رواية عشر اسباب خلتني احبك تسع منها مدري ليش -4
تدور بشكل بيضاوي لول ..
الين وقفت قدآم اللعبه تنتظر الناس يخلصون
التفتت تدور ع ساره
شافتها بعيد تاخذ لها بطاقة الالعاب
ألين : ياقللللبي
جات ساره : وهذي البطاقه العبي فيها لمن تتطفشين
ألين : اوكي
خلصوا الناس ونزلوا
وصعدت بسرعه وركبت
كانت متحمسه مره
بعد لحظات شافت المفاجأأأأأأه
طـلال مع سليمان
و دآنيال مع لورا
جايين لـ هذي اللعبه
ألين بسرعه غطت وجهها وشالت الفيونكه من شعرها
ساره فهمت ان الين تعرف هالاشخاص
لورا تناظر اخوها : دانيال ابغا هاللعبه
ساره بقلبها : دااااااانيااااااااااااااااااال ؟ واكيد الثاني طلال
طلال : لحظه ياصديق خل هذا 2 بيبي يركب
ركب سليمان ع يمين الين
ولورا ع يسارها
سليمان : ذا بنت ولا ولد ؟
لورا : هذي بنت مثلي , لف وجهك لاتطالع عيب
طلال ودانيال توهم بيمشون بعيد عن اللعبه بس
سليمان : طلاآآآآل لاتروح خلك هنا , شوفني اني ما اصرخ
طلال : اوكي
لورا : انا الي ما اصرخ , دانيال لاتروح شوفني اوكي ؟
دانيال : طيب طيب
ألين حقدت عليهم
بدت اللعبه وبدت بالدورآن والدورآآآآآآن
وألين تحاول تتكور ع نفسها وتخفي ملامحها
وخصوصا ان جسمها ((بننننننننت))
طلال بهمس : مو كأن ذا محمد ؟
دآنيال : ايه يشبهه
ساره سمعتهم
وقالت بصوت عالي عشان تشتتهم : نوني لاتخافين الحين ننزلك
طلال سمع ساره : لالا ما اتوقع محمد ! هذي نوني خخ
واخيرا خلص العذاااب
وخلصت اللعبه
نزلت بسرعه وسحبت ساره معها
ألين : هذا هم , هذا هم
ساره : ادري ادري
ألين : خـل نرجع البيت بليز
ساره : والـ100 الي شحنتها بالبطاقه
ألين : والله انك فاضيه
ساره : طيب مو هم عازمينك ؟ لازم تروحين لهم ؟
ألين تأشر ع جسمها : كذذااا ؟
ساره : ماجبتي معك القماش ؟
ألين : حطيته بشنطتك !
ساره : أوكي تعالي الحمام
راحوا الحمآم وألين تعدلت ورجعت محمد !!!
ساره : انا بتمشى بالمجمع اذا جيتي بتطلعين قولي لي
ألين : تيب سي يا
ساره : تششآو
ألين تدور في سباركيز تدور عن طلال ودانيال
احد غطى عينها من ورى
مسكت يده وابتسمت : ميين ؟
قرب فمه جنب اذنها : مين انا ؟
ألين بخجل : مادري!! مين ؟!
شال يده
والتفتت عليه وطلع دانيال
كان مبتسم : شفتك وانتي تلعبين , اجل نوني هاه
الين : كنت جايه مع صاحبتي
دانيال : على طاري نوني ! ترى انا لما الحين ماعرفت اسمك ؟!
الين : الين .. اسمي الين !
دآنيال : عاشت الاسامي (مسح ع شعرها) حلوه !
الين : هه شكرا
دانيال حس ان في احد واقف
التفت وشاف طلال
دانيال : من متى واقف هنا !؟
طلال مستغرب وعاقد حواجبه : من "مين انااااا ؟" شالتصرفات الغريبه ؟ لايكون صرت منحرف مثله !
الين : انا مو منحرفه !
طلال التفت عليها : واضح , واكبر دليل انك قلت منحرفه !
الين : اقصد منحرف !
طلال ناظرها بقرف : كحلتها !
دانيال : المهم وين العيال ؟
طلال : يلعبون بالقطـآر
الين : طيب خلاص انا بمشي , يلا سي يا
الين اتصلت ع ساره
- يلا خلاص انا ابي امشي من هنا
- طيب طيب يلا باي
في ستار بوكس
سكرت جوالها وقالت : بنت اخوك مجننتني !
فيصل : اتوقعت بس انا الي مجننك
ساره ابتسمت و وقفت : يلا انا بمشي
فيصل : طيب خلوني اوصلكم !
ساره : لامايحتاج السواق برا يلا تشاو
فيصل : باي
صفحه ~
صبآح جديد
وهـآ انا سـ أبدأ ..
اول مادخلت المدرسه شافت دانيال وطلال بالساحه
ماسكين كتاب الاحياء يذاكرون
راحت لهم
- صباح الخير
- (دانيال) صباح النور
- (طلال بنفسيه مفتوحه) صبااااح الانوار والزهور والورود يا احلى محمد بالدنيا
الين استغربت بس كملت : ليه تذاكرون ؟
دانيال : اوه , في اختبار نسينا نقولك
الين : لا والللللله !!!
طلال ابتسم : شفت كيف ! المهم تعال انا الخص لك كل الدروس واخليك تنجح بالاختبار
الين : خلاص مو مشكله راح اذاكر بالحصص
طلال ظل مبتسم : ياحبيبي الاختبار الحصه الاولى
الين بصوت انثوي : ياااا رربي , طيب خلاص مالي غيرك يالمنقذ
طلال حط يده ع كتف الين بميانه ومشى معاها
اما دانيال كان يطالعه من بعيد وكسر القلم الي بيده من كثر العصبيه
رماه ع الارض بـ غضب !
كانوا جالسين ع ارض الساحه
وبعد المذاكره
طلال مبتسم : وهذي هي كل الجزئيه شفت انها سهله
الين : ايوا سهله مره (ناظرته) ليه مبتسم طول الوقت ! تراك تخوف وانت تبتسم , تربكني
طلال حس ع روحه وتكلم بهمجيه : هه بس اعطيك ع قد عقلك لانك تكسر الخاطر
وقفوا
الين : اووه اخيرا خلصنآآآآ
طلال فتح ذراعه الثنتين
الين استغربت !
طلال : احضآن الصداقه ؟
الين ارتبكت : أي احضان أي خرابيط !
طلال رفع حاجبه ونزلهم : ولا بس مع دانيال !
الين : لا طبعا , انت فاهم غلط ! دانيال صديق
طلال فتح ذراعينه مره ثانيه : اثبت لي
الين : طيب
حظنته بسرعه وكانت ناويه تبعّد عنه بسرعه
بس ماقدرت , لانه حظنها بقوه
وبنفس الوقت مع مراعاة ضعف جسمها
جاء دانيال وهو معصب وفكهم عن بعض
دانيال بـ عصبيه : خلااااص
طلال مبتسم بخبث : شفيييك ؟ هذا محمد صديقي
دانيال عصّب كثير لدرجة وجهه صار احمر : طلال قلت لك خلاص
ترننننننننننننننننننننننننن ~> صوت الجرس
دانيال : محمد تعال معاي نروح الفصل , بعض الناس مامنهم امان
طلال بضحكه شيطانيه هزت المدرسه : ههههههههههههههههههههه
الين استغربت سبب تغير تصرف طلال معها
وسبب غضب دانيال ~
توقعاتكم ؟
الفصل الاول - الجزء الثالث
سحبها دانيال وهو معصب
ألين : هيييه شفيك
دانيال وقف وقآل : مافيني شي بس طلال جاته الحاله
ألين خافت : أي حاله ؟
دآنيال لاحظ خوفها : لاتخافين مافيه مرض نفسي , بس مرات تجيه حالة النذاله الغريبه !
ألين مافهمت قصده
بس طنشت السالفه
بدت الحصه الاولى
وألين سوت زين بالاختبار
بـ فضل الله ثم طلال
الي ماظل جواب ماغششها
اليوم طلال مره متغيّر
متعاطف معها كثير
مر الوقت و بدت الحصه الخآمسه
بس وين الاستاذ ؟
فارس دخل الفصل وهو مستانس
فارس : عيااااال , عندي لكم خبر حلو ؟!
: شنو شنو شنو !!
فارس : استاذ معاذ ماراح يدرسناا ...
الكل مو فاهم قصد فارس وكلهم مفهييين
فارس رفع حاجبه : شفييييييكم ؟؟؟ بالعررربي يا اغبيااااء فصلوووه
رآمي وقف : والفضل كلو بيرجع لـ إلي , لانو بـ واسطتي انا الي فصلتو ! مشان مابيتجرأ ويرفع صوتو عليي .!!
طلال بصوت عالي : اقعد اقعد بس
نور الدآفور : حرام عليكم ! هالاستاذ شرحه ممتاز , بس انتوا تستفزونه عشان كذا يصرخ عليكم ! ولا في احد مايعرف يحل معادلة الدرجه الثانيه ذات المجهول بـ نص دقيقه ؟
فارس يناظر نور : المهم (ناظر الطلاب وكمل بفرحه) المهم ان هذي الحصه .... فرآآآآآآآغ
: هيييييييييييييييييييييه !!
نور وقف : اتمنى تسمعوني ولو لمره وحده ! بدل مانجلس فاضيين خل نتفق على موضوع ونناقشه كلنا مع بعض , تكفون لو مره وحده بس سمعوا كلامي !!
طلال : انا اقول نحقق امنية نور لانه جد كسر خاطري
ألين وقفت وراحت عند نور : وشنو الموضوع الي تبينا نتكلم عنه !
نور بفرح : مادري أي شي ! خلونا نتكلم عن المستقبل . المسؤوليه والوظيفه والاهم من هذا كله الابوه !
الطلاب اعجبتهم الفكره
وكل واحد وقف وقام يعبر عن رأييه
كل واحد بالفصل , طالب طالب , شخص شخص
وجا دور فرج
فرج خايف : بس انا ما حضّرت لهذا الدرس
نور : قول الي تقدر تقوله
فرج خايف : راح اكون مواطن سعودي صالح
نور هز راسه بالنفي : الي بعدووو
رآمي بمشيه واثقه ومغروره : بالنسبه لـ إلي , بابا حـ يشوفلي وظيفه محترمه كتيير وراح اعيش حياه مترفه , وبما انو ماما لبنانيه وبابا سعودي فـ انا العب ع الحبلين , حياتي قضيتها مع ماما في بيروت كانت ايام حلوه , بس ماعرفت المسؤوليه الا لما شفت بابا , راح اكون شخص كبير متلو , بمتل وظيفتوا وثقتو و .....
نور هز راسه بالنفي : الي بعدوووووو
فارس : بالنسبه لـ وظيفتي راح اكون صحفي , اعرف كل الاخبار الي تصير والي ب تصير , و ب اكون مراسل لقناة العربيه , وانا متأكد من هالشي وحلمي ب يتحقق , احب اعرف الاخبار واحب انتقد واعبر عن رأيي الشخصي ب حريه , بالنسبه للمسؤوليه والابوه فـ رأيي ان الابوه تساوي المسؤولييه والعكس صحيح , بس بالوقت الحالي ابي اشوف وظيفتي , بالنسبه للابوه عمري مافكرت فيها
نور هز راسه بـ ايجاب : كلام حلو , الي بعدوووو
نور التفت يمين ويسار : انا قلت الي بعدووو ؟
احد الطلاب : دور دانيال
نور : دانيال يلا قوم !
دانيال : مالي خلق !
ألين راحت له : يلا دانيال قوم
دآنيال بعد هدوء : ............ز طيب !
وقف والكل مستعد للانصات
وقف بنص الفصل
دآنيال : شقول ؟!
نور : تكلم عن المستقبل من ناحية الوظفيه والمسؤوليه والابوه
دآنيال : آممم وظيفتي الي احلم فيها اني اكون مدير شركه كبيره ناجحه , وبالنسبه للابوه !! ....... انت تقصد فيها الزواج صح ؟!
نور : طبعا !
دآنيال قال بقرف :
أكره الزواج
أكره الزواج
أكره الزواج
كآنت صدمه !
تكررت هالجمله في مسآمع ألين !
شخصيتها تقليديه بعض الشيء !
يعني تحب التقاليد الي هي البيت والزوج والوفاء والحب الابدي !
بس دآنيال صدمهـآ !!
صدمه قوويه
حست ان دانيال رد عليها ويقول لها : مافي أي مستقبل يجمعني معآك
وهالجمله ما اثرت في الين بس
اثرت في الكل
كان كلمه تحطيميه قاسيه !
رجع دآنيال مكانه بهدوء
وكمل نور شغله بـ التحقيق مع كل طالب
الين راحت له
الين ناظرته : تكره الزوآج ؟؟
دانيال : ..............................
الين : هيه اكلمك ..!!!
دانيال : اكرهه حييل !
الين بـ ارتباك : يعني .. يعني ... انت عمرك ما بتتزوج ؟!
دآنيال ضحك ب سخريه : لاطبعـ...(سكت فتره , والتفت عليها) انتي تلمحين لي ؟!
الين توهقت : لا لا
دآنيال : اذا قصدك تلمحين , في شي لازم تعرفينه عني ! انا ماعمري حبيت الزوآج وتقاليده وخصوصا هنا ! لما اكبر ب اروح بريطانيا واعيش كـ أي مواطن اجنبي هنآك , انا تعجبني فكرة الـ Girlfriend بس انـ.....
قاطعته الين : ليه كنت تسوي لي حركات ؟
دآنيال استغرب : أي حركات ؟
الين قامت تتنفس بسرعه : الاحظان وكل الاشياء الثانيه
دآنيال : انتي بنت , واكيد كنتي خايفه
الين عصبت : واكيد كان عندي مشاعر واحساس , ياعديم الاحساس
وقفت وراحت مكانها ورا جنب طلال
جلست مكانها وظلت تناظر الجداار
كانت مصدومه وزعلانه ومعصبه وتتمنى الموت
نور : الي بعدوووووو ...... ترى طفشت محد قال كلام عدل غير فارس , ما الوم الاستاذ لما يصرخ ويعصب عليكم
طلال وقف : دوري انا
طلال مشى بـ ثقه والكل فتح له طريق
الكل جلس
وصار هدوء بطريقه غريبه
ألين تسائلت في قلبها : معقوله الطلاب يحترمون طلال لهدرجه !
طلال ابتسم : انا ما بتكلم عن الوظيفه ولا المسؤوليه ولا حتى الابوه !
بدايه قويه ..
التفتت الين باهتمام !
طلال : انا بتكلم عن شي واحد ! يقدر يجيب لنا هالثلاث اشياء ! وكل الاشياء الي كلنا نحلم فيها .. تدرون شنو هو ؟
؟ ؟ ؟ ؟ ؟ ؟ ؟
طلال ناظر ألين بالتحديد : الامل !
كانت مثل المويه البارده الي تنصب على الين
من متى طلال يعرف لغة المشاعر والحياة ؟
حسبته واحد اهبل يمشي ورا هواه بس
طلال : بالامل نقدر نجيب كل شي حتى الحب ! والحب مايكون حب الا اذا انتهى بالزواج .. والزواج مسؤوليه و وظيفه , واكيد الزواج يعني الابوه بالمستقبل بإذن الله ! والزواج جزء من حيآتنا ! لان لولا الزواج كان كلنا ماكنا هنا ! وهذي سنة الحيآه
نور رفع يده : انا اعترض , نبيك تتكلم عن وظيفتك المستقبليه
طلال : افففف صدق انكم ماتنعطون وجه , لازم تقرا ما وراء السطور اففففف ليه اكمل معاكم !
رجع ورا وجلس مكانه جنب الين
ألين التفتت عليه : كلامك حلو !
طلال ابتسم : شكرا ! ...... شفيك متضايق ؟!
ألين : هه , صدمني دآنيال بكلامه !
طلال : ههههههه ليه تبي تتزوجه ؟!
ألين حست على روحها وضيعت السالفه : لالا اقصد طريقة تفكيره و ....
قاطعها طلال : لاتضيع السالفه , اصلا دانيال قال لي بكل شي
ألين انصدمت : قالك بشنو ؟!
طلال رفع حاجبه : انت تعرف بشنو ! أقصد ........ تعرفين بشنو !
ألين ضربت يدها ع جبهتها ورجعت راسها على ورا
نزلت يدها وعدلت راسها
ألين وهي تطالع الجدار : دآنيال صدمني , وخصوصا انه سوا لي حركات بالفتره الاخيره , وكان قصده منها ولا شي , مايدري ان عندي مشاعر , واني بنت تتحسس من هالحركات !
طلال : ليه جيتي المدرسه ؟
ألين التفتت على طلال بعدين ناظرت الارض : جيت ادور عن ...
قآطعها صوت استاذ الادب : السلام عليكم يا طلاب , مادام انكم فاضيين قلت اعطيكم الدرس الي فآتكم عشان تكونون ماشيين مع الفصول والمنهج ..
ـــــــــــــــــــــــــــــــــــــــــــــــ
صفحه ~
عدت ’,
ويا ليتني لم اعود !
تمنيت ان تبتلعني الارض قبل ان ينطق فارسي جملته الجارحه !
كانت جمله قصيره جدا ..
تتكون من كلمتان لا غير !
ولكنها طعنت قلبي ومزقت احشائي ,..
لقد كانت كـ السم الذي يسري في عروقي ..
لا احد سيفهم بما اعانيه حقآ
لاصديقتي
ولا امي
ولا ابي
ولا حتى فارسي , الذي كنت احلم به دوما
لااحد سيفهم بما اعانيه حقا
الا ربي
فإنه الوحيد القادر على فهم مايعانيه عبده الضعيف
فـ ليذهب الفارس للجحيم
فـلا نفع له بعد الآن
سكرت كتابها بـ اقوى ماعندها
ورمته ع الارض بقوه
كانت تبكي
بس هالمره مابيجي احد يحظنها
وبترفض الحظن من أي احد
خصوصا من دآنيال
الي كان يحظنها بس لانها "بنت واكيد خايفه" مثل ما قال
كرهته اكثر لما تذكرت كلامه
كانت تبكي وتبكي لحد انها قآمت تششهق !
سمعت صوت الباب ينتفح
والتفتت بسرعه وشافت ساره
ألين وهي تبكي : ساااره .. لحقي علي ياسااره لحقي علي
ساره ركضت بإتجاه الين
ساره : الييين شفيك ؟ شصاااير ؟ احد سوا لك شي ؟
حظنتها عشان تهدي من اعصابها
الين تبكي : قصّ علي طلع كذاااب !
ساره : مين الكذاب ؟
الين : دانيال , مايبيني مايحبني مايبي أي مستقبل يجمعني معآه
ساره : شـ عليك منه خليه يولّي , وانتي اصلا ماتحتاجينه
ألين صرخت بهستريه : بس هو كان يعاملني غيييير , كان يحظني ويعاملني كأني حبيبته ! لييه يسوي لي كذااا ليييه ؟
ساره دمعت عينها : الين خلاص تكفين خلاص ! قلت لك خليه يولَي (ساره تذكرت) بس انتي قلتي من قبل انك ماحبيتي دانيال !
ألين : مادري مادري ! مادري شاللي قعد يصير !
ساره شافت الكتاب على الارض !
تفاجأت : كتابك ع الارض ؟ ليييه ؟
الين : كرررهته , خلاص بشقه وبنتحر وبفك عمررري
ساره خذت الكتاب وناظرته : انتي لازم تكملين !
الين سكتت ورفعت راسها لـ ساره : شاللي تقولينه ؟!
ساره ناظرتها : لو انا ماقلته مين بيقوله ؟ الكل بيعترض على افكارك الغبيه , ولازم احد يوقف معاك , ولا تنسين انك صديقتي وراح اوقف معآك !
ألين : طيب الحين شنو قولتك ؟
ساره : انا اقول , انك تكملين , وفارسك المجهول مو شرط يكون دآنيال , يمكن يكون أي شخص ثاني !
ألين : بس انا من زمآن اتخيل شكل فارسي مثل شكل دآنيال !
ساره جلست جنبها وابتسمت : كنتي طفله وكنتي تتخيلينه ابيض واشقر وعيونه خضر , بس الفارس شكله احلى من كذا بكثير , الفارس يكون برجولته وتحمله بالمسؤوليه , بـ حبه واخلاصه , بعطفه واحساسه , هذا هو الفارس الحقيقي , وبعدين محد يقدر يتخيل شكل الفارس , محد يقدر يحدد ملامحه ابدا ! دائما نشوفه شخص مجهول راكب على حصان دون ملامح صح ؟
ألين ناظرت الارض : صح ! ( التفتت على صاحبتها) انتي من متى تعرفين هالكلام ؟
ساره بـ هبال : هاه ؟ الله يخلي الروايات ..
ألين استغربت: جد ؟ من متى تقرين روايات ؟!
ساره توهقت : صراحه انا ما اقرى روايات ! بس يمكن لاني .....
ألين بحماس : لانك شنو !؟
ساره : يمكن لاني ............. أحب
ألين ابتسمت : جد تحبين ؟ (ناظرت الارض) احساس حلو صح !؟
ساره ابتسمت وتذكرت فيصل : أي ... (ناظرت صاحبتها) غريبه ماسألتي مين ؟
ألين ظلت مبتسمه : هالسؤال مزعج وغثيث , وبعدين اكيد تغارين احد يعرف اسمه , اكيد خايفه ابوقه منك هههه !
ساره : هه ماتقدرين , اصلا الشرع ما حلّ لك !
ألين فهمت غلط : شقصصصدك ؟ يعني اني رحت مدرسة اولاد تقولين لي هالكلام ؟؟ اشوف بدت الشماته ؟
ساره : لا لا مو قصدي كذا , اصلا الشخص الي احبه تعرفينه ! بس احنا متفقين مانقولك لانك بتعصبين !
ألين : ما بعصب بس قولي لي مين !
ساره بتردد : صرآحه هو ......................
ــــــــــــــــــــــــــــــــــــــــــ
ألين دخلت شقة عمها وهي معصبه
ألين : فييييييصل فيييييييييصل !
فيصل توه طالع من الحمآم ولّاف الفوطه ع خصره !
فيصل : خير ان شاء الله ؟ حتى الهيئه ماسووها ؟! ليه تتدخلين شقتي دون استئذآن
ألين استحت من الوضع بس كملت بثقه : مالقيت إلا ساااره ! مافي بالكون إلا ساره وشمعنى هي ! اشرح لي الحين وبهذا المكان بسرعه !
فيصل : طيب ممكن اروح البس شي ؟
ألين طالعت الارض : بسرعه خلصني قبل لا اقوم عليك !
فيصل استغرب من اسلوبها !
كانت هاديه مره , وتوقع حتى لو عرفت بالموضوع
ماتوصل فيها الدرجه ان تدخل شقته وتصارخ !
لبس شورت وتي شيرت وجلس بالصاله جنبها !
فيصل : شتبين ؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك