رواية من أعماق أحضان مجنونة -34
كثر الحكي عني وبالي وسيعي,,
ماحيلتي الا اصفق بها الخمس..
من ظلم بعض الناس ظلم فظيعي
بصبر عسى صبري يحقق لها النفس..
اوصال ناس او بعاد وقطيعي,,,
طلعت شمس اليوم الثاني على ريم وهي بكاْبة اكبر من اللي قبلها...
اليوم هذا الثاني اللي ماشافت حبيبها فيه ولاسمعت صوته...
ياترى صحى من النوم ولالسه؟
هل نام البارح ولاجافاه النوم مثلي....
قام وفطر ولا جلس متاْخر كعادته وماهمه وش اكل وبيروح ياخذ له قهوة من المستشفى؟
ياترى وش بيلبس انا ماجهزت لبسه البارحة؟
سكر المويه يوم قام ولاتركها كا العادة دايم مفتوحة وماانتبه لهم الا بعدين؟
عسى بس ماقابل المكيف وهو بعده مانشف شعره يوم يقوم من حمامه؟؟
اكيد البارح قبل لاينام رمى جواله ومفتاحه ومحفظته مثل كل يوم وجالس اللحين يدور فيهم وبيتاْخر على الدوام وهم موجودين تحت الكنبة اللي بالصالة اللي اذا جلس يتابع الاخبار يرميهم عليها ويطيحون مثل كل يوم ولاينتبه لهم!!!
حطت يدها على بطنها فجاْة...
ياترى ياولدي بتشوف ابوك احمد بيوم من الايام ولا محنا شايفينا خلاص؟؟؟؟
احمد بعد كان ينتظر طلعة ها اليوم بفارغ الصبر..
استئذن من المستشفى وراح لبيت بو مشاري...
يوم شاف سيارة ابوه واقفة تنهد وحس بالكتمة...
من امس وهو مو راضي يكلمه ولايحط عينه بعينه رغم ان مو هاذي طبايع احمد ابدا وخصوصا مع ابوه؟؟
توه بيدخل الا وتردد...
طيب لو ها الشينة اللحين قلبت السالفة وعفست الدنيا واخذتها فرصة ان ريم ماهي هنا وقالت الملكة الليلة شسوي فيها بالله؟
ولا قالت ماابي ريم ترد اصلا؟؟
خوب هاذي مجنونة وماينوثق بكلامها انا مدري شلون مسكتها رقبتي وطلبت منها ها الطلب اصلا,,,,
لا ان قالت كلمة من هنا ولامن هنا ترى انا اللي بقول كنسلنا كل شي وماهمني احد بعد!!
بروحه احمد كان بركان ثاير ودخل عليهم وهو بعده ينتظر أي شي واي كلمة علشان يثور...
مايدرون ان اذا ماسمع صوت ريم يصير بحالة جنون وينسى اللي حوله...وهذا اليوم الثاني اللي ماسمع فيه صوتها....
سلم عليهم وقعد....
كانوا بو مشاري وابو احمد جالسين يتقهون وقعد معهم...
هي بروحها كانت تناظره من فوق الدرج وهي تمسح دموعها....
انا كل مالمحتك قلت ياربي....
عساني مااختلف ويبان بعيني...
تجيني بكل برود الكون وتسلم...
ويصافحك الحكي كله في يديني؟؟
احبك ..اعشقك..لو كانت تكفي...
غيري بالهوى ماتكفيني,,,
تنهدت بعد مامسحت اخر دمعة ونزلت سلمت على عمها وجلست جنب ابوها...
ابو احمد عاد يازينة هذا احمد بكبره مفضي نفسه وجاي يشوف طلباتك..خوب انتي العزيزة الغالية وكل طلباتك اوامر...
وش ماتبين يازينة احنا حاضرين لك؟
ابو مشاري ولا لك علي يابو احمد مهر زينة من عندي..انا اشتري احمد بكل فلوس الدنيا....
ابو احمد باعتراض لالالالالا الا مهر زينة اللي هي تبيه بيوصلها ..هاذي شيخة البنات ومن يوصل لها؟امري يازينة...كم تبين مهرك ؟وش طلباتك؟متى تبين الملكة؟
كانوا يناظرون اثنينهم في بعض لانهم حاسين انهم اغراب عن الجلسة وعن الموضوع ككل....
قالت بعد صمت ونظرات لهم اثنينهم من ابوها وابوه..
زينة بهدوء ريم...
ناظر ابو احمد بولده اللي ماتغيرت ملامحه وهو يناظر بزينة بعداوة.وقال بتردد ريم؟وش فيهم ريم؟
تنهدت زينة بصوت مسموع وقالت وينها؟ماهي موافقة على عرسنا؟
ابو احمد من قال انها مو موافقة؟بس احنا مو من عوايدنا تجي الحرمة تخطب لزوجها يازينة...
زينة اذا ريم وافقت واحمد بنفسه قال لي انها موافقة بيصير كل شي مثل مايبي احمد......
ابو احمد وهو يتدارك الوضع قول لها يااحمد انها موافقة؟
زينة لا.....
ابو مشاري شنو اللي لا....
زينة يعني.....يروح هو لها اللحين ويشاورها بالسالفة وانا بنفسي اروح لريم اسئلها اذا يبي احمد واقعد معهم وافهمها اني اكون خدامة لها ؟
تغيرت وجوه ابو احمد وابو مشاري مية وثمانين درجة وخصوصا بو مشاري اللي الكلام طالع من بنته اللي طول عمرها معززة مكرمة وحولها من يخدمها اللحين هي تبي تخدم زوجة احمد...
احمد بكبره حس بالارتباك والاحراج ماتوقعها بتوصلها لهنا خصوصا وهي تتكلم كانت تتكلم بغصة وحسرة وهو قاعد يربط بين كلامها وبين نفس اللهجة اللي قالت له فيها احبك ذاك اليوم؟
اخذ نفسه وطلع بدون أي كلمة,,,,ولحقتها زينة بسرعة وهي تداري دموعها اللي كانوا واضحين...
نادته من على الباب قبل لايطلع للباب الخارجي...
زينة ببحة احمد...
لف لها وهو مو عارف شيقول...
زينة رضيت؟
احمد تنهد وماعلق...
زينة صدقني بكون خدامة لريم بس اكون جنبك يااحمد....
تقرب منها وقال بعدم تصديق زينة انتي ليش تسوين كذا!!ليش تصعبين علي السالفة اكثر؟
تنهدت وقالت ودموعها ينزلون على خدها بحرقة انا احبك يااحمد..احبك...ومستعدة اسوي كل اللي تبيه ويرضيك...بس اظل قربك يالغالي,,,,
فاطمة شهقت بقوة خلت جراح ومطلق يناظرون فيها...
مطلق شفيك؟
جراح بخوف اكبر وهو شبه شارد علامك؟
فاطمة وهي ابتسامتها تتوسع اكثر واكثر متى رجع البيت؟
كانت تناظر بغسان اللي جالس قبال دارين ويفطرون برى اثنينهم...
غسان بهمس خواتها هني؟
دارين بنفس الهمس خل يولون هي وخواتها؟
غسان ههههه
دارين اللحين انت مشتاق لمنو بالله؟لي ولا لهم!!
غسان علامك صايرة غيورة يابنت؟بزارين ذولا احد يغار من بزارين....
دارين أي زين قلت لي....
غسان وين هالة؟
لقطت اذن جراح بسرعة الاسم..
دارين وهي تشرب عصيرها فوق تنتظر الجوهرة بتجيها...
غسان شخبارها؟
دارين منهي فيهم؟
غسان مسوي معصب عاد لاتصيرين دلخة ياقلبو؟اكيد مو الجوهرة؟شخبار هالة؟امس مامداني اقعد معها؟
دارين هزت راسها بنص ونص....
فاطمة تقربت وسحبت كرسي وجلست جنبهم..
دارين وهي تناظر بمطلق اللي يناظرها منو قال لك اقعدي؟
فاطمة انا اقعد بالمكان اللي ابيه ويعجبني مو لازم احد يقولي اقعدي؟
دارين وهي بعدها تناظره اجل وش رايك تقومي وتستئذني واذا قلنا لك تفضلي تجلسين؟
فاطمة وقفت فوق الطاولة.وتخصرت وقالت بصوت عالي وان شاءالله بيت ابوك لو بيت ابوك؟
غسان لف للجهة الثانية علشان لاتشوفه وهو يضحك ومطلق وجراح يطالعون فيها ودارين فاتحة عينها على وسعها....
دارين بيت ابوي...اي بيت ابوي....
فاطمة لاحبيبتي هذا بيتنا احنا وانتوا بتطلعون منه؟
دارين لا...مادرينا؟
جراح بنت!!انزلي من فوق الطاولة لاتطيحين؟
دارين وهي تهز راسها وتقول بصوت يسمعه زين قدرت!!!
جراح خير؟
دارين لا سلامتك...
مطلق فطوم انزلي و..
فاطمة مو نازلة اول هي تطلع من البيت لانه مو بيتها؟قولها غسان؟
غسان شلون تطلع بيتنا هذا من قبل لاتجين انتي للدنيا؟
فاطمة أي بس خلاص احنا شرينا البيت اللحين وصار لنا...
دارين وهي قايمة وهي معصبة تتهنوا فيه زين؟
غسان مسكها من يدها وسط نظرات مطلق اللي كان ملتززم الصمت قعدي زين ان شاءالله بتزعلين..
دارين بحساسية قوم ندخل داخل؟
غسان شفيك دارين بتاخذين على كلام فطوم؟
فاطمة اتركها تروح انت شعليك منها..خلاص روحي يالله...
دخلت دارين وهي مقهورة ونظرات غسان ومطلق عليها اما جراح من نزلت فطوم لف عنهم ولاكانه معهم...
فاطمة احسن ارتحنا منها...
غسان عيب تقولين كذا..
فاطمة لامو عيب..
غسان ليه تقولين كذا وش سوت لك هي؟
فاطمة ماسوت شي بس هي قاعدة معك وانا ابي اقعد معك بروحي فلازم هي تقوم ومابتقوم الا اذا تنرفزت؟
كانت جالسة بكرسيها وهم طالعين للرياض ومنها لمكة,,,
تنهدت وهي حاطة يدها على خدها....
وبس ياريم..هاذي حالتك.....تندبين حظك وتمر الليلة ورى الثانية وانتي ماتغير من حالك شي؟
ليش يااحمد تركتني ليش؟
انت تقدر توصل لو تبي بس ماتبي؟؟؟
ادري فيك الا ابوك ماترضى على أي طلب يطلبه منك....
طيب وانا واللي في بطني يااحمد..
ولمتى بنظل بعيدين....
صرت اكره الليل يااحمد لانه يزيد علي ليالي الفراق والهجر والبعد عنك,,,
تمر ليلة ورا ليله تجر اللون من شعري,,
,رجا ليل بعين الخل ياتي ثم يحيني,,
بعد ماشب نار الحب في عودي وهو يدري,,
سرى بليل ولايبالي ولايفكر يعزيني,,,
سبقه الظل من نوري وناري في كم تسري,,
يدوس الظل ماهمه وطول الظل يجفيني,,
حبيبي لو يطفيني جتل حبي ونها وطري,,
واذا طؤل على هجري مصيري النار تفنيني,,
زرعت الحب اشجار تصير ابيوفي الجذري,,
وسقيت الحب من دمي عصير العمر وسنيني,,
يطيح العمر اوراق يضيع ابهدر ونثري,,
ولملم مابقى فيني وتحرقه نار تكويني,,
يعرف ان كلي اشجار وهذا الحال كم يزري..
متى ينوي على الغدرا..شراره وحدة تكفيني..
حبيبي من متى تواري حنان الغدر بالهجر..
ويخلص كل مافيني عشان الحب يضنيني,,
تمئي نفسي ابليله ابيعك لاجلها فجري,,
وتصلي من دفا ناري وتسري ماتواسيني,,,
انا وش ذنبي ياخلي تشب النار بدري,,,
يليت الدمع بللني قبل ما النار تضربني,,
رماد الهجر يدفئي وخوفي الريح لي تذري ,,
رجيتك تكحل اعيونك رداد تذكره فيني,,,
اشوفكم بكرة على خير,,,
البارت الرابع والاربعين,,,,
كان ماشي بسيارته مايدري لوين..
أي جهة مجهولة لان ذاكرته ماهي سامحة له بانه يتوقف عند مكان معين بها الظروف..
كل افكاره مشوشة...
ريم...الجنين اللي في بطنها وهل هم فعلا بخير؟
زينة....وحبها له ورضوخها وبداية تنازلاتها وها الشي ابدا مايبيه انها تتنازل علشانه ولاتلين ولاتسوي أي شي ممكن انه ينحط بميزان لها ويصغره هو قدامها؟
ابوه والحركة اللي سواها فيه وهل ممكن ترجع الامور معه على طبيعتها من جديد ولا بيظل كذا مو قادر يحط عينه بعينه؟
اه يااحمد...ليش بين يوم وليلة تغيرت حياتك كلها ليش؟
رفع جواله وكان ابوه اللي متصل وملح باتصاله بعد وشاف انه لامفر من انه يرد عليه...
ابو احمد من شاله احمد سلامات ليه ماترد؟
احمد بضيق متضايق؟
ابو احمد وينك فيه...انا لازم اشوفك؟
احمد ابي اسمع صوتها؟
ابو احمد بتجاهل انت وينك فيه؟
احمد بانكسار ابي اتطمن عليها...
ابو احمد بتنهيدة قلت لك هي بخير....
احمد بعناد طيب خليني اسمع صوتها..
ابواحمد طيب وينك انت..انا جايك..
احمد برضوخ استريح انا اللي بجيك....
سكر من ابوه بعد مااقنع نفسه بانه ممكن يسمع صوت ريم لو لان مع ابوه وماعند...
ركب سيارته وراح الشركة لان ابوه قايل له بيسبقه هناك....
دخل له المكتب وكان ابو احمد ينتظره ...
ابو احمد استريح..
كان احمد بعده واقف جنب الباب وقال بحزن بتخليني اسمع صوتها يبى؟
ابو احمد بدون مقدمات احمد انت تكلم زينة؟
احمد لا
ابواحمد باعتراض وليه جابت طاري ريم اليوم واصرت على موافقتها بعد؟؟ماتحسها تقراء افكارك بالمقلوب يااحمد؟
احمد بتنهيدة يمكن واخيرا حست على عمرها انها مو الانسانة المناسبة...وانها لمى تدخل بينا بتكون هدمت حياتنا انا وهي؟
ابو احمد كلام مايقنعني ابدا!!انا ادري فيك قايل لها بس شلون مو مهم..المهم انك موصل لها خبر انك تبي ريم؟
احمد يبى...فيني اسئلك سؤال؟
ابو احمد ناظره بدون مايقول شي..
احمد بقهر مو كنت خاطبها لغسان؟وش اللي صار؟ليش طاحت ها البلوى فوق راسي!!!!
ابو احمد اللحين زينة بلوى؟
احمد بانفعال وستين بلوى بعد!!
ابو احمد يوم انك طلعت اليوم وطلعت هي وراك طلعنا وراكم انا وعمك بو مشاري....وسمعتها باذني تقولك احبك وبسوي اللي يرضيك....وتقول عنها بلوى؟
احمد لاني مااحبها يبى...انا احب زوجتي...ريم وبس؟
ابو احمد وش فيها زينة....الكل يتمناها؟
احمد سئلتك مو كانت لغسان.؟
ابو احمد اختارتك انت!!
احمد حلو حلو...عيني على الكرامة؟
ابو احمد احمد ها السالفة بيني وبينك....هي ماقالت بس كلامها اليوم كان صريح ولا ابوها قايل لها ان غسان اللي خاطبها ليش اختارتك انت وهو ماقال لها ان انت ؟وهي عارفة فوق هذا انك متزوج؟زينة تحبك يااحمد...لا
احمد بانفعال مو المهم انا انا اللي احبها...
ابو احمد بقولك كلمة يااحمد...ترى البنت اذا حبت حببت فيها الرجال ولو قلبه صخر؟ومع الايام ومع عشرتك مع زينة بتذكر كلمتي حتى بينك وبين نفسك؟
احمد ريم..
ناظره ابو احمد بلا تعليق..
احمد برجاء يبى تكفى طالبك ابي اسمع صوتها.....
تنهد ابو احمد وطلع جواله ودق على ابو ريم وحطه سبيكر علشان احمد يسمع الكلام اللي هو مسبقا محفظه ابو ريم وقايل له يقوله اذا دق عليه وقال له ان احمد يبي يكلم ريم...
ابو ريم مرحبا بعمي الشيخ بو احمد...ياهلا وسهلا..
ابو احمد وهو يناظر بولده هلا بنسيبنا ..شلونكم...
ابو ريم مدامك بخير ياعمي كلنا بخير....
ابو احمد اقول ابو ريم ريم حولك احمد وده يكلمها؟
ابو ريم ريم نايمة يابو احمد اذا تبي اصحيها لك ؟
ابو ريم لا مدام ام الغالي نايمة خلاص بعد لاصحت دقينا عليها خلها مرتاحة...بكلمك بعدين وهذا احمد يبلغكم سلامه..
ابو ريم الله يسلمه ويحفظه ان شاءالله...
سكر ابو احمد وقال سمعت نايمة؟
احمد وهو يناظر في ابوه بدون تصديق ريم ماتنام ها الحزة يبى؟
رفع راسه لولده وناظره بدون مايعلق باي شي,,,,,
جاها اتصال من مطلق اول مادخلت البيت...
مطلق بخوف زعلتي ياقلبي؟
دارين لا...
مطلق بتشكيك قولي قسم مازعلتي؟
دارين بهدوء والله مازعلت؟
مطلق طب ليه قمتي؟
دارين بس..
مطلق مافي شي اسمه بس....قولي الصدق لاتخبين علي؟
دارين بتنهيدة حسيت اني متفشلة منك وانت تناظرني كذا وماعرفت شسوي كنت ابي اقوم من نظراتك باي طريقة؟
مطلق بتشكيك بس كذا؟
دارين بارتياح صدقني....
مطلق ترى بعده عندك وقت اذا زعلتك بقوم اكفخها لك؟
دارين حشى؟منت صاحي ؟في ناس تضرب للحين يامطلق عاد؟
مطلق علشانك ادفنها بعد مو بس اضربها؟
دارين لاوالله علشان تكرهني زيادة فوق ماهي كارهتني؟
مطلق لاوالله ماتكرهك تلاقينها بس..
قاطعته دارين وهي تضحك عارفة....هي ماتبي احد يقعد مع غسان غيرها عبالها اخوي صار ملك من املاكها؟
مطلق فديت الضحكة انا...يالله مدامك مو زعلانة ارجعي اطلعي ابي املي عيني بشوفتك؟
دارين بهمس تحلم..
مطلق ليه عاد؟
دارين اقولك انا ابي اقوم من نظراتك وانت تقولي ارجعي اطلعي!!والله مااسويها؟
مطلق ها بدينا بحركات الثقل والتغلي؟
دارين شوف نفسك شلون تناظر فيني بعدين تكلم؟
مطلق خلاص طلعي ومو مناظر فيك بالمرة؟
دارين عطني قبلها مليون علشان اصدقك؟
مطلق ههه أي حاضر تعالي اخذي المليون يالله...
دارين خلاص مطلق مافيني مابطلع لو تحلم..بروح اقعد مع اختي وصاحبتها اشوفك بعدين؟
مطلق اوووف يعني خسرنا الاثنين سوا..لامن الشوفة ولامن سماع الصوت؟
دارين محد قال لك صير طماع؟
مطلق طيب يصير البس عباية واتنقب واجي اجلس معكم واشوفك؟
دارين مدري جرب حظك ههههه
بشاير جراح شفيك؟
تنهد بقوة خوفتها...
كانت متشككة في انه جالس يبكي,,
كان قبال النافذة وعاطيها ظهره..
تقربت منه ولقته مغمض عيونه,,,
ومبين اثر دموع لسه ماجفت تنهدت وعرفت ان السالفة تخص هالة...
قالت بهدوء وهي مكتفة يدينها شفيها؟
جراح بعمق وهو لسه مغمض عيونه تعرفين ليه تطلقت؟
بشاير بحذر لا....
جراح بتنهيدة كبيرة وكانه يبي يزيح الهم من صدره اذا طلعها ماتجيب عيال يابشاير؟هالة ماراح تكون ام بيوم من الايام؟
بشاير فتحت عيونها على وسعها وماعلقت بشي....
جراح بحزن في احد يقدر يوصف لي شعورها؟انا بروحي الخبر زعلني وضايقني وحزني...كيف هي؟كيف تقبلته؟كيف قاعدة تعيشه يابشاير؟
بشاير بتنهيدة انت شعرفك؟
جراح سمعت عمتي تعايرها؟
بشاير بتمتمة يكون شرع الله ياجراح ليش بتعترض عليه..وبعدين ماتدري وش اللي مكتوب لها بها الدنيا؟
جراح بالم متقطع طيب في امل انها تجيب عيال يابشاير؟
بشاير بضيق جراح شفيك؟كل شي بيد الله؟هي بتكون ادرى بحالتها منا...يعني لو كان في امل ماكانت قعدت مع زوجها؟
جراح ليش تقولينها بها الطريقة؟
بشاير بحدة علشان اذا انت حاط في بالك انها تطلقت وانك بتاخذها تحط ها السبب قدامك وتشيلها من بالك؟
جراح بانفعال اللحين يوم انها تزوجت وصارت لرجال ثاني ماقدرت اشيلها من بالي!!تبين اللحين علشان عيال اشيلها يابشاير؟
بشايربانفعال وتحرم نفسك من الابوة ياجراح؟
جراح انتي بنفسك قلتي كل شي بيد الله ومحد عارف وش المكتوب له بها الدنيا؟
بشاير بانفعال جراح...هالة ماتناسبك...اكبر منك؟ومطلقة..وماتجيب عيال..ممكن تقولي وين مميزاتها بالضبط؟
قاطعها بانفعال وعصبية سنة بس الفرق بيني وبينها...يعني شي لايذكر يابشاير...وانها مطلقة فهذا مايعني ان كل وحدة تتطلق ماترجع تتزوج يامثقفة؟والعيال......
قال اخر كلمة وسكت وكاْنه يدور مبرر..
بشاير بهدوء وهي تتقرب من كتفه وتحط يدها عليه قالت بحنان زايد جراح..انا احبك ياخوي...ولاني احبك خايفة عليك...لاتضيع نفسك وتضيع شبابك اكثر من اللي ضاع؟
هالة ماتناسبك وكلهم بيوقفون ضدك لو تختارها...ريح بالك من اللحين وشيلها من تفكيرك ترى ولاميزة عندها بتخيلهم يقتنعون فيها..
لاتتحارب انت وهم عليها؟في غيرها الف وحدة؟
قال بالم وغصة مخنوقة انا احبها؟تفهمين وش معنى ها الكلمة؟مايكفي انها مابتحس بيوم من الايام بحبي لها؟
انها تتطلق من زوجها ابد ماكان بحسباني...كنت عايش وانا شايل فكرة الزواج والارتباط من بالي وساجن عمري لها ولذكرها...
بس اللحين يوم تطلقت حسيت ان الدنيا بتبتسم لي...لاتقفلينها بوجهي يابشاير تكفين؟
غسان عادي اقوم اشوف اختي؟
فاطمة لاطبعا..
غسان على امرك عمتي..
فاطمة أي وبعد وشهي سوالفك...
ابتسم لها وقال بحنان بخير جعلك سالمة..
فاطمة اللحين اقولك شنهي سوالفك تقولي بخير؟انت شلون تتكلم؟
غسان وهو يضحك طيب وش تبيني اقول يعني؟
فاطمة يعني تقول وش سويت ؟وين رحت؟وش اشتريت؟ليه انت ماتجي كثير هنا؟
غسان اها..يعني هاذي السوالف...والله مادريت عمتي فاطمة؟
فاطمة وهي تحط رجل على الثانية وهي على الطاولة يالله هذا انت دريت يالله تكلم؟
غسان مد يده لها وقال اول نزلي عن الطاولة وجلسي بالكرسي وبعدين بنسولف....
فاطمة ماابي...
غسان ليه؟
فاطمة لاني صغيرة ماابين اذا جلست بالكرسي...
غسان أي بس انا اشوفك لاني جنبك..
فاطمة بعناد ماابي....
غسان خلاص اجل جلسي بروحك انا قايم...
سوى روحه بيقوم وقالت وهي مقهورة اوووف خلاص قمت...كل شي على كيفهم؟
غسان وهو يجلسها على الكرسي منهم اللي كل شي على كيفهم؟
فاطمة بامتعاض انتوا الكبار؟
غسان علشان احنا نخاف عليكم يالصغار ومانبي شي ياْذيكم..
فاطمة ياسلام....
غسان لو جلستي فوق الطاولة ممكن تطيحين وتتعورين صح ولاانا غلطان؟
فاطمة غلطان...
غسان وهو يبتسم ليش زعلانة اليوم؟
فاطمة قهويني علشان ارضى؟
غسان اها....بس اللي هنا نسكافيه حقي وحق اختي ومايصلح لك بعدك صغيرة عليه؟
فاطمة اصلا انا مااحبه...مااحب غير حليب الفانيلا...
غسان طب روحي جيبي لك حليب فانيلا وتعالي..
فاطمة وماتقوم...
غسان وليه اقوم...
فاطمة طيب باخذ جوالك معي رهينة علشان ماتقوم...
قالتها وشالت جواله وراحت تركض وابتسم لها..
مامرت ثواني الا ونسايم من وراه تقول الحمدلله على السلامة؟
لف لها وقال بهدوء الله يسلمك...
نسايم وهي تتفحصه شدعوة عاد,,,لاتقول ولاتعلم انك بتجي؟
غسان ..........
نسايم لو قلت كان فرشنا لك الدنيا ورد وجوري؟
غسان وهو يلف عنها مايحتاج؟
نسايم وهي تبتسم شخبار ناريمان زميلتك؟
احمد السلام عليكم...
رفع ابو مشاري راسه عن المكتب وابتسم... هلا وغلا بالنسيب....
احمد الله يسلمك ياعمي...خير...
ابو مشاري الخير بوجهك يبى تفضل اقعد؟
قبل مايطلع احمد من شركة ابوه كان ابو مشاري متصل فيه وقايل له يبي يتكلم معه برى البيت واذا قدر يمره الشركة وراح له احمد...
قعد قباله وقال ابو مشاري وش تشرب ؟
احمد لاعمي مايحتاج...انا برد الدوام طالع من الصباح؟
ابو مشاري احمد...
احمد خير ياعمي...
ابو مشاري تنهد...
كان احمد يناظر فيه...
طول عمره ابو مشاري بالنسبة لهم مثل العم..من صغار وهم يعرفونه ودايم يشوفونه مع ابوهم...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك