بداية

رواية من أعماق أحضان مجنونة -32

رواية من أعماق أحضان مجنونة - غرام

رواية من أعماق أحضان مجنونة -32

ابو احمد واذا راحت مع ابوها وين المشكلة؟
تقرب من ابوه وقال بلهفة وخوف واضحين يبى انت متاْكد ان ريم مافيها شي؟
ابو احمد والله مافيها الا العافية يااحمد وانا بكذب عليك عاد...بس انا علشان الواجب دقيت على ابوها يشوفها واصر تروح معه اقوله لا اترك بنتك لين يطلع ولدي ويشوفها؟مايصير يبى هذا بعد ابوها...
احمد اممم...يالله انا قايم لانتاْخر.....
قام احمد وراح ابوه يتجول بالشقة....
كان واقف عند باب المجلس اللي كانت هالة فيه وابتعد عنه بسرعة وهو يتنهد ويتذكر بنته.....
وقف عند المدخل اللي عند غرفة نومهم وشاف صورة زواجهم محطوطة باطار فضي...
هو وهي واقفين ومبتسمين...
شال الصورة وقلبها وهو يفكر بللي جاي بالطريق وبيغير من حياة احمد....
ورجع مكانه ينتظر احمد يخلص حمامه ....

ام وليد دقيتي على مشاري...
مريم مايرد..
ام وليد ماشاءالله ومارجعتي دقيتي من جديد طبعا؟
مريم بقهر يمه والله دقيت له ثلاث مرات ومارد علي شسوي له انا بس؟
ام وليد لاتسوين شي انتظري هو يحطك في باله ويتركك بعدين قولي شسوي؟
مريم اوووف
ام وليد الله يستر بس ابوك لايدري....ان درى ذبحك وذبحني معك بيقول شوفي وش ربيتي؟
مريم ابوي مو هنا من البارحة طالع...
ام وليد وهذا اللي مخوفني مدري وين راح ؟
اروى سلام...
قالتها وهي داخلة من برى....
ام وليد وعليكم السلام.....
اروى وش تسوون؟
مريم ولاشي...
ام وليد انتي من وين جاية؟
اروى من برى...
مريم وش تسوين....
اروى كنت بروح لدارين بس ترددت يوم ان هالة هنا....ورجعت لقيت جراح بخيمته جالس...
ام وليد بتفكير معاه احد؟
اروى لا بروحه...
ام وليد وقفت يالله تعالي...
اروى وين....
ام وليد وين يعني بنسلم على جراح....
طلعوا ثنتينهم لجراح اللي كان بخيمته ومبين انه ماراح شركته اليوم..
ام وليد صباح الخير..
جراح بدون نفس وهو يناظرها صباح الانوار..
دخلت ام وليد وقعدت تعالي زين تعالي...
لف جراح لااروى اللي واقفة....
ام وليد تصدق عاد ياجراح تقول شافتك وتبي تسلم عليك استحت سحبتني اجيك علشان تسلم عليك.....
جراح باحتقار هلا والله ببنت العمة....
ام وليد ماطلعت اليوم؟
جراح بتنهيدة لا...مالي نفس اروح مكان...
ام وليد خير ان شاءالله...
جراح وليد وين يشتغل ياعمتي؟
تنهدت ام وليد.....
جراح باحتقار عطالي بطالي.....تبين اوظفه عندي؟
ام وليد تسوي فيني خير يايمه...مو طايعني ولاهو طايع ابوه ورايح يداوم بالشركة مخلي غيره بالحلال يلعب وهو ياخلاف مالت عليه....
جراح بضحكة احتقار وينه؟
ام وليد روحي نادي اخوك...
توها بتروح تناديه الا هو جاي..
ام وليد تعال جراح يبي يكلمك يايمه...
وليد وش يبي؟
ام وليد يبي يوظفك عنده بالشركة؟
وليد انا؟
جراح بسخرية بوظفك عندي مراسل ولاتبي تقهوي بكيفك..اختار الوظيفة اللي تشوف نفسك فيها اكثر ورد علي.....
قالها وهو يضحك بعد ماقام عنهم وتركهم بروحهم بالخيمة يناظرون ببعض ونظرات الشر والقهر تجمعت بعيونهم,,,,,

احمد بذهول وش بنسوي عند عمي بو مشاري بس بها الوقت يبى؟
ابو احمد بنتفاهم يعني شبنسوي...
احمد بضيق يبى هذا وقت نتفاهم فيه مع عمي بومشاري الله يهداك؟انا وين وانت وين.....
نزلوا بدون مايعلق ابو احمد بكلمة وحدة زيادة,,,
دخلوا هناك وتلاقهم ابو مشاري بحفاوة كالعادة وهو عنده خبر انهم جايين...
ابو احمد وين زينة...
ابو مشاري موجودة.؟
ابو احمد قول لها عمك مايبي غيرك يقهويه اليوم...
بعد ماطلع ابو مشاري....
احمد يبى...
ابو احمد انا خاطب لك زينة بنت عمك بو مشاري يااحمد وجايين هنا نتفاهم معهم وكلمة وحدة زيادة ماابي....لاترى مرتك مابتشوفها....
كان بيتكلم بس بالاول استعرض كلام ابوه ودقق بكلمة كلمة....ويوم ادرك الموقف اللي انحط فيه وفتح فمه كانت زينة واقفة قبال ابوه تكلمه وتسلم عليه.....
ابو احمد تحمدي لي بالسلامة يازينة؟
زينة سلامات ياعمي...
ابو احمد لولا لطف الله كان احمد اللحين بحال الله يعلم فيه...
طاحوا الدلة بالفناجين من يدها وقالت بخوف اسم الله عليه...
وجمدت عيونهم اثنينهم عليها..
واستحت هي من نفسها بس قالت بسرعة فال الله ولافالك ياعمي عسى الله يوهبه العمر والصحة ان شاءالله,,,,
ركز احمد نظراته عليها وقال يبى...
زينة سلامتك يااحمد ماتشوف شر يالغالي....
بعد نظراته عنها وهو يستغفر ربه ومو عارف شلون يطلع من ها المصيبة؟؟؟؟

دخل الشقة وهو مو عارف شيقول ولا شيسوي.....
قعد بكل ثقله على الكنبة اللي صادفته وحط الجوالات اللي معه على الطاولة وهو يناظرهم,,,,
بعده قاعد بالصدمة ومااستفاق منها....
كلام ابوه للحين عالق بذاكرته ومو قاوي يغير منه كلمة وحدة ولا ينساه....
ريم راحت مع ابوها....وين ماراح اقولك...وعلشان اوفر عليك الوقت واختصر لك الطريق يااحمد....
هاذي جوالتهم...جوالها وجوال ابوها واخوانها....
حتى لمى تروح البيت مابتشوفهم هناك ..بس علشان اطمنك هم بخير ومرتاحين ومو ناقصهم شي.....
بالمختصر يااحمد كل الطرق اللي ممكن توصل لها لريم مسدودة ومابتوديك وبتوصلك لااي حل؟
محد يعرف عن مكانهم غيري وانا عند كلمتي,,,,
بترجع لك ريم بحالة وحدة يااحمد وها الشي انا وابوها متفقين عليه....انك تتزوج زينة...اذا رفضت ماراح تشوف ريم ابدا ...انسى ها الشي...
حتى اذا ولدت بجيب الولد لعندك....بس هي مابتشوفها الا اذا اخذت زينة؟
وش ها المصيبة اللي ماحسبت لها حساب يااحمد؟؟؟
وش اللي سويته بس يابو احمد؟
كيف تبيع حياتي مع ريم برخيص ؟
علشان شنو اصلا؟؟؟؟
معقولة ماراح اشوف ريم ابدا....!!!!

مرحبا وياهلا وغلا فيكم...
شخباركم...شسويتوا بالاجازة ان شاءالله انبسطتوا يالغلا....
ها شفتوا وعدتكم محد يموت ومحد مات الحمد الله ولو اني ادري فيكم تبون زينة تموت بس حريمتكم ماراح تموت ههههههه
انا اقول شكلكم بكرة ماتبون بارت وتبون نقضيها سوالف...يعني كل واحد يجي يقول سالفة ونعلق عليها ولاتبون نتركها صفحة مشاكل اجتماعية مع الحلول بكيفكم ههههههه
اذا ماتبون ينزل بارت قولوا ترى كل شي ولازعلكم يالغلا(هاذي اللي بتنذبح والله)
اشوفكم بكرة على خير,,,,,,

هلا والله ومرحبا...
شلونكم وشخباركم....
وش ها الشتايم اللي وصلت زينة؟؟هههههه حرام عليكم...
الللي لفتني تعليق وردة الزيزفون كل مااجي اقراء الا بدعوة كل مااقراتْ الا بدعوة هههه قلت ان شاءالله عليهم بس مو علي معهم هههه
بعدين حبيبتي الرواية كم رقم بارتها؟توها بالاربعين..وانتي عارفة كم باقي على الرواية..باقي؟؟؟؟؟؟؟؟
يعني بتنقلب موازين الكون كله هههههههههه
حبيت اعلق على كل تعليقاتكم بس شوية انا متاْخرة وماصاير في مجال..
ان شاءالله بالايام اللي جاية ادخل اعلق عليهم لان تعليقاتكم بجد روعة..
وياهلا وغلا بالللي انضموا لنا حياكم الله,,,

البارت الثاني والاربعين,,,,


شلون يعني يااحمد,,,,,
ريم خلاص...بح,,,؟؟؟
مافي شي اسمه ريم الا مع وجود زينة وكونها امر حتمي بحياتك؟؟؟
يعني الليلة بتنام وانت مو عارف لريم طريق؟؟؟
افا يااحمد افا....
يجيلك نوم وحبيبة قلبك مو جنبك؟
ولاتدري وش اللي جاري عليها؟؟؟
اه ياريم اه...سامحيني ياحبيبة قلبي...
والله مادريت انهم بعدوك...كان مارضيت اتركك تروحين عن عيوني...
وين ممكن تكون راحت؟؟؟
وين وداها ابوي هي واهلها؟؟؟
مستحيل سافرت جوازها عندي......
يعني هي هنا ...موجودة بالشرقية...ويمكن بالمملكة....بس وين بالضبط؟؟؟
احبك يااغلى بشر بها الكون...
احبك يااطهر قلب ومخلوق...
ماراح اتركك بعيدة ياريم صدقيني..
بردك يعني بردك....
وبنفرح انا وانتي بللي جاينا....
أي اللي جايينا...
ردد ها الكلمة في باله بخوف وغمض عيونه مايبي يتخيل اللي ممكن يصير للي جاي لهم بالطريق...
مايبي أي شي ياْذيه ويتعب ويتعب امه الغالية
*******مثل ماكان حال احمد والهوجاس ماخذ به..
كانت حالة ريم...
بس هي حالها كان اردى...
كان الصمت ذابحها...
شي كاتم على انفاسها وخانقها ومو قادرة تتنفس...
معقولة احمد باعها بها السهولة؟؟؟
تخلى عنها..؟
يمكن ماتكون فكرته مثل ماقال لها ابو احمد...وماهي مقتنعة فيها...
بس الشي اللي هي متاْكدة منه ان احمد بخير وشافته واقف على طوله وماعرفت تمر وتروح له والمكان كله رجال....
حتى ماقدرت تهتف باسمه....
يعني هو موافق انها ترتاح عند اهلها وبعد كم يوم بعد مايتشاور مع ابوه بها القضية الجديدة يردها؟
كذا يااحمد عاد؟
تبات الليل واحنا بعيدين عن بعض؟
ماهمك اللي في بطني ولاهميتك انا؟؟؟
بسميه محمد يااحمد بس تكفى لاتتركني هنا متعذبة والنار حارقتني!!!
ليش تركتني ابعد عنك يالغالي وماحركت ساكن ولا اعترضت؟
هي صدق فكرتك انك محتاج تفكر بالموضوع على رواق وهدوء وان وجودي جنبك اكيد بيخليك تقول لا ولاعمي يكذب علي؟
طيب اذا كان يكذب علي وينك؟ليه ماجيت واخذتني؟ليه ماطلبت اظل جنبك لين نطلع؟
احمد.......احبك...........
افترقنا واحترق لي الف خاطر,,,
والزمان اللي جمعنا اصبح غريب,,
في محبتنا ابتدى مليون عابر,,,
والله اعلم من معه ياقف نصيب,,,
كنت اظن الحظ شاطر كل جابر..
لاتعنى الفال يصبح له طبيب,,
اثره في جنح الجفا له وجه كاسر
طبعه مثل البحر في غدره عجيب,,
بس انا ويا الهموم ووعد باكر
فاقد حبي ولي قلب عطيب
ذقت من دنيا عقيمه سيل ظافر
شاب عمري والهوى بي مايشيب
من عرفت العد واشكال المساطر
ملتو حظي ولايمكن يصيب
دامي نبضه كما طعن الخناجر
لااتسم بالغدر جرحه مايطيب
زاد صبري الله يصبر كل صابر
اسالك يارب دعواتي تجيب
في يديك اقدار يااول واخر
يارحيم ارحم وافرجها قريب
ابتلى قلبي وهو بالحب طاهر
في حبيب كااان لجروحي طبيب.....

ام وليد انا ابي افهم اللحين انتوا ليه قالبين الوجه علي؟
وليد بصراخ عالي عاجبك يعني اللي سويتيه اليوم؟
اروى بانفعال يمه انتي مو من صدقك...كذا تخلينه يتشمت بوليد....يمكن يكون وليد فاشل بس مو معناته انه يفشله كذا وقدامنا...
ام وليد انا بروحي مو فاهمة ليه سوا كذا!!
وليد بانفعال وصراخ اكبر انتي اصلا مدري شلون تفكرين؟قايل لك انا ابي اشتغل؟شاكي لك حالي؟
ام وليد بعصبية وعاجبك كذا وضعك ياحظي؟لاشغل ولامشغلة؟
وليد أي عاجبني!!
ام وليد بصراخ أي طبعا عاجبك تقعد لي مثل الحريم في البيت اكل ونوم وراتب مايوقف كل مابغيت عطيتك من ورى ابوك؟
اقعد قضي لي عمرك سهر وطلعة ودخلة مدري لمتى؟لين تكبر وتعجز ياحظي؟
وليد أي...
ام وليد ووجعة ان شاءالله....يعني مو من قلليل عيال العراقية يكسبون قلب ابوك وانت تبتعد يالعاقل ...اذا بتظل على ها الحركات عمرك مابتفلح؟لابتعرس مثل الاوادم ولا بتفتح لك بيت ولا...
وليد بصوت عالي وانتي مالك ومالي...حياتي وانا عاجبتني؟
ابو احمد بصراخ عالي قوم كفخ امك بعد ليش واقف؟؟؟
لفوا ثلاثتهم لاابو احمد اللي كان توه داخل.....
سكتت ام وليد علشان تنهي السالفة لان وجه ابو احمد كان متنرفز....
ابو احمد بتاْنيب قليل ادب......رجال شطولك شعرضك صوتك يعلى على امك كذا!!!
وليد بقهر ماقلت شي...
ابو احمد انت بتكذبني وانا سامعك باذني ترفع صوتك عليها؟
وليد بضيق هي بعد تسوي روحها ماتفهم الاشياء اللي تضايقني..
رفع ابو احمد يده وعطى وليد كف وقال بحرقة امك تسوي روحها ماتفهم ياقليل الادب يللي ماتربيت؟؟؟
هاذي امك لو شقالت لك تقول حاضر وتسكت....
اروى انسحبت بسرعة من المكان لاتدوش حالها ووليد اخذ نفسه وطلع...
ابو احمد بضيق مالت على ها الولد اللي ماعرفت اربيه...
ام وليد بنرفزة ريح بالك يابو احمد ماكو شي.....
ابو احمد قعد بضيق انا بس اخلص من اللي براسي بتفرغ له والله لااربيه من جديد وانتي حسك عينك تتدخلين بشي بيني وبينه؟
سكتت ام وليد وهي متضايقة..ماكان عاجبها ابو احمد يصارخ على عيالها وخصوصا وليد فما بالك بعد انه يرفع يده عليه هاذي مصيبة اكبر.....
ام وليد بتغير الموضوع وش اللي مضايقك اسم الله عليك؟
ابو احمد بتنهيدة العيال ياام وليد العيال.....
ام وليد ياحافظ شفيك انت.....العيال مافيهم شي شوفهم شزينهم؟
ابو احمد بنرفزة أي شزينهم بس ياحرمة....هالة واحمد تاعبيني؟
اعتدلت بقعدتها ومدام ان السالفة مو على عيالها...
ام وليد باستعطاف بعد هالة وتطلقت وفهمنا...احمد بعد عيني العاقل؟وش متعبك فيه؟
ابو احمد ماهو مقتنع بالعرس...اصلا من رحنا نتفاهم على العرس لين طلعنا ماكلمني ولاكلمة ولارد علي حتى يوم اكلمه؟
فتحت عيونها على وسعها منو اللي بيعرس ياابو احمد.....احمد؟
ابو احمد أي احمد...وش ناقصه عاد علشان مايعرس....كل شي عنده وقادر يعدل ليش مايتزوج؟
زادت ابتساماتها وقالت أي والله لازم يتزوج وهو بيظل على ها الريم العمر كله؟اصلا من بدايتها ماكانت تناسبنا بس انت غلطت ووافقت عليها....
ابو احمد اجبرني اوافق...شفتي حاله شلون صار يوم مارضيت ياخذها....قلت مالي الا اوافق عليها وامري لله شسوي بعد.....بس جا الوقت اللي لازم يعدل ويصحح غلطته بزواجه من ريم ويتزوج غيرها....
ام وليد وابتسامتها تزيد أي طبعا.......الا ريم درت انه بيتزوج عليها...
ابو احمد أي انا بنفسي قايل لها.....
ضحكت ضحكة شماتة وقالت ماعليك يوم انك رحت معه بيت العروس تتفاهمون الا بتقدر تسيطر على الوضع ياابو احمد...
ابو احمد انا مسيطر على الوضع كله لاتخافين اصلا هو بيوافق وراسه فوق رجله؟لانه اذا ماتزوج مابيشوف مرته مرة ثانية وهو يدري اني عند كلمتي....
ام وليد بشماتة الا يابو احمد انت خطبت له وماقلت لي....يمكن انا عندي بنات احلى من اللي انت اخترتها....
ابو احمد بارتياح لاتطمني هاذي مناسبة بكل مافيها.....وبنت مايحتاج...ماعليها كلام.....
ام وليد ريم وينها اللحين؟
ابو احمد ماهي هنا.....وماابيها ترد بعد اللحين....
ام وليد وين وديتها؟
ابو احمد رحلة سياحية حول المملكة من قدها بعد...الحساب مفتوح لها ولعيلتها؟بذمتك مو قدرها عالي ولاواحد ثاني يطلعها على حسابه؟
ام وليد لاطبعا؟هذا بس علشان يعرف احمد قدره وقدرها عندك شنو؟
ابو احمد بتنهيدة انا بس احسب حساب الايام الجاية....حساب ثمانية شهور قدام...
ام وليد بحذر وش معنى يعني؟
ابو احمد ريم حامل......
ام وليد بشهقة ريم حامل وقدرت تبعد احمد عنها؟ماجن جنونه؟
ابو احمد ادري فيه ماراح ينام ولايرتاح الا اذا قلت له أي شي يطمنه عنها....بس انا قاعد اخطط لشي اكبر...ابيها تولد واخذ الولد ومااردها اصلا لااحمد؟
ام وليد ؟؟؟؟؟؟؟؟؟؟؟
ابو احمد بنرفزة بس ماابي هالة تشوف الولد وينكسر خاطرها؟
فتحت عيونها بحذر وقالت وش يدخل هالة بولد احمد عاد ياابو احمد؟
ابو احمد بحزن ماابي خاطر بنتي ينكسر لاشافت الولد قبالها وهي عاجزة تكون ام مثل باقي البنات....
قالها وتندم انه قالها يوم شاف ام وليد فتحت عيونها على وسعها وكانها طاحت على كنز من زمان تدوره؟؟؟

مطلق بهمس طلقتها...
جراح باستغراب يمنى؟
مطلق قصر حسك.....شفيك انت بتفضحنا؟
جراح لا بس مستغرب منك.....
مطلق ليه؟
جراح لانها اكثر وحدة دامت معك.....
مطلق تنهد وماعلق...
جراح طبعا في شي بالطريق منت خالي؟
ابتسم مطلق وماعلق.....
جراح منهي؟
مطلق وبتكون بينا طبعا...
جراح اذا عندك شك لاتتكلم...
مطلق دارين....بنت العراقية؟
طاح فنجان القهوة من يد جراح وانتبهوا له كلهم ....
ام مطلق اسم الله عليك يمه...
كانت نظرات جراح ثابتة على مطلق اللي ابتسم بهدوء...
جراح بنرفزة خفيفة جنيت انت!!
مطلق لامن صدقي....
فاطمة عمي جراح مااحترقت؟
قام من مكانه وراح للمطبخ ولحقه مطلق وسط نظرات الكل...
يوم جت نسايم بتقوم وراهم ناداها ابوها..
ابو مطلق نسايم...
نسايم هلا يبى...
ابو مطلق وين رايحة؟
نسايم بروح اشرب مويه يبى...
ابو مطلق انتظري اخوانك يطلعون من المطبخ بعدين ادخلي...
نسايم وهي لافة تشوفهم من الصالة وش يسوون أي بس انا عطشانة يبى مقدر انتظرهم يطلعون؟
ابو مطلق بحدة اتركي اخوانك يتكلمون براحتهم عيب تنطين وتسمعين سوالفهم؟
نسايم بدفاع ومن قال عاد اني بسمع سوالفهم يبى؟
ابو مطلق بحدة مدام مابتسمعين سوالفهم انثبري مكانك ...
نسايم بنرفزة انا راكبة غرفتي اصلا؟
قالتها وقامت فوق وسط قهرها...
ابو مطلق احسن بعد...
ام مطلق وش عندك انت عليها...
ابو مطلق ماشفتيها بتموت علشان تسمع سوالف اخوانها؟يبى شباب ذولا مايقدرون حتى يتكلمون باسرارهم مع بعض الا ولزقت بنتك اذنها تتسمع وش عندهم؟لمتى عاد؟
تنهدت ام مطلق وسكتت,,,,,
********************في المطبخ,,,
جراح بنرفزة مالقيت الا بنت العراقية؟
مطلق بدفاع لاتفهمني غلط ياجراح...انا فعلا منجذب لها بقوة؟
جراح منجذب......ها الكلمة وها الشعور لازموك مع كثير غيرها؟
مطلق لا........هي غير صدقني غير...هي قاعدة تعطيني مشاعر اول مرة احس فيها؟
تنهد جراح ولف وجهه للجهة الثانية,,,
مطلق ادري وش شعورك....بس انا قلت لك من قبل...انا ماحبيت هالة ابدا....
انا هالة ظلت عالقة بذاكرتي....من الصغر...وكنت ااتوقع واعتقد ان في شي يجذبني لها بس اكتشفت ان الشعور اللي احسه ناحيتها ابدا ماهو حب ولااعجاب....
انا مابنجذب لدارين واختها في بالي مو لهدرجة عاد؟
انت تحب هالة ومنت قادر حتى تعترف لنفسك بها الشي ليه مدري؟كاهي تطلقت روح صارحها وش تنتظر....انها تتزوج ثاني وتروح من طريقك؟
تنهد جراح وماعلق...
مطلق انا احب دارين...اي هذا يسمونه حب.....اصلا انا من عرفتها حسيت اني ابي اقرب بناتي مني اكثر علشان لاحبتني تدري ان عندي بنات وانهم بيكونون معي وقت اللي استقر....
كان مطلق يتكلم وجراح باله رايح لبعيد....
لعند اللي تطلقت....ولعند اخوه اللي كان مفكر ان للحين يحبها؟
كان عارف ان مشاعر مطلق مو صادقة ناحيتها...بس ساعات يقول يمكن انه تزوج علشان ينساها رغم ان مطلق دايم يقول له انه مايحبها بس ماهو مقتنع.....
بس اللحين ماهو عارف شيسوي....
هل ممكن ذيك اللي تطلقت تحس فيه وبمشاعره؟؟؟
عيونه بس كانت تقول اللي لسانه يعجز ينطقه,,,
والله مدري ليه ضايق ومخنوق...واحس به نبرة بكا في كلامي
لالاتهيضني على الدمع ياموق,,,ادنات والله مايمطر غمامي
ياعين كانه دمع هليه ول..فوق,,,,ماودي اشعر بانكساري امامي
الليل كله لين صافحني شروق...وانا الليل ها الصباح...بظلامي
كل السما رعد وبكاءات وبرق...حزن تزبر في سماي امترامي
بشويش تكفه لامس الجرح برفوق...كذبه تراها ضحكتي وابتسامي
ثوب الفرح ياسيد الهم مشقوق...شفها تراجف من لبسته عظامي
شفني نخل كلي عذابات وعذوق...لالاتهز ..ولاتطير حمامي!!

بشاير بهمس احمد ربك انها عدت...
مشاري تنهد...
بشاير يمكن انها خيرة ان احنا ماشفنا بعض....ربك انقذنا باخر لحظات,,,,
يمكن كنا بنروح فيها لو طلعنا مع بعض واحنا ماحسبنا حساب لها الشي....
مشاري بتظلين بس تلومين؟
بشاير بهمس مشاري...شوفتنا كانت غلط؟والحمدلله انها ماصارت؟
مشاري بتعب بس انا احبك...
بشاير تنهدت....
مشاري لاتسكتين قولي شي؟
بشايربالم اللي بقوله بيتعبنا اثنينا؟
مشاري لاتقولين نترك بعض....بشاير انا مو قادر اعيش بدونك فاهمة ها الشي؟
تنهدت بشاير وماردت عليه كانت تبكي بصمت...
مشاري طيب لاتركنا بعض..بنقدر على ها الشي؟اذا انتي تقدرين ترى انا مااقدر....
انا موتي في بعادك يابشاير...
والله لو تبعديني عنك اجي ابكي عند باب بيتكم ليل نهار لين تلينين ويحن قلبك وترجعين لي؟
بشاير بانفعال من بين دموعها ومريم؟
مشاري بطلقها؟
بشاير بصدمة شنو؟
مشاري مستحيل نعيش مع بعض؟
بشاير بخوف لالالالا...مشاري اتركني انا ماابيك خلاص ..بس لاتطلقها انا مالي شغل...
الفراق اريح لي ولك...
مشاري بتعب بشاير....

يتبع ,,,,

👇👇👇


تعليقات
    حجم الخط
    +
    16
    -
    تباعد السطور
    +
    2
    -