رواية سر الشوق - 1
رواية : سر الشوق ..
للكاتبة أحب الليل ..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-»
في الماضي ..ثمة حدث عظيم ؛؛قد غير مسار حياة شخصين
تحديا الفوارق الاجتماعيه ؛؛وتخطيا الصعاب.؛؛من اجل الحب
عواصف الواقع الدامي ؛؛دمرت مشاعر الحب الرقيقه
اختارا طريق الفراق ؛؛وباعدتهما الايام والليالي
وحين سأل الجميع عن السبب ؟؟
كان الجواب ..!!ذاك الشعب اشتهر بالشعوذه والاسحار
دارت الدنياا...طويت صفحات قصة حب ..وبين طياتها.. جفت وردة حمراء
رائحتها تعطر اوراق الماضي
وتبقى ورده الفرح بين الماضي والحاضر
تبحث عن... سر الشوق
غـريـب والله يـا حبيبـي هـوانـا
نستعذب الأشواق ما نطفـي الشـوق
شـوقـي وشوقـك هايمٍ في سمانـا
في ناظري حيره وفي ناظرك مـوق
نطـرد سرابٍ في صحاري ظـمانا
لا فيـه ميـرادٍ ولا حاصـلٍ ذوق
يـومٍ يـبعّدنـا ويـومٍ دعـانـا
ويـوم يلبّسنا خيال الهـوى طـوق
طيـفٍ يرغّـبنـا وطيـفٍ نهـانـا
فوق الثرى نمشي وحلم الهوى فوق
خيالنـا من كـل نبعٍ سقـانـا
وأيامنا تسوق عبراتنـا سـوق
ميعادنـا عند التمنّـي نسانـا
وظروفنا تزرع على دربنا عوق
خالد الفيصل
أسألك بالله..قولي..ما سر الشوق..؟؟
هوغرام!! اوقصه حب.!!.ولا مرحلة جنون
مفاتيح سر الشوقـ....شخصيات الروايه
عائلة ابو فرح
فواز.... 62 سنه.حارس لمدرسه الـ سالم الاهليه.وامام مسجد الحي الي ساكن فيه..
نوره...47سنه..ممرضه في مركز الرعايه الاوليه بالحي..استقالت قبل سنتين..بعد تغير نظام ساعات الدوام الرسمي
فرح....24سنه..ايه من الجمال العربي..جسمها اشبهه بعارضات الازياء
عيونها واسعه ولونها عسلي..ويشرتها صافيه بلون الدراق الناضج شعرها بلون الشوكلت ويوصل لنص ظهرها وهو مفتوح
متواضعه ..ومحبوبه..عندها عقده من لون بشرتها وطولها
حاولت وهي صغيره..التعبير عن مشاعرها..كان جزئها من ام الخير
الضرب والحرمان من اشياء تحبها..كتمت مشاعرها
خوفاً على مشاعر اعز الناس عندها ,,والديها
بعد ذلك تعلمت على مدى خمسة عشر سنة فن اخفاء
المشاعر..واتقنته
مدرسه حاسب في مدارس الـ سالم الاهليه قسم الابتدائي
فواز قدم اوراقها ..مع سمر..وقبلوهم بالواسطه
عائلة ابو خالد
ابو خالد(حامد العلي)..52 سنه..طيب ومتفاني في عمله..حارس امن في احد المجمعات التجاريه
ام خالد(ظبيه)..50سنه.. اهم شي عندها بيتها وعيالها
خالد..30 سنه..موظف في شركه الاتصالات..متزوج من سعاد .. رزقه الله بنت بعد اربع سنوات
عادل..28 سنه..دكتور اطفال..مطلق..عنده ولد عمره سنتين
سمر..26 سنه.. مخطوبه لولد عمها نبيل..وصار لها خمس سنين تأجل الزواج..بتعرفون السبب بعدين
موظفه مشرفه على المقصف في مدارس الـ سالم قسم رياض الاطفال
هند..20 سنه..شخصيه مسالمه..عندها عذر لكل شي..تحب شغل البيت والطبخ
جود..15 سنه..تحاول تتبع خواتها وتقلدهم..بدون علمهم
محمد..10 سنوات..دلوع ..كل طلباته مجابه
عائلة ابو سعد
ابو سعد( مسعود المهنا)..56سنه
ام سعد( مرزوقه)..47 سنه
سعاد..26 سنه..تزوجت خالد بعد قصة حب من طرف واحد
سعد..20 سنه..تخرج من الثانويه ..وسافر للدراسه بالاردن
عائلة ام علوي
ام علوي ما علمت احد كم عمرهاا الحقيقي.. لها 20 سنه وهي واقفه على الثلاثين
خطابه..خبيره في الطب الشعبي..مندوبه عدة شركات لمواد التجميل والعطور
والعنايه بالجسم ..ارمله من عشر سنوات
تبحث عن ست عرسان مناسبين (بناتها الكبار خمس..والسادس لها)..رئيسة الشله
بناتها منطويات وما يحبون يختلطون ببنات الحي
لسببين..لسان امهم واخوهم الوحيد..؟؟
علي..18 سنه ..(علوي الخكري)الولد الوحيد بين ست بنات
اكبر مغازلجي ..مشهور بالسهر ..وكثر الهوشات
الجازي..5 سنوات ..اصغر بنات ام علوي..والوحيده منهم الي تطلع
مع امها وتسير على الجيران
عائلة بشير
بشير ..54 سنه..سواق الشيوخ
زوجة بشير،،منيره..60 سنه..اخت نوره ..طيبه وتحب تساعد الجميع..يسمونها ام الخير
ما عندهم عيال
«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-»
سر الشوق؛؛؛1
في حي فقير..بيت شعبي قديم..حفرت على جدرانه آهااات الزمن
استيقظت فرح..على صوت طرق خفيف ..مدت يدها واضأت نور الاباجوره
القت نظره على المنبه..الساعه خمس
انفتح باب الغرفه.بهدوء. فواز فرح ..يالله قومي..حبيبتي لا تفوتج الصلاة
رفعت اللحاف بعيد عنها ..ورفعت يدهااا متشابكه للأعلى..ثم للأمام
فرح صباح الخير ..غريبه !!وين امي .مخليتني اليوم انام على راحتي
فواز ههههههههه..وييييين ..صباح الخير...احنا المغرب
فرح يووووو..والله على بالي الفجر...هههههههه
الحمد لله..شايله هم المدرسه والدوام
فواز بسرعه ..صلي وتعالي ..ماحب ايلس بروحي
فرح وهي تسحب الفوطه من ورى الباب امي طاالعه ؟؟
فواز راحت تبارك لام سعد
فرح ترفع الفوطه على كتفها وتتوجه لدورة المياه دقايق واكون عندك
بعد ما صلت المغرب..وقفت لحظات للدعاء..وهي ترفع السجاده وتطوي الجلال
رن جهازها النقال بنغمه خاصه بالرسائل... اخرجته من حقيبتها
وضغطت على زر فتح الرساله
إنتي بـ كف ْ
وبـآ قي إلخلق ْ في : كف ْ
متعلية في وسط قلبي ، ولك شـآن
في غير – وصلك
ما لـ قلبي ، ترآ شف ْ
محتـآج لك يـ ~ نووور عيني
. . . . و شفقـآن ْ
المرسل ..رقم غريب..حفظته فرح من كثر ماتشوفه
قامت بمسح الرساله ..مثل كل الي قبلهااا
قابلت المرايا المعلقه على احدى جدران الغرفه
سرحت شعرها الي بلون الشوكلت..وجدلته جديله فرنسيه عريضه
وطلعت بسرعه للصاله
فواز زين الي جيتي..نوره وين حطت التمر ؟؟..عجزت وانا ادوره
فرح واصلت طريقها للمطبخ..فتحت حافظه بلاستيكيه..اخرجت منها
كيكه التمر ..وضعت قطعه منها في صحن صغير
فرح تقرب صحن الكيك تفضل يبه..هذا باقي التمر ..سويته كيكه بالتمر
حق ام سعدض1 ..ورفعت لك منها قطعه
فواز يذوق الكيكه ويرشف بعدها من فنجان القهوة
فواز امممم..تسلم ايدج ..بس سكرها وايد
فرح ههههههه والتمر !! سكره موب وايد.؟؟..كله سكر بسكر
فواز يمد يده باتجاه فرح فيها الفنجان فاضي ماادري اشفيها نوره..جنها تأخرت
ظهرت ابتسامه جميله على وجه فرح تدري!!تنساك لا قابلت رفيجاتها
دخلت نوره..وفي يدهاحقيبه جلديه..مخصصه لترامس الشاي والقهوة
نوره السلام عليكم.. تأخرت عليكم؟؟
علقت عبائتها عند المدخل..وجلست بقرب زوجها فواز..على الجلسه الارضيه القديمه
فواز بنت حلال..لو متأخره خمس دقايق زياده..كنت بقوم ادورج
نوره ما قدر اتأخر !!عارفه انك ما تحب تيلس بدوني
فرح ياااعيني على الثقه،،شاايف يبه امي شكثر تحبك,, لدرجه انها فضلت الجلسه وياك على شلة الحاره
فواز تلاقينها ما رجعت الا بعد ما انفض الاجتماع
فرح ههههههه ..يمه شلون الاجتماع اليوم..كم قضيه ناقشتو
واخبار سعاد عقب الولاده ..وام علوي شنو اخر منتجاتها
انطلقت نوره بسرد تفاصيل الزياره بيتهم متروس حريم..وسعاد ماعليها شر .. لازم بتتعب عقب الولاده
ما طلعت بنتها لنا الا بعد ما راحو كل الي عندهم..وما بقا الا انا وام خالد
وام سعد ..ما قصرت عطتني من غسال النسوان جبته وياي ..لي حسيتي بتعب ولا شي غسلي منه
فواز ليش الغسال ..؟؟
نوره ام علوي يامال الماحي من قعدت لين قامت وهي ماعندها
سالفه غير فرح.. ولاااا لما كلت من الكيكه الي سوتها فرح
بغت تطلع عيونها موب مصدقه .. تقول ابداً مو صنع بيت
فواز نوره الله يهداج.. لو صار بالبنت شي ترى منج انتي ورفيجاتج
فرح يابعد هم كلهم ..مثل ما وصيتج..لا تتركين الاذكار وحصني نفسج
فرح هزت راسها موافقه ان شاءالله يبه .
.وكملت كلامها مع نوره اهم شي يمه انج شفتي سعاد .. وقمتي بالواجب
نوره ايييييه ..مسكينه مابغت تحمل ..وتيب هالبنوته النتفه.. لو شفتيها.. سعاد صغنونه الا خشيمها جنه خشم خالد
فرح يااقلبووو..يحليلها سعاد صارت ام..ههههه اهم شي الشعر
على قولت سعاد ..مايطلع اصلي
نوره الله يقطع شرها ..من وين بتيب شعر موب اصلي...ههههههه
وانا عارفتهم اهل سعاد ..واهل خالد..شعورهم مثل بعض
فواز بعفويه اكيد..كل حب يطلع على بذره
ارتجفت فرح..وسقط فنجان القهوة من يدهاعلى الارض
انتبهت نوره لارتباك فرح.. فرح يمه .. ما عندج درس اليوم
وقفت فرح وهي تقول بروح البس عبايتي
فواز باوصلج وانا طالع لصلاة العشا
بيت ابو خالد،،جيران فوازمن عشرين سنه
ما يفصلهم عنهم الا جدار من جهه اليمين
وجيرانهم من الجهه اليساار .. بيت ابو سعد
فرح حبت تفيد صديقاتها وتعطيهم دروس في الحاسب
وصارو يجتمعون يومين بالاسبوع في بيت ابو خالد
انفتح الباب الحديدي قبل ما يضغط فواز علي زر الجرس
خالد هلاااااا ..بو فرح
فواز السلااام عليكم ..مبروك ماا جاك.. وتستاهل سلااامه ام العيال
خالد الله يبارك فيك..عقبال ما تشوف عيال فرح
فواز يالله .. لا نتأخر عن الصلاة
خالد بعد عن الباب وهو ياشر لفرح هلاا فرح ..تفضلي
سمر وهند ينتظرونج داخل
فرح لما مرت من قدام خالد مبروك ..الله يجعلها من مواليد السعاده
خالد وهو يضحك اكييييييد..امها سعاد..خالها سعد..وجدها مسعووود..وماتطلع سعيده..مشكله
فرح دخلت عند البنات وهي تضحك..
سمر هلاااا ابله فرح..ضحكينا وياج
فرح خااالد....لا يكون يبي يسمي بنته ..سعيده
سمر عقدت حاجبيها لاااااا .. يبون يدمرون حياة البنت..احد
في هالايام يسمي ..سعيده ..اهئ ..اهئ
فرح ولو جايه ولد..اظن بيسميه..سعدون ..سعيدان..مساعد
هعععععععععع
دخلت عليهم هند وش فيكم ..ناس تصيح وناس تضحك
سمر لحقي عليناا..خالد بيسمي بنته سعيده
هند بكل ثقه ماااعتقد ان خالد يسوي هاالسواة..موب مسميها
الا اسم كشخه ..من هالاسامي اليديده
يمكن يسميها,,شهد ولاا حلا
فرح سعاد كانت مسجله اسامي..وقالت
اذا ولدت وشفت البنت بسميها ..اسم يناسب شكلهااا
هند ههههههه ..من صج ..والله سمعتيهاا بنفسج
سمر ههههههههه..عيل بتسميهاا ام خشيم
هذا هو الشي المميز فيهاا
هند قصدج اكبر شي في ويهها
فرح حرام عليكم..بتكبر وتوالم خشتهاااا
ههههههههههه
فرح تقدمت وجلست على الكرسي مقابل الشاشه
فرح يالله ..نبدا
هند ليش مااا تأجلين الباقي من الدروس..بعد ماا ترجع سعااد
فرح اذا طلعت سعاد من النفاس..بكمل لها الدروس الي ناقصتهااا
الحين انتي وسمر خلني اخلص منكم
يالله هند..وريني شلون تفتحين مستند جديد ..وطريقة حفظه
وانتي سمر..تعالي عشان تستفيدين من المراجعه
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
السلام عليكم ورحمة الله وبركاته
اتمنى لكم متابعه ممتعه..مع الجزء الثاني من سر الشوق
سر الشوق؛؛؛ 2
«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-
بعد ماخلصت الدرس..طلبت فرح من هند وسمر..اخر شي التطبيق
فرح هند .نادي حمودي..يوصلني البيت
سمر الي يقووول بيتكم في الشارع الثاني..هاذا هو خطوتين
والا انتي في وسط بيتكم
هند لاا فروحه..كملي السهره عندناا..براااويج الممثله الي تشااابهج
في فلم اليوم بيعرضونه لها ..يبتدي بعد شوي
فرح لااا شنو ..سهر ..ماااقدر انا مثل الدجاجه
الساعه عشر على سريري ..وفي سااابع نومه
وتعرفيني ماا تابع افلام ولا احب الممثلات
نااادو حمودي..وربي اخاف امشي بروحي بهالليل الدامس
سمر صدقتج !!الخوف شنو لونه عندج حمر ،، خضر ؟؟
روحي بس ..شهيتيني فول مدمس..وفوقه بصل وشطه
وصارت تتخيل انها تغمس طرف خبزه بالفول ..وتاكلها
فرح وهي تسد انفها خيستينااا .بريحة البصل.. ديري بالج تأكلين بصل قدام نبيل
هند بروحه موب طايقها وهي مسبحه بغرشه عطر
هالدور تأكل بصل..بيحذفها من الدريشه..خخخخخخ
سمر يحصله ..النكره..التافه..وحده سميييييره ومدلقمه..ودمها خفيف
هند يالهاامة .. كم مرة تقولين بسوي رجيم
وتهونين..جان انتي الحين انحف من فرح
فرح حبيبتي سمر ..انتي ملامحج حلوه ..حتى سمارج حلووو
بس ناقصج ..تنحفين كم كيلووو
وكم مره اقولج..جمال الرووح ..هو البااقي ..اما الجمال الخارجي فاااني
سمر يوووو علينااا.. ترى كلها صحن فووول داامس..بهالليل المدمس
..جبتووو خبر ام ابو خال تاريخ مأساااااتي
واشرت لهم على الظل الواضح من تحت الباب
..رفعت سمر صوتها وهي تقول ونبي نطلب من ماكدونالد..ولااا هااارديز
وهمست لهند وفرح قبل مااا تقرب من الباب ..سمعوا سعاابيل جوود تقطر
فتحت الباب فجئه..وطاحت جود داخل الغرفه
جود حلوووه الحركه ؟؟...وركضت للمطبخ..قبل ما تمسكها سمر
سمر وهي تفرك يدينها بنت اللذيناااا ..مااتووووب
هند مسكينه ..تاركينها بروحها ..اكيد كانت تبي تدخل وتسولف ويانا وخايفه منج
جود من عند باب المطبخ فرح ..هذا محمد بيروح البقاله..تبينه يوصلج
فرح توجهه كلامها لسمر اتركي السهر..ناامي بدري..تراني بكره بدق عليج الساعه خمس
عشان اتاكد انج صحيتي وتجهزتي للمدرسه..مانبي نتأخر زي اليوم
سمروهي تبتسم وتأشر على عيونها حاااضر ابله فرح..من عنوني
فرح رفعت عبايتهاا فوق راسهاا ..وطلعت ورى محمد
وقفت عند بيتهم واخرجت مفتاحهاا ..حمودي هاك المفتاح
وبطل الباب ..انا ما شوف من ورى هاالغطا بالظلااام
حست بيد ثقيله تنحط على كتفهااا..فرح !!من وين يااايه بهالليل؟؟
فرح لفت وواجهت ام علوي كنت عند سمر وهند اعطيهم درس بالحاسب
محمد فتح الباب ورجع لفرح المفتاح
محمد تبين شي من البقاله
فرح انتبه على نفسك..ولا تتاخر ترى سمر محذرتك..مو تتأخر زي هذيك المره
محمد شعلي منهااا..انا قايل حق امي..وقالت تأخر على كيفك
ام علوي الله واكبر ..امك ذي ماتخاف عليك..شلون تخليك تروح بروحك بهاالليل
محمد الاا تخاف علي..عطتني جوالها عشان اكلمها اذا صار شي
انتي الي مااا تخافين..كل الحريم يقعدون ببيوتهم الا انتي..كل ماا طلعت شفتج قدامي
وكمل طريقه للبقاله..الي بعد بيتين بنفس الشارع
فرح ودي اقولج تفضلي ..لكن تعرفين الوقت مو مناسب..
ام علوي عاادي ..بس الحين مستعجله بروح البقاله قبل تسكر
لكني لمحتج عند بيت ظبيه.. حسبتج وحدة ثانيه وحبيت اتأكد..سلمي على نوره
دخلت فرح البيت..وجدت الظلام يلف المكان
الا نور خافت من الصاله..خلعت عبائتها.ودخلت المطبخ
تبحث عن اي شئ تأكله ..وجدت صحن فول..عرفت انه مرفوع
على جنب علشانها...ضحكت وهي تتذكر سمر
ههههههههه..فول دامس في الليل المدمس ههههه
احكمت الغطاء على صحن الفول ..ووضعته في الثلاجه
واخرجت خياره وطماطه..قطعتها شرايح رقيقه
ورشه فوقهم ملح وليمون.. حمدت ربها وبعد ان غسلت الصحن والشوكه والسكين
بدلت ملابسها ..توضأت ..اوترت..قرأت وردها اليومي..وجهزت ملابسها للدوام غدا
تقلبت على سريرها..ونامت بعدان لفت طرف اللحاف حول اصبعيهاوقربته من انفهاا
هذا هو روتينها اليومي..ويمكن يطراء عليه بعض التعديل
اذا جاءت ام الخير لزيارتهم
«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-
احبته سعاد ، بجنون.تتوق لحبه.وتشتاااق لعنااقه الدافئ
كانت مصيبتها العظمى..حين ادرك حجم حبها المجنون
أذاقها مرارة حبه وتفنن في إذائها..تماادى في الصد والهجر..وكأنه ينتقم منها لانها احبته
خرج من المسجد بعد اداء الصلاة
ابتعد عن الجميع...ووقف في الزاويه البعيده.اخرج سيجااره
اشعلها قبل ان تلااامس شفتيه
سمع صوت ضعيف يناادي بأسمه خاالد..خااااالد..تعال ابيك
رمى السيجاره على الارض وداس عليها بحذائه ..اقترب من مسعود وقبل رأسه
خالد سم ..ياعمي ..تآمر بشي
ابو سعد سم الله عدوك..ابيك تجي معاي البيت
ارتجف قلبه وهو يفكر بالمولوده .عندما اخرجها من مستشفى الولااده
كان لون بشرتها مصفر..ولكن طبيب الاطفال طمئنه..وهو يوقع على ورقه الخروج
خالد عسى البنت ما جاها شي؟؟
ابو سعد بنتك بخير ..تعال البيت وبتعرف بشنو ابيك
والتزم الصمت..حتى فتح باب بيته ..وناادى
ابو سعد ياااااا ولد ..درب..خالد يبي يدخل يشوف عياله
«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-
في نفس الوقت..ولكن في شقه راقيه..مطله على البحر
عاد من الخارج.. حاول ان يسترخي..تمدد امام شاشه التلفاز
الاخبار..وترت اعصاابه اكثر....زلازل وكوارث طبيعيه
تنقل من قناة للاخرى.. اخيراً استقر على قناة روتانا سينما
تعرض فلم ..البطله الشابه...فيها شبه كبير من؟؟؟
وبحركه لااا إراديه تقدم من الشاشه..رفع يده ومرر اصابعه على وجه الممثله
احبها بصمت..واحترمها بصدق..تمناهاا بقربه
منعه اعتزازه بنفسه..وطموحه
واكتفى بالشوق من اجل الحب
حاول ان ينشغل بغيرها..ولم يستطع نسيانها
فأحتفظ بصورتها الجميله في ذاكرتهاخرج سي دي ...يحتفظ به ليجدد الذكريات..وصار يردد مع عبادي الجوهر
قالوا ترى مالك امل في قربها لو يوم
ابعد وجنّب دربها .. هذا هو المقسوم
قلت اتركوني واسكتوا .. خلو العتب واللوم
قدني غرقت في بحرها .. ولاعاد يفيد العوم
قالوا ترى في حبها ويل .. وأسى .. و هموم
قلت ان قتلني حبها .. حسبي تقول مرحوم
قالوا انسى ذكرها .. منتب بها ملزوم
قلت ابشروا ياعذلين .. بنسى لذيذ النوم
قالوا بتلقى غيرها .. واترك هواها اليوم
قلت العفو ياحسدين .. ما ابدل قمر بنجوم
قالوا لغيرك حبها .. قلت الجواب مفهوم
دام انها متهنيه .. وشلون اصير محروم
بقضي الليالي انتظر .. صابر على المقسوم
متعلق بطرف الأمل .. يمكن يجيني نوم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك