رواية عودتني كل يوم اسمع انا صوتك -4
اليازية :الحمد لله ....يالله يأستاذ ....عجيب البحث اللي كتبته حقي ...
الأستاذ :والله ....بس كان طويل ...
اليازية:هي طويل وايد بس الأستاذ مالنا يحب المواضيع الطويلة ......
الأستاذ:أنزين ودي الفلوس عند الدريول بسرعة
اليازية :أنشاء الله ,,والسموحة ما وديت الفلوس بسرعة
الأستاذ :ايوه ياليازية بسرعة علشان نشتري أغراض البيت ........
وسكرت اليازية من الأستاذ ...
بعدين طرشت اليازية الدريول علشان يودي الفلوس بيت أستاذ مصطفى ....
بعد صلاة المغرب ....نزلن اليازية والعنود تحت وكان سالم قاعد في الصالة وعنده سعيد ........
اليازية وهي تنزل من الدري:الشيوخ قاعدين هني .....
سالم :من الشيخ أنا ولا سعيد ؟....
اليازية:كلكم
سالم:يا حيج
العنود:السلام عليك سالم ....
سالم: مرحبا مليون ببنت العم ....
العنود:بالمرحب
سالم :اشحالج العنود
العنود:بخير الحمد ..أنت اشحالك انشاء الله بخير
سالم:الحمد لله ...
وقعدن عند سالم وسعيد .... وراحت العنود قاعدتا سعيد عندها وحبته على خده .........
اليازية:حبيبي سالم ...في خاطري شيء واليوم ما بنام حتى أضمن وجوده عندي في الأيام اليايه...
سالم :تأمرين أمر .....قولي اشعندج
اليازية :أبا لاب توب
سالم:لوأنج قلتيلي من قبل كان يبت مالي اللي في لندن ...
اليازية:ليش وين هو الحين .....
سالم: عطيته واحد من الربع
اليازية:من هو ..
سالم :واحد عراقي ...
اليازية :والحل
سالم:أنشاء الله خير ....
اليازية:عنود باجر بتشتري من الجامعة واحد وأنا ما عندي.....
سالم:خلاص يسد مال عنود....
اليازية :لا والله وأنا كيف بذاكر .....
سالم:مو الحين تقولين عنود بتشتري واحد .. خلاص ذاكري معها ....
العنود بمزح :أنا ما أريد حد يشاركني كمبيوتري
اليازية:اصلا ما بذاكر عندج
سالم:خلي منج الكلام الزيادة وصبيلي شاي
اليازية :بتشتريلي
سالم : أنشاء الله ....
ويبدل سالم في القنوات ويحط على قناة حواس وكانت طالعة أغنية راشد الماجد
ودي أبكي
لين ما يبقى دموع
ودي أشكي
لين ما يبقى كلام
من جروح صارت في قلبي تلوع
من هموم حرمت عيني المنام
انطفت في دنيتي كل الشموع
والهنا ما يوم في دنياي دام
غربتي طالت متى وقت الرجوع
كل عام أمني أحلامي بعام
إن شكيت الحال ماحد لي سموع
وان سكت الناس زادوني ملام
طال صبري والزمن عيا يطوع
والرجا بالي عيونه ما تنام
اليازية:هذي الأغنية تحكي معاناتي مع لاب توب
سالم وهويضحك : اليازية لا تحزنين مادام رأسي يشم الهوى بشتريه لج ...............
اليازية:اشترلي ماركة dell.....
سالم يأشر على عيونه : من عيوني ..................... بس ليش ما تطلبين من أبوي يأخذ لج واحد
اليازية:كله من مبارك ....قال حق أمي أن الشباب يغازلون البنات فيه وانه خايس فقالت أمي والله ما أشتريه لج ....
سالم: صدقه مبارك ما كذب....
اليازية: يعني الحين قصدك أن نغازل من ورآكم
سالم:أنا ما قلت جذي
اليازية:عيل شنو
العنود:سالم قصده أنه الكمبيوتر قصدي ((الانترنت))عالم مفتوح وكثير من البنات تتكلمن في الشات...
اليازية:يالله على الفلسفة
العنود: مو صدج كلامي سالم
سالم وهو يغمز بعينه للعنود :أكيد يا حلو
استحت العنود من كلام سالم ونزلت رأسها ......
اليازية: ياعيني على الي يستحون
وشوي يسمعون صوت الريم نازلة من تحت وتغني لراشد الماجد [[حبه ابيه والله ابيه.....وقربه بروحي أشتريه ......هوه اللي غير دنيتي .......وخلى حياتي بين ايديه .........يروح الروح كفايه جروح ...........ويلي ويلي ويلي]]
((مآثر ستار أكاديمي ))...
سكتت الريم يوم شافت سالم وردت عليه بابتسامه عريضة :هاي سالم ....كيف الحال
سالم:اهليين ريموه ...وين مالج حس
الريم:من الصبح وأنا أذاكر والحين عندي بريك
العنود: انت يومج كله بريك ...
الريم عطت العنود نظرة خلتها تسكت :والله أنا ماني بطرانة مثل بعض الناس ......
اليازية: باين .....عقب شغلت الظهر
الريم مرتبكة :تصدقين اليازية ظهري يعورني من كثر ما كتبت الواجبات الظهر ..... الله لا يوفقك معلم writing خلنا نكتب وايد مواضيع
اليازية : وخلصتيهن
الريم:شوي ....
سالم:وين سلامة عنج
الريم :تقول بتروح الميلس حتى يشرحلها معلم سيف...
وشوي تضحكن العنود واليازية على كذب الريم ................
صاح تلفون سالم شاف المتصل شوق قام بيطلع برع ......
الريم :الحبيبة مسويه تلفون سالم سلم عليها وايد .................[[تبي تغيض بالعنود]]
رد عليها سالم بضحكه استهزاء وطلع في الحوش يتكلم .......
سالم:اهليين شوق
شوق:هلا حبيبي ...أشلونك انشاء الله بخير
سالم:الحمد لله .... أنتي اشحالج
شوق :الحمد لله
سالم:وين القاطعة
شوق :افا أنا القاطعة
سالم:لا أمي
شوق: حرام عليك ... كنت مشغولة وايد
سالم :بشنو
شوق :بالسفر
سالم:لا تقولين انج في البلاد
شوق:انت شو رأيك
سالم:شوق تكلمي
شوق:ايوه أنا في دبي
سالم:متى وصلتي
شوق:أمس
سالم:مرحبا مليون
شوق:من قلبك
سالم:أكيد.... الحين أنتي وين يالتحديد
شوق :في بيت أبوي
سالم:شوق لازم أشوفج
شوق:وين
سالم:أذارحت دبي بقولج وين نتلاقى
شوق:أوكية حبيبي ما راح أطول عليك ...أبوي في الصالة يناديني
سالم:مع السلامة
شوق:في أمان الله .....
في العين مول مبارك ((كاشخ على ألأخر )) وقاعد مع خويه أحمد وهزا ع في الكوفي ........
مبارك: خسارة اليوم العين مول زفت مافيه الجنس الناعم وايد............
أحمد:الجنس الناعم تلاقهن يوم الأربعاء والخميس موب اليمعة حشرة مدارس وجامعات...............
مبارك وهو يأشر على هزا ع :الله لا يوفق عدوك كله منك خليتنا أمس نروح فلج هزاع بالغصب ....
هزاع:استغفر ربك يالكذاب ...أنا قلتلك نروح ولا أنت قلت البنات تيلسن على رأس العرقوب في الأجازات خلنا نروح نطمش ..
مبارك يضحك من الخاطر على كلام هزاع .......
مبارك:خلاص ما استوا شيء قوم أحمد نروح نتحوط
أحمد :يالله أحسن نطلع نلف في الشوراع من القاعدة هني ....
هزاع: قعدوا شوي ... شو ورآكم
مبارك: ...أحس باختناق
راحو مبارك وأحمد بيطلعون من العين مول .....كانوا يتمشون بيطلعون رايحين صوب الباركنات تحت .....مرت عليهم مجموعة بنات وعطرهن شال البقعه ((حشى تقول الوحده متسبحة بغرشه عطر كاملة ))مبارك أفتر صوبهن وتم يطالعهن بنظرات ويبتسم لهن ...أحمد لاحظ ....
أحمد:أحم....أحم ..
مبارك :وبعده يطالع ...وبصوت عالي كأنه يسعل:كح كح كح ........خنقني العطر والله .....
أحمد:أنف بالله عليك تسمي هالريحة الخايسة عطر ....حتى البواليع أرحم ...
مبارك ما قدر يقبض عمره وتم يضحك بصوت عالي :هههههههههههههههههههههههه حلوة ...صدقت والله..
ألتفتت وحدة من البنات صوبهن وكل ألوان الطيف بويها : نعم شو قلت الطيب
أحمد رافع حاجب واحد:حد رمسج أنتي
البنت أطالعه من فوق لتحت بنظرات اشمزاز:تحريتك ترمسنا....
وأحمد يطالعها بنفس النظرات :مرة ثانية لا تتحرين
مبارك نقع من الضحك على أحمد :خلنا نمشي لا تضربنا بعد شوي .....
وراحو يتحوطون وبعدين على الساعة 10 راح مبارك ووصل أحمد البيت ورد البيت .....
دخل الصالة حصل ابوه وامه وسالم ومحمد...............
مبارك:السلام عليكم
الجميع :وعليكم السلام
الكل كان ساكت مبارك استغراب منهم :بسم الله الرحمن الرحيم ....ليش ساكتين
محمد:سلامتك ما فينا شيء
مبارك:على مين تلعبها على مين يا بن الناس ....
أم محمد:من وين ياي مبارك
مبارك :والله من عند الربع
سالم: ليش ما قلتلي أنك بتروح
مبارك:وأنا اشدراني عنك اتصلت عليك الظهر لقيت الخط مشغول
سالم:كنت في ميلس قوم سلطان الكعبي
مبارك: تصدق اليوم اليلسه بايخه ما فيه حركة ولا سوالف
سالم:شو رأيك نروح القنص
مبارك:على راحتك ..............ويطالع محمد .....عسى ما شر محمد
محمد:سلامتك ما شيء شر
مبارك:علومك ...عفراء حتى الحين زعلانة
محمد فاتح عيونه:وأنت شو دراك
مبارك:أدري
أم محمد:لا صدق شو دراك ...
مبارك:سمعتج تكلمين خالتي أم راشد...
أم محمد:حشى وأنت مرخي أذنك
مبارك:لا والله خاطف و سمعتج
بو محمد:والله يا ولدي إذا تبي تبني في الحوش ما عندي مانع ...
محمد:أبوي السالفة ماهي سالفة بنيان ...
بو محمد:عيل شو
محمد:الحين العالم تبني علشان تتوسع ...والحمد لله أنا ماني ساكن في ضيق عندنا قسم كامل الله يطول عمرك... وماعندنا عيال وايد......
مبارك بضحكة :أنشاء الله واحد في الطريق ....
محمد بعصبية :قالت واحد موب درزن
سالم يضحك :حلوة درزن
أم محمد:سالم متى بتعرس...وبشوف عيالك
سالم:أنشاء الله يوم بدق 35
بو محمد: تفاول بالخير ...
مبارك:أنا ابا أعرس مامي
بو محمد:يوم بتخلص الكلية أنشاء الله بنزوجك .........أنا بروح أنام ورايه طريق
سالم:ليش وين بتروح أبوي
بو محمد: بروح بو ظبي عندي شغل
مبارك ويغمز لأبوه :لا يكون متزوج من ورآنا
أم محمد: فال الله ولا فاللك
الكل يضحك على سوالف مبارك ......
محمد:أنا بروح أنام أحسن شيء باجر ورآنا دوام
سالم:خيبة من الحين
محمد:أنا ماني بطراااان ...تصبحون على خير
راح محمد قسمه في هذي اللحظة نزلت العنود بتروح بيتهم علشان تشوف حفلة ستار أكاديمي ......
العنود:السلام عليكم
مبارك:اهليين عنود...أشحالج
العنود مستعجلة :بخير
سالم:العنود ليش مستعجلة وين رايحة ....
مبارك:قعدي عندنا
العنود:ما أقدر أمي اتصلت وقالت لازم ايي علشان يقفلون الباب ....
سالم:أٌقول العنود وين راشد
العنود وقدها عند الباب: ما أدري عنه
مبارك:البقرة بتروحين بروحج
العنود:بقرة في عينك يالثور ...
راحت العنود تربع للبيت علشان تلحق على البرايم ......
دخلت سلامة مستعجلة الصالة وبتروح فوق وكان في أيدها كيس الدكان فيها من كل شيء ...................
سالم:حوووووووووووووه شو في ايدج سلامة
سلامة:أكل
سالم:ادريبه أكل
مبارك:تعالي خليني أذوق
سلامة وهي تربع في الدرج:مالي خص أكل ريموه
راحت فوق عند اليازية والريم تتشوفن البرايم ........
أما سالم ومبارك قعدوا يطالعون التلفزيون ويشوفون فلم انجليزي على mbc 2 ...................
الساعة 1 كانت الريم محتشرة من بيطلع من النومنية في هذي اللحظة دخلوا عليهن مبارك وسالم ...............
مبارك:السلام عليكم يا جماعة
الريم:اسكت خلنا نشوف النتيجة ........
سالم:نتيجة شو
اليازية:بعدين راح أقول لك...
الريم وسلامة متلصقت على الشاشة...مبارك:حوووووووه خلينا نشوف.......
الريم :تأشر بأيدها علشان يسكت ......وعد 5دقايق
الريم:خسارة والله ظلم ....أكيد لعبين بالتصويت
سالم:أي تصويت وأي خرابيط
سلامة:يارب يدخل .............محمد الدوسري
اليازية:أكيد رح يطلعونه.......
مبارك:من منكن عندها الريموت كنترول تعطيني ايه ...
الريم:ياســـــــــــــــلام ...دقيقة بس
وشوي تصرخ الريم :لا ظلم يطلع الدوسري .......
سلامة:أه يالقــــــــــــهر
مبارك يضحك من الخاطر على الريم ويعلق عليه طلعت الريم من الصالة وشكلها بتصيح من الغيض ...أما سلامة تدعي من الخاطر على الطلاب ليش ما دخلوا محمد .....اليازية قالت أحسن شيء روح أنام ليش أقهر نفسي على الفاضي ........... وكملت سهراتهم (مبارك وسالم)حتى الساعة 2ونص وبعدين راحوا يناموا كلن في غرفته
&^&((الجزء الرابع))&^&
أشرقت الشمس على مدينة العين.........
كانت سلامة نايمة في سااااااااابع نومه يتها الخدامة توعيها .......
ليلى (الخدامة) :سلامة ....قومي يالله هادا صغيرون يريد روه مدرسة .....
سلامة:الله بصباح رزق ...العالم تصبح على الورد والعطر وأنا أصبح على ويه ليلوه
ليلى وهي تغمز سلامة بقوه وتمط منها الفراش: قوم بسرعة .....
سلامة:الله لا يوفقج ...بقوم بس طلعي برع
قامت سلامة عقب صراع مع ليلى ....وراحت الحمام وتسبحت وتلبست ونزلت تحت وجفت اليازية يالسه تترياها ......
سلامة: صباح الخير ...اليازية وين ريموه؟؟؟
اليازية: صباح النور ...نايمة....حلفت أنها ماتدوام اليوم لظروف طارئة ....
سلامة:كل هذا علشان الدوسري يا مسكينة الي بيسمعها بيقول أخوها ,,,,و عليها امتحان اليوم ...
اليازية: يا ويل من ؟...أنتي خلصتي ...خلينا نروح
سلامة:يلاه
طلعت اليازية وسلامة وسيف ونيرة ومنيرة وركبوا السيارة وراحوا المدرسة .....
في المدرسة الساعة 9ونص ..
في صف سلامة ....
سلامة:أقول سارة .....شو بلاها المس معصبة ....خذتنا 3 حصص
سارة:وأنا شو دراني ...الا اقووووووول سلامة
سلامة وبصوت شوي عالي:آآآآآآمري..
سارة:شفتي أمس البرايم ....
في هذا اللحظة التفتت المس على سلامة وويها أحمر
المس:سلامة برررررررررررررررررررررع؟
سلامة:أن شاء الله مس بس شو سويت ؟؟
المس بصوت عالي :كيفي حصتي يلا برع ...أقول برررررررررع
سلامة بهدوء :أن شاء الله ...بس لا ترديني
المس:لا والله ..أنا كيفي بطلعج ...ولا بردج
سلامة:باي بنات اجووفكم في البريك ....
سوووولها باي بأيديهم وطلعت ....
المس أكثر من مرة مطلعة سلامة من الصف ....بس يوم اطلعها ...اطلعها 5دقايق وترد تقولها ردي علشان هي في ثانوية العامة محتاجة للدروس وايد في الإنجليزي .
طلعت سلامة من الصف ووقفت على باب الصف من برع .....
جافتها المشرفة المصرية ....
المشرفة :سلامة بتعملي ايه على الباب هنيه ؟؟؟؟
سلامة بخوف:ما شيء أبله ...بس المس مطلعتني برع الصف
المشرفة:طب ليه ؟؟؟أكيد عمله حاقة؟؟
سلامة وهي فاجة عيونها :لا والله بس ربيعتي كلمتني ...كان أقو وولها آمري ...وقالت لي المس برع
المشرفة :خلاص ...أنا حكلمها
سلامة:لاأبله خليها ....مش لازم لو تباني هي بتناديني
المشرفة :خلاص ولايهمك ...أنتي حتاقعدي كيده عند الباب ....
سلامة:هيه ....أكيد ماراح أروح مكان ..
وفي الصف...
سارة في خاطرها تقول:ممممم أقول حق المس إني بروووح الحمام وبعدين ارووح عند سلامة ...
وقفت سارة وراحت عند المس وأول ما يت بتفتح ثمها قالت المس :روووووووحي مكانج ما شيء طلعة ...
سارة: مس أنا ما بطلع ...أنا ابا أبند المكيف بررررررررررررررد
الجو كان بارد في الصف بس المس تقايظ وتقول حر وهي ميتة من البرد ....
المس :الي يبنده ناقص 5 دراجات ...
سارة وهي معصبة:نقصيني 100درجة ولا اموووووت برد انزين
قامت سارة وبندت المكيف .....والمس متفاجئة منها ...
قامت المس وراحت تنادي المشرفة .....كانت المشرفة المواطنة(حصة)....
بعد دقيقتين
المشرفة وهي معصبها على سارة :ليش يا سارة طولتي لسانج على المس ؟؟؟
سارة وهي توطي صوتها :مس جوفي أول شيء....كنت أكلم سلامة ربيعتي وكنت بسألها عن الواجب ....قالت آمري وجافتها المس وقالت لها طلعي برع وهي طلعت ....أنزين من الحصة الأولى اللين الحين الحصة الثالثة مشغلين المكيف والبنات بردانات ...الا البرنسيسة مس وفاء حراااانة ...
المشرفة:أوكية خلاص فهمت الموضوع .........وشوي دق الجرس ....وطلعت مس وفاء والمشرفة حصة وقالت حق سلامة تروح غرفة المشرفة .........
دخلت سلامة الغرفة وبعدين دخلت عليها المشرفة(حصة)...................
سلامة يوم شافت المشرفة قامت .....
سلامة:أهليين
المشرفة:مرحبا سلامة ..........استريحي
قعدت سلامة وعدالها المشرفة ...
المشرفة:شو اللي صار يا سلامة من دخلتي الثانوية والكل يتشكى منج ...
سلامة: سلامتج ما شيء شر ....
المشرفة:سلامة أنا عرفت الموضوع .... مس الإنجليزي وايد تتشكوى منج ....وأنا لازم أتكلم مع حد من أهلج أمج أو أبوج أو حد من أخوانج ....
سلامة:لا كله ولا أهلي وسبشل أمي
المشرفة:سوري .....سلامة ماأقدر أخليج تكملين الحصص الا اذا كلمت حد من أهلج وتفاهمت معه .... وأنا الحين بروح غرفة المدرسات وبرجع وأنتي اتصلي بأهلج
سلامة تدعي من الخاطرة على مس وفاء وتقول في خاطرها :الحين لو سويت في البيت أمي بترد عليه مافيني على محاضرة أحسن شيء بدق على سالم ......
دقت للسالم .....
سلامة:آلــــــــــــــــــــــــــــــو
سالم:هلا
سلامة:آهلين سالم وين أنت الحين
سالم:من أنتي
سلامة:أنا سلامة
سالم:مرحبا ...من وين تتصلين
سلامة :من المدرسة
سالم:شو عندج
سلامة:المعلمة رغتني من الصف وقالت لازم أشوف حد من أهلج
سالم:سوري ....سلامة ..أنا ماني في العين
سلامة شكلها بتصيح :وين أنت عيل
سالم:أنا رايح دبي
سلامة:حرام وأنا شو أسوي ....ماأقدر أدق للبيت أخاف أمي ترد ....
سالم:لا دقي للمبارك شفته في الصالة
سلامة:انزين يالله مع السلامة
سالم:في أمان الله ...
دقت للمبارك..........
مبارك:هلا وغلا مبارك الكتبي يتكلم
سلامة:آهلين مبارك ...أنا سلامة ...
مبارك:الله لا يوفقج من وين تتكلمين
سلامة:من المدرسة
مبارك:ليش متصلة
سلامة:المس رغتني من الحصة
مبارك:وأنا شو خصي
سلامة:قالت لازم تشوف حد من أهلي
مبارك:أوكية راح أقول لأمي تيج في المدرسة....
سلامة:لا شو أمي.... أنت تعال
مبارك:اها قولي من الأول أن السالفة فيه أن....
سلامة:لا حرام عليك ..........كنت أتكلم مع ربيعتي وطردتني من الصف
مبارك:أوكية الحين بروحلج المدرسة مو علشان خاطرج ...... علشان خاطر الجنس الناعم اللي في المدرسة
سلامة:مشكورة ....يأخي العزيز الله لا يحرمني منك ....
مبارك:مع السلامة .............وسكر في ويها
دق جرس الفرصة ومبارك حتى الحين ما وصل ...............
وبعد ربع ساعة ...دخل مبارك المدرسة ((وهو في أخر أناقته تقول رايح عرس وكان لابس كندورة كويتية بيضاء ولابس غترة وعقال ولابس نظارات شمسية عجيبة ومتسبح بالعطر ومدخن ))........وكان وقت الفرصة .....
يوم دخل مبارك المدرسة ........كل البنات يطالعن فيه.......وكان هو يعطي ابتسامات .....
مبارك شاف معلمة خاطفة في الدرب:لو سمحتي الشيخة وين غرفة المشرفة ...
المعلمة: تفضل معاي ..............وراحت وصلته غرفة المشرفة
دق مبارك الباب........
المشرفة:تفضل
فتح مبارك الباب ودخل .........
مبارك:السلام عليكم ....
المشرفة:وعليكم السلام ورحمة الله وبركاته
سلامة:أعرفج على أخوي العود مبارك ................
المشرفة:آهليين مبارك ...كيف الحال
مبارك:بخير...أشحالج أنتي
المشرفة :بخير .....استريح أخوي
وقعد مبارك عدال سلامة وهو كله غرور(( لانه يشوف البنات.. يتشوفن من الدريشة للي وراء مكتب المشرفة))
وبعدما خبرته بالسالفة كلها ........
مبارك :السموحة....وأن شاء الله أخر مرة تسويها
المشرفة:أن شاء الله ...بس توقع على تعهد
وقعت سلامة على تعهد وطلعت مع مبارك.........
مبارك:سلاموة.....هذي الييه ماهي ببلاش ...كل أوامري تطيعينها ولا بخبر أمي ععليج
سلامة وكلها قهر:أن شاء الله
وراح مبارك من عند سلامة وكل وحدة من البنات تسوي حركات حق مبارك وهي يضحك عليهن ,,,
وتقدمت له وحدة :هلا شيخ الشباب
مبارك:هلا وغلا
.......:أقول شو الاسم الكريم
مبارك:أسمي مبارك الكتبي ....عمري 22سنة ....ورقم تلفوني *******....واذا اتصلتي عليه بعد منتصف الليل يكون أحسن لانه هو وقت اللي فاضي فيه ...
......:تكرم عينك ....أنا أسمي هند .....وأنتظر ني أن شاء الله بدقلك....(راحت البنت للشلة وهي تنقز من الفرحة وتخبر البنات شو قالها مبارك )شلة سوء ....
مبارك في خاطرة :بنات أخر زمن ....عاد من حلاته عطيتها رقم تلفوني ....غبي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك