رواية من أعماق أحضان مجنونة -36
مشاري شفيه جراح؟
بشاير بتعب تعبان.....ضايق...حالته صعبة؟
مشاري ...........
بشاير بتنهيدة وضعه صعب وسالفته معقدة...المشكلة اني الوحيدة اللي ادري....وماني عارفة شسوي معه....
مشاري ............
بشاير تعرف شلون انك توقف حياتك على امل مامنه فايدة ولاراح يكون بيوم من الايام من نصيبك؟واذا فكرت بيكون العالم كله واقف ضدك لكل الاسباب؟
مشاري رغم اني مافهمت عليك بس مبين ان السالفة عويصة...
تنهدت بشاير وهي تذكر شكل جراح اليوم...
مشاري بهمس لو انا جنبك ماضميتك اللحين وخففت عنك تعبك؟
تنهدت بقوة وقالت بحزن شسويت مع مريم؟
مشاري بلامبالاة كنت حاط في بالي اسوي واسوي واسوي واقول...بس غيرتي رايي...
تركت السالفة مثل ماهي؟
بشاير شلون يعني؟
مشاري بتنهيدة يعني لارحت ولااتصلت ولا لي نية بعد...
احبك...
قالتها بلامقدمات ولا أي تمهيد...
حتى هي نفسها استغربت كيف طلعت منها ها الكلمة....
تنهد وقال بلهفة وانا اكثر....
ظل الصمت بينهم لثواني...
بعدها قال برجاء ممكن تعيدنها...
بشاير بهمس تتعب ها الكلمة يامشاري...
مشاري بهمس علشاني......
بشاير بنفس الهمس احبك....احبك...احبك...وبظل احبك لااخر نفس فيني...
تنهد بعمق وقال ليه احنا بعيدين يابشاير ليه؟
هي اللي تنهدت ها المرة وقالت بزعل هذا قدرنا يامشاري....
مشاري اذا.....تركنا انا ومريم ..وجيت اخطبك...
قاطعته بسرعة مشاري لاتجيب ها السالفة انا مااحبها....تحسسني بايام سودة راح تجي للعيلة من وراها...
تنهد وماعلق بشي.....
يوم تمللوا من طلعته دقوا الباب علشان يطلع لهم ولانه بالصالة قام هو وفتح الباب...
تبسم يوم شاف فطوم...
فاطمة بفرح شفتوا انه هنا....
طلع راسه ولقى عايشة وشيخة واقفين وهم ياءشرون له....
طلع لهم وسلم عليهم واخذوا بعض بالاحضان...
فاطمة بانفعال يفكروني اكذب عليهم وانك مو هنا؟
غسان لا فطوم ماتكذب اذا قالت لكم انا هنا يعني انا هنا...
شيخة تعبنا واحنا ننتظر وقلنا اكيد انها مشبهة عليك...
فاطمة قلت لكم كان جالس معي الصباح وسولفنا مع بعض بس ماصدقتوني....
مطلق كان قبالهم منسدح بخيمة جراح اللي صارت مستوطن له طول ماهو هنا علشان يكون قريب من قسم الحبيبة...
شيخة انت ليه ماتجي دايم؟
غسان علشان انا ادرس برى....
عايشة ادرس هنا...
غسان مايصير جامعتي هناك؟
عايشة طيب روح وتعال كل يوم وين المشكلة؟
غسان قام يصافر مشوار الكويت كل يوم ثلاث ساعات اروح وثلاث ساعات ارد....
فاطمة عادي...
غسان لامو بعادي...
شيخة احنا بالعيد اذا رحنا ولا اذا تمشينا هناك نروح الصباح ونرجع اخر الليل اذا مابيتنا هناك؟
غسان أي التعب مو عليكم على اللي يسوق؟
فاطمة خلاص نحط لك سواق يوديك ويجيبك كل يوم شرايك؟
عايشة انا بقول لاابوي يدفع عنك.....
مطلق رسل مسج لدارين(تعالي طلعي كاهو اخوك مع البنات خليني اشوفك)
غسان وليه ابوك اللي يدفع عني عاد؟
شيخة علشان نشوفك كل يوم...
غسان أي بس انتوا تجون هنا بس خميس وجمعة؟
فاطمة اليوم ماهو خميس ولاهو جمعة اليوم الاثنين واحنا هنا...شوف يعني انت غلطان؟
غسان انا اللي اعرفه انكم هنا خميس وجمعة؟
شيخة اذا بتكون هنا كل يوم بنجي....ولابنقعد هنا علطول؟
طلعت دارين بها اللحظات وهي عيونها بعيون مطلق اللي اعتدل بقعدته يوم شافها وابتسمت له..
جلست جنب غسان اللي كانوا ثلاثهم حوله....ودزت مسج لمطلق(خليك مرتاح لايهمك)
لف لها غسان وقال بمرح ها...اخبار موبايلي مادزوا لك رسالة؟
دارين مامسكت نفسها وقامت تضحك بقوة لابلى دزوا يوم تطلع ماتشوفني جيت لعندك...
فاطمة باعتراض مافي تضحكين معه؟
غسان اقول انتي ياقزم...اذا طولتي بعدين تعالي طولي لسانك على اختي حبيبة قلبي اللحين طول منتي بها الطول لاتتكلمين بكلمة؟
ضحكوا عليها التؤام وقالت بزعل وهي متفشلة انت ماتحبني صح؟
غسان والله عاد يبيلي افكر...
وصلها منه مسج(فديت الضحكة الحلوة انا..عساني منحرم منها)
دارين نزلت جوالها وقالت لهم بس كذا سوالفكم ماعندكم شي ثاني...
شيخة وقفت وصارت قباله وقالت غسان بغني لك...
غسان غني ياقلبي انا اسمعك...
شيخة حطت يدها على انها مايك وقامت تلعلع ع بالي حبيبي....ع بالي ياغالي..
اخطفك مارجعك....
ليلة الا بلبس لك الابيض....صير ملكك والسما تشهد....
التقوا نظرات مطلق ودارين بها اللحظة وغسان فطس ضحك عليها...
عايشة خلاص دوري....
شيخة باعتراض ماغنيتها كلها....
دارين وهي تضحك كل شوي وحدة....اي انتي شعندك؟
شيخة وقفت المكان اللي وقفت فيه عايشة قبل شوي اللي ردت قعدت بحضن غسان عمرك سمعت بطير ويحب سجانه...من شافك انت نسى وش تعني جنحانه...
انا تراني طيرك اللي يحبك موت..لوحب قلبي غيرك بدعي عليه يموت...
ها شرايك فيني؟
غسان الله..صوتك حلو...
جت لعنده وقعدت هي بحضنه بعد...
فاطمة يالله دوري انا؟
غسان ماابي اسمع شي خلاص؟
ضحكوا عليها ثنتينهم وزعلت هي وقالت بانفعال وهي شوي وتبكي انا صوتي حلو ليش ماتبي تسمعه؟
غسان لان بتغنين شي بايخ اكيد؟
شيخة بتاءييد اكيد بتغني لك حق طيور الجنة ...انا البندورة الحمرة ...مزروعة بين الخضرة...
عايشة وهي تضحك ولابتغني لك....عصوم وليد مرة راحوا ع بيت الجيران...
ضحكوا ثنتينهم وغسان معهم ودارين تراقب انفعالات فطوم اللي شوي وتنفجر....
شيخة غسان تزوجني!!
غسان اتزوجك مرة وحدة؟
عايشة انا بعد تزوجني؟
غسان حتى انتي!!
هزوا ثنتينهم روؤسهم
غسان خلاص ماعليه.....
فاطمة جت بترمي نفسها بحضنه وقالت بدلع انا بعد تزوجني!!
غسان لا انتي مو شطورة ماابيك؟
خلاص وصل الانفجار عند فاطمة لااقصى حالاته وقامت تبكي بصوت عالي خلت غسان ودارين يناظرون في بعض...
قالت بقهر وهي تبكي انت ماتحبني....تحبهم بس هم...بتتزوجهم بس هم وبيصيرون عروسات الا انا؟؟؟
دارين قومي ياماما عيب مايبكون كذا البنات الحلوين...
فاطمة بصراخ مو قايمة شوفي هو مايحبني؟
عايشة انتي كله تبكين؟
دارين طيب تعالي بوسيني وبخليه يتزوجك؟
قامت فاطمة وهي عيونها مغرقة بالدموع وباست دارين اللي قامت تمسح على شعرها وهي تتاْملها...
دارين غسان حرام عليك...شوفها شحليلها تجنن وانت ماتبيها ليه كذا عاد؟
غسان شسوي يعني؟
دارين وهي تضحك وتحط فاطمة على صدر غسان مع خواتها تزوجها هي بعد!!!
غسان تعالي وين رايحة؟
ابو مطلق شسالفة ولدك؟
ام مطلق أي ولد؟
ابو مطلق مطلق..
ام مطلق شفيه فديته...
ابو مطلق ماتلاحظين ان قعداته بالبيت زادت وطلعاته قلت؟
ام مطلق أي...اصلا حتى بناته صار يجيبهم اكثر....
ابو مطلق تتوقعين يتركهم هنا علطول...
ام مطلق الله يسمع منك.....بشاير تقول يمه لاتكلمينه خل نشوف وش بيقرر هو...يوم من نفسه صار ياخذهم ويجيبهم اكثر من الاول اتركيه وبنشوف وش يسوي...
ابو مطلق بارتياح الله كريم....الله يهداه ان شاءالله....
ام مطلق بزفرة انا اللي شاغل بالي ذاك؟
ابو مطلق جراح...
ام مطلق بتمتمة في غيره.....
ابو مطلق شفيه؟
ام مطلق ماتشوف حالته.....
ابو مطلق قلت لك قبل مو مزوجه ولاانا عارض عليه الموضوع ...اذا هو يبي بيجي يكلمني...ولدك مو قاصره شي...
حلال وخير وعنده....وش ينتظر يكمل نفسه يعني؟
مو عايد قصة مطلق من جديد؟
ام مطلق انا متاْزمة على علاقته بعمته ياابو مطلق؟
ابو مطلق اختي ام وليد؟
ام مطلق أي اختك.....من يشوفها تقول تنقلب عليه الدنيا لازم يرمي عليها لو على عيالها نغزة من هنا لو من هنا....
اليوم تفشلت ماعرفت شقول ..انربط لساني معها وهي تناظرني؟
تنهد ابو مطلق بدون أي تعليق.....
حال احمد ابدا ماكان حال عاقلين في شقته؟؟؟
كان يدور بالغرف ويطلع ويدخل ويدورها وكانهم يلعبون الغميضة وبس يقول لها تعبت بتطلع له؟
حتى دولاب ثيابها فتحه وطلع فستان فستان يشوفوهم ويشمهم ويردهم....
كل مايناظر صوب فراشهم يرد يصد بعيونه...
هذا المكان بالذات مايقدر يتصوره بدون ريم؟؟؟
راح للمرايا ووقف...
هذا عطرها.؟؟....هذا كريم اليدين.؟؟...هذا كحلها..؟؟..
هذا الروج االبرتقالي اللي احبه اذا حطته,,,؟؟
هذا صندوق اكسسواراتها؟
بهذا الدرج ايشارباتها موجودين؟
وبهذا الدرج مسكات الشعر حقها؟؟؟
هذا مكياجها....؟؟هنا بودرة الجسم...وهذا الزيت اللي اذا سوت لي مساج حطت لي منه؟
ياترى انتي بخير ياريم ....
تاكلين وتشربين وتنامين؟
تفكرين فيني؟
ثلاثة ايام وانا مو قادر ارتاح يالغالية....
انا حاط املي بعمي بو مشاري وابي يوفي بكلمته واسمع صوتك؟؟؟
ابي اتطمن عليك وارتاح.....
وينك؟
وين ممكن تكونين بها الوقت؟
مشتاقة لي...
مشتاقة لااحمد ياحب احمد....
انا مشتاق لك...مشتاق لسوالفنا مع بعض....لهمساتنا...لكل شي بينا....
الله يردك لي بالسلامة ويكتب اللي لنا فيه الخير؟
سمع صوت رنة المسج وقام بسرعة لجواله..
كان المسج من زينة(احمد انا اسفة لان ابوي عطاك كلمة وماوفى فيها بس والله يشهد انه للحين يكلم ابو ريم وماهو راد عليه...وكاهو بيكلم عمي ابو احمد...انت نام الليلة وتطمن بكرة اكيد بتسمع صوتها وهذا وعد مني لك.....تصبح على خير)
تنهد ورمى الجوال بعيد عنه ,,,,,,
مايدري يفكر بشنو بالضبط؟
بريم ولابزينة؟؟
كانت مكتفة يدينها وهي واقفة تشوفهم وتسمعهم وش يقولون...
كلهم نايمين بفراشها وهي انطردت منه....
كل وحدة جالسة توصف احلامها ومشاعرها من شافت غسان....
فاطمة باعتراض انا اللي قلت لكم عنه؟
عايشة واذا يعني؟
فاطمة بس...
شيخة انتي تبين بس تتدلعين؟ترى انا مااحب اللي دايم يقولون انا وانا؟
فاطمة بكرة بخليه يوديني الكورنيش؟
شيخة انا ابي اتغذى معه...
عايشة انا باخذ له هدية؟
شيخة حتى انا...
فاطمة حتى انا...
شيخة انتي شنو بتاخذين؟
عايشة مدري بساْل بابا مطلق وش يحب يعطونه هدية ...
شيخة ليش؟
عايشة لانه مثل بابا مطلق واكيد اللي يحبه بابا مطلق هو بعد يحبه؟
فاطمة انا بروح اخذ له باتشينو من باتشي وبجلس اكله معه؟
عايشة فطوم انتي ليه بتعطينا هدية بس تقلدينا؟
فاطمة مالكم شغل...وبعدين انا اللي قايلة لكم انه رجع؟
عايشة وانتي بتجلسين تعايرينا كل شوي؟
فاطمة لان انا اعرفكم تبون بس انتوا تتزوجونه وتلبسون ثوب عروسة ابيض كبير وانا ماتبوني؟
هالة منو؟
قالتها يوم اندق باب غرفتها ورفعت راسها تشوف منو...
غسان من عند الباب انا غسان...
هالة تفضل ادخل....
غسان وهو يطل براسه نمتي ولابتنامين؟
هالة وهي جالسة على فراشها ومافيها أي اثر للنوم لاهذا وذاك...تعال قول شعندك؟
دخل غسان وابتسم وهو يقول مبين علي ابي شي...
هالة تقدر تقول انا اعرفك....
جلس قبالها وهو متحير ليش جابته رجله لعندها...
هو اللي قومه من غرفته اصلا المسج اللي جاه من ناريمان(ظلمت علينا الكويت ونورت الشرقية بروحتك لهم...متمنين شوفتك بالقريب العاجل....الله يجيبك لنا باالسلامة)
هالة غسان...قول انا اسمعك؟
ابتسم بخجل وقال شنو اللي اقوله؟
هالة اللي جاي تسولف فيه؟
غسان مافي شي محدد...قلت اجي اشوفك اذا جالسة بندردش مع بعض شوي....
هالة وشفتني جالسة يالله دردش...
غسان امممم شخبارك...
هالة شوفة عينك لسه مامت؟
غسان بزعل هالة لاتقولين ها الحكي تكفين؟
ابتسمت له بمرارة وقالت انت مو جايني اخر الليل علشان تقولي ها الحكي ياغسان؟
غسان تنهد وقال يمكن انتي تعتبريني اصغر منك وماتبين تفضفضين لي بس انا بقولك...انتي ياهالة قدرك كبير وعالي ويضايقني اذا شفتك متضايقة وزعلانة؟
تنهدت وقالت انت مو جاي تقولي ها الحكي ياغسان....
غسان قلت لك مافي شي محدد كنت بس بسولف معك...
هالة تنهدت بعمق ونزلت راسها بالارض وقالت بطبيعة ماادري أي سجن ارحم من الثاني.....
سجن ابوي هذا اللي بينحكم علي مع وجود ام وليد وعيالها؟
ولاذاك السجن اللي كنت فيه...سجن علي وحياتي معه؟
غسان بحب ماعمرك شكيتي لنا عن علي ياهالة؟
ناظرت فيه وقالت بهدوء كنت متاءملة ان الحياة بينا بتتغير اذا الله رزقنا بعيال ويوم ماصار في امل قلنا وش يبقينا مع بعض....كل واحد يحفظ كرامته ويروح للسكة اللي عاجبته؟
غسان كان يقصر عليك ياهالة؟
تنهدت وماعلقت.....
غسان اسف اذا ضايقك سؤالي؟
سكتت فترة طويلة وبعدها قالت كنت عارفة انه اذا طلع ودخل تكون له علاقات عابرة كان فيه غموض بحياته وهذا اللي قتلني؟
اصلا مافكر انه يتمسك فيني لااخر لحظة وهذا دليل كافي على انه مايحبني؟
غسان انا مااقول لااحد ها الحكي بس علشان تعرف اني اعتبرك مو اخوي الصغير لا...انت الانسان اللي ممكن يسمعني إذا ضاق صدري؟
غسان انا اخوك وبظل اخوك واسمعك لااخر شي....
هالة خلنا مني وانت قول وش جايبك غرفتي بنص الليل ؟اعرفك منت خالي؟
غسان ابتسم دايم كنت اجي وانا صغير وين المشكلة؟
هالة مافي مشكلة بس ابيك تتكلم وتقول ليه جاي؟
غسان باخذك معي الكويت اول ماتطلعين من العدة ؟
هالة ليه وش فيها الكويت؟او بالاصح وش تبيني اشوف هناك؟
غسان بتنهيدة ارتياح ها االفترة تعرفت على طالبة جديدة اسمها ناريمان....البنت محترمة جدا ..
هالة وهي تضحك له وتغمز بعيونها قايلة لك مو جاي تسئل عني جاي لشي براسك ماصدقتني؟
دارين اقول وش رايك نزوج فطوم لغسان ونخلص منهم ثنينهم؟
مطلق ههههه مو المشكلة التؤام بعد يبونه؟
دارين تصدق اني مااعرف شيخة من عايشة؟
مطلق شواخ اللي ورى اذنها شامة...
دارين اممم بس بناتك مافيهم أي شبه منك ..ليه عاد؟
مطلق لانهم بنات...
دارين يعني الاولاد بيطلعون يشبهونك؟
مطلق والله انا منك ابي بنات يشبهونك ماابي اولاد؟
دارين ..............
مطلق وين رحتي؟
دارين بهمس لاتقول ها الحكي مااحب اسمعه؟
مطلق خلاص مابنقوله.....
الا غسان ماله نية يمرض من جديد؟
دارين اسم الله على اخوي؟عدوانه ولاهو؟
مطلق افا بس لااطلع انا من عدوانه بس!!!
دارين وهي تضحك ليه تفاول على اخوي؟
مطلق يبى نبي نشوفك...مو قادرين ننسى ذاك اليوم...اول مرة شفتك فيها ..وذبحتني عيونك؟
دارينب بعتب مطلق وش قلنا احنا؟
مطلق قلنا ياعمري كل واحد يقول هو وش يبي من الثاني ..انا ابي منك ها الكلام؟
دارين وكيف بنفهم بعض وبنعرف بعض؟
مطلق انا فهمتك خلاص...
دارين ماشاءالله؟
مطلق انتي كتاب مفتوح مو صعب تنقرين وتنحفظين؟
دارين ياسلالام...بس على فكرة في صفحات مغلقة عندي وصعب أي احد يقراها...
مطلق بنحاول محنا خسرانين أي شي....
دارين اممممم
مطلق بهمس اللحين تبوسين فطوم وانا حولك موجود ماتبوسيني؟
دارين بارتباك مطلق..
مطلق بنفس الهمس عيوني لك...تبي تبوسيني..انا حاضر...
دارين بخجل تاءدب عني انا مااحب كذا؟؟
مطلق اخ منك ياخجول.....يعني بنتعب؟
دارين اتعب وش وراك؟
مطلق نتعب نتعب وش ورانا على قولتك؟محنا بعنا الدنيا بللي فيها وجيناكم ياخجولين؟
هو بروحه كان قاعد بخيمته بعد مانامت كل العيون اللي كان يبيها تنام علشان يسامر القمر براحته....
عيونه شوي على القمر وشوي على قسمهم ..
تدور عيونه وتتساءل ايهي فيهم غرفة حبيبته؟
الغرفة اللي قاعدة تشكي فيها وجعها واحزانها ؟
اه....يانار بصدري اه..
وش جايك ياجراح..وش اللي متعبك....
كلام بشاير؟؟
ليش قاعد تفكرفيه اصلا!!
اتركه لاتفكر باي شي ثاني...
فكر انك حبيتها وجيت تنساها وماقدرت؟
ورجعت لك من جديد؟
صَحِيَح آنَيْ تَجآهَلِتَكْ وخَليِتكْ عَشِآن انسَآك ...... !
.
.
رِحَلتْ وِمَقِصديّ كَلِه .. عَشِآنْ آنَسِآك
نسِيتَك ؟ لآ حَشِى والليَ خَلقْ رآسَي تنَآسِيتكَ
تنآسيتَك نعَم ولكَنْ بِقٍتَ فَي دآخليَ ذكركَ
بَقى فَي دآخليَ زولكَ وبقَى فيَ دآخليَ بيتكَ
آلآ يآكيِف آنَآ بِ آسلىَ ليَآليَ غربتيَ وآسلآكَ ؟
مَدآمَ انيَ ليآ جيِتَ لمرآية غرفتيَ جيتَكْ
آشُوفكِ فَي وسِط عيَني وآغمَضهآ عشَآنْ آمحَآكْ
وآشُوفكْ دآخلَ جفوُنيَ إذآ غَمضِتْ { ضَميِتكْ }
آضَمِك وآشَتكي طيِفك عَلى طيِفكْ بِدونَ آدرآكَ
وآنَآ فيَ غُربتيَ ليتَك تحسَ بحآلتيَ ليتِك
ورىَ عُوجَ آلظلُوعَ بقَآيآ ضَحكتِك وآلقآكَ
وسَآفرِ لكَ وآنآ حيّك وآسآفرَ لكَ وآنآ ميتَك
نَقِشتْ آسَمكّ عَلىْ عرقَ الخفًوقَ وآلليَ فقِد يمنآكَ
وآذآ مرّ آلنفَس صَدري تَذكرتِك وحييّتك
شهُورِ مرِتَ وآنَآ قَلبِيْ يَعيِش بضَيعته بحمَآك
بدوُن اسَبآآبَ لآ تسألَ ليَآ منيَ تمنيِتك
آهَذِريَ بكَ وآغنيَ بك ( آنَآ آهُوآك آنآ أهوآك )
وآمركَ تآيهٍ .. وآذكرك لآ منيَ تعديتك
حبيَبيَ طآلبِتكَ تكفَى سألتكَ بآلذي سواك
وشَ آللي ينفِع عيُونيَ ليَآ جيِتكَ ورآعيتَك
تحَآكمِنآ عَلى الفَرقىْ بدُونَ اسِبآبَ يآمقسَآك
تخَآلفنآ .. تعديِنَآ الحدُود .. ورحَت خليِتك
كذآ مآمَنْ سَبب يشَرح نهآيةَ قصتِي ويآكَ
تَكبرتَ .. وتكبرَت .. وتحديتَ .. وتَحديِتك !
تفَرقنَآ ودمعَآتْ ( القهَر ) تخشَع علَى فرقآكَ
وبلآيَ آنيَ مَن دمُوع الودآعَ المّر وآسيتِكَ
حبيَبي والفَضآ كلِه مسَآحآتْ وسَمآ وآفلآك
ويضيِق وغَيِبتَك قشَرآ .. وَآنآ جيَتك وناجيكَ
مدآمَ آنَ آلغيَآبْ آلليَ يدآعبَ غربتيَ فتآك
آمآنهَ لآ تجآهلنيَ .. وانا للوصل ناديتَك
صَحِيح آنَي تجآهلتِك وخليِتك عشآن انسَآك
ولكَنْ والذيَ سوىَ عروقيَ .. بسَ تنآسيتَك
تنَآسِيتكَ نعَم لكنَ بقتَ فيَ دآخلَي ذكرآكَ
بقَى فَيْ دآخليَ ( حُبِك ) بَقى فيَ دآخليَ بيتَك...,
ْْ
اليوم الثاني الصباح وقبل حتى ماتجي الساعة ست...
اتصل رقم غريب على احمد وهو اللي كان نص نايم ونص جالس وهو فاتح التلفزيون من البارحة وجالس بالصالة...
رد بنعس الو...
ابو ريم هلا والله بالنسيب عسى بس ماازعجتك؟
احمد اعتدل بقعدته وقال عمي؟؟؟
ابو ريم هذا انا جالس ادعي لك عند النبي ان الله يوفقك ويرزقك ويحفظك و..
قاطعه بسرعة وين ريم..
ابو ريم هذا هي حولي بتكلمك....
عطى السماعة بنته بعد الف وصية ووصية انها ماتنفعل وان زواج احمد شي عادي وانها تحمد ربها انه ماطلقها وان احمد مالازم يحس من صوتها انها زعلانة....
هو لو على كيفه وعلى اتفاقه مع ابو احمد مايخليها تكلمه بس تدخل ابو مشاري بالقضية احرج ابو احمد واضطر يخليه يكلمه علشان لايحس باي مشاكل معه في ها الزواج اللي بيكون غصبا عن احمد,,,
احمد بلهفة ريم...
ريم بكل برود وجمود هلا ولد عمي...
تنهد تنهيدة ارتياح رغم انه ماكان يبيها تكون بها البرود يبي صوتها يكون مشتاق وفيه لهفة وحرارة مثل صوته...
بس مايدري ليش كفاه بذيك اللحظات انه يسمعها حتى لو بها البرود..برر لنفسه انها جنب ابوها يعني وش بتقول له مثلا!!
حبيبي..عمري..مشتاقة لك…
لالا ماراح تتكلم بها الكلام وابوها جنبها…
احمد ريم انتوا بالمدينة؟انا جايك؟
ريم بتنهيدة احمد احنا مو مطولين مدري على اي محطة ثانية بنرسي خوب اللي راسم الجدول ابوك اسئله وين بنكون يمكن ان احنا نروح مكان ثاني؟
احمد بتنهيدة وهمس طمنيني عنك انتي بخير…اللي في بطنك بخير؟
ريم بتقطع الحمدلله….
اشر لها ابوها وقالت له وهي بتموت احمد انا مو زعلانة لانك بتتزوج هذا حقك يالغالي….بظل خدامة تحت رجلك بس ابقى معك؟
قالتها لان ابوها موصيها قبل لاتكلم احمد تقوله ها الكلام بعد ماعطاها محاضرة طويلة عريضة عن ان احمد يبي يتزوج وهاذي رغبته مو بس رغبة ابوه لان ها الشي عندهم عادة بالعيلة,,,
وهي مالازم تزعل وتضايقه,,
احمد بهمس لاتقولين ها الكلام….انا احبك وابيع عمري بس اشوفك مرتاحة واذا على سالفة العرس ابوي الله يسامحه حطني بها الموقف وانا ماعرفت شلون اتصرف ولا شقول ياريم بس اوعدك مو صاير الا كل خير…انا بس ابي اشوفك علشان اتطمن عليك..
ريم انا بخير يااحمد تطمن……قالها لسانها بس اللي مارضى يطلعه له ويسمعه اياه كان شي ثاني,,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك