رواية عودتني كل يوم اسمع انا صوتك -5
أقول شو الاسم الكريم
مبارك:أسمي مبارك الكتبي ....عمري 22سنة ....ورقم تلفوني *******....واذا اتصلتي عليه بعد منتصف الليل يكون أحسن لانه هو وقت اللي فاضي فيه ...
......:تكرم عينك ....أنا أسمي هند .....وأنتظر ني أن شاء الله بدقلك....(راحت البنت للشلة وهي تنقز من الفرحة وتخبر البنات شو قالها مبارك )شلة سوء ....
مبارك في خاطرة :بنات أخر زمن ....عاد من حلاته عطيتها رقم تلفوني ....غبي
.................................................. ........
سالم وصل لدبي وأول ما وصل دق لشوق ...........
سالم:هلا حبيبتي شلونج.
شوق:بخير الحمد لله أنت شلونك
سالم:بخير وين أنتي
شوق وهي تقوم من مكانها :أنا يالسه عند أمي في الصالة ...
سالم:أخبار الوالدة أن شاء الله بخير
شوق :الحمد لله وين أنت
سالم:أنا توني واصل دبي
شوق:صدج
سالم:لا كذب .....أقول وين راح نتلاقى .....
شوق:شو دراني عنك ....أنت مطول في دبي
سالم:والله ما أدري ممكن كم من يوم
شوق:خبر حلو
سالم:أوكية حبيبتي ....تعالي داخل فندق برج العرب
شوق:أن شاء الله ....
سالم:في أمان الله
شوق:مع السلامة
وبعد ربع ساعة وصلت شوق وكانت في سيارة مرسيدس أخر موديل ((هدية النجاح)) .... نزلت من السيارة وراحت داخل الفندق ولقت سالم ينتظرها في الاستقبال .....وسارت صوب سالم فرحانة ............
سالم:هلا والله
شوق وهي تحضنه :هلا حبيبي
سالم وهو يحبها على خدها:والله مشتاقين حق الحلو
شوق وهي مستحية :شكرا يا قلبي....
وراح سالم عند الاستقبال ........
سالم:لو سمحت أريد أحجز جناح لمدة يومين
........ : تكرم عينك
سالم:مشكور الطيب
........: حجزت الطابق 14 جناح رقم 6
سالم:مشكور يالشيخ
.....:أهلا وسهلا
سالم دفع نص المبلغ ورحوا الجناح .......
شوق:سالم تدري من زمان ما ينا هنيه
سالم:....أخر مرة كانت من 8شهور ..........
.......................
في البيت الساعة 2ونص
الكل على الغداء ماعدا سالم....
أم محمد:مبارك وين سالم ماله شيفه
مبارك:والله ما أدري عنه طلع من الصبح
أم محمد:اتصل فيه يمكن يبا غداء
مبارك:أن شاء الله تأمرين أمر
واتصل مبارك بسالم ....
مبارك:أهليين سالم وين أنت
سالم:السلام لله .....
مبارك: السلام عليكم أمي تقولك ...تخليلك غداء
سالم:لا أنا بتغدى برع
مبارك:وين أنت يا لحبيب
سالم:والله في دبي عندي أشغال
مبارك:فهمت عليك ....بصوت خفيف مواعد
سالم:هههههههههه الله يسامحك
مبارك:بتظوي اليوم
سالم:لا بقعد كم من يوم
مبارك:في أمان الله
سالم:مع السلامة ..............
في حجرة الريم ...سلامة تخبر الريم واليازية بسالفة اللي صارت في المدرسة ....
الريم:أنسانة ...غبية ليش تخلين مبارك ايج في المدرسة الحين بيذلج مذلة بطرا شه
سلامة:لا تقولين ...قلبي يتقطع ...والله الحاية ردتني عليه
اليازية:ليش ما قلتي حق المشرفة غدوة أبوي بيمرج...
سلامة:نسيت
وشوي يدخل مبارك الغرفة عليهن ....
مبارك:الريم شفتي خدامتيه اليديدة
سلامة:حرام عليك
مبارك:ماحد قالج تتكلمين في الحصة .....قوم خليهم يسوون قهوة و شاي أحمر وشاي حليب وعصير ويحطون خضرة ويودونهن الميلس وبعدين تعالي فصي ريولي....
سلامة:الله لا يوفقج يا مس وفاء كله منج ....مبارك حرام عليك طرش الريم باجر عليه امتحان جغرافيا
مبارك:ما لي خص
سلامة:أه يالقهر ...................وراحت وقالت حق الخدامة تقول لمحمدوه يسوي كل الي قاله مبارك ويحطه في الميلس ......
فصت سلامة ريوله وبعدين راحت الميلس وقعدت في غرفة الطعام) علشان تذاكر بعيد عن حشرة البيت ....
كانت سلامة قاعدة تذاكر في الميلس (غرفة الطعام )بعيد من حشرة خوانها الصغار ...
وكانت الغرفة مقابلة الميلس الرئيسي الي قاعد فيها مبارك وأحمد وهزا ع.....
في هذي للحظة رن تلفون أحمد كانت أمه ...........
طلع أحمد تلفونه من مخابه وطلع برع عشان يرمس في التلفون..... وراح بيدخل غرفة الطعام....
وقده عند الباب وقف و رد على التلفون .....
أم أحمد :أهليين أحمد وين
أحمد: هلا أمي .... أنا عند واحد من الربع شو في الخاطر
أم أحمد:لا سلامتك بس حبيت أطمئن عليك ...أحمد شوي شوي بالسرعة
أحمد:أن شاء الله أمي ........وسكر عنها التلفون ...
بطل أحمد باب الغرفة لا اراديا ....ولقي سلامة نايمة على الكرسي وفوقها كتاب الجغرافيا ...أحمد ما قدر يشيل عيونه من سلامة وتم فاتح ثمه ويقول حشى غزال نايم كانت مبطلة شعرها .......
سلامة حست بحد فتح الباب..... ويوم فتحت عيونها أن هذا الريال يطالعها ........
بس أحمد يوم شافها طلع بسرعة من الغرفة ودخل الميلس عند قوم مبارك اللي يلعبون ورقة......أما سلامة تلعن المصايب اللي تتحذف عليه ...راحت وشلت كتبها وطلعت من الميلس تربع ......
راحت سلامة عند اليازية والريم فوق في حجرة الريم .... وبطلت الباب بقوا .....
اليازية بنقمة :ما أسرع ما خلصتي مذاكرة يا سلامة
الريم :والله لي بعدي تخلص بسرعة
سلامة:ريموه ...اليازية لحقوا .....واحد في الميلس
الريم وهي مستغربة :واحد منو؟؟؟
سلامة:شدراني واحد شافته في الميلس
اليازية:يالبقرة .....وين كنتي تذكرين لا تقولين في الميلس ....
سلامة وبخوف:ايوه
الريم:ربع مبارك قاعدين في الميلس ...يونج ما تدرين ...
سلامة:يالفضااااااايح ....والله ما كنت أدري
الريم:ليش ما ذكرتي في حجرتج ....
سلامة:في خاطري إزعاج ....وعشان ركز أكثر...
اليازية:خبرينا بالسالفة شو أستوى
سلامة:كنت أذاكر في غرفة الطعام ...ويالسه في الكرسي ما دريت كيف خذتني النومه....وبعدين حسيت باب ينفتح ....فتحت عيوني شفت ريال يطالعني ... ........... وسكتت ......................هوه طلع بسرعة وأنا شليت كتبي ويت أربع
آذن العصر وسلامة تبكي من خاطرها لسببين أول أنها خايفة اذا مبارك درى شو راح يسويبها والثاني عليها أمتحان جغرافيا وايد حتى الحين ما ذاكرت منه شيء ....
ظهر مبارك من الميلس بعد ما راحوا ربعه ....وراح صوب حجره أمه ما لقاها .....جان يروح فوق في حجرة اليازية ودق الباب......
اليازية :منو ...
مبارك:اليازية ...بطلي أنا مبارك
سلامة وهي تبكي :ياويلي ....
الريم:ماراح يسويلج شيء .... خت شما عندج
راحت اليازية وفتحت الباب .....
مبارك:ساعتين حتى تفتحين..وين أمي .....وشاف سلامة تبكي....
الريم:أمي في بيت عمي سالم
مبارك:سلامة....شو فيج ليش تبكين
سلامة: ما شيء
مبارك:لا صدج شو فيها .... اليازية
اليازية:ما فيها شيء ...تبكي لانها حتى الحين ما ذاكرت جغرافيا وهي باجر عليها امتحان ....
مبارك:أفااااااااااا عليج سلامة الحين أدور على معلم علشان يذكرلج....
سلامة براحة : ما يحتاج كله حفظ ...... أنا بروح أذاكر بروحي
الريم:أقول مبارك من كان عندك في الميلس
مبارك:وأنتي شو خصج
الريم :لا بس شفت سيارة غريبة قلت أكيد حد عندك
مبارك:كان ربيعي أحمد
سلامة انتفضت من الخوف وهي تدعي من الخاطر على الريم......
مبارك:لا تحاتين يا سلامة ....الامتحان أنشاء الله بيكون سهل
سلامة:أنشاء الله
مبارك:الا وينها العنود عنكن
اليازية :أكيد راقدة ....بتي العصر .....
طلع مبارك من عند البنات علشان يروح يتوضأ ويصلي أما سلامة بتموت من الفرحة لان مبارك ما فتح الموضوع يعني ربيعه ما خبره بشيء .....بعد الصياح راحت تذاكر كم من كلمة ............
.................................................
وقت الغروب ،،سالم وشوق كانوا يتمشون على رمال بحر مدينة دبي ..وكان سالم ماسك أيد شوق ويبتسم ..............
شوق: شو فيك ..؟؟؟
سالم:لا ...ولا شيء
شوق :شتفكر فيه زين ...
سالم:اقول عادي وهو (يناظرها)
شوق توقف قدامه :أكيد عادي
سالم وقف ...ووقفت شوق وتكلم :اكتشفت أني مأحبج شوق....
شوق كانت بتضحك لكن ملامح سالم كانت جادة وتعابير ويه قاسية ......ضحكت شوق بس سالم ما كان يهزه أي شيء ...في هذي اللحظة سكتت شوق وتمت طالع سالم .....
اهني تقرب سالم من شوق واهو يطالعها بنظرة جادة :أنا ماحبج شوق ..................أنا ...........أعشقج يا شوق............. اموووووت فيج
راحت شوق من عند سالم وتقدمت للبحر ....وراح سالم وراها بس هي ما عبرته ......
شوق بدلع :ماحبك ..........لا تيي وراي
سالم:شوق تعالي هني
شوق:روح عني
راح سالم ومسك شوق من أيدها :على بلاج ماأقدر عليج
شوق:زين فكني
سالم :ماراح أفكج..............وراح وحضنها ............
شوق بحيا : فكني سالم أمكن احد يشوفنا ....
سالم:وشعلي أنا من أحد .........................حبيبتي وأحضنها عادي ما فيها شيء
شوق:لا والله .....احلف بس
سالم:قسم بالله العظيم .................
سالم:زين بفكج بس بشرط
شوق:شنو
سالم:عطيني بوسة....
شوق وهي تبتسم :تعال زين
سالم فكها على باله راحت تبوسه ....الا وتدوس شوق على ريله وتركض عنه ......
سالم:والله لا أوريج يا شوق ............
*((فندق برج العرب ))*
تموا قاعدين((سالم وشوق)) بصمت وسكون وشوق حاطة رأسها على كتف سالم اللي كان مصكر عيونه ويفكر في وضعهم هو وشوق .... بس قطع عليهم التفكير تلفون شوق ....
شوق وهي تطالع سالم:أمي .....أكيد بتسألني وين أنا
شوق وهي ترد على التلفون :هلا أمي
أم شوق:هلا حبيبتي شوق
شوق:أخبارج
أم شوق:وين حبيبتي ليش تأخرتي
شوق:سوري ....يمه مأقدر أنام في البيت اليوم
أم شوق :ليش حبيبتي ...عسى ما شر
شوق:سلامتج ...بس عندي شغل وأمكن أنام عند ربيعتي منال
أم شوق:على راحتج ....بس ليش ما كلمتي أبوج
شوق:أن شاء الله ...بكلمه بعد شوي
أم شوق:أوكية حبيبتي أنتبهي لحالج
شوق:أن شاء الله ...يمه مع السلامة
أم شوق :الله يحفظج.......
سكرت شوق من أمها وهي قلبه يتقطع لانها ما تقدر تكذب عليها أكثر من جذي ....في لندن كانوا بعيدين عنها(أمها وأبوها ) أما الحين الوضع يختلف......وهم ساكنين في نفس المنطقة الي تواعد فيها سالم ....................
قطع سالم حبل أفكار شوق: شوق من متصل .....
شوق بحزن :أمي
سالم:ليش مظايقة شو قالتلج
شوق وهي تتشوف من الدريشة :ما أقدر أستمر في الكذب على أمي وأبوي يا سالم ....
سالم:شو قصدج حبيبتي .....
شوق تلتفت لسالم وهي تصيح :سالم أنا وايد تعبانة ....حيييييييييييييييييل تعبانة .........ماأقدر أستمر أكثر ...........ما أقدر
سالم:بسم الله عليج يا حبيبتي ما تشوفين شر ............فيني ولا فيج .........قوليلي شو مضايقة عليه .........
سالم لا شعوريا راح وحضن شوق اللي كانت تبكي على صدر سالم ........................
شوق وهي توخر من سالم :أنسى اللي صار
راح سالم وانسدح على السرير أما شوق راحت الحمام علشان تأخذ شاور ....وكان الصمت سيد الموقف بينهم في هذيك الليلة .....
*&*((الجزء الخامس))*&*
سالم وشوق للحين راقدين ........وكانت الساعة 1ونص الظهر .......رن تلفون سالم........
شوق بتعب :سالم رد على تلفونك من نص ساعة وهو يصيح .........لا حياة لمن تنادي سالم غرقان في سابع نومه ......
شوق وهي تقوم سالم: سالم تلفونك يرد ............................سكت التلفون ................وردت شوق تنام ...............
في البيت ........
سلامة:أمي سالم ما يرد ...أكيد نايم
أم محمد: لا اتصلي عليه..... أخاف صاير له شيء
سلامة:تعبت من كثر ما أتصل ......
مبارك:أنا بسوي من تلفوني .....
في هذي اللحظة صاح تلفون سالم .....شوق من سمعت التلفون يصيح سكرت على أذانيها......بس ما سكت التلفون قالت في خاطرها أحسن شيء أرد على المتصل ...................
شوق بتعب :آلووووووووووو...
مبارك والحيرة في عيونه :هلا وغلا بو غنيم .....
شوق:هلا .....بس أنا مو سالم
مبارك وهو يقوم من مكانه ورايح الغرفة الثانية :عيل وين سالم ....لا تقولين ماهو تلفونه... أنا متأكد مليون بالميه أنا هذا رقمه .....
شوق:سالم ......راقد ...اصحيه
مبارك بغباء:لا .....طويلة العمر خليه راقد ...
شوق:أنزين ....وبعدين شو تبي
مبارك:أقول طويلة العمر من أنتي .....
شوق:شو يخصك أنت
مبارك:خلاص ...لازم تصحينه اباه ضروري ...
شوق بصوت ناعم تناديه :سالم .......حبيبي ....حبيبي
سالم واهو راقد :اممممممممممممممممممم
شوق:حبيبي ....قوم مبارك أخوك يبيك في التلفون
سالم بتعب:منوووووووووووووووو
شوق :أخوك
سالم يرفع رأسه ويبتسم ونص عيونه مفتوحة :صباح الخير يا عمري....
مبارك كان في هذي اللحظة يحترق ومليون سؤال وسؤال في عقله من هذي البنت اللي عند سالم وهي تعرفني تقول أخوك مبارك يبيك ..... يعني شو ....واذا سالم نايم ليش هي عنده اكيد كانت أمس نايمة عنده... لا استغفر الله ليش أفكر انا جذي ......عيل ليش تقوله حبيبي وهو ليش يقولها صباح الخير يا عمري.....
شوق :هههههههههه صباح النور يا قلبي أخوك يبيك ...
سالم:خله يولي .......{سكت ونزل رأسه مرة ثانية وتذكر} شو مبااااااااااااااااااارك
خذ التلفون من شوق ورد على مبارك:شو تبي على الصبح
مبارك:يا حبيبي .....وين الصبح الحين الساعة الظهر 2....يأخوي ما ألومك أمس سهرنين طول الليل((يضحك)) ....
سالم يقوم من الفراش ويروح الحمام ويفتح الولف (علشان ما تسمعه شوق):مبارك أنت فاهم غلط ...هذي الخدامة اللي تنظف الغرف
مبارك وهو يضحك :يا حبيبي روح ألعب على غير ....اذا كانت الخدامة...ليش تدخل الغرفة وأنت نايم ,,,,وليش ترد على تلفونك.......وكيف تعرف أني أخوك ولا الفندق اللي أنته فيه لازم يأخذون معلومات عن إخوانك هههههههه ....وليش تقولك يا حبيبي ويا قلبي وليش أنت تقولها صباح الخير يا عمري ...قسم بالله أن السالفة فيها أن ...على فكرة سالم هذي السوالف تطوف على غيري مو عليه أنا تراني خبير في هالسوالف ...................................
سالم:يوم بروح العين بخبرك بالسالفة كلها .......
مبارك:لا حبيبي ...أن شاء الله ساعة وبكون عندك
سالم:لا مبارك ....دخيل والديك ..... لا تيي
في هذي اللحظة دخلت شوق على سالم في الحمام وكان يتكلم في التلفون ..............
شوق:سالم شو صاير
سالم وهو يأشر لها أنها تسكت : خلاص مبارك ....أكلمك بعدين أن شاء الله.............وسكر في ويهه
ما نطق سالم بشيء راح وخذ ملابسه من الغرفة وراح الحمام ....كانت شوق واقفه محالها((عند باب الحمام)) ما تحركت وكانت أطالع سالم ..
سالم :لو سمحتي أريد أخذ شاور ....
راحت شوق انسدحت نامت على السرير ....أما سالم دخل يأخذ شاور .......
في البيت ....
راح مبارك الصالة وكان كل تفكيره من تطلع شوق ......
أم محمد:هاه ...مبارك..أخبار سالم
مبارك وهو يفكر بعمق !!!!!!!!!!!!!!!!!!!!!!!
أم محمد:مبارك ...شو فيك لا يكون صاير لسالم شيء
انتبه مبارك لكلام أمه :شو تقولين يمه
أم محمد:من الصبح وأنا أتخبرك عن سالم ...ما تكلمنيي
مبارك:لا سالم بخير الحين مكلمه
أم محمد :ليش ما يرد على اتصالي
مبارك:كان نايم ....وقومته... من كثر ما أتصلت له
أم محمد :يعني أفداه
راح مبارك الدولي عند هزاع عشان يخطفون الوقت .....................
العصر .......
الريم:اليوم بروح السوق يعني بروح
أم محمد:لا... يوم الأربعاء أن شاء الله كلنا بنروح
الريم:يا سلام .....أقولكم ريويلي تعورني من النعول ....أبا أشتري نعول يداد......
أم محمد:الي بيسمعج بيقول ما عندج نعول أمرة ....لبسي نعول اليازية ولا سلامة حتى يوم الأربعاء نروح السوق
الريم:ريول سلامة وايد طوال ....و اليازية كل نعولها بوت...
أم محمد:لا حول ولا قوة .....!!!!
بو محمد:خليهن ترحن ...ما عليهن شر ....بتأخذنا حايتهن وبتردين بسرعة
أم محمد:الله يسامحكن من بنات ....بس لازم تأخذن منيرة ونيرة عندكن ....
الريم :أنشاء الله من عيوني ...ولو تروح ليلوه ومحمدوه عندنا عادي
الريم تأشر بأيدها لأبوها :عطني فلوس
بو محمد:العيوز كم تريدين
الريم:لا تعطيني شوي .....ترا سلامة واليازية ونيرة ومنير عندي
بو محمد :2000بتسدينكن
الريم :ماشي حالهن
وخذت الريم الفلوس وراحت لليازية وسلامة واللي كانت عندهن العنود .........قاعدات في حجرة اليازية.....
الريم تفتح الباب وتطلع رأسها :خبر سعيد .
سلامة :شــــــــــــــــــــــــــــــــــو
الريم :بنروح العين مول
اليازية:قولي والله كيف أقنعتي أمي
الريم: بطريقتي الخاصة((( وهي تأشر على عقلها))))
سلامة:يالله قومن خلينا نلبس عباينا لا تغير أمي رأيها....
العنود:وأنا
اليازية:أنتي شو
العنود:أبا أروح عندكن ...
اليازية:عندج فلوس
العنود:اها بس في البيت
سلامة:خلاص أنتي روحي البيت ويبي فلوسج ولبسي عباتج وتعالينا
العنود:يالله .....بروح بسرعة.... بس لا تروحون مني
اليازية: أن شاء الله بس لا تبطين
راحن اليازية والريم وسلامة والعنود ونيرة ومنيرة عند دريولهم محي الدين .............................
في السيارة ...............
كأننا مشغلات حمد العامري ((مقدر أجامل ))
الريم :منيرة طولي على الأخر ....
محي الدين (((مشتغل عندهم يوم كان مبارك صغير وهو حتى الحين عندهم (مربيهم كلهم ))): شو يريد طول أخر أنت مافي أسمع ...
الريم:مالك خص ............طول وأنت ساكت ............طول محي الدين على المسجل ((حكم القوي على الضعيف ))...
الريم تغني وراء حمد :مسموح أبعد عن هواي مقدر أجامل وأخدعك ...وأسمحلي لو تلقى سواي غيري ترا ما ينفعك ....
سلامة دخلها الهواء :هلا .....عاشوا .....عاشوا .....
وشوي صاح تلفون اليازية ....
طلعت اليازية التلفون من شنطتها وشافت الرقم .....
اليازية :أمي متصله ..
الريم :محي الدين بند مسجل
محي الدين : الحين بند مسجل ... أنت خوف من ماما ما في خوف من الله ...
الريم:أخر زمن .....محي الدين يتكلم عن الدين
راحت الريم تشاور بسلامة في أذنها :ما كأنه مسوي علاقة عند كل خدامات الحارة ....
الريم وسلامة نقعن من الضحك ....في هذي اللحظة تغيض محي الدين اللي كان يطالعهن من المنظرة :أنت شو قول
سلامة:سلامتك .....سوق زين لا تسويبنا حادث هههههههه
اليازية:سكتن خليني أكلم أمي
ردت اليازية على أمها ...
اليازية:مرحبا أمي
أم محمد:مرحبتين ....علومكن
اليازية:من شو
أم محمد:من السوق
اليازية:حشى تونا عند الدوار
أم محمد:اليازية ....ما وصيج على خواتج .... عندج العنود
اليازية:ايوه
أم محمد:أمها تبي تكلمها
اليازية :أنزين .. العنود أندوج أمج على الخط
العنود:ياويلي ما خبرتها أني بروح عندكن
وترد على التلفون ................
العنود:مرحبا أمي
أم راشد :مرحبا العنود ....
العنود: سمحيلي يمه ما خبرتج
أم راشد :ما عليج شر مدامج عند بنات عمج ...
العنود:يا حيج ....
أم راشد:اتصلت على تلفونج ما تردين
العنود:نسيته في حجرتي
أم راشد:العنود ...عندج فلوس
العنود:اها أمي أبوي الصبح طرشلي فلوس عند الخدامة
أم راشد:يا حيه
العنود:شيء في خاطرج أمي
أم راشد:لا سلامتج يالغالية ....مع السلامة
العنود:مع السلامة
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك