رواية احبك لين تنزلني أيادي الناس في قبري -3
وصلنا خوالي بييتهم وشلت ملاابسها ورديينا البييت..دشيينا انا وخولة الصالة ..امي ويدتي ام ابووية كاانوا يتعشوون (يدتي ام سالم)
عليا وخولة: السلام علييكم
ام حمدان+ام سالم: وعليكم السلام والرحمة
ونحن رااكبيين فووق خولة تقولي: هههه اول مرة تسلميين شراات الناس
عوييت بوزي: مافييه تناازعني هالعيوز(اقصد يدوو)
دشييييينا حجرتي خذت لي شووور..لبست بيجامتي ..حسيت اني مخترشة من الخااااطر
عليا: خوولة شوو رايج نرقص
خولة: انا فييه رقااد سوي اللي تبيينه "ورقدت"
مالت علييها الدبة ما تشجع الوااحد موول بس ماعلييييه منها..شغلت اغنية شيرين "انا في الغراام" وعليييييت ع الصوووت ..وتمييت ارقص
فجاة دشت عليييه يدو: انتي ما تستحيين مسودة الوييه ترقصيين هاا ما علييه ان ماخبرت عليج اخوج
عليا: يدو حراام والله
ظهرت يدو ما سوت لي سااالفة
صدييت صوب خولة اشوفها وااعية ومظهرة لساانها: وييييييييييييو
فرييت علييها مخدة
دشت عليييينا ماما : عندي لكم مفاجاة
عليا: شو ماما قوولي
ام حمدان: بعد ملجتج انتي وراشد بيوووم بنساافر لندن كلناا
عليا: واااااو كششخة اخييرا بنساافر..انزييين وعموو نورة بتسافر ويااانا
ام حمدان: عمتج نورة يمكن بس عبيير بتي وياانا
عليا: مالت
ام حمدان محرجة: عليا عييب علييج بنت عمتج هااي..يلا تصبحوون على خيييير
عليا+خولة:وانتي من هله
بعد 3 اساابييع
يوووم ملجتي
يتني حرمة الصاالون مكيجتني وسوت لي تسرييحة رووعة
وع الساعة 7 ونص لبست فستااني كاان لوونة فوووشي وعليييه اشياا بالفضي ومسكتي كااانت غرييبة فدييتها اميي هي مسااعدتني ف كل شي
الساعة 10 طلعوووووووني على اغنية راشد الماجد "البدر"
وصلت عند الكووشة وتصورت ..يت خوولة وسلمت علييه وبعديييين امي حلييلها صااحت وكنت بصييح ويااها
خولة: لا تصيحيين عليا بيخترب المييك اب
شوي ويتني عبييير كانت لابسة فستاان بلوون ذهبي
عبيير: مبرووك
عليا: الله يبارك فيج
مالت علييها تصورت وياااية بس ما قدرت اقولها لا
ع الساعة 12 يتني امي وقاالت لي رااشد بيدش
عليا: لا اميي قولي له ما يدش مااابا
ام حمدان: لا تسوويين لنا فيلم وتفشليينا
اهئئ ماباااااا استحي
دش رااشد وكااااان كاااااااشخ ..بااسني بيين حيااتي ..قفطت واااااايد
راشد: مبرووك حبيبي
ردييت علييه وانا مستحية: الله يباارك فييييك
يت عبيييير صووبنا اونها بتارك حق رااشد ماالت علييها
سلمت على راشد بالايد: مبرووك راشد
راشد: الله يباارك فيييييج
انقهررت لييش يلمس اييدها
قاالت لنا اميي نرووح الميلس عسب نتصور
والحرمة تقول حق رااشد بووس رااسها وبووس خدها وشلهااا واحظنها...واايد استحيت وراشد مب مصدق
وبعد ما خلصت الحرمة..يلست ويا راشد في الميلس
راشد: احبببببج موووت
عليا:...............
راشد: عليا احببببج وااااايد
عليا........
راشد: ههههههههه بتميين سااكتة يعني يلا برووح البييت
عليا: تييييك كير عمري ولا تسرع اوكييه
راشد: لا بسرع عشان امووت
عليا تصاارخ: ان قلت هالكلام مرة ثااانية يا ويلك
رحت حجرتي وانا محرجة علييه ليش يقول هالكلام يقهر
تسبحت ولبست بيجاامتي واتصلت فييه عبيير قلت برد اشوف شو بتقولي هالمرة
عبير: هلا
عليا: اهلين..خير اامري بغيتي شي
عبير: لا حبيبتي بس بغييت اسال اشحالج وياا راشد
عليا: انتي ما يخصج انزيين ولاتييبين طااري رااشد ع لساانج
صكييته ف ويهها..بروودها مخوفني
اليــــوم الثااني
الساعة 1 الظهر
اتصل فييه رااشد
راشد: هلا وغلا
عليا :.......... "زعلاانة يوم قالي بسرع عشان اموت"
راشد: حبيبي والله كنت اتمصخر ويااج
عليا: اوعدني ما تقوول هالكلام مرة ثااانية
راشد: اوعدج والله
عليا: زيين..تدري اليوم بنتيمع ف بييت يدي بتي؟
راشد: هييه اكييييد
عليا: اوكيييه انا برووح اتزهب ناو
راشد: انا بعد يلا حياتي بااي
عليا: بااي
رحت تلبست كل شي بلوون احمر<<احم يحق لي عرووس
دشت عليه امي: عليا انا برووح اترياج ولا
عليا: لا ماما انا بتاخر شوي لين اجهز بغيت اكشخ تووب
ماما: هههههه حق منو
عليا مستحية: حق محد
ع الساعة 2 ونص وصلت بييت يدي كنت انا ااخر وحدة ..وكانوا يتغدوون كنت ادوور على رااشد..شفت عبيير يالسة عنده
انقهررت واااااااااااايد ..وصل لي مسج من عبير كاتبة"بعدج حبيبتي ماشفتي شي والله بذبحج من القهر"
انتهى الباااارت
شو رايكوو؟
الجـزء الرابع
ع الساعة 2 ونص وصلت بييت يدي كنت انا ااخر وحدة ..وكانوا يتغدوون كنت ادوور على رااشد..شفت عبيير يالسة عنده
انقهررت واااااااااااايد ..وصل لي مسج من عبير كاتبة"بعدج حبيبتي ماشفتي شي والله بذبحج من القهر"
ظايقني هالمسج حييل
طاالعني رااشد وحس اني متضاايقة بس حااولت قد ماقدر اني اكوون عاديية
ام جاسم : عليا فدييتج تعاالي بلز لج عسب تيلسين عند رييلج
(راشد كاان ياالس بيين امه وعبيير)
راشد معصب: لا امي انتي خلج مكاانج غيييرج اللي لازم ينش لأن مكاانهم غلط
(يقصد عبييير)
عبير ببرود:بخلص اكلي وبنش
الريم مقهوورة:زيين يوم عرفتي عمرج
قلت وانا معصبة : مابي اتغدى شبعاانة..عن اذنكم بروح الصالة الثااانية
رحت هناك وشفت خولة تشوف التيفي وشكلها تشوفه وهي ف عااالم ثااني ..ييييت من ورااها وزيغتها
عليا: بوووووووو
خولة زاايغة:الله ياخذج زيغتيييييني والله انج عقييتي قلبي..حمارة
يلست وسوييت عمري زعلاانة: انا تووني عرووس وتقوليين لي جي
خولة تحظني: احلى عرووس
عليا بخقة: ثااانكس سويتي
خولة: مادانيج يوم تخقييييين
عليا: اوكي ماعلينا من الخقة الحيين..توج ف شو كنتي سرحانة؟
خولة مب حااسة بعمرها: في غيره اخووج
عليا: هاا تحبيين حمدان من ورااية
خولة محرجة: بسم الله عليييييه..الله لا يبلييني بهالوحش
عليا: عيل سلطوون
خولة: لا فدييتج ثلج جمااد ما بغيينا
عليا: عيييل حمااني فدييت رووحة
خولة: جب ريلي لا تتفديينه
عليا: هههههههههههه بديينا نغاار..اخويية انزيين
سكتنا لان الريم وجاسم وعبير وراشد ويدتي
راشد يا صووبنا ويرمس خولة: نشي رووحي يلسي هناااك
خولة تستهبل: ليش
راشد: شو ليش بعد بغييت ايلس عند حرمتي فدييتها
خولة : ما بنش لين عليا تقول لي نشي
عليا: نشيي
خولة تنش من مكانها: مالت علييج انزييين
راشد وهو ييلس عدالي: جب لا تغلطيين ع حرمتي مفهووم
عليا بدلع: فدييت قلبك حبيبي
ماااادري كيف تجرات وتفدييييته بس سوييت جي عسب اقهر عبيير ولاني اعرف اذا دلعت رااشد بيستانس وبيحبني اكثر واكثر
راشد يحط رااسه ع جتفي:فدييييت اللي يتفدووني والله
ام خلييفة: اييه رشوود مسود الوييه شو هالحركاات
راشد: عاادي حرمتي وبعديين انا مب اسود
ام خليفة: ولو عييب انتو بس مالجيين
الريم: ههههههههه يدو فدييتج نفس الشي
جاسم يقلد رااشد ويحط راسه ع جتف الريم
الريم نشت من مكانها
جاسم: افاا
راشد: وييييييو حرمتك ما تحبك
جاسم: اوييه جوفي يقولون انج ما تحبييني
الريم: هيه ماحبك عفتك
جاسم: ول خييبة شو مسوي
الريم: كل ما قلت لك ودني السوق ما توديني
جاسم: بس اول امس كنت بظهر ويا ربعي قلت لج ما بوديج خلييتييها دووم حليلي دومج ظالمة انتي
الريم: مابي نش الحين وودني السوق
جاسم: آآه خلاص ان شاءالله وين تبين تروحيين
الريم: بغيت الوحدة موول
جاسم: لااا اختاري لج مكان في الشارجة بوديج صحارى
الريم: مابا ودني الوحدة يعني الوحدة
جاسم: خلاص اوكيه...
عليا: ريموو لا تنسيين تتشرين حق السفر ماشي وقت باجر الساعة 2 الظهر طيارتنا
الريم: هيه زين ذكرتيني
خولة: راشد بيي وياكم
راشد: لا فدييتج روحي ويا جاسم بغيت تظهر ويا علاية بروحنا
جاسم: ماعلييه تعالي ويانا
خولة: اوكيي
عبير: وانا؟
عليا: انتي خلج في البييت احسسن لج ..يلا رااشد ماشي وقت
رحت الصالة الثانية وقلت حق امي اني بظهر ويا رااشد
في السيارة:
عليا: راشد بعد ما نخلص من برجماان بنروح صحاارى
راشد: شو تبين من صحارى
عليا: بنلعب العااب
راشد: ههههه انتي كيفج بس انا مب يااهل
عليا بدلع: انته ما تحبني انا خااطري العب ويااك
راشد: خلاص والله من عيووني
وصلنا برجمااااااان واتشريييينا حق السفر ملابس شتووية
وبعد ما خلصنا رحنا صحاارى ولعبنااا العااب وكلها العاب تخووف ومن الزيغة كنت احظن رااشد
وهو مستااااانس من الحركة..بعد ما خلصنا
راشد: ههههههه خوافة انتي اونه رااشد اباا مااما
عليا قاافطة: جب انزيييين انا ما قلت
رحنا تعشيينا وبعدييييين رحنا صوب السياارة
في السيارة
حسيييت رااشد سرحاان
عليا: حبيبي ف شو سرحاان
راشد: ماشي عاادي
عليا: والله تقوول
راشد : بس لا تزعلييين اوكيييييه
عليا:الله يستر قوول
راشد: احس عبييييير كااسرة خااطري حرام ياريت لو شلييناها ويانا كيف بتتشرى حق السفر
عليا بعصبية: مب لاازم
راشد: لا عليا حطي نفسج مكانها
عليا: مابحط نفسب بمكان حد
راشد: خقاااقة انتي
عليا: هييييه كييفي
تضاايقت من رااشد لهالدرجة يفكر فيييها مالت علييها
دشيييييت البييت وحصلت الريم رااويتها اغراااضي ..الساعة 12 ونص اتصل بها جاسم وقال لها ترد البييت
ورحت انا حجرتي خذت شور ولبست بيجااامتي وحااولت ارقد بس طول الوقت افكر شو بيستوي بااجر يوم بنساافر
...رحت وجهزت شنطتي ..وشفت التيييييييفي وحاولت ارقد بعد مايااني رقاد من التفكير كنت افكر ف كلام رااشد
نزلت تحت وشربت لي كووفي ..حصلت امي قلت بيلس وياها شوي ليين اييني رقاااد..احب اسولف ويااها احس اني اسولف ويا ربيعتي مب امي
ام حمدان: ها علاااية بعدج ما رقدتيي
عليا: مافييه رقااد ملل
ام حمدان: ليش بشو تفكريين
عليا: ماادري احس اني متضاايجة مادري لييش
ام حمداان: زيين ماعلينا..وين رحتي اليوم ويا رااشد
عليا: رحنا اول شي برجماان وتشريييييينا وبعديييين رحنا صحاارى ولعبنا العااب
ام حمدان: ههههههه حسبي الله علييج خليتي يلعب ويااج؟
عليا: هييي هههههه كشخة والله
ام حمداان: والله انتي حركاات..اللي يجووفج يقوول عااقلة ماايدرووون انج يااهل وبعدج ترووحين تويز ار اص
تتشرييين العااب
عليا: ايه ماما لا تقوليييييين حق راااشد والله بيتم يلعوزني
ام حمدان: هههههههه ان شاءالله مابقوله
عليا: انزيييييين ماما صدق عياال خالو ساارة وشيخة بيسافرون ويانا؟
ام حمدان: هييييه ويانا
عليا: كشخة ونااسة
ام حمدان: يلا عيل رووحي ارقدي عسب تنشيين باجر
عليا: ان شاءالله امي تصبحين على خيير,,
ام حمدان: وانتي من هله
بستهاا ع خدهاا ورحت حجرتي ورقدت
الساعة 8 يت امي توعيييني نشييت تسبحت ..وفجييييت الكبت اشوف شو البس
لبست تنوورة جيينز قصييرة علييها اشيا بالاسود والوردي وقميص هااي نك وردي وبوت وردي.. وعباة وشييلة طقم
حطييت مييك اب..شلييت شنطتي ونزلت تحت
احسسس اني واايد مستانسة من هالسفرة خصووصا ان نص العائلة بتساافر
ع السااعة 9 رحت بيت يدي لأن من هناك بنرووح المطار..بس بعده محد كاااان يااي..شفت يدتي وعمي سيف في الصالة سلمت علييهم
وشوي دشوا حمدان وسلطان وعبدالرحمن
رن تلفوون حمداان وشكلها وحدة من هالخاايسات اللي تكلمة
رد علييها بصوت وااطي وقالها بكلمج بعديين حبيبتي وصك ف ويهها
ام خليفة: منو تكلم حمدان
حمدان بصوت واطي: شو بيفكنا من صدعة العيووز الحييين
ام خليفة: شو تقول عل صوتك عسب اسمعك
حمدان: فدييتج ها ربيعي
ام خليفة: كيف وانا سامعتنك تقولها حبيبتي
حمدان: اووه انا قلت حبيبتي..
ويصد صوب عمي سيف: عمي حبيبي انا قلت حبيبتي
سيف: ها..لا لا ما قلت
ع الساعة 11 تيمعنا كلنا ورحنا صوب المطار
الجــــــزء الخامــــــــس
لنـدن
8 الصبح
كنت يااالسة ف البلكووونة ..الجو روووعة..احس بنستااانس بس اللي مضايقني ان ابويية وامي مب ويااانا مادري ليش
هونوا على اخر لحظة
رن تلفووني وكانت خولة تقولي انزلي تحت ف الكوفي الشوب هي وراشد وعبير وعياال خاالتي
امم عيال خالو حصة
عبدالعزيز 21 سنة ها صديق الطفوولة داارس وياااية (كنا ف مدرسة خااصة يعني شباب وبنات نفس الكلااس) احم عزوز كاتم اسرااري..بس طبعا هو شراات اخوااني
فاطمة:20 سنة ..هاااي دومهااا سرحااانة الناس ترمس وهي ف عاالم ثااني ...ههههههه مادري وين مخهاا بس هي واايد وياي انا وخواالي
توامها سعيد 20 سنة خريييش وموول ما يسكت
لبست بنطلون جينز وقميص فوشي طويل لين الركبة ولبست شيلتي وحطييت ميك اب بلوون فووشي
رحت الكووفي كلهم كانوا موجودييين الا راااشد..يلست بين عبدالعزيز وفطوم
عليا: خواالي ويين رااشد
خولة: الحييييين بيي
سعيد: تولهتي علييه؟؟
عليا مستحية: اييييييييه جب
خولة: هههههه حرام علييييكم البنية مستحية ..احمرت
عزوز: شو ماحمرت واخضرت واصفرت..ههههههه اشارات مروور بنت خاالتي..كفج عليوو(ضربنا كف بالايد)
فهالوقت ياا رااشد حسييييت به محرج وفهمت من نظرااتة يقولي نشي من مكانج
طرش لي مسج كاتب لي فييه
شوو مستاانسة ماخذة رااحتج ويا عزوز..اذا ما نشيتي من عنده الحيييين بييج شي بتندميين عليه طول عمرج
رديت عليه بمسج
سو اللي بتسوييه لا تيلس تهددني
نش رااشد ويلس عند عبييير وتم يسوولف ويااها
انقهررت وااايد ونشييييت من مكااني: عن اذنكم
سعيد : شو عليااا مليتي منا
عليا: لابس تعبانة
سعيد: في حد يتعب وحبيبه ويااه
عليا: حبيبي لقى غييري
رحت فوووق بدلت ملابسي ورديييت ايلس في البلكووونة
وشفتهم يالسيين في الحديقة اللي في الفندق
شفت رااشد يضحك ويسوولف ويا عبير ومااخذ رااحته واايد
نزلت دمعتي ومسحتها ...فتحت السدة وشلييت قصة "عيناك يا حمدة"
للكاتبة: آمنه المنصوري
قصة روووعة بمعنى الكلمة....تذكرت رااشد وتميت اصييح
صدق اني غلطانة يوم يلست عند عزووز بس لو راشد كان قايل لي نشي باسلوب زيين جان ماعاندته لكنه هددني
دشوا علييه فطوم وخولة..ويسلو حذاالي
فطوم: عليا تصيحين؟
عليا تمسح دموعها: لا ماصيييييح على شو اصلا
خولة: عليا يولون محد يستاهل تصيحيين عشانه هالايااام...ماعليه انا براويهم عبير واايد تقهر كله تلصق ف رااشد
عليا : ماعليه خوولة هو مرتاح جي
خولة: شو مرتااح؟ وانتي بتمييين جي تجوفييينهم
عليا:......(ساكته)
فطوم: ع فكرة علااية تراهم يالسيين في الحدييقة برووحهم
عليا معصبة: ما عليييه انا براااوييهم
حطييييت الشيلة ع رااسي وظهرت من الحجرة وفطوم وخولة ورااية
خولة: شوبتسويييين علياااا ردي
عليا مسوية طاااف
رحت صوب الحديقة
عليا: راشد
راشد: نعم
عليا: راشد طلقني
راشد: مينونة انتي اطلقج مب ع كيفج ويلا رووحي فووق لاييج شي الحيين
عليا: شو بتسوووي يعني
عبييير:طلقهاا وفكناا
عليا:انتي جب ولا تتدخلييييين
راشد: عليا اسكتي وروحي فوق بسرعة
عليا: ما برووح فووق شو بتسوي يعنيي
يااا رااشد وصفعهاا بالقوو
كنت بصييييييح يودت عمري وقلت له: ثانكس رااشد
ورحت فوووق وكان رااشد يزقرني وكلهم يو وراااية لكني صكيت الباب
يلست ع الارض تمييت اصيح عمري ماتوقعت ان رااشد يمد ايده عليييه
رن تلفووني وكااان رااشد
عليااا تصاارخ وتصييييح (الللي يشووفها يقوول مينونة)
فريييييت تلفووني بالقو ع اليدااار
دشت خوولة وحظنتني
عليا تصيح:جفتيي رااشد شو سواا..هو ليش جي يعااملني انا شو سويييت له
خولة شوي وبتصييح: ما علييه علاية هو ما يقصد
تمييت خوااالي تهدييني ليين رقدت
ع السااعة 9 المغرب نشييت بس من سمعت صوت رااشد غمضت عيووني على طوول
خولة: رااشد خلها رااقدة والله ماصدقت انها تهدى
راشد: قلبي معورني عليييييها
خولة: ليش سوييت جي رااشد
راشد: مب قصدي والله بس هي نرفزتني
خولة: مب منك من اللي تارسيين مخك
راشد: تقصدين عبير؟
خولة: هيه في غيرها
راشد: المهم خولة انا بظهر ومن تنش خبرييني فديييتها والله محد يسواها
ظهر رااشد
آآه والله اني احبببببه حييييييييل بس مشكلته يوم يعصب ما يجوف حد جدامة
فتحت عيووني
خولة: مساا الخيييير
عليا : مسا النووو
دشييت الحمام "عزكم الله" تسبحت وتغسلت ..لبست برمودا ابيض وبدي مخطط ابيض وسماوي..
شفت خولة تشوف التيفي
خولة: عليا راشد
قاطعتها: سمعت كل شي
خولة: تراني اتصلت به وهو الحيين ياي
عليا: انا بنزل تحت
خولة: حراام عليج علااية والله ان رااشد يحبج
عليا:......
سمعت دقة البااب..فتحت الباب وكاان رااشد
ما سوييت له ساالفة رحت ويلست ع القنفة
خولة: انا بخلييكم
ماعطتني فرصة اتكلم ظهرت بررع
كان خااطري اصفعها والله ..افف نحن برووحنا وانا مستحية
راشد: عليا انا اسف
عليا: اصلا ماستوى شي
راشد: لا استوا ..والله عليا انا مادري كيف مدييت ايدية علييييج ..ما حسييت بعمري
صحت ماقدرت ايود عمري ..يا راشد وحظني
راشد: عليااا لا تصيحييين ..والله ما تهوونيين عليه..قلبي يعوورني يوم اجوفج تصييحين
عليا ببرائة: راشد انا احببببك لا تخليييني
راشد: انا موووووت موووت احبببببببببج
عليا: وعبيير؟
راشد: والله ما تسواااج محد يسوااج اصلا انتي شيخة البنات
عليا مستحية
نشيييت اغسل ويهي وحطييت ميك اب عسب مايبين اني صاايحة
راشد: يوعاانة حيااتي
عليا: مابا
راشد: جب مب ع كيفج خولة تقول من الصبح مب ماكلة شي
عليا: مابا راشد
راشد: علاية عشان خااطري
عليا: زيييين
راشد: يلا تلبسي شي مطعم قرييب من الفندق بنرووح له
عليا: اوكي بقول حق خولة وفطوم يتزهبون
راشد :اييه بروحنا بسس انا وحرمتي اونلي ما نبا حد يخرب عليينا
عليا قاافطة: انزيين يلا اظهر ابغي اتلبس
راشد: لا ما بظهر
عليا: طفس اظهر
راشد: ههههههههه اتمصخر وياج والله..ظهر رااشد وتلبست انا
وصلنا المطعم وتعشيييييينا ورحنا نتمشى شوي...
راشد: شو راييج نروح الكوفي اللي ف الفندق
عليا:اذا رحنا الكوفي بتذكر اللي صاار اليووم
راشد: لا دخييلج مافييه تتذكريين وتكرهييييني
عليا: ههههههههههههههه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك