رواية من أعماق أحضان مجنونة -33
بشاير بانفعال من بين دموعها ومريم؟
مشاري بطلقها؟
بشاير بصدمة شنو؟
مشاري مستحيل نعيش مع بعض؟
بشاير بخوف لالالالا...مشاري اتركني انا ماابيك خلاص ..بس لاتطلقها انا مالي شغل...
الفراق اريح لي ولك...
مشاري بتعب بشاير....
اشوف الموت في نظرة عيونك..مثل ماشفت انا فيها حياتي...
انا بالله كيف احيا بدونك...اذا كان الهجر يعني مماتي,,,
تغيب وتاخذك عني ظنونك,,واسامر وحدتي واسهر واحاتي
اذا نوم الهنا داعب جفونك..انا ماتعرف جفوني سباتي..
حبيبي والغرام العذب كونكم...حبيبي والعطش كله بذاتي
متى تمطر على قلبي مزونك,,,وتتحقق بلقياك امنياتي
اموت بغيرتك واعشق جنونك..واحب بنظرتك اقرا غلاتي
تطمن مااحب الا عيونك...لاني شفت في عيونك حياتي,,
يوم دق لها احمد وقال يبيها طلعت له الحديقة تنتظره
مشت شوي ولقت جراح جالس بخيمته وعيونه على باب فلتهم...
وكاْنه ينتظر طلعتها ولادخلتها...
تنهدت وكملت مشيها.....
وماكانها تشوفه تنهد بقوة ورفع صوته وهو يقول...
احرقتني بنارك....ياطول ها الهجران...
.واسري على دارك,,اجبرني الحرمان...
قتلتني اخبارك....عيت تجيني احيان..
منهو علشانك.. شال الجمر والنيران...
من حبك وصانك,,,غيري ابد انسان,,
لفت له وكانت بتتكلم بس شافته غير نظرات عيونه عنها وسكتت وكملت مشيها...
ظلت واقفة تنتظر احمد اللي قال يبي يكلمها وللحين ماجا...
ماتدري ليه مايبي يدخل ويبي يكلمها برى وعلى عجلة,,,
تنهدت وهي حاسة ان نظرات جراح لسه عليها....
يوم لفت بترجع داخل كان واقف وراها علطول...
ارتبكت وماعرفت شتسوي...
قال باسف وهو عيونه عليها اسف مو قصدي اخوفك....كنت بمشي وانتي لفتي؟
ماردت عليه بس بعدت علشان يمر...
بس مامشى ..ظل واقف مكانه.....
يناظرها....عذاب اللي بعينه قاعد يكبر وهي مو راضية ترفع عيونها تشوف وتقراْ اللي هو يحس فيه؟
تنهد بقوة خلتها ترفع راسها تناظره بصدمة من قوة تنهيدته وبها الشكل....
قال برقة وهو يمد يده لجيبه ويطلع منه سلسال عرفته زين لسه عندك ولارميتيه؟
هذا السلسال....اللي عطاها اياه بليلة زواجها؟
أي هو نفسه...لا حقها عندها هذا اكيد واحد ثاني يشبهه؟
تنهد بقوة وبحزن ورجعه بجيبه وقال اكيد تخلصتي منه بنفس الليلة ؟اصلا وش بيجبرك تحتفظين فيه؟
مرت من جنبه وسمعته يهمس بالم اصلا اكبر عذاب انك تظلين ساكتة وماتردين علي!!!!
وقفت مكانها ورجع هو خيمته...
قال بصوت عالي وهو يناظر بسقف الخيمة ويداري دموعه لاتطيح وهو يعنيها بكلامه,,,
في عز ماكنت اهوجس فيك وافتح لك...
ابواب قلبي خذتني رجلي لبابك...
وجيتك وانا مااذكر اني كنت رايح لك,,,
بس اذكر اني كذا لاطول غيابك...
ياما ترددت مدري كيف بشرح لك...
احيك وارجع ..ابيك تقول وش جابك؟
ياابن الاوادم ترى مليت المح لك...
انا اعزك واحبك واعشق ترابك...
لاضقت اضيق ومتى ماتفرح افرح لك....
ولاغبت اموت ومتى ماشفتك احيا بك...
ان كان ودك ترسيني على كحلك..
لميت عمري وخاويتك على اهدابك...
لكن قبل تنجرف حبيت اوضح لك...
مستقبلي في يدينك واعمل حسابك..
لو ضاع مستشقبلي ماني بسامح لك...
يكفيني الماضي اللي ضاع باسبابك؟؟؟؟
هالة...هالة...هالة,,, رفعت راسها ولقت احمد واقف يكلمها...
ماتدري وين كانت سرحانة بالضبط؟
مع جراح...مع نظراته؟مع كلامه؟
تنهدت ومشت مع احمد....
هالة زمان وصلت؟
احمد لا...توي واصل....
هالة وش عندك....ترى اقلقتني؟
وصلوا عند المطبخ الخارجي...
وقعد احمد بتعب..
هالة بخوف شفيك؟
احمد بتنهيدة طويلة ابوك هدم بيتي ياهالة؟
هالة شنو؟
احمد بتعب خرب حياتي ياهالة ...ريم ياهالة ريم...
هالة اهدا شوي وانت تتكلم خلني افهم وش اللي صاير؟
احمد بانفعال زايد مايناسب طيبه معهم بعدها عني!!مدري وينها فيه؟يدري انها حامل بولدي ومع ذلك بعدها ياهالة؟يدري اني مااعيش بدونها وماهمه ياهالة؟
هالة شلون يعني بعدها؟
احمد مدري وينها...لاهي ولااهلها...تقولين الارض انشقت وبلعتهم؟؟
هالة احمد هدي...طول منت معصب انا ماراح افهم منك شي ولاانت بتعرف تفكر اصلا...
احمد بعاطفة زايدة احبها ياهالة والله احبها..
هالة وهي تجلس جنبه شسوى ابوي يااحمد؟
احمد خطب لي بنت بو مشاري؟
هالة بصدمة زينة؟
احمد باحتقار قصدك شينة؟؟؟ومامن اشين منها....
هالة طيب اذا ابوي خطبها هي وش ذنبها عاد؟؟اكيد انها ماراح تعترض....بس مو هاذي سالفتنا....ريم وش دورها بالقضية وكيف بعدت؟
احمد على باله انه اذا بعدها عني برضخ له وبوافق على العرس؟
قالها وسكت وعيونه بالارض والحزن ماليه...
هالة طيب وماحاولت تساْله وينها فيه؟
احمد بانكسار قال لي بعد العرس بتجيك....وبتشوفها....
هالة حاولت تسايسه وتساله ليه خطب لك زينة مثلا؟
احمد انا ماابي اعرس ياهالة ريم مكفيتني..متى بتفهمون ها الشي وبتفهمون اني احبها متى؟
هالة سكتت وماعرفت شتقول.....
احمد بتعب واضح بس شكلي فعلا برضخ له وبوافق على ها العرس؟
هالة بتشكيك تتزوج على ريم؟
احمد بانفعال هالة...انا يوم واحد بس اللي ماسمعت فيه صوتها ولاشفتها قبالي ومو قادر استقر..احس اني صاير مثل المجنون...كيف بعد اقعد فترة اطول من كذا؟
هالة احمد...لاتتخذ أي موقف ولااي قرار وانت معصب؟
احمد برجا هالة ابي اسمع صوتها...ابي اتطمن انها بخير...تكفين طالبك لاتردني ..
هالة احمد..انا...مدري شسوي....
فجاْة جاهم واحد من وراهم وغمض عيون هالة....
هالة بحذر منو؟
غسان ياْشر لااحمد انه مايقول..
هالة بخوف احمد قول منو؟
غسان وهو يضحك اللحين دكتورة ودكتورة وتخافين اذا احد غمض لك عيونك؟
هالة بتفاجىء غسان؟
ضمها لصدره بحنان وقال هلا بالغالية....وحشتيني وقلت لازم اجي اشوفك...
احمد ماعندك شي بكرة..
تقرب من اخوه وسلم عليه هذا بدل ماتقولون شلونك ووحشتنا تطردوني؟
احمد ببتسامة شاحبة مستقبلك اهم منا...
غسان يكفي سلام باليد يابو حميد ولا تبي ابوس راسك بعد!!
احمد بتنهيدة اقعد بس اقعد..
غسان وهو يتفرس بوجهم ثنينهم شفيكم؟
ام وليد من وراهم ماشاءالله عيال العراقية متجمعين...
لفوا وكان ابو احمد معها...
هالة باحتقار ليش مادريتي ياام وليد..
ام وليد خير ان شاءالله..
هالة ابو احمد رابح باخر صفقة ومجمعنا بيحتفل معنا...اكيد ماوصلك الخبر...لاعاد يبو احمد اللحين اللي بالكويت دقيت لهم وجبتهم وفرحتهم واللي هنا مايدرون شدعوة عاد؟
ابو احمد وهو يناظر باحمد خلونا ندخل ليه واقفين هنا..
غسان وقف بيسلم على ابوه واحمد قال لهالة بشوفك بوقت ثاني...دقي لي قبل لاتنامين...
ابو احمد ادخل يااحمد الدنيا ليل نام هنا وبكرة بنتكلم...
قالها بس احمد ماوقف يسمعه وهالة همست لغسان روح ورى اخوك وظل معه لاتتركه...
طلع غسان ورى احمد وطلع وراهم ابو احمد بسرعة...
ام وليد بشماتة أي سلي عمرك ياهالة يابنيتي بصفقات ابوك وبنجاحاته مدامك مابتفرحين بعيال يقولون لك كلمة ماما بحياتك؟
انكسروا عيونين بعيون بعض...
عيون جراح اللي جاي ورى عمته وسمع كلمتها..وعيون هالة اللي طاحت منها دمعة لااراديا وهي تسمع ها الكلمة,,,,,
كانت جالسة تنتظر اتصاله ...
ماتدري ليش انقلبت السالفة وهي اللي صارت تنتظره على نار وتنتظر سماع صوته...
تنتظر تسمع اللهفة والاحاسيس اللي عنده ويدغدغون لها مشاعرها
تنتظر تسمع كلام الحب والعشق وتسكر على صوته...
اسلوبه...فيه شي ماهو طبيعي...يخليها تنسحر وتروح لبعيد.....
تنهدت وابتسمت يوم شافت اتصاله...
ردت بلهفة ماخفت ابدا على مطلق هلا.... ...
مطلق بحب هلا بااحلى هلا سمعتها بحياتي...
دارين تنهدت وقالت بهمس ممكن تخف شوي؟
مطلق ليه؟
دارين اذا كذا بداية المكالمة على شنو بنرسي وقت اللي بنسكر؟
مطلق مو لازم نسكر.....ولايهمك....
دارين شلونك؟
مطلق يوم اني سامع ها الصوت الحلو وش بيكون لوني؟
دارين وشخبار بناتك؟
مطلق اوووف وش يجيبهم بالنص؟
دارين بس كنا نسولف فيهم قبل شوي؟
مطلق انتي ومنو؟
دارين وغسان....
مطلق اممم
دارين يقول وحشوه...ر غم انه ماشافهم كثير بس تعلق فيهم...
مطلق دايم يسولفون لي عنه...هم بعد تعلقوا فيه...يسئلوني متى بيجي البيت مرة ثانية؟
دارين انا بعد اشتقت له مووت...
مطلق ها ..ها...وش اشتقت له بعد!!قدامي تقولينها؟
دارين اخوي هذا؟
مطلق خلاص تنسين اخوك واهلك وماعاد تفكرين الا فيني انا؟
دارين ليه؟
مطلق بهمس علشان نذوب في بعض اكثر..
دارين بارتباك مطلق اذا بتظل تحكي كذا بسكر...
مطلق لا يامعودة كل شي ولاتسكرين..قولي وش تبين نسولف فيه....
دارين كيفك....وش ماتبي قول...
مطلق اممممم...ممكن اسمع منك كلمة احبك؟
دارين شنو؟
مطلق ابي اشوف كيف تقولينها.....
دارين مستحيل طبعا؟
مطلق ليه؟
دارين .........
مطلق انا ماسئلتك اذا كنتي تحسين فيها ولالا...بس ابي اشوف شلون تقولينها ...يعني شلون تطلع من لسانك العسل....
دارين غير السيرة....
مطلق ليه.....ابي بس اسمعها شلون تصير والله...
دارين وقت اللي تطلع بتسمعها....غير الموضوع ولاسكر...
مطلق بتنهيدة اه ياقلبي اه...
يافديت اللي اذا جيته اقول,,,قل احبك استحى وماقالها
وان زعلت يتمتم بهمس خجول,,,تطلع احلى لو تجي من حالها؟
دارين مطلق...بسكر صدقني؟
مطلق رجعنا للتهديد؟
دارين كم بنت عرفتها في حياتك يامطلق؟
مطلق ................
دارين يعني انا اقصد انا كم رقمي ؟؟؟
هذا رقم احمد يازينة.....
معقولة احمد متصل فيني!!!
مسكت جوالها بترد بلهفة......بس لحظة...احمد وش يبي بيدق علي؟
اكيد بيقول انه مو موافق على ها العرس...
أي هو طول ماهو قاعد ماكان مرتاح ومبين عليه الضيق وابوه يبرر ها الشي علشان الحادث اللي توه طالع منه.....
بس انا عارفة انه مايبي ها الشي ومايبيني....
مو مهم اهم شي اني اكون بقربه....
انعفست ملامحها للزعل والعبوس يوم توقف الجوال عن الرنين ولامت نفسها انها روحت على نفسها سماع صوته ,,
تنهدت بقوة,,,,,
ومن سمعت صوت رنة المسج فتحته بسرعة...
كان المسج منه.....(زينة انا احمد اذا سمحتي ردي علي)
ماتدري أي احاسيس كانت منتابتها.....قلبها قام يدق بسرعة...
احمد ...بتسمع صوته....بتطرب اذنها فيه...
بتقوله احبك.....اي بتقولها ماهي قاوية تشيلها بصدرها اكبر واكثر من كذا....
حتى لو قال شنو ماقال لها...لو يقول لها ماابيك واكرهك بعد بتقولها وبتريح صدرها من ها الكلمة اللي شايلها من زمان....
بااصابع مرتعشة دقت عليه وقلبها يدق من الخوف,,,,,,
جا صوته مثل البلسم على خفقان قلبها وهدئه..
احمد بثقله المعتاد الو...
زينة وبنعومتها اللي زادت طبيعيا مع سماع صوت احمد هلا...
احمد تنهد وبعدها قال السلام...
زينة بصوت اقرب للهمس وعليكم السلام....
احمد بغيت اخذ من وقتك شوي...
زينة بهمس كل وقتي لك يااحمد...
سوى روحه مايسمعها شوفي يازينة....انا ها العرس مالي فيه....انا متزوج واحب مرتي ولاتفكرين انك بتاخذين مكانها بيوم من الايام؟؟؟
قالت بغصة وبصوت واطي عارفة ها الشي ومتاْكدة منه بعد....وماهو طموحي اخذ مكان ريم يااحمد....بس قربك ولاالعدم؟
سكت احمد مع كلامها وتذكر شكلها الخايف اول ماقال ابوه انه صابه حادث وكانوا بيفقدونه وسرح بتفكيره شوي.....
زينة انت تامرني....شبغيت ابشر....
احمد بتنهيدة حزينة ابي ريم يازينة....
زينة بذهول ريم؟
احمد بزعل أي ريم.....
زينة بتردد هي عرفت وزعلت وطلعت من البيت يااحمد؟
احمد بانكسار هي عرفت أي...بس ماطلعت من البيت....ابوي بعدها علشان اسوي ها الشي وهي بعيدة عني بجسدها مايدري انها ساكنة بالروح...
تنهدت زينة بعمق وكانت تبكي من كلامه...صحيح هي ذلت نفسها له بس كلام يجرح مهما كان....
احمد بعمق وانفعال اذا ريم ماترجع البيت يازينة ماراح يتم أي شي....انا ماابي شي بدون ريم....باخذك ولو اني ماابيك بس يردها....ابي اشوفها واتطمن عليها...مرتي حامل يابنت الناس وعيوني ماهي قاوية تغمض وانا مدري وينهم ولا شخبارهم!!
تنهدت زينة بعمق وبعدها قالت بصوت اقوى من اللي قبله تعال بكرة البيت.......وبنتفاهم....
احمد ابي اعرف شنو بيصير.....
زينة اشوفك بكرة على خير..............احمد....تراني احبك موت والله....من شفتك غيرت لي كل حياتي.....انا اعشقك...ادري بعت نفسي وذليت حالي عليك.....بس انت ماتفارق خيالي ابدا.....
تعال بكرة وابشر بمطلوبك يالغالي,,,,,,
اشوفكم بكرة على خير يالغلا,,,,,,
مكتوب لكم ها البارت تقرونه...
جيت بالاول بنزله وطفى الكهرب على الحي بالكامل ويوم اشتغل جيت انزله الا نزلت لكم البارت الثالث والخمسين وبالنهاية انتبهت ان احنا لسه بالاربعين وتداركت الوضع قبل لاتدفنوني ههههه
البارت الثالث والاربعين,,,,
مطلق تنهد وقال تبينا نكون صريحين مع بعض...
دارين بثقة اذا مفكر انك بتلعب بذيلك معي فاانت غلطان يامطلق...
انا ادري ماني البنت الوحيدة بحياتك...
مطلق انا ماكذبت وقلت انك الوحيدة بحياتي يادارين...
ساد الصمت بينهم ثواني..
تنهد وقال بحزن انا فعلا مروا بحياتي بنات كثير من هنا ومن برى...بس عمرهم ماخلوني اعيش معهم بعواطفي...
ماتركوني احبهم ويحبوني..كانت علاقات عابرة وبس!!
دارين وعلى بالك اني بجاريك وبعطيك اللي تبيه؟
مطلق ومن قال اني ابي منك شي اصلا!!!
دارين بارتباك شتقصد..
مطلق بعطيك اياها من النهاية....
انا ابي اعيش حب صادق مع انسانة محترمة مثلك ماعندها سوابق واستقر معها ونتزوج واخذ بناتي عندي؟
دارين...................
مطلق ماسمعت رايك؟
دارين ومن قال اني بكون قد اللي انت تبيه؟
مطلق ليش احنا نكلم بعض اللحين؟
دارين مافهمت....
مطلق علشان انا اشوف اللي انا ابيه فيك وانتي تشوفين اللي انتي تبينه؟
دارين ......................
مطلق دارين...
قالها بهمس....
دارين نعم....
مطلق غلاك يادارين بقلبي تمكن...له مدة بالقلب يابنت ماكن
ويابنت لك عندي مقام امكن,,,,وعيوني الثنتين لاجلك مساكن
كل العذارى من جمالك تحكن..وكل المكايد اعملك وحاكن
من كثر زينك يابعدهن تشكن,,,ياللي بذكرك كل الالسن تحاكن..
ويابنت قلبك عند قلبي مسكن,,,وغلاك انتي داخل الجوف ساكن
افديك انا بللي عليه اتمكن..وقلبي وقلبك بالمحبة تراكن
وياروح روحي..الليالي يبكن...بغيتك والكون اسود وداكن,,
وسبحانه اللي بالملاقا يمكن...اللي جعل زولك بكل الاماكن,,,
نزلت عيونها بسرعة وهي الكلمة ذبحتها وانهتها...
ليش يايبى قلت لها بس...
اللحين بظل اسمع ها السيرة ليل نهار وبشوف شماتتها فيني؟
لفت بتدور وناداها بصوت راجف..
جراح هالة..
وقفت مكانها وهي عاطيته ظهرها وجالسة تمسح دموعها اللي طاحوا منها....
جراح تقرب وقال بتشكيك شتقصد عمتي بكلامها؟
انكسر قلبها...
اول السائلين عن ها الموضوع جراح وياترى من بيكون الثاني ياهالة؟؟؟؟
لفت له وقالت ببحة انا مااجيب عيال؟عندك اشكالية بالموضوع؟
الغريب ان هو اللي كانت تدمع عيونه بها اللحظة...
ويوم شافت دموعه انفجرت هي بكل مافيها وطاحوا دموعها من جديد....
وراحت قسمهم...
تركها تروح...اي...لانه مو قادر يقول لها شي....
هالة ماتجيب عيال؟
علشان كذا تطلقت؟؟؟
ماتجيب عيال؟؟؟ماتجيب عيال ياجراح....
هالة ماراح تكون ام بحياتها ابدا!!!
تنهد بقوة وهو مو قاوي يمسك نفسه ولا يقاوم دموعه اللي انزلوا منه بلا وعي!!!
غسان يبى شصاير ليش احمد متضايق وماوقف؟
ابو احمد بتنهيدة اللي يبي الخير لااخوانك يطلع غلطان معهم؟
غسان لو الكلام عن شخص ثاني قلت لك أي..بس احمد..لا السالفة فيها شي اكيد؟
ابو احمد خطبت له....شفت شنو صار؟قوم الدنيا وماهو مكلمني؟
غسان بتردد أي بس انت عارف وجهة نظره بها الموضوع يبى...
ابو احمد يايبى ياغسان الرجال مايعيبه شي اذا تزوج مرتين وثلاث...
انا فيني عيب اللحين لاني تزوجت ثنتين؟
غسان لا...
ابو احمد خلاص وين المشكلة؟
بعد لو هو متزوج لي وحدة بنت اصل وفصل من البداية قلنا ماعليه بس بعد اهل ريم وين واحنا وين؟
شرد غسان بفكره بعيد.....
اذا ريم ابوه ماهي عاجبته كيف هو مستقبلا يفكر يرتبط بناريمان اللي عيلتها مشربكة في بعض ولها اصل هنا وهنا ..الاكيد انه ماراح يطولها فلازم يشيلها من باله من اللحين؟
ابو احمد انت ليه جاي بدري ها المرة؟
غسان ها...
ابو احمد وين سرحان صار لي ساعة اكلمك...
غسان اسف يبى بس شرد فكري شوي...شكنت تقول؟
ابو احمد بضحكة كنت اقول ليه جاي بدري....
غسان علشان عندنا محاضرة اعتذرت عن محاضرات ها اليومين وانا ماعندي شي مهم قلت انزل اشوفكم واتطمن عليكم واعيش معكم لحظات حلوة,,,,
مشاري صدق ان احمد خطبك؟
زينة وهي ساكتة بس ناظرته..
مشاري باستفهام وانتي موافقة؟
ماتدري ليش طاحت منها دمعة بها اللحظات...
لانها هي اللي اختارت احمد مو هو اختارها؟بس ماتقدر تقول لااخوها بها الشي؟؟
مشاري زينة..
رفعت راسها وقالت بهدوء هلا..
مشاري بتشكيك ابوي غاصبك على احمد..
زينة لا...ابوي عمره ماغصبني على شي؟
مشاري أي بس انا مااشوفك مرتاحة ولافرحانة حتى؟
زينة تنهدت وهي تداري دموعها لاينزلون يمكن مااعرف افرح بالقوة ..مدري انا مااعرف اطلع مشاعري يامشاري..بس تاْكد اني اسعد انسانة بكون دامي بكون جنب احمد...
ناظرها مشاري وقال بتشكيك ليه يعني؟
زينة واحمد ينعاب يامشاري عاد؟
مشاري بلا مقدمات ليه وافقتي وانتي عارفة ان عنده زوجة ثانية؟
زينة وعيونها بالارض ومن قال ان الزوجة الثانية عيب؟
مشاري بهمس بس ماراح يعدل بينكم..احمد يحب مرته يازينة؟
طعنتها ها الكلمة...تدري انه يحبها ليش يعيدون ويزيدون فيها ويجرحونها كل شوي...
زينة انا راضية..
مشاري في شي مو قادر افهمه يازينة,,,
زينة بهمس احبه يامشاري....
سكت وتنهد وقام يناظر بالنافذة.....
زينة يعني...قربه يعني لي الكثير يامشاري...
مو مهم يكون يحبني مثلها...ادري اني ماراح اوصل لها بس اظل قربه طول اليوم..ها الشي يكفيني,,,
ظل مشاري ساكت وماعلق بشي.....
زينة الا انت شخبارك مع بشاير...
تنهد بقوة وطلع من جيبه باكيت سجاير خلاها تقوم وتسحبه من يده قبل لايشغله..
زينة هذا مو حل يامشاري..
مشاري راسي بينفجر من وضعي يازينة....
زينة ليه؟
مشاري تبي الفراق...ماهي طايعة اني اطلق مريم واخذها..تقول ماتقدر تكون بها الموقف؟
زينة الموقف صعب ماهو سهل يامشاري علامك انت؟هاذي بنت عمتها ومعها بنفس البيت...
الله يكون بعونكم...
مشاري ليل العنا طول متى تشرق الشمس...
حاسس بضيق ونبض قلبي سريعي
الايام هي الايام واليوم مثل امس,
,احس شي صاير ولاهو طبيعي
لاناس تفهمني ولاشخص بي حس,
,قمت اتلفت وين ربعي واصحابي,
ان جيت اشكي قالت الناس لي بس,,
وان جيت ابكي دمعتي ماتطيعي؟
لي شخص غالي طلع الضغط للنفس,,
دايم يردد كلمة مااستطيعي؟
الناس من حولي تكلم وتهمس..
كثر الحكي عني وبالي وسيعي,,
ماحيلتي الا اصفق بها الخمس..
من ظلم بعض الناس ظلم فظيعي
بصبر عسى صبري يحقق لها النفس..
اوصال ناس او بعاد وقطيعي,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك