رواية عندما تضئ الشموع بيد الحزن -34
الجزء الخامس و الستون
وقف قدام الباب و هو يتنفس بعمق و محضر نفسه لأي ردة فعل بتكون و كلامها يتردد بأذنه [ لا تتوقع الكل بيستقبلك مثل أريج ] رفع يده و دق الجرس دقيقه و كان بنص الصاله و الكل جالس في مكانه بصدمه ما هو قادر يستوعب الي تشوفه عيونه صوت وأحد أعتلى بفرح
أم مشعل مشعل
كان بيتقدم لها لو لا الصوت من خلفه بكل جمود أبو مشعل أطلع برى
مشعل ألتفت بصدمه يبه
أبو مشعل بأنفعال أطلع برى بيتي و لا أسمع منك كلمة يبه فاهم
أم مشعل مسكت فيه برجاء لا يمه لا تروح أبوك معصب بس بيهدى
أبو مشعل بصراخ حصه أتركيه
مشعل تنفس بعمق و سحب يده من بين يدين أمه و طلع بدون أي كلمة
أم مشعل و هي تنأدي عليه مشعل مشعل أرجع يا يمه ريح قلبي بشوفتك
ريم هي الوحيده الي قدرت تجري وراه لكن بدون فائدة خلاص مشعل طلع
أم مشعل ما قدرت تسند طولها و كانت راح تطيح على الأرض لو لا أن مرام مسكتها رجعلي ولدي يا عبد الله حرام عليك تسوي فيني كذا
أبو مشعل بصرامه تبينه تعرفين طريقة لبيتي ما راح يدخل لين يصير رجال يعتمد عليه......
****************
من أول ما سمعت بخبر رجوعه و هي مقهوره و الي قاهرها أكثر أريج الي مطنشه أتصالاتها
فجر و هي تكلم نفسها اووف بس لو كنت جمبك
أم أريج بسم الله منو تكلمين ؟
فجر نفسي يمه
أم أريج الله لا يبلأنا وشفيك ؟
فجر أريج قاهرتني ما ترد
أم أريج وش تبين منها الحين
فجر تعقل و ترجع عندنا ما هي قالت لما يرجع مشيعلوه بتترك له البيت
أم أريج بحده بنت ناويه تخربين بيت أختك أنتِ خليها تتفاهم مع رجلها لوحدها
فجر يعني وش بيقول لها حبيت أغير جو و أرجع لك و هي بتصدقه
أم أريج فجر يا يمه أنا قلبي يعورني على أختك لا تزيدني عليها حسرة ما هو كافي جدتك متحلفه إلا ترجعها
فجر بقهر يمه أنتِ راضيه عن الي سواه مشعل فيها
أم أريج لا و الله ما أني راضيه لكن أنا أم و فاهمه بنتي أختك ما بتقدر تبعد عن مشعل أنا عارفتها.....
**********************
شافته و هو يدخل و ملامح الخيبه تطغى على وجهه و في صمت تبعته الخطوات للغرفه
أريج شو صار ؟
مشعل و هو جالس على السرير و ضام رجوله أبوي طردني من البيت
أريج شهقت بصدمه يا الله
مشعل تخيلي قالي لا أسمع منك كلمة يبه
أريج قربت منه وضمة يده بين يدينها الي صار كان قاسي عليه
مشعل بأنفعال طيب أنا شو ذنبي كنت أموت ألف موته في حياتي عباله ما أحس لما كل مره يقولي بشوف عيالك وش أقوله وقتها ولدك الوحيد ما يقدر يجيب لك أحفاد
أريج بس هو ما يعرف بكل هـ الكلام خلك واقعي ردت فعله طبيعيه و كنت متوقعتها
مشعل صرخ فيها بدون وعي و لا أبي حد يدري فاهمه
أريج تنفست بعمق و طالعت بعيد [ هدي يا أريج هو معصب ]
مشعل تدارك نفسه بسرعه أسف أريج بس أنا منفعل شويه
أريج بألم أنا ما راح يطلع مني كلام لأحد هذا الكلام بينا و بيموت بينا أنا أصلن نسيته لأنه ما يستحق التفكير وش كنت متوقعه بيكون سبب زواجك مني حب لشخصي مثلا
مشعل طالع فيها بصدمه أريج وش تقولين أنتِ
أريج لا تهتم للي أقوله لأنه الحقيقه الي بتكتشفها لنفسك بعدين و إذا على أبوك ما عليه عمي طيب و مع الأيام بينسى و يسامحك
مشعل قام من مكانه بدون تفكير مسح على رأسها و هو ماشي بتعرفين بكره أن حبي لك هو الشي الوحيد الي ما ندمت عليه و لا راح أندم أنا رايح لجدتي.......
***********************
من وقت طلع مشعل و هي في مكانها تبكي قهر عليه على كثر ما ترجت في زوجها يتراجع عن كلامه و يسمح له يدخل البيت لكن رفضه كان قطعي و نهائي
مرام يمه خلاص هدي قومي معي غسلي وجهك
أم مشعل هو أنا كنت مصدقه أنه بيرجع عشان يطرده أبوك
ريم ما عليه يمه أبوي معصب بس يهدى نتفاهم معه
مرام بعدين هو أكيد راح بيته لو تبين نروح له الحين
أم مشعل و يعني أريج بتخليه يرتاح أكيد بتسوي فيه أكثر من أبوك
مرام يمه الله يهديك هو بيته يعني أريج لو تبي تروح بيتهم
ريم و أريج من أول ما طلعت و الله ما أظن تطلع عنه الحين
مرام قومي معنا أنا الحين أتصل فيها و اسألها عنه
أم مشعل أعطيني هي خلني أكلمها بنفسي
مرام أبشري من عيوني بس غسلي وجهك و تعوذي من أبليس و أدق لك عليها ريم أعطينى كأس مويه
ريم أبشري.....
********************
كانت متفاجئه بجيته لكنها حاولت تكون معه طبيعية دخلته المجلس و هي ترحب فيه و بخاطرها [ كيف أستحملتي تشوفينه يا أريج كذا كأنه هيكل عظمي صاير ]
أم أريج الحمد لله على سلامتك يمه
مشعل الله يسلمك يا خالتي عمي موجود ما أشوف سيارته برى ؟
أم أريج لا و الله طالع عمك
مشعل و جدتي شخبارها ؟
أم أريج زينه ما عليها
مشعل بتردد أقدر أشوفها خالتي
أم أريج وقفت و ببألها [ الله يستر من الي في رأس جدتك ] أبشر هـ الحين....
و قبل تكمل دخلت أم عبد الله قدامها و الي تجزم أن فجر هي الي مخبرتها مشعل قام من مكانه يسلم عليها لكنها وقفته قبل يلمس رأسها وخر عني لا تلمسني
مشعل أفى جدتي
أم عبد الله ما أني جدتك بعد الي سويته في بنتي حنا معطينك هيا نقول رجال بيصونها و يريحها و أنت تهيت عنها
مشعل جدتي الله يطول لي بعمرك هدي و أسمعيني أنا قلت لأريج كل شئ صار معي
أم عبد الله زين كثر الله خيرك روح جيب لنا بنتنا
أم أريج خالتي خليهم يتفاهمون مع بعض
أم عبد الله أبدن أنا قايله بنتي ما لها قعده في بيته بعد الي سواه و قلت خلوه لين يرجع و أسمعه هذا هو خبرها وشوله تعقد عنده كمان
أم أريج و هي تطالع مشعل بحذر يا خالتي هي قالت ما راح تطلع من بيت رجلها لا تغصبينها
مشعل طالع فيهم بغرابه محد راح يأخذ أريج لا مني و لا من بيتها
أم عبد الله لا بأخذها البنت أصلا من أول ما تبي تتزوجك و حنا الي غصبناها........
بقهر كانت تمشي في الصاله توصل الى الباب و ترجع كلها عجب كيف أمها دخلته و رحبت فيه بعد الي سواه أنتبهت لجوالها الي كان صامت و يبدو له فترة يدق و فتحت الخط أول ما شافت الرقم
فجر هلا
ماجد وينك أنتِ عن الجوال شوفي كم مره داق عليك
فجر تنفست بعمق صامت ما أنتبهت له
ماجد وشفيك ؟
فجر و لا شئ
ماجد عليه صوتك تقاتلين الهواء
فجر مقهوره
ماجد من منو ؟
فجر أمي تخيل دخلت مشعل بيتنا و رحبت فيه بدل ما تطرده حتى
ماجد و هو رجع ؟
فجر أيه اليوم الفجر
ماجد و أريج وين الحين ؟
فجر بزفرة لا تقهرني زود أريج في بيتها و الظاهر تبي تجلس عنده عادي و لا كأنه صار شئ
ماجد طيب هدي أنتِ وش قاهرك يمكن هو قايل لها ليش سوى كذا
فجر من زين الي بيقوله و هي مره إلا تصدق
ماجد بتعقل فجر أي أثنين متزوجين تكون بينهم أسرار و مشاعر محد يعرف عنها إلا هم و أنا متأكد أن أريج تحسب حساب للي في بطنها كيف يطلع على الدنيا و أمه و أبوه منفصلين مثلا
فجر غصب عنها غصة بدمعه أصلا هي تحبه النذل
ماجد بنظرة للبعيد فجر لو مثلا أنا سويت فيك كذا بتسامحيني
فجر من داخلها كانت مؤمنه بشئ واحد أنها فتحت عيونها في الدنيا على حب ماجد و بس كيف بتتخيل تعيش بعيد عنه نطقتها بأحساس قلب محب ما أقدرأعيش بعيد عنك.......
*********************
بالسرير كانت متمدده و تفكيرها كله في سخرية القدر معها قبل شوي لما أتصلت أم مشعل توصيها عليه [ حد يوصيني على نبض قلبي يا ناس ] تنفست بتعب و هي تشوفه يدخل بحال أقسى على قلبها من الي طلع فيه رمى شماغه بأهمال و تخطى كل شئ قدامه مغمض العيون و الأحساس لين وصل صدرها و حط رأسه عليه بصمت
مشعل حتى جدتي ما تبيني
أريج ليش شو قالت لك ؟
مشعل تنفس بعمق و بصوت مبحوح أريج صح أنتِ ما كنتِ تبين تتزوجيني ؟
أريج تلعثمت منو قالك ؟
مشعل جدتي و أنهم هم الي غصبوك
أريج [ الله يسامحك يا جدتي ] لا شعوريا رفعت يدها تمسح على شعره هو أنا كنت رافضه فكرة الزواج من الأساس ما هو لك كشخص
مشعل ليش ؟
أريج كانت تحمد ربها أنه نائم على صدرها و لا يشوف وجهها و عيونها الي بدت شلالات دموع شو بتقوله عشاني عارفه أنه ما فيه شخص بيتزوجني إلا لغاية مثلك هو مجرد إقتناع كنت أظنه
مشعل تنهد بقوة جدتي راح تأخذك مني ؟
أريج بغرابه وين ؟
مشعل بيت أبوك
كل شئ أظلم بعيونها أريج مستحيل أنا ما أبي أولد إلا هنا
مشعل بأندفاع ما راح أخلي حد يأخذك مني أنتِ الوحيده الي تهميني هنا مستحيل أفرط فيك خل يقولوا عني الي يقولون ما يهموني أنا حكيتك و خلاص أرتحت أريج أنا تغيرت و الله العظيم تغيرت ليش ما يفهمون الي صار معي علمني الدرس صح
أريج أثبت لهم طيب التغيير خله بأفعالك ماهو أقوال و بس
مشعل كيف و أنا كل ما أروح لأحد يطردني مثل الغريب
أريج أنت تقرب لهم أستحمل مهما كانت ردت فعلهم يضلوا أهلك
مشعل بتنهيدة تعب أنا تعبان و الله تعبان
أريج ما كانت تدري شو تقول إلا أنها تبكي بصمت [ يا ليت أقدر أخذ تعبك يا مشعل يا ليت ]...........
**********************
دخلت وراه الغرفه و هي حاطه يدها على قلبها وش بتقوله
أبو أريج بحده أجل مشعل جاء بعدي هنا ؟
أم أريج أيه بس ما طول ما قصرت خالتي أستلمته من أول ما دخل
أبو أريج و بنتك وين ؟
أم أريج في بيتها
أبو أريج وش يبي جاي أن شاء الله ؟
أم أريج يا عبد الرحمن أستهدي بالله هو يقول خبر أريج بكل شئ يمكن كانت بينهم مشكلة و حلوها
أبو أريج وش خبرها وش مشكلته ذي الي تخليه يتركها حول ثلاث شهور
أم أريج ما قالي شئ
أبو أريج و أريج يوم كلمتيها ما قالت لك
أم أريج لا ما قالت لا تخرب بيت بنتك بيدك كلمها أنت بنفسك شوف يمكن تقول لك شئ
أبو أريج يصير خير
أم أريج تعوذ من أبليس البنت على وجه ولاده لا تتعبونها....
*******************
دخل البيت بعد ما طلع يتنفس هواء يريح باله بعيد عن مشاكل البيت و بلاوي مشعل فوق رأسه شافهم جالسات بالصاله و أول ما شافوه وقفوا له
أبو مشعل وين أمكم ؟
مرام أعطيتها حبه و نامت
أبو مشعل زين
ريم نحط لك عشاء يبه ؟
أبو مشعل لاه مالي نفس
ريم بس شئ خفيف تأكله
أبو مشعل و هو يجلس و الله يا يبه مالي نفس أخوك و عمايله ساده نفسي عن كل شئ
مرام يبه حنا ما سمعنا له يمكن كان عنده شئ
أبو مشعل ما عنده غير الصياعه
مرام الله يهديه
أبو مشعل ما يندرى عن حال أريج وش هو ؟
ريم بخير يبه كلمناها قبل شوي
أبو مشعل و الهايت عندها و إلا لا ؟
ريم تقول راح لجدتي
أبو مشعل أيه راح يدور رضاها الحين بس زين تسوي فيه الوالده......
********************
طلعت من الحمام [ أكرمكم الله ] بعد ما بدلت ملابسها لجل تنام لأن بكره عندها موعد بالمستشفى من بدري شافته يبلع حبه على السريع و أول ما شافها خبئ العلبة وراء ظهره قربت منه بخوف
أريج أنت تعبان ؟
مشعل بلعثمه هااه لا أيه صداع بس
أريج بغرابه و ليش تخبي العلبة وراك ؟
مشعل لا عادي بس أنا حطيتها وراي الحين أقوم أحطها بالثلاجة
أريج ما قدرت تصدقه و مدت يدها خلفه بستسلام منه أخذتها وشهقة بدمعه أنسولين أنت....
مشعل أخذها منها ورماها في الدرج أنسي عادي حبة و أكل صحي و بيكون كل شئ تمام
أريج ما كان فيك شئ قبل من متى صار ؟
مشعل بزفره ما هو مهم أريج....و مد يدينه بيرفعها لسرير تعالي نامي بكره وراك قومه من بدري
أريج مسكت يدينه و أرختها بدون ما تقدر تسيطر على دموعها قولي متى صار لك السكر
مشعل تنفس بعمق و جلس على طرف السرير يوم أتصلت هنا على خط البيت بكلمك و كنتِ أنتِ معصبه و تصارخين على حد عندك
أريج بتفكير سمعتني
مشعل أيه سمعت منك كلمة أريج ماتت و مت أنا ذيك اللحظة
أريج ما قدرت تمسك نفسها و أنفجرت صياح و هي تغطي فمها
مشعل قام من مكانه و حضنها أريج بس ليش تصيحين شوفيني أنا بخير قدامك ما فيه إلا العافية
أريج تمسكت فيه مثل طفل في حضن أمه تألمت كثير لوحدك
مشعل و عرفت معنى أريج و بنتي في حياتي أكثر
أريج بعدت عنه و هي تضحك يا سلام و إذا كان ولد
مشعل و هو يلعب بأنفها ههههه نجيب البنت المره الثانيه........
*************************
الجزء السادس و الستون
طلعت من المستشفى و هي تغالب دموعها تعبها ضيقة روحها تنفست بعمق و قالت لسواق يروح لبيت أهلها محتاجه تشوف أمها تريح قلبها و تحط رأسها على صدرها و تنسى همها الطريق كان طويل على شخص محتاج لراحة حطة رأسها على راحة يدها الي سندتها على طرف الباب و سرحت في عالم الأمومه تشوف طفلها يكبر و ينمو قدامها تسهر لراحته و تبكي لألمه تحكي له كل حكاوي جدتها قبل تنام تعلمه الصح وين و الخطاء شو تربيه مثل ما ربوها أمها و أبوها و أكثر مما علموها لازم يكون أفضل منها و أفضل من كل الي حولها........
*********************
في الدوام غمض عيونه و سند رأسه على الكرسي و هو يزفر يبي الخلاص [ اففف و بعدين مع هـ الحالة معك لازم تتخذ قرارك بسرعه يا سلطان تبيها و إلا ما تبيها بس شو الحل مع هـ التردد أخاف ترفض أحسن شئ أعرف رأيها أول قبل أكلم مشعل بس كيف كيف ؟ اممم أدق عليها يعني و إلا أرسلها رساله بس شنو أقول لاه لاه بطيح من عينها بتقول ليش ما يدخل لي من الباب دامه صادق لكن رأيها هو الأهم قبل كل شئ ما فيه غير عبير خلني أكلمها تفاتحها بالموضوع لو تقبلت كلمة مشعل بعدين بنفسي ]......
**********************
وقف في البلكونه يدخن سيجاره و هو يحتقر نفسه جالس في البيت بدون شغل و من اليوم راح يأخذ مصروفه من أريج الي أعطته حسابها بطواعيه و لو عرف أبوه راح يسحبه منهم و يضلون بدون أي دخل تنفس بعمق [ لازم أدور لي على شغل أستقل عن فلوس أبوي أثبت له أني صرت رجل مسئول عن بيتي و زوجتي و ولدي صدقت أريج التغيير مو أني أقول تغيرت بالكلام و أنا حياتي مثل ما هي لازم أغير أفعالي حتى لك يا أريج راح تفخرين بمشعل أوعدك ] رمى السيجاره من يده و توجه للغرفه يبدل و يطلع.....
**********************
فرحتها بشوفتها ما كانت تنوصف من شهر و نص أو أكثر ما دخلت البيت و كانت تتوقع ما عاد بتشوفها هنا إلا بعد الولاده
أم أريج بفرح هلا و غلا تو ما نور البيت
أريج ببأتسامة بارده منور فيكم يمه
أم أريج تعالي يمه أستريحي هنا
أريج لاه يمه بروح الغرفه بتمدد هناك
أم أريج و هي تتقدمها عشان تفتح الباب الي يريحك يمه تعالي جيتي مع السواق و إلا مشعل برى ؟
أريج لا يمه مع السواق أنا جايه من المستشفى و مشعل وراي نائم في البيت لما طلعت مدري عنه
أم أريج بشري وش قايله لك الدكتوره ؟
أريج بزفره كل شئ بخير يمه لا تقلقين
أم أريج الحمد لله يمه الله يقومك بالسلامه
أريج أمين إلا وين جدتي ما لها صوت
أم أريج تصلي الضحى يمه أفطرتي يا قلبي و إلا أجهز لك فطور
أريج يا ليت يمه على تفاحه و كأس حليب من أول ما صحيت
أم أريج من عيوني يمه الحين أجهز لك.......
*********************
ما كان قدامه إلا هو يعرف لو قدم أوراقه في كل مكان ما راح يقبلونه بسهوله مثل ما يظن لكنه بيشوفه يمكن يكون عنده وظيفه في الشركة الي يشتغل فيها
مشعل و هو يدخل سلام
سلطان وقف له هلا و عليكم السلام حي من حضر
مشعل يحيك وش الأخبار عندك
سلطان تمام وش هالنور مع الصبح
مشعل دوم نوري يغطي الشمس
سلطان لا يا شيخ
مشعل هههههه ترى جأيك بموضوع ما يتحمل التاجيل
سلطان قوله وراي شغل لرأسي
مشعل أيه شغل ما فيه وظيفه شاغرة عندكم
سلطان بغرابه منو بتوظف ؟
مشعل نفسي طبعا يعني ناسي أني صاير على باب ربنا
سلطان هههههههههه اوووف تطور فلكي هذا
مشعل بطل طنازة و قولي فيه و إلا أمشي
سلطان بسألك بس ما أظن فيه إلا ليش ما تشتغل عند أبوك
مشعل ضحكتني طاردني من البيت تبيه يستقبلني في الشركة
سلطان بالعكس جرب ممكن بكذا تكسبه لصفك و يرضى عليك.......
****************
دخلت البيت و هي مروقه و تغني بصوت عالي اليوم الأربعاء كيف ما بتكون مبسوطه قربت منها بسرعه و هي تهمس لها
أم أريج آش أختك نائمه
فجر بذهول أريج عندنا
أم أريج أيه هدي صوتك توها نامت
فجر سبحان الله أخيرا أفتكرت أن عندها أهل غير مشعل
أم أريج خليها في حالها أختك لو ما كانت تعبانه ما جاتنا
فجر زين يا حلوتي وشو الغداء ترى هلكانه جوع
أم أريج بعفويه فديت أريج نامت و هي تبي مكرونه
فجر بالعربي الغداء مكرونه
أم أريج طبعا
فجر أيه هذي أريج لو تبي لبن العصفور جبتيه لها لكن المسكينه الي بتتشرد في وطن أخر محد يعطيها وجه
أم أريج بمزحه خلاص لك أهلك هناك خذي جنسيه و عيشي مع زوجك و عيالك
فجر أفى هذا و هي بس أريج جايتك اليوم و هذا كلامك أجل بكره لجأتك بعيالها أكيد بتطردوني
أم أريج ههههههه أجل أتركي عنك هـ الغيرة و روحي بدلي خل نتغداء مع بعض
فجر ههههه على عيني و أحلى غداء من أحلى يدين....
***************
رجع للبيت و توجه للغرفه يشوفها و يتطمئن منها شو قالت لها الدكتورة أستغرب أنها ما كانت موجوده بدون تفكير طلع لدور الثاني أكيد بتكون هناك مر على المرسم و غرفة النوم مالها أثر طلع جواله و أتصل فيها لكن جوالها طلع مقفل تنفس بعمق و نزل مع الدرج و هو ينادي على ساتي
ساتي يس مستر
مشعل مدام ما يرجع لسى
ساتي نو مستر بس غفور يرجع
مشعل بغرابه غفور يرجع بدون مدام
ساتي يس ممكن هو يروح عند ماما حقها
مشعل طلع بدون تردد و صدى رفضها لروحته معها المستشفى أمس يتردد بكيانه [ معقول أريج راحة بيت أهلها خلاص ] مشى ناحية الملحق و هو يصرخ على السواق
مشعل غفور
غفور نعم
مشعل فين يودي مدام أنت ويرجع ؟
غفور هو يروح بيت ماما كبير قول يجلس هناك......
***************
طلعت لها الصاله و هي تتوجع على جلستها بهـ الشكل صايره تمر أسابيع عليها ما تطلع من البيت من وقت تغير خالتها و هي ما عاد تسأل أو تمرهم و إذا أتصلت ما تطول معها
مها يمه
أم مها هلا يمه
مها ليش جالسه هنا لوحدك
أم مها بزفره وين أروح يمه
مها اليوم الأربعاء قومي نطلع أنا و أنتِ نغير جو
أم مها خلينى نروح لخالتك أبي أشوفها من زمان عنها
مها يمه الله يهديك أتركينا من خالتي خل نطلع نتنفس خالتي خلاص أنسيها
أم مها يمه خالتك الي تشوفه من عيالها و رجالها يكفيها ما بقى مرض في العالم إلا صار معها ما قطعتنا من شئ هين
مها زين نروح لها يوم ثاني اليوم نبي نطلع أنا و أنتِ مع بعض نشم هواء البحر نضحك نسولف ننسى هموم الدنيا
أم مها قولك كذا
مها أيه يمه يالله عشان خاطري
أم مها و هي توقف شورك و هداية الله توكلنا عليه
مها دقائق بس أجهز قهوة و حلى على السريع نأخذهم معنى......
*******************
جلس و هو يزفر و يحاول يهدي نفسه يمكن فهم من السواق خطاء و أريج بس بتزور أهلها و ترجع لكنها مقفله جوالها ليش ما يدري
أبو أريج حياك يبه تفضل بروح أجيب لك القهوة
مشعل أستريح عمي أنا جاي اسأل عن أريج بس هي هنا
أبو أريج و هو رايح أيه يبه هنا
مشعل تنفس بعمق و عض شفايفه [ و لا تفكر تتصل تقول بروح لأهلي معناته ما تبي ترجع على كلام جدتي ]
"
"
طالعت الساعة و شهقت بصدمه أربع ونص العصر و هي نائمة من أحدى عشر الظهر مدت يدها للجوال و أنصدمت أنه فاضي بطارية [ ياربي و لا أحد يفكر يصحيني ما يقولون وراي صلاة وراي بيت و رجال ما أدري عنه من الصبح أكيد دق على جوالي و عصب الله يستر لا يكون أرتفع عنده السكر في البيت لوحده ] رفعت يدها و حركة الكرسي قريب منها و جلسة عليه و توجهة للحمام [ أكرمكم الله ] تتؤضا و تصلي فرضيها و ترجع للبيت....
****************
أبتسم لهم على مضض لهم ساعة يسولفون و ما هم حاسين فيه و النار الي تشتعل بصدره كل ما سأل عنها قالوا له نائمه و ماهو راضي يصدق و يفكر كيف يبداء معهم قضية [ رجعوا لي أريج قبل أفقد أعصابي ]
"
"
طلعت لصالة و أستغربت الهدوء فيها و كأن البيت فاضي من الناس شافة فجر واقفه قدام باب المطبخ و تكلم في جوالها راحة ناحيتها و أشرت لها تقفل قبل توصلها
فجر و هي تسلم عليها ياهوووه ما بقى لنا نوم
أريج ليش محد صحاني ؟
فجر و الله اسألي أمي كل ما أقول لها يمه أصحيها قالت لا خلي أختك ترتاح تعبانه تخيلي اليوم الأربعاء و أنا ما نمت و كله عشان أشوفك قبل تروحين عارفه أنك لأصحيتي ما بتفكرين غير بمشعل
أريج حشى بالعه راديو و الله ما نمتي من هـ الي تكلمينه ليل نهار وين أمي بس
فجر أعوذ بالله حاسدتني عليه هناك في المجلس عندهم المحروس رجلك
أريج أحلفي مشعل هنا من متى و ليش ما صحيتوني ؟
فجر بلكنه كويتيه عدال لا يطيح نصج من نص ساعة بس و قلنا له أنك نائمه عادي جالس معهم تعالي تغدي
أريج حميه بروح أشوفه و أرجع لك..........
*********************
الجزء السابع و الستون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك