رواية قلب طفله -5
الساعه 5 المغرب
الآء قاعدة ولامه نفسها بنفسها و البرد يدخل عليها والخوف ...!
قاعده ساكته عقب ماشبعت بجي والدموع نشفت ..!
سكوووت ...!
بوسط البـر ......
ليمـآ سمعت صوت شبـآب
ايقربون ويغنون
لمحتهم
4 شبـآب سكـآرى
اشكالهم اتخرع
اطوال و عريضين وقوتهم الجسديه واضحه !
واربعه مو وآحد ولا اثنين !
فـز قلبهـآ خافت ضااعت
قعدت اطق اريولها حيل حيل
تمسك راسهـآ وتسد اذونهـآ
متوتره ترتجف
: شسوي شسوي صوتها رآح من كثر البجي ماتقدر اتصارخ حتى اهيا اطق نفسها مني والدموع تنزل
وكل ماله والصوت يقرب والشباب ايقربون .....!
الآء :لاآآآآآآآ مو جذي مو جذي لاااا لااا لاا لا لا
:
:
:
مجموعه كلينكسات طايحه حواليها :
هنوف : دموعها اربع اربع ..... شفت قتلك بيذبح عمره عشانها بس خلاها بروحها وحيده بدنيتها
نواف : باجر تتزوج وتنسى
هنوف : تحذفه بالكلنكس ......... شهالبرود اقولك البطل مات اتعرف يعني شبيصير الحين
نواف: الشرهه علي آنا اللي قاعد عندج وعند فلمج السخيف العن ابوه من فلم اشكثر تضحيات فيه
شهالملاقة ! يبا كله جذب اكو انسان جذيه آنا اخوج ماراح اضحي كثر ماضحى هالممثل
هنوف : إيه علبالك الكل مثل برود وصنم مو انسان
نواف : هنووفه الحلوة مايسوى كل هالدموع لعبي معاي بلي استيشن آنا شفت معاج الفلم ^^
هنوف : اشلون العب نفسيتي زفت ؟ قولي اشلوووون
نواف : اهوووه ادق على عيسى واتمشى برآ وآآيد ابرك
هنوف : مسكت آخر كلينكس وكملت عمليه مسح الدموع
نهـآيه البارت
تاسع
: لاااااااا مو جذي مو جذي لالالا
بعد ساعات
الدنيا ظلاااام ما تشوف شي...
ما تحس بشي
{أنا مت؟؟
ولا سوو فيني شي؟؟
لالا انا متأكده الحين انا ميته
او على وشك الموت
الحمدلله ياربي ريحتني من هالدنيا الصعبه
بس أمي؟؟
الله يعينج يا يمه..
بس اصلا إهيا مو أمي..
خلاص ربي يعوضها
على الأقل انا مو قطعه منها مو بنتها من لحمها ودمها
أنا بس إنسانه ربتني وخلتني معها عشان ما تكون وحيده}
هذي كانت أفكار آلاء.. بعد ما تأكدت أو بالأحرى أقنعت نفسها انها ماتت
فجأه بدت تسمع صوت خطوات
{ياربي آنا كأني على سرير..
إيييه الحمدلله يارب حتى قبري كنه سرير مريح..
عقبال ما أصحى على جنات النعيم}
بس بدت تسمع صوت !!!!!
بدت تتحطم وتفهم انها في وهم وانها لازات على هالدنيا..!
بصوت رجولي دافي : ما شاء الله تبارك الله.. جميله..
أستغفر الله آنا شقاعد أقول؟؟ اعوذ بالله من الشيطان الرجيم
آلاء في بالها : منو هذااا ؟!!!
آنا ويني؟
وقطع عليها أفكارها صوته وهو يكلم نفسه بصوت قصير لكن واضح
(أصحيها الحين ولا اخليها ترتاح؟؟
بس أنا ما يصير أخليها نايمه جذي ما تدري شسالفه بعدين تصحى فجأه وترتاع..
مسكينه تنرحم
بس شقول لها الحين؟!
خلاص الله يعين بصحيها واللي يصير يصير)
: احم احم.. قومي هييه
شنو هييه آنا ما عندي اسلوب احسن؟! < لازال الأخ يكلم روحه لووول
آلاء طبعًا غصب عنها جاتها الضحكه بس اكتمتها..
الرجال : إختي.. إصحي.. ألوو
ياخي المشكله ما اعرف اسمها..
وآنا شكو أعرف اسمها بعد..
آلاء فتحت عيونها شوي شوي.. << انقالك كانت نايمه خخخخ
آلاء جلست وهي خايفه وتسوي روحها منصدمه مع ان خلاص ما صارت تنصدم من هالدنيا.. فهمت ان الدنيا ممكن تسوي أي شي وخلاص قررت تطنش كل شي يصير لها عشان تفوز بالصراع مع الحياه..
: أنا وين؟! ومنو انت؟؟
الرجال : إختي شوفي.. آنا بقول لج كل شي.. بس أبيج تهدين وتكونين مستعده تسمعين السالفه كلها من أولها إلى آخرها..
وتطمني آنا ما راح أسوي لج شي ولا أبي منج شي انا اعتبريني اخوج وابي اساعدج..
آلاء على الرغم من انها ما وثقت فيه وصارت مستحيل تثق في أحد
لكن جاها شعور غريب وبدت ترتاح..
: طيب بسمعك للنهايه.. بس فهمني كل شي ولا تخبي عني شي..
الرجال : ان شاء الله..
سلمج الله آنا أمس كنت طالع مع ربعي البر..
وقبل لا يكمل كلامه سمع صراخها وصياحها
آلاء : شنهوووو ؟؟ يعني انت السكران اللي كنت تحاول تعتدي علي
والحين مشالله تبارك الله جايبني بيتك وتبي تكمل علي وتستغلني؟!
الرجال : لاا إسمعيني للنهايه !!
آلاء : شنو أسمع يعني شنو ؟!
الرجال : آنا ما سويت لج شي.. بالعكس !!
آنا والله اللي ساعدتج منهم.. والله ستر ما سوو شي
بعدين جبتج هني لبيتي عشان ترتاحين.. وقلت لإختي تحطج هني وتسوي لج أكل إذا صحيتي..
آلاء تفشلت من نفسها انها ظنت فيه ظن سوء.. مع ذلك وش اللي يثبت لها ان كلامه صح..؟!
: طيب وش اللي يثبت لي ان كلامك صح وانك ما تقص علي..؟!
الرجال : آنا بنادي اختي تجلس معج وآنا بروح عشان ما تقولين اني ابي اسوي فيج شي..
وراح
وبعد دقايق جات بنت باين عليها انها مب كبيره مره.. يعني من شكلها انها في الجامعه او الثانوي..
منال : السلام عليكم
آلاء بصوت قصير وهي منزله راسها وحاسه ان مكانها غلط هنا : وعليكم السلام..
منال تتكلم بسرعه وحماس : شخبارج؟؟ آنا منال.. إعتبريني اختج وخذي راحتج معاي..
انتي كم عمرج وش اسمج بأي مدرسه.. عندج خوات و ....
آلاء بدى يتغير مزاجها بدت تفرح وتنسى لأنها قبل لا يصير اللي صار كانت مقرره تنسى كل شي وتعيش حياتها.. بس كانت تحتاج احد يطلعها من اللي هي فيه والظاهر انها لقت الحين :)
: وييه بس بس شوي شوي..
منال تضحك..
في مكان ثاني..
على سجادتها جالسه بكل حزن وحسره على بنتها اللي فقدتها بيوم وليله وتدعي..
وين راحت بنتي
وينها ليش تركتني وش صار لها؟!
هي بخير؟
ولا عيال حرام سوو لها شي؟!
يارب ساعدني يارب ساعدني ورجع لي بنتي أغلى ما عندي
بنتي اللي ما لي غيرها..
-------------
إنتهى البارت..
البارت العاشر :
ماسكتها من طرف شيلتها واتيره حييل > اتجره<
مريم: يا خالتي حرام عليج والله حرام كل هالبجي وحابسه روحج بالغرفه لا تاكلين ولاتقومين
حرام اللي اتسوينه بنفسج حرام حرام
بدموعها الحارة اللي مانشفت للحين ولا وقفت ولا راح اتوقف !!!
الحجية صالحة: بصوت مبحوح وصوت ام انشال من قلبها قطعه منها !!
" يامريم .... بنتي راحت بيوم وليله ..... ولاحس ولاخبر .... اهني اشهقت حييل !! لاحس ولاخبر!! ممكن تخسرها للابد لأن ماكو خبر كلش ..!"
مريم نزلت عيونها وشالت ايدها
واطالع خالتها اخت امها اللي حبتها وآآيد لدرجه انها صارت حسبه امهاا
محسورة عليها
وخايفه عليهآ
من اللي اتسوي بروحها
:
:
:
الساعه 9 بالليل :
فجت كبتها بدفاشة واتحذف بهاللبس
هـآجر: وينه وينه !! الله ياخذج يا ام الضروس حسبي الله عليج دنيه وآخره !
كوووووووووماااااااااااااااااااااااااااااااااااري يا الثوله ياالخرآآآ !
حقرآن وطناش من جهة كوماري
هاجر: يعلج السلال ان شاء الله تحقرين ها اوريج اوريج
ونزلت من الدرج معصصبة وتركض وشوي واطيح على ويهها من شدة السرعه واللقافة
ودشت المطبخ :
هاجر: ليش ماتردين ها ؟ ليش شنو صمخة ماتسمعين
كوماري: اوووف انتي شنو يبي ! كلص آنا في شقل
هاجر: آسفه حجية كوماري حقج علينا غلطنا على سيادج ! يلا يلا جدامي طلعي نفنوفي الاسود الحلو يلا
كوماري: كل ملابس انتي داكل كبت آنا مافي ياخذ شي
هاجر: لا وعاد آنا بخليج تاخذين شي , وانتي يالغبية فجيت الكبت ومالقيته قومي دوريه
على ماسوي شعري الحلو
كوماري راحت واهيآ تتحلطم
:P
"
"
"
دخلت البيت مره " امرآة" بكامل كشختها واناقتها ومبين على ملامحها الغرور والخباثة
اول مادخلت البيت وشـآفت هنوف قـآعده جدآم التلفزيون .......
فوزية بنظرة عصبية وكره كبير لهنوف
خصرت ايدينهـآ وطـآلعتها من فوق لي تحت وقـآلت :
وانتي كلآ مصنمة جدام التلفزيون ولاتدرين شي عن البيت ! واخوج نواف كلا هايت برى البيت
وشاطر قلة ادب علي ... مافيكم منفعه بس غثه علي وعلى قلبي !
هنوف: سكتت
فوزية: وين اسوله ؟
هنوف: نايمة
فوزية: تعشت ؟
هنوف: لا ماتبي تتعشى
فوزية: ماتبي تتعشى ولا انتي طردتيها
هنوف: خالتي اشلون اطردها اهي اختي !
فوزية: قرادة حظها انها اختج مالت عليج وعلى اخوج اللي صاروا اخوان بنتي
هنوف قامت ومنسدة نفسهـآ ...
كل ماشافت مرت ابوهـآ فوزية تنسد نفسها
بس محد يقدر لفوزية غير اخوها نواف اهو اللي يجعمها ويوقفها عند حدها
عشان جذي تتوحد بهنوف لما يطلع اخـوهـآ ......
.,.,.,,.
إنزين
تذكرون لما قلت لكم إن نواف عاد السنه لسبب قوي ؟!
إشرايكم اقولكم السبب الحين ؟!
قبـل سنة :
كانوآ متيمعين " مجتمعين" على طاولة الغدآ
نواف وهنوف وامهم نادية وابوهم ناصر
كانت امهم ملامحها تعبانة وآيد
وكانوآ عيالها خايفين عليهـآ
وقالت لهم ماكو شي بس تعب بسيط
بس بهذاك اليوم واهم قاعدين يسولفون وياكلون :
كحة امهم كحة اتخرع جنه روحها بتطلع ومسكت اكلينكس بسرعه وقامت على طول !
وابوهم ماتحرك نزل عيونه وجنه في غصة داخل ويبي يخشها
نواف لاحظ هالشي وطالع ابوه حيل وطالعه بنظره
جنه ايقول في شي ! وآنا حاس فيه
بس ابوه تدارك الوقت وقال :
اشفيكم كملوا غداكم اول مره اتشوفون احد يكح كملو آنا بشوفها وبنرجع .
هنوف صدقت الموضوع وارتاحت
اما نواف شك وحس انه في شي
مع ان الموقف ممكن ايمر على اي احد بس نواف لأ
لأنه صار اكثر من موقف يدل ان امه فيها شي :
مثل : لما ايصير برد حيل يرد ابوهم البيت ابسرعه من الشغل ويشغل الدفايه ويروح عند امهم فوق
واييب ولا عشرين كمبل و ويه دايما منعفس وخايف واييب شوربه حارة الوضع مو طبيعي
ان كل ماشتد البرد سوا كل هالشي !!
وهمن بعد حتى ايام الحر وعز الصيف امهم تلبس ملابس وآآيد مع ان حر الكويت ماشاءالله
الواحد من شدة الحرارة وده يفصخ ملابسه مو يزيدهم
ولما يسألهم ايقولون انها مستبردة !
وموقف وموقف وموقف !
رجع ناصر ومعاه نادية
وابتسموا وقعدوآ على السفرة
مع ان نادية حاولت اتسولف وتغطي على كثر ماتقدر
بس نواف ماصدق كلش وسكت .....!
ومرت الايـآم ......
ويـآ يوم تحديدآ يوم الخميس نص امتحانات الفاينل
الساعه 1 بليل \عمره ماراح ينسى هاليوم لا نواف ولا اخته ولاحتى ابوهم :
سمع صوت الاسعاف وصراخ هنوف اخته
فز قلبه يبي يعرف اشصاير !!
نزل تحت شاف امه
على سرير ويشيلونها الاسعاف
واخته تبجي وتصارخ واطق ا بوها
يبا اشصاير اشفيها امي اشفيها
وابوها ساكت ويضمها ودمعته على عيونه
نواف: شنووو ! اشصاير امي اشفيها يبا اشصاير قولي اشصاير
ابوه مسك ولده وقاله امسك اختك ودير بالك عليها آنا بروح معاهم !
وركب ابوهم الاسعاف مع امهم وراحوآ ....
الساعه 2 بليل كل اهلهم يوأ
عمامهم وخوالهم حولينهم بالبيت
يهدون بالهم ويطمنونهم ويدعون
اللي يقرا واللي يسجد
واللي يبجي بهدوء
واللي يهدي هنوف المسكينه اللي ماسكتت كلش
اما نواف كان معصب وحاط ايده تحت حنجه ودمعته طاحت ويحرك ريوله بقلق
يا عمه وقاله: هد بالك مارآح ييصيرلها شي بأذن الله
نواف بسدة نفس وعصبيه وحزن كل شي مخلوط في بعض : ليش ماتقولون اشفيها آنا حاس والله حاس
شنو آنا ياهل ماتقولون اشصاير لامي غريب عنها ّ ! جذي تصدمونه مره وحده !
:
:
:
وصـآر بـآجر
وقعد ابوهم ايكلم عياله ويقولهم السالفة الصجية :
ناصر: آنا ادري انكم تبون اتعرفون امكم اشفيها بالضبط .... اللي ابيكم اتعرفونه ان هذا طلب من امكم
انكم ماتعرفون مرضها عشان امتحاناتكم وماتخافون عليها .... بس اعتقد انكم لازم اتعرفون
قاطعه نواف: اشفيهاا ! ابي اعرف اشفيها يبا الله يخليك قول على طول آنا على اعصابي !
ناصر نزل راسه وبجى !: امكم فيها المرض الخبيث واهي بآخر مرآحله .....
هنوف اشهقت شهقه اتخرع وقامت خايفة ودور بالغرفة ماهدت !
تبجي وتبجي باعلى صوت عندهـآ
امـآ نوآف : انصدم وقام على طول غرفته واهو يبجي على الغالية امه ! و ومايقدر ايعرف اهي اشكثر عانت !
وصـآروآ يزورنها كل يوم
هنوف رآحت بيت خالتها عشان فتره الامتحان وتهدى شوي
وصاروآ مايودونها لامها اللا الصبح بعد الامتحان على طول عشان اتسولف مع امها وتطلع من امها لبيت خالتها وتدرس ....
اما نواف كان مايخلي امه وخلا الدرآسة اتولي وحذفها ورا ظهره والكل ينصحه وينبهه على دراسته واهو مطنش
لما زار امه بهذاك اليوم ومسك ادين امه الباردة وحطها على ويهه وبإبتسامه طالعها :
اشلونج يالغالية ؟ آنا ماراح اخليج اللي تبينه قوليه آمري لا تحطين شي بخاطرج قولي لو تبين ماي عيوني
يما اهم شي راحتج وربي !
امه واهي اطالع ولدها البار ومستانسه وراضيه عليه وتمسح براسه وتقوله :
اللي يرضى عليك يا ولدي ويسعدك وين ماكنت آنا راضيه عليك والله يوفقك وين ماكنت
بس يا نواف دير بالك على دراستك وحط بالك على اختك هذي وصيتي ولاتخلي دراستك ولاتهدها
اذا كنت تحبني صج ....
ما استحمل كلمة وصيتي كان يكره لما تتكلم امه عن الموت او الوصيه يحس بغثه والعبره تخنقه
ومرت 3 اسابيع قاسيه على امهم وكانوا معاها بكل لحظة ما خلوهـآ
لمن خذا اللي روحها ورجعت لربهـآ .....
وبجذي عاد نواف السنه وهذا السبب
وبعدها تزوج ابوه النسرة فوزية
الا مابقى عرس مارزت ويهها فيه ولسانها اشطوله
بس مو على نواف اكيد .. ويابت اسيل اخت نواف وهنوف اليديده
عمرها 2 اتحب نواف حيل واتموت على هنوف عكس امها تماماً .....
.,.,.,...,.,.,.,.,.,.,.
منال تتكلم بسرعه وحماس : شخبارج؟؟ آنا منال.. إعتبريني اختج واخذي راحتج معاي..
انتي جم عمرج وشنو اسمج بأي مدرسه.. عندج خوات و ....
آلاء بدى يتغير مزاجها بدت تفرح وتنسى لأنها قبل لا يصير اللي صار كانت مقرره تنسى كل شي وتعيش حياتها.. بس كانت تحتاج احد يطلعها من اللي هي فيه والظاهر انها لقت الحين :)
: وييه بس بس شوي شوي..
منال تضحك..
اوكي آنـ ............... وبعدها انتبهت لعمرها وقالت بينها وبين نفسها
" شكلهم ناس زينين , واذا سآلتني عن اسمي واهلي اكيد راح يردوني لهم ! ورآح ارجع للقهر شسوي شسوي ! "
.................................................. ..
كوماري : هااااااااااااااااجر كاه ملابس مال انتي
هاجر : وثول ان شاء الله كاني جدامج يالعميه ماتشوفين اسشور شعري !
حطيه على سريري وفارجي !
طبعـآ كلكم تسالون ليش هاجر كاشخة ؟
عشان يا حلوين اذا تذكرون اهلها واعدينها بعشا برى البيت مع اهلها
وخالتها وجذيه واهي قاعده تكشخ عمرهـآ :
شنو لابسه هاجر:
لابسه لبس اغلب بنات الكويت الللي هابين فيه
النفانيف القصيرة
طبعآ نفنوفها اسود قصير نص الركبه حلو على جسمها وعليه حزام جلدي كبير
ونص جم
وشعرها طويل فالته ومسويته ويفي على جنب ومسكرآ وغلوس احمر عجيب
ومسويه مكياج خفيف وطالع شكلها اينن
لبست كعبها العالي وحطت عطرها ونزلت تحت
سعود : الله شهالزين ... طبعا آخر مره تلبسين جذي ولا بعد حمره حمرا
هاجر: انطم يالمعقد انت موابوي
بوسعود: لا اله الا الله بدينا مهواش ونجره !
هاجر: اهوا اللي بدأ !
ام سعود : خلاص روحي ركبي السيارة بسرعه كلنا خلصنا يلا لا نتاخر ....
.,.,.,............,.,.,.,.,.
اوكي آنـ ............... وبعدها انتبهت لعمرها وقالت بينها وبين نفسها
" شكلهم ناس زينين , واذا سآلتني عن اسمي واهلي اكيد راح يردوني لهم ! ورآح ارجع للقهر شسوي شسوي ! "
منال: هو اشفيج ؟! ليش سكتي
الآء: آنا آنا .... ماعرف منو آنا !
منال: شنووووووووووو؟؟
الآء: مادري منو آنا ولا ادري منو انتوآ والله مادري
منال: طالعتها وجنها توهقت ورآحت دقت على اخوهـآ عبدالعزيز
" تذكرونه ؟ الجامعي اللي تحبه دلال عليكم نور هذا اللي ساعدها "
منال: رد رد علي رد اوووف !
عبدالعزيز: آلو
منال: عزيزو شهالوهقه اللي وهقتنا فيها
عبدالعزيز: خير ؟ اي وهقه ؟ بس قبل قولولي شخبار البنت ؟
منال: مو الوهقه اهي البنت
عبدالعزيز: ليش ؟ خلصيني تحجي
منال: فاقدة الذاكرة !
عبدالعزيز: من صجج ؟؟ اشلون ان وديها لهلها ؟؟
منال: ياذكي شنو انقول حق امي وابوي ماراح يرضون اتنام عندنا وبعدين البنت شكلها بريء وبنت ناس
وملامبسها ملابس مدرسة حرام انوديها المخافرر !
عبدالعزيز: اكيد لأ !
منال: اوكي تعال البيت خن انحل المشكله ّ!
عبدالعزيز: اوكي يايكم
ولما كانت منال اتكلم اخوها
كانت الآء تتأمل البيت اقصد الفلة !
الآء بينها وبين نفسها : وآآو بيتهم حلو وآيد مبين عليه بيت ناس عز وشايفه خير
ماشاءالله
قطعت تفكيرها منال: هاي يا حلوة :) شلونج ؟
الآء: هايات بخير !
منال: امممممممم ملابس وآآيد متوصخه اشرايح اتبدلين ؟؟؟
الآء: بغباء همم!
منال: لووول ادري ادري شقصدج يالملسونه شفتيني بطة وقلتي شلون البس ملابسها اوكي بوديج السوق نشتريلج جم لبس ونرجع
الآء: لا لا مو لازم , آنا بس بنام !
منال : لا حبيبتي ملابسج لازم اتبدلينها !
الآء: متفشله من الموقف ومستحية
منال هذي بنت جامعية حبووبة وطيبه وآآيد اكبر من اخوها عبدالعزيز اهي بآخر سنه بالجامعه
متينة بطه بس ملامحها حلوة اللهم المتن مخرب عليها حبت الآء ودشت داخل قلبها بسرعة :)
.,...................,,,,,,,,,,.....,,,...,,,,,
تررررررررررررررررن ترررررررررررررررن :
هنووووووووووووف هنووووف شيلي التلفون !
هنوف طبعا فوق بغرفتها وحاطه الايبود بأذونها وماسمعت فوزية مرت ابوها واهيا تناديها
فوزية: الله ياخذج ان شاء الله تحقرين ها !
فوزية : آلوو
نواف: الو , عطيني هنوف
فوزية: نواف عيب آنا مرت ابوك شوية احترام
نواف: لا حول وآنا قال ادبي عليج ؟ قلت عطيني هنوف مسبه هذي عندج !
فوزية : هنوف نايمة
نواف: نايمه بشك
فوزية: يعني شنو اجذب عليك يعني !
نواف: باي وسكره على طول
فوزية متى افتك منكم اثنينكم بسس !
..........................
نواف بينه وبين نفسه
" حسافة كنت ابيها اتيي تتعشى معاي بالمطعم ! يلا ميخالف المره الياية شكلي بتعشى بروحي اليوم "
نهاية البارت اتمنى يعجبكم
البارت الحادي عشر
عند هاجر واهلها بالمطعم
هاجر حدهااااا مستانسه حيل:يبه ابي نص المنيو
بو سعود:الحمدلله والشكر وش فيج اللي يشوفج يقول مو شايفه خير اعقلي
هاجر:والله يحصل لي اروح مطعم
سعود:اصص فشلتينا الله يفشل ابليسج قولي امين
هاجر باستهبال:اميين
روان بثقل انقال لك ذوق : الحمدلله والشكر ناس مو شايفين خير
هاجر:اقول روانوووه بدينا مناجر اضيع مرا ثانيه يعني
روان بخوف:هاه لا لا هجدي بس
هاجر : بروح دورة المياه :مكرم القاري:
راحت وهي تشرب قارورة الماي ومشي بخطوات سريعه ماتبي يفوتها شي !! الا وتصدم في شي والماي ينكبب !! اهي لاااا مايي
الا وتشوف ويه "وجه" لاطالما حلمت فيه ودعت ربها تنجمع معه
هاجر بداخلها اخييييييرن شفتك لا مكتوبين لعض احنا ااه بس فديت الويه الحلو بعدين قالت احم وش فيني آنآ لا لا مايصير جذي
هاجر:آآ آنآ آسفه
نواف كان منزل راسه يمسح الماي:لا عادي
هاجر: ترا ماقصدتها والله
نواف رفع راسه ::والله ادر...!! انتيي بنت الجمعيه
هاجر: هاه وش جمعيته بعد
بعديت تتصنع التفاجئ اننننت !!! ياربي بلشه "والله يحصل لها"
نواف بداخله "الله تهبل ماشاء الله وكاشخه بعد " :حصل خير :بابتسامه: ولا لازم نتناجر مره ثانيه
هاجر :لا لا خلاص
نواف:مع السلامه
هاجر كن ماودها:مع السلامه
وراحت دورة المياه :وانتوا بكرامه:
وغسلت ورجعت للطاوله وهي سرحاانه بغت تدعم اخوها
سعود:هي وش فيج ...يكلم روان استجنت هذي
روان:ماجبت جديد
هاجر:اااااااه ابي ماي
ام سعود:مو زين توج شاربه ومضر تكثرين ماي قبل الاكل
هاجر : طيب طيب
------------
عند نواف..
جالس بروحه عالطاوله سرحاان و يفكرر..
بأشياء وااجد
يتذكر أمه..
يفكر في هاجر..
يفكر بالمدرسه..
كرهه لزوجة ابوه وبنتها..
يخطط للمستقبل..
فجأه يقطع عليه حبل افكاره ظل واقف وراه..
لف...
وانصدممم ومن الصدمه ما عرف وش يقول !!
***********
بمكان ثاني بالمول
الآء تمشي وهي مستحيه من اللي قع يصير
ومنال كانت قاعده تدور ملابس لـآلاء
منال: هذا زين؟؟
الاء مستحيه : ايه بس مو غالي
منال:وش دعوه مو انتي اختي الصغير
الآء فرحت كثيير واكتفت بابتسامه
خلصوا وراحوا للفله الكبيره ووصلوا للغرفه
منال تطلع لـ الآء ملابس :يلا روحي سبحي ولبسيهم
الآء : طيب
راحت الآء دورة المياه :تكرمون: ومنال طلعت من الغرفه ولقت اخوها
عبدالعزيز: منال وش صار عليها؟؟
منال: رحت للمول معها وشريت لها ملابس بس والله وهقه وش نسوي فيها احسها مسكينه حرام نقطها كذا
عبدالعزيز:لا شلون مايصلح الحين هي في ذمتنا
منال:طيب وش نسوي اكيد امي وابوي ماراح يرضون
عبدالعزيز بتفكير : ممم خلاص لقيتها......
إنتهى البارت.. اتمنى انه عجبكم.. :)
بناات هذا تكملة البارت :
عبدالعزيز:لا شلون مايصلح الحين هي في ذمتنا
منال:طيب وش نسوي اكيد امي وابوي ماراح يرضون
عبدالعزيز بتفكير : ممم خلاص لقيتها باخذ لها غرفه بفندق ويحلها
ربي بعدها اهم شي ننتظر لين ترجع تتذكر
منال: طيب انا ابي اقعد معها اخيرا لقيت احد يونسني تروح؟!!
عبدالعزيز : عادي روحي لها كل يوم ?
منال بحماس:الله وناسه
عبدالعزيز : طيب وينها هي الحين وايش تسوي؟؟؟
منال:هههه بدينا بدينا الحين قاعده تتسبح
عبدالعزيز : اها وعن الحركات المليقه -__-
منال : ااه ما كأني اكبر منه
عبدالعزيز:ولو انا رجال بعد اي شي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك