رواية من أعماق أحضان مجنونة -22
بروحهم كانوا بالغرفة وكل واحد بعالمه...
هي بدموعها وهو بشروده وبالشيطان اللي لاعب براسه....
ببحة قطعت الصمت وسالت مصدق فيني الشينة؟
ماقال شي بس رفع راسه وتنهد,,,
قالت بغصة وهي تجي قباله وتركع تحت رجله احمد...
احمد تنهد وهو غرقان بحزنه..
ريم ودموعها مالية وجهها حتى اللي بيعدمونه يحاكمونه قبل؟وانت من طلعنا ماقلت ولا كلمة؟
احمد بتعب وش تبيني اقول يعني؟من زين الموقف؟
ريم احمد انا مالي شغل والله اني كنت اصلي...حتى اساْل اروى هي تدري عني؟
ماشفته الا وراي وانا اكلمك وارتعبت مدري شلون دخل ولا منو قال له اني هنا ولا أي شي؟
تنهد احمد وقال وهو عيونه تناظر بالسقف عارف هالشي وواثق انك مالك بسواد وجهه....
ريم تنهدت وقالت بارتياح الحمدلله هذا اهم شي....
قال وهو يناظر بشعرها بحسرة ريم..
ريم حبيبي...
احمد وهو يقرب يده من شعرها ويبعدها بنفس اللحظة لمس شعرك؟لمس شي منك؟
ريم هزت راسها بلا وقالت احمد ترى اذا ماتجاوزنا الشي هذا من الليلة بيظل عايش معنا علطول؟
احمد انا بس تعبان والتفكير قالقني وموعارف ارتب افكاري..
ريم وهي تشاهق انا اللي كنت بموت يااحمد مو انت؟؟؟حسيت اني ..
احمد قاطعها وقال ليه ماتركتيني اذبحه ياريم ليه!!اللحين كل مابشوفه برجع اذكر سواد وجهه؟
ريم انت اكبر من انك تسوي ها الشي يااحمد...وهو كان بيسوي بس ماسوى...تخيل انك تذبحه وتروح فيها اعدام وتروح من يدي!!!لاوالله مااخليك تروح؟
احمد بانفعال وناري من يطفيها ياريم من يطفيها؟
جلست تبكي تحت رجله وهو مو قادر يناظر فيها...عارف انها مو غلطانة وانها ضحية بس كل مايشوف شعرها يحس بالنار..وليد تقرب منها ياترى لمس شعرها ولالا؟
بس لو مالمسه...شافها..شاف عيونها وشفايفها وخدودها...شاف خصرها وكل شي فيها...
كذا هواجسه قامت تلعب فيه وتودي وتجيب,,,,
اروى يمه شصاير؟
ام وليد بتعب ولاشي...
مريم شلون ولاشي...ابوي صوته مع وليد اليوم واصل لااخر الدنيا وكل الموجودين حسوا بها الشي؟
ام وليد بضيق عسى الله يفكني من ها الوليد ويريحني من مشاكله؟
مريم وش مسوي يمه؟
ام وليد ..........
اروى يمه...
قامت عنهم ام وليد وظلوا بينهم وبين بعض يتفاكرون,,,
اروى وش تتوقعين مسوي وليدوا الزفت؟
مريم مدري....
اروى بس عيال العراقية يدرون..
مريم من قال لهم؟
اروى ابوي ماتشوفينهم معه وهو ماطب هنا..اصلا حتى هالة هنا...مبيتة هنا وهي عمرها ماسوته...هذا يعني ان الشي كبير؟
مريم يارب سترك اللحين يوم قرب عرسي عاد؟
اروى ليش مشاري حدد موعد العرس؟
مريم انا حددت وعطيته الوقت؟
اروى أي وهو شقال؟
مريم ليه هو بيرفض ؟مو كافي انه ماحدد..هذا انا حددت عنه؟
اروى نسايم تقول ان في دكتور طالع من قسم ابوي...تتوقعين لمنو جاي؟
مريم مدري..
اروى قومي خل نشوف يمكن ابوي تعبان؟
مريم اذا تعبان امي بتقول لنا..وبعدين لو هو تعبان قعد عند امي مع منو بيقعد هناك مع بناته؟
في مجلس ابو احمد...
هالة سمعت الدكتور شقال؟
دارين وهي تمسح دموعها يبى تكفى لاتتعب حالك...مافي شي يستاهل تتعب صحتك علشانه؟
ابو احمد بتعب وتأْثر وش ها العيال اللي ماعندهم ضمير؟تنهش بعرض اخوك؟من بين كل العالم مالقيت الا زوجة اخوك؟
هالة وهي تسكر الموضوع يبى خلاص...الله ستر وماصار شي...بعدين احمد ربك احمد ماذبحه صدق ولو اني كان ودي يذبحه ويفكنا منه؟
ابو احمد ياليت لو هو ذابحه ياهالة ياليت؟
دارين بتاْثر أي ويسجنون اخوي لو يعدمونه على حساب وليدوه الخايس؟؟
ابو احمد هالة...دقي على احمد ابي اسمع صوته ولو اني مو قاوي؟
هالة تسمع صوته وش تقول له؟
ابو احمد ابي اشوفه هدا ولالا؟وش سوى مع مرته؟
هالة دارين عطيني موبايلي....
مدت لها دارين بالجوال وقامت عند النافذة تمسح باقي دموعها اللي هي عارفة لو سمعت صوت احمد التعبان بينزلون اكثر علشانه وعلشان الضيق اللي فيه...
رد عليها بتعب نعم هالة...
حطته سبيكر علشان ابوها يسمع..
هالة شلونك اللحين؟
احمد بدون نفس بعدني عايش مامت؟
هالة بتنهيدة احمد ابوي تعبان؟
احمد شفيه؟
هالة تضايق على اللي صار وطاح علينا وتوه الدكتور طالع...
احمد هالة سلمي عليه انا اللحين مافيني اكلمه ولااكلمك بعدين بدق طيب...
هالة انا ببات الليلة هنا..قالتها متعمدة قبل لايسالها اذا كانت بتجي ولالا وبعدها شالت السبيكر ورفعت السماعة يوم شافت وجه ابوها اللي تجهم اكثر من لهجة احمد...
هالة بجدية احمد...الموضوع..يبيله تدارك من البداية قبل لايكبر...علاقتك مع ريم لازم ترجع طبيعية من الليلة وتنسون ان في شي صار لكم ولا عمركم مابتتجاوزن ها الخط الاحمر وبتعيشون بقالب ثلج بيدمر حياتكم,,,,خذ بخاطرها هي بعد تعرضت للجانب الاسوا من القضية...انا بتركك ترتاح وبس يصير معك شي عطيني مسج وانا بكلمك...تصبح على خير...
ابو احمد هالة روحي عند زوجك يبى انا مافيني شي؟
هالة علي من زمان راحت عليه نومة يبى...انا قلت له بنام هنا ولا انت ماتبيني؟
ابو احمد مايصير تنامين برى بيتك وانا مافيني الا العافية؟
هالة قول انك ماتبيني اريح؟
ابو احمد قربها منه وحضنها وقال وهو يمرر يده بشعرها الله يسامحك يادكتورة هالة انا ماابيك وانتي العزيزة الغالية...انتي الدكتورة اللي رفعتي راسي؟
نزلت دموعها حارة على صدر ابوها....الحنان...ها الشي كانت فاقدته وتبيه ويوم ضمها ابوها لصدره وقال لها ها الكلمتين حست انها انهارت...وان حنان ابوها قاعد ياخذ منها باقي قوتها ويضعفها.....
بروحه ترك الخيمة وقام يلف حوالين الفيلا وهو عيونه تسال أي غرفة بتنام فيها الليلة هالة؟
قال وهو يلمس جدران الفيلا بيده امر على الديار.ديار هالة..اقبل ذا الجدار وذي الجدار...
وماجلبني شغف للديار ولكن..حب من سكن الديار..
تنهد وهو يتخيلها تقعد هنا علطول..وش بيصير؟
كيف بتكون حياتهم؟؟
كل يوم يصبح ويمسي بشوفتها..
حس بالنشوة لمجرد ها التفكير,,,,
ورجع لخيمته يحرس القمر لين يغيب وتطلع الشمس عليها ..
ابتسم وهو يتذكر انه قبل يومين بس قايل بيشيلها من باله وبيدور غيرها وبينساها؟
قالوا علامك كل ماحل طاريه.. تنسى البشر حولك وتذكر خياله..
قلت إنشدو قلب ليا غاب يرجيه..قلب بعد فرقاه واعزتاله..
قالو علام القلب متولعن فيه..دور لعل القلب يلقى بداله..
قلت الغلا ماهو على كيف راعيه ..لو الغلابالكيف قلنا حلاله.
اليوم الثاني....
دخلت زينة ووراها شغالاتها اللي شايلة سلة الورد واللي شايلة صواني الحلى والشوكلاته,,,,,
كلهم التفتوا لدخلتها ,,,,
شافت مريم وحقرتها وراحت تمشي صوب هالة اللي كانت طالعة من الفيلا بتروح للمجلس اللي برى لاابوها,,,
اشوفكم بكرة على خير يالغلا..
وترى علشانكم ماحطيت قفلة ولا شي لاتتحمسون مثل امس واتورط فيكم هههه
هلا وغلا فيكم ياحلوين...
ومشكورين على تفاعلكم وردودكم الحلوة عساني منحرم منكم ابد..
البارت التاسع والعشرين,,,
كانت نايمة او ظلت على كنبة الصالة طول الليل وماحبت تدخل تنام معه داخل لانها مالقت منه أي قبول غير الشرود والسرحان؟
يوم سمعت صوته طالع من الغرفة راحت بسرعة المطبخ...
اليوم الجمعة وهم مالهم بالعادة يقعدون بدري بس ظروفهم اجبرتهم مايناموا..
فتحت الثلاجة بتحضر له فطور بعدين سكرتها وراحت تسوي له قهوة لانه اكيد ماراح ياكل شي,,,,
صباح الخير,,,
وقفت يدها على علبة القهوة وماعرفت حتى ترد...
تقرب احمد وقال قلنا صباح الخير..
بسرعة قالت وبارتباك صباح النور...
احمد بهدوء وهو يغسل يدينه وش تسوين؟
ريم بحضر لك قهوة؟
احمد لالالا مايحتاج...
تركت كل شي بيدينها ومشت ولف لها وصدمت بكتفه..
ريم بسرعة وهي عيونها بالارض اسفة..
احمد مسك يدها قبل لاتمشي ولفها له وقال بهدوء وحدة تضرب بكتف زوجها وتقول له اسفة؟
تنهدت وقالت بزعل أي بس زوجها مو معبرها من الامس!!
احمد تنهد وقال ريم...مانبي نفتح أي موضوع...انا بمجرد طلعت شمس اليوم نسيت كل شي...اليوم يوم جديد وبنعيش حياتنا طبيعية وبدون أي تاْثير من أي احد؟
ريم بلهفة صدق ياقلبي...
احمد بهمس طبعا ياحبي؟
تقربت منه وباست خدوده بسرعة..
وابتسم لها...
ريم احمد انا..
قاطعها بسرعة احبك ياروح احمد...وبحميك من كل الناس اللي يضمرون لك أي نية سودة ولو كنت انا نفسي!!فاهمتني؟
تنهدت وسكتت..
احمد وش رايك تروحين تبدلين وتخلصين علشان نطلع؟
ريم وين؟
احمد نتغذى برى..ونتمشى ونتسوق ونتعشى ونرد...
ريم ليش لا....اعطيني ساعة ..
احمد ماشاءالله علشان تجهزين يبيلك ساعة؟
ريم لا مو كذا بس حاسة نفسي جوعانة من امس مو ماكلة شي وابي اكل لي شي قبل لااتجهز؟
احمد بحماس يخسي الجوع واحمد موجود والله...قولي امري وش اللي نفسك فيه وانا اجهزه لك؟
ريم وهي تدفه وتطلع كيس البريد من الثلاجة ماتقصر بسوي لي سندويش خفيف بما ان احنا بنتغذى برى ماابي اثقل..
احمد شوفي اجل على ماتجهزين انا بروح اسلم على ابوي وبرجع لك ...
ريم شفيه؟
احمد تعب شوي البارح...
ريم بااسف علشان اللي صار؟
احمد اكيد بياْثر فيه......عسى الله ...استغفر الله...
ريم ادعي له بالهداية يااحمد....الله يهديه بس...
احمد ان شاءالله...لان اذا سوى مصيبة ثانية بيطيح ابوي علينا
زينة هالة,,,
لفت لها هالة وبعدها تقدمت منها تسلم عليها..
زينة هلا والله بالدكتورة ..زمان عنك ..وين مختفية؟
هالة شلونك زينة....
زينة بنعومة تمام والله...انتي كيفك....دايم اساْل عنك عمي بو احمد لاتقولين مايوصل لك سلامي!!
هالة لا يوصله اكيد ...بس انا شوي كنت مشغولة ولا انا في بالي بزورك مع دارين..
زينة الساعة المباركة والله...بظل منتظر الزيارة على فكرة...
دارين هلا زينة...
لفت لها واخذوا بعض بالاحضان..
زينة برقة هلا والله....وانتي بعد وش اللي شاغلك؟تحضرين دكتوراه؟
دارين هههه حقك علي؟
زينة لاانا زعلانة منك..قبل اسبوع جيت لمريم ومافكرتي تمرين تسلمين علي رغم اني عطيتهم خبر ينادونك؟
دارين والله مادريت انك هنا؟؟؟يمكن ....
زينة بالله!!غريبة قلت لمريم تناديك...يالله مو مشكلة...عمي شلونه اليوم ابوي يقول انه تعب البارحة؟
هالة بثقة لا بخير الحمدلله بس السكر ارتفع عنده شوي....
زينة اممممم فيني اشوفه واسلم عليه..
دارين أي اكيد حياك.....
نسايم لمريم اللي بعدها واقفة شكلها مطنشتك على النهاية؟
مريم بغباء وانا بعد بسوي روحي ماشفتها؟
نسايم بخبث لا ياحبيبتي...اللي ها الاشكال يبيلك تصيرين قوية باس معهم!!هي في بالها اذا سوت كذا تنرفزك وتخليك تحقرينها وبعدين تروح تقول لااخوها انك طنشتي ولاسلمتي وهي ضيفتك!!بس انتي لازم تطيحينها بشر اعمالها وتكسرين راسها وتروحين تستقبلينها احلى استقبال..
مريم تدرين نسايم انتي تتكلمين مثل امي.....
نسايم هذا لاني ابي مصلحتك...واللحين يالله وريني وراهم دخلي..وبس تشوفينها سوي روحك متفاجئة انها هنا ..
مريم بملل أي بس انا ماابي اكبر راسها واعطيها اكبر من حجمها...انا تقهرني تصرفاتها...دايم مفكرة نفسها الناعمة الرقيقة واللي حوالينها مايوصلون مستواها...
نسايم في بالها(وهي فعلا الرقيقة الناعمة اللي مايوصلون مستواها ولا على بالك انتي!!!)
****داخل المجلس..
كانت واقفة وهي تسلم عليه...وهالة جنبه ودارين جنبها...
ابو احمد حيا الله بنتي زينة؟
زينة بنعومة ماتشوف شر ياعمي..
ابو احمد الشر مايجيك يابنتي....
زينة والله خوفنا ابوي الصباح يوم قال لنا انك تعبان...
هالة شلونه الوالد..
زينة بخير الحمدلله وتراه جاي لك بعد شوي كان بيجي معي بس واحنا طالعين مره واحد من اصحابه وقال بيلحقنا..
ابو احمد أي كلمني قال لي...
زينة وعسى اللحين صرت احسن؟
ابو احمد بعد مايبيلها شايفك ومابصير احسن؟اكيد طبت يازوانة يابنيتي...
زينة تسلم ياعمي...
دارين ها...يبى..ترى غرت انا؟
زينة هههه حبيبتي انتي الاصل ومايستغني عنك عمي...تعالي شوفي شيقول عنك اذا جانا...
دارين احم احم..
زينة اما هالة بنخليها تغار مابنقول لها شي...
هالة بثقة عارفة قدري زين مايحتاج تزرعين فيني أي شك؟
ابو احمد شفتي بنتي قوية وماتهزها أي كلمة..
زينة ودارين ههههه
دخلت مريم وسلمت....
ردوا عليها السلام ولفوا عنها..حتى زينة ماكلفت على عمرها تمد يدها تصافحها والشي هذا خلا مريم تتضايق وتجلس بدون ماتقول أي كلمة ترحيبية بزينة...
زينة أي بس عن الانكار حلوة الثقة بالنفس...
ابو احمد انتي ..تغارين من علاقة مشاري بابوه؟
هالة ترى الوالد يحب يتصيد بالماء العكر؟
زينة ابتسمت لا..هو شوف الوالد اعتماده على مشاري بكل شي بالشغل والشركة علشان كذا لمى يدخلون البيت اثنينهم يفرغون حالهم ويراضوني عن التقصير اللي يصير بغيابهم..فما احس بالغيرة من قربه منه اكثر مني لانه اذا جلس معي ينسى مشاري وينسى كل شي....
تاءففت مريم بصوت مسوع وكملوا سوالفهم وكانهم مايسمعونها,,,
ابو احمد مريم ماضيفتي اخت مشاري..هاذي اخت زوجك؟
زينة لاعمي مايحتاج...انا بنت ها البيت ومايحتاج اتضيف...وبعدين انا بس بسلم عليك ولا السايق بالسيارة بمشي....
دارين لامايصير قعدي معنا وش عندك اليوم جمعة لاجامعة ولا شي؟
زينة لامعليش انتوا تتجمعن مع بعض واللحين احمد ومرته بيجون..
هالة لااحنا نتجمع الخميس مو الجمعة..بس انا هنا من البارح علشان ابوي...واحمد بيمر يسلم على ابوي وبيمشي....
زينة لاماعليه اساسا انا مواصلة من امس ومانمت وقلت لو انام مابقدر اجي اشوف عمي...مرة ثانية ان شاءالله..
دارين جالسة تختلقين الاعذار واحد ورى الثاني يازينة؟يبى عندك غرفتي حطي راسك ونامي واذا ماهي عاجبتك وماهي قد مقامك دوري لك غرفة وارتاحي فيها,,
زينة لا شدعوة....
هالة ببتسامة خبث لمريم وهي حاسة ان زينة مطنشة مريم ومريم مقهورة ومي مسوية شي قولي شي يامريم..شوفي نسيبتك تبي تمشي!!
مريم بلااهتمام خليها على راحتها؟
ابو احمد بشوية انفعال افا.!!وش ها الحكي؟
زينة تداركت الموضوع ببتسامة حاد لمريم وهي قصدها تضربها بالصميم متضايقة لان مشاري بيقعد معي اللحين وماهو جايها ياعمي!!بس ماعليك منها..خلهم يثقلون على بعض شوي؟
طلعت من المجلس ووقفت عند المرايا عند المغاسل اللي برى ,,,
كانت تناظر بشكلها وهي تتنهد...
شي من الصبح خلاها تبكي وماتوقف دموعها....
كلمة قالها ابوها لها بكل حب وحنان طعنتها..حسستها بالنقص وبانها ماراح تعيش سعيدة؟
ليش بس قلتها يايبى؟
ليش تتعبوني وانا ادور الراحة؟
طول الصبح وهي تحاول تخبي دموعها لايشوفها ابوها ويسالها وتحتار ماتدري وش تقول له؟
كلمة بس خلتها ترفع راسها وهي تناظر بنفسها وتقول
رضيت بما قسم الله لي...كل شي بالدنيا قسمة ونصيب ياهالة...يمكن ربك عطاك علم ومنصب وفلوس وعز بالدنيا...واخذ منك الراحة والسعادة علشان تصيرين سعيدة بعدين!!!
أي...خليك كذا ياهالة...فكري بها المنطق وبس!!!
ويالله غسلي وجهك لايشوفك احد وتضعفين قدامه!!!
غسلت وجهها بسرعة ومادرت ان في واحد وراها مسح دموعه بكم ثوبه وهو يتنهد ومتعبه تعبها اللي ماهو عارف وش هو من الاساس!!
بس حبا فيها واكراما لسعادتها..يزعله اللي يزعلها ويضايقه اللي يضايقها ويفرحه اللي يفرحها,,,
تنهد جراح ومشى قبل لاتشوفه عيون هالة وتتضايق انه شافها تمسح دموعها..لانه عارفها من الصغر ماتحب أي انسان بالعالم يشوفها تبكي ولو على شي يستاهل؟
دموع ها البنت عزيزة عليها من الصغر؟
عند عتبة الفيلا كانت جالسة.وهي تكلم..
دارين أي حبيبي.....
أي...لابس بغيت اقولك تكلم ابوي لانه تعبان....ها...
لالالا البارحة تعب علينا وارتفع السكر عليه...لاهنا بالبيت جاه الدكتور هنا...اليوم احسن الحمدلله كاهي هالة معاه وزينة عنده بنت بو مشاري....
اممم...
وش اللي صاير بعد!!مصيبة سواها اسود الوجه وليدوه!!
في احمد ومرته...اذا جيت بقولك كل التفاصيل انا بس ابيك تكلمه وتتعافى له...
يالله اكلمك بعدين بروح اجلس مع زينة عيب تاركتهم علشان اكلمك...يالله اوافيك بعدين بالاخبار....
مطلق احم..احم....اقول عايشة حبيبتي؟
عايشة نعم بابي...
مطلق شنو هاذي حق دلع يعني!!
عايشة أي..
مطلق طب ليه ماتدلعيني وتقولين لي حبيبي؟
لفت لهم دارين ولقته هو وبنته جالسين على كراسي قريبة من باب فلتهم,,,
عايشة حبيبي حبيبي ولايهمك انت بس ادفع.
مطلق وهو يناظر بدارين حبيبي احلى...مدري يوم سمعتها قبل شوي حسيت فيها شي يهيج؟
قالها وهو يناظرها واستحت ونزلت راسها...
عايشة طيب,.,,خلاص حبيبي...
مطلق وهو يبتسم على دارين اللي نزلت راسها تدرين ياعيوش...
عايشة باعتراض لاتسميني عيوش...قولي عواشة اذا جيت تدلعني!متى بتفهم علي بس!!
مطلق حقرها وقام يترنم انا من يوم لاقيتك...احس قلبي غدا بيتك..ونظرة حب من عينك..تعوض كل حرماني,,
عايشة انت تقلد عمي جراح يعني!
مطلق بشماتة من زينك لو من زين عمك جراح عاد!!انا تحطيني معه؟
عايشة بتهديد طيب بقوله علشان يزعل منك؟
مطلق اخ ياقلبي انا وين وانت وين؟
عايشة منهو...
مطلق ذاك اللي عارف وجالس يتغلى..
دارين خلاص وصلت للنهاية..هذا مو من صدقه اكيد!!ليه يامطلق ليه؟انا حاسة اني جالسة اضعف تحت كلامك؟
تدري احسن شي احقرك واقوم ادخل لااسمع اكثر,,,,
مشاري يعني فيني اشوفك ولالا؟
بشاير لا طبعا
مشاري أي بس انا جاي اشوف عمي واخذ زينة لانها جاية تسلم عليه..
بشاير بتحدي ومرتك؟؟
مشاري بتعب انتي ليه تسكرينها بوجهي؟
بشاير بضعف لاني ماابي نكون متواجدين ثلاثتنا مع بعض بنفس المكان؟
مشاري ليه؟
بشاير بضعف لاني مااتحمل اطلع خسرانة؟
مشاري بتنهيدة ومن قال..
بشاير بتعب بتكون جنبك...بتكلمك وبتكلمها وبتسولفون مع بعض؟وانا؟؟اظل اناظركم بحسرة؟
مشاري حبيبتي...تخسي مريم تاخذ مكانك بقلبي بلحظة من اللحظة؟لو صار وشفتها مابشيلها من ارضها؟
بشاير لا..
مشاري طب نلتقي بمكان ثاني ؟
بشاير طبعا لا..
مشاري كل شي لا....
بشاير ...
مشاري طب ممكن اطلب منك طلب...
بشاير شنو؟
مشاري بتسوينه ولالا؟
بشاير اذا عرفته بقولك؟
مشاري ابيك تتعرفين على زينة اختي؟
بشاير ليه؟
مشاري بتعب وش بيضرك لاتعرفتي عليها؟
بشاير بيضرني...
مشاري في شنو؟
بشاير بتنهيدة عارفتك وعارفة نيتك يامشاري...تبيني اتقرب من زينة وهي تتقرب مني...وبعدين نصير نشوف بعض ونطلع مع بعض وانت المستفيد ..
كل ماجيت لزينة وكل ماهي جتني شفنا بعض انا وانت!!
مشاري بهمس ويضايقك نشوف بعض ياقلبي؟
بشاير بغيرة محروقة طبعا يضايقني لانك لغيري مو لي!!
مشاري اللحين اطلقها اذا تبين؟
بشاير ...............
مشاري تنهد صدقني وانا عند كلمتي؟
بشاير هي...هي تحبك؟قالتها بتقطع؟
مشاري بتنهيدة لا يابشاير انتي تعرفين بنت عمتك مثل ماانا اعرفها؟هي لاتحبني ولاتبي تحبني؟هي تحب فلوسي ومركزي وسمعتي ومنصبي!!هي تحب اني احقق لها حلم العرس اللي صاير لها هدف بها الدنيا؟وبس...وصدقيني لو انا شايف منها شوية تعلق فيني كان بفكر الف مرة قبل لاانطق ها الكلمة بس انا عارف هي وش تبي!!
بشاير وهي تمسح دموعها طيب ليش ارتبطتوا في بعض يامشاري؟
مشاري بنت صاحب ابوي....وبس!!
انا مااعرف عنها أي شي وزينة ماقد صادفتها وابوي رشح ان وحدة من بنات ابو احمد تكون زوجتي ...
بشاير طيب لافكرت تنفصل عنها اكيد ابوك بيسوي لك سالفة؟
مشاري ابوي متفهم مثل عمي بو احمد ويدرون ان علاقة الزواج ماتجي ابدا بالاجبار وان كل شي قسمة ونصيب وان احنا مو شرط نتفق يابشاير ...
تنهدت بشاير وماعلقت بشي,,,
اروى يمه صباح الخير؟
ماردت عليها ام وليد اللي كانت تدق بالجوال على شخص ما ومبين انه مايرد..
اروى يمه شكلك مو نايمة طول الليل؟
ام وليد بقهر من وين يجيني النوم بس!!!
اروى خير يالغالية وش فيك؟
ام وليد تنهدت وقالت اخوك.....
اروى شفيه؟
ام وليد بزفرة امس سوى سالفة طويلة عريضة وسود وجهي قدام احمد وابوك والله يستر من اللي جاي؟
اروى وهووينه اللحين؟
ام وليد بحدة ابوك طرده من البيت امس ومدري وين راح؟
اروى وش سوى يمه؟
ام وليد تحرش بزوجة احمد ريم؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك