رواية سر الشوق - 2
قالوا ترى في حبها ويل .. وأسى .. و هموم
قلت ان قتلني حبها .. حسبي تقول مرحوم
قالوا انسى ذكرها .. منتب بها ملزوم
قلت ابشروا ياعذلين .. بنسى لذيذ النوم
قالوا بتلقى غيرها .. واترك هواها اليوم
قلت العفو ياحسدين .. ما ابدل قمر بنجوم
قالوا لغيرك حبها .. قلت الجواب مفهوم
دام انها متهنيه .. وشلون اصير محروم
بقضي الليالي انتظر .. صابر على المقسوم
متعلق بطرف الأمل .. يمكن يجيني نوم
رنين هاتفه المتواصل ..اجبره على ترك الذكريات والرجوع للواقع
رد بعد ان لمح اسم المتصل جنان..ليش متصله بهالوقت المتأخر؟؟ معن فيه شي
ردت بصوت ناعم..تحاول التأثير على مشاعره عادل ..حبيبي..حتى ماا في شلونك
لو مجامله..لزوجتك وام ابنك
عادل بحده يعني وش المطلوب مني الحين
اهلي وارحب فيك..وانا مو طايق اسمع صوتك
احست جنان بخيبه امل..هذه المحاوله الاخيره طيب ..ممكن تغير اسلوبك معي
منشان نقدر نتفاهم..الموضوع يخص معن
عادل اخلصي..وش تبين..فلوس ماافي الا اخر الشهر
جنان يا قلبي.. وحشتني عصبيتك..الحكايه
انو بابا وقع عقد جديد مع شركه للمعدات الطبيه في الامارات
عادل وش دخلك ابوك بالسالفه
جنان ببرود مصطنع ياااربي..كيف وش دخله.. بابا لو راح الامارات حيستقر هناك
وانا ومعن ما نقدر نعيش هنا بدون رجال ..بابا مو راضي يخلينا لحالنا
والله بخجل اطلب منك هالطلب ..لكني مجبره
منشان معن ياعادل..خلينا نرجع لبعض
«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-
.في نفس الحي الراقي الذي يسكنه عادل
يحتل قصر الشيخ منصور الـ سالم..مساحه شاسعه من الحي
قبل اكثر من ثلاثين سنه..كان القصر يطل على البحر مبااشرة
وبعد عمليات الردم..اصبح يبعد عن البحر اكثر من عشرين كيلو
في ملحق القصر..بشير يقف امام ام الخير منيره ..خذيتي ابرة السكر
ام الخير خذيتها فديتك..تعشيت؟؟
يجلس بشير على طرف السرير تعشيت مع الحارس مجاهد..سمعتي الاخبار
منيره تعتدل بجلستها لتقابل بشير اي اخبار..انا اليوم مااا دخلت القصر
شفت عمال اجانب داخلين وطالعين .. يلست مكاني ..بس قلبي ياكلني
بشير هذا العم سالم..يبي يفتح الجناح الشرقي..ويرممه
ظهرت على وجهه ام الخير علامات الحزن و الكره ليش يفتحه ويرممه ..يعني ضاق عليه القصر بكبره
جعل ربي ..يفتح قبره..ويندفن مع حيه .. تكسر عظيماته ..الظالم ..الي مايخاف ربه
وكملت وهي تمسح دموعها بطرف شيلتها..الله على الظالم..ربك يمهل ولا يهمل
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
تكملة آلروآيه
^
^
^
^
سـر الـشـوق ؛؛؛3
«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-
ادرك خالد جنون سعاد بحبه فبادلها المشاعر..و بعد فتره قصيره من الزواج..ادرك
ايضاً انها تغار عليه بجنون..غيرة مرضيه..قاتله ..دمرت كل اللوان الحب
وأثرت عليه بشكل سلبي..حاول ان يتحرر من قيودها ..فتمادى بالسهر.. والصد والهجر...وتفنن في إذائها عندما تحاصره
وتحاسبه على كل صغيره وكبيره
عندما كانت سعاد في شهرها السادس.. خرج خالد للعمل ونسى جهازه النقال
في المنزل.. رن الجهاز ..فنظرت سعاد لاسم المتصل لتجده..إيمان
في نفس الوقت دخل خالد يبحث عن جهازه
سعاد منو ايمان الي تدق عليك من صبح الله
خالد ايمان!! هذا زميل جديد في نفس القسم
سعاد وااضح..و ش معنى مااا دق الا في وقت متأكد انك بتكون مو بلبيت
خالد سعاااد..الرجال جديد بالقسم..واكيد يبي يستفسر عن شي ضروري
سعاد طيب تبيني اصدقك..دق على نفس الرقم وحطه على السبيكر
خالد لااااا ..انتي مووو معقوله..!!الغيره دمرتج..وعطاها ظهره..مع السلامه
سعاد خالد... ليش خايف.. ما فيها شي لو كلمت ايمان وخليتني اسمع صوته
خالد هذا اتهام جديد ياحضرت المحقق!! كااافي إهانات يابنت الناس
بدأت الدموع تتجمع بعيونها لو ماخليتني اسمع صوت ايمان ..ماني قاعدة في بيتك ولا دقيقه
فقد خالد اعصابه وزاد النار حطب إيمان هذي وحده حلوه .تحبني وتبيني اتزوجها ..ارتحتي الحين
وصفق الباب وراه وهو طالع..وسعاد طلعت وراه لبيت ابوها
وارسلت رساله لخالد..تطلب منه مهله للتفكير اما ترجع له ..ويكون بشروطها او يطلقها
ومن هذاك اليوم خالد ما حاول يتصل او يسأل عنها..وسعاد نفس الشي
ابو سعد ياااااا ولد ..درب..خالد يبي يدخل يشوف عياله
قبل ان يتوجه خالد للغرفه التي فيها سعاد
استوقفه ابو سعد يذكره خالد..لي سلمت على عيالك.. تعالي المجلس..ابيك بسالفه
دخل خالد للغرفة..وهو متلهف للصغيره
خالد وين بنتي؟؟
ام سعد بسم الله علينا....سلم يا مسود الويه.. داخل على يهود انت؟؟
خجل خالد من تصرفه البعيد عن كل معاني اللباقه والاحترام السلام عليكم..
محشومه يمه حقج علي ..وانحنى يقبل رأسها
ام سعد بنتك بحضن امها..شنو بناكلها احنا
استغرب من لهجة ام سعد.. يمه مرزوقه.. عسى ماجاكم مني قصور
ام سعد والله ها السؤال توجهه حق حرمتك؟؟
ام سعد،، حاسه بمعاناة ابنتها..مع ان سعادما شكت او بكت حالها امام احد..حاولت ام سعد
التدخل اكثر من مرة..لكن سعاد ترفض اي تدخل في حياتها مع خالد
خالد..تقدم خطوتين ..حتى اصبح قريب جداً من سعاد..وانحى يقبل صغيرته
سعاد ..رغم الالم ..شوقها لخالد دفعها لتمسك يد ه
سعاد شنو بتسمي البنت
خالد تجاهل سعاد تماماً
رفع ابنته..بكل حذر وكأنه يحمل شي ثمين ..وسريع العطب
خالد يا دلبي.. قبل انفها بنعومه..ثم عينيها
وضعها في مهدها..واعتدل واقف...يمه تبين شي قبل ماا طلع
ام سعد وهي تنقل بصرها بين سعاد ..وخالد ماتبون تعلموني وش صاير بينكم
خالد مابينا شي..لكني مستعجل..ابو سعد ينتظرني بالمجلس
وبكره وراي استخرج شهاده ميلاد مؤقته حق إيمان
ورفع عينه بعين سعاد..تراني سميت بنتي إيمان
وقبل ان يسمع اعتراض سعاد ..خرج
سعاد ..احترق قلبها ..وانقطع نفسهاااا
خالد..داس على قلبها..واهانها
قتل المشاعر الجميله التى كانت تكنها له
وانهمر دمعها مثل النهر المتدفق..وهي تقول..يمه ..خلاااص ما اقدر استحمل
خله يجي يأخذ بنته ..ويطلقني
اسرع خالد بالدخول للمجلس وتوجه حيث يجلس ابو سعد السلام عليكم..اخبارك جدو
ابو سعد ههههههه ..كبرتونناا يااابوك ..واحنا تونااا شباب
خالد شبااب وقلبك خضر
رن جهازه النقال..خالد هلااا يمه
ام خالد هلاا بك حبيبي..انت وين
خالد انا الحين عند ام العيال..شوي واجيكم
ام خالد والله كبرت ياااخويلد وصرت ابو.. زيييين ..تعشيت ..ولا بننتظرك على العشا
خالد لااااا..تعشووو انتو..انا بدبر عمري بأي شي
ام خالد فديتك يالغالي.. خلااص بعشي اخوانك..وانا بنتظرك..لاا تتأخر
خالد براحتج..بس اهم شي الوالد..لا تخلينه يناام بدون عشااا
ام خالد هههههه..لاااا توصي حريص..افاا عليك هو اول واحد عشيته..ونومته من بدري
خالد والله طلعتي مووب سهلة يأم خالد.. شووووي واكون عندج..مع السلاامه
ام خالد في حفظ الله..سلم على الي عندك
خالد يوصل...واغلق جهازه ووضعه في جيبه
خالد امي توصلك السلااام
ابو سعد الله يسلمهاا . شكلهم ينتظرونك تتعشا وياهم. مابي اعطلك
وبدخل بالموضوع على طول
احساسه يقول ان للموضوع صلة بعلاااقتهالمتدهوره مع سعاد..اسند خالد ظهره واستعد للمواجهه
ابو سعد سعااد وانا ابوك..شكلها موب مرتاحه بالعيشه ..تراها مااشكت ولا تكلمت
لكن احساسنا فيها .. البنت من تزوجتك..وحاالها في الناازل
كنا نقول يمكن تأخر الحمل هو السبب..لكنها حملت وولدت ..بس مااتغير حاالها
ابو سعد صلح من جلسته وحنى ظهره للامام ترى لووو القصور منها..ابد لااايردك الا لسانك
لاتستحي وانا الي بربيها لك
خالد وهو يضع يده اليمين على صدره لااا والله مااقط حصل منها قصوور..اشهد انها قاايمه بحقي وزيااده
لكن مشكلتها ..الغيره الزايده..منغصه علينا عيشتناا
ابو سعد..تنهد بارتياح..الحمد لله ان مااابينكم شي جاايد
والغير ه ياابوك ..زي مااسمعت ..انها دليل على الحب..المفروض انك تستانس
انها تحبك وتغااار عليك..موب تخليها عندنا اكثر من ثلاثه شهور ولا تسأل عنها
حتى يوم ولدت مااا كلفت على عمرك وقلت لها حمد لله على السلامه
خالد موو مني..هي الي طاالبه فتره تراجع فيها قرارها بطلب الطلااق
تفاجأ ابو سعد بكلام خالد وشوووو ..طلاااق ..لاا ياابوك الطلااق ابغض الحلال
و الحين بيكم بنت..خذها على قد عقلها..وحاول تستحملها
هذول الحريم ناقصات عقل ودين..خلها عندنا لين تخلص نفاسهاا
وبعدين تعال خذهاا قصباً عنهاا
خالد ماا قصرت ..والله يخليك ذخر لناا..ياليت تعقل سعاد وتخليها تصرف نظر عن الطلااق
ابو سعد وهو يربت على كتف خالد..ان شاءالله..مايصير خاطرك الا طيب..اخرت
عن اهلك وعورت راسك بهذرتي
قبل خالد رأس ابو سعد بالعكس انا كان ودي ان احد منكم يتدخل من زمان
وقبل ان يخرج سأل وش تحب نسمي حفيدتك؟؟
ابو سعد انت ابوهااا سمها زي ماتحب
خالد بسميهاا ..مي..شرايك
ابو سعد على راحتك..مي ..مي..ماا عندنا مانع
«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-
عادل..تعرف على جنان عن طريق والدها مورد للمعدات الطبيه الى نفس المستشفي التي يطبق فيها
سنه الامتياز..كانت جميله..منطلقه ..مرحه..تقرب منها ..فلم تصده..تزوجها ليشبع رغبااته
بعد خمسة أشهر اكتشف عادل ..الخيانه..وعرف انه لم يحسن الاختيار
فكان الطلاق..وجنان حامل في الشهر الرابع
جنان منشان معن ياعادل ..خلينا نرجع لبعض
عادل مستحيل.. ارجعك..وانتي الخيانه تجري بدمك..
ومعن اصلاًانا مو راضي يتربى في بيئه موبؤه..مثل بيئتكم
جنان شوو ..عدوله..ازا كلامي ومزحي مع ابن خالتو..بتعتبرها خيانه..فأنت انسان متخلف
وازا بيئتنا مو عا جبتك..ليه حفيت منشان توصل لمستواها
خلك وائعي يا دك..واترك حركات المراهئين
عادل الكلام الي قلتيه لولد خالتك..ماتقوله الحرمه الالزوجها...والحركه الي تسمينها مزحه
ماتصدر الا من ــــــ
جنان بعصبيه احترم حالك..لو بابا عرف انك بتحكي هيك عني ما بيخليك تستفيد معوو
عادل والله والابووو..ترى الخيانه والغدر من صفاتكم
جنان بخبث واضح والي بتعملوو شو بتسميه...لما الواحد..بيكون متزوج وبيفكر بوحدةتانيه..انا بسميه خيانه عاطفيه
مو هيك ياا دكتر؟؟
ارتبك عادل..كان متوقع ان مستحيل احد يحس بحبه الصامت لفرح
عادل المهم..انا بكره بمر عليكم واخذ معن..وانتي وابوك النصاب بلي مايحفظكم
اغلق جهازه ورماه بأهمال على الكنبه المقابله له
على الفور رن جهازه مرة اخرى... المتصل.. امي الحنونه
عادل يبتسم هلاا يمه..ماشاء الله عليج كل يوم بنفس الموعد
ام خالد هلااا حبيبي الدكتور عادل العلي..اخبارك يمه.. ان شاءالله بخير
عادل اخباري يمه جوعان وهلكان تعب
ام خالد بسم الله عليك يابعد طوايفي..تعال عندي..يمه بعشيك واحازيك..زي يوم كنت صغير
عادل هههههههههه..خلاااص من سمعت هالكلام راح التعب..الله لا يحرمنا منج
ام خالد عدول..لا تلعب علي..تعال تعشى بننتظرك
عادل الحين ماقدر..لكن بكره بكون عندكم من المغرب
ام خالد بتنام وانت بطنك فاضي؟؟
عادل بطلب من اي مطعم..واتعشى بس انتي لا تحاتين
ام خالد جعل امك وابوك والي تحبهم للجنه..وكل الي يكرهونك للنار..قوول آآمين
عادل هههه..آآمين
«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-
في قصر الشيخ منصور الـ سالم...اصوات الديجي الصاخب يهز جدران القصر
حفل مختلط..في الحديقه الواسعه وعشاء مفتوح حول البحيره الصناعيه
وتتناثر الهديا باحجام واشكال مختلفه..بمناسبة يوم ميلاد..الانسه نازك سالم الـ سالم
واستمر الحفل الى ساعات الصبح الاولى
تتوجه نازك للنوم متعبه من الرقص والضحك ..!!مع المدعوين من الجنسين
بينما تستيقظ اختها الصغرى .ناهد لتستقبل يوم جديد
وفي ملحق القصر المخصص للسائق بشير وزوجته منيره
رجع بشير من صلاة الفجر..وجد ام الخير لاتزال على سجادتها ..تسبح وتدعو بحسن الخاتمه
خلع بشير ثوبه وتمدد على السرير.. قطعت ام الخير تسبيحها لتسأل بشير
ام الخير بتنام؟؟ ومن بيوصل البنات للمدرسه
بشير موب نايم بارتاح شوي واقوم..عندي اليوم مشوار لمطار البحرين
في عماله جديده وصلت لشركه الـسالم..ولازم اروح ااخلص اوراقهم واجيبهم
ام الخير الله يعطيك العافيه..كل الشغل على راسك
بشير قضينا عمرنا بالشغل والكد
واليوم الي بقعد فيه بدون شغل بيكون اخر يوم بحياتي
ام الخير بسم الله عليك..ان شاء عدوينك
بشير هههه المشكله ما عندي اعداء
ام الخير ا قول بشير..ليه ماتكلم صديق سالم..مادري وش اسمه..الي هويسمع كلامه ولا يردله طلب
كلمه عشان يخلي سالم يصرف نظر عن ترميم الجناح الشرقي
بشير ههههههه وبصفتي شنو اكلمه..نامي يأم الخير
ترى كثر التفكير موب زين عشانج
ام الخير وشلون يجيني نوم..وهاالسالم يبي يمحي اخر شي من ريحه المرحومين
كان ودي تجي راعية الحلال وتشوف مكان ابوها
وخواتها..اااااه يابشير..شكلي بموت وانا ماحققت وصية امها
بشير يابنت الحلال..ماكلف الله نفس الا وسعها
وانتي سويتي الي تقدرين عليه.. بروح اوصل البنات وارجع اوديج عند نوره
ماقدر اروح البحرين واخليج بروحج وانتي بها لحاله
وخذي ادويتج وابرة السكر..يمكن اتاخر وتنامين عندهم
بعد خروج بشير..فتحت ام الخير صندوقها المزخرف
واخرجت منه صندق اخر..لفته بجلال ووضعته بحقيبه متوسطة الحجم
ووضعت معه ادويتها.. وبعض الملابس
«-`¸`~*•.• ّ¤؛°`°؛¤ّ•.• ¦‡ سر الشوق ‡¦•.• ّ¤؛°`°؛¤ّ•.•*~`¸`-
استيقضت فرح..بنشاط وبعد ان رددت مثل المؤذن
واتبعته بالدعاء؛؛ اللهم رب هذه الدعوة التامة والصلاة القائمة آت محمداً الوسيلة
والفضيلة وابعثه اللهم مقاماً محموداً اللذي وعدته انك لا تخلف الميعاد؛؛
رفعت يديها متشابكه للاعلى ثم للامام وهي تقول اصبحنا واصبح الملك لله
وضعت فوطتها على كتفها وخرجت للاستحمام..وجدت فواز امامها
ووجهه يشع نور..وقطرات الما ء تتخلل لحيته البيضاء
فرح صبحك الله بالخير يبه
فواز صبحك الله بالخير والسرور..ماشاء الله وش هاالنشاط
فرح طالعه على ابوي حبيبي..وين نوير
فواز ناايمه ..عقب الفول الي البارح.. غط على قلبها
فرح بسم الله على قلبها..بتوضا واروح اصحيها
خرج فواز للمسجد..وتحممت فرح ولبس تنوره جنز طويله خاليه من الفتحات والزركشات
وبلوزه ورديه ..فيها اربع ازرار ناعمه من الاعلى..ونفس الازرار على الكم
وهي تجفف شعرها دخلت نوره يا جعلني ماخلى من هالصباح الزين..كيف اصبحتي يمه
فرح وهي تقبل رأس نوره اصبحنا برضا وسرور من رب العباد
نوره لاتخلين شعرج مفتوح...ولا تنسين تحصنين نفسج قبل ما تطلعين
فرح حاافظه الدرس تبيني اسمعه لج..دعاء الخروج..و
دعاء الركوب..دعاء الدخول..امممم اكمل
نوره وهي تقرص خد فرح 22 سنه وانا حاطتج بعيوني ..مابي يضرج شي
هاذي الادعيه هي حصن المسلم بأذن الله و..؟؟
قاطعتها فرح يمه ليش دايم تنقصين من عمري سنتين..وين حاذفتهم
التفتت نوره لتخفي تعابير وجهه عن فرح تعرفين كبرت وقمت اقط خيط وخيط
وبعدين كل الحريم يفرحون لواحد نقص من عمرهم
فرح اكملت لبس وافطرت مع فواز
واتصلت على سمر تشوفها صحت وجهزت ولا لااا
سمر صااحيه ..ولاابسه عبايتي..اطلع الحين ولا بعد شوي
فرح شوووي..لين ابوي يتقهوى ..واذا طلعنا بدق عليج دقه..ويا ويلج لو رديتي ترى رصيدي مافيه الا ريالين
طلعي وانتي سااااكته..مع السلاامه
في السياره..وصل لفرح رساله نصيه ..فتحتها وقرأتها بصوت مرتفع
يآ حُبي الاول والاخييـر يآ { عطر الصبىـ
قلبي بذكرآك .., والله مآ نسىـ
وإن نسيتك مآ يطآوعني [ النسىـ !]
ولو قطعت الوصل ., يقتلني ., الأسىـ
الغلآ بالقلــب .. [فرح ] بأوتآده رسىـ
عسآك بألف خيـر يآ بعد عمري ,. عسـىـ
فرح يبه هاذا من نفس الرقم الي من زمان
سمر لا بعد عارف اسمج.. حاطه بين قوسين الوقح
عطوني الرقم وانا اخلي خالد يطلع منهو باسمه
فواز مانبي نعرف منهو اليوم ان شاءالله..بطلع لج رقم جديد
سمر عم فواز ..لو سمحت لا تسكت عنه .. ترى بيأذي بنات غير فرح
يمكن بنات عوايل ينساقون ورى كلامه الحلو ويضرهم
انا اقول عطو خالد رقمه وهو يتصرف معه
فواز عطيها الرقم يافرح...الله يوفقج .. ياليت كل البنات يفكرون مثلج
سمر سجلت الرقم بأسم ..مزعج فرح
وعند مبنى مدارس الـ سالم ..نزلو ا جميعاً
المبنى فخم ومصمم بطريقه عصريه..اربع اقسام منفصله..بباب خارجي واحد
قسم رياض الاطفال..قسم الابتدائي..قسم متوسط..وقسم لذوي الاحتياجات الخاصه
فتح فواز البوابه الرئيسيه..ثم دخل ليفتح الابواب للاقسام الداخليه
وصلن العاملات بعد فواز مباشرة..ودخلن بعده لفتح الانوار و ترتيب الفصول
في اخر حصه ..دخلت فرح على الصف الاول..انتظار
اقتربت ناهد و على وجهها الصغير علامات الاحراج ابله فرح ..ممكن اسألك سؤال
فرح مسكت يدها وقربتها منها نعم ممكن ..تفضلي حبيبتي
عين ناهد تدورفي وجوه جميع الطالبات صحيح العم فواز الحارس..يقرب لج
فرح باين عليج ذكيه ..انا اسمي فرح فواز..يعني الحارس فواز ابوي..وانا احبه
وافتخر فيه عشان كذا رضيت اشتغل في المدرسه الي ابوي يشتغل فيها
اندهشت ناهد من جواب فرح..وتشجعت لتلقي بسؤالها الثاني
ناهد بس انتي غييييير..؟؟
فرح .. لا يظهر على ملامحها اي انفعال.. كنا نشبه بعض
بس هو كبر وطلع له شنب ولحيه بيضا..وصار غيييير
ناهد ههههههه..يعني لو كبرتي ..بتصيرين مثله
فرح امممم..من كثر مااحبه..يمكن اصير اشبهه
ماشاء الله عليج ياناهد .. اسئلتج تدل على انج قوية الملاحظه
بس لا عاد تسئلين اسئله الا اذا كانت اجابتها بتفيدج
هزت ناهد راسها بالموافقه..ورجعت لـ زميلاتها..تخبرهم عن سر اختلاف ابله فرح
عند نهايه الدوام..وجدت فرح ناهد تبكي ومغطيه وجهها بكفها الصغير
قربت منها وبعدت يدها عن وجهها نااااهد .. ليه تبكين..وليه مارحتي البيت
قفزت ناهد في حظن فرح وتمسكت بعبايتها ابله ..تكفين كلمي ماامي تجي تااخذني
ماابي اروح مع جوان
فرح اول فهميني ..انتي ليه مارحتي البيت للحين
رغد سواقنا بشير مو موجود.. وجا بداله جووااان قليل الادب
انا مااحب اروح معاه بدون نازك
فرح و ين نازك اليوم
ناهد غايبه
فرح وانتي ليه ماتحبين تروحين مع جوووان
ناهد لانه قليل الادب..دايم يقول يالله نسوي زواج
صعقت فرح واهتزت الارض بهاا لاا زم تعلمين ما ما وبابا
ناهد علمت مامي..وما سوت شي..لكن نازك تهاوشت معه وهددته بالشرطه
هوو يخاف من ناازك..لانها قويه وتلعب تكوندوو
فرح وبابا..؟؟
ناهد بابا ..مشغول ..ماشفته من زمان
فرح فكرت قليلاً تعالي نوصلج ويانا...مستحيل اخليج تروحين مع السواق بعد الي سمعته
ناهد ابله فرح..انتي شنو بتستفيدين من الاسئله ذي كلها
حضنت فرح ناهد .. وحست بشعور غريب يجتااحها..احست انها مسؤوله عن ناهد
وبشووق لمساعدتها..عندهاا سقطت دموووع فرح..الي من فتره طويله مااا نزلت
الااااا من خشية الله
\~
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
لا احلل مسح اسمي من على الرواية ..
تجميعي : ♫ معزوفة حنين ♫..
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
سر الشوق؛؛؛4
™`•.¸¸.•¤¦¤`••._.• ][سـر الشـوق][ `•.¸¸.•¤¦¤`••._.•`™
انشغال الام عن ابنائها..واطباعها الحاده.والعنف
وكثرة الانتقادت..تحول دون تكوين علاقه سويه بين الام وابنائها
استيقظت ام علوي<عتيقه> الساعه الواحده بعد الظهر ..وهي تشعر بصداع قوووي
جلست على طرف السرير وهي تضغط بيديها الاثنتين على رأسها
نادت بصوت ضعيف بنااات..بنااااااااات..وحدة منكم تجيب لي مسكن
وعندما لم يجبها احد..رجعت تنادي بصوت اقوى بناااااات.نيران..ياجعل ماكو نيران
على كثرهم..مامنهم فايده..اكيد خااامدات عقب سهرة البارح على الافلام الماااصخه
تحركت بصعوبه.. تجر رجليها الى غرفة بناتها
لم تستغرب من المنظر الي قدامها..التلفزيون ..على قناة ام بي سي تو
والبنات .. نااايمات باهمال ..والفوضى تعم الغرفه
عتيقه وهي تحرك برجلها نيران النايمه على فرشه على الارض مقابل الشاشه نيراااانووو
وصمخ قطاوه..قووومي ويهد يهد حيلج
نيران(25)سنه اووووه..خير شتبين ..حرام عليج
عتيقه تنحني وتسحب نيران من شعرها حرمت عليج عيشتج..قومي يبي لي مسكن
لاااا ادوس بطنج..وجلست على كرسي التسريحه
نيران تحركت للمطبخ بخطوات بطيئه..فصرخت عتيقه ..تحركي ..بسرعه
رجعت نيران ..وعطت امها حبتين مسكن
عتيقه اسمج نيران ..لاكنج .. ثلجه...بااارده..ماااعندج احسااس
نيران بهدووء بديناااا ..الاسطوانه المشروخه
عتيقه نعنبوو دارج..كل هاا الحووسه قدامج..وما تشيلين شي ..اوتنظفين ورى خواتج
على الاقل علميهم..موب تشجعينهم على السهر واالكسل
نيران والله انتي امهم وانتي الي ملزومه تعلمينهم
عتيقه ااااااه ياراسي....بروح المستوصف اشيك على الضغط
وماابي ارجع الا والغدااا جاااهز..من عليها المطبخ اليوم؟؟
نيران على روان
روان.23 سنه. وهي مااتزال مغمضه عيونها مووب انتي وعدتيني.. اذا جبت لكم من الحلا الي
خاشته عتيقه..تاخذين دوري في المطبخ
عتيقه فتحت عيونها على كبرهااا كلتوووو الحلا الي كنت خااشته..شلوون عرفتو مكاانه؟؟
روان الجاازي ..علمتنااا
نيران ليش خااااشته...ناااكله احسن ..ولا يخرب ويعفن وترمينه
عتيقه عشاان عااارفتكم هوووام..اي شي قدامكم بتاااكلونه
كنت باخذه معااي عند نوره..واقول للحريم ان بناتي الي مسووينه
رواان هههههههه ...خلاص بنسويلج واحد ثاااني ههههه
عتيقه فقدت اعصااابها ياااابنااات الـ ـــــ تعرفون الحلاا الي طفحتوووه كم سعره
وفسخت نعااالها..وانتو بكرامه..وهجمت على بناتهااا.. وطااحت ضرب فيهم
وحتى الناايمات ..سحبت اللحاف عنهم ..و ضربتهم
عتيقه تذكرت شي مهم ..بيااان ..ورزااان..ليش مااارحتو المدرسه اليوووم
بيان..20 سنه..رزان..19 سنه
بياان راحت علينااا نووومه
عتيقه راحت روحكم انتو الثنتين..مووب كااافي انكم ماخذين السنه بسنتين
عتيقه..رجعت تضرب بيان ورازان ..وبعد مااا بردت حرتهاا
تذكرت شي ثاااني اهم ايمااانو ..وينهااا
سكتووو ..كلهم.. ومحد جااوب عليهااا
عتيقه انااا اعرف وينهااا..بنت ألــ ـــــ..والله مااا فوتهاا لها
عتيقه توجهت للمجلس تتسحب..وفتحت البااب فجئه ..ودخلت على ايماان ..سحبت سمااعة التلفوون منهااا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك