رواية سر الشوق - 27
نهضت واقفه وامسكت بالفرشاة تمشط شعرها
شووووق... نمار راسله دعوة باسمج
ومصره انج تحضرين.. شرايج
نظرت اليها مصدومه سبحان الله
احسها مو متقبلتني بالمره
ومو فاهمه سبب اصرارها على الدعوه
نازك اعتبريها بدايه صداقه
شوق ومن يحتاج صديقه مثل نمـآر
نازك هالحفل بيحضره شخصيات هامه من مجتمعنا
وبصفتج خطيبه ياسر تواجدج ضروري
وبمرح تابعت متشوقه اشوف نظرآت الحزن والخيبه على وجوه
معجبآت ياسر لما اعرفج عليهم
شوق ههههه .. ترى الشماته مو زين
نازك والله هم بيتشمتون فينا لما يعرفون انج بنت حـــــآرس
خيم صمت كئيب .. فهمت نازك انها ذهبت بعيدا بوقاحتها
اقتربت وربتت على كتفها مو قصدي!!!بس..آ آ
وعندما رات ابتسامه بطيئه ترتسم على شفتي شوق
استرخت وحل مكان القلق الذي اعتراها نوع من الارتياح
نازك شرايج نطلب لنا عشآ
رفعت كم قميصها لتنظر للساعه حول معصمها مثل ماتحبين
بس اهم شي مااننام وتفوتنا صلاة الفجر
*
*
مرت لحظات تراقب انعكاس شعاع الشمس
وهو يتراقص على سقف الغرفة
ومآلبثت ان قفزت من مكانهآ وسارت حافيه القدمين حتى النافذه الكبيره
وجدتهآ تطل على الساحه الخارجيه الكبيره والمرصوصه بالحجآرة
تتخللهآ مشاتل متألقه بازهار متنوعه بالرغم من حراره الجو
تسألت بسخريه... هل المال يستطيع شراء اي شي؟؟
حتى الازهار بـ غير موسمها؟؟
وهناك اشجآر متوازيه ومساحآت من العشب الآخضر
تتوسطهآ البحيرة الاصطناعيه
كم هو رائع ان تملتلك مكانا بهذا الجمآل
وكم تتمنى تواجد اسرتها معها في هذه اللحظات
(نوره .. منيره .. بشير )
ارتدت عبائتها بسرعه...وغادرت الغرفه
صمت عميق يخيم على القصر
انعكاس اشعة الشمس يخترق النوافذ العاليه
ويضفي على التحف واللوح الموزعه في القاعه بريقا
في الحديقه الخلفيه راحت تستنشق بعمق الهواء
ومر الوقت وهي محدقه باهتمام شديد بجدران القصر
من بعيد لمحت شخص يدنو منهآ..
كانت جميله(ام ياسر) بكامل اناقتهآ
سألتها مباشره انتي من النوع الي يصحى بدري
والا هو الحماس لا كتشاف المكان؟؟
حاولت الاجابه بصوت متماسك الساعه عشر وزياده
في ضيق شديد وانا مو متعوده اصحى بهالوقت
الآ لمآ يكون في شي مهم يستحق اصحى عشانه
واشارت بحركه تلقائيه تعالي قاعة الاستقبال..سالم يبي يتعرف عليج شخصيا
تمتمت شوق بخفوت انآ...!! وامي غاليه وينهاا؟؟ و..آآ
قاطعتها وهي تتقدم بخطوات واسعه وسريعه ما تعودت على التعامل مع الطبقات الدنيآآ
لكن شنسوي بهالعجوز المخرفه
..
تجاوزت شوق الحديقه ورجعت متردده للقصر
\
\
تقدمتنا الخادمه وفتحت باب القاعه
اخذت اصارع افكآري في محاولة لاستيعاب الموقف
هل اخبرتهم غاليه شيئا عني؟؟
ومالذي يريدونه مني.. ومآذا سيفعلون معي؟؟
كنت اتوقع مقابلة سيئه من سالم وزوجته
واي شي تتوقع من ظهرت فجأة لتشاركهم ثروتهم واملاكهم
سرت لمحه من الدهشه على وجهه جميله عندما جلست على نفس الكنبه
امرها غريب!! هل كانت تظن باني ساظل واقفه حتى تاذن لي بالجلوس
طالعني سالم بنظرات فاحصه.. قدم الشخص الاخر ببرود واقتضاب
هذا بادي.. الـــ
بادر الآخر مقاطع انا بادي.. محامي عائله الـ سالم..
ثم فاجأني بسؤاله انتي شوق
نظرت اليه بحيره وشرود
اجبته بتلعثم لا.!! انا...نعم !! نعم شوق..انا شـــــوق
سالم بدهشه شديده واستنكار لا يمكن!! اكيد في خطا
جميله في ازدراء اي شووق؟؟
تابع بادي بثقه شوق بنت منصور الـ سالم
سالم بعجرفه لكن بنات منصور ماتو مع ابوهم بنفس اليوم
تآرجح الباب منفتحا..وظهر من خلفه ياسر يدفع مقعد غاليه
مقاطعة سالم بحسم وهدوء
هذي بنت منصور من حسنه يااا سالم.. لا تسوي روحك مااتدري عن شي
فواز ونوره ربوها مكان بنتهم فرح
علقت جميله بسخريه هه.. العلم بين ظلوعج وساكته
يعني ياخالتي بتصدقين انهم ربوها كذا لله .. بدون مقابل
ووجهت باقي كلامها لشوق
ومعقوله ماحسيتي انج مختلفه عنهم بكل شي.. حتى مظهرج ولونج يختلف عنهم تماما
اكيد ما خذوج واهتمو فيج الا يبون آجره
ردت بحده اهلي السمر عاشو طول حياتهم على اعلى درجات
النزاهه والشرف..حافظو علي من الشر
تعلمت منهم الدين وكثير من القيم الي تفتقدونها..
قذف بادي بالقلم المتحرك بين انامله
فرح او شوق.. مثل ماتحبين
اذا عندج اي وثائق او اوراق رسميه
خليني اطلع عليها ... ونخلص الاجراءت الروتينيه باسرع وقت ممكن
رمقها ياسر بنظره جانبيه .. ثم وضع امام بادي عده اوراق
هذي الاوراق المطلووبه... اي شي ثاني؟؟
وقفت على نحو مفاجئ
لحظه .. لحظه .. لاحد يتحرك .. خلونا نتفاهم بـ الاول
بادي على شنو ؟؟ الامور واضحه
شوق من هالحظه القصر صار ملكها ولها الحق
تتصرف فيه مثل مااتبي
جميله معقوله... تنحصر املاكنا على المدارس والمستوصف بس
والبـــــــــــــــاقي!!!!واهم شي القصر هذا بكبره يروح لهالبنت
مو معقوله.. شلون صارت ذي
بادي ومدارس السالم الحصه الاكبر من الاسهم فيها لخالتي غاليه
وهي بدورها سجلتها باسم ياااسر وخواته بيع وشرا
جميله خالتي.... شنو هالنذاله حفيدج الوحيد
جآن عطيتيه شي عليه القيمه .. شي محرز يعني ينفعه بمستقبله
بادي يسترسل بكلامه وباقي املاكها من سيوله وعقار سجلته لشوق
التفتت لسالم بصوت يفور غضبا
ماااتشوف امك وفعايلها.... سوت الي براسها ووزعت حلالنا على الي يسوى والي ماايسوى..تكلم سوى شي ... تحرك
هز سالم راسه... وكان كل جوابه هو هزة من كتفيه
ها قد وصلنا لطريق مسدود
كان عليها ان تتقبل حقيقة ان القصر لم يعد ملكا لهم
وان تتكيف مع المستجدات والمتغيرات الطارئه
اقتربت من ياسر...ومسكت ذراعه بحده
تزوجهآآآ... مو كانت معك امس.. بغرفتك وعلى سريرك
مثل ماكل الخدم يتكلمون
خلاص تزوجهآآآ ولا نخسر هالملاين
شهقت شوق من كلآم جميله الجآرح
كانت تستطيع قول الكثير.. وان توضح لها الحقيقه
الا انها كتمت ماكان يدور بافكارها تلك اللحظه
واتجهت نظراتها لياسر تطالبه بالدفاع عنها
تنهد بخيبة امل وهو ينظر للارض
ومسحه حزن تفاقمت اعراضها حتى تجلت كل تفاصيلها
فبدت كـ صراعآت عابثه تتآرجح
بين الهروب... او التضحيه
\
\
كم تمنيت لو استطعت ان اقاسمها عمري وكل جزء من نفسي
كنت ارسم حلما كبيرا رائعا لحياتي معها
هدفا جميلا يحركني ويشعل في اعماقي قوة هائله
تزيل مايعلق في طريقي من صعاب
وكم كانت السعاده تغمرني
والامنيات تتراقص امامي
حتى هذا الصباح
كانت الغاليه ترمقني بنظرات لم تعجبني
ترى مالامر؟؟
لما كل هذا التوجس والقلق ؟؟؟
وفجأة وبدون مقدمآت رمتني بكلمات كادت ان تقتلني
ابشرك .. فرح هي نفسها شوق بنت منصووور
وكاني اضع ستارا حديدا بيني وبين افكاري
شعرت كان ابواب الحياة قد اغلقت في وجهي
ابى قلبي الا ان يتوشح الحزن والألم
كلماتها لاتزال ترن في اذني
تحاصرني من كل الجهات كقضبان سجن
المنطق يقول بان زواج كهذا سيجلب التعاسه لكلا الزوجين
صحيح هي نظره سوداويه مظلمه
لكن من الصعب ان يوافق على مثل ذلك الزواج
ويعرض اولاده لآمراض وراثيه
ويتضاعف نسبه احتمال ولاده اطفال مصابين بنفس اعاقه غاليه
و أخوات شوق من ابيها وايضا مروآن
كلها دلائل طبيه مبنيه على واقع يشير الى انتشار هذا المرض الوراثي
بين افراد اسرة الـ سالم
يخوننا التعبير
في كثير من الاوقات
فبجهل منا
نجد أن الكلمات لا تصف مافي القلب
فكيف لنا ان نعجز عن وصف مانشعر به ؟؟
آلم يكن هذا غريب ...!!
نعم هو كذلك
ولكن
هو إحسآس يسكن صآحبه
اما ان يتعبه ويفتك بحاله
أو يريحهـ ليسعد بحياته
وفي كلا الحالتين
هو أسير احساسه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
™`•.¸¸.•¤¦¤`••._.• ][ســ الـشـوقـ 25ـر][ `•.¸¸.•¤¦¤`••._.•`™
همسات مستنكره ... وتعويذات مبهمه
تختلط بدوائر الدخان الكثيفه
وتنتشر مع رائحه كريهه بالارجاء
وعندمآ ارتفع انينه .. ومن ثما صوته بالصراخ
اندفعت تشد عتيقه من ملآبسها في محاوله لابعادها
ايمان حرآآآآم عليج .. شتسوين فيييييه
عتيقه مايفل السحر الا سحر اقوى منه
واتبعت بسخريه والا عاجبج وضعه
مسحت ايمان جبينها وتراجعت للخلف مافي حل ثاني؟؟.. ترآه بيموت لو استمريتي بهالطريقه
شخرت عتيقه وهي تتناول عبوه صغيره على شكل (قطره) ليت الي فيه فيج والا في نجود الخبله
ماعندي غير هالولد وبـ تضيعونه مني
ورمقتها بنظرات احتقار حآده والحين فآآآرقي.. مآعرف اشتغل وآحد يراقبني
ظلت واقفه حتى صرخت بوجههآ مآآآتفارقين؟؟؟
ايمان بتردد وارتباك بس حبيت اعلمج .. ان خالد يبي يقابل بآدي
أجابتها بنبره تحذير قويه بآآدي لأ.. يقابل علوي أحسن
اشارت بيدهآ لاخيها المستلقي وكآنه فآرق الحياة لولا صوت الأنين الخافت الصادر عنه
وهو بهالحاله؟؟
عتيقه بيتحسن و هالقطره بتفيده .. لا تستعجلين
ايمان بأستغراب لا استعجل؟؟ مآصدقت يطلبني للزواج!!!.. ودج يغير رايه؟؟
حينهآ صرخت عتيقه بعنف.. ونظرات حادة وجهتها لعينا ايمان مباشرة
فآآآآرقي.. اخر مره اقولهآآآ
واستدارت وهي تحمل (القطره) بيد وتحاول رفع جفن ابنها باليد الاخرى وتصدر آمر لإيمان
صكي الباب وراج
سحبت الباب خلفهآ وهي تفكر في السبب الذي جعل شقيقهآ مستسلم على غير عآدته
وبالكاد خطت خطوتين حتى سمعت دوي صرخاته بـ ألم لا يُحتمل
آآآآآآآه عينــــــــــــــــني
عيييييييييييييييني...آآآآآآآه عيـــــــــــــــــــــني
ركضت لغرفتهم .. ونادت نيران بصوت متقطع من الفزع
اتـــ ... اتصلي بعمي بسرعه
عتيقه شكلهآآآآ نقفت عيون علوي
نقفت انتزعت**
™`•.¸¸.•¤¦¤`••._.• ][ســ الـشـوقـ 25ـر][ `•.¸¸.•¤¦¤`••._.•`™
شتسوين يمه؟؟ وشنو هالاعشاب كلها؟؟
ام سعد هذا بنعطيه خالد يشربه .. وبأذن الله بيروح السحر عنه
سعد اشوفج تحطين كل شي بقياس ومعاير.. وكانج خبيره
ام سعد ايه ياحبيبي .. هذي كانت شغلتنا قبل عشرين سنه
بس بعدين حطو قوانين ومنعو اي شيخ يقرا او يداوي الا بترخيص
سعد متأكدين ان الي في خالد سحر؟؟ شلون عرفتو؟؟
ــ البارح طول الله عمرك كلمت ظبيه اخبرهآ ان سعاد عندنا
وعلمتني ان خالد حابس نفسه بالحمام .. وعورت قلبي بصياحها
فلبست عبايتي ورحت عندهآ... بخرت بيتهم بالبان وحبه سودآ
ووصيتهم يقرون صوره البقره والـ عمران لثلاث ايام بلياليها
ومن شوي علمتني انه مصدع وكبده تلعي ولا قادر ييلس على حيله والقرآن يشتغل عندهم
سعد هذا يعني انه مسحور؟؟
ــــ الا مسحور ومربوط عن حرمته بعد
ــ كيف بتعالجونه؟؟؟
ـــ رب العالمين ما يخيب من رجآه.. واملنا بالله كبير
وابوك يامآ ويامآ رقى وعالج مسحورين ومعاه فواز رحمة الله عليه
اهتزت يدهآ وتناثر بعض من الاوراق التي تكيلها بكآس معدني
فرفعت بصرها وقالت لابنها معاتبه شاغلتني ودودهتني
تبي تساعدني والا اطلع مني
سعد والغدآ
ـــ توكم فاطرين ماصار لكم نص ساعه .. يالله العصر بطبخ غداكم
ــ بروح للشركه.. واذا حصلت فرصه برجع قبل نهايه الدوآم
تبين شي يمه
ـ ابيك سالم يابعد جبدي.. شوف اختك
ـــ توني كنت عندهآآ ودخلت تسبح بنتهآ
حمل مفاتيحه وهاتفه وغادر المنزل
لاحظ سائق المطعم التركي نفسه يقطع شارعهم .. ويعود مره اخرى
لنفس الشارع... فأرتاب في تصرفاته واشر له ليتوقف
سعد في شي يا معلم؟؟
التركي اه.. عندي طلبيه وبدي وصلهاا
سعد وين العنوان بالضبط؟؟
وكأنه لم يتوقع السؤال آ... آآآ.. خلص مسجل رقم الجوال وبدي رن إلهم
سعد كأن من الاول لو نيتك سليمه كلمتهم وخذيت عنوان
صحيح.. بدل اللفلفه بالحاره ... والتكشف على محارمنآ
ــ شو هآي يازلمه مأبدها كل هالشي
اول مره بجي هون
ـــ لو انها اول مره ما اعترضت لك ولا حتى كلمتك
لكني من امس شايفك رايح جاي على نفس الشارع
واقسم ان نيتك خبيثه يا الخبيث
ـــ الشارع ملك للجميع.. ازا
صآر شارع ابوك تعا احكي زي مابدك
اسرع سعد بالتقدم نحوه واوشك ان يفتح باب سيارته ليجره خارجها
لكنه ادار المحرك بسرعه واصدرت العجلات صوت قوي قبل ان يبتعد ونجآ السائق
من غضب سعد وبطشه
™`•.¸¸.•¤¦¤`••._.• ][ســ الـشـوقـ 25ـر][ `•.¸¸.•¤¦¤`••._.•`™
انتظرها حتى انهت صلاتها وجلست على سجادتها تردد الاذكار
انحنى وقبل رآس والدته ثم جلس امامها
ابتسمت له هلا يمه.. بشر !! شلونك الحين
خالد بخير عساج بخير.. ودي اقول لج شي
ظبيه قول يمه.. آآمر يا عيوني
خالد بتزوج.. وابيج تروحين لاهل العروس ويآي
ــ وحرمتك
ـــ مابيها
ـــ وبنتك
ــ مارح يقصرها شي
ــ والي بتخطب منهم يدرون انك متزوج ومعيل
هز كتفيه بلامباله وخير ياطير متزوج .. مو اول ولا اخر واحد يتزوج على حرمته
الشرع قال مثنى وثلاث
صمتت لبرهه ثم تنهدت بعمق اروح معاك
بس مو قبل مااسمع موافقه سعاد بنفسي
ادخل يده في جيبه واخرج هاتفه
بس كذا.. الحين ادق عليها
بحركه تلقائيه وضعت يدها فوق يده لأ يمه.. سعاد في بيتهم من امس
وابيك تروح معي وتكلمها قدآآمي
ــ نروح الحين؟؟
هزت راسها باستسلام منهي ذي الي مطيره عقلك ومو قادر تصبر عنها
ــ الحب ومايسوي يمه
ـــ لا تخدع نفسك وتقول حب ومآحب هذي نزوه والله يعديها على خير
وتابعت بنبره حنونه هذا انت ياخالد الي الكل يشهد لك بالعقل والرزانه
والله انك ماسويت الي تسويه وانت مراهق .. شلون هانت عليك العشره
وبتترك ام بنتك وحبيبتك عشان وحده ماااتسوى
ــ شلون عرفتي انها مااتسوى
ـــ الي تاخذ رجال من بيته وعياله اكيد ماتسوى الا خمآآآم
وقف واستدآر للمغادره
نادته بحزم تعآل.. ابيك تروح تطلع خواتك من المستشفى
ـــ حاضر يمه .. بس ماقلتي لي متى نروح للجماعه
لم ترد.. واكتفت بنظرآت حازمه سددتها لعينيه مباشره
™`•.¸¸.•¤¦¤`••._.• ][ســ الـشـوقـ 25ـر][ `•.¸¸.•¤¦¤`••._.•`™
لم تعد تفهم شيئا من احدآث الفلم الذي يعرض على الشاشه الكبيره في غرفه ناهد
وتنهدت بحرقه حين فاجأتها ناهد بسؤال
تبين اناديج فرح والا شوق عشان تردين
اجابها مروان ياكبيه.. بتلد اليهم تلهم
( ياغبيه بترد عليهم كلهم)
ناهد بزعل مو غبيه.. ماتسمعني صار لي ساعه اناديها شوق.. وبعدين فرح
ومآ جاوبت... قلت يمكن غيرت اسمها مره ثالثه
مروان والابتسامه تملئ وجهه لو دلتي ياسل تان لدت
( لو قلتي ياسر كان ردت )
تركت شوق مقعدهآ وقد تخضبت وجنتاها
وذكرى يوم امس المحرجه تجول برأسها
***
جلست على المائده وشاركتهم تناول طعام العشاء بهدوء وصمت
بدا موقفها محرج وثقيلا حيث يتبادل الجميع اطراف حديث لا علاقه لها به
حتى صار راسها يؤلمها..فسرحت بعيدا
حيث تتمنى ان تكون هناك في بيتها وحارتها
وتنسى انها التقت يوما بهذه العائله التى تنتمي لها بالاسم فقط
وجدت نفسها تفكر بياسر وبدون احساس منها
وتتذكر نظراته الكسيره وهو يطلب منها الحرص على مروان
ومراقبته .. ثم مررت اصابعها على جبينها.. موضع قبلته البارده
كان الجو كئيبا وسخيفا بغرفه الطعام..فأعادت وضع ملعقتها فوق الطاوله
وبنفس اللحظه التي قررت ان تستئذن للانصراف
تنبهت على صوت غاليه تنادي ياسر
وعلت الدهشه وجه شوق ياسر هنـــــــا؟؟
تنهدت نازك بحرقه واه بس.. يابختك يا خووي.. وينك تشوف اللهفه بعيونها
لم تستطع ان تفهم سبب القهقهات الرقيقه وتعليق نازك
فتسالت في شي؟؟
فسرت غاليه كنت اناديج تناوليني الملآحه.. شوق .. شوق
ماجاوبتي.. ولما طريت اسم ياسر.. ههههههه
الله يحفظكم لبعض
***
نظرت لساعه معصمها الساعه تسع ونص .. عندكم مانع لو رحت انام
وسارت نحو الباب تود الخروج
فتح الباب فجأة ودخلت نازك تحمل اكياس فخمة ملا يديها
وهتفت وهي تجر يد شوق وآآآو.. كل هذا والبقيه بغرفتي.. تعالي نتأكد من القياس
في غرفه نازك وقفت شوق تدقق بمجموعه العلب والاكياس
ولاحظت اسم الماركات التي عليها .. فتضايقت.. لانه احد اشهر مصممي الازياء
وضعت نازك مجموعه من الاكياس على الكنبه
واخرجت فستان ناعم وامسكت به تقيسه على شوق
تفحصت شوق الفستان بتبرم.. ثم شدته من بين يدين نازك
واعادته لمكانه واحكمت اغلاق الكيس
قالت لنازك التي لاتزال ترمقها بتساؤل ليش شاريه كل هذا؟؟
ماابي اي شي من الـ سالم
مررت نازك يدها بانفعال على شعرها انا مو مسؤوله عن هالاشياء
وبعدين شفيهم السالم .. لاتنسين انج وحده منآ
وياسر الي صار من يومين بس زوجج وعلى طول ارسلتيه آخر الدنيا ينفذ طلباتج بعد منهم
اجابتها بشفتين ترتعشان.. وانفاس متقطعه
اذا مو انتي شاريتهم ؟؟ منو!! الغاليه؟؟
نازك لا..ماما.. اغلب الظن انها شافت ملابسج ماتناسب وضعج الجديد
واخذت تراقب رده فعلها بعينين نافذتين
ظهرت ابتسامه قاسيه على طرفي شفتيها
يااترى لاي درجه تخافون احط من قدركم بين اصحابكم واظهر وكاني فقيره وافشلكم ؟؟
شكرا يانازك لانج كنتي صريحه لابعد حد
عادت تنظر للعلب على الكنبه وبودها لو استطاعت تمزيقها
استدارت وقالت باتزان ممكن تتركيني انام
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك