رواية من أعماق أحضان مجنونة -23
ماردت عليها ام وليد اللي كانت تدق بالجوال على شخص ما ومبين انه مايرد..
اروى يمه شكلك مو نايمة طول الليل؟
ام وليد بقهر من وين يجيني النوم بس!!!
اروى خير يالغالية وش فيك؟
ام وليد تنهدت وقالت اخوك.....
اروى شفيه؟
ام وليد بزفرة امس سوى سالفة طويلة عريضة وسود وجهي قدام احمد وابوك والله يستر من اللي جاي؟
اروى وهووينه اللحين؟
ام وليد بحدة ابوك طرده من البيت امس ومدري وين راح؟
اروى وش سوى يمه؟
ام وليد تحرش بزوجة احمد ريم؟
اروى بصدمة شوف المجنون؟؟؟هذا وانا قايلة له لاتدخل الفيلا مافي غير ريم؟؟وقال لي لاانا بطلع اصلا!!اثاريه كان ينتظرني امشي علشان هو يدخل؟
ام وليد بلااهتمام مو هذا المهم..انا ادق له ابي اشوفه وينه فيه؟ وش جالس يسوي وماهو راد علي!!
شفتي ان ولدك كان مصر على الغلط وانتي جالسة تدافعين عنه؟؟قالها ابو احمد من وراهم ولفوا له ثنتيهم...
سكتت ام وليد وانسحبت اروى من القعدة بسرعة علشان لاتوجع راسها بشي..
جلس ابو احمد قبالها وقال بانفعال سمعتي اللي قالته اخته؟كان يعرف انها هناك؟
ام وليد الشيطان زين له ها الشي؟
ابو احمد مع مرة اخوه عاد؟
ام وليد بدل ماتحاتيها..حاتي ولدك اللي من امس مدري عنه وينه فيه؟
ابو احمد والله انا ماعندي غير ولدين اثنين وبس!!!واحد بالكويت والثاني كاهو جاي يسأل عني ومو قادر احط عيني بعينه من سواد وجه ولدك؟
تنهدت ام وليد وسكتت...
ابو احمد لاوالثانية طايحة لي حقران ببنت بو مشاري مدري شعليه؟؟زين ان هالة ودارين هناك ولا كان ذبحتها؟
ام وليد هذا كله من بنات العراقية هم اكيد منرفزينهاو..
وقف وقال بصراخ عيال العراقية وعيال العراقية!!ياليتك ربيتي عيالك مثل ماربت هي عيالها..؟الله يرحمها بس..جابت لي عيال يرفعون الراس وكل من شافها مدح فيهم....مو مثل غيرها؟
قالها ومشى واشتعلت عيونها بغضب اكبر ورمت الجوال على الارض بقوة,,,,
زينة وهم طالعين وقفت شيخة قبالها وابتسمت لها,,,
زينة مرحبا...
شيخة هلا..
زينة شلونك....
شيخة بتميلح طيبة الحمدلله...
زينة شسمك انتي!!!
شيخة اسمي مو حلو....
زينة ضحكت برقة وقالت ليه عاد؟
شيخة مدري....
مشاري وش كنتي تبين يسمونك؟
شيخة وهي ترفع شعرها يمين وشمال يمكن دلع ولا غلا...
زينة الله..
مشاري وهو يناظر ببشاير اللي واقفة بعيد عنهم كم خطوة اوووف اووف..خطيرة البنت...
ضحكت شيخة وجت فاطمة جنبها..
زينة وانتي ياحلوة وش اسمك؟
فاطمة فطوم..
مشاري يبي يطول الوقفة علشان يشوف اللي عيونها بالارض وعاجبك انتي اسمك ولالا؟
فاطمة بثقة طبعا عاجبني..
زينة ياحلوة انتي تعجبيني!!
فاطمة قامت وفتحت شعرها وقامت تحوس فيه على انها متعودة على الاعجاب من اللي حوالينها...
زينة وش رايك مشاري ناخذ لنا وحدة منهم؟
مشاري وهو يناظر ببشاير اللي رفعت راسها مو نسال عمتهم يمكن ماترضى؟
زينة انتبهت لبشاير وابتسمت لها مرحبا...سوري ماشفتك...
بشاير هلا....لاعادي...
مشاري يالله قولي منو ترشحين ناخذ معنا شواخة ولافطوم؟قالها لها لان بشاير كذا تناديهم بالعادة..
سكتت بشاير وقالت زينة بسرعة ناخذهم ثنتينهم احسن...
مشاري حق وجع الراس والبلشة؟؟خل ناخذ وحدة تجربة ونشوف وش امكانيتنا..لاتنسي اول تجربة لنا مع البزارين؟
فاطمة محنا بزارين..وبعدين مو بكيفك تنقي احنا مو رايحين معكم!!
زينة هههه ياحليلك والله...ليه ماتبين تجين معنا؟
فاطمة تخصرت وقالت بنفخة بس كذا...مزاج يعني!!
مشاري وهو يكلم بشاير اللحين منو نختار؟
بشاير اذا قلتوا لاابوهم بيقول عليكم بالعافية ولاتردونهم بعد اذا اخذتوهم!!
زينة ههههه حرام عليه والله شكلهم يهبلون؟
مشاري لامدام ابوهم يقول كذا يازينة معناته فيهم علة؟ناخذهم وتجي عمتهم معهم علشان نضمن العواقب؟
زينة هههههههه
ضحكت وهي مبسوطة مع العيال بس قلبها محترق جاية تشوفه ومافرحت عيونها بشوفته كثير لمحته على السريع لانه جاي يسلم على ابوه وهو مستعجل وماطول..يالله زين انك شفتيه ولا العدم يازينة...
المغرب وعند كورنيش الدمام..
كانوا يتمشون وهم ماسكين ايادي بعض بكل حب,,,
ريم احمد بعدك ماتحب الايسكريم؟
احمد يعني...مو كلش احبه؟
ريم أي بس انا خاطري اكل؟
احمد لا بعشيك بدل الايسكريم؟
ريم اوووف..
قوى مسكته على يدها وقال وهو يبتسم لمتى بتظلين تقولين لي اوووف مثل البزارين ها...
ريم وهي تضحك انا ادري عنك...عندك قوائم ممنوعات كثيرة...
احمد تصدقين شفت البحر واشتهيت اسبح؟
ريم يالله هذا الميدان ياحميدان..
احمد جا في بالي اشترك بنادي..وش رايك؟
ريم أي من كثر الوقت حمودي...
احمد أي بس انا مااتحرك كثير ولازمتني رياضة؟
ريم ندق الخشب لانصيبك!!ماشاءالله جسمك حلو وش تبي؟
احمد بخبث يقولون بنات اللحين يحبون الرياضي واللي يشيل اثقال و..
سحبت يدها منه بالقوة ولفت عنه على انها زعلانة وانفجر بالضحك....
احمد خلاص يبى مادرينا عنك غيورة...
ريم لالالاخذ راحتك يبى الشرع محلل لك؟
احمد هههه ول ول ول...
ريم لو انا قايلتها وش سويت بالله!!
احمد بهمس جربي قوليها علشان اذبحك؟
ريم ياسلااام وليش ترضى تقولها اجل؟
احمد كيفي انا اقول اللي ابيه؟
ريم طيب خلاص لاتحاكيني...
احمد اقول قلبنا ابي اطلب منك طلب؟
ريم انت اول راضيني بعدين اطلب؟
احمد هههه أي بس قولي تم؟
ريم خير وش تبي؟
احمد ماابي اتكسفيني؟
ريم شي اقدر اسويه ولا مااقدر؟
وش توقعاتكم للبارت الجاي..
***زيارة لبيت ابو احمد بتكون مفاجئة من منو ياترى؟
***وليد وهل بيرد البيت ؟
***زيارة علي لهالة وش بتسفر عنه؟
***جراح ولقاءه مع علي كيف بيكون؟
احس من زمان ماحطيت لكم توقعات هههههه
بنتظاركم على خير بكرة
مشكوريني على روعة تواصلكم وكلامكم العسل ياعسل هذا كله من ذوقكم يالغلا,,,
واذا على الاسئلة والتوقعات لاتخافون بتجيكم مو ناسيتها هههه
البارت الثلاثين,,,,
ريم اممم شي اقدر اسويه ولامااقدر؟
احمد طبعا تقدرين؟
ريم شنو؟
احمد مسكها من يدها بقوة وقال بهمس تسكنين قلبي بين ضلوعك علطول وماتتركينه لو شصار؟
وقفت لحظات قباله وقالت بشاعرية ليه...انت لسه عندك شك ان قلبك عايش بين ضلوعي يااحمد؟
احمد ابد والله مو شاك بها الشي بس ابيك انتي تعرفين ان قلبي راحته يكون بين ضلوعك واحضانك...اكون انسان سعيد ومرتاح كل ماتلميني بحب وتغرقيني بااحاسيسك المرهفة ياريم....
سكتت وماحبت تخفي دمعة نزلت منها ..
تحبه..اي اكثر شخص بها العالم ماتقدر تسمع مشاعره تحاكيها بها الطريقة وتمسك حالها,,,,
احمد بهمس ليه ها الدموع عاد يالغالية؟
ريم بشاعرية لاني احبك.....تعرف ودي اخذك بحضني!!
احمد مسوي بيذبحها عيديها بعد مرة علشان اذبحك!!بشارع احنا بشارع.لارجعنا الشقة نفكر بموضوعك اللحين لا مالك الا الذبح لو تسوينها؟..
ابتسمت له وبادلها الابتسام وقال بشفافية ريم...انا قلبي مايبي غيرك..مايرتاح الا بقربك....ولاانا داري ليه؟؟انا بدونك اضيع..اتوه.,,اختنق,,,حياتي تفقد طعمها بدونك ياريم,,,تزعلين علي يوم واحس ان كل الدنيا من حولي كئيبة,,,ماابي غير قلبك وحبك يالغلا,,
ليه قلبـي راحتـه فـي حضـن قلبـك ؟
ممكن أعرف .. ليه أيامي بلا وجودك
تموت ؟؟
وليـه أحلامـي بـلا نـورك
تـمـوت ؟؟
وليـه مـن دونـك يغطينـي الـحـزن ..
ويسـجـن شـعــوري الـسـكـوت ؟؟؟
لـيـه اضـيـع إن كـنـت غـايــب ؟
ولـيـه أشـوفـك كـــل أهـلــي ؟
وكـــل نــاســي والـحـبـايـب ؟
ليـه أشـوف الدنيـا ورديـه مـعـاك ؟
لـيــه أحـــب إنـــي أكـــون ..
نـجـمـهٍ تــضــوي ســمــاك ؟؟
وليه أشوف الوقت ورده ذابله لو غبت يوم ؟
ولــيــه أحــســك جـنـتــي ..
والـهـنــا بـقـربــك يــــدوم ؟؟
لـيـه أحـسـك شـخـص
نـــادر ؟؟
شـخـص أغـلـى مــن
الجـواهـر ..
ليه أشوف النـاس مـن بعـدك
سـراب ؟؟
وليه أشوف الحب مـن دونـك
سـراب ؟؟
لـيــه يحـيـيـنـي حــضــورك ؟
ويـقـتـل أيــامــي
الـغـيــاب !!
ممكن أعـرف ليـه أحسـك كـل
كلـي ؟؟
شمـسـي أنــت.. وأنــت
ظـلـي !!
مـالـي مـــن دونـــك
مـكــان ..
وبــس فــي عـيـونـك
مـحـلـي !!
ابو احمد رفع راسه بعد ماسمع صوت الجرس منو جاينا ها الحزة؟
دارين وهي تناظره مدري يبى يمكن احد لقسم ام وليد وغلط؟
ابو احمد قسم ام وليد بيدق هناك ليه بيدق هنا؟
قالها وقام يشوف من با الباب...
وبس فتح باب الفيلا اللي كان مقفل من داخل ابتسم وهو يشوف الواقف قباله..
ابو احمد بتفاجاْ غسان!!!هلا والله...ماقلت انك جاي يبى؟
غسان طاح على راس ابوه يحبه وقال بصدق ماقدرت اصبر هناك وانا ادري عنك تعبان هني..
ابو احمد بعتب يبى انت مكلمني الظهر وقلت لك مافيني الا العافية ليه بعد تتعب نفسك وتجي,,
غسان وهو يدخل مع ابوه تعبك راحة يالغالي..وبعدين اليوم جمعة ومافي دراسة يبى....
دارين وقفت يوم شافت اخوها غسان!!!وش ها المفاجئة؟
غسان هلا بكل الغلا..
دارين ورى ماقلت انك جاي عاد؟
غسان وهو يجلس جنب ابوه انت متصور انك تتعب واظل انا بمكان وانت بمكان يايبى؟
ابو احمد بحنان يايبى انا مافيني الا العافية شوفة عينك...ماكان له داعي تجي...انت لو قايل لي يوم تدق علي انك جاي قلت لك ان مافيني شي ولاتجي؟
غسان بضحكة ماتبيني يبى؟
ابو احمد يايبى ابي راحتك انا ماابي تتعب نفسك ..مشوار سفر مو لعبة؟
غسان كلها اربع ساعات يبى؟
ابو احمد ومن قلتهم ها الاربع ساعات؟
غسان بصدق انا من جد ماعرفت اقعد هناك يبى ..ظليت وبظل احاتيك واحاتي تعبك؟
ابو احمد الله يخليكم لي ياسندي....بس لاتخاف على ابوك تراني سبع وابو سبع ارواح؟
دارين صلي على النبي لاتنظر نفسك يالغالي...
ابو احمد وهو يضحك مع غسان أي وانا الصادق..شكلي بعرس قبل غسان...
دارين بضحكة هامسة تعرس على ام وليد؟
ابو احمد قالوا لك خايف منها يعني!!ابوك شباب مو مثل بعض الناس اللي مايبون يعرسون؟
غسان بضحكة يبى تو الناس على ها الحكي..
ابو احمد وانا بتركك بحالك يعني!!بظل وراك لين اعرسك ..
غسان دارين وش عندكم ينأكل تراني ميت جوع؟
اليوم الثاني,,,,
في المركز الصحي بالخبر وبمكتب هالة تحديدا...
رفعت راسها يوم سمعت صوت الشخص اللي يكلمها..
هالة ببرود وهي مستغربة اصلا وجوده علي..
علي فيني اجلس؟
هالة هذا مكان عمل....
جلس بدون مايهتم لها وظلوا ساكتين...
علي قطع الصمت مااشوفك قررتي على شنو بترسي حياتنا؟
هالة لسه ماانقضت المهلة قلنا شهرين مو شهر؟
علي اممم...واخر تطوراتك شنو؟
هالة ولاشي.....يعني مافي شي مهم...
علي هالة بغيت اخبرك عن شي..
هالة بنرفزة علي كان بامكانك تتصل قبل لاتجي؟
علي بشماتة لاتخافين مو جاي اتغزل بعيونك الحلوة؟
رفعت راسها تناظره بحدة وتكلم هو قبلها وقال اخوك وليد جاني امس الشقة وقال ان ابوك طرده من البيت....
هالة بصدمة وليدوا!!!!
علي بشماتة مو قلت لك مو جاي علشان عيونك!!
هالة بنرفزة وهذا ماشافك الا انت يروح لك؟
علي عاد انا بغيت افهم الوضع قبل لااروح لاابوك اكلمه؟
هالة وقال لك انه مزعل ابوي واحمد؟
علي لا
هالة معناته لاتدخل بينهم ياعلي...خليه يتاءدب..
علي أي بس الرجال طلبني وانا مقدر ارده؟
هالة عشتوا....اذا تبي الصراحة ترى فعلته شينة.....والافضل انه يتادب كم يوم...
علي أي بس انا مضطر اكلم ابوك ياهالة
هالة بلامبالاة كيفك....الا انت قلت لي ليه هو جاك وكلمك؟
قال باحتقار وهو يوقف ويناظرها لاني زوج اخته يازعم!!!
في بيت بو مطلق,,,
نسايم يمه عمتي وش كانت تبي من ابوي؟
ام مطلق ابو احمد زعلان من ولده وليد وهي جاية تبيه يصلح بينهم؟
بشاير باحتقار والله مايسوى,,,ها السافل الحقير انه ينصلح بينه وبين ابوه؟
ام مطلق ليه عاد؟انتي عارفة وش مسوي؟
بشاير بسرعة لا بس اكيد شي يسود الوجه لان جراح يقول انه صايع ضايع؟
نسايم وابوي شقال؟
ام مطلق وعدها خير وقال بيكلم ابو احمد...بس بالاول بيكلم وليد..
نسايم بلقافة وماعرفتي وش مسوي؟
ام مطلق لا...
نسايم خل اساْل اروى اكيد بتقول لي؟
بشاير وانتي ليه ذابحة حالك كل شي تبين تعرفينه ياحافظ؟ابو وولده زعلانين انتي شكو؟
نسايم وانتي شكو؟صحيح ناس ملقوفة؟
قالتها ولبست عبايتها وطلعت.,..
بشاير يمه..منهي الملقوفة اللحين فينا!!
ابتسمت ام مطلق....
بشاير بنرفزة يمه نسايم عليها حركات تبط الكبد بجد يعني!!
ام مطلق بتنهيدة شفيك....هاذي اختك يابشاير؟
بشاير بس مو معناتها انها تتدخل بكل شي يايمه...
ام مطلق شسوي فيها انا؟
بشاير يمه غلط والله غلط؟انتي بروحك شفتي حياة مطلق وكيف كانت هي جزء كبير واولي بخرابها؟كل شي تبي تعرفه وتدري عنه مايصير يايمه..في علاقات خاصة واسرار مالازم تنقال لااي احد؟بس شنقول ياربي....الله يهداها....
دارين خلاص ماشي؟
غسان أي طبعا ماشي....الشارع كله حفريات وصاير طويل وماابي اتاْخر....وعندي بكرة محاضرة بدري..
دارين اوووف..
ابتسم لها....
غسان بغمز البارحة نامت هالة معكم,,,
دارين بزعل أي ويعني..
غسان ببتسامة يعني عوضوك بغيابي..لاتقول اني وحشتك؟
دارين ضربت كتفه ياثقيل الدم اصلا هي طول الليل نايمة مع ابوي مو معي!!
غسان وهو يضحك كان رحتي نمتي معهم بدل ماتندبين حظك كذا هههه,,
دارين اوووف منك ومن هذرتك اللي صايرة كنها هذرة عجايز بقهوة؟
دق جواله واستاءذن يطلع يكلم برى....وماانتبه الى نسايم اللي شافته ووقفت تناظر فيه وتسمع مكالمته,,,
غسان هلا ومرحبا...
ناريمان هلا غسان...
غسان شلونك...
ناريمان ازعجتك....
غسان لاابدا.....
ناريمان ماشكلك بالسكن صح؟
غسان والله اذا تبي الحقيقة انا بالشرقية؟
ناريمان خير؟
غسان الله يسلمك الوالد تعب شوي امس وجيت اشوفه ماصبرت!!
ناريمان سلاما..سلامات مايشوف شر..
غسان الشر مايجيك..
ناريمان بشر عنه عساه بخير اللحين..
غسان أي الحمدلله تمام..وهذا انا راجع الكويت؟
ناريمان غسان شفيك انت؟الليل توصل والنهار تطلع؟يبى ارتاح هذا طريق مو لعبة؟
غسان ارتحت والله ارتحت...مقدر اقعد اكثر وراي محاضرات ياناريمان...
ناريمان طيب طمني عنك لاوصلت...بحفظ الله
غسان الله يسلمك...
لف بيرجع وقالت له نسايم الحمدلله على السلامة؟
ماناظرها بس قال الله يسلمك؟
نسايم محد قال لنا انك رديت؟
غسان البارح جيت اسلم على ابوي وهذا انا راجع اللحين...
نسايم امممم..وهاذي منهي ناريمان؟
غسان ناظرها بحدة وقال هاذي زميلة معي بالجامعة...
نسايم قلت لي زميلة,,,
غسان بعصبية في شي بعد حابة تستفسرين عنه؟
نسايم لا....
غسان وهو يدخل احسن بعد!!!
نسايم طيب ياغسان طيب انت وزميلتك!!بس وين بتروح انا وراك وراك....وبنشوف؟
العصر....
كان علي طالع من بيت بو احمد وجراح داخل من نفس الباب..
والتقوا...
جراح يعرف شكل علي بس عمره ماالتقى فيه وجها لوجه..
الشي اللي خلى جراح يتنرفز ان سيارة هالة كانت موجودة عند الفيلا..يعني هي هنا وكانت جالسة معه؟بس ليش طالع بروحه وماهي طالعة معه,,,,
علي شال نظراته وسلم..
جراح ظل يناظره بدون مايرد..
علي انت...انت مو جراح ال...
جراح بثقة يانعم....
علي مد يده يصافحه هلا والله...سمعت عنك بس توني اشوفك والتقي فيك....
جراح كان يناظر بيد علي الممدودة وصورة هالة مشوشة الجو عليه وماخلته يمد يده مايدري ليه بس يوم سمع علي يناديه مدها بسرعة وكانه يحارب نفسه...
علي انت مو صاحب عمارات ال...
جراح أي....
علي كنا بندخل معكم بمشروع الهندسة بس ماتوفقنا فيه؟
جراح نلتقي في فرص ثانية ان شاءالله....
علي ان شاءالله...انا فعلا حاب اتعاون معك والشركة دايم تجيب اسمك بكل المشاريع الاستثمارية...
جراح بملل وهو مقهور منه حياك..
علي شكرا توني طالع...عمي بو احمد ابو زوج
قاطعه جراح بسرعة علشان لايكمل كلمته وقال ادري..
مايدري ليه ماكان يبي يسمع من علي كلمة زوجتي رغم انها من حقه؟
سلم عليه ببرود ودخل,,,
التف حوالين الفيلا ولقاها هناك جالسة عند قسمهم من جهة المطبخ الخارجي..توه بيتقدم لقى عمته ام وليد جاية تكلمها ووقف يسمعهم...
ام وليد باحتقار يقولون علي كان هنا؟
هالة بلامبالاة طبيعي بيجي يسلم على ابوي؟
ام وليد بنرفزة لهالة بس اللي مو طبيعي ان انتي من وصل وانتي ماقابلتيه ولاسلمتي عليه حتى؟
ضحكت هالة بسخرية وقالت كل يوم اشوفه واسلم عليه ليه بروح اسلم عليه اللحين يعني!!
ام وليد اللي يدري يدري واللي مايدري مايدري..
هالة وقفت وقالت بصرامة على قولتك اللي يدري يدري واللي مايدري عن شيانة وليد مايدري؟
ام وليد بحدة ريم هي اللي تحرشت فيه؟
هالة ظلي اقنعي نفسك بها الحكي واقنعي وليد بعد علشان تسودين باقي ايام حياته؟صراحة اساليب تربوية عجيبة غريبة عندك ياام وليد؟
ام وليد لاتدخلينا بسالفة وليد وتطلعين من سالفة علي..
هالة بنرفزة وش فيه علي بعد؟
ام وليد بضحكة انتصار ليه مادخلتي جلستي معه وضيفتيه ياهالة يوم انك جاية لاابوك بعد؟
هالة لان الديوانية مليانة رجاجيل ولاتبيني اجلس بوسطهم يعني !!
ام وليد أي بس الشغالة قالت لي ان محد هناك؟
هالة يمكن طلعوا..
ام وليد ويمكن انتي ماتبين تلتقين فيه؟
هالة اقول ام وليد تدري ولدك وينه فيه؟
سكتت ام وليد وكملت هالة باحتقار رايح لعلي يبيه يصير واسطة بينه وبين ابوي علشان يرجع البيت؟؟
ام وليد سكتت مشت عنها وظلت بروحها تتاْفف بصوت عالي وهو يناظرها..ويناظر يده اللي تو من ساعة انمدت وصافحت زوجها؟؟؟
انا راحل عن عيونك وابيك بكلمتين صغـار
إلى من ضاقت احوالك تذكّرنـي ورددهـا
( احبك موت ) رددها بقلبك تنبت الازهـار
(احبك موت) معناها حياتي فيـك مولدهـا
تذكّرهـا وتلقانـي بقلبـك كلّمـا تحـتـار
تلاقيني مع اطيافي بـروحٍ كنـت تجهدهـا
بسافر يابعد عمري طويله سكّـة المشـوار
تركت القلب بيدينك وروحي معـك بفقدهـا
لك الذكرى تناديني ويحرقني لهيـب النـار
ولكن خطوتي ترفض رجوعي لو أعاندهـا
انا مكسور في نفسي وخلّيت الجروح اسرار
أبآخذها مع اغراضي وبرحل قبل تشهدهـا
صحيح ان الحزن قاسي ولكن ماتفيد اعـذار
كبرنا عن طفولتنـا ووقـتٍ كـان يسعدهـا
خلاص اليوم ودّعنا زمان وباقـي التذكـار
تسلّينـا بوحدتنـا ونسلـى فـي مشاهدهـا
دخيلك لابكت عينك وهلّت دمعهـا مـدرار
ترى روحي مناديلك تكفكف دمـع يوقدهـا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك