رواية قلب طفله -6
عبدالعزيز : عادي روحي لها كل يوم ?
منال بحماس:الله وناسه
عبدالعزيز : طيب وينها هي الحين وايش تسوي؟؟؟
منال:هههه بدينا بدينا الحين قاعده تتسبح
عبدالعزيز : اها وعن الحركات المليقه -__-
منال : ااه ما كأني اكبر منه
عبدالعزيز:ولو انا رجال بعد اي شي
*********
عند هنوف
هنوف تدق على نواف مستغربه ليش مارجع ولا دق عليها
هنوف :الو نواف وينك غريب مارجعت ولا دقيت علي تقول لي انك منت متعشي
نواف بشك : هنوف انتي مو نايمه قبل ثلث ساعه
هنوف: لا كنت بغرفتي
نواف عصب : حسبي الله عليها هالفوزيه هين تشوف تقول لي انج نايمه
هنوف:ايييه عادي عادي مو شي غريب متعوده عليها
نواف : اوريها اصبري بس اشيل العشا وجاي
هنوف:نواف مانبي مشاكل خلاص
نواف:لا مشاكل ولا شي الحق حق
هنوف بيأس:طيب يلا باي
نواف:باي
************
خالد : يعني شنو يامي انتي ماتبيني؟!
مي بخوف وقهر بنفس الوقت : انت بحسبة عمي وفجأه قلت لي
هالكلام بعني وش تبيني اسوي اكيد بتفاجئ!!
خالد بحزم :يعني شنو تكرهيني ولا ايش وليش داقه دامج متفاجئه
مي بخبث : انا ما اكرهك بالعكس انا انا احبك !!!!!!!
خالد بفرح:والله اخيرا حسيتي فيني ياميويه
مي بقرف: ايه هههه شخبارك؟
خالد :آنآ بخير دامني سمعت صوتج
خالد ارتبك : آآآ اقول ميويه اكلمج بعدين وسكر بويهها
....... مي :هييين والله لا اوريك ولا ما اكون انا مي بس ايش يبي ذا
ميت علي بعدين يسكر بويهي هه ماكون مي اذا ماسنعتك وخليتك
تترجاني التفت لك
عند خالد كان جاسم ولده عنده
جاسم :قوه يبه
خالد بارتباك : اا هلا
جاسم : وش فيك على اعصابك صاير شي
خالد:هااه لا ماصار شي الا وين امك ماشفتها اليوم
جاسم:والله مادري توي ياي "جاي"
خالد:اييه يلا انا بروح ارقد
جاسم : هالوقت؟! توها الساعه 9
خالد:ايه ونابوك تعبان يلا تصبح على خير
جاسم :وانت من اهله
*******
نرجع للمطعم
نواف اخذ الاكل من الجرسون وراح
كانت هاجر طول الوقت تطالعه
ويوم راح قعدوا شوي ثم طلعوا ومروا على طاولته وشافت جوال
استغربت وبعدين قالت فرصه واخذته بتردد من غير ماينتبه احد
وطلعت ورا اخوها
********
عند الحجيه صالحه
كانت تبجي تبجي وتدعي ربها انه يرجع لها بنتها او بالاحرى
البنت اللي ربتها
وش توقعاتكم وش راح تسوي مي لخالد؟؟
وهاجر والجوال ؟؟
البـآرت الثـآني عشـر :
تمسكـ خصـلآت شعـرهـآ وتلعـب فيهم بتفكيير
واهيـآ قـآعده على سريرهـآ ,,,,
دلآل : ويييه! والله وصـآرلك فترة غـآط! مـآدري شعندك؟
بس يـآخوفي وحده مـآخذتك مني وآنا مـآدري!
وقطع حبـل افكـآرهـآ مسسج من رقم غرييب
وكـآن المسسج جذيه :
خسارة الشوق خسارة الدمع..
لحب من طرف واحد..
تعيش بعالم محصور..
في قلب قاسي وجاحد..
.................
تحبه بس مايحبك..
توده ويرفضه ودك..
وحتى بشوق لو جيته..
قفل بابه كذا وردك..
........................
دلآل : من منو هالمسج هالرقم اول مره اشوفه !
ودزتله مسسج وكتبت فيه :
منو معـآي ؟
ومرت 3 دقـآيق ووصلها هالمسج :
..................................
أنا اللي احس بآهاتك..
تهزني حيل دمعاتك..
ولاهي نزوة أو إعجاب..
بشكلك أو ببسماتك..
..............................
تنرفزت وآآيد من هالمسسجـآت و قررت تتصل وتعرف منو!
,,,,,,,,,,,,,,,,,,,,,,,,,
قـآعد بريحـآتهـآ مهمومه وقلبهـآ يتقطع حسسره!
والدمعه ورآ دمعه تنزل!
الحجية صـآلحة : وينج يابنيتي وين مكانج صـآرلج اسبوع من رحتي!
,,,,,,,,,,,,,,,,,,,,,,,,,,,,,,,,,,
بعد عششـآ الملووك والدلع اللي خذته الحلوة هـآجر
من الاهل والحبـآيب رجعت بيتهـآ السسـآعه 11 بليل
بس قبلهـآ بالسسيارة وتحديداً بالردة للبيت:
كانت سـآكته طول الوقت واطالع الدريشه وسسرحـآنه
وكانت تمسك جنطتهـآ حييل واللي يشوفهـآ ايقول داخل الجنطة كنز
على هالمسسكة ....
ولآحظ اخوهـآ سعود هالششي ووده يعرف شنو هالششي اللي مخليها تسرح جذيه!
,,,,,,,,,,,,,,,
في بيت ثـآني ومبين عيشة العز والخيير
وعلى طـآولة العششـآ :
كان بو صلاآح " خـآلد" يمسك قفشته " ملعقة" ويحركه دآخل الصحن
وكان سرحـآن حيييل لدرجة الكل لآحظ هالسرحـآن الغريب ,.........
صلآح : يبـآ اشفيك ؟
بوصلآح : همم؟
صلأح : لا صج انت اليوم فيك شي قوي مخليك تسرح لدرجة انك ماكليت اكلك عكس العـآدة
بوصلآح: لا شكو! وبعدين شنو كيفي مو مشتهي آكل غصب !
جـآسم : هههههههههههه يبا اشفيك ماقلنا شي برآحتك , بس خفنا عليك وحبينا نعرف اذا في شي مضـآيقك
بوصلآح واهو متوتر وقـآيم من الطـآولة : لا لا ماكو شي كملو اكلكم آنا بروح أنام دخت
صلآح وجاسم طـآلعوآ بعض مستغربين وكملوآ عشـآهم
.....................
وصعد ابوهم غرفته وسكر عليه البـآب
وسيدآ رآح عند تلفونه يجيك اذا يه شي من مي
لأن طول الوقت يفكر فيهـآ بعد ما قـآلتله ايه احبك !
.....................
خـآلد : يووه ماكو شي! اوف اهيـآ مو قـآلت تحبني ليش مادزت شي !
وقعد يحوس بغرفته رآيح رآد متوتر وينطر شي
ومامرت 3 دقـآيق الأ اهوآ ماسك تلفونه وقـآل :
لآ آنا ماصبر بدق عليهـآ !
,,,,,,,,,,,
بهالاثنـآء كانت مي وامهـآ وابـوهـآ
قـآعدين مع بعض يسولفون :
ام مي : الله يابو مي شهالساعه العجيبة
بو مي : هههههه اكيد مو آنا كشخة
مي: وآآيد حلوة بس متى شريتهـآ يبـآ اول مره اشوفهـآ ؟
ام مي: اي والله همن آنا توني اشوفهـآ
بو مي: بابتسامه ايه يديده هدية من العم بوصلآح
مي: شنوو! يعني فضلة!
بو مي :لا لا مو فضلة هدية ! اهو اليوم معطي جم موظف عنده هدآيـآ على شغلهم وآنا كنت منهم
ام مي : عليك بالعـآفية , والله بو صلآح خوش ريـآل طيب وآيد
بو مي : الله يطولنا بعمره
مي : اشوآ عبالي فضلة! مو اهو يستانس على توزيع فضلاته
بو مي : لا حوول ! ماتعرفين تحمدين ربج وتشكرين هالريال الطيب اللي ساعدنا
مي: اتلف عيونها ومو عاجبها الحجي
وفجـأة دق تلفوونهـآ الآي فون اللي من العم بو صلآح " خالد " :
ام مي : سبحان الله صارلج ساعه مو عاجبج هدية بو صلآح لابوج وهدية بوصلاآح معاج
مي : اي قبلتها مره وحده لأنه مسوي حفلة كبيرة حقي وحق ولده واستحيت ارده
وبعدهـآ انتبهت على المتصل وتفـآجـأت انه العم بو صلآح وقـآمت على طول ..!
ودخلت غرفتها وسكرت الباب :
مي : ويع ويع ويع شنو يبي هالعيووز داق الساعه 11 !
مارآح ارد عليه خليه ينطق ليما ينرفع ضغطه ويمووت ونفتك !
في بيت نوآف :
كان بو نوآف وفوزية و هنوف
قـآعدين جدآم التلفزيون يطـآلعون فلم
ودخل نوآف عليهم معصب و طـآلع فوزية باحتقار ورفع صوته عليها وقـآل :
نوآف : انتي بأي حق تجذبين علي وتقولين هنوف نايمة وتحرمينها من الطلعه والوناسة !
فوزية بتمثيل البرآءة وبنظرة بريئة لابو نوآف : حرآم عليك يا نواف آنا حسبة امك وام اختك اسيل
نوآف: اقول لا تقعدين تمثلين دور الام الحنون محد مطلع عين اختي غيرج ومحد ملوع جبدي بهالبيت كثرج !
بو نوآف : نوآآف ! استح على ويهك آنا هني ! شنو ماكو احترآم !
نوآف: لك الحشيمة يا يبا , بس هالنسره قامت تخورهأ وآيد !
بو نوآف : شنو نسره هذي حسبة امك
نوآف : تخسي! مو باقي الا هذي
بو نوآف : شنو ؟ تخسي ؟
هنوف تحاول تهدي الاوضـآع : خلآص مـآ صـآر شي هدوآ
نوآف : خز فوزية خزة قويه و صعد غرفته ولحقته هنوف
بغرفة نوآف :
هنوف : شنو انت مينون ! من صجك اتغلط عليها وابوي موجود زين ماياك كف من ابوي
نوآف : شسوي ماتحمل وجودها في البيت ولا عقب اللي سوته اليوم!
هنوف : ولو يا نوآف , اهي جذي طلعت بريئة وانت الشرير والجاسي والحقير وبعدين لآزم تحترم وجود ابوي !
نوآف: تستاهل هالحقيرة والله لو ابوي مو موجود جان وريتها اكثر واكثر !
فجـآة دخل ابوه غرفته ووراه فوزية وكان ابوه معصب وعيونه شراار
وعطاه كف
بو نوآف : ثـآني مره ان غلطت على فوزية يا ويلك واحترم وجودي !
نوآف : تعطيني كف عشان هذي ! والله تخسي احترمها هالحقيرة وطلع من غرفته معصب
بو نوآف لف على هنوف وقالها : والكلام لج انتي بعد !
وطلع من الغرفة .........
اما فوزية طالعت هنوف واهي ميته من الوناسة : هذا اخوج اللي مستانسه فيها
كـآهو خذآ طرآق بسبتي والطرآق الياي ان شاء الله يكون من نصيبج !
وقعدت هنوف تبجي من القهر والخوف على اخوهـآ ...........
,,,,,,,,,,,,,,,,,,,,,,
الساعه وحده بليل بغرفة هاجر:
نايمة على مخدتها ومو نايمة
إتفكر باللي صـآر :
هـآجر : والله ولقيته ثاني مره! مصادفة ولا .... مـآدري ليش آنا مستانسة جذيه ؟!
وفجت الدرج اللي يم سريرهـآ وطلعت فونه اللي نساه وفجته و قامت اتجيك فيه وقامت تقرآ
الا سماء :
ابوي
عيسى
زيـآد
محمد
وتطووف ليما لقت هالاسم
النسره
ههههههههه شنو هالاسم منو هذي امووت واعرف شنو سبب التسمية
سيف
حمد
وبققت عيونها وتحطممممت لما شافت
هنووفه
شنو ! لا يكون ! لا لا بس اسم البنت الوحيده بفونه ! يارب!
اكيد اهي الحب لأنه ماعطاني ويه لما شافني ! يا حظها وين بتلاقي مثله
ملك جمال ورجولي وما يخون !
>
>
>
>
>
امـآ اهوآ كان يفتر بالشوآرع واهوآ منقهر
ومالقى غير رفيجه عيسى ينام عنده ......
<
<
<
<
<
<
الكل يسـأل عن الآء
طبعـآ الآء طول اليوم كانت خاشتها منال
عن امها وابوهـآ عشان مايشوفونها
وتصير سـآلفة ,,,,
خلينا اقولكم شصار معاهم لما كانت الساعه 5 المغرب عقب ما ردت من المول:
دخلت الغرفة تسبحت لبست بجامتها مشطت شعرها وحست بنظـآفه
طبعا الآء عبالها انها شرت 3 بجايم وبدلة وحدة مع شوزين " وانتو بكرآمة "
الآء : منولة والله آنا مستحية منج , مشكورة
منال: لا عادي شدعوآ عليج , بالعكس آنا مستانسة وآيد لأن ماعندي خوآت وانتي يتي وانتي ماشاءالله
مو بطوطة مثلي فاستانست وانا انقيلج الملابس
الآء بينها وبين نفسها استغربت : اي ملابس نقتهم؟
منال : شوفوآ شنو شريت لج
الآء مبققه عيونها من الجياس اللي مطلعتهم منال اشكثرررهم ومن اكثر من محل والمشكله كلهم مـآركـآت
الآء: وي لا ليش جذي , آنا مو محتاجتهم كلهم! بسس كنت ابي شي يسد الحاجة بس!
منال: اي سكتي وقومي قايسيهم امممم ابدي بالنفنووف البنفسجي يلا يلا
الآء: م...
منال مقاطعتها : روووحي !
قامت الآء تقيس نفنوف نفنوف وبدله بدله ومناال مستانسه حيل وتضحك وكل شوي ضامه الآء
والآء كانت منحرجه بشكل لايوصف
طبعـآ منال ما عندها صدقـآت وآيد كلهم بنتين وبس
وصوت منال عالي
واذا ضحكت اعلى فـ استغربت امها من صوت بنتها ورآحت تبي اتشوف ودخلت غرفتها
واول مادخلت ام منال الغرفه استغربت من الجياسه المنثرة بكل صوب
ولحسن حظهم ان الآء كانت دآخل " الحمام " تكرمون تبدل
ام منال: مناال!
منال تدودهت : يما! بصوت خفيف وبعدين عشان تنبه الآء قالت بصوت عالي
يمااااااااااااا حبيتي حياااااااااااج غرفتي تو مانورت الغرفه هلااااااااااا بام منوووووولة اللي توها داخله الغرفه
ومنورتها
الآء كانت توها بتفج الباب وفهمت منال وسكرته بهدووء !
ام منال: ليش تصارخين شهالسعادة وعلامات الفرح اللي على ويهج اشصاير
منال: عادي ماكو شي
ام منال: ماشاءالله اول مره تشترين هالكثر من الملابس بالعادة تتعقدين من السوق
منال: استحت لان الآء داخل : قالت إنزين إنزين
ام منال: وريني شنو شريتي
اهني توهقت منال وماعرفت شلون ترقع المقاسات كلش مو مقاساتها حتى العمي يميز!
منال: ها؟! ..... لا مفاجاة البسها لكم
ام منال: وكل هاللبس انطرج تلبسينهم يوم يوم لا حبيتي مارآح انطر وخذت جيس من الجياسه المقطوطة عالارض
وفجت الجيس وطلعت جينز سكيني واستغربت وطالعت منال
منال توهققققت من قللللللللللللب !
ام منال مخترعه وطالع منال واهي حزينة : منوله حبيبتي .... ليش شريتي هالجينز
منال بينها وبين نفسها : اعترررررف ماكو غير الاعتراااااااااف
ام منال : منال انتي حلوة ..... حتى على هالجسم مايحتاج تشترين هالاشياء يممه آنا اشوفج احسن
بنت بالعالم حتى لو كنتي متينه وضمت بنتها وعيونها فيها دمعه
منال : استغربت وبعدين استوعبت وضحكت لانها يت من الله
" ام منا ل عبالها بنتها متعقدة وشرت هاللبس :P"
والآء قعدت تضحك من الموقف :P
وطلعت ام منال من الغرفه ورآحت منال ركضه تقفل الباب
وطلعت الآء وقعدوآ يضحكون :
مناال/: تووووبه افتح باب غرفتتي من الوناسه الزآيدة نسيت اقفلها ونروح فيها
الآء:هههههههههههههههه
"
"
"
"
نهـآية البارت
البارت الثالث عشر
طلعت دلال من بيتها تتمخطر بدلع..
استغربت من السياره السوده الواقفه قدام بيتهم بس بعيد شوي..
اللي بالسياره اول ما شافها طلعت، بدى بقرب بالسياره ببطئ..
فتح الدريشه.. وهي واقفه تبي تشوف مين هذا..
.....: هلا والله بالمزيونه.. ههههه قلت لج الأيام بتردج لي غصب عنج..!
دلال : علي انتا شنو تبي.. روح انا مابيك
علي : ابيج .. وما راح اروح.. ركبي الحين معاي ...
دلال بوثوق : ههههههههاااي ضحكتني واايد صراحه..
علي ابستم ابتسامة استهزاء وطلع ملف .. : أحسن لج ركبي والا بيصير اللي اسوء من هذا..
دلال بدى الشك يدخل فيها وبدى قلبها يدق بقووه : شنو اللي اسوء من جذي.. وشنو هذا الملف ؟؟
علي : سمعتج كلها بيدي يا حلوه.. قلت لج ركبي احسن لج
دلال : هه سو اللي تبيه.. آنا مو خايفه منك وتراني أقدر اسوء سمعتك انت بعد
علي : ههههه بأيش يا شاطره؟؟ أنا ريّال (رجال) وحتى ما عندج صور ولا عندج دليل !!
كيفج انا عطيتج خيارين يا تعيشين باجي حياتج بسمعه مافي اسوء منها يا تطيعين كلامي..
شقلتي؟؟
دلال ما ردت عليه ومشت وركبت سيارتها..
****************
ألاء تتمشى بالسوق مع منال.....
فجأه شافت شخص عزييييز عليها..
إنسانه فقدتها بالإسبوع الأخير.. الحياه بدونهاا غييير
شافت امها.. أمها اللي ولو كانت ما ولدتها لكنها ربتها وحبتها..
ألاء من شافت الحجيه صالحه وقامت تفكر بالرجوع.. بس ساعتها وش بتقول لأمها..؟!
وبترجع لنفس اللي كانت فيه..
من الجهه الأخرى .. وش نهاية جلستها في بيت ناس اغراب ما تعرفهم !!
محتاااره متحتاره والدموع بدت تتجمع بعيونها..
(( نخلي آلاء بحيرتها شوي ونروح لمكان ثاني مش بعيد ابدًا عن آلاء.. ))
عيون كانت تراقبها وقلب كان يحبها بصدق من أيام الطفوله..
شخصيه يديده (جديده) بالروايه..
زياد ولد جيرانهم اللي بيتهم مقابل بيت الحجيه صالحه تمامًا.. كان يحب ألاء بصمت من يوم كانوا صغار
هو أكبر منها بسنتين.. ما عمره قال لها.. لكنه كان ناوي بإذن الله ان اذا جا الوقت المناسب بيخطبها وبيعيشون حياه سعيده..
زياد في باله : لييش يا آلاء تسوين جذي بنفسج ليه..؟! ما تدرين ان في من يحبج ويبيج مهما كان..؟!
الحين تعقدت الأمور.. كيف بترجعين.. يعني معقول يا آلاء ما راح تكونين من نصيبي ما راح يتحقق حلم الطفوله اني آخذج على حصاني الأبيض ونروح لأرض السعاده؟!
متهوره من يومج يا آلاء.. بس ما راح اخليج بترجعين لأمج يعني بترجعين...!!
*********
مكان ثاني..
اليوم اللي بعده الصباح..
خالد يفطر مع عياله الساعه 7 الصباح..
جاسم : يبه آنا وجاسم نبي نكلمك بموضوع..
خالد بعصبيه : شنو ما يتأجل مو شايفني مزاجي معتفس؟!
صلاح : يبه الموضوع هذا هو.. آنا وجاسم مستغربين شفيك هالأيام وليه دايم سرحان ومعصب مو من عادتك يبه..!
خالد : وانتوا شكو آنا بكيفي معصب سرحان بكيفي ! عيال آخر زمن
وقام عن الطاوله..
صلاح : لالا ابوي مو طبيعي هاليومين انا بعرف السالفه يعني بعرفها !!
جاسم : اي والله وانا شاااك ان وراها بلاااوي
صلاح استغرب : بلاوي..؟؟ مثل شنو ؟؟
جاسم انتبه على نفسه وصرف : هاه.. لا يعني انت فاهم قصدي
صلاح يبي يسايره : اي اي
*****
جاسم راح غرفته جلس يفكر..
والله وسويتها يا يبه... يعني تركت كل بنات الديره ما لقيت غير مي !! بس انا ما راح اسكت عن السالفه
اللي ذابحني ومجنني مييي شلووون قالت له انها تحبه؟!! بس آنا ادري اهيا ما تحبه مي عاقله وتعرف مصلحة نفسها اكيد انها مخططه لشي.. بس انا هم بحاول اساعدها بأي طريقه..
*****
في غرفة خالد
دق جواله.. مسك الجوال بعصبيه وشاف المتصل..
بس شاف الإسم رد بسرعه : وأخيييرًا ما بغيتي !!!
أي حب هذا وانتي لج يومين ما دقيتي علي؟!
مي : يا بعد قلبي انت والله فديتك كنت مشغوله
خالد يوم سمع كلامها هدأ وابتسم.. وقاموا يسولفون...
**********
في مكان ثاني.. الحجيه صالحه تصيح في بيتها ومعها جارتها صديقة عمرها.. تواسيها..
قرروا يكلمون الشرطه من جديد والحجيه صاله حلفت انها ما راح تيأس بتدورها لو لآآخر يوم بحياتها ان شاء الله
دقوا على الشرطه والشرطه قالوا هم بيتحرون بالموضوع..
إنتهى الجزء الثالث عشر وآآسفه على التأخير ان شاء الله عجبكم
الله الرحمن الرحيم
بعد إنقطـآع طويـل أعود إليكم
بالبـآرت الرآبع عشـر :
في بيت مريم ام بدر :
السـآعه 3 العصــر :
بقعده مع ريلها عيسى بوبدر :
مريم بحزن : والله كـآسـره خـآطري خالتي! من غـآبت هالبنيه واهيـآ كل مـآلها الى أسوأ!!
ومـآيندرى شصـآر في الآء يـآ خوفي مخطوفه ولآ صـآيرلها شششي !
عيسى بإبتسـآمه رآحه وجنه هم وإنزاح : والله مـآتدرين شكثر ارتحت لمن غـآبت زين سوت رآحت وفكتنـآ :)
مريم: لآ حول ولآ قوة إلآ بالله !! الحين آنا خـآيفه على خالتي تقوم إطب في البنيه حتى بغايبها مآسلمت منك!!
عيسى: خالتج مردهـآ بتنسى كلها جم إسبوع وبتتعود على غيـآبهـآ وإذآ تبي خل تيي عندنا بالبيت آنا رآضي ^^
مريم: عجيب أمرك ! كل هذآ يطلع منك ؟؟؟؟!!!! أعوذ بالله لهدرجه الكره ؟؟ مو انت اول مو راضي
إن خالتي تسكن عندنا ؟؟؟؟؟؟؟؟؟؟؟؟؟!!!!!!
عيسى: شوفي آنا ماغلطت ولآ تلوميني على هالكره آنا عندي بنت أخاف عليها من كلآم الناس ومن تأثير الآء عليهآ , وشوف عينج كانت معاهم بعدين إنحآشت ؟! بالله عليج اكو بنت عاجل " عآقل" تقوم تنحآش واهي اصلاً للحين ماعرفت ماضي امها الأسود ؟ قتلج من قبل الحب يطلع على بذره أكيد خذتها فرصة إتضبط مع عيال الحرآم ! يالله الله فكنا منها صج كانت مصيبه قاعده في البيت ....
مريم ماعرفت ترد لأن كلام بوبدر منطقي وآيد , ولأنهم للحين مايدرون إن الآء اصلاً عرفت حقيقتها ....
لآبوجودج ولابعدج سالمه منهم يـآ الآء !!!
.................................................. ........
هـآجر قاعده بحديقة بيتهم بالديرفه " المرجيحه "
ومعاها فون نـوآف اللي نسـآه بالمطعم
واطالعه وتفكر فيه ...
كـآنت لآمه شعرها ورآفعته حيل ومسويه كبه عنوونه ومطلعه من هالكبه خصلات صغيره
يعني messy heir ولآبسه بنطلون سكيني قطني لونه وردي وفوقه توب أبيض ....
هـآجر بتفكير: منو هنوفه ؟ واشمعنى هنوفه ؟ ليش ماسماها هنوف ! شكو يدلعها ! إففففف وآنا شكو اصلاً ><! آآخ تفكير ذآبحني هالأيـآم !!
ترررررررررن ترررررررررررررن "
آمنه : الو
روان : الو هلا منو معاي ؟ >> بدلع
آمنه واهيآ لآيعه جبدها تكره حركات روان لان كذا مره تفتن عليهم ومرآت إذا روان تهاوشت مع هاجر
إتسكر الفون بويهه رفيجاتها يعني ماكو شرهه عليها : معاج آمنه >.>!
روان : ويي قطع رفيجـآت هويجر لحظـآآآه خليج عالخط أروح أناديهااااااااااا
آمنه ودها ترد عليهآ بس تخاف من النتيجه :P : اوكيه
طلعت روآن للحديقة بتنادي هـآجر بس شافتها لآفه ظهرها وشكلها مـآسكه شي ومشغلها
قربت منهـآ و ......................................
طلعت روآن للحديقة بتنادي هـآجر بس شافتها لآفه ظهرها وشكلها مـآسكه شي ومشغلها
قربت منهـآ و ......................................
روان بشهقه : هيييييييييييييييييييييييييييييي!
هاجر تدودهت ولفت عليها : وشهقت اهي الثانيه هيييييييييييييييييييي!
روان لفت تبي تعلم ابوها مسكت هاجر إيدها بسرعه : لا لا سمعيني اول لحظة !
روان : وخري يالخايسه من ويلج الفون ؟ ها ! هذا شي ماينسكت عنه والله لقو ...
كانت روان توخر ايد هاجر اللي ماسكتها بخوف وقوه وكان شكلهم مريب للشك
شافهم من بعيد وقرب :
"طبعاً هاجر اول ماشافت روان دخلت الفون بمخباتها ..."
سعود : انتوا هي شعندكم تناجرون وصوتكم عالي ماتستحون !
روان يت تبي تكلم وتحط هاجر إيدها على حلج روان
سعود بشك : شعندكم انتو الثنتين !
هاجر: ههه! ولاشي قاعدين نلعب وتهاوشنا !
روان وخرت إيدها جذااابه ّ!
..................................................
: والله لوريها هالعيوز !
: ليش تعقد الامور خلها تولي ! عطها على قد عقلها
نواف : تخسي اهدها ! اهيا كفو تخلي ابوي يمد إيده علي ! والله لخليها تندم وتتحسف على اليوم اللي أذتني فيه !!!
عيسى : يعني شبتسوي ؟! ترآ ابوك وآقف بصفها واهي طالعه البريئة والملآك وانت الحقير وطبعاَ هذا كله بسبة تسرعك وتهورك!
نوآف : هه! اسوي البلآوي ! وبتشوف بنظرة ثقة
عيسى: شكلك مصمم على اللي بالك , بس حط في بالك إن وراك اخت لاتحط حرتها في اختك دير بالك
نوآف : بعد هذا اللي ناقص ! إن حاشت اختي تعتبر نفسها ميته خلآًص !
عيسى : الله يهديك ....
..............................\
كـآن منظرهـآ مبكي إمرأه عجوز لآ تقوى على الحركه جيداً
تدور في أرجـآء المجمع تبحث عن روحها الضـآئعه بعبائتها السودآء المتوسخه
وبصوت إمرأه عجوز مخلوط بحسره وألم على تلك الألماسه الضآئعه كانت تمشي
ببطء تنادي إسمها لعل وعسى تجيب وتأتي إليها وتضمها , فعلاً منظر مثير للشفقة والحزن ,كان الجميع يرى ولآ يعلم ماقصه تلك المرأه العجوز ومن هي تلك الفتاة التي تدعى ألآء !!
الحجية صـآلحة ببكي عجوز ضعيفة !! : الآء .... الآء .... الآء يما وينج .... وينج وينج خوفتيني عليج
ومن ثك شهقه كبيره ووقوعها على الارض مما جعل الناس تلتم حولها !!
رجل طيب حملها واجلسها على الكرسي
وطفل خائف اعطاها من من مائه
وامرأة حنونه بدأت تهديهآ
لكن ... لم تكفي لسد دموعها المنهاره على خدها المتجعد ...! لم تكفي طبطبه المرأه لها !! :
المره : إسمله عليج خالتي هدي بالج شربي ماي وهدي بالج >> هذا اللي قدرت تقوله لأنها ماتعرف الحزن اللي تشيله الحجيه صالحه !!
الحجية صالحه : أبي بنتي ...ييبوا بنتي .... يبوها طلعت زعلااااانه ورجعت موجه البكاء والحسسره !!
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك