رواية عندما تضئ الشموع بيد الحزن -35
الجزء السابع و الستون
طالعت فيه بنظره خاطفه و عورها قلبها على منظره يجمع كل غضبه في قبضة يده و يحاول يسيطر على نفسه كل خوفها عليه يرتفع عند سكر و يفقد وعيه و هو ما يبي حد يعرف بأمره الحين
أريج بعد ما أخذت نفس عميق جدتي أنا ما بطلع من بيتي
أم عبد الله بتولدين لحالك يعني ؟
أريج عندي شغالاتي و أمي ما بتتركني
أم عبد الله يا بنت أنتِ ليش عاصيه كذا
أريج يا جدتي ما هي عصاوه بس أنا مرتاحه هنا
أم عبد الله و هي تكلم أمها و أنتِ ليش ساكته قولي لك كلمة
أم أريج و كأنها بدت تصدع من هـ القضية من أسبوعين خلاص أنا أجي عندها
مشعل أكيد خالتي البيت بيتك
أم أريج تسلم يا يمه
مشعل أجل حليناها يا جدتي و حتى أنتِ حياك عندنا البيت كبير و يلم الكل
أم عبد الله لاه أبدن غير بيتي ما أجلس
أريج بضحكه ما هو كان هذي عصاوه
أم عبد الله خلك بس تولدين و حسابي معك
أريج بخوف لا أحد يذكرني بالولادة
مشعل أفى تخافين و أحنا معك.....
****************
طالعت فيه بغرابه و لا شعوريا حطة يدها على جبينه لا يكون مصخن و إلا شئ
سلطان وشفيك ؟
عبير بشوف لا يكون أنك مصخن
سلطان لا أبد سليم ليش ؟
عبير أجل مصحيني من عز النوم عشان تقولي بتزوج معقول أنت ؟
سلطان يا شينك و شفيها خلاص قررت بتزوج حرام يعني
عبير زين بس تراك غلطان بالعنوان أمك هناك وراك هي الي المفروض تكلمها ما هو أنا
سلطان يا شينك بس ترى أنا أبيك تجيبين لي رأي البنت قبل أخطبها من أهلها
عبير ليش جدتي ما تعرفها
سلطان لا
عبير من برى العائلة
سلطان أكيد يا الدلاخه
عبير ببرود وش أسمها ؟
سلطان و الله لو لا أنه يسوي علامه بوجهك رميتك بكأس الشاهي ذا
عبير هههههههههههههه أحلى يا العاشق
سلطان زين بتكلمينها و إلا لا ؟
عبير طيب من هي ؟
سلطان بنظرة تهديد عبير
عبير بضحكة يعني مستحي تقول أسمها يا ربي على الخجل
سلطان قام و أخذ المخده يظرب فيها و هي تضحك و تردد في أذنه مرام مرام........
***********************
دخل بخطى ثابته و وقف بنص المكتب يسيطر على أنفاسه مهما كان هو غلط و لازم يستحمل نتيجة غلطه و يضل هذا أبوه قبل كل شئ
أبو مشعل بدون ما يرفع عينه من كومة الأوراق الي بيده نعم و أختصر وراي أجتماع
مشعل تكلم بهدوء يبه
لكن أبو مشعل قاطعه على عجل بدون كلمة يبه
مشعل سحب نفس عميق و تكلم أبي أشتغل معك في الشركة
أبو مشعل بدون أي كلمة رفع الخط و كلم ياسر ثواني و كان عنده
ياسر أمر طال عمرك
أبو مشعل عندنا وظائف حاليا محتاجين موظفين
ياسر بتفكير أيه قسم المحاسبة محتاجين موظف
أبو مشعل زين وظف مشعل هناك و بنفس راتب موظفين القسم
ياسر طالع فيهم بغرابه أن شاء الله طالع عمرك
أبو مشعل خلاص روح شوف شغلك
مشعل تقدم للمكتب خطوتين و طلع من جيبه ظرف حطه على طرف الطاولة مشكور يبه هذي أوراق العماره و الحساب الي فتحته لأريج في غيابي
أبو مشعل بس هي أملاك لأريج الحين
مشعل من اليوم أنا المسئول عن أريج و بيتي تبى ترجعها لها براحتك بس أنا مالي فيها ريال......
********************
في الكلية كان الجو جدا ثقيل عليهم و هم يطالعون الساعة في محاضرة الأستاذه هذي بالذات تصير بطيئة و ما تمشي
فجر بهمس أحس بالنوم
ريم بنفس نبرة الصوت أسكتي تبين شئ أكتبيه على الورقة بدل ما تبهذلنا
فجر قلبت دفتر محاضراتها و كتبت فيه بمثل أني تعبانه و طلعيني
ريم سحبت الدفتر و ردت عليها و ليش أن شاء الله ؟
فجر مخنوقه
ريم أي وراك عرس لكن أنا المسكينة لازم أفلح بدراستي و إلا بهذلني أبوي
فجر و الله عمي صاير معكم الرجل الحديدي
ريم بطلي طنازه بس
فجر ههههههه شكل دروس جدتي أثمرت أخيرا
ريم وينها ما قدرت على أريج
فجر لا تذكريني أريج طلعت حاله خاصه
ريم أموت و أعرف وش كان بينها و مشعل و كيف قفلوا الموضوع بهدوء
فجر ما خليت وسيلة إلا أستخدمتها بس بدون فائده
ريم يا ستي أهم شئ أنهم مع بعض و بكره بصير عمه خخخ..........
دخل البيت و شاف الشغاله قدامه سألها عن أريج و أستغرب أنها قالت له طلعت من ساعتين جلس على الكنبه و أخذ جواله بيتصل فيها لكنه نزل جواله و قام ناحيتها و هو يشوفها تدخل
مشعل وين رحتي أنتِ ؟
أريج بتعب الدكتوره متى رجعت ؟
مشعل توني بس ليش رحتي ما قلتي لي عندك موعد
أريج ما هو موعد أنا رحت لها كذا
مشعل بخوف ليش في شئ يعورك ؟
أريج و هي قريب تصيح كل جسمي يعورني و اليوم طلعت أخذه أجازه و محوله ملفي عند وحده سعوديه طلعت لي بكلام جديد تقول حسبت خطاء و ولادتي بعد أسبوعين
مشعل ضحك و مسح على رأسها يا عمري خليك تولدين و ترتاحين خلاص
أريج بزفره و هي بتكون سهله
مشعل لا تخافين أنتِ و هي بتعدي كلنا معك
أريج الله يعين شو صار مع عمي شفته ؟
مشعل بضحكة سخريه أيه ما قصر وظفني
أريج شو وظفك ؟
مشعل محاسب براتب خمسه الأف
أريج و كنت تظن بيخليك مدير عام أحمد ربك أنه وافق تشتغل عنده.......
************************
قام يسلم على أمه و يسندها تمشي معه لين جلسها على الكرسي قريب منه
أبو مشعل بشريني يالغالية كيف صحتك ؟
أم عبد الله زينه غير رجولي هذي الي ما عاد تشيلني
أبو مشعل الله يهديك يا ميمتي لو بس تخليني أوديك المستشفى نسوي لك فحص و نتطمئن عليك
أبو أريج هذي هي عندك عجزت معها ما هي راضية تروح
أم عبد الله أبدن ما أروح لهم هذيلا يطلعون في الواحد ألف مرض و يجيون له الوسواس الله الي ينزل المرض و الله الي يرفعه
أبو مشعل الله يطول لنا في عمرك و يعطيك الصحة و العافية
أم عبد الله خلك مني و قولي وش مسوي مع مشعل لا يكون لين الحين ما تكلمه
أبو مشعل اليوم جاني الشركة
أبو أريج عسى خير
أبو مشعل يقول يبي يتوظف
أم عبد الله و شغلته عندك ؟
أبو مشعل أيه يمه عطيته وظيفة زيه زي أي موظف عندي
أبو أريج الله يصلحه لك
أبو مشعل امين إلا أريج وش أخبارها ؟
أبو أريج بخير ما عليها إلا العافية
أبو مشعل ما قالت لكم شئ وش الي بينها و بين مشعل ؟
أبو أريج بزفره لا و الله ما هي راضية تقول لنا شئ بس تدري خلهم يحلون مشاكلهم بنفسهم أحسن.......
********************
أبتسمت و هي تسمع صوتها في الممر صايره تزورهم بشكل يومي عدلت وضعها و غطة نفسها زين
مشعل تفضلي يمه دلوعتنا ما عاد نبيها تقوم من السرير
أريج بخجل و الله غصب عني
أم مشعل ما عليه يمه خلك مرتاحه
أريج تسلمين خالتي مرتاحه
أم مشعل طمنيني عنك عسى ما تحسين بشئ يعورك
أريج الحمد لله بخير بس ظهري ما أدري وشفيه ثقيل و متصلب يتعبني لما أجلس
أم مشعل ما عليه كلها كم يوم و تولدين كلنا صار معنى كذا
أريج يارب بس أشوفه
مشعل بتشوفينه يا قلبي و يملى حياتنا بس هااه عاد أحذرك قدام أمي ما هو تعطينه كل الأهتمام و تنسيني أنا
أريج من الحين الغيرة بدت
مشعل هذي ما هي غيره هذا حق من حقوقي
أريج أحلف بس
أم مشعل بضحكة الله يسعدكم يمه و يبعد عنكم عيون الشياطين
مشعل أبتسم بتعجب و هو يطالع أريج الي بأدلته البسمه و بمزحه وشفيك متنح كذا ترى لسى ما ضيفنا خالتي شئ.......
***********************
دقت أرقامها و هي تضحك وش بتقولها و إلا كيف بتبداء معها
عبير سلام للقاطعين
مرام مالي أربع و عشرين ساعة عنك كيف قاطعه يا شيخه غثيتك من كثر ما أتصل
عبير لا ولو أنتِ الغاليه وش تغثينا ناس يقتلونا الحين
مرام بغرابه منو ما فهمت
عبير عصافير الصبح
مرام بنت توي صاحيه و مخي مقفل تكلمي بدون ألغاز
عبير أحلى كلام أنك مدلخه تجيبين العيد من أوله
مرام وش عيده ؟
عبير عيد القلب يا قلب
مرام بضحكه بنت ترى صدق حستي مخي
عبير هههههههههه و الله ما أني عارفه كيف بقول الله يسامحك يا الوحش
مرام منو الوحش ؟
عبير مزيون أسبانيا
مرام بسم الله أنتِ شاربه شئ ؟
عبير شاهي بس
مرام طيب أعترفي وشفيه الشاهي ؟
عبير خاتم خطوبة
مرام لاه يالدبى و من الصبح ما تقولين مبروك ألف ألف مبروك حبيبتي
عبير وشفيك تباركين لنفسك
مرام نعم !!
عبير يا أختي خل أكب العشاء و الي يصير يصير خالي سلطان يقولك تتزوجيني......
********************
دخلت عليها المطبخ و هي تعد على أصابعها و مندمجه في عالمها
فجر يمه
أم أريج هلا
فجر تصدقين باقي لك عشرين يوم و تصيرين جده
أم أريج و أنتِ تدخلين غرفتك تذاكرين و إلا تعدين لأختك ؟
فجر الثنتين
أم أريج الله لا يبلأنا يا بنت أركدي كأنك بتولدين محلها
فجر يمه بصير خاله يعني تجربة جديده
أم أريج الله يعينك يا أريج
فجر على شنو أن شاء الله ؟
أم أريج بطنازة على الولادة يعني على شو
فجر عادي تقوي قلبها المهم يمه هو أنتِ صح بتروحين عندها في البيت
أم أريج أيه ما هي راضية تجي هنا ما أقدر أخليها لوحدها
فجر كله عشان مشيعلوه ما تبي تخليه لوحده
أم أريج و أنتِ بكره بتخلين ماجد لوحده
فجر بضحكه عادي ماجد أنتِ عمته محسوبه عليه
أم أريج حتى مشعل صرت عمته بس قولي أن ماجد في قلب بعض الناس غير أصدقك.......
***********************
فتحت عيونها و طالعته جمبها نائم بسلام هي تعتبره طفلها الأول في كل شئ تحس أنها بدلت مشعل مثل ما كانت تتمنى و تحلم فيه بكره أول يوم دوام له الأستقلالية الي تتمناها بعيد عن ثروة عمها مشعل هو الأن المسئول عن البيت عن مصاريفه و الأهم عن الي في بطنها مدت يدها و سحبت الفراش غطته زين و طبعة قبله على جبينه [ الحمد لله الي رجعت و شفتك معي قبل أولد ]......
**********************
الجزء الثامن و الستون
طلع من المكتب بعد ما أنهى دوامه أخذ أغراضه و توجه للباب الخارجي لما شافه واقف هناك و كأنه ينتظره
مشعل سلامات وشفيك واقف هنا ؟
سلطان بضحكه جأي أدور وظيفة عندكم
مشعل مسك يده و لفها وراء ظهره و هو يضحك تطنز هااه
سلطان هههههه لاه و يقولون لي جاد بعملك تبى ترقيه يعني
مشعل ما لك شغل زين و قولي وشعندك جأي هنا
سلطان أبيك يالمزيون
مشعل من يومك أوقاتك غلط أنا تعبان و جوعان و ما معي و لا ريال زائد أصرفه عليك خلها في الليل
سلطان ضحك من قلبه صدق وجه فقر يا أخي بعزمك على الغداء و لا يهمك بس طلبي غير من عندك
مشعل تعال معي البيت طيب ما عاد أحب أكل المطاعم
سلطان و هم يمشون لسياره ههههه التوفير حلو
مشعل تضحك ما ورأك مصاريف مولود و الله
سلطان يا عيني على المسئولية وراي شئ مصاريفه أكثر من ولدك
مشعل بغرابه شو هو ؟
سلطان في البيت أقولك تطلع معي و إلا بتروح بسيارتك ؟
مشعل لا بروح بسيارتي لازم أرجع المساء هنا.....
*********************
أبتسمت لنفسها بخجل و هي توقف قدام المرايا و لابسه فستان سلطان الأحمر الفستان الي بقى حبيس كبتها [ دولابها ] لمده طويلة بدون ما تلبسه إلا نفسها كل ما أشتعل فيها الشوق له صار يناسبها أكثر من أول بعد ما فقدت شوي من وزنها رفعت يدها لقلبها تقاوم نبضه [ يا الله راح أكون أنا و سلطان تحت سقف وأحد يجمعنا معقول الي بينا صارت مشاعر حب ما هو تعود و بس صدق أحبه شو بيكون رأي أبوي و مشعل و كيف بتكون حياتنا يارب سعاده يارب مثل ما أتمنى و أكثر ]............
********************
دخلت عليها الغرفه و تفاجئة من المنظر الي تشوفه فجر كانت مفرقه مهرها على السرير كل مبلغ لوحده و أبتسمت بشطانه لما شأفتها
فجر بنت حلال توي أقول بنأديك
أم أريج وش تسوين أنتِ ؟
فجر أقسم مهري عشان أعرف كل ريال وين يروح و ما أضيع شئ
أم أريج هو أنتِ ليش ما خليتيه في البنك و سحبتي منه كل لبغيتي شئ
فجر لا لا يمه كذا أقلق و ما أرتاح قدام عيني كل شئ أحسن
أم أريج زين وش ناقص عليك الحين ما أشتريتيه
فجر بس الذهب و هذي باقي فلوس الفستان و الكوشه و الكوافيره بس
أم أريج يا حبك للأسراف يا فجر ما خليتي لك في حسابك لو ألف ريال منه
فجر هذا باقي بس ما أبيه خذيه لك
أم أريج كم هذي ؟
فجر ألفين
أم أريج أخذتها و فتحت يدها حطتها فيها و سكرت عليها و هي تشد عليها خليها في حسابك يمه لليوم الي تحتاجينها فيه ترى ما فيه شئ يغنيك زي مالك حتى لو كانت فلوس رجلك.......
****************
كان يطالع فيه و ما هو عارف كيف يبداء معه لكنه بصدق بداء يحس بالأحراج منه أكيد راجع من الدوام يبي يرتاح
سلطان بمزحه شوف أدري أنك باقي شوي و تطردني
مشعل و هو يضحك أبد خذ راحتك متأكد أن عندك شئ مهم
سلطان أي مهم و مهم جدا
مشعل الي هو ؟
سلطان أحم قررت أتزوج
مشعل لاه مبروك و من متى قررت هـ القرار الخطير
سلطان لا تأخذني طنازه ترى بقوم أروح
مشعل ههههه لا خلاص تكلم وش عندك
سلطان قلت لك أبي أتزوج
مشعل بضحكه طيب ما عندي لا سلف و لا بنات أنا
سلطان و هو يطالع في عيونه بس عندك أخوات
مشعل أبتسم و عدل جلسته بس كذا من بكره و هي في بيتك وين بحصل لأختي وأحد مثلك.....
****************
في غرفتها مسحت على وجهها و هي تتعوذ من الشيطان المنام الي شافته في الليل أبد ما هو مريحها على كثر ما حاولت تتناساه سندت نفسها على عصاتها و طلعت لصاله شافت فجر جالسه تطالع التلفزيون
فجر أول ما شافتها قامت و ساعدتها تجلس حيالله جدتي
أم عبد اله وشفيك جالسه لوحدك وين أهلك عنك ؟
فجر أبوي طلع و أمي نامت تقول رأسها يعورها
أم عبد اله و أنتِ تجين من الكلية ما تنامين ترتاحين
فجر ما أحب جدتي أنام في الليل من بدري أحسن
أم عبد الله أيه الي يريحك يمه إلا وش أخبار بيت خالك يكلمك رجلك ؟
فجر حست فيها يوم تقول رجلك كأنها كبرتها عشر سنين بخير جدتي كلهم
أم عبد الهي زين
فجر جدتي وشفيك منتي معجبتني
أم عبد الهي أيه رأسي يعورني
فجر أجيب لك دواء ؟
أم عبد الهي لاه لا تقربينه مني
فجر بضحكه و هي تقوم هو دواء ما هو سم زين بسويلك قهوة يمكن ما شربتي اليوم بس بقيس ضغطك أول.......
*********************
دخل البيت و هو ينأدي عليها و بداخله كان فرحان لمرام بشكل ما ينوصف سمع صوتها تجاوبه من الغرفه و مشى ناحيتها
مشعل الحلوين جالسين بروحهم ليش ؟
أريج وين نروح ما في حد يجلس معنى
مشعل تمدد على السرير بتعب أفى و أنا وين رحة ؟
أريج خليناك لسلطان
مشعل ههههه ما أني مصدق لين الحين وش يبغى
أريج بغرابه ليش وش يبغى منك ؟
مشعل يبي يتزوج
أريج و يبيك تخطب له
مشعل لا و أنتِ الصادقة يخطب مني
أريج من ؟
مشعل مرام
أريج و الله شئ حلو و أنت أكيد وافقت
مشعل طبعا بس أهم شئ رأي مرام
أريج و كيف بتكلمها ؟
مشعل مرام سهل أكلمها بس قولي أبوي كيف بكلمه
أريج هو لسى زعلان منك
مشعل أيه
أريج طالعت بعيد و هي تخطط كيف تحلها بين مشعل و عمها......
*******************
دخل عليها الغرفه شافها تذاكر و بخاطره أستغرب هـ البنت ما تعرف الكتب إلا وقت الأختبارات النهائية
ماجد تطور والله
عاليه بنظره و ليش أن شاء الهن ؟
ماجد الي أعرفه أنك ما تذاكرين إلا بالأختبارات
عاليه صرت أفكر بمستقبلي
ماجد ههههه من أي النواحي
عاليه لا تضحك أولاَ أوكيه من ناحية أن أخوي الكبير من ملك ما عاد يسأل عني
ماجد أفى هذا و أنا جأي أخذك معي
عاليه بمزحه نشتري هدية لفجر و إلا نخلص تأثيث البيت
ماجد لاه بديتي صدق تغارين من فجورتي
عاليه بغياض أيه و عشان كذا لازم أدرس زين و أنجح عشان أتوظف و أصير شخصية مهمه
ماجد اوووخص يالمهمه شئ طيب و الها عمة عيالي تصير شخصية أجتماعية
عاليه أتبرى من معرفتكم وقتها
ماجد و هو يقوم ههههههه زين ذاكري بس الغيرة أثمرت لك شئ يفيدك مستقبلا كنت بأخذك معي نختار كروت الدعوة بس شكلك مشغوله بالمذاكره يالله أختارها لوحدي
عاليه رمت الكتاب و جرية وراه لا لا أروح معك بلا مذاكره بلا هم من عندي أغلى منك أخوي حبيبي.......
***********************
فرحة له من قلبها و هي تسمعه يخبرهم أنه خلاص خطب و قريب يروح مع أخوانه بعد ما يأخذ له مشعل موعد مع أبوه
أم عبير مبروك يا أخوي يالله ما بغيت تريحنا
سلطان أفى كنت هم عليكم
عبير بمزحه و ثقيل بعد أجل كم شهر و تدخل الثلاثين و توك تتزوج الي بعمرك عيالهم بالمدارس
سلطان تكلمت عجوز الحي
عبير شايب
سلطان و الله الشايب بدوره لك يريحنا منك
أم عبير كان زين يعقلها
عبير أفى أثنين ضد وأحد ما يصير يمه أنا بنتك ترى هذا بكره لأتزوج مراموه ما عاد بتشوفينه مثل أول
سلطان مراموه في عينك أسمها مرام فاهمه
عبير بغمزه أووب شفتي يمه هذا كلامه و هو لسه ما ظمن موافقتها
سلطان قومي بس جيبي لي شئ أشربه نشفتي ريقي
عبير ما عاد عندنا حد يشتري لنا أغراض
أم عبير أعوذ بالهي من هـ الكلام يا بنت أستغفري ربك
سلطان شفتي يا أختي بنتك بس هذا و أنا المسكين ما خليت مكتب عقار إلا و مريته يدبرون لي بيت عندكم في الحي
عبير قالتها و هي قائمة تضحك و الله كله عشان حبايب القلب يسكنون قريب من أهلهم.......
********************
في المساء و بعد ما خلص شغله طلع لمكتب أبوه و استائذن ياسر لدخوله علاقته مع أبوه لازالت متوترة بس على قول أريج كل ما أثبت له تغيرك للأحسن كل ما تعدلت علاقتكم
أبو مشعل كان مستغرب جيته و توقع أنه جأي يطلبه فلوس بما أنه لسى ما كمل شهر و أستلم راتب
مشعل أقدر أجلس
أبو مشعل أشر له يجلس بدون ما يتكلم
مشعل أنا أدري أني غلط بحقك بس الله أعلم يبه بحالي وش كان أستحملت شئ سنين و ما قدر حد يفهمني غير أريج و الحمد لله أنا الحين مرتاح معها و أن شاء الله يبه أخليك تفخر بتربيتك لي
أبو مشعل أي نشوف وش وراء هـ الكلام
مشعل كل خير بأذن اله بس أهم شئ رضأك عليه
أبو مشعل شكل ما عندك شغل و جأي تضيع وقتك عندي
مشعل لا أنا جأي و معي خبر حلو لك
أبو مشعل لا شعوريا أبتسم أريج و لدت ؟
مشعل لاه لسى
أبو مشعل أجل وش عندك
مشعل اليوم وأحد خطب مني مرام و يبي منك موعد يزورك في البيت و يخطبها رسمي عن نفسي أنا وافقت عليه أول ما كلمني
أبو مشعل و من هو ؟
مشعل صديقي سلطان
أبو مشعل و النعم و الله ما بنحصل رجال أفضل منه خله يمرني البيت الخميس و الله يكتب الي فيه الخير..........
***************
دخل الغرفه و شافها جالسه في زاوية مشى ناحيتها و أبتسم للمنظر الي في يدها و حس بنبضه يتسارع مد يده و أخذها منها
مشعل حلوه
أريج على بنتك أحلى
مشعل بضحكه يعني هي فعلا بنت ؟
أريج أتمنى
مشعل مد يده لصندوق الي كان مليان أغراض أطفال أولاد و بنات نبش فيه و هو يضحك من أشترى كل هذا ؟
أريج نصهم أنا و نص فجر و ريم
مشعل اممم يعني هو أنا الي ما جبت شئ
أريج أنا قلت لك من أول عليك السرير
مشعل وشو أجيب طيب لبنت أو ولد
أريج الأثنين
مشعل بذهول من جدك أنتِ ؟
أريج مسكة يده تلعب بأصبعه الصغير نفسي أشوفهم الأثنين خلي وأحد بعدين في الملحق مو مشكله
مشعل طيب أنتظر لين تولدين و أروح أشتري للي تجيبيه وقت أنك بالمستشفى
أريج برجاء لا مشعل أبي أشوفهم هنا قبل أروح المستشفى
مشعل بغرابه مصره
أريج أيه و بقوة بعد
مشعل ماشي الي تأمرين فيه
أريج رفعت يده لشفايفها باسته و أبتسمت ما أنحرم منك يا رب......
********************
الجزء التاسع و الستون
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك