رواية عشر اسباب خلتني احبك تسع منها مدري ليش -3
الفصل الاول - الجزء الثاني
ظلت تبكي وتبكي
سمعت خطوات تقرّب
بس مارفعت راسها لانها خافت تشوف شي يفزعها زياده
قرب هالشخص اكثر واكثر لما صار قريب منها
جلس جنبها
وحـــــظنــــــها
وظل يمسح على شعرها وظهرها
غيّر وضعية جلوسه لـ وضعيه انسب اكثر
وظل حاظنها
باسها على راسها
و وقف , وطلع من المكان
سمعت صوت خطواته تبعد تبعد
وسمعت صوت الباب وهو يتسكر
رفعت راسها بهدوء وبحركه بطيئه
التفتت يمين ويسار
وشافت ورقه صغيره جنبها
فتحتها
وكان مكتوب فيها
(( أدري انك بنت ))
صدمه ...!!
خآفت اكثر
معقوله هذا طلال ؟
لان هذا المكان السري حقه
وهو الوحيد الي يعرفه ؟!
رجعت راسها ع ورا وهي مغمضه عيونها
وقالت بصوت مسموع : مين هذاااا ؟؟؟ (عدلت راسها فجأأأه وفتحت عينها ) الحصصصه !!!
وقفت بسرعه وطلعت من المكآن
لما رجعت الفصل
كانوا اغلب الاولاد هنآك
دخلت وكانت كل العيون عليها
قالت بـ نفسها : معقوله انتشر الخبر ؟
وقفت بنص الفصل وقالت : شفيييييكم ؟
كلهم ساكتين ويطالعونها بقوه
عصبت اكثر وصرخت : اتكلموا شفيـ....
-(الاستاذ) اجلس مكانك وانت ساكت
Oops
كان الاستاذ واقف ويشرح الدرس وهي دخلت عرض
بس ليه الاستاذ ما صرّخ علي ؟
المفروض يعصب ؟
التفتت اخر الفصل وشافت المفاجأه
كان فيه موجه من وزارة التربيه جاي يشوف المعلم هذا
لان الطلاب مشتكين عليه انه عصبي
وجاء بيوم مفاجئ
ألين : انا اسف ماكان قصدي اصلا ما كنت منتبه ...
قاطعها الاستاذ بـ ابتسامه : عادي عادي ياحبيبي تفضل مكانك ماصار الا الخير
ألين ناظرته بـ ابتسامه : صج ؟
الاستاذ وشوي بينفجر : أي أي صج (مسك كتفها بـ عنف لحد انها تألمت) ارجع مكانك حبيبي
رجعت ورا وجلست مكانها
وكان طلال جنبها
اول ماجلست
طلال وقف
وقال : استاذ ابي اغير مكاني
الاستاذ ابتسم : شفيكم ياطلاب اليوم ؟ بس معليش حبيبي هذا من حقك تقدر تغير مكانك ! اختار لك مكان
طلال : ابي اجلس بالمكان الفاضي جنب فرج
فرج شههق بقوووه وقال بهدوء وهو حاط اصبعه السبابه ع فمه : استاااذ والله ماسويت شي والله ماسويت شي
فارس : لا اصلا هذا مكان رامي , وهو احيانا يجي متأخر ,واذا شاف احد جالس بيعصب
احد من الطلاب : لالا مكان نور ياكذاااااب
فارس التفت بعصبيه : انا كذاااب ياقليل الادب
وصارت هوشه بالفصل
اما الاستاذ ما قدر يتحمل
مسك اعصابه كثييييييير
ويبي ينفجرررر
صرخ بأقوه ماعنده : خـلااااااااااااااااااااااااااااااااااص
عم الهدوء بالفصل
وقف الموجّه وقال بثقه : انا بطلع
الاستاذ توهق : يا استاذ انت فهمت غلط
الموجه طلع وعطاه طاف
الاستاذ عصب والتفت على الين
- قوم وقّف
- (الين) انا ؟
- أي أي انت .. انت الي بديت الفوضه , روح للاداره
- بس بس (تذكرت المكان السري) طيب بروح
طلعت من الفصل بسرعه عشان لايرسل معاها احد
راحت المكان السري وظلت جالسه هناك
ظلت مده طويله
لما سمعت صوت الجرس (الحصه الثانيه)
بعض الطلاب يطلعون مابين الحصص
وكانت تنتظر احد
تبي تعرف الشخص المجهول
الي يجي لهذا المكان
تخبت تحت الدرج جنب البلكونه
وسمعت صوت الباب ينفتح
وخطوات
بس الخطوات ماقربت منها
صعد للدرج
وشكله ماكمّل
وصل نص الدرج وجلس
بس الحين كيف تشوفه ؟ تبي تتأكد !!
توها تبي تروح للدرج
إلا سمعت صوت الباب ينفتح مره ثانيه
ويدخل شخص ثاني
وجلس جنب الشخص الاول
طفشششششت
وراحت بسرعه قدآم الدرج
وشافت
طــــــلآلأل و دآآنيــآآل
اثنينهم
رفعوا عينهم لها بشكل تدريجي
ألين : شتسوون هنا ؟
محد رد عليها
اثنينهم كآنوا يطالعونها بقوه
ألين حست بـ كثير من المشاعر والاحاسيس داخلها
الخجل
الخوف
الامان ~> لان واحد منهم حظنها
واخيرا
رجع
له 7 شهور مو في البيت
كان وجوده مجرد ذكرى
بس الحين حقيقه ..!!!
ام ألين : يـآ هلا فيك , والله لو ألين تشوفك تطير من الفرحه
الاب بإبتسامه : وانا منتظرها بأحر من الجمر , هذي بنتي الوحيده وانا مشتاق لها اكثر (التفت على اخوه ) شكرا انك جبتني من المطار
فيصل بإبتسامه صفراء : العفو
الاب : تفتكر ألين بتفرح لما تشوفني ؟
فيصل بـ قلبه : هه ما اتوقع
الاب عقد حواجبه : فيصصصل ؟ ليه ماترد علي !
فيصل : معآك , بس سرحت شويه
ترن ترن ترن ~> تلفون البيت
ام ألين : عن اذنكم بـ رد
الاب وقف : لا هالمره انا بـ رد
ام ألين عقدت حواجبها وهي مستغربه !
رفع السماعه
- الو
- الو السلام عليكم هذا بيت الطالبه ألين يوسف الـ....
- ايوا انا ولي امرها
- احنا المدرسه ونبي نسأل ليه هي غايبه اسبوع كآمل ؟
- غايبه ؟ (نزّل السماعه وقال للأم) ألين غايبه اسبوع كامل ؟
- (الام باستغراب وبصوت عالي) اسبووووع ؟؟؟
- (فيصل بـ قلبه : نسيت اسحب ملفها , الله يستر )
- الاب رجع يكلم : ألين مريضه (خزّ الام بقوه) مريضه حيل
- (المدرسه) ماتشوف شر, احنا بس حبينا نتطمن ونقول انها فوتت اختبار الرياضيات والادب , يلا مع السلامه
طوط طوط طوط
اول ما سكر التلفون
الام : والله ماكنت ادري انها غايبه , انا الحين بروح غرفتها وبتأكد
الاب بـ حزم : لأ انا الي بروح غرفتها وأتأكد بنفسي
فيصل اتذكر مذكرآتها وخاف انهم يقرونها
فيصل : خلاص هدوا اعصابكم , البنت غابت اسبوع وشفيها يعني ! امها مشغوله وابوها مسافر ولا في احد مهتم فيها خلوا البنت على راحتها ولما ترجع اتفاهموا معاها !
حسوا بالذنب ,, بس لحظه لحظه !! لمن ترجع ؟؟؟
الاب باستغراب : لمن ترجع ؟ ترجع من وين ؟ هي مو بالبيت ؟!
فيصل توهق : هي رايحه مجمع الظهرآن مع صاحبتها ساره يبون يفطرون ويغيرون جو , ثنتينهم غايبين , لما ترجع اتفاهموا معها , يلا انا استأذن مع السلامه
طلع بسرعه قبل لايخربها اكثر
راح دايركت ع مدرسة الاولاد عشان يطلع ألين
ــــــــــــــــــــــــــــــــــــــــــــــــــ ـ
نرجع لـ ألين
كانت واقفه قدآمهم
ألين : انتوا شتسوون هنا ؟ مو انتوا تكرهون بعض !
طلال رفع حاجبه : مين قال ؟! اصلا احنا اصدقاء من زمآن
ألين : اصـ؟ اصدقااااء ؟ (ناظرت دانيال) صج هالكلام ؟!
دانيال ناظرها
وابتسم ابتسامه عذبه
ألين استحت وطالعت الارض
طلال تنهد وهو يناظرها وقال : طول عمرك خكري (وقف , و وجّه كلامه لـ ألين ) المهم ان هذا المكان محد يعرفه الا انا ودانيال وانت , بس انا ما ادخله كثير , اخر مره جيت لما كنت معآك , ودانيال كل يوم يجي هنا ..
دانيال رفع راسه بسرعه لـ طلال : اسسسسسكت
طلال مستغرب : ليه ؟
ألين تفاجأت
يعني الشخص الي حظنها ؟
دآآآنيآآآآآآآآآآآل ؟
ألين توجه كلامها لـ طلال : متى اخر مره جيت هنا ؟
طلال : لما كنت معاك
ألين : ودانيال كل يوم يجي ؟
طلال : ايه , والصوت الي انت سمعته كان صوت سقوط الكتب الي هو يقرأها (ضحك) عجبتني سقوط (تذكر) انا اسف ع الموقف لما صرخت عليك , كنت توني جالس من النوم ومالي خلق ابد
ألين ماكانت معاه ابد
كل الي تفكره فيه
موقف دانيال
والورقه الي كان كاتبها
طلال : أوكي انا بروح الفصل الحين , حبيت اقولكم اليوم بعد الظهر بروح سباركيز اتغدى وألعّب اخوي سليمآن وانتوا معزومين طبعا , يـلآ باي ,,...
راح وتركهم
هدووووووء
- (بصعوبه بدأت كلامها) شلون دريت ؟
- (دانيال) دريت بشنو ؟
- الي كتبته لي بالورقه !؟
- أي ورقه
- (بـ حده) بلا استهبال
- .........................
- اتكلللللم
- كان واضح , كل شي واضح وخصوصا كلامك وحركاتك وحتى صوتك , ولا تنسين اني كنت هنا كل يوم , اسمع الكلام الي تقولينه , وشفتك وانتي تبكين
- (غطت وجهها) يا رربي
دآنيال وقف ونزل من الدرج
و وقف قدآمها
رفعت راسها
ابتسم لها
وقال : لاتخافين مابيصير لك شي مادام اني موجود , وبما اني اعرف بالموضوع بدافع عنك وما بخليك لحالك
تركها وطلع !
اما هي
لاتسألوا عن حالها
طاحت ع الارض
وحست بخوف
معقوله دانيال بيستغل هالسالفه بيوم من الايام ؟
او بيقول لـ طلال عن هالسر ؟ بحكم انهم اصدقاء ؟!
الف فكره وفكره جات براسها
أنفتح البـــــــــآب
طلال : محمد ابوك جاء بيآخذك , يخرب بيت هالابو شباب كأنه بو 20 سنه !! (سكر الباب وطلع)
ألين بقلبها : فيصل ؟ شـ يبي ؟
راحت الاداره
وشافت عمها جالس ينتظرها
لما شافها وقف : يلا مشينا
طلع معاها برا المبنى
ألين : ليه اخذتني ؟
فيصل : امك وابوك عرفوا !
ألين : عرفوا بإيش ؟ بإني ولد ؟؟؟
فيصل : لآ
ألين : ويت ويت بابا رجع ؟
فيصل ابتسم : هه ايه ..
ركبوا السيـآره
وشغلوا التكييف ~> اهم شي
فيصل : عرفوا انك غايبه اسبوع من المدرسه , وقلت لهم انك متضايقه , بس المشكله الاكبر انهم عرفوا انك مو موجوده بالبيت فـ قلت لهم انك مع ساره في مجمع الظهران . وانا بوديك البيت يعني كأنك توك راجعه من المجمع
ألين تنهدت بـ ابتسامه : يعني كل شي اوكي وتمآم !
فيصل : لا طبعا
التفتت عليه باستفهام وكأنه تقوله شنو بقى ؟!
فيصل بـ برود : بتدخلين البيت كذا ؟ بـ ملابس اولاد ودون عبايه ؟
ألين ناظرت ملابسها : oops, I almost forget
فيصل : والحل ؟
ألين : عادي ادخل من الباب الخلفي واتسلل الى الغرفه (ضحكت ) عجبتني اتسلل ~> اتذكرت طلال لما قال عجبتني سقوط !!
رجعوا البيت , وسوت نفس الخطه
دخلت من الباب الخلفي
وراحت بشويش الى غرفتها ..!!
بدلت ملابسها بسرعه
ولبست عبآتها
وطلعت من البيت عبر الباب الخلفي
ودخلت من الباب الرئيسي
ألين : السسلام عليكم
شافت ابوها
ألين بفرحه : باابااااااا
راحت بسرعه وحظنته
- وحشتني
- انتي اكثر يا ألين
- شدعوه يابابا ولا تسأل عنّي ولا كأني بنتك
- انا اسف , كنت مشغول
- (الين مشتها) طيب
شافت امها ولوّحت بيدها : هاي ماما
الام دون نفس : اييه ... هاي !
ألين : شفيك ؟
الام : ليه غايبه اسبوع من المدرسه !
الاب : خلاص سكروا سالفة المدرسه , ألين كبرت وهي تفهم مصلحة نفسها
ألين ابتسمت : صح , طيب انا بروح ابدل ملابسي وارجع
صفحه ~
لم اكتب لـ دآنيال منذ زمن
لقد اخذني بـ احظانه الدافئه
ولكن
لم اشعر بإني احبه !
انه يريد حمايتي والدفاع عني
لماذا لا اشعر بالعشق ؟
هذا هو فارسك يا حمقاء يا الين
هذا هو فارسك الذي كنتِ تنتظرينه ؟
هذا هو فارسك الذي انتظرتيه سنين طويله !
لماذا لاتحبينه !
اعشقيه !
ذوبي في هوآه !
خذيه !
فـ انه "فارس احلامك"
ــــــــــــــــــــــــــــــــــــــــ
انتهى دوآم اليوم للمدرسه ~
والكل رجع البيت ..!!
في بيت دآنيال
وبعد رجوع الام ..
طبعا الام اجنبيه بس مابي اكتب انجليزي
لان لازم اكتب الترجمه وبتصير عفسه !
اذا شفتوا كلام عربي فصحه يعني انجليزي لول
لورا بفرح : أمي لقد اشتقت إليك كثيرا
الام : وانا ايضا يا عزيزتي (استغربت) اين اخاك ؟
لورا بقرف : دآنيال ؟
الام : نعم , هل لديك اخ غيره ؟
لورا : أتمنى ذلك
لورا بصرآخ : دآنياااال ماما رجعت من لندن تعال سلم عليها
دآنيال رد عليها من غرفته بالطابق العلوي : توني راجع من المدرسه مالي خلق
لورا بنذاله : انه ينتظرك بالطابق العلوي , لايستطيع النزول رجله تألمه
الام : اوه صغيري , سـ أذهب اليه الآن
كان باب الغرفه مفتوح
جالس ع السرير يستخدم لاب توبه
ومعطي الباب ظهره
دخلت الام وحظنته من ظهره
وباسته ع خده
الام : اشتقت اليك كثيرا يا صغيري
دانيال بخجل : امي عمري سبعة عشر الآن , انا لست ذا الاثنا عشر سنه مثل لورا
الام : هل تخجل كوني احظنك واقبلك ؟ (حظنته اكثر) انت ابني ومن حقي ان افعل ذلك
ـــــــــــــــــــــــــــــــــــــــ
في بيت طلال
سليمآن : يما تكفين تكفين رجعي البلاي ستيشن
الام : قلت لك لا يعني لا ..
سليمان : لو يقولك طلال حبيب قلبك تعطينه , بس انا ولد البطه السوده
الام : ايه ايه انت ولد البطه السوده ارتحت الحين
سليمان بقهر : يوووووووووه
راح لـ طلال وهو معصب
- طلال شوف لك حل مع الوالده
- (منسدح ع السرير) سليمآنو مو فاضي لك , شوفني نايم
- ابي العب بالبلاي ستيشن وامي ماهي راضيه تعطيني اياه
- مو مشكلتي , اطلع برا وسكر الباب وراك
- اففففففففف
ــــــــــــــــــــــــــــــــــــــــــ
ألين كانت جالسه بغرفتها
ودخلت امها
الام : ليه قصيتي شعرك كذا ؟
ألين : قلتيها ! شعري
الام : طيب عندي لك مفاجأه
ألين : شنو ؟
(الام اشرت بعيونها ع الباب وألين التفتت)
وشافت ساره دخلت
ألين بفرحه : سااااااااااااااااره
راحت حظنتها بقوه
الام استغربت : مو توك شايفتها بالمجمع ؟ ع العموم على راحتكم , انا بطلع
طلعت الام
ساره : سوري اني خليتك لحالك طول هالمده
ألين : كنت متأكده انك بترجعين
ساره : قولي لي كل شي صار معااك من طق طق الى السلام عليكم
ألين : اوكي .. اول يوم وداني فيصل المدرسه ................
بعد ماخلصت
ألين : وهذا كل الي صار
ساره ناظرت الارض : مع اني معترضه بالاشياء الي صارت مثل الاحضان بس بظل ساكته (رفعت راسها) اهم شي تحقق حلمك وشفتي هالفارس دانيال
ألين : بس ما احس اتجاهه شي ! ولا شي ! وقتي كله ضاع على الفاضي
ساره : يعني الفارس لازم يكون دانيال ؟
ألين بـ انتباه : شقصدك ؟
ساره : يمكن يكون الفارس أي شخص بالمدرسه , مو شرط دانيال يمكن يكون امممممممم طلال
ألين تغير وجهها : لاآآآ مستحيل طلال ,, شتقولين انتي ؟
ساره رفعت اكتافها : ماتدرين !!
ألين تهز راسها بالنفي وهي تضحك : مستحيل مستحيل !!
وبعدين هدأت وظلت تطالع الارض وتبتسم
ساره : شفتتتتتتتتي ! جالسه تفكرين بطلال !
ألين : افففف خلاص سكري السالفه
ساره : طيب ع طاري مجمع الظهران شرايك بكره نروح ؟ بكره الخميس ولازم نفرح شويه
ألين تذكرت : اصلا اليوم المفروض اكون هنآك , طلال عزمني انا ودانيال
ساره غارت : بس انا من زمآن ماشفتك
ألين : معليش ساره لازم اروح
ساره كابرت : هه عااادي مو ميته عليك هاهاي
ألين : جاتني فكره تعالي معاي
ساره : اجي معاك ؟ على انك ولد , اخاف احد يشوفني ويفهمني غلط
ألين : امممم طيب خلاص انا بلبس جنز وقميص بس ما راح البس القماش المستقيم, وبحط فيونكه ع شعري وش قلتي ؟
ساره : واذا دانيال وطلال شافوك ؟
ألين : هه مستحيل يجون , ما اتوقع احد سمع الا انا
ساره : اوكي ع راحتك
ألين : انا بروح اقول للسواق من الحين
ساره : طيب
كانوا الام والاب بالغرفه
وطلعت هي وصديقتها بنفس الشكل الي اتفقوا عليه
وراحوا دايركت ع مجمع الظهرآن
دخلوا المجمع
ألين : الآآااي من زمان ماطلعت
ساره : امشي عدل كأنك بنت لاتفشليني
ألين : هه طيب .. شرايك نروح سباركيز ؟
ساره : بزره تبين تلعبين ؟
ألين : يلا عاد بليييزز
ساره : بروح معآك بس ما بـ العب ولا لعبه , بس بشوفك
ألين : اوكي انا موافقه
دخلت سباركيز تركض كأنها طفله
وعلى طول راحت على اللعبه الي تدور
مالقيت لها صوره
بس هذي قريبه منها
تدور بشكل بيضاوي لول ..
الين وقفت قدآم اللعبه تنتظر الناس يخلصون
التفتت تدور ع ساره
شافتها بعيد تاخذ لها بطاقة الالعاب
ألين : ياقللللبي
جات ساره : وهذي البطاقه العبي فيها لمن تتطفشين
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك