سلطان وشفيك ؟
عبير أول شئ صحيتها من النوم
سلطان بضحكة و بعدين
عبير ما هي في بيتهم في بيت أخوها
سلطان عادي أوصلك عندهم
عبير مدري أخاف أضايق أريج
سلطان ما أظن أجلسي عندهم شوي يغيري جوهم
عبير هو نفسي حتى مرام قالت تعالي عادي
سلطان و شو قلتي لها ؟
عبير أشوف و أرد عليك
سلطان أجل أتصلي و قولي لها جأيه
عبير رأيك ؟
سلطان قام لأنه ما هو قادر يسمع همس مرام يخترق كيانه مره ثانيه بلا دلع إذا تبين تروحين أنا بالسياره خمس دقائق و بمشي....
*****************
نزلت مع الدرج تشوف أريج وين مرت الصاله و المطبخ مالها أثر و راحت لها الغرفه دقت الباب و دخلت
أريج هلا مرام
مرام بتنامي ؟
أريج لا بدري بس ممدده أنتِ وش مصحيك ما أرتحتي بنومه ؟
مرام لا نمت و نسيت أصمت جوالي صحتني عبير
أريج شخبارها و أخبار أمها ؟
مرام بخير ما عليهم
أريج ببسمه وشفيك بفمك حكي ؟
مرام بصراحه هي كانت بتجي لي البيت و قلت لها أني عندك
أريج و كأنها فهمت أي و بعدين
مرام راح تجي هنا عادي ؟
أريج طيب عادي حياها البيت بيتكم
مرام يعني ما يضايقك ؟
أريج لا طبعا
مرام مشكوره بروح أصحي ريم و فجر
أريج قولي لناني تجهز قهوة بعد.....
*****************
الجزء السابع و الخمسون
الأيام تمر بشكل بطئ و كئيب على المنتظر و خصوصا إذا كان ما يعرف شئ عن الشخص الي ينتظره دخلت عليهم لصاله و كل أمنيتها تغمض عيونها و ترجع تفتحها تلقى كل شئ راجع مثل أول كل همها رضاء أمها و أبوها لا زواج لا مشعل و لا هم الي في بطنها و الأهم بلا حب و عذابه سلمت و تفاجأة بسكوت أمها و فجر لثواني
أريج بذهول شو فيكم من شفتوني سكتوا ؟
أم أريج نظرة في فجر و غمزة لها هلا و الله تو ما نور البيت لا أبد يمه ما فينا شئ حياك تفضلي
أريج بصدمه عرفتوا شئ عن مشعل و ما تبون تقولون لي ؟
فجر صرخت فيها بقلة صبر لا و مشعل أنسيه فاهمه ما عاد أبي أسمع أسمه
أريج شو مسويلك شو فيكم ؟
أم أريج كانت فاهمه عصبية فجر على مشعل بسببه راح تتأخر خطبتها لكن أريج مالها ذنب تصب قهرها فيها فجر روحي غرفتك
أريج بعصبيه لا يمه ما راح تروح و فهموني شو فيكم الحين
فجر بأنفعال بسبب زوجك المحترم بكنسل ملكتي
أريج أنصدمت و أخذت نفس عميق من سمح لكم تأخرونها ؟
أم أريج يمه حنا لسى بس كلام حتى خالك ما خبرناه
أريج و لا تفكرون تكلمونه و الملكه بتصير الخميس يعني بتصير
أم أريج يمه بس شلون نسويها و مشعل ما ندري وين و بيت عمك هذا حالهم
أريج بعصبيه و صراخ مشعل لما راح ما فكر في أحد وراه بتجلسون تحسبون له حساب و بيت عمي عندهم خبر من أول الي بيجي الباب مفتوح و الي ما يبي براحته
فجر بس أبوي رافض خلاص
أريج بنرفزة أنا أكلمه مالك شغل
أم أريج بخوف طيب يمه هدي هالحين يرتفع ضغطك و أنتِ حامل مو زين عليك
أريج تنهدت بتعب فيني الي أكبر من أرتفاع ضغط يمه....
***************
شافتها جالسه في الصاله لوحدها تطالع الفراغ من كم يوم ما هي عاجبتها لا تطلع و لا تنام زين جلسة قريبه منها و بهدوء
مرام يمه
أم مشعل همسة بنعم بدون ما تغير وضعيتها
مرام شو فيك أنتِ تعبانه ؟
أم مشعل لا
مرام بخوف و ليش جالسه لوحدك و سرحانه كذا ؟
أم مشعل أفكر بمشعل بيكمل شهر غائب و هو لا حس و لا خبر
مرام الله يهديه
أم مشعل بنبرة حنان مدري هو يأكل يشرب ينام زين الناس
مرام كانت تحاول تهديها يمه مشعل ما هو صغير يعرف مصلحة نفسه لا تخافين عليه
أم مشعل قلبي ما بيرتاح لين أشوفه بعيوني
مرام راح تشوفيه أن شاء الله بس أنتِ هدي حالك......
*****************
بداخلها كانت صرخه لو أطلقتها ممكن تفجر العالم لكنها مجبورة تكبت بصدرها تنفست بعمق و زفرة
أريج لا يا جدتي لا شو هـ الكلام معقوله تفكرون هذا التفكير
أم عبد الله أجل قولي لنا شئ يتصدق
أريج بقهر كل الي أعرفه قلته ليش تتبلؤني بالطلاق
أم عبد الله ما هو هذا ما هو تصرف حرمه عاقله تجلس في بيت واحد ما يندرى وين أرضه
أريج يا جدتي أنا مستغربه كيف تتكلمين في مشعل كذا بالله أنتِ مو قلقانه عليه ؟
أم عبد الله و تصرفه هذا ما هو غلط يومه يتكرنا ما نعرف هو حي و إلا ميت
أريج حسة بغصه جدتي لا تقولين ميت و الله أموت وراه
أم عبد الله بلؤم يا يمه أنا ما هو هائن عليه أشوفك بهـ الحاله
أريج ما فيني شئ بس خلوني في بيتي أنا أرتاح هناك
أم عبد الله زين بتجلسين لين تولدين لحالك و مشعل ما رجع
أريج بخوف حطة يدها على بطنها لا جدتي بيرجع أن شاء الله بيرجع....
****************
نزلت مع الدرج و هي تقلب في جوالها شافتهم جالسين بالصاله و ملامحهم جدا كثيبه
ريم شو فيكم ؟
مرام و لا شئ
ريم بهمس و ليش أمي وجهها كذا
مرام تعبانه تفكر في مشعل
ريم ما عليه يمه أن شاء الله ما فيه إلا الخير
أم مشعل من يطمني عليه بس
أبو مشعل أذكري الله بأذن الله خير
أم مشعل قومي يا ريم هاتي جوالي خل أدق على أريج ما بيريح قلبي على ولدي غيرها
ريم بحذر يمه أريج اليوم مره تعبانه حتى عند أهلها
أبو مشعل بخوف وشفيها ؟
ريم بتردد اممم مدري أنتم تعرفون أن ملكة فجر الخميس و عمي قال لهم بيأجلها يوم عرفت أريج عصبت عليهم و قالت بتسوونها بالغصب
أبو مشعل و ليش ما يسوونها دام هم محددين من أول
أم مشعل كيف يسوونها و مشعل ما ندري وين ؟
أبو مشعل ولدك كان يدري بملكة بنت عمه لو هو حاسب لهم حساب كان حسبوله
ريم هي أريج الي عصبت عليهم يسوونها و إلا عمي قال بيأجلها
أم مشعل أريج تعرف عن مشعل شئ و ما تبي تقوله
أبو مشعل وش بتعرف يعني خلوها بحالها
مرام بأنفعال يبه بس هي زوجته معقول ما قال لها أي شئ قبل يروح......
*******************
دخلت البيت وهي تحس أنها تبي تكسر كل شئ حولها و تطلع قهرها فيه تأملت المكان حولها فارغ جدا من معنى الحياه حتى الأنوار صايره شئ غير معترف فيه بالبيت
أريج بهدوء شغلي الأضاة كلها ساتي لا تخلي بيت كذا
ساتي اوكيه مدام حتى فوق ؟
أريج بدون تفكير أنا طالعه فوق خلاص بيشغل معي
ساتي رتب غرفه فوق ؟
أريج لا خليها مثل ما هي
ساتي اوكيه مدام
تركتها أريج و طلعت فوق مرت من جمب المرسم فيها شوق كبير لرسوماتها و ألوانها و بدون أي تردد دخلت و أخذت لوحه حطتها فوق رجولها و بدت ترسم فيها بالرصاص ملامح مسيطرة على تفكيرها [ يا ترى وينك يا مشعل ].......
****************
دخلت لها الغرفه و شافتها تصلي فجلست على طرف السرير تنتظرها لجل تسمع منها و تريح بالها
أم عبد الله بعد ما سلمت هلا يمه بغيتي شئ ؟
أم أريج أي يا خالتي بشري وش قالت لك أريج ؟
أم عبد الله أبد ما قالت شئ
أم أريج يعني أنتِ سألتيها مشعل مطلقها و إلا لا ؟
أم عبد الله تقول لا
أم أريج تنفست براحه الحمد الله أجل ليش ما تجي عندنا لين يرجع
أم عبد الله عاد تقول ما ترتاح إلا في بيتها
أم أريج عنيده هـ البنت ما تبي تريح قلبي عليها
أم عبد الله و الله قلبي أكلني عليها هـ البنت ما شافت الهناء بحياتها لكن الله كريم بكره عيالها يعوضونها
أم أريج أي والله ربي يعوضها يالله خالتي قومي معي نتعشى
أم عبد الله يالله بسم الله....
********************
كانت مستغربه من نفسها كيف أنفعلت بهـ الطريقه و قالت أن أريج ممكن تكون تعرف شئ عن مشعل و مخبيته عنهم تأففت بضيق و دخلت على ريم
مرام شو تسوي ؟
ريم أفكر شو أشتري هديه لفجر
مرام بغرابه بتروحين !
ريم أيه و لا يكون أنتِ مو رايحه ؟
مرام مدري أنتِ ما تشوفي أمي كيف تعبانه
ريم فجر مالها ذنب هي أتصلت عليه تبكي أصلا
مرام ليش ؟
ريم يعني تتوقعي ليش هي تفكر في أختها أريج مره تعبانه و خائفين يرتفع عندها الضغط و هي حامل ما هو سهل الي يصير معها و لا يقدرون يزعلونها بعدين ملكة فجر محدده من أول و هي ملكة عائلية ما هم عازمين حد
مرام بلؤم شكلي تبليت على أريج
ريم أظنك تعرفين مشعل من قبل و طبعه
مرام ما عنده مسئولية
ريم الله يهديه
مرام متى بتروحي تشتري هدية فجر ؟
ريم أكيد بكره ما في وقت غيره
مرام اوكيه بروح معك.....
**********************
دخلت عليه الغرفه و شافته يخبئ كيس وراء ظهره عنها و بضحكة شيطانيه قربت منه
عاليه يعني ما بتخليني أشوف هدية العروس ؟
ماجد لا طبعا و بطلي لقافه
عاليه افى يالزمن بعد ما كنت مرسول الغرام بينكم صرت الحين ملقوفه
ماجد حب يغيضها تكفين عاد من زين أخبارك عنها كلها مالها طعم
عاليه لاه لاه هذا و أنت لسى ما ملكة أجل بكره صدق بنسى أن عندي أخ كبير
ماجد و خالد و ياسر وين ؟
عاليه قطيعه ما يطلع منهم خير
ماجد بفخر يعني تعترفين أني و نعم الأخ
عاليه بضحكه ولووو حلم كل فتاه
ماجد ههههههه روحي زين
عاليه طلعت من جيب بنطلونها علبه صغيره و مدتها له مبروك ماجد صدق أنا مبسوطه لك
ماجد أخذها و أبتسم يبارك بعمرك يالغاليه مالنا غنى عنك علويه........
********************
بغرفتها كانت جالسه فوق السرير و ضامه رجولها تطالع بعيد لما دخل عليها أبوها و وقفت بسرعه
فجر هلا يبه حياك
أبو أريج وينك ما تعشيتي معنى بنتي ؟
فجر مالي نفس هــ الحين يبه بعدين أكل
أبو أريج بضحكه بكره يقول لنا ماجد بنتكم ضعفانه ما تكلونها
فجر بحياء يقول الي يبيه
أبو أريج و ليش تقولينها بدون نفس
فجر ما فيه شئ يبه
أبو أريج بحنان يبه أنا هذا أسعد يوم لي الي أشوفك فيه مبسوطه مع رجال يصونك و يحميك
فجر بقهر يعني في النهاية مو كل الرجال زي بعض
أبو أريج لاه يا يبه لا تحكمي بفعل غلط من واحد على الكل أنا عارف أن الي صار مع أختك ضايقك لكن ماجد ما هو مثل مشعل و أنتِ عارفه
فجر بتردد طيب يبى ما تظن عمي بيزعل عشان أنا ملكة ؟
أبو أريج بحب بعد الي صار لأريج تعلمت زين أن سعادتكم عندي أهم من كل شئ بالدنيا حتى من نفسي
فجر ضمته بحب لا يمكن ينوصف لا يبه لا تقول كذا أنت عمرك ما قصرت معنى بشئ
أبو أريج بلؤم مع أريج قصرت هــ المره يوم زوجتها لواحد ما عنده مسئولية لكن كلامها اليوم صحاني مشعل ما حسب لأحد حساب على الي سواه مالك ذنب تنتظرينه عيشي فرحك يا يبه.....
*******************
بالمرسم تأملت رسمتها لملامحه و أبتسمت بقهر كأنها تحاكيه [ قسيت عليك اليوم كثير لكن أنت الي جبرتني أسوي كذا منك تعلمت حتى القسوة شهر لك غائب لا أتصال و لا سؤال طيب لا تفكر فيني أنا فكر في أمك أبوك معقول ما حنيت لهم شو الي شفته مني لجل تقول ما تستاهل زوجه مثلي شو هو الي كان تحت رأسك أصلا و من هـ البنت الي بحياتك أكيد سلطان يعرف كل شئ بس كيف أقدر أساله لا لا لا يا أريج لا تعبين نفسك أكثر خليك كذا مرتاحه { أنا بصير أم طفلي أهم أهم من كل شئ حتى مشعل } ].......
*******************
الجزء الثامن و الخمسون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك