رواية من أعماق أحضان مجنونة -35
ابو مشاري الخير بوجهك يبى تفضل اقعد؟
قبل مايطلع احمد من شركة ابوه كان ابو مشاري متصل فيه وقايل له يبي يتكلم معه برى البيت واذا قدر يمره الشركة وراح له احمد...
قعد قباله وقال ابو مشاري وش تشرب ؟
احمد لاعمي مايحتاج...انا برد الدوام طالع من الصباح؟
ابو مشاري احمد...
احمد خير ياعمي...
ابو مشاري تنهد...
كان احمد يناظر فيه...
طول عمره ابو مشاري بالنسبة لهم مثل العم..من صغار وهم يعرفونه ودايم يشوفونه مع ابوهم...
ماكانوا يشوفون منه الا كل خير....
بكل مواقفهم واقف معهم..بالزينة والشينة....
عمره ماتخلى عنهم ابدا...
حتى هو بعرسه ماقصر معه...
ولامع هالة يوم قالت بتصير دكتورة وقف وساندها...ولامع غسان ودراسته بالكويت...
حتى مع المرحومة امه كان متحيز لها اكثر من ام وليد...
ابوه يوم يطيح بالسوق ماسانده الا ابو مشاري ووقفه على رجله من جديد,,,
تنهد يوم يناديه ابو مشاري ورفع راسه يناظره لقاه حزين ومكسور...
احمد فيك شي ياعمي...
ابو مشاري احمد انا سمعت بنتي اليوم وهي .....
احمد نزل راسه بها اللحظة وهو حاس بالاحراج...
ابو مشاري بتنهيدة احمد انت رجال والنعم فيك...صدقني بالدنيا مامنك اثنين...
ابي اطلب منك طلب...
احمد بسرعة وبدون تردد امرني ياعمي....
ابو مشاري ابيك تدير بالك على زينة بنتي!!
لاياعمي تكفى لاتقول ها الحكي انا مقدر عليه...تمنى يقولها بوجهه بس ماقوى مع لهجة ابو مشاري الحزينة...
ابو مشاري بتنهيدة زعل انا الله مارزقني الا ها البنية يااحمد....وجتني وهي مريضة....
انت في بالك ان زينة بتخرب حياتك انت وريم صح؟
احمد كان ساكت ويسمع بخجل...
ابو مشاري بحزن يمكن ماتعيش بنتي لذيك اللحظة اللي توقف بينك وبين مرتك؟
قالها ومسح دمعة بعيونه طاحت...
احمد عمي شها الكلام..الاعمار بيد الله...
ابو مشاري والنعم بالله....
تنهد احمد وكمل بو مشاري احمد لو عندك بنت تشتري سعادتها ولالا؟
احمد بسرعة طبعا....
ابو مشاري واذا كانت سعادتها مع رجال مايبيها شتسوي؟
سكت احمد وحس بالخجل.....
كان هو المقصود لامحالة....
ابو مشاري تنهد وصار يمسح دموعه عجزت اشتري سعادتها باي شي تبيه....
والله لو تبي شي من اخر العالم لااجيبه لها يااحمد هي بس تاْمرني!!بس معندة كل ماجيت اقولها احمد متزوج ومابيعدل بينك وبين زوجته قالت انا راضية يكفيني اعيش بقربه,,,,
مو عارف شسوي يااحمد...
هاذي بنتي....ومريضة وانا خايف عليها...ومو ضامن عمري وابي اتطمن عليها اخوها مابيكون مثل زوجها اكيد...وانت عندك زوجتك وتحبها ووجود زينة بيخرب حياتك..
احمد باعتراض وهو خجلان من عمه عمي شها الكلام...زينة عزيزة وغالية يكفي انها بنتك...
ابو مشاري انت ماتبيها يااحمد....
احمد بتبرير عمي مو كذا السالفة...انا بس تضايقت من ابوي يوم يبعد ريم...يعني هي وش بتسوي لو كانت هنا بس....
ماابي اكرها بزينة اذا ابتعدت بها الوقت...هاذي كل السالفة؟
ابو مشاري ريم,,,,وينها فيه؟
احمد تنهد وسكت....
ابو مشاري ابوك ماقال لي يااحمد....
احمد ظل ساكت ....
ابو مشاري علشان كذا زينة قالت تبي ريم توافق.....
احمد والله الشاهد ياعمي كلمتها بس كبرتها بعيني...
ابو مشاري لايااحمد هاذي زوجتك ومحد يبعدها وانا لو دريت والله ماتركت ابوك يبعدها عنك وعن بيتها...بس ولايهمك ابشر يابو عبدالرحمن هذا انا قدامك بكلمه اللحين وبشوف وش السالفة..واذا الله اراد ريم الليلة عندك ومنت نايم الا وهي جنبك؟
تنهد احمد تنهيدة ارتياح,,,,
كانوا جالسين بالمطبخ...
الجوهرة مر اسبوع بسرعة....
هالة تنهدت وقالت انا احسه بطيء ومايمشي...
الجوهرة لانك متعودة على روتين ثاني...يالله ياهالة هانت شويات وتردين الدوام وترجع حياتك مثل قبل...
هالة وين....اي حياة اللي بترجع...بديتها انا وكملها احمد والله يستر الجاي على منو....
الجوهرة احمد؟شفيه بعد!!
هالة بشرود ابوي بيزوجه...
الجوهرة ضحكت اللي اعرفه البنت تتزوج غصب مو الرجال؟
هالة عند ابوي مافي فرق....
الجوهرة من صدقك انتي!!
هزت هالة راسها...
الجوهرة بهمس وريم؟
هالة الله اعلم بحالها يالجوهرة...
الجوهرة انتوا قلتوا لها؟
هالة مايقصر ابو احمد اذا بغى يجرح الواحد يعطيها اياه بوجهه...
الجوهرة طب واحمد كيفه؟
هالة تنهدت اول مرة اشوفه كذا يالجوهرة....مو احمد اخوي....كاسر خاطري..يمكن انا مااتفق مع ريم وماتعجبني بس حالته بدونها تكسر الخاطر...
الجوهرة ضيقتي خلقي والله ماتمنيت انك قلتيلي....يالله الله يجبر بخواطرهم....
هالة الله يسمع منك......
الجوهرة شالت شنطتها يالله انا ماشية تبين شي؟
هالة باعتراض وين..لسه بدري وش عندك من اللحين بتطلعين؟
الجوهرة تاركة سارة عند عمتي وماابيها تطول هناك...تلاقينها اللحين فتحت معها جلست تحقيق وين ومتى ومدري شنو....تعرفينها مايحتاج اعلمك فيها...
كانوا يمشون برى وهم يسولفون وجراح من شافها نط يمشي بالجهة الثانية....عكس اتجاههم...
الجوهرة انتبهي على نفسك...
هالة بضحكة مريرة وش بيجيني...
الجوهرة شفتي ان فيك شي ومنتي طبيعية؟
تنهدت هالة وسكتت...
الجوهرة هاذي الحياة اللي بتريحك....صدقيني..هذا اللي تحتاجينه انك تطلعين من بيت ذاك الرجال اللي تخلى عنك بسهولة...
هالة بمرارة أي واجي لعند ام وليد اللي كل شوي ناطة لي وتعايرني؟
الجوهرة وانتي شكو باام وليد بالله؟ام وليد مابتعيشين معها يومك كله بعكس علي اللي ذبتي وانتي معه...اصلا حتى نفسيتك طول منتي معه ماهي حلوة...
هالة وتكون تعدلت اللحين النفسية يعني؟
الجوهرة هالة..لاتفكرين بانسان باعك وماساْل فيك!!
هالة بكبرياء انا مااساْل عنه ولاافكر فيه انا بس تاعبني الوقت اللي قضيته معه ؟؟
تنهدت ومادرت انها ذبحت جراح اللي يمشي مثل ظلها وسلمت على الجوهرة اللي طلعت....
لفت بترجع ولقته واقف وراها...
بعدت عنه وقال بانكسار هالة...انتي ماكنتي سعيدة مع علي؟
رفعت راسها واكتفت بانها تناظره...
جراح بالم ماكنتي سعيدة...كل شي واضح بعيونك....سولفي..قولي...انا اسمعك..كيف عشتي معه؟
اسئلك بالله يالقلب الكبير,,وشبقى للعود عندك من غلاه
ودي اسمع سولفيلي من ضمير..من معاناة بديتيها معاه
قالت اشرحلك وانا قلبي كسير..عن ظروفي عن شريكي بالحياة
حطم احلامي وانا سني صغير..كل شي مات من سبة عناه
..كانت شموعي على دربه تنير..وكنت انور له ظلام في سماه
في غيابه ساهر همثل الخفير..احفظه بالغيب واتعب في رضاه
راضية بالنقص والعيش المرير ..حاملة في خافقي كنز غناه
اخفي الامي واقول اني بخير,,لجل يشعر بالسعادة والرفاه
كان يظلمني وعذبني كثير..مارحم قلبي ولاحس بعطاه..
مريم طلعت وكانت نسايم واقفة ورى غسان قالت لها بعصبية اشوفك من يومين مابينتي؟
لفت لها نسايم بسرعة وسكتت..
مريم تكتفت وقالت بشر يشابه شر امها ماتنطقين؟
نسايم بثقة كم مرة جيت اسئل عنك ويقولون لي ماتبين تشوفيني؟
مريم منو اللي قال لك؟
نسايم انتي عارفة؟
مريم اذا عندك شي قوليه بصراحة وماله داعي اللف والدوران؟
نسايم انتي ماتفكرين اصلا....على بالك اني بضرك ومصدقة ها الحكي؟
مريم وش تسمين اللي سويتيه بالله؟
نسايم انا قلت لك لاني ابيك تفتحين عينك على مشاري عدل؟
مريم انتي وش تقصدين؟
نسايم هذا لقطة ياحبيبتي يامريم ولازم تديرين بالك عليه زين..
غسان بصوت مسوع استغفر الله...
مريم بانزعاج نطقوا عيال العراقية...
غسان بهدوء ممكن تتكلمين معي بادب...انا اخوك؟
مريم لامنت اخوي وماابيك تكون بعد زين؟
قام من كرسيه وانسحب من بينهم بهدوء ونسايم تناظر فيه...
مريم سحبت كرسي وقعدت عشتوا ياعيال العراقية...
ام وليد اللي كانت جاية مع ام مطلق وش فيهم بعد!!
مريم مافيهم شي..بس مدري وش عليه شوفة الحال؟
ام وليد قعدت وهي تناظر بجراح اللي جاي وتبتسم له مافيهم شي بس حزنانين على هالة اللي ماتجيب عيال ياحرام؟
وقف مكانه من سمع ها الكلمة...
وده يروح يذبح عمته ويخمد انفاسها حتى لو يروح فيها اعدام؟
ام مطلق يوم انتبهت على جراح قرب يمه وش فيك بعيد...
تقرب وقال بنرفزة هلا يمه...
ام وليد السلام بس لاامك عمتك مالها سلام..
قال بدون نفس وهو لاف وجهه للجهة الثانية هلا عمتي..
ام وليد هلا بجراح...ولدنا....حبيبنا...
تنهد بقوة خلتهم كلهم يسكتون...
ام مطلق علامك يمه...
مريم بغباء وهي تضحك يمكن ضايق خلقه على هالة لانها عقيم ماتجيب عيال ههههههه
بس لهنا وبس ياجراح امشي لاتسمع من ها الكلام....
ضحكوا ام وليد ونسايم مناصرة مريم وكلمتها اللي قالتها...
ام مطلق بتاءنيب مريم الشماتة مو زينة يمه....ترى..
ام وليد بحدة ترى شنو؟
ام مطلق بتراجع لاولاشي ..بس بها السوالف الشماتة مو زينة.....
جراح وكانه الباب انفتح له قال بكل شماتة ماليها قهر لاتستعجلين يمه..هي خلها بالاول تضمن المعرس ينطق على راسه ويقعد معها ويكمل باقي حياته جنبها..اقصد يعني يوافق ياخذها...بعدين تجي بالخطوة الثانية العيال وسوالفهم...صح يابنت ام وليد؟
يالله ضحكي انتي وعمتي.....ولاشاطرين بس على عيال العراقية وعلى هالة؟
ام وليد بحدة اكبر وانت وش يخصك بهالة وبعيال العراقية ان شاءالله؟
قال بلامبالاة وهو يهز كتوفه ويمشي عنهم انا مايخصني باهل ها البيت كلهم...عايش حياتي بالطول وبالعرض..بس كذا من الله اذا ماطقت انسان وقال كلمة قدامي لازم اردها له؟
في صالة قسم العراقية...
كانت دارين جالسة وهي مسجات مع مطلق..
وغسان جالس يقراء الجريدة جنب هالة ..يعني هي تقراْبنص وهو بالنص الثاني....
دارين في شي مهم بالجريدة..
قالوا بصوت واحد لا...
دارين وهي تضحك طب ليه اشكالكم كذا تقول بتاْكلون الجريدة؟
رفعوا راسهم مع بعض وناظروا في بعض وابتسموا..
ضحكت دارين عليهم..
دارين تكفون بصوركم لااحمد..
هالة شيلي شيلي ها الجوال بس قالت بصوركم...
دارين هههه
غسان كملي مسجاتك يابابا واتركينا احنا بالجريدة؟
دارين بارتباك مافي شي مهم..موبايلي
غسان وهو يبتسم لها لا من جد..
دارين أي..
غسان وهو يكلم هالة تصدقين...اللحين موبايلي وظفوا لهم ناس اذا دزوا لك رسالة ورجعتي انتي ترسلين لهم يرجعون يراسلونك؟
هالة وهي تقراء بالجريدة وانت شعليك منها؟خلها تراسل موبايلي حقها؟
دارين شفت..شعليك مني؟
غسان افا يادكتورة كذا ماتوقفين معي!!
هالة تنهدت..
دارين تاْشر له انه مايجيب سيرة الدكتورة..
هالة الدكتورة جالسة بالبيت ياغسان؟
غسان افا تجلسين بالبيت وانا وها الحلوة جالسين قبالك؟قومي يبى تفنني علينا وافحصي اسنانا وشوفي وش بتسوين فينا ترى حلالك..اي ومابندفع؟
ابتسمت له هالة ويوم دخل ابوها سلم قامت بسرعة وركبت..
ابو احمد وهو يناظر بهالة شفيها؟
غسان ولاشي..توها جالسة تسولف؟
ابو احمد جلس جنب دارين وابتسم وابتسمت له..
ابو احمد وطبعا من شافتني قلبت؟
دارين يبى..
ابو احمد هلا بالغالية..
غسان احم احم..انا هنا...
ضحكوا عليه..
ابو احمد ناقص هالة واحمد ويكمل الجو.
دارين بقولك شي ياصديقي..
ابو احمد قولي ياصديقتي..
دارين ليش قلت لخالتي ام وليد ان هالة ماتجيب عيال؟
تلاشت ابتسامة ابو احمد مرة وحدة وزفر بالقوة..
ابو احمد هي جابت لها سيرة؟
دارين اليوم ضيقت خلق هالة ورمت عليها كم كلمة..
ابو احمد باعتذار والله يادارين طلعت مني بالغلط.....
قام من مكانه وركب...
دارين وين بتروح؟
ابو احمد مقدر على زعل هالة..بروح اطيب خاطرها وبنزلها...جهزوا لنا شي ناْكله؟
دارين قوم انت؟
غسان مسك جواله قومي انتي انا براسل زين؟
دارين فتحت عيونها وضحكت باعتراض وقالت ياسلااام..
غسان يالله لااعصب عليك..قومي جهزي لنا شي ناكله؟
دارين طيب هذا انا قايمة؟
غسان واتركي جوالك بشوف رسايل موبايلي كيف جاية؟
رمت عليه الجوال وراحت المطبخ..
غسان اعتدل بقعدته وبس فتح جواله قال ملاعين ها البنات يحطون لهم قفل ويعطونك الجوال وانت تصدق بعد!!
العصر كانوا بنات مطلق ثلاثهم جالسين برى وينتظرون طلعة غسان لو دخلته..
عايشة انتي متاْكدة انه هنا؟
فاطمة بثقة طبعا...
شيخة اخاف شفتي اخوه وشبهتي عليه..
فاطمة باعتراض شفيكم انتوا ماتفهمون؟اقولكم انا جالسة معه الصباح وفطرنا مع بعض وسولفنا وسوينا كل شي...
عايشة طيب وينه اللحين؟
فاطمة مدري يمكن نايم ولا جالس مع اخته اللي الصباح طردتها من البيت...
شيخة بتاْفف فطوم يالله تمللنا من القعدة اذا انتي صادقة وماتكذبين روحي ناديه؟
فاطمة بيجي اللحين مو قايمة له..صدقوني بيطلع انا سمعته يقول العصر بيطلع ..
شيخة اخاف طلع واحنا ننتظره؟
فاطمة لا مستحيل طلع انا قاعدة هنا من زمان وماشفته ؟؟
جراح من خيمته فطوم تعالي ابيك..
فاطمة بدون ماتلف عليه مو وقتك...
جراح فتح عيونه على وسعها ومطلق يضحك شوف بنت اللذينا...
فاطمة لفت له وتخصرت اذا انا بنت اللذينا فهذا هو اللذينا؟
قالتها وهي تاءشر على مطلق...
مطلق يكلم شيخة وعايشة منهي بتقوم تطلع معي؟
ناظروا ثلاثهم في بعض بس ماتكلموا..
مطلق طيب من يبي يروح معي المكتبة؟
جراح لاحياة لمن تنادي...
مطلق طيب من خاطره يروح الالعاب؟
شيخة بابا بعدين مو اللحين؟
مطلق انا ابي افهم وش عندكم انتوا ها؟
عايشة ننتظر واحد؟
مطلق افا ياعيوش..تنتظرين واحد وقدام ابوك بعد!!
عايشة بابا وش تقول انت؟
مطلق انا ادري عنك تقولين تنتظرين واحد؟
عايشة ننتظر غسان...فطوم تقول انه رجع البيت؟
مطلق ليش هو مهاجر علشان يرجع؟
شيخة بتاْفف اللهم طولك ياروح...
جراح قام يضحك..
مطلق مسوي انه ضايع بينهم قوموا كفخوني بعد!!!يعني اكيد بيرجع هذا بيته وين بيروح بعد!!
فاطمة بنرفزة قصدنا انه من زمان ماهو هنا واليوم رجع وبنشوفه؟
جراح ها...يعني بايعيني برخيص اليوم علشان غسان هنا وبس يروح بتجوني تركضون؟
ضحكوا عليه ثلاثهم..
جراح زين قلتوا لي علشان اعرف لنفسي.....ووقت اللي تجوني مااعطيكم وجه؟
فاطمة تخصرت اتحداك..
مطلق انتي بالذات سكتي ياطويلة اللسان....
فاطمة انا مو طويلة لسان..
مطلق ابدا...نسيتي وش قلتي اليوم لخالة دارين؟
جراح بهمس متى صارت خالة دارين بعد؟
مطلق بنفس الهمس تمهيد حق يحترمونها ويحسبون لها حساب...
فاطمة باعتراض ليش اقول لها خالة دارين ياحظي وماهي خالتي!!
مطلق اللحين مو هاذي القضية...قضيتنا انك قللتي ادبك معها اليوم وطولتي لسانك ولازم تعتذرين لها...
فاطمة بنفخة امعصي اعتذر لبنت العراقية؟؟؟
ناظروا جراح ومطلق في بعض...
مطلق شقلتي.؟؟
فاطمة بعناد بنت العراقية..مو انتوا كل ماشفتوهم قلتوا عيال العراقية ولاحلال عليكم حرام علينا؟
مطلق كذا يعني....واللي يقولك بتعتذرين غصب عنك لان اللي قلتيه عيب؟
فاطمة بنفس العناد اقوله حريمتك؟
مطلق واللي يقولك ان غسان ولد العراقية بعد مثل مادارين بنت العراقية...ها اعتقد هاذي بعد مافيها اختلاف؟
فاطمة بتنهيدة عميقة اقوله انا ماعندي مشاكل مع عيال العراقية واحبهم مو مثل غيري!!!
وش رايك اللحين؟
اعتقد بارت اليوم كان خفيف ومافيه قهر واااجد....هههه
..اللي قالت امس ان الابيات واجد..خففنا لك اليوم الابيات هههه
واللي قالت تبي كم موقف لفطوم عسى بس ماقصرنا هههه
اشوفكم بكرة على خير ان شاءالله....
البارت الخامس والاربعين,والسادس والاربعين,,
في غرفة هالة..
دق الباب ودخل وكانت فاتحة دولابها وااقفة وهي سرحانة وكانها تناظر باللي داخله..
ابو احمد هالة...
ماسمعته لانها كانت سرحانة...حتى يوم يدق الباب ويدخل ماانتبهت له..
تقرب منها بخطوات حزينة وهو مفكرها حاقرته لانها زعلانة..
مسك كتوفها من ورى وارتعشت بسرعة وكانها تخلاعت حتى طلعت منها شهقة صغيرة...
ابو احمد اسم الله عليك خفتي!!
هالة وهي تتنفس يبى كنت سرحانة وماانتبهت انك دخلت الغرفة اصلا!!!
ابو احمد بتنهيدة وانا على بالي حاقرتني؟
هالة وهي تصد بعيونها عنه وليه بحقرك يعني؟
ابو احمد مسكها من كتفها ولفها له وقال بحنية ضايقك كلام خالتك اليوم؟
مارفعت راسها او بالاحرى ماقوت ترفعه لاتبكي...لاتضعف...خلاص تعبت تبي تكون اقوى....
ابو احمد باعتذار هالة يايبى...انا ماكان قصدي ابدا اني اقول لخالتك وانا عارف طبيعة العلاقة اللي بينكم...
بس شسوي طلعت الكلمة مني بالغلط ياابوك...
هالة بدون ماترفع راسها لايهمك...ماهو بس خالتي اللي تدري...كل الناس تدري اني مااجيب عيال وين المشكلة يعني؟
ابو احمد هالة شها الحكي؟
تنفست بقوة وماقدرت تقاوم دمعة طاحت منها..
ابو احمد انك تنحرمين من ها النعمة فهذا شي ربك قدره وقسمه انتي مالك شغل؟
هالة بانفعال واضح محد بيفهمني؟محد بيعيش اللي انا اعيشه واحسه؟
كلكم ماتدرون انا شقد اعاني....من متى وانا اعود اذني على انها راح تنحرم من كلمة ومابتسمعها طول العمر؟
ابو احمد ضمها لصدره بسرعة وهو يمسح على راسها هالة...انتي العاقلة الفاهمة...وش ها الحكي عاد.....يبى...
قالت بانفعال وهي بعدها بحضنه ودموعها تسابقه صدقني محد بيفهم شعوري....انا قاعدة اتعذب..
ابو احمد وهو يهديها بس تطلعين من العدة بسافر معك برى وبشوف حالتك؟
بعدت نفسها عنه وقالت باسى يبى لاتزودها علي تكفى...
انا راسلة تقاريري لااكثر من مستشفى برى وكل نتيجتهم كانت وحدة انا فيني عيب دائم ماله علاج....
انتوا على بالكم اني جلست مكتفة يديني وانتظر احد يقولي سوي ولاتسوين؟
يبى انا ماتركت مكان بالسعودية مارحت...
اطلع من عيادة واروح الثانية..تعبت..
نفس الكلمة تنقال لي بكل مكان...مافيك عيال؟
حضنها ابوها بهدوء وهو فكره انشغل فيها وفي حالتها...
اشتعلت النار بقسمهم...
مريم بصوت عالي انا ابي افهم شي واحد انتي ليه سكتي له؟
اروى ماهي اول مرة يمه....
ام وليد بروحها كانت بالعة قهرها وساكتة بس لان المتكلم جراح,,
وليد اللي كان بيطلع انتوا شفيكم اصواتكم طالعة للجيران؟
مريم بصراخ اسئل امك....
وليد شصاير؟
مريم انا اقولك شصاير...
ولد اخوها المحترم مسكنا وقلبنا شماتة لاامه واخته علشان شنو...قال مااطيق احد يقول قدامي كلمة ومااردها له...وقام يدعي علي ياعساه مايتوفق؟
ساد الصمت المكان.....
كانوا ينتظرون امهم تقول شي... بس كانت ساكتة ومالها بالعادة
اروى بنرفزة يمه.....جراح زودها...امس قلب وليد مسخرة وهو يقول انه بيوظفه وانتي ياحليلك ساكتة وماتكلمتي واليوم وكلامه لمريم بصراحة مالازم تسكتين عنه؟
مريم اطرديه من البيت يمه؟
وليد ضحك بشماتة وقال تطرد صاحب البيت من بيته؟
اروى بنرفزة البيت لخالي ولاابوي؟
وليد غلطانة يابابا لجراح بالبيت اكثر من اللي لاابوه ولاابوي؟
مريم والحل...يظل يعاملنا كذا وكانه عبيد عنده؟؟؟شوفوا من اليوم انا اقولكم يقولي كلمة برد عليه بعشر ومو مستحية من احد ان شاء الله اروح لخالي واقومه من نومته واهاوشه على ولده؟
قطع الصمت ام وليد اللي قالت بعد تفكير انتي مو ملاحظة ان مشاري من طلع لااتصل ولاسئل؟
اروى يمه مو هاذي سالفتنا؟
ام وليد بحدة وش سالفتنا اجل؟
مريم بغباء جراحوه السخيف؟
ام وليد ومشاري وطلعته من هنا زعلان ياحظي؟
مريم بغرور خل يزعل بيجي ليلة العرس راكع ذليل وين المشكلة؟
مشاري حاسك مو على بعضك اليوم؟
بشاير بضيق متضايقة شوي
مشاري بحب ماعاش الضيق وانا موجود...انتي بس علميني منو اللي تجراْ وزعل عصفورتي؟
بشاير تنهدت..
مشاري افا...
بشاير لاتشغل بالك شي مايخصني..
مشاري شلون يعني...منتي زعلانة؟
بشاير زعلانة لزعل اخوي وضيقته؟
مشاري مطلق ولاجراح؟
بشاير لامطلق الله يديم عليه الوناسة والسعادة هاليومين صاير غير شكل والضحكة ماتفارقه...
مشاري دوم ان شاءالله احنا معه...
بشاير ان شاءالله...
مشاري شفيه جراح؟
بشاير بتعب تعبان.....ضايق...حالته صعبة؟
مشاري ...........
بشاير بتنهيدة وضعه صعب وسالفته معقدة...المشكلة اني الوحيدة اللي ادري....وماني عارفة شسوي معه....
مشاري ............
بشاير تعرف شلون انك توقف حياتك على امل مامنه فايدة ولاراح يكون بيوم من الايام من نصيبك؟واذا فكرت بيكون العالم كله واقف ضدك لكل الاسباب؟
مشاري رغم اني مافهمت عليك بس مبين ان السالفة عويصة...
تنهدت بشاير وهي تذكر شكل جراح اليوم...
مشاري بهمس لو انا جنبك ماضميتك اللحين وخففت عنك تعبك؟
تنهدت بقوة وقالت بحزن شسويت مع مريم؟
مشاري بلامبالاة كنت حاط في بالي اسوي واسوي واسوي واقول...بس غيرتي رايي...
تركت السالفة مثل ماهي؟
بشاير شلون يعني؟
مشاري بتنهيدة يعني لارحت ولااتصلت ولا لي نية بعد...
احبك...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك