رواية عودتني كل يوم اسمع انا صوتك -6
أم راشد:اتصلت على تلفونج ما تردين
العنود:نسيته في حجرتي
أم راشد:العنود ...عندج فلوس
العنود:اها أمي أبوي الصبح طرشلي فلوس عند الخدامة
أم راشد:يا حيه
العنود:شيء في خاطرج أمي
أم راشد:لا سلامتج يالغالية ....مع السلامة
العنود:مع السلامة
وصلن العين مول .... وقفو السيارة في الباركن .....
الريم:محي الدين ...خذ العشرين وقعد في السيارة لا تروح مني مناك
محي الدين:انزين .....أنت مافي سوي زيادة تأخير أنا يريد روح مزرعة المغرب
الريم وهي تأشر على عيونها :من عيوني
وراحن الطابق الأول وخذت الريم 3 لبسات نعول من عند شومارت واليازية والعنود لبستين نعول تتشابهن أما سلامة ما لقت بوت على قياسها ....وبعدين راحنbaby shop وخذين ألباس حق سعيد .....
الريم :أنا بروح ميلانو أمكن عنده شنط حلوات
اليازية :خلاص أنتي ومنيرة ونيرة رحن ميلانو ونحن بروح فوق وبعدين تعالي هناك ......
الريم:أنزين ......
الريم ألتهت في ميلانو .....أما منيرة كانت قاعدة في الكرسي وتطالع الريم ونيرة تطالع من المحل الناس ........ وشوي طلعت عشان تشوف اللي يلعبون تزلج ......يوم ردت ما لقت حد في المحل .....
نيرة تمت تصيح يوم ما حصلت الريم ومنيرة في المحل وراحت برع المحل وشافت شباب ......
أحمد: ما كنها هذي أخت مبارك التوأم .... ليش تصيح أكيد ما لقت هلها
علي:روح زين ....ما ناقص غير اليهال ندور هلهم هني
أحمد وهو يكلم نيرة :شوف فيج حبيبتي
نيرة وهي تصيح :ما حصلت خواتي في المحل
أحمد:من أسمج
نيرة :أسمي نيرة
أحمد:تعرفين رقم حد من خواتج
نيرة وهي تبكي :لا
علي يضحك :حلو ماتعرف شيء ....
أحمد:والله أنك خايس عنبوه بدال ما يالس تسكتها يالس تضحك !!!!
علي :عاد والله ماعندي خبرة باليهال.....
أحمد:عيل ظك عني .................يالس يضحك والبنت تصيح
علي :ههههه .....شو تبيني أسويلها........ خلنا نتمشى في المول وأكيد هلها بيشوفونها وبيون يأخذونها ..........
شل أحمد نيرة وقعدوا في الكوفي أمكن حد من خواتها تشوفه .....
في اللحظة هذي الريم راكبة اللفت وكانت عدالها منيرة ............انتبهت أن نيرة ماهي عندهن .....
الريم:منيرة وين نيرة عنج
منيرة :ما أدري عنها يمكن عند قوم اليازية ....
الريم:لا والله
ونزلت الريم من اللفت وهي مرتبشة تدور على نيرة ...........
من بعيد شافت اليازية وعنود وسلامه عند باسكن روبنز تأخذن أيس كريم ..............
وراحت الريم صوبهن :اليازية نيرة ماهي عندكن
اليازية:لا كانت عندج
سلامة:لا يكون ضاعت عنج .....والحين ماتدرين عنها
الريم:ما أدري وين راحت ...................ياويلي ...قلت هذي الطلعة وراها شيء
العنود وسلامة نزلن تحت تدورن عليها أما اليازية والريم تدورن عليها فوق ممكن لحقتهن
سلامة:نيرة بقرة ......ما تعرف حتى رقم اليازية
العنود:أن شاء الله بنحصلها
سلامة:أن شاء الله
ودورن في المحلات اللي راحن لها بس ما حصلن لها أثر .....
سلامة شافت نيرة عند ريال في الكوفي يكلمها وراحت صوبهم .............................
سلامة :الحمد لله لقينها
العنود:وينه
سلامة:ما تشوفين هناك عند الريال يالسه ((وهي تأشر))
يوم شافت نيرة سلامة راحت صوبها .....................
نيرة وهي تصيح :وين راحتوا عني
سلامة:أنتي وين راحتي ...قيلتلج لا تروحين بعيد
نيرة وهي تمسح دموعها :أنا كنت أشوف العيال يلعبون تزلج
سلامة وهي تكلم أحمد :مشكور يا الشيخ ....والسموحة عبلانك
أحمد:أفاااااااااااااااا عليج .....هذي أخت مبارك بن حمد الكتبي صح ....
سلامة مرتبكة : شو دراك
أحمد: انا أحمد خوي مبارك يا طويلة العمر
سلامة:تشرفنا
بس سلامة تذكرت ملامحه زين وتقول في خاطرها هو اللي شافني في الميلس يالفضيحة ،،،،،،
بس عنلاته عليه جمال ووسامة مش طبيعيه......... الريم في خاطرها :أنا شو أقول اذا درى مبارك بشو أقول بيذبحني .....
سلامة:مشكور يالطيب
أحمد :واجبنا يالغالية
في هذي اللحظة سلامة حست بحمى نزلت عليها .....الغالية أول مرة حد يقولي هذي الكلمة ............. اه نفس القصص.........
راحن سلامة والعنود ونيرة محل لايف ستايل علشان تتصلن باليازية.............
سلامة:مشكلة يوم ما يكون عندك تلفون
واتصلت سلامة لليازية .....طلعت اليازية التلفون وهي مستغربة الرقم ...............
اليازية :غريب هذا الرقم .....رقم بيت
الريم:يالبقرة ....أمكن قوم سلامة
اليازية:صدقج ....توني أكتشفت أني غبية
وردت على التلفون ............
سلامة:أهليين اليازية
اليازية :علومج حصلتيها
سلامة:أها ... عند الكوفي
اليازية:وين أنتن الحين
سلامة:في لايف ستايل
اليازية:الحين بننزل عندكن ....لا تتحركن
وسكرت عنها
سلامة مالها نفس تشتري شيء .....أما اليازية والريم ونيرة ومنيرة أشترين اللي نفسهن فيه .....
اليازية:العنود حلوه هذي البجامة
العنود:خلينا نشتري نتشابه
اليازية:خلاص .........بس على شرط .......
العنود:شو
اليازية:انج ماتدفعين شيء
العنود:حرام عليج
اليازية:أعتبريها هدية بسيطة ............
العنود:مشكورة ....ياليازي
اليازية:افاااااا عليج ........
وبعدين ...الريم راحت هي وخواتها والعنود جمعية العين مول علشان تشترين أكل خفيف (( حلويات وبطاطس وعصير وبسكويت ))
قبل صلاة المغرب رجعن البيت ......الريم واليازية والعنود قاعدات في غرفة اليازية تشفن الأغراض اللي خذينهن من السوق أما سلامة راحت لحجرتها وسكرت الباب عليها ....وكان في خاطرة تكتب ....فطلعت دفتر الخواطر وقعدت تكتب .....
صدفة مرت على نفسي غريبه
وانجلى همي بعد صبر وعذابه
أول إنسان بحياتي التـــــقي به
وأشعر أن القلب في حبه رضابه
ذاك الي برد من فوادي لهيبه
خزني بالعين واشغلني صوابه
له عيون بالحلى ياهي عجيبه
أن نظرني ضاع من عقلي صوابه
سكرت سلامة الدفتر(((وهي تفكر بأحمد )) وحطته في الدرج وطلعت عند قوم اليازية ...................
سلامة:شو تسوون
الريم:سلامتج
اليازية:سلامة ليش ما اشتريتي حقج شيء
سلامة وهي تفتح كيس البطاطس :ما لي خاطر أشتري
الريم:غبية ....هذي السيرة ما تي الا مرة في العمر
سلامة وهي تضحك: قولي والله
دخل مبارك على البنات .......
مبارك:السلام عليكم .....أشحالج العنود ..أن شاء الله بخير ...استريحي
العنود:حشى بالع راديو .... أنا بخير
مبارك:من وين هذا الأكل كله
الريم:من السوق
مبارك:من راح السوق
الريم:كلنا اللي قاعدات
مبارك:عنلاتكن ترحن بدون شوري
الريم:أمي وأبوي موافقين أنت شو خصك
مبارك وهو يلتفت لسلامة :سلامة ...تلفون لج المسكينة من الصبح وهي تتصل ويرد عليها سعيد ....
سلامة:قول والله .....................ونزلت تحت عشان تكلم سارة
سلامة:ألووووووووو
سارة:أهليين
سلامة:سامحيني والله ما خبرني مبارك الا الحين
سارة:لا عادي ...........اشحالج انتي
سلامة:بخير وأنتي أنشاء الله بخير
سارة:الحمد لله ....أقول وين رحتي العصر اتصلت ........ردت عليه الخدامة وقالت ما فيه معلوم وسكرت في ويهي
سلامة: عنلاتها ......راحنا السوق
سلامة خبرت سارة بالأحداث اللي صاروا له مع أحمد ..................
سلامة:آااااااه ياسارة.........بمووووووووووووووووووت
سارة:سلامة حبيبتي .........ورانا دراسة ما بقى شيء على الامتحانات...
سلامة:أنا من شفت هالغرشوب ..........كيف بقدر اجابل الكتب ..............
دخل مبارك الصالة وهو يغني (((باختصار الوضع كله باختصار............قمت اجيه يمين يطلعلي يسار .....قمت اجيه يسار يطلعلي يمين .............شفت أنا نجوم الليالي في النهار ))وهو يأشر بأيده ....
مبارك وهو راخي أذنه : سلامة من هو الغرشوب؟؟؟
سلامة مرتبكة :الغرشوب......... من غيره في البيت سعيد أخوي
مبارك:يا حيج ....تحريتج تقولين على حد ثاني...تكلمين من
سلامة:أكلم ربيعتي
مبارك:من هي
سلامة:وانت شو خصك
مبارك:لازم أعرف ولا بسكر في ويها
سلامة:بسم الله ...سارة
مبارك:بنت منو
سلامة:أحسن حل أنت كلمها وهي بتخبرك.....
سارة كانت تضحك على مبارك .....وهي تسمع الحوار اللي بينه وبين سلامة ....
راحت سلامة وعطت مبارك التلفون !!!!!!!!!!!!!!
مبارك:آلوووووووووووووووووووو هلا شيخة الشابات
سارة:...................
مبارك:أنتي منو يا قلبي
سارة ساكتة :....................
وراح وحط على السبيكر وكان يكلم سلامة :وأنا شو ضمني أنج ما تكلمين ريال.....
سلامة:اذا تفكيرك خايس .....عطني التلفون
سلامة:ألووووووووو
سارة:اهليين سلامة .....أخوج إنسان عجيب
سلامة :خلاص أرتحت ......
مبارك:لا ابي اعرف شو قبيلتها
سلامة بغيض :أوكية سارة أن شاء الله نتلاقى في المدرسة باجر ..............وسكرت عنها
مبارك:وأنتي ليش معصب
سلامة:ما ني معصب......... ما ابا صديقتي تأخذن فكرة غلط عن أخواني
مبارك:اذا السالفة فيها أفكار خلاص ......
وراح مبارك عن سلامة الميلس لان ربعه بيووون عقب نص ساعة .....
بس رجع مبارك يوم قده عند الباب .................. وراح الطابق اللي فوق ودخل غرفة اليازية........
وخذ الكيوس اللي فيهن أكل وطلع من الغرفة ما عليه من حد......
الريم شافته :مبارك.....وين شال الكيوس
مبارك:عندي ربعي في الميلس ....ونريد نتسلى على الخفيف حتى العشاء
الريم:لا والله
سلامة:قـــــــــــــــــــوية
مبارك:قوية في عينج ...كله هذا من خيري
الريم:أنزين عطني الجالكسي
مبارك:أنا ما أحب غير الجالكسي
عطاه عقب صراخ على جالكسي ........مبارك:اليازية ....بطلب منج طلب ....سوي حقنا عشاء
اليازية:أن شاء الله
سلامة:أنا شخصيا بساعدها العشاء
راح مبارك صوب الميلس وقعد يعدل الفيديو علشان يشوفون الشريط ..............
.................................................. ..............................................................................
في دبي سالم وشوق قاعدين في المطعم .......
سالم:شوق ليش ما ترمسين
شوق:ما عندي رمسه
سالم:افاااااا الحين أنتي ما عندج رمسه
شوق بعصبية :يأخي مالي نفس غصب أتكلم ؟؟؟؟
سالم كان معصب من الخاطر على أسلوب شوق في الكلام .....
وشوي رن تلفون شوق.....
شوق:ألووووووووووووووووو
بو شوق: أهليين حبيبتي
شوق بابتسامة:هلا قلبي ......أشلونك
بو شوق:وينج حبيبتي
شوق:موجودين .....أنت وينك وصلت من لندن
بو شوق:ايوه .....ابا أشوفج في البيت الحين
شوق: من عيوني ...دقا يق وأكون عندك
بو شوق:أنتظرج .....لا تتأخرين ...
شوق:أن شاء الله .....مع السلامة
بو شوق:الله يحفظج
سكرت شوق من أبوه ...............................
شوق:أوكية سالم أنا بروح البيت أبوي وصل اليوم من لندن
سالم:ضروري تروحين
شوق:سالم تدري من زمان ما شفت أبوي..................................وقامت شوق من الكرسي وطلعت برع المطعم ........
في العين.....
مبارك وأحمد قاعدين مشغلين الفيديو ..........................
أحمد:قوم بنصلي العشاء بنرجع
مبارك: لحظة
أحمد :ماشيء لحظة ......... الحين بيصلون
راحوا مبارك وأحمد المسيد وصلوا صلاة العشاء وردوا البيت .....
مبارك كان مسرع ......خطوته الواحدة أطول من الثانية ...........
أحمد:حوووووووووووووه شوي شوي على عمرك بتتكسر....
مبارك: يا غبي...أهضم الأكل علشان خلي للعشاء شيء ؟
أحمد يضحك:والله أنك إنسان عجيب ...
راح محمدوه وحط العشاء في الميلس ......................
مبارك:مشكور محمدوه ....
هز محمدوه رأسه ...............((افاااااا واجبنا )))
خلصوا أحمد ومبارك من العشاء وتموا قاعدين يرمسون ..............
العنود قاعدة عند اليازية وسلامة في حجرة اليازية .......كانت اليازية نايمة ومتغطية بالفراش .................
العنود:اليازية قومي وصليني البيت ....حرام عليج
اليازية:ما أقدر ...نعسانة... وتعبانة من الوقفة في المطبخ خلي سلامة توقفلج
سلامة:قومي أنا بوصلج حتى عند السكة ......
وراحت سلامة ووصلت العنود حتى السكة وتوها داشة الحوش ...............
شافت مبارك في الميالس وعنده أحمد ....وكان اليدااااااار كله زجاج .....يعني اللي في الحوش فالليل يقدر يشوف منو في الميلس الرئيسي .....بس الي داخل ما يقدر يشوف اللي برى ...............والعكس في النهار
سلامة وتكلم عمرها :آآآآآآه ياقلبي ......عــــــــــــــــــــــــــــــــــذاب ....أكثر من عذاب .....كلمه حلو شويه في حقه .......لابس كندورة بيج وسفرة من نفس اللون .................... رهيب من الخاطر ..........
تمت العنود تشوف هالريال اللي عند مبارك ...........مستحيل ....مو بشر هذا ملاك
وبعد فترة حست سلامة أن مبارك وأحمد قاموا علشان يطالعون من الميلس .......ربعت سلامة وتمت توايج من دريشة المطبخ اللي فاتحة في الشارع .........ركب مبارك عند أحمد وراحوووا ...........
محمدوه:ايه ....أنت شو يسوي عند دريشة ؟؟؟
سلامة:سلامتك ...أتريا الدكان
محمدوه:دكان أيجي داخل حوووش مافيه عند دريشة
سلامة:وأنت شو خصك
وراحت سلامة عن محمدوه ودخلت حجرتها .....بدلت ولبست بجامة وسكرت الليتات وقعدت تتقلب في الفراش ... بس ما فيها نوم من شافت أحمد سيف الخيلي {{{ربيع مبارك .....عمره 22 سنة نفس عمر مبارك ..وهو في نفس دفعة مبارك في كلية زايد العسكرية ..من هل العين على جمال مش طبيعي ......يموت بطاري الأعراس .....}}}
راحت سلامة وشغلت الابجورة وطلعت دفتر الخواطر .............
أن كان حبك عيب ...فأنته أول العيب
وان كان حبك ذنب ...يغفر لي الله
أنا بشر ...أخطي بدنياي وأصيب
ولا ظن به مخلوق من غير زله
ياما نهيت النفس بالغصب والطيب
الا بحبك ....قالت الـــــــــنفس لــــــلــــه
الحسن يجذب ...بس حلياك ترهيب
تعجز عظام اللي يشوفه تــــــشله
فيك التخيل فـــــــــاق كل التعاجيب
ووجهك ينافس ساريات الأهله
أنت الملاك .....اللي يقود الرعابيب
وأنت الذي في كوكب الناس حــــــله
حطت سلامة دفتر الخواطر في الدرج وحست أنها تعبت من كثر التفكير ونامت ..........................................
بالباجر كانن اليازية والعنود في الجامعة .......من خلصن من الكلاسات اللي عندهن راحن صوب الرباعية ........وكانت وايد مزحومة ....وشافن الريم قاعدة عند شلتها وتضحك .....
العنود:أوووووووووووف وايد زحمة الرباعية ....
اليازية:بس أنا يوعانة
العنود:خلينا نروح المدرجات أنصلي وبعدين بنرد بتكون الزحمة خفت
اليازية:هيه صدقج
وطلعن من الرباعية ورحنا المدرج الثاني .............وراحن أخر كلاس وصلين ومن عقب ما خلصن يلسن تسولفن ....
العنود:نشي خلينا نروح نشتري غداء
راحن اليازية والعنود وشترين لازانيا وكشري وبشاميلا وبيبسي ..كانن يوعانات من صدج .....
وشوي ان الريم يايه صوبهن ......
الريم: حماتي تحبني .....قعدت الريم تأكل عندهن ....
اليازية:الحين شفتج تأكلين عند ربعج.....بعدين بتصيرين دبه
الريم: عادي عندي.............
وعقب ماخلصن أكل .....راحن الحمام ...وعدلن جحالهن وترتبن .....تمن يتمشين اللين بوابة العين الي عدال مخج ..........
ومن عقب تمن يترين شوي في غرفة الانتظار اللين ما نادوا باساميهن ................
الريم:وين السيارة ما أشوفها
اليازية:لحظة بدق للمبارك بسأله وين هو
اتصلت اليازية بمبارك ..............
اليازية :مرحبــــــــــــــــــا
مبارك:أهليين .....وينكن
اليازية:حنا قاعدين ... عند الدرج ........
مبارك:لا تقولين انتن السود اللي قاعدات تحت في الدرج ....
اليازية :اها
مبارك :قومن لا الحين أنزلكن بالعصا وفضحكن عند البنات ......بنات أخر زمن
اليازية وهي تلتفت على الريم والعنود:يقولكن مبارك قومن لا ينزلكن بالعصا
قامن الريم والعنود من الدرج وراحن صوب سيارة مبارك .......................
ركبت الريم من قدام عند مبارك ...أما اليازية والعنود في السيت اللي وراء .............
مبارك:ما تستحين قاعدات تحت
الريم:تعبنا من الوقفة
مبارك:اللي مثلكن ما يتكلم راحة على الاخر....
الريم:لا والله ....نروح من كلاس لكلاس تحت الشمس الحارة...ونكتب واجبات ومن غير الامتحانات ....بس خلها على الله
مبارك يأشر بيده :كذب الوحدة تعرض لبسها وماكياجها في الجامعة وترد البيت
تمت العنود:ميتة من الضحك على سوالف مبارك اللي كان مطول المسجل على الاخر ويغني عند محمد عبده وكانت أغنية [[[كل زينة شاهدة وأنتم بعيد منوتي ليتك معي...وأن سهرت الليل اهو جسبك وعيد هل لجلك مدمعي....أنت هاجس خاطري وأنت فرحت ناظري ...يا قريب ويا بعيد فيك أمسي وحاظري ]]] ....
الريم:مبارك أمانة غير الأغنية ....
مبارك:سمعي وأنتي ساكتة ....
الريم:من عيوني
وصلن البيت نزلهن مبارك وراح عند ربعه ,,,,,
كانت الساعة 3 الظهر وكانت اليازية نايمة أما الريم تسبحت ولبست بيجامتها ونامت ............. سلامة اللي كانت قاعدة في الصالة كانت مشغلة التلفزيون على الأخر وتكتب واجباتها((متى شوفك نظر عيني تنور عمري وسنيني أنا مالي سواك .....تعبني الشوق وأضناني وخلاني مع أحزاني تعب قلبي معاك .... يا سيد الكل يا غالي ..يا عمري وكل آمالي أنا كلي فداك ))
يدخل عليها سالم ......
سالم:السلام عليكم
سلامة:أهليين سالم .........وراحت تسلم عليه .....
سالم:أشحالج ...
سلامة:بخير الحمد لله
قعد سالم عدالها :حشى مطولة على الأخر
سلامة تضحك:أزعاج قلت أحسن شيء علشان ما سمع صوتهم طول على الاخر ...
سالم:روحي يبي سعيد
وراحت سلامة ويابت سعيد لسالم .....
سالم:تعال حبيبي ....لا تشلينه كذي
سلامة:دب ما قدرت أشله
سالم:قولي ماشاء الله ....ومسكه وتم يحب سعيد
سالم:عني أفداك .....
وشوي دخل سيف :السلام عليكم
سالم وهو يقوم :مرحبا سيف ....وقام يسلم عليه
سيف:اشحالك سالم
سالم:بخير الحمد لله أنت اشحالك
سيف:الحمد لله
سالم:هاه أخبار المدرسة
سيف:ماشي حاله
سالم:لازم تأخذ من الاوائل عشان اشتريلك دراجة
سيف:أن شاء الله ... بس الاوائل قوية قول 10 ولا 11
سالم: هذا وأنت يدرسك 3معلمين 10.... حشى اذا تبا تطلع الأول بيدرسونك مليون معلم
ويت منيرة عند سالم وسلمت عليه :سالم خلنا نروح دبي
سالم:شو تبين بدبي
منيرة:نروح مدينة مدهش
سالم:أن شاء الله
سالم :سلامة وين مبارك ...
سلامة:ما دري عنه هو طلع بعد ما ياب اليازية والعنود والريم من الجامعة ....
سالم:وينهن الحين
سلامة:نايمات
دخلت عليهم أم محمد :سالم أنته هني ....وراحت تسلم عليه
سالم:مرحبتين أمي
أم محمد:مرحبا سالم اشحالك
سالم:بخير الحمد لله أشحالج أنتي
أم محمد:متى يت من دبي
سالم:من شوي
أم محمد:أنشاء الله خلصت شغلك
سالم:الحمد لله
وقعدوا يسولفون حتى أذن العصر وراح وصلى هو وبوه وردوا البيت .....
في الصالة حصلوا محمد قاعد عند أمه ......................
سالم:السلام عليكم
محمد:مرحبا سالم
سالم:اشحالك
محمد:بخير
وقعد محمد يدور حل للمشكلة اللي بينه وبين عفراء.............
محمد:خلاص أبوي أن شاء الله ببني البيت
بو محمد:توكل على الله يا محمد................
سالم: الحمد لله يوم حذقت ...ماشيء أحسن من أنك متصالح مع زوجتك
أم محمد:أنت شو دراك بهاي السوالف
سالم:الله يسمحج يأمي خليتيني ثور .........الحين أنت تقدرين تنامين وأبوي غضبان عليج ولا أنتي غضبانة عليه
أم محمد:لا
سالم:عيل خلاص
بو محمد:سالم الحين أنت خلصت دراستك ...ليش ما تتزوج وتكمل دينك
سالم:لا أنا ماراح أتزوج ألا اذا حصلت شغل وكونت نفسي زين
أم محمد:خير..... هذي يبالها عمر
سالم:لا... أن شاء الله بيهونها ربي ....
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك